Get Movies From Mediafire Links

7:55 PM Leave a Comment


ဒီတစ်ခါတော့ စကားတွေ အများကြီး မပြောတော့ပဲ တန်ဖိုးရှိတာလေးတွေ တစ်ခါတည်း ပေးလိုက်ချင်ပါတယ် - ဒါပေမယ့် မေးခွန်းလေး တစ်ချို့တော့ အရင်မေးလိုက်ပါရစေ -
  • မိသားစုဝင်များ အားလပ်ချိန်မှာ ဗွီဒီယိုကားကောင်းတွေ ခံစားကြည့်ရှုရင်း အပန်းဖြေဖို့ စိတ်ကူးလေးများ ရှိပါသလား ??
  • Premium acc မရှိလို့ ကြည့်ချင်တဲ့ ဇာတ်ကားရဖို့အရေး မိနစ်လက်တံ ထိုင်ကြည့်ပြီး Uploading Site ရဲ့ မျက်နှာစာမှာ သက်ပြင်းခဏခဏ ချနေရပါသလား ??
  • ယက်ကန် ယက်ကန် Connection မှာ ချလိုက် ပျက်လိုက် Reload လုပ်လိုက်နဲ့ ဇာတ်ကားကြည့်ဖို့ ဘယ်တော့မှ Download မချတော့ဘူးဆိုပြီး လက်လျော့ချင်နေပြီလား ??

အဲ့လို ခက်ခဲနေသူတွေ အတွက် ဖြေဆေး ရှိနေပါပြီ - ကောင်းပေ့ ညွန့်ပေ့ ဇာတ်ကားတွေကို ပြိုင်စံရှားတဲ့ Quality တွေနဲ့ Mediafire Links တွေကနေ တင်ဆက်ပေးထားတဲ့ ဆိုဒ်ကောင်းတစ်ချို့ အကြောင်း ရှာဖွေ စုစည်း တင်ဆက်လိုက်ပါတယ် -




ရည်ရွယ်ချက်

( ၁ ) ဖိုရမ်မှာဖော်ပြထားသည်ကို တွေ့ရှိရသော်လည်း အကြောင်းအမျိုးမျိုးကြောင့် Links ပျက်နေသော မိမိကြည့်ရှုလိုသည့် နိုင်ငံခြားဇာတ်ကားကောင်းများအား လွယ်ကူစွာ Download ရယူနိုင်စေရန် -
( ၂ ) အချိန်နှင့် တစ်ပြေးညီ နောက်ဆုံးထွက် နိုင်ငံခြားဇာတ်လမ်းကောင်းများအား Quality ကောင်းကောင်းဖြင့် ကြည့်ရှုခံစား သိမ်းဆည်းထားနိုင်စေရန် -
( ၃ ) မိမိသိရှိထားသော Movies Download - Websites ကောင်းများအား မိသားစုဝင်ချင်းချင်း ပေါင်းစု မျှဝေနိုင်စေရန် -

မှတ်ချက်

ဖော်ပြထားတာတွေ အပြင် တစ်ခြား Websites ကောင်းတွေလည်း ရှိပါလိမ့်ဦးမယ် - ကျေးဇူးပြုပြီး ဒီနေရာလေးမှာ မိမိတို့ သိထားတဲ့ နေရာကောင်းလေးတွေ စုပေါင်းမျှဝေပေးကြဖို့ တိုက်တွန်းပါရစေ -

မောင်ဇင်။

Marine Engineering Ebooks

8:56 PM Leave a Comment
စာရေးချင်စိတ် မရှိလို့ အသုံးလိုသူ အတွက် အကျိုးရှိစေမယ့် စက်ထဲက Marine Engineering စာအုပ်လေးတွေ မျှဝေလိုက်ပါတယ် - Marine Engineer တွေ - ရေကြောင်းပညာနဲ့ အသက်မွေးဝမ်းကျောင်း အလုပ် လုပ်ကိုင်နေသူတွေ - Marine Engineering ဘာသာရပ်ကို သင်ကြားလေ့လာနေသူတွေ အသုံးတည့်မှာပါ -




001 Load Generation Strategy for Propeller Induced Pressure Fluctuations.pdf (1.9 MB) http://www.multiupload.com/CXVME1DSR7

002 Constraint Management for Marine Design Applications.pdf (677 KB)
http://www.multiupload.com/YYAJCG8I2U

005 Design Operation Regulation for Safety - SAFEDOR.pdf (400 KB)
http://www.multiupload.com/VCPB2W1TA9

Advanced Gas Turbine Cycles.pdf (5 MB)
http://www.multiupload.com/MIMFZ6UXVF

AotS_Armed_Transport_Bounty_1787.pdf (13 MB)
http://www.multiupload.com/GU0QYMQH9F

AotS_HMS_Beagle_1817.pdf (67.5 MB)
http://www.multiupload.com/8KA5D7Y710

AotS_The ships of Christopher Columbus.pdf (135.2 MB)
http://www.multiupload.com/M13B02HEBP

AotS_Ship_Blandford_1739.pdf (45.2 MB)
http://www.multiupload.com/ORSXSWYD6U

AotS_Pandora_1778.pdf (60.1 MB)
http://www.multiupload.com/GCN21ERGUH

AotS_Essex_1799.pdf (116.5 MB)
http://www.multiupload.com/SRPQ3L5SX2

Basic_ship_theory_vol01-K.J.Rawson and E.C.Tupper.pdf (4.2 MB)
http://www.multiupload.com/1ZW0MDVGLN

Dictionary_of_Engineering-2E.pdf (5.5 MB)
http://www.multiupload.com/NIB10Q5U1C

DSTO-TR-1622.pdf (5 MB)
http://www.multiupload.com/CH53IWI0T4

Gas Turbine Engineering Handbook 2ed.pdf (10.3 MB)
http://www.multiupload.com/UICL0UFQJY

Guide to Ship Repair Estimates.pdf (1 MB)
http://www.multiupload.com/6SHTGQTAA0

IC engines.pdf (131.4 MB)
http://www.multiupload.com/R8UAGS5YW7

Intro_to_Naval_Architecture_3E.pdf (19.3 MB)
http://www.multiupload.com/LEWUK37MQU

Introduction_to_Marine_Engineering.pdf (34.6 MB)
http://www.multiupload.com/VP1AVG74CV

Marine_Structural_Design.pdf (14.1 MB)
http://www.multiupload.com/7BJLSKST6A

Merchant Ship Construction.pdf (57.1 MB)
http://www.multiupload.com/LLNIQCUNUY

P r a c t i c a l ship design.pdf (25 MB)
http://www.multiupload.com/4CX0SVRX61

Practical Ship Hydrodynamics.pdf (2.2 MB)
http://www.multiupload.com/J7DJJ7LZ5H

Principles of naval architecture I SNAME.pdf (28.9 MB)
http://www.multiupload.com/7EYGNOLPQ0

Ship Construction.pdf (17.1 MB)
http://www.multiupload.com/UPCL8083L0

Ship Design for Efficiency and Economy (Second Edition.pdf (1.7 MB)
http://www.multiupload.com/FOG63Z6NNW

Ship_Design___Construction.pdf (29.8 MB)
http://www.multiupload.com/1HU1YTVHG6

Ship_Stability_for_Masters_and_Mates_5E.pdf (5.7 MB)
http://www.multiupload.com/8D89HJE4CD

Standard Handbook of Petroleum & Natural Gas Engineering.pdf (32.5 MB)
http://www.multiupload.com/FUAXGF1L7Z

Tanker_Safety_Guide_Chemicals_published_by_International_chamber_of_Shipping.pdf (58.9 MB) http://www.multiupload.com/3Q0VQX677N

The Ocean Engineering Handbook.pdf (9.2 MB)
http://www.multiupload.com/QDX5ZO3NTI

The_Marine_Electrical__Electronics_Bible_Jhon_Payne.pdf (9.1 MB)
http://www.multiupload.com/BZWMK5GNZ8

Theory & Design of Air Cushion Craft.pdf (45.8 MB)
http://www.multiupload.com/EI1VG25ROI

Tribology in Machine Design.pdf (7.9 MB)
http://www.multiupload.com/SMAQXPFGUJ

KznT

Free Thinker

6:04 PM Leave a Comment
Free Thinker ဆိုတဲ့ Blog ထဲက Environmental 02 ဆိုတဲ့ ပို့စ်တစ်ခုကို အင်တာနက်ထဲမှာ ပို့စ်အတွက် အသုံးလိုလောက်မယ့် ပုံလေးတွေ လိုက်ရှာရင်း ရောက်ခဲ့တယ် -

Environmental 02 ဟာ ဆရာ အော်ပီကျယ် ရေးထားတဲ့ ကာတွန်းတွေကို ပြန်ဖော်ပြထားတာပါ - ဆရာ အော်ပီကျယ်ကို ဆယ်တန်းတက်တည်းက သူ့ ကာတွန်းတွေနဲ့ ရင်းနှီးခဲ့တယ် - ကျွန်တော့် ဆရာ ဦးတင်မောင်ဦးက သူ့ရဲ့ ဓမ္မဓိဌာန် စာအုပ်တွေမှာ ဆရာအော်ပီကျယ်ရဲ့ ကာတွန်းလေးတွေ အမြဲ ထည့်တတ်တယ် - ဘောင်မခတ်ထားတဲ့ အတွေးတွေကို ကြိုက်တယ် - သူများမတွေးတဲ့ ရှု့ထောင့်က တွေးထားတဲ့ ဖော်ပြချက်တွေကို ချစ်တယ် - အဲလို အတွေးမျိုးက သဘာဝနဲ့ ဆန့်ကျင်တာလည်း ဖြစ်ကောင်းဖြစ်မယ် - ကိုယ့် ပတ်ဝန်းကျင်မှာ ဘောင်မဝင်တဲ့ အတွေးမျိုးလည်း ဖြစ်ကောင်း ဖြစ်မယ် - အဆိုးဆုံးအခြေအနေ တစ်ခုမှာ လူတိုင်းက ကိုယ့်အတွေးကို လက်ညိှုးဝိုင်းထိုးတာလည်း ဖြစ်ကောင်း ဖြစ်မယ် -

အဲလို အတွေးတွေက လူတိုင်းအတွက် အကျိုးရှိချင်မှလည်း ရှိမယ် - မရှိချင်လည်း မရှိဘူး - အကျိုးရှိတယ် မရှိဘူးဆိုတာကလည်း ကိုယ့်ဘာသာ သတ်မှတ်လို့ မရဘူး - သူတို့တွေပဲ သတ်မှတ်ကြတာပဲ - အခု သူရေးထားတဲ့ အတွေးတွေကရော - လူတိုင်းအတွက် အကျိုးရှိနိုင်မလား ? တစ်ယောက်တည်း အတွက်လား ? အများစု အတွက်လား ? လူသားတိုင်း အတွက်လား ?








































































ဆရာ အော်ပီကျယ်ရေးထားတဲ့ ဒီ စကားတစ်ခွန်းကို အကြိုက်ဆုံးပဲ -

  မျိုးဆက်တိုင်းမှာ ပစ္စုပ္ပန်ထက် ပိုကောင်းတဲ့ အနာဂတ်ကို ဖန်တီးဖို့ တာဝန်ရှိသတဲ့  
တစ်နေ့နဲ့ တစ်နေ့ အင်တာနက်ထဲ စာလိုက်ဖတ်ရင် - ဟိုလူကြောင့် ဒီလူ့ကြောင့် - ဟိုလူမကောင်းလို့ ဒီလူမကောင်းလို့နဲ့ မြန်မာတွေ တစ်ယောက်နဲ့ တစ်ယောက် အချင်းချင်း လက်ညိှုးထိုးနေကြတာ နေ့တိုင်းတွေ့နေရတယ် - ဝါဒရေးရာဆိုတာ တစ်ယောက်နဲ့ တစ်ယောက် လက်ညိှုးထိုးနေယုံနဲ့ အဖြေထွက်တာမျိုး မဟုတ်ဘူး - ဒီလို တစ်ယောက်နဲ့ တစ်ယောက် လက်ညိှုးထိုးရင်း ဖြတ်သန်းနေကြတာ ဘယ်နနှစ်လောက်တောင် ရှိပြီလဲ - ပြန်စဉ်းစား ကြစေချင်တယ် - စကားတွေ အများကြီး မပြောပါနဲ့ - ကိုယ့်ကိုကိုယ် မေးခွန်းတစ်ခုပဲ ပြန်မေးကြည့်ပါ -

  ငါတို့ တကယ်ပဲ ပစ္စုပ္ပန်ထက် ပိုကောင်းတဲ့ အနာဂတ်ကို ဖန်တီးနေခဲ့ကြပြီလား ?? 
လောလောဆယ်တော့ အတွေးတစ်ခုကို မျှဝေခဲ့တဲ့ Free Thinker Blog က မျှဝေသူကို ကျေးဇူးတင်နေမိတယ် -

KznT.

Simplest Way To Regain Gmail Storage Space

7:26 PM Leave a Comment
ဒီအကြောင်းက အရင် ဖိုရမ်မှာရေးခဲ့ဖူးတဲ့ Did u need extra space in Gmail ??  နဲ့ ဆက်စပ်နေပါတယ် - မိသားစုဝင် တော်တော်များများက Gmail အသုံးများကြတာမို့လို့ ဒါကိုပဲ အလေးထားပြီး ရေးဖြစ်တာပါ - Gmail acc တစ်ခုတည်းကိုပဲ အရောရော အနှောနှော သုံးလေ့ရှိတဲ့သူ - သူငယ်ချင်း အပေါင်းအသင်းများတဲ့သူ - ဝင်ဖြစ်တဲ့ Websites တိုင်းမျာ acc လုပ်ရင် တစ်ခုတည်းသော Gmail ကိုသာ အမြဲပေးလေ့ရှိသူ - စာဝင်စာထွက် ပုံမှန် စစ်ဆေးလေ့ မရှိသူ - ဝင်သမျှစာကို ပုံမှန် စစ်ဆေး ဖျက်ဆီးလေ့ မရှိသူတွေ ဆိုတာ Gmail ကနေ ပေးထားတဲ့ Storage limit ကျော်အောင် သုံးနိုင်မယ့် သူတွေပါပဲ - 



Photo from ebooksmith.com

ဖော်ပြခဲ့တဲ့ အချက်တွေထဲက တစ်ခုခုနဲ့ ကိုက်နေလို့ ကိုယ်သုံးနေတဲ့ Gmail acc ရဲ့ Mail box ထဲမှာ ရှိနေတဲ့ စာတွေက storage limit ကို ကျော်လွန်ပြီး နောက်ထပ် ကိုယ့်ဆီရောက်လာမယ့် စာတွေက မလာတော့ဘူး - ကိုယ့်ဆီ တစ်ယောက်ယောက် က စာတစ်စောင် ပို့လိုက်ရင် ကိုယ့်ဆီ မရောက်ပဲ ပို့တဲ့ သူဆီပဲ ပြန်ပို့ခံရနေပြီ - စသဖြင့် အရေးပေါ် အခြေအနေ တစ်ခုမှာ ကိုယ့်ဆီ နောက်ထပ် ရောက်လာမယ့် စာတွေကို လက်ခံနိုင်ဖို့ အသုံးလိုတဲ့ စာတွေရော မလိုတာတွေရော ပြည့်နှက်နေတဲ့ ဒီ Mail box ထဲက စာတွေကို တစ်ခုချင်းစီ လိုက်စစ်ပြီး ဖျက်ထုတ်ပစ်ဖို့ကျတော့လည်း အချိန်က မပေးနိုင်တော့ဘူး - ဒါဖြင့် ဘယ်လိုလုပ်ကြမလဲ ?? 



Google က ပြောထားသလို Gmail Inbox အတွက် Extra storage space ထပ်ဝယ်ချင်ပါသလား - Google က Offer ထားတဲ့ တန်ဖိုးက သူပေးထားတဲ့ ဝန်ဆောင်မှုနဲ့ဆို တန်ဖိုး သိပ်မကြီးလှပေမယ့် ငွေကြေးတန်ဖိုး စီစစ်သုံးစွဲ ချင်သူတွေ အတွက် ကျော်လွန်သွားတဲ့ ကိုယ့် Gmail ရဲ့ storage space ကို တစ်ခြားနည်းလမ်း တစ်ခုနဲ့လည်း အလျင်မြန်ဆုံး ပြန်လည် ရယူ နိုင်ပါသေးတယ် - အဲတာကတော့ ကိုယ့် Mail box ထဲက ပမာဏ အများဆုံး ( ဝါ ) attachments အကြီးဆုံး ပါတဲ့ Mails တွေကို စီစစ်ရွေးထုတ်ပြီး ဖျက်ထုတ်ပစ်တဲ့ လုပ်ငန်းစဉ်ပါ -


ဖော်ပြပါ နည်းလမ်းက အပြောလွယ်ပေမယ့် Gmail acc ထဲဝင်ပြီး ထောင်သောင်းချီနေတဲ့ Mails တွေရဲ့ ကြားမှာ စာတစ်စောင်ချင်းစီ ဘယ်ကောင်က ပမာဏ အများဆုံး ( ဝါ ) attachments အကြီးဆုံး ဖြစ်မလဲ ဆိုတာ ရှာဖွေဖို့ ကျတော့ ခက်ပါတယ် - နောက်တစ်ခု ရှိသေးတာက Gmail မှာ ကိုယ့်ဆီရောက်လာတဲ့ Email messages တွေကို အရွယ်အစားကိုလိုက် ပြီး ကြီးစဉ်ငယ်လိုက် စဉ်ပေးနိုင်တဲ့ feature မျိုး မရှိသေးပါဘူး - တကယ်လို့ အဲလို အရွယ်အစားလိုက် စီချင်တယ် ဆိုရင် Gmail ထဲမှာ မဟုတ်တဲ့ တစ်ခြား Email clients မျိုးတွေနဲ့ လုပ်ဆောင်လို့တော့ ရပါတယ်  - ဒါပေမယ့် ဖော်ပြပါ လုပ်ဆောင်နည်းမျိုးက အဆင့်လည်း များသလို Email clients တွေနဲ့ ပတ်သတ်ပြီး သုံးလေ့သုံးထ မရှိသူတစ်ယောက်အတွက် အခက်အခဲ ရှိမှာ အမှန်ပါပဲ - အဲ့လို ကိုယ်ကိုယ်တိုင် လုပ်ဆောင်ဖို့ ခက်ခဲကြန့်ကြာမယ့် အခြေအနေ တစ်ရပ်ကို ကျွန်တော်တို့ ကိုယ်စား လုပ်ဆောင်ပေးမယ် ဝန်ဆောင်မှု တစ်ရပ် ခုချိန်မှာ ရှိနေပါပြီ -




Gmail Messages များအား အရွယ်အစားလိုက် ခန့်ခွဲခြင်း

ဘယ်နည်းတွေ ဘယ်လောက် ခက်ခက် - ဦးနှောက်ခြောက် ခေါင်းစားစရာ မလိုပဲ အားလုံးထက် လွယ်ကူ လျင်မြန်တဲ့ နည်းလမ်းတစ်ခု ရှိပါတယ် - အဲတာကတော့ Download လည်း ချစရာမလို - Install လည်း လုပ်ဆောင်ဖို့ မလိုတဲ့  Findbigmail ကို အသုံးပြုဖို့ပါ -


ရှုပ်တီးရှုပ်ရှက် မနိုင်တဲ့ Findbigmail ဟာ လုပ်ဆောင်ပုံ အဆင့်ဆင့်ကိုလည်း သူ့ Site ရဲ့ မျက်နှာစာမှာ တစ်ဆင့်ချင်း ဖော်ပြပေး ထားပါသေးတယ် - သူ့စာမျက်နှာကို သွားရင် တွေ့ရမယ့် Email address နေရာမှာ ကိုယ့်ရဲ့ Storage space ပြည့်နေတဲ့ /ပြည့်လုနီး Email address ကို ထည့်ပေးပြီး အဆင့်လိုက် ဆက်လုပ်သွားရင် သူကနေပြီး ကိုယ့် Gmail acc ထဲက ပမာဏ အကြီးဆုံး Email messages တွေကို ရှာဖွေပေးပါလိမ့်မယ် - နောက် ကိုယ့်ရဲ့ Gmail acc ထဲမှာ FindBigMail ဆိုတဲ့ Labels နဲ့ ပမာဏအများဆုံး Emails တွေကို အထက်မှာ ဖော်ပြထားတဲ့ အတိုင်း ကြီးစဉ်ငယ်လိုက် ခွဲခြားဖော်ပြပေးပါလိမ့်မယ် - အဲ့ဒီ့ သူဖော်ပြထားတဲ့ ပမာဏ အများဆုံး Emails တွေကို စစ်ဆေးပြီး ဖျက်ထုတ်ပစ်ခြင်း အားဖြင့် ကိုယ့်အတွက် အရေးတကြီး လိုနေတဲ့ Storage space ကို ပြန်လည် ရရှိနိုင်မှာ ဖြစ်ပါတယ် -


ကိုယ့် Mail box ကို Scan ဖတ်တဲ့ အချိန်မှာ တစ်ယောက်နဲ့ တစ်ယောက် ကြာမြင့်ချိန်ခြင်း မတူညီနိုင်ပါဘူး - စာအရေအတွက် ပမာဏ များရင် များသလို ကြာမြင့်ချိန် ကွာခြားနိုင်ပါတယ် - အဲ့အတွက်လည်း ပူစရာ မရှိပါဘူး - သူက Scan အားလုံးပြီးလို့ Result ထွက်ရင် Mail ပို့ အကြောင်းကြားပါလိမ့်မယ် - သူပို့လာတဲ့ Mail မှာ အောက်ဖော်ပြပါ အတိုင်း ကိုယ့် Inbox ထဲက Mails အားလုံးရဲ့ အခြေအနေကိုပါ တွေ့ရှိနိုင်ပါတယ် -



ဒီ့ထက်မက အသေးစိတ်ချင်လို့ရှိရင် Google ကနေ အတည်ပြုထားတဲ့ Advanced search operators တွေနဲ့ ကိုယ့်အတွက် အသုံးမလိုဆုံး Emails တွေကိုလည်း ရှာဖွေနိုင်ပါသေးတယ် - ဒီအကြောင်းကိုတော့ Did u need extra space in Gmail ?? မှာ အထိုက်လျောက် ဖော်ပြခဲ့ပြီးပြီမို့ ဒီနေရာမှာ မဖော်ပြတော့ပါဘူး -


နောက်တစ်ခု ရှိသေးတာက Security ပိုင်းကို အလေးထားသူတွေ အတွက် Findbigmail ဟာ Grant access ပေးရတယ် ဆိုပေမယ့် Big Mail ဟာ IMAP ကနေ တစ်ဆင့် Gmail account ထဲက Emails အားလုံးရဲ့ အကြောင်းအရာ အပြည့်အစုံကို ယူငင် စစ်ဆေးတာမျိုး မဟုတ်ပဲ Sizes တစ်ခုကိုပဲ စစ်ဆေးတာမျိုးမို့လို့ Security ပိုင်းဆိုင်ရာမှာ အားသာချက် ရှိတယ်လို့ ဆိုနိုင်ပါတယ် - ဒါ့ကြောင့် Gmail မှာ အရေးပေါ် Storage space လိုသူများ အသုံးပြုနိုင်စေဖို့ လက်ဆင့်ကမ်း လိုက်ပါတယ် -


မိသားစု အားလုံး လေ့လာနိုင်သမျှ မျှဝေနိုင်ကြပါစေ -



KznT.

Alternative DNS Servers You Should use

3:33 AM Leave a Comment
တစ်နေ့နဲ့ တစ်နေ့ အားလပ်တဲ့ အချိန်လေး အင်တာနက်ထဲဝင်ပြီး Websites တွေ ဖတ်ဖြစ်တဲ့ အခါ - ဟိုကြည့်ဒီကြည့် ကြည့်တဲ့ အခါ အမြဲတမ်းလိုလို နှေးကွေးလေးလံနေတဲ့ Connection နဲ့ နှစ်ပါးသွားနေရတယ်လို့များ ထင်နေပါသလား - ဒါမှမဟုတ် Browser ကနေ URL ရိုက်ပြီး သွားတဲ့ အချိန် သွားချင်တဲ့ နေရာရောက်ဖို့ တော်တော်ကြီး စောင့်နေရတယ်လို့များ ခံစားနေရပါသလား - ဒီလိုဖြစ်တာဟာ Connection မကောင်းတာ တစ်ခုတည်းကြောင့်လို့ တစ်ထစ်ချ သတ်မှတ်လို့ မရပါဘူး - ဒီပြဿနာကို ဖြေရှင်းနိုင်ဖို့ ISP က ပေးထားတဲ့  DNS server ကို အောက်မှာဖော်ပြထားတဲ့ DNS sever တွေထဲက တစ်ခုမဟုတ် တစ်ခုကို ပြောင်းသုံးတာခြင်း အားဖြင့်လည်း ပြေလည်စေနိုင်ပါတယ် -



Photo from tech.701panduan.com

Default ISP DNS များအား အကောင်းဆုံး DNS Servers များအဖြစ်သို့ ပြောင်းလဲပါ

ဘာကြောင့်မို့ Default DNS ကို တစ်ခြား အကောင်းဆုံးပါဆိုတဲ့ DNS Servers တွေဆီ ပြောင်းခိုင်းရပါသလဲ ?? ဘာကြောင့်လည်းဆို ကိုယ့် ISP က သုံးတဲ့ DNS server က နှေးရင် ကိုယ့် ကွန်ပြူတာရဲ့ Browser ကနေ URL တစ်ခုကို ခေါ်ယူတဲ့ အချိန်မှာ Website ကို ဆွဲယူတဲ့ Loading time ကလည်း ပိုပြီးကြာသွားတယ် - ဒီကြားထဲ နဂိုကမှ Connection ကမှ ခနော်နီ ခနော်နဲ့ ဆိုရင် Website တစ်ခုဝင်ရဖို့ အဆိုးတကာ့ အဆိုးဆုံး အခြေအနေကို ရောက်သွား တတ်ပါတယ် - 

DNS server တွေရဲ့ လုပ်ဆောင်ချက်ကို အကြမ်းဖျဉ်းလောက် ပြောပြလို့ ရနိုင်မလား ??
DNS server တွေရဲ့ လုပ်ဆောင်ချက်နဲ့ သဘောတရား တစ်ချို့တစ်ဝက်ကို ဒီနေရာမှာ ဖော်ပြထားခဲ့ဖူး ပါတယ် - လေ့လာ ကြည့်နိုင်ပါတယ် -

Windows မှာ ဖော်ပြခဲ့တဲ့ Default DNS ကနေ တစ်ခြား DNS server တွေကို Change ဖို့အတွက် လုပ်ဆောင်ရမယ့် နည်းလမ်းက အောက်မှာဖော်ပြထားတဲ့ IP addresses တွေကို LAN မှာဖြည့်သွင်းပေးဖို့ပါ - အောက်မှာတော့ နမူနာ တစ်ခု ပြထားပါတယ် - သွားရမယ့် နေရာက Network Connections > Local Area Connection မှာ Right Click ပေးပြီး > Properties ကို ဝင်ရမှာပါ -




ဥပမာ အနေနဲ့ : ကိုယ့်ကွန်ပြူတာက အထက်ဖော်ပြပါ နေရာမှာ ဖြည့်သွင်းထားတဲ့ default DNS server ကို အောက်မှာ ဖော်ပြ ထားတဲ့  DNS server တွေထဲက ကြိုက်နှစ်သက်ရာကို ပြောင်းဖြည့်ပေးပြီး OK ပေးယုံပါပဲ - ( IP addresses တွေကို အောက်မှာ ဖော်ပြပေးထားပါတယ် )

Surfing Speed အား မြှင့်တင်ပေးမည့် DNS Servers များ

  • Google DNS : လွန်ခဲ့တဲ့ တစ်နှစ်လာက်က Google လည်း DNS servers လောကထဲကို ဝင်ခဲ့ပါတယ် - အကြောင်းက Google users တွေအနေနဲ့ Websites တွေကို လည်ပတ် သွားလာရာမှာ လွယ်ကူလျင်မြန်စေဖို့ အတွက် Google DNS နဲ့ ပံ့ပိုးပေးနိုင်ဖို့ ဖြစ်ပါတယ် - Google DNS ကို အသုံးပြုချင်သူများ Primary DNS မှာ IP address ကို 8.8.8.8 နဲ့ Secondary DNS မှာ 8.8.4.4 လို့ ထားရပါမယ် -
  • OpenDNS : နောက်တစ်မျိုးကတော့ OpenDNS ပါ - သူ့မှာ ကောင်းတဲ့ တစ်ချက်က သူ့ကို အသုံးပြုခြင်းအားဖြင့် အင်တာနက်ထဲက အန္တရာယ်ရှိတဲ့ Websites တွေ - နောက် ကိုယ့်အိမ်က အရွယ်မရောက်သေးသူ ကလေးသူငယ်တွေ  ကြည့်ရှုဖို့ မသင့်တော်တဲ့ Adult sites တွေ အင်တာနက်ထဲ Surf လုပ်တဲ့ အချိန်ကြည့်ရှုလို့ မရအောင် သူက ကာကွယ်ပေးနိုင်ပါတယ် - ဒီအကြောင်းကိုပဲ +18 Adult sites များ Block ရအောင် ဆိုပြီး ကျွန်တော် ဖိုရမ်မှာ ဖော်ပြခဲ့ဖူး ပါတယ် - အထူးသဖြင့်တော့ ကျောင်းသုံး - ရုံးသုံး အင်တာနက် ချိတ်ဆက်ထားတဲ့ ကွန်ပြူတာတွေ အတွက် အထူးသင့်တော်တဲ့ DNS server ပါ - အသုံးပြုချင်သူများ Primary DNS မှာ IP address ကို 208.67.222.222 နဲ့ Secondary DNS မှာ 208.67.220.220 လို့ ထားရပါမယ် -
  • Advantage DNS : Advantage DNS ကလည်း UltraDNS Directory Services Platform ကိုသုံးပြီး တောင်းဆိုသမျှ DNS requests တွေကို အလျင်မြန်ဆုံး ပြေလည်အောင် ဖြေရှင်းပေးပါတယ် - အသုံးပြုချင်သူများ Primary DNS မှာ IP address ကို 156.154.70.1 နဲ့ Secondary DNS မှာ 156.154.71.1 လို့ ထားရပါမယ် -
  • ScrubIT : နောက်ဆုံး ရွေးချယ်ဖို့ ကျန်တာကတော့ ScrubIT ပါ - သူကလည်း အန္တရာယ် ရှိတယ်လို့ သတ်မှတ်ထားတဲ့ Websites တွေကို access လုပ်လို့ မရအောင် တားဆီးပေးပါတယ် - အသုံးပြုချင်သူများ Primary DNS မှာ IP address ကို 67.138.54.100 နဲ့ Secondary DNS မှာ 207.225.209.66 လို့ ထားရပါမယ် -

စမ်းသပ်ကြည့်ပါ - ထူးခြားချက်လေးတွေ နောက်ထပ် ကောင်းတာလေးတွေရှိရင်လည်း မိသားစုဝင်ချင်းချင်း လက်တို့လိုက်ကြ ပါဦး -

KznT.

Free Online HTML Editors With Instant Previews

11:11 PM Leave a Comment
ကျွန်တော်တို့ တစ်နေ့နဲ့ တစ်နေ့ အင်တာနက်ထဲ သွားလာလည်ပတ်နေတဲ့ Web pages တွေကို HTML ( HyperText Markup Language ) လို့ ခေါ်တဲ့ Programming language နဲ့ ရေးသားထားပါတယ် - ဒီ HTML လို့ ခေါ်တဲ့  Programming language ဟာ Web စာမျက်နှာမှာ ပါဝင်တဲ့ အချက်အလက် အကြောင်းအရာတွေကို  ဘယ်လို ပုံစံချပြီး ဖော်ပြမယ်ဆိုတာ Browsers ကို ညွှန်ကြားတဲ့ လုပ်ငန်းဆောင်တာကို လုပ်ဆောင်ပါတယ် - နောက်တစ်မျိုး ပြောရမယ်ဆိုရင် HTML ကို Web ရဲ့ အခြေခံ အဆောက်အအုံ လို့လည်း ပြောလို့ရပါတယ် - ဟိုးတစ်ချိန်တုန်းက ဒီ HTML ဆိုတဲ့ အခြေခံ အဆောက်အအုံဟာ ရှုပ်ရှုပ်ထွေးထွေ သိပ်မရှိလှပါဘူး - အားလုံး ခပ်ရိုးရိုးတွေနဲ့ချည်း တန်ဆာဆင်ထားတာပါ - ဥပမာ - စာသားတွေကို ဘယ်လို ဖော်ပြမယ် - Links တွေ ဘယ်လိုချိတ်ဆက်မယ် - ပုံတွေ ဘယ်လိုဖြည့်သွင်းမယ် - အဲ့လောက်ပဲ ရှိခဲ့ပါသေးတယ် -



ခုမျက်မှောက်ခေတ်မှာတော့ - Web ရဲ့ တည်ဆောက်ပုံက Links တွေချိတ်ဆက်ယုံ - စာသားတွေ ဖော်ပြယုံ - ရုပ်ပုံတွေ ထည့်သွင်းယုံလောက် အဆင့် မကတော့ဘူး - ကျွန်တော်တို့တွေ မျှော်လင့်လာကြတာ ဒီ Web ပေါ်မှာပဲ Online games ( ဥပမာ Chess ) တွေဆော့တဲ့အခါ - ဒီ စာမျက်နှာပေါ်မှာပဲ ရှိနေတဲ့ Map တစ်ခုပေါ်မှာ ဟိုဟိုဒီဒီ လှုပ်ရှားသွားလာချင်တဲ့ အခါ ( ဥပမာ Google Maps ) Web page တစ်ခုလုံးကို Reload ပြန်လုပ်စရာမလိုပဲ ရွှေ့ပြောင်း သွားလာချင်လာတယ် - လှုပ်ရှား ဆော့ကစား ချင်လာတယ် - ကျွန်တော်တို့ လိုချင်တဲ့ စွမ်းဆောင်ရည်ကို Static web pages တွေက မစွမ်းဆောင်နိုင်ပါဘူး - ဒီလို လုပ်ဆောင်နိုင်ဖို့ဆို အရင်တုန်းက တည်ရှိခဲ့တဲ့ Static web pages ကနေ Dynamic web pages ကို ကူးပြောင်းဖို့ လိုလာပါတယ် - ဒီလို Dynamic web pages တစ်ခု အဖြစ် ကူးပြောင်းနိုင်ဖို့ အရင် Static web pages မှာ သုံးခဲ့တဲ့ Language နေရာမှာ အားဖြည့်ဖို့ နောက်ထပ် Scripting language တစ်ခု ထပ်ပေါ်လာရတယ် - အဲ့တာကတော့ JavaScript ပါ - JavaScript ဆိုတာ ပေါ်လာတော့ အရင် Static web pages တွေကနေ ကျွန်တော်တို့ လိုချင်တဲ့ Dynamic web pages တွေ အဖြစ် စပြီး အသက်ဝင်လာတယ် - ဒါတင်မက JavaScript ကြောင့် မျက်မှောက်ခေတ် အဓိက လူသုံးများတဲ့ Web browsers တွေမှာဆိုရင် Web pages တွေက Real-time interactions လို့ ခေါ်တဲ့ တစ်ချိန်တည်း တစ်ပြိုင်တည်း အပြန်အလှန် အကျိုး သက်ရောက်မှုတွေ ရရှိလာပါတယ် -  ဥပမာ ဆိုကြပါစို့ - Online form တစ်ခုကို ကျွန်တော်တို့တွေ Web browsers ထဲမှာ ဖြည့်ကြတယ် - အားလုံးဖြည့်ပြီး “Submit” button ကို နှိပ်လိုက်တာနဲ့ တစ်ပြိုင်တည်းမှာ Web page ကနေ JavaScript ကိုသုံးပြီး ကိုယ့်ဖြည့်လိုက်တဲ့ form ကို စစ်ဆေး - နောက် အဲ့ဒီ့ form မှာ ကိုယ် ဘာတွေမှားလဲ ဘာတွေကျန်ခဲ့လဲ ဆိုတာ တစ်ချိန်တည်း ဖော်ပြ Result ထုတ်ပေးနိုင်တဲ့ အဆင့်ထိ အကျိုးကျေးဇူးတွေ ရလာပါတယ် -


ဒါပေမယ့် ဒီနေ့ ကျွန်တော်တို့ သိထားတဲ့ Dynamic web ဆိုတာဟာ web applications တွေ ဖြစ်တဲ့ Gmail - Google Maps - နောက် Outlook Web App ( OWA ) ဆိုတာတွေမှာ ပထမဆုံး စသုံးခဲ့တဲ့ XHR ( XMLHttpRequest ) ကနေစခဲ့တာပါ - XMLHttpRequest (XHR) ဆိုတာ API တစ်ခုဖြစ်ပြီး JavaScript လိုမျိုးပဲ web browser မှာသုံးကြတဲ့ scripting languages တွေထဲက တစ်ခုဖြစ်ပါတယ် - ဒီ XHR ကြောင့် Web page တစ်ခုပေါ်မှာ ရှိနေတဲ့ Game - Map - Video စတဲ့ အစိတ်အပိုင်း အသီးသီးတွေ တစ်ခုချင်းစီ အပြောင်းအလဲ ဖြစ်တဲ့ အခါမှာ Page ကြီးတစ်ခုလုံး နောက်တစ်ကြိမ် Reload ပြန်လုပ်စရာ မလိုပဲ ရပ်တည်လာနိုင်စေပါတယ် - နောက်ဆုံး ရလာဒ်ကတော့ Web apps တွေ အသုံးပြုတ့ဲ အချိန်မှာ အရင်တုန်းကထက် ပိုမြန်ဆန်လာတယ် - ပိုကောင်းလာတယ် ဆိုတဲ့ သဘောမျိုးပေါ့ -


ဖော်ပြခဲ့တဲ့ အဆင့်လိုက် တိုးတက်ပြောင်းလဲမှုတွေနဲ့ အတူ Web pages တွေမှာ နောက်ထပ် ပြောင်းလဲလာတာ တစ်ခုက ခံစားမှုတွေ အသက်ဝင်နိုင်စေမယ့် တန်ဆာဆင်မှု အပိုင်းပါ - ဒါကို စာစကားနဲ့ ပြောရင် CSS (Cascading Style Sheets) ကို အသုံးချတယ်လို့ ခေါ်ပါတယ် - CSS က ကျွန်တော်တို့ နေ့တိုင်းကြည့်နေတဲ့ Web pages တွေကို အများသူငါ ကြည့်ရှုတဲ့ အချိန်မှာ ရင်သတ်ရှုမောဖြစ်အောင် ဘယ်လို ပုံစံချမလဲ - အလှအပတွေ ဘယ်လိုပေါင်းစပ် ဖန်တီးမလဲ ဆိုတာ programmers တွေကို အလွယ်တကူ လုပ်ဆောင်နိုင်စေပါတယ် -


ဒီလို JavaScript, XHR, CSS နဲ့ တစ်ခြား Web technologies တွေ ပေါင်းစည်းတည်ဆောက်ထားတာကိုပဲ Web programmers တွေက AJAX (Asynchronous JavaScript and XML) ဆိုပြီး ညွှန်းဆိုကြပါသေးတယ် -  ဒါ့ကြောင့်  Web programmers တစ်ယောက် ဖြစ်ချင်တဲ့ သူဟာ  JavaScript တစ်ခုတည်း တတ်ကျွမ်းလို့ မရသလို CSS တစ်ခုတည်း ပိုင်လို့လည်း မရပါဘူး - အားလုံးကို နားလည်ထားဖို့ လိုသလို - ဆက်စပ်အသုံးချတတ်ဖို့လည်း လိုအပ်ပါတယ် - 

ဒီအကြောင်းအရာက Web Design ပိုင်းကို အားသန်ကြတဲ့ လေ့လာလိုသူ လူငယ်တွေ ဗဟုသုတဖြစ်အောင် ဖတ်ခဲ့ဖူးတဲ့ စာအုပ်တစ်အုပ်ထဲက ပြန်လည်ဖော်ပြပေးတာပါ - လူငယ်တော်တော်များများ Web Design ပိုင်းကို အားသန်ကြတယ် - ဒါပေမယ့် တော်တော်များများက ဘာကိုစပြီး လေ့လာရမှန်း မသိဘူး - တစ်ချို့က သူများ Programming ဆိုတာနဲ့ လိုက် Programming ကြတယ် - သူများ Java ဆိုရင် ကိုယ်လည်းလိုက် Java ကြတယ် - ဒါပေမယ့် ကိုယ်သင်နေတာတွေက ဘယ်နေရာမှာ ဘာအသုံးဝင်မှန်းကျတော့ သေသေချာချာ ဂဃနဏ မလေ့လာကြဘူး - ဒါကျွန်တော်တို့ မြန်မာလူငယ်တွေ အားနည်းချက်ပါပဲ - ကိုယ်ဝါသနာပါတဲ့ အရာကို ဖြစ်ဖြစ်မြောက်မြောက် တတ်ကျွမ်းဖို့ဆိုရင် ကိုယ်လေ့လာတဲ့ အရာက ဘာလုပ်လို့ ရမယ် ဆိုတာရယ် - အဲလိုဖြစ်အောင်လုပ်ဖို့ ဘာတွေမဖြစ်မနေ တတ်ဖို့လိုမယ် ဆိုတာရယ် တိတိကျကျ သိထားဖို့ လိုကိုလိုပါတယ် - ကျွန်တော်ကတော့ Web programmer လည်း မဟုတ်ဘူး -  ကိုယ်လှုပ်ရှားနေတဲ့ နယ်ပယ် မဟုတ်တော့ အများကြီးလည်း သိပ်မသိဘူး - ဒါပေမယ့် ရံဖန်ရံခါ စိတ်ရူးပေါက်ရင် ဟိုလိုက်စမ်း ဒီလိုက်စမ်း စမ်းတယ် - Blog လည်း ရေးတာရှိတော့ HTML - CSS က အခြေခံလောက်တော့ သိထားသင့်တယ် ဆိုပြီး နိုင်သလောက်လေး လေ့လာဖြစ်တာတော့ ရှိတယ် - ဒီလိုသိထားတော့ ကိုယ့် Blog လေး အမြင်လှအောင် ဟိုပြင်ဒီပြင် ပြင်တဲ့ အခါ - ဟိုပေါင်းဒီပေါင်း ပေါင်းတဲ့ အခါ - ဟိုဖြုတ်ဒီတပ် လုပ်တဲ့ အခါ ပိုအဆင်ပြေတာပေါ့ -

အခုလည်း အဲလိုနဲ့ စာလိုက်ဖတ်ရင်း ဟိုတစ်နေ့က Online html editors နဲ့ ပတ်သတ်တဲ့ tools တွေ သွားတွေ့မိတယ် - အရင်သုံးနေကျ html editors တွေထက် ဒီကောင်က realtime previews မို့လို့ ကျွန်တော်ကတော့ ပိုသဘောကျမိတယ် - လေ့လာလိုသူတွေ သိရှိနိုင်အောင် ဒီအောက်မှာ ဖော်ပြပေးလိုက်ပါတယ် - သူတို့တွေကတော့ -

HTML Instant


သူက အပေါ်မှာ ပြောခဲ့တဲ့ Realtime HTML editor ဆိုတာပါ - HTML ကို လေ့လာလိုသူတွေ web developer တွေအတွက်  အသုံးတည့်ပါတယ် - Web page တစ်ခုလုံး ဖြစ်ဖြစ် - Code လေးနည်းနည်းပါပါး ဖြစ်ဖြစ် စိတ်ရိုက် Edit လုပ်ပြီး ထွက်လာမယ့် Result ကိုတိုက်ရိုက်ကြည့်လို့ ရပါတယ် -

Online HTML Editor


သူကလည်း အပေါ်မှာ ဖော်ပြခဲ့တဲ့ HTML editor တစ်မျိုးပါပဲ - နောက်ပြီး သူ့မှာ WYSWYG editor ပါလို့ Format လုပ်တဲ့ နေရာမှာ အလွယ်တကူနဲ့ ပြင်ဆင်တည်းဖြတ်နိုင်ပါတယ် -

HTMLEdit


သူကတော့ HTML editor ထဲမှာ တော်တော်လေး အမြင်ရိုးတယ် ဆိုရမယ် - ဒါပေမယ့် အထင်မသေးပါနဲ့ Stylesheets နဲ့ CSS tags အားလုံးကို Supports ပေးပါတယ်။ နောက်ပြီး သူ့ကို Mobile browser ကနေလည်း သုံးလို့ ရပါတယ် -

ကျွန်တော်ခု ဖော်ပြခဲ့တာတွေ အားလုံးဟာ အခြေခံတွေပါ - စိတ်ပါဝင်စားသူများ အစပျိုးနိုင်အောင် - လေ့လာနေသူတွေ အထောက်အကူ ဖြစ်အောင် တွန်းအားပေးချင်ယုံသက်သက်ပါပဲ -

မိသားစုဝင်များ ဆထက်တန်ပိုး အောင်မြင်ကြပြီး အနာဂတ်မှာ မိမိတိုင်းပြည်ကို ဒီ့ထက်မက အကျိုးပြုနိုင်ကြပါစေ -

KznT.

Related Posts