Google Chrome

ဒီ ကာတွန်းကောင်လေးကို အရမ်းချစ်တယ်။ သူတို့ လုပ်ထားတာ သဘောကျဖို့ ကောင်းလိုက်တာ။ Chrome မြန်ပုံကို လွန်လွန်ကျူးကျူးကြီးကို တင်စားထားလိုက်တာများ ... ဟုတ်တာ မဟုတ်တာ အပထား တော်တော် ချစ်မိသွားတယ်။ haha :)

KznT.

Best Free Portable Application Suite

ဟိုးတစ်ချိန်တုန်းကဆိုရင် ကွန်ပြူတာအချင်းချင်း Remote လုပ်ဖို့ဆိုတာ လေထဲတိုက်အိမ်ဆောက် နေရသလို စိတ်ကူးထဲမှာပဲ ရှိပြီး အကောင်အထည်ပေါ်မလာတဲ့ ကိစ္စရပ်တစ်ခုပါ။ ကွန်ပြူတာ တစ်ခုက Data တွေ တစ်ခြား တစ်နေရာကို သယ်ချင်တယ် - ဒါပေမယ့် Remote လုပ်တဲ့ နည်းပညာ ကို မသိဘူး။ Flash Drive ဆိုတာ မပေါ်သေးဘူး။ CD/DVD တွေ ရိုက်ထုတ်ရအောင်ကျတော့လည်း ကိုယ့် data တွေက ပမာဏက များ။ စသဖြင့် အတော်လေး တစ်နေရာကနေ အခြားတစ်နေရာကို data တွေ ပြောင်းရွှေ့ဖို့အတွက် တော်တော် အကျပ်တွေ့ခဲ့ကြရပါတယ်။ ဒါပေမယ့် ခုတော့ Remote လုပ်ဖို့ မလုပ်ဖို့ ဆိုတာ ဒီလောက်ကြီး အရေးမကြီးတော့ပါဘူး။ ကျွန်တော်တို့တွေဆီမှာ GB လောက်ရှိတဲ့ ပမာဏတွေကို chewing gum လောက်ပဲ ပမာဏရှိတဲ့ flash drives တွေထဲ ထည့်ပြီး အလိုရှိရာနေရာတွေဆီ အလွယ်တကူ ယူဆောင်သွားလို့ ရနေခဲ့ပြီ မဟုတ်ပါလား။ ဒါတင်မက ကိုယ့်အတွက် နေ့စဉ်သုံးနေကျ apps တွေ အားလုံးလိုလိုကိုလည်း portable applications တွေ အဖြစ် ဖန်တီးပြီး မိမိ အလိုရှိရာ နေရာတွေကို တစ်ပါတည်း ယူဆောင်သွားနိုင်နေကြပါပြီ။

ခုလို အသုံးလည်းဝင် ၊ စက်ထဲမှာ တစ်ခုချင်းစီ install လုပ်စရာလည်း မလို ၊ အလိုရှိရာနေရာကိုလည်း သယ်ဆောင်သွားလို့ရ ၊ နေရာယူလည်း သက်သာတဲ့ portable applications တွေကို site တကာလိုက်ပြီး ဒေါင်းလုပ်ချစရာ မလိုပဲ တစ်နေရာတည်းကနေ အသင့်သုံးနိုင်တဲ့ portable applications suites တွေနဲ့ ကျွန်တော်အခု မိတ်ဆက်ပေးချင်ပါတယ်။ portable applications suites တွေက internet ထဲမှာ မနည်းမနော ရှိပါတယ်။ ဒါပေမယ့် အဲ့တာတွေ အားလုံးထဲကမှ လူကြိုက်လည်း များပြီး အသုံးလည်း တကယ်ဝင်မယ့် apps suites ( ၅ ) ခုကိုပဲ ရွေးထုတ်တင်ပြသွားမှာပါ။ တကယ်လို့ ဒီထဲမှာ ဖော်ပြမယ့် portable applications suites တွေထဲမှာ မပါဝင်ပဲ သီးသန့် ကွဲထွက်ပြီး စာဖတ်သူ လက်ရှိ အသုံးပြုနေတဲ့ သဘောကျတဲ့ portable applications suites များရှိနေမယ် ဆိုရင်လည်း ဒီ Thread ရဲ့ အောက်မှာ ဝင်ရောက် ဆွေးနွေးပေးသွားကြဖို့ တိုက်တွန်းလိုပါတယ်။ အခုတော့ သူတို့ ( ၅ ) ခုနဲ့ စတင် ထိတွေ့ကြရအောင်ပါ။

Liberkey  ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

LiberKey ကတော့ PortableApps suite မှာလိုမျိုး အမြင်လှတဲ့ Menu မပါရှိပါဘူး။ ဒါပေမယ့်လည်း သူ့ရဲ့ Menu က အသုံးပြုမယ့် သူ အတွက် သုံးစွဲရလွယ်ကူအောင် Program အမျိုးအစားအလိုက် စီစဉ်ပေးထားပါတယ်။

ဒါ့အပြင် LiberKey မှာ apps တွေကို အမျိုးအစားလိုက် သူတို့ ဘာကိုလုပ်ဆောင်တယ် ဆိုတာ အုပ်စုလိုက် စုဖွဲ့ပေးထားလို့ LiberKey suite ထဲမှာပါတဲ့ apps တစ်ခုခုကို တစ်ခါမှ အရင်က တစ်ခါမှ အသုံးမပြုခဲ့ဖူးဘူး ဆိုရင်တောင်  ဒီ apps ကတော့ Security Tool  - ဒီကောင်ကတော့ Color Picker စသည်ဖြင့် apps အလိုက် သူတို့တွေကို ဘယ်နေရာမှာ အသုံးချလို့ ရမယ်ဆိုတာ အလွယ်တကူ နားလည်စေနိုင်ပါတယ်။ ဒီအခု ကျွန်တော်ပြောတဲ့ အုပ်စုလိုက် ခွဲခြားပေးထားတယ် ဆိုတာ LiberKey Ultimate မှာပါ။ သူ့ထဲမှာ apps ပေါင်း 250 ပတ်ဝန်းကျင်ရှိပြီး အုပ်စုလိုက် သူတို့ဘာတွေ လုပ်ဆောင်နိုင်တယ် ဆိုတာ အမျိုးအစား ခွဲခြားပေးထားပါတယ်။ LiberKey ကို Download ရယူနိုင်ဖို့ အတွက် ဒီနေရာကနေ သွားရောက် ရယူနိုင်ပါတယ်။

PortableApps Suite( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

PortableApps ကတော့ portable application sites တွေထဲမှာမှ နာမည်ကြီး လူသိများတဲ့ ဆိုဒ်တစ်ခု ဆိုရင်မမှားပါဘူး။ John Haller ( ဆိုဒ်ကို တည်ထောင်သူ ) နဲ့ တစ်ခြား များပြားလွန်းတဲ့ developers တွေ ၊ packagers တွေ ၊ နောက်ပြီး translators တွေ ၊ နောက်ပြီး တက်တက်ကြြွကွ ဝိုင်းဝန်း ပ့ံပိုး ဆောင်ရွက်ကြသူတွေ ကြားမှာ PortableApps suite က တဖြည်းဖြည်း ကြီးထွားလာလိုက်တာ ခုဆိုရင် PortableApps suite ထဲမှာ လူကြိုက်များတဲ့ ဆော့ဖ်ဝဲလ်တိုင်း portable အဖြစ် ဖန်တီးပြီးသား ဖြစ်နေတာ လက်ညိှုးထိုး မလွဲလောက်အောင်ပါပဲ။ PortableApps suite ထဲမှာ အခြေခံ အင်တာနက်သုံးကုန် လို့ ပြောလို့ရတဲ့ Firefox ကနေ စပြီး ၊ Pidgin လို့ခေါ်တဲ့ instant messaging အလယ် - Office application တစ်ခု ဖြစ်တဲ့ Open Office အဆုံး အစုံပါဝင်နေပါပြီ။ အသုံးချချင်တဲ့ သူအတွက် ဆိုဒ်မှာ တစ်ခုချင်းစီကို သီးသန့်ခွဲပြီး download ချလို့ ရနိုင်သလို အပေါ်မှာ ပြထားတဲ့ ပုံကို တွေ့ရင်ကျတော့လည်း တစ်ခုချင်းစီ ဒေါင်းလုပ်မချချင်တော့ပဲ လိုလို မလိုလို အကုန်လုံးကိုပဲ သိမ်းထားချင်တဲ့ စိတ်ပေါ်လာလောက်အောင်ကို သူ့အပြင်အဆင်က ဆွဲဆောင်နိုင်ပါတယ်။ ပုံကို ကြည့်ကြည့်ပါဦး။ menu system က ရိုးစင်းပြီး backup utility တွေအပါအဝင် တစ်ခြား portable apps  တွေကိုပါ အသုံးပြုရလွယ်ကူအောင် ပြင်ဆင်ပေးထားတာ တွေ့ရပါလိမ့်မယ်။ PortableApps Suite ကို Download ရယူချင်မယ် ဆိုရင်တော့ ဒီနေရာကနေ သွားရောက် ရယူနိုင်ပါတယ်။

winPenPack ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ ) 

တကယ်လို့ ကျွန်တော်တို့တွေဟာ Flash Drive တစ်ခုထဲမှာ Portable apps တွေကိုထည့်သွင်း အသုံးချင်ချင်မယ် .. ဒါပေမယ့် ဆိုဒ်တကာ စုံအောင် သွားပြီး portable apps စုဆောင်းရတာမျိုးကိုလည်း မလုပ်ချင်ဘူး ဆိုရင်တော့ အဲ့ဒီ့ ( ၂ ) ချက်လုံးကို တစ်ခုတည်းနဲ့ ပြေလည်စေမယ့် တစ်ချက်ခုတ် ( ၂ ) ချက်ပြတ် apps တစ်ခု ရှိပါတယ်။ အဲတာကတော့ winPenPack ပါ။ သူက ဘယ်လို လုပ်ဆောင်တာလဲ ဆိုရင် apps အခု ၁၀၀ ကျော်လောက်ကို တစ်ခုတည်းသော portable package ထဲမှာ ထည့်ထားတဲ့ apps လို့ပဲ ပြောရပါမယ်။

winPenPack ဆိုတာကလည်း အပေါ်မှာ မိတ်ဆက်ထားခဲ့ပြီးတဲ့ Free Softwares တွေကို စက်ထဲမှာ install လုပ်စရာ မလိုပဲ USB pendrive ကနေတစ်ခါတည်း အသုံးပြုနိုင်အောင် စီစဉ်ပေးထားတဲ့  applications တစ်မျိုးပါပဲ။ winPenPack  ကို USB pendrive ထဲထည့်ပြီး ကြိုက်တဲ့ နေရာကို သယ်သွား ကြိုက်တဲ့ ကွန်ပြူတာမှာ သုံး - USB port ထဲကို USB pendrive ထိုးထည့်လိုက်တာနဲ့ programs တွေ အားလုံးကို အသင့်သုံး အခြေအနေဖြစ်အောင် သူက စီစဉ်ပေးထားပါတယ်။

ကျွန်တော်တို့ ဆီမှာ ရှိနေတဲ့ USB pendrive ရဲ့ size ပေါ်မူတည်ပြီး ရွေးချယ်လို့ ရအောင်  winPenPack Flash Essential နဲ့ winPenPack Flash 2Gb ဆိုပြီး ၂ မျိုး ၂ စား ရွေးချယ် နိုင်ပါတယ်။ အဲ့ထဲမှာ ဆိုရင် အင်တာနက် ထဲမှာ ရှိသမျှ အကောင့်တကာ့ အကောင်းဆုံးဆိုတဲ့ open source software တွေကို Portable ဖြစ်အောင် စီစဉ်ထားပြီး Graphics, Multimedia, Internet, Office, System, Security, Development and Utilities ဆိုတဲ့ apps အလိုက် အုပ်စု ခွဲခြားပေးထားပါတယ်။ winPenPack မှာ တစ်ခြား အမျိုးအစားကွဲတွေလည်း ရှိနေသေးပြီး အမျိုးအစားလိုက် ဘာတွေ ကွဲပြားသွားလဲ သိချင်ရင် ဒီနေရာကနေ သွားရောက် ကြည့်ရှုနိုင်ပါတယ်။ ရယူသုံးစွဲချင်မယ် ဆိုရင်တော့ ဒီနေရာကနေ သွားရောက် ရယူနိုင်ပါတယ်။ တစ်ခုရှိတာတော့ သူ့ ရဲ့ အပြင်အဆင်က PortableApps Suite နဲ့ LiberKey လောက် သိပ်မခမ်းနားဘူးလို့ ယူဆမိပါတယ်။

Geek-Menu ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

Geek.Menu ဆိုတာ PortableApps.com မှာ ရှိတဲ့ PortableApps suite တွေထဲက installation files တွေကိုပဲ ထပ်တူ အသုံးပြုပြီး လည်ပတ်တဲ့ menu apps တစ်ခုဖြစ်ပါတယ်။ layout ကလည်း တော်တော်လေး ဆင်တူပါတယ်။ ဒါပေမယ့် Geek.Menu နဲ့ PortableApps suite ကြားမှာ ကွာခြားသွားတဲ့ အချက်တစ်ချို့ကတော့ Geek.Menu မှာ တစ်ခြား ပြုပြင် ပြောင်းလဲမှုများစွာကို ပိုပိုလျှံလျှံ ထည့်သွင်း လုပ်ဆောင် ထားတာပါပဲ။ ဘာတွေ ဘယ်လို ထူးခြား သွားလဲ ဆိုတာ ဒီနေရာမှာ သွားရောက် လေ့လာနိုင်ပါတယ်။ ဥပမာ အနေနဲ့ ပြောရရင် TrueCrypt ကို Support ပေးတယ်၊ နောက်ပြီး Menu structure ထဲမှာ အုပ်စုတွေ ဖန်တီးပိုင်ခွင့် ၊ နောက် menu startup မှာ apps တွေကို အလိုလျောက် exe လုပ်ဆောင်နိုင်ဖို့ ... စတာမျိုးတွေ လုပ်ဆောင်နိုင်အောင် ထပ်မံဖြည့်သွင်း ပေးထားပါတယ်။ အထက်ပါ ပုံမှာ ဖော်ပြထားတဲ့ အတိုင်း  Geek.Menu က Software ထည့်သွင်းပြီးသား အနေနဲ့ ပါရှိလာမှာမျိုး မဟုတ်ပါဘူး။ Geek.Menu နဲ့ လုပ်ဆောင်နိုင်ဖို့ အတွက် ဆိုရင် PortableApps suite ကို အရင် Download ချထားပြီးတော့မှ menu systems ကို ပြောင်းလဲပေးရမှာ ဖြစ်ပါတယ်။ Geek.Menu ကို အသုံးချချင်မယ် ဆိုရင် ဒီနေရာကနေ သွားရောက် ရယူနိုင်ပါတယ်။ 

Lupo PenSuite ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

Lupo PenSuite ကလည်း ( 7-Zip, Audacity, CCleaner, eMule, FileZilla, Firefox, Foxit Reader, GIMP, IrfanView, Notepad++, Opera, Pidgin, Thunderbird, µTorrent, VLC .. ) စသဖြင့် လူကြိုက်များ လူသုံးများတဲ့ apps ပေါင်းမြောက်များစွာနဲ့ ပေါင်းစပ်ထားတဲ့ Suite တစ်ခုပါပဲ။  LiberKey ကနေ ထုတ်လုပ်လိုက်တဲ့ portable suite တွေကို ဥပမာ ယူပြီး Lupo PenSuite က ပြုပြင် ပြောင်းလဲ မှုတွေ လုပ်ခဲ့ပါတယ်။ ကျွန်တော်တို့တွေ Windows ရဲ့  Registry ကိုများ ပြုပြင်ပြောင်းလဲ မှုတွေ လုပ်ဖို့ လိုနေပြီလား ?? Lupo PenSuite ထဲမှာ registry ကို edit လုပ်နိုင်ဖို့ applications ၈ ခု ထည့်သွင်းပေးထားပါတယ်။ သူ့မှာ ဖြည့်သွင်းထားတဲ့ full app log ကို ဒီနေရာမှာ သွားရောက် ကြည့်ရှုနိုင်ပါတယ်။ Lupo PenSuite ကို ရယူချင်မယ် ဆိုရင်တော့ ဒီနေရာကနေ သွားရောက် ရယူနိုင်ပါတယ်။ 

နောက်ဆုံး အနေနဲ့ ကျွန်တော် အကြံပြုချင်တာကတော့ - ကျွန်တော်တို့ရဲ့ စက်တွေထဲမှာ တစ်ခါတစ်လေလောက်သာ အသုံးလိုပြီး အမြဲ နေရာပေးထားနေရတဲ့ apps မျိုးတွေ စက်တိုင်းလိုလို မှာ ရှိနေကြပါတယ်။ အဲ့လို apps မျိုးတွေ အတွက်တော့ Windows partition မှာ နေရာ တစ်ခု ပေးမနေပါနဲ့။ အထက်ဖော်ပြပါထဲက မိမိနှစ်သက်ရာ PortableApps suite တစ်ခုကို flash drive တစ်ခု ဒါမှမဟုတ် မိမိနှစ်သက်ရာ media တစ်ခုခုမှာ သိမ်းထားပြီး လိုအပ်ချိန်မှ ထုတ်သုံးလိုက်ပါ။ အရံသင့်သုံးစွဲဖို့လည်း အဆင်ပြေသလို Windows partition မှာလည်း အပိုစာသား နေရာ ပေးရခြင်းကနေ ငြိမ်းအေးစေမယ် မဟုတ်လား။

MF မိသားစုဝင်များ အားလုံး Portable ကမ္ဘာမှာ ကျေနပ်နှစ်သက်မှု ရရှိနိုင်ကြပါစေ။

KznT.

Dummies Ebooks Collection C Series

ဒါကတော့ Dummies E-Books C Series ပါ။ Dummies Ebooks C Series ဆိုတာ အပေါ်မှာ ပြောခဲ့သလိုပဲ တစ်ခြားတော့ မဟုတ်ပါဘူး။ C နဲ့ စတာတွေချည်း စုထားတာပါ။ နောက်ထပ်ကျန်ရှိနေသေးတဲ့ Series တွေကိုလည်း ဖြစ်နိုင်ရင် အားရင် အားသလို တင်ပေးသွားပါ့မယ်။

ဒေါင်းလုပ်ချလိုက်ရင် ရရှိလာမယ့် စာအုပ်စာရင်းတွေကတော့ အောက်ဖော်ပြပါ အတိုင်းပါ။

1. C for DUMmIES 2nd.pdf
2. C For Dummies, 5th Edition.pdf
3. C Game Programming For Dummies 2.pdf
4. C++ for Dummies, 5th (2004).pdf
5. C++ TimeSaving Techniques for DUMmIES.pdf
6. Cake Decorating For Dummies.pdf
7. Calculus II for DUMmIES.pdf
8. Calculus.Workbook.for.Dummies-076458782X.pdf
9. Camera Raw with Photoshop for Dummies (2006).pdf
10. Cancun & the Yucatan for DUMmIES 3rd.pdf
11. Candy Making for DUMmIES.pdf
12. Car Hacks and Mods for DUMmIES.pdf
13. Casino Gambling For Dummies.pdf
14. CCNA for Dummies (2000).pdf
15. Chemistry WorkBook for DUMmIES.pdf
16. Chess for DUMmIES 2nd.pdf
17. Chicago for DUMmIES 4th.pdf
18. Chihuahuas_For_Dummies.pdf
19. Chinese for DUMmIES.pdf
20. Chinese Phrases for Dummies (2005).pdf
21. Cleaning Windows Vista for DUMmIES.pdf
22. Cleaning Windows XP for Dummies.pdf
23. Coaching Basketball for DUMmIES.pdf
24. Cognitive Behavioural Therapy for Dummies.pdf
25. Coin Collecting for DUMmIES 2nd.pdf
26. Color Management for Digital Photographers for DUMmIES.pdf
27. Colorado & the Rockies for DUMmIES 2nd.pdf
28. Commercial Real Estate Investing for DUMmIES.pdf
29. Commodities for DUMmIES.pdf
30. Complementary Medicine For Dummies.pdf
31. Complete MBA for DUMmIES 2nd.pdf
32. Composing Digital Music for DUMmIES.pdf
33. CompTIA A+ Certification All-In-One Desk Reference for DUMmIES.pdf
34. Computer Forensics for DUMmIES.pdf
35. Computer Viruses for DUMmIES.pdf
36. Cool Careers for DUMmIES 3rd.pdf
37. Costa Rica For Dummies, 1st Edition.pdf
38. Counselling Skills for DUMmIES.pdf
39. Creating Family Web Sites for DUMmIES.pdf
40. Creating Web Pages All-In-One Desk Reference for DUMmIES 2nd.pdf
41. Creating Web Pages for DUMmIES 8th.pdf
42. Crochet Patterns for DUMmIES.pdf
43. Crocheting for Dummies.djvu
44. Cruise Vacations for DUMmIES 2006 Edition.pdf
45. Cryptography for Dummies (2004).chm
46. Crystal Xcelsius for DUMmIES.pdf
47. CSS Web Design for Dummies (2005).pdf
48. Customer Service for DUMmIES 3rd.pdf
49. Cutting Edge Microsoft Office PowerPoint 2007 for DUMmIES.pdf

Download ကိုတော့ တတ်နိုင်သမျှ အဆင်အပြေဆုံး ဖြစ်အောင် Multiupload ကနေ တင်ပေးထားပါတယ်။ Links တွေ ခဏခဏ ပျက်တဲ့ ပြဿနာကနေ အတတ်နိုင်ဆုံး ထိန်းထားနိုင်အောင်လို့ပါ။

My Ebooks C Series.part1.rar (104.9 MB)
http://www.multiupload.com/7NE3D2P92V

My Ebooks C Series.part2.rar (104.9 MB)
http://www.multiupload.com/8DRTZYRYHQ

My Ebooks C Series.part3.rar (104.9 MB)
http://www.multiupload.com/9ONRLXR763

My Ebooks C Series.part4.rar (12.8 MB)
http://www.multiupload.com/NOGGO859BN

Password = www.myanmarfamily.org

နောက်နေ့တွေ ကျရင် နောက် Series တွေ ထပ်တင်ပေးပါဦးမယ်။

Dummies Ebooks Collection B Series

ဒါကတော့ Dummies E-Books B Series ပါ။ Dummies Ebooks B Series ဆိုတာ တစ်ခြားတော့ မဟုတ်ပါဘူး။ B နဲ့ စတာတွေချည်း စုထားတာပါ။ နောက်ထပ်ကျန်ရှိနေသေးတဲ့ Series တွေကိုလည်း ဖြစ်နိုင်ရင် အားရင် အားသလို တင်ပေးသွားပါ့မယ်။

ဒေါင်းလုပ်ချလိုက်ရင် ရရှိလာမယ့် စာအုပ်စာရင်းတွေကတော့ အောက်ဖော်ပြပါ အတိုင်းပါ။

1. Baby Signing for DUMmIES.pdf
2. Banjo_For_Dummies 0470127627.pdf
3. Bartending For Dummies.pdf
4. Basic Math & Pre-Algebra For Dummies.pdf
5. Beginning Java Programming for Dummies, 2nd (2005).pdf
6. Beginning Programming for Dummies, 3rd (2004).pdf
7. Biochemistry for DUMmIES.pdf
8. Bioinformatics for Dummies 2nd Edition eBook-Spy.pdf
9. Biometrics for DUMmIES.pdf
10. Bit Torrent For Dummies.pdf
11. BlackBerry for Dummies (2006).pdf
12. BlackBerry for DUMmIES 2nd.pdf
13. BlackBerry Pearl For Dummies Feb 2007 eBook-LinG.pdf
14. Blocking Spam and Spyware for Dummies (2005)_noPW.pdf
15. Blogging for DUMmIES.pdf
16. Blues Guitar For Dummies Dec 2006 eBook-LinG.pdf
17. Body Language For Dummies 80470512913.pdf
18. Bond Investing for DUMmIES.pdf
19. Bookkeeping for DUMmIES.pdf
20. Bookkeeping Workbook For Dummies - L. Epstein (Wiley, 2007) WW.pdf
21. Branding For Dummies.pdf
22. Bridge for DUMmIES 2nd.pdf
23. British History for Dummies.pdf
24. Building a PC for DUMmIES 5th.pdf
25. Building a Web Site For Dummies 2ndEd July2004 RR.pdf
26. Building Confidence for Dummies.pdf
27. Building FaceBook Applications for DUMmIES.pdf
28. Building Flash Web Sites (2006).pdf
29. Building Flash Web Sites for DUMmIES.pdf
30. Building Research Tools With Google for Dummies (2005).pdf
31. Building Web Sites AIO Desk Reference For Dummies - D. Sahlin, C. Snell (Wiley, 2007) WW.pdf
32. Building Your Business with Google For Dummies 2004.pdf
33. Building Your Own Home For Dummies.pdf
34. Business Etiquette for DUMmIES 2nd.pdf
35. Business Math for DUMmIES.pdf
36. Business Plans Kit for DUMmIES 2nd.pdf
37. Buying a Computer for Dummies (2004).pdf
38. Buying a Computer for DUMmIES 2006 Edition.pdf
39. Buying a Property in Eastern Europe for DUMmIES.pdf
40. Buzz Marketing with Blogs for DUMmIES.pdf

Download ကိုတော့ တတ်နိုင်သမျှ အဆင်အပြေဆုံး ဖြစ်အောင် Multiupload ကနေ တင်ပေးထားပါတယ်။ Links တွေ ခဏခဏ ပျက်တဲ့ ပြဿနာကနေ အတတ်နိုင်ဆုံး ထိန်းထားနိုင်အောင်လို့ပါ။

My Ebooks B Series.part1.rar (106.8 MB)
http://www.multiupload.com/PLWO17YF1P

My Ebooks B Series.part2.rar (102.7 MB)
http://www.multiupload.com/4IVLXUQ8UL

Password = www.myanmarfamily.org

နောက်နေ့တွေ ကျရင် နောက် Series တွေ ထပ်တင်ပေးပါဦးမယ်။

KznT.

How Strong is Ur Password ?

ကျွန်တော်တို့ရဲ့ Password တွေ ဘယ်လောက်ထိ ကြံ့ခိုင်ပါသလဲ ?? ဒီမေးခွန်းက အတော်လေး ယေဘုယျ ကျတဲ့ မေးခွန်းတစ်ခုလို့ ဆိုရင် မမှားပါဘူး။ ဒီမေးခွန်းကို ကြားလိုက်တာနဲ့ လူတိုင်းရဲ့ အတွေးမှာ Password တစ်ခု Strong ဖြစ်ဖို့ဆိုရင် alphabets တွေ ၊ ( 1 2 3 4 ... ဆိုတဲ့ ) ဂဏန်းတွေ ၊ နောက်ပြီး ဒီ့ထက် ဒီ့ထက် Strong ဖြစ်ဖို့ဆို (!, @) စတဲ့ Special Chars တွေ သုံးပြီး လုပ်ဆောင်ရမယ် လို့ မတော်များများ ဖြေကြပါလိမ့်မယ်။ ဒါပေမယ့်လည်း တကယ်တမ်း အင်တာနက်ထဲမှာ လှည့်လည်သွားလာနေကြတဲ့ အင်တာနက် သုံးစွဲသူ User တွေ သူတို့အတွက် အသုံးလိုလို့ တကယ်တမ်း Password တစ်ခု ဖန်တီးကြပြီ ဆိုတဲ့ အခါ ဘယ်လို Password မျိုးတွေများ ဖန်တီးနေကြပါသလဲ။ ဘယ်သူတွေ ဘယ်လိုပြောပြော ၊ ဘယ်စာအုပ်မှာ ဘယ်လိုရှင်းရှင်း Users အတော်များများ အသုံးပြုနေကြတဲ့ Password တွေကတော့ 123456 ပါတဲ့ ဂဏန်းမျိုးတွေနဲ့စရင် စ ၊ မစရင် နောက်ဆုံးမှာ 123456 ဂဏန်းတွေနဲ့ ဆုံးတဲ့ Password တွေကိုပဲ မှတ်ရလွယ်တယ် ဆိုပြီး အသုံးပြုနေကြတဲ့ ကိစ္စပါပဲ။ ဒါဟာ ကျွန်တော် လက်တမ်း ပြောနေတာ မဟုတ်ပါဘူး။ ဒီအောက်က NASA ( National Aeronautics and Space Administration ) ကနေ စာရင်း ပြုစုထားတဲ့ ကမ္ဘာပေါ်မှာ လူသုံးများ ၊ လူကြိုက်အများဆုံး ထိပ်တန်း Password အခု ( ၂၀ ) စာရင်း ပါ။

ဒီအပေါ်က ဖော်ပြမှု အရဆို ကျွန်တော်တို့ Users တွေ ဘယ်လောက်များ အလွယ်ကြိုက်ကြပါသလဲ ?? ဒီလို Password မျိုး လုံးလုံးဆင်တူမဟုတ်တောင် ဒါမျိုးနဲ့ ခပ်နီးနီး ဆင်တူတဲ့ Password မျိုးများ ကျွန်တော်တို့တွေ ဖန်တီးထားခဲ့မိပြီလား။ ဒါဆိုရင်တော့ တော်တော် အန္တရာယ် ရှိနေပါပြီ။ ကိုယ်လုပ်ထားတဲ့ Password ကို သူများတွေ မသိဘူးလို့ အထင်နဲ့ ဖန်တီးထားခဲ့ပေမယ့် ခုဆိုရင် ကိုယ့် Password က Hackers တစ်ယောက်အတွက် အလွယ်တစ်ခု ခန့်မှန်းနိုင်တဲ့ Password တစ်ခု ဖြစ်နေပြီ ဆိုတာ မြင်သာနေပါပြီ။ ဒီနေရာမှာ မေးခွန်း တစ်ခု ရှိလာပါတယ်။

Hackers တစ်ယောက်က ကျွန်တော်တို့ရဲ့ Password တစ်ခုကို Hack ဖို့အတွက် အချိန်ဘယ်လောက်ထိ ယူရနိုင်ပါသလဲ ??

ဒီမေးခွန်းက အချက် ( ၃ ) ချက်ပေါ်မှာ မူတည်နေပါတယ်။ အဲဒီ့ ( ၃ ) ချက်ကတော့ -

• ကျွန်တော်တို့ရဲ့ Password က ဘယ်လောက် ရှည်လျားပြီး ၊ ဘယ်လောက်ထိ ရှုပ်ရှုပ်ထွေးထွေး စာလုံးတွေနဲ့ ဖန်တီးထားခဲ့သလဲ ဆိုတာရယ်
  
• အဲ့ဒီ့ Hacker ရဲ့ ကွန်ပြူတာက ဘယ်လောက်ထိ လျင်မြန်မှု ရှိသလဲ ဆိုတာရယ် နောက်ဆုံး
  
• အဲ့ဒီ့ Hacker သုံးနေတဲ့ Internet connection က ဘယ်လောက်ထိ လျင်မြန်မှု ရှိသလဲ ဆိုတာတွေပေါ် ယေဘုယျ အားဖြင့် မူတည်နေပါတယ်။
  

ဒီလိုဆို ကျွန်တော်တို့ အဲ့ဒီ့ Hacker မှာ Connection ကောင်းကောင်း ၊ ကွန်ပြူတာ ကောင်းကောင်း သုံးနိုင်တဲ့ Hacker တစ်ယောက် ဖြစ်တယ်လို့ပဲ အကြမ်းယူဆလိုက်ကြရအောင်။ အဲ့ဒီ့တော့ ကျွန်တော်တို့ နောက်ဆုံး မေးခွန်း တစ်ခုပဲ ကျန်ပါတော့တယ်။

ကျွန်တော်တို့ရဲ့ Password က ဘယ်လောက် ရှည်လျားပြီး ၊ ဘယ်လောက်ထိ ရှုပ်ရှုပ်ထွေးထွေး စာလုံးတွေနဲ့ ဖန်တီးထားခဲ့သလဲ ??

ဒီအချက်ကို ကျော်လွှားနိုင်ဖို့ Hacker တစ်ယောက်ဟာ ဟိုးအပေါ်ဆုံးမှာ ဖော်ပြထားခဲ့သလို အရင်ဆုံး ဖြစ်နိုင်ချေ အများဆုံးရှိတဲ့ စကားလုံး ပေါင်းစပ်မှုမျိုးတွေနဲ့ သူ ကျော်လွှားချင်တဲ့ Passwords ကို စတင် ချဉ်းကပ်ပါတယ်။ သာမန် Users တွေအတွက်သာ ဖြစ်နိုင်ချေရှိတဲ့ စကားလုံးတွေကို ရှေ့နောက်တွဲရတာ ၊ အပေါ်အောက် ချိန်းရတာ မနည်းမနော အချိန်ပေးရမယ် ထင်ရပေမယ့် Hackers တစ်ယောက်အတွက်တော့ ကလေးကစားစရာတစ်ခုလို မိနစ်ပိုင်းလောက်ပဲ ကြာမြင့်မှာပါ။ ဥပမာ လူတစ်ယောက်သုံးနေတဲ့ website တစ်ခုက Password ကို ခန့်မှန်းမယ် ဆိုပါစို့။ Hacker တစ်ယောက်က ဒါမျိုး အချက်တွေကို အဦးဆုံး စတင် စုဆောင်းပါတယ်။

1. အဲ့ဒီ့သူရဲ့ ချစ်သူ ၊ သူ့ရဲ့ ကလေး ၊ အိမ်မွေးတိရစ္ဆာန် တွေရဲ့ နာမည် ၊ နောက်ပြီး အဲ့ဒီ့ နာမည်တွေရဲ့ နောက်မှာ " 0 " တို့ " 1 " တို့ ဆိုတဲ့ ဂဏန်းတွေ လိုက်ကောင်းလိုက်မယ်။ ( ဒါတွေက ကျွန်တော်တို့ အမြဲ လုပ်နေကျ passwords မျိုး မလား ?? ) :D  
2. မှတ်ပုံတင်နံပါတ် - ကျောင်းသားကဒ် - စတဲ့ကဒ်တွေထဲက နောက်ဆုံး စာလုံး ( ၄ ) လုံး သို့မဟုတ် ရှေ့ဆုံး စာလုံး ( ၄ ) လုံး စသဖြင့် ...
   
3. အလွယ်ကြိုက်သူတွေဆို 123 ဒါမှမဟုတ် 1234 အဲတာမှ မဟုတ်ရင် 123456 ( မသုံးဘူး မထင်ပါနဲ့ .. အဲလို သုံးနေတဲ့သူ ဘယ်လောက်များတယ်ဆိုတာ အပေါ်ဆုံးမှာ ဖော်ပြထားတဲ့ ဇယားကိုသာကြည့်ပါ။ )
   
4. တစ်ချို့ တွေက password ဆိုတာကိုမှ "password" ဆိုပြီး နာမည်ပြန်ပေးကြတယ်။ အလွယ်ဆုံးက အလုံခြုံဆုံး ဆိုပြီး။ :D
   
5. နောက် ကျွန်တော်တို့ နေထိုင်ရာ မွေးဖွားရာ မြို့တွေ၊ တက်ခဲ့တဲ့ ကျောင်း ၊ ကောလိပ် ၊ ကိုယ်သဘောကျတဲ့ အသင်းတစ်သင်းသင်း နာမည် ( သို့ ) ကိုယ်ပါဝင်လှုပ်ရှားခဲ့ဖူးတဲ့ အသင်းတစ်သင်း။ ( ဘောလုံး အသင်းနာမည် စသဖြင့် ... )
   
6. ကိုယ်ကိုယ်တိုင် ၊ ဒါမှမဟုတ် ကိုယ့်ချစ်သူ ၊ ကိုယ့် ကလေး တွေရဲ့ မွေးနေ့တွေ။ 

စတဲ့ အချက်အလက်တွေကို စတင်စုံစမ်းပါလိမ့်မယ်။ အဲဒီလို ဖြစ်နိုင်ချေ ရှိတာတွေ သူရရှိပြီ ဆိုရင်တော့ သူတို့အားလုံးကို စုပေါင်းပြီး ဖြစ်နိုင်ချေရှိတဲ့ Characters တွေ ( ဆိုလိုတာ uppercase တွေနဲ့ ဖြစ်နိုင်မလား ၊ lowercase တွေနဲ့ ဖြစ်နိုင်မလား နောက်ပြီး special characters ကို သုံးထားမလား ) ဆိုပြီး ကွန်ပြူတာမှာ သူစတင် တွက်ချက်ပါတယ်။ တကယ်လို့ ကျွန်တော်တို့ရဲ့ Password ထဲမှာပါ capital letter တစ်ခုခု ဒါမှမဟုတ် asterisk ( * ) လိုမျိုးများ တစ်ခုလောက် ပါခဲ့ပြီ ဆိုရင်တော့ ကျွန်တော်တို့ရဲ့ Password သာ အနဲဆုံး ( ၈ ) လုံး ဖြစ်ခဲ့ - သူတွက်ချက်ရမယ့် ကြာချိန်ဟာ 2.4 days ကနေ ပြီး 2.1 centuries ထိ ကြာမြင့်သွားနိုင်ပါတယ်။ ဒီအောက်က ဇယားကို ကြည့်ရင် Passwords ရှည်လျားမှု ၊ Characters အစုံသုံးစွဲမှုကို လိုက်ပြီး Hacker တစ်ယောက်အတွက် တွက်ချက်မှု ဘယ်လောက် ကြာမြင့်နိုင်မလဲ ဆိုတာ လေ့လာတွေ့ရှိနိုင်ပါတယ်။

တစ်ခုပြောစရာ ရှိတာက ဒီအပေါ်မှာ ဖော်ပြထားတဲ့ ကြာချိန်ဆိုတာ ကျွန်တော်တို့လို ပုံမှန် သုံးနေကျ ကွန်ပြူတာမျိုးနဲ့ တွက်ချက်ရင် ကြာမြင့်နိုင်မယ့် ကြာချိန်ကို အကြမ်းဖျဉ်းဖော်ပြထားတာပါ။ တကယ်လို့သာ Google မှာ သုံးနေတဲ့ Supercomputer လိုမျိုးတွေနဲ့သာ ဒီလို တွက်ချက်မှုမျိုး လုပ်ဆောင်မယ် ဆိုရင်တော့ ဒီ Password Hack တဲ့ လုပ်ငန်းစဉ်ဟာ အပေါ်မှာ ဖော်ပြထားတဲ့ ကြာမြင့်ချိန်ထက် အဆ ၁၀၀၀ မက ပိုပြီး မြန်ဆန် သွားနိုင်ပါတယ်။

ဒီအောက်က ဖော်ပြပါ ပုံကတော့ CXO ကနေ တွက်ချက် ဖော်ပြထားတဲ့ လူသုံးအများဆုံး Passwords တွေအလိုက် အခြေခံ ကြံခိုင်မှုပြ ဇယားပါ။ ကြည့်ရင်တော့ ဟာသပါပဲ။ ဟုတ်မှဟုတ်ပါ့မလားလို့တောင် ထင်ရပါတယ်။ ဒါပေမယ့် တကယ်ပါ။ အဲလို ခန့်မှန်းရလွယ်ပြီး အလွန်တရာကို ရိုးစင်းလွန်းတဲ့ Passwords မျိုးကို သူတို့ရဲ့ Online accounts တွေမှာ သုံးစွဲနေတဲ့ လူပေါင်း မနည်း ကမ္ဘာပေါ်မှာ ရှိနေပါတယ်။

သင့် Password မည်မျှ ကြံ့ခိုင်ပါသနည်း ??

Online services တွေ ဖြစ်တဲ့ Google ရဲ့ Gmail တို့ WordPress တို့မှာ passwords တွေကို strength ကို စစ်ဆေးဖို့ password meters ဆိုတာ ရှိပါတယ်။ သူတို့တွေက ကျွန်တော်တို့ box ထဲမှာ ရိုက်လိုက်တဲ့  စာလုံးအတိုင်းကို လိုက်ပြီး ဘယ်လောက်ထိ Strong ဖြစ်မဖြစ် တိုင်းတာ စစ်ဆေးတာပါ။ ဒီလိုအပ်ချက်ကို ဖြေရှင်းနိုင်ဖို့ Microsoft ကနေလည်း  online tool တစ်ခု စီစဉ်ပေးထားပါတယ်။ သူကနေပြီး ကျွန်တော်တို့ Password က Strong ဖြစ်သလား Weak ဖြစ်သလား ချက်ချင်း အဖြေထုတ်ပေးနိုင်ပါတယ်။ ခုပဲ ဒီနေရာကနေ သွားရောက် စစ်ဆေးကြည့်ပါ။

ဒီနေရာမှာ ဒီ password checking tools တွေရဲ့ အားနည်းချက် တစ်ခုက - ကျွန်တော်တို့ ရိုက်ထဲ့လိုက်တဲ့ Password ကို ( Crack ဖို့လွယ်လို့ ) Weak ဖြစ်တယ် Strong ဖြစ်တယ် ဆိုပြီး အဖြေထုတ်ပေး နိုင်ယုံကလွဲရင် ကျွန်တော်တို့ရဲ့ Weak ဖြစ်နေတဲ့ Password တစ်ခုကို ဘယ်လို Strong ဖြစ်အောင် လုပ်ရမယ် ဆိုတာ အဖြေထုတ်မပေးနိုင်ပါဘူး။ 

ဒီအတွက်တော့ စိတ်မညစ်ပါနဲ့ Password Meter ဆီကို သွားလိုက်ပါ။ သူကလည်း online tool တစ်ခုပါပဲ။ သူကတော့ ကျွန်တော်တို့ password ရဲ့ ကြံ့ခိုင်မှုကို စစ်ဆေးပေးယုံမျှ မက တကယ်လို့ ကျွန်တော်တို့ password က Weak နေတယ် ဆိုရင် ဘယ် characters မျိုးတွေနဲ့ တွဲဖက်သုံးသင့်တယ် ဆိုတာကိုပါ အကြံပေးပါတယ်။ ဥပမာ Password Meter နဲ့ ကျွန်တော် Strong ဖြစ်မယ့် Password တစ်ခု ဖန်တီးပြပါ့မယ်။ ဒီအောက်က ဖော်ပြပါ ပုံကို ကြည့်ပေးပါ။

အားလုံးကို ပြန်ပြီး အနှစ်ချုပ်ရမယ် ဆိုရင် ကျွန်တော်တို့ရဲ့ အရေးကြီးတဲ့ Online Accounts တိုင်းအတွက် Passwords ဖန်တီးမှုဆိုတာ ကျွန်တော်တို့ရဲ့ အသက်လောက် အရေးကြီးပါတယ်။ လုပ်ငန်း ငယ်ရင် ငယ်သလို ၊ ကြီးရင် ကြီးသလို Accounts တစ်ခု ဆုံးရံှုးမှုမှာ ဘဝတစ်ခုလုံး ပြောင်းလဲသွားစေနိုင်ပါတယ်။ ဒါကြောင့် တန်ဖိုးထားသင့်တဲ့ မိမိရဲ့ Online Accounts တိုင်းအတွက် Passwords တိုင်းကို မှတ်ရလွယ်ကူယုံ Password အဖြစ် ဖန်တီးခြင်းကနေ ရှောင်ကျဉ်ကြဖို့ တိုက်တွန်းရင်း နိဂုံးချုပ်လိုက်ပါတယ်။

MF မိသားစုဝင်များ အားလုံး လုံခြုံသော ဘဝများ ရရှိနိုင်ကြပါစေ။

KznT.

Google Wave and His Future

ဒီနေ့တော့  September 30th ရက်နေ့ကစတင်ပြီး Google ကနေ စတင်အသက်သွင်းခဲ့တဲ့ Google Wave ဆိုတဲ့ စိတ်ဝင်စားဖို့ ကောင်းမယ့် Communication platform တစ်ခု အကြောင်း မိတ်ဆက်ပေးချင်ပါတယ်။ တစ်ချို့လည်း Google Wave ဆိုတာ အနဲအကျဉ်း တီးမိခေါက်မိ ရှိပြီးလောက်ပါပြီ။ ကျွန်တော်လည်း Google Wave သတင်းစကြားကြားချင်း Google Wave ရှိရာဆီ အရောက်သွားခဲ့ပါတယ်။

ကျွန်တော့်မှာ Personal သုံးတဲ့ Email Account နဲ့ တစ်ခြား Internet ထဲမှာ သုံးဖို့ ဆိုပြီး Google Account ( ၂ ) ခုရှိပေမယ့် တစ်ခုမှ Google Wave ထဲကို ဝင်လို့ မရခဲ့ပါဘူး။ ဒါကလည်း အကြောင်းရှိပါတယ်။ Google Wave က လတ်တလော အခြေအနေမှာ Google User တိုင်းအတွက် အသုံးချခွင့် မပေးနိုင်သေးပဲ Limited Preview အနေနဲ့ပဲ ထားရှိပြီး တကယ်လို့ Google User တွေထဲကမှ Google Wave ကို သီးသန့် အသုံးချချင်သူများကိုသာ သူတို့ထံ ခွင့်တောင်းခံလွှာတင်ပြီး အသုံးချခွင့် ပေးထားတာမျိုး ဖြစ်ပါတယ်။

Request an invitation ကနေ တစ်ဆင့် ဝင်ပြီးတော့မှ ကျွန်တော်တို့ကို Google Wave ကို အသုံးချခွင့်ပေးဖို့ ခွင့်တောင်းခံလွှာ ဖြည့်ရမှာ ဖြစ်ပါတယ်။ ကျွန်တော်ကတော့ ခွင့်တောင်းထားတာ ကြာပြီဆိုတော့ အခု Google Wave ကို အသုံးချလို့ ရနေပါပြီ။ ဒီ ခွင့်တောင်းခံလွှာဆိုတာကလည်း လတ်တလောမှာ wave လောကမှာ အသိမရှိ ဘာမရှိ ဖြစ်နေသူတွေ အတွက်သာ ရည်ရွယ်တာပါ။ ဥပမာ ဆိုကြပါစို့ ကိုယ့်သူငယ်ချင်း အသိတစ်ယောက်က Google Wave သုံးနေတာကို ကိုယ် သိတယ် ဆိုရင် Member ဖြစ်ပြီးတဲ့ သူကနေတစ်ဆင့် ကိုယ့် Gmail ဆီ လှမ်းပြီး Invite လုပ်ခိုင်းလို့ ရပါတယ်။ ဒါဆိုရင် လျှောက်လွှာတင်ပြီး သုံးခွင့်ရမယ့် အချိန်ထိစောင့်ဖို့ မလိုပါဘူး။ Invitation Mail ရောက်ပြီ ဆိုတာနဲ့ Google Wave ထဲ ဝင်သုံးလိုက်ယုံပဲ ဖြစ်ပါတယ်။ Member တစ်ယောက်ကို လှမ်းပြီး invite လုပ်ခိုင်းလို့ ရတယ် ဆိုပေမယ့် member ဖြစ်တိုင်းလည်း လတ်တလော အခြေအနေမှာ အကန့်အသတ်မရှိ invite လုပ်လို့ ရတာမျိုး မဟုတ်ပါဘူး။ Member တစ်ယောက်ကို နောက်ထပ် Google Wave အသုံးပြုနိုင်ဖို့ member အသစ် ၁၆ ယောက်ပဲ invite လုပ်ပိုင်ခွင့် ရရှိမှာ ဖြစ်ပါတယ်။ ဒါကလည်း လတ်တလော အခြေအနေကို ပြောတာပါ။ နောက်ပိုင်းတော့ ဒီ ပြဿနာက ပြေလည်သွားမှာပါ။

Google Wave အကြောင်းကို ပြောမယ် ဆိုတော့ သူ့အကြောင်းအရာက အရမ်းကျယ်ပြန့်ပါတယ်။ တစ်ရက်နဲ့ ရေးလို့ မပြီး ၊ နှစ်ရက်နဲ့ ရေးလို့ မပြီး နောက်ဆုံး စာဖတ်တဲ့သူ ငြီးငွေ့ပြီး ဘယ်သူမှ မဖတ်ချင်တော့မယ့် Thread မျိုး အဖြစ်ကို ရောက်သွားမှာလည်း ကျွန်တော် မလိုလားပါဘူး။ ဒါကြောင့်မို့လို့ Google Wave ရဲ့ အကြောင်းအရာပေါင်း များစွာ ၊ အဓိပ္ပါယ် သတ်မှတ်ချက်ပေါင်း မြောက်များစွာ ထဲကမှ တန်ဖိုးရှိပြီး အဓိက ကျမယ့် အကြောင်းအရာတွေကိုပဲ ရွေးချယ် ဆွေးနွေးသွားဖို့ ဦးတည်လိုက်ပါတယ်။

Google Wave ဆိုတာ ဘာလဲ ??

Google Wave ဆိုတာကို အလွယ်ကူဆုံး အဓိပ္ပါယ် ဖွင့်ဆိုရမယ် ဆိုရင်တော့ လူမှုပတ်ဝန်းကျင်မှာ အချိန်နဲ့ တစ်ပြေးညီ ပေါင်းစပ်ဆောင်ရွက်နိုင်မယ့် နည်းပညာသစ် တစ်ရပ်လို့ပဲ ပြောရပါလိမ့်မယ်။ သူ့မှာ ဘာတွေ ပေါင်းစပ်ပါဝင်နေသလဲ ဆိုရင် Email တွေ ၊ Instant messaging တွေ ၊ နောက်ပြီး wikis ၊ web chat ၊ social networking နဲ့ တစ်ခြား project management တွေကို တစ်နေရာတည်းကနေ ပေါင်းစပ် လုပ်ကိုင်နိုင်ဖို့ ရည်ရွယ်ပြီး တည်ဆောက်ထားပါတယ်။ ကျွန်တော်တို့ သူငယ်ချင်းတွေ နောက်ပြီး လုပ်ငန်းပိုင်းဆိုင်ရာ လုပ်ဖော်ကိုင်ဖက်တွေကို Google Wave လို့ ခေါ်တဲ့ တစ်နေရာတည်းကို စုစည်းခေါ်ယူပြီး လုပ်ငန်းပိုင်းဆိုင်ရာ ညိှနိှုင်းမှုတွေ ၊ ဘယ်နေ့မှာ ဘာလုပ်မယ် ဆိုတာတွေ ၊ တစ်ယောက်နဲ့ တစ်ယောက် လိုအပ်နေတဲ့ ဖိုင်တွေ စသဖြင့် လိုအပ်တာတိုင်း ကို ပေါင်းစပ်လုပ်ကိုင်နိုင်ဖို့ စီစဉ်ထားပါတယ်။ Google Wave မှာ ကျွန်တော်တို့အတွက် အသုံးမချဖူးသေးတဲ့ features ပေါင်း မြောက်များစွာ ပါဝင်ပြီး ဒီအောက်က ဖော်ပြချက်တွေကတော့ အဲတာတွေထဲကမှ အနည်းအကျဉ်းလောက်ကို ဖော်ပြထားခြင်းပဲ ဖြစ်ပါတယ်။

• Real-time - အခြေအနေတစ်ခုကို ကျွန်တော်တို့ စုပေါင်းဆွေးနွေးကြတဲ့ အခါ တစ်ယောက်ယောက်က ဘာကို ပြောကြားချင်နေတယ် ဆိုတာ သူရိုက်လိုက်တဲ့ စာလုံးတိုင်းကိုလိုက်ပြီး အချိန်နဲ့ တစ်ပြေးညီ ကျွန်တော်တို့ မြင်တွေ့နေရမှာ ဖြစ်ပါတယ်။
• Embeddability - Embedded လုပ်တယ်ဆိုတာ အတော်များများ သိပြီးသား ဖြစ်ကြမယ် ထင်ပါတယ်။ ကျွန်တော်တို့ Waves ထဲကနေ ပြီး မိမိနှစ်သက်ရာ blog ဒါမှမဟုတ် website ကို embedded လုပ်ဆောင်လို့ ရမှာ ဖြစ်ပါတယ်။
• Applications and Extensions - သူကတော့ ဘာနဲ့ တူသလဲ ဆို Facebook တို့ iGoogle တို့လိုပါပဲ။ developers တွေက waves အတွင်းမှာပဲ ကိုယ့်ရဲ့ own apps တွေကို ထည့်သွင်း တည်ဆောက် သွားနိုင်ပါလိမ့်မယ်။
• Wiki functionality - Google Wave ထဲမှာ ကျွန်တော်တို့ ဆွေးနွေးကြတာတဲ့ အခါ တစ်ယောက်ယောက် ဖော်ပြထားတဲ့ အကြောင်းအရာ အချက်အလက်တစ်ခုကို တစ်ခြား တစ်ယောက်ယောက်က ပြင်ဆင်တည်းဖြတ်မှု လုပ်ဆောင်နိုင်ပါတယ်။ ဘာကြောင့်လဲဆိုရင် Google Wave Platform က Conversations အားလုံးကို Shared လုပ်ဆောင်ထားပြီး သား ဖြစ်နေလို့ပါ။
  
• Open source - Google Wave ရဲ့ code တွေက open source အဖြစ်တည်ရှိနေမှာဖြစ်ပြီး ရည်ရွယ်ချက်ကတော့ developers တြွေကားမှာ တဖြည်းဖြည်း လေ့လာတည်ဆောက်ယူရင်းနဲ့ ပိုပြီး တိုးတက်လာစေဖို့ ဖြစ်ပါတယ်။
  
• Playback - သီချင်းတွေ ဘာတွေ ဖွင့်ရင် ကြိုက်တဲ့ သီချင်း တစ်ပုဒ်ကို ထပ်ခါထပ်ခါ ပြန်ဖွင့်လို့ ရသလို မျိုးပေါ့ .. Google Wave မှာလည်း  Wave ထဲမှာ ပါဝင်နေတဲ့ ဘယ် အစိတ်အပိုင်း ကို မဆို ဘယ်သူတွေ ဘာပြောခဲ့လဲ ဆိုတာ အချိန်မရွေးပြန်လည် ကြည့်ရှုနိုင်မှာ ဖြစ်ပါတယ်။
  
• Natural language - Google Wave က ကျွန်တော်တို့ ရိုက်တဲ့ စာလုံးတိုင်းကို အမှားရှိမရှိ လိုက်လံစစ်ဆေးပေးပြီး မှားနေတဲ့ စာလုံးတိုင်း အတွက် autocorrect လုပ်ဆောင်ပေးနိုင်ပါတယ်။ ဒီအောက်က ပုံလေးကို ကြည့်ပါ။ ကျွန်တော်က Myanmar ဆိုတဲ့ နေရာမှာ " a " စာလုံးကို ချန်ခဲ့ပြီး ရိုက်လိုက်ပါတယ်။ ဒါပေမယ့် Google Wave ကတော့ ကျွန်တော် ဘာရိုက်ချင်လဲ ဆိုတာ သိပါတယ်။ ဒါတင်ပဲလား မကသေးပါဘူး သူက auto-translate ကိုလည်း လုပ်ဆောင်ပေးနိုင်ပါတယ်။
  

• Drag-and-drop file sharing - ကျွန်တော်တို့ သုံးနေကျ Emails တွေထဲမှာ Attachments တွဲသလို လိုက်တွဲနေစရာ မလိုပါဘူး။ မိမိ Share ပေးလိုတဲ့ ဖိုင်ကို Google Wave ထဲ Drag and Drop ဆောင်ရွက်လိုက်ယုံနဲ့ ကျန်သူများ အားလုံး access လုပ်နိုင်မှာ ဖြစ်ပါတယ်။

အခု ကျွန်တော် ဖော်ပြခဲ့တာတွေဆိုတာ Google Wave ရဲ့ များပြားလွန်းတဲ့ Features တွေထဲကမှ အနည်းအကျဉ်းလောက်ပါ။ နောက်ထပ် စိတ်ဝင်စားဖို့ ကောင်းပြီး အသုံးတည့်တဲ့ စွမ်းဆောင်ချက်တွေ အများအပြားကျန်နေပါသေးတယ်။

Google Wave အား ပိုင်းခြားလေ့လာခြင်း

နည်းပညာဆိုင်ရာ အကြောင်းအရာသစ် တစ်ရပ်ကို လေ့လာတော့မယ် ဆိုတဲ့ အခါ သူနဲ့ ပတ်သတ်နေတဲ့ စကားလုံးအဓိပ္ပါယ်တွေကို အကုန်လုံး မဟုတ်တောင် အရေးပါပြီး သူ့နယ်ပယ်ထဲမှာ သုံးနေတဲ့ စကားလုံးတိုင်း အတွက် နားလည်သိရှိပြီးသား ဖြစ်နေဖို့ လိုပါတယ်။ Google Wave မှာလည်း သူနဲ့ ပတ်သတ်နေတဲ့ ကိုယ်ပိုင် Language ရှိပါတယ်။ ဟုတ်ပါတယ်။ ကျွန်တော်တို့ ဒီ Communication Platform ကို ရေရေရာရာ နားလည်နိုင်ဖို့ Google Wave မှာ သုံးနေတဲ့ စကားလုံးတစ်ချို့ရဲ့ အဓိပ္ပါယ် သတ်မှတ်ချက်တွေကို အခု လေ့လာကြရအောင်ပါ။ ဒီ စကားလုံးတွေကို နားလည်ထားခြင်း အားဖြင့် Google ကနေပြီး နောက်ဆုံးတင်ဆက်ဖို့ ကြိုးစားနေတဲ့ Project တစ်ခု အကြောင်းကို ကျွန်တော်တို့ ကောင်းကောင်း သဘောပေါက်သိရှိသွားပါလိမ့်မယ်။

• Wave - မြန်မာလို ဆိုရင်တော့ လိှုင်းတစ်ခုပေါ့။ အဲ့ဒီ့လိှုင်းက ဘာကို ကိုယ်စားပြုချင်တာလဲ ဆိုရင် Google Wave ကို အသုံးပြုပြီး လုပ်ဆောင်ချက် တစ်ခု ( ဝါ ) ဆွေးနွေးချက် တစ်ခုကို ကိုယ်စားပြုပါတယ်။ Wave တစ်ခုမှာ လူတစ်ဦးတစ်ယောက်တည်း ဆောင်ရွက်နေတာမျိုးတွေလည်း ပါဝင်နိုင်သလို  Robots တွေ အပါအဝင် ( Robots ၏ အကြောင်းအား အောက်တွင် ဖော်ပြထားပါသည် ) လူအများနဲ့ စုပေါင်းပြီး လုပ်ဆောင်နေရတာမျိုးလည်း ပါဝင်နိုင်ပါတယ်။ မြင်သာအောင် နိှုင်းယှဉ်ပြရမယ်ဆိုရင် သူက ဘာနဲ့ တူသလဲ ဆိုတော့ ကျွန်တော်တို့ အင်တာနက်ထဲမှာ တစ်ယောက်ယောက်နဲ့ Chatting လုပ်ပြီးတဲ့ အချိန်မှာ Chat History ထဲမှာ ပေါ်လာတဲ့ သူနဲ့ ကိုယ်နဲ့ ပြောခဲ့တဲ့ အကြောင်းအရာ တစ်ခုလုံး ( ဝါ ) message history တစ်ခုလုံးနဲ့ သဘောတရားတူပါတယ်။ ဆိုလိုတာက Wave လို့ ပြောလိုက်တာနဲ့ ဒီ အထဲမှာ ကိုယ်တစ်ယောက်တည်း ဖော်ပြထားတဲ့ အကြောင်းအရာ အစအဆုံး ပါဝင်တာမျိုးလည်း ဖြစ်နိုင်သလို ၊ လူအများနဲ့ ကိုယ်နဲ့ အတူတူပြောဆို ဆွေးနွေးခဲ့ကြတဲ့ အကြောင်းအရာ တစ်ခုလုံးကိုလည်း wave တစ်ခု အဖြစ် သတ်မှတ်ပါတယ်။ အပေါ်မှာ ကျွန်တော် ဖော်ပြထားတဲ့ သရုပ်ဖော်ပုံလေးကို ကြည့်ပေးပါ။

• Hi Guys ...
• When are we getting pizza ?
• At 6 PM.
• I'd rather get Burmese food.
• Yep, me 2. Let's Bail.

ဒီ အပေါ်မှာ ဖော်ပြထားတဲ့ လူအားလုံး ဆွေးနွေးထားတဲ့ ဆွေးနွေးချက်တွေ ပါဝင်နေတဲ့ Conversation တစ်ခု လုံးကို Wave လို့ ခေါ်ပါတယ်။

• Wavelet - သူကတော့ မြန်မာလိုဆို လိှုင်းငယ်လေး တစ်ခုပါ။ လိှုင်းငယ် ဆိုတော့ သူကလည်း အပေါ်မှာ ပြောခဲ့တဲ့ သဘောတရာ အတိုင်းပဲပေါ့။ သူကလည်း ဆွေးနွေးချက် တစ်ခုကို ကိုယ်စားပြု တာပါပဲ။ ဒါပေမယ့် သူက Wave နဲ့ မတူပါဘူး။ သူက Conversation လိှုင်းတစ်ခု ဆိုပေမယ့် လူအများ စုပေါင်းပြောဆိုနေကြတဲ့ Wave အကြီးစား တစ်ခုထဲကမှ လူတစ်ချို့သာ ပြောဆိုနေကြတဲ့ Wave ကို ဆိုလိုပါတယ်။ ကျွန်တော် ဖော်ပြထားတဲ့ သရုပ်ဖော်ပုံလေးကို ကြည့်ပေးပါ။

• Hi Guys ...
• When are we getting pizza ?
• At 6 PM.

ဒီလို လိှုင်းငယ် တစ်ခုတည်းမှာပဲ ပါဝင်တဲ့ ဆွေးနွေးချက်တွေကို Wavelet လို့ ခေါ်ပါတယ်။

• Blip - သူကတော့ Wave အားလုံးထဲမှာက အသေးငယ်ဆုံး စကားတစ်ခွန်း ၊ စာကြောင်းတစ်ကြောင်း ၊ အကြောင်းအရာတစ်ခုကို ကိုယ်စားပြုတဲ့ Wave ကို ဆိုလိုတာပါ။ သူက ဘာနဲ့ တူသလဲဆိုရင် တစ်ယောက်နဲ့ စကားပြောတဲ့ အခါ " နေကောင်းလား " ဆိုပြီး မေးတဲ့ တစ်ကြောင်းတည်းသော စာကြောင်းနဲ့ သဘောတရားချင်း ဆင်တူပါတယ်။ Blip လို့ ခေါ်ဆိုတဲ့ စာတစ်ကြောင်းကို ရိုက်ပြီးတဲ့ အချိန်မှာ ဒီစာကြောင်းကို Publish လုပ်မယ် မလုပ်ဘူး ဆိုတာ စာရိုက်တဲ့သူက ထိန်းချုပ်လို့ရပါတယ်။ ဘာနဲ့ တူသလို Gtalk မှာ စာရိုက်ပြီး Enter မခေါက်ခင် စဉ်းစားတဲ့ အခြေအနေနဲ့ သဘောချင်း ဆင်ပါတယ်။ အပေါ်က သရုပ်ဖော် ပုံနဲ့ ပြောရမယ် ဆိုရင်တော့ -

• Hi Guys ...

ဒီစာကြောင်းတစ်ကြောင်းတည်းက Blip ပါပဲ။

• Document - သူကတော့ Blip ထဲမှာ ပါဝင်နေတဲ့ အကြောင်းအရာ အချက်အလက် Data အားလုံးကို ဆိုလိုတာပါ။ ဘာအကြောင်းအရာတွေလဲ ဆိုရင် Blip တစ်ခုထဲမှာ ပါရှိနေတဲ့ စာသားတွေ ၊ စကားလုံးတွေ ၊ ဖိုင်တွေ ... စသဖြင့် အားလုံးကိုဆိုလိုပါတယ်။

• Extension - Extension ဆိုတာ Wave ထဲမှာ ပါဝင် အသုံးပြုတဲ့ Applications အသေးစား တစ်ခုပါပဲ။ ဘာအတွက်လဲ ဆိုရင် Wave ကို အသုံးပြုနေတဲ့ အချိန်မှာလိုအပ်တာ မှန်သမျှကို သက်တောင့်သက်သာ အဆင်ပြေပြေ သုံးစွဲနိုင်အောင်လို့ပါ။ Google Wave မှာ အသုံးပြုတဲ့ Extensions ( ၂ ) မျိုး ( ၂ ) စားရှိပြီး သူတို့ကို Gadgets နဲ့ Robots လို့ ခေါ်ပါတယ်။

• Gadgets - Gadgets ဆိုတာ users တွေ အသုံးပြုနိုင်ဖို့ စီစဉ်ပေးထားတဲ့ Applications တွေ ဖြစ်ပြီး သူတို့တွေကို Google ရဲ့ OpenSocial platform နဲ့ တည်ဆောက်ထားတာ ဖြစ်ပါတယ်။ ဘာနဲ့ အလားသဏ္ဍန် တူလဲ ဆိုရင် iGoogle မှာ သုံးတဲ့ Gadgets တွေ နောက်ပြီး Facebooks မှာ သုံးကြတဲ့ Applications တွေနဲ့ သဘောတရားချင်း ဆင်ပါတယ်။
  

• Robots - သူကတော့ Wave တစ်ခုအတွင်းမှာ အလိုလျောက် ပါဝင်ဆောင်ရွက်နိုင်စွမ်းရှိတဲ့ automated applications တွေကို ဆိုလိုတာပါ။ ဥပမာ - ဘာသာစကား မတူတဲ့ နိုင်ငံခြားသား ၂ ယောက် Wave ကို သုံးပြီး စကားပြောကြတယ် ဆိုပါစို့။ တစ်ယောက်က ပြင်သစ်လို ပြောတယ် နောက်တစ်ယောက်က အင်္ဂလိပ်လို ပြောတယ်။ နှစ်ယောက်လုံးက တစ်ခြားသူ တစ်ယောက်ရဲ့ ဘာသာစကားကို နားလည်တတ်ကျွမ်းထားဖို့ မလိုပါဘူး။ Rosy လို့ ခေါ်တဲ့ စကားပြန် Robots ကို ကိုယ်နဲ့ သူ စကားပြောနေတဲ့ wave ထဲမှာ ထည့်ပြီး ခေါ်သွင်းထားလိုက်မယ် ဆိုရင် တစ်ဖက်က ပြင်သစ်လို ရိုက်လိုက်တဲ့ စာကြောင်းတွေ ကိုယ့်ဆီရောက်တဲ့ အချိန်မှာ အင်္ဂလိပ်လို ဖြစ်သွားပြီး။ ကိုယ်ရိုက်လိုက်တဲ့ အင်္ဂလိပ်စာကြောင်း ကလည်း သူ့ဆီရောက်ရင် ပြင်သစ်စာ ဖြစ်သွားမှာ ဖြစ်ပါတယ်။ 

• Embeded Wave - Embeded Wave ဆိုတာ Wave တစ်ခုနဲ့ အတူ သူ့ထဲမှာ ပါဝင်နေတဲ့ အကြောင်းအရာအားလုံး ယူဆောင်ပြီး ကိုယ့်ရဲ့ Site ဒါမှမဟုတ် ကိုယ် ဖော်ပြချင်တဲ့ နေရာမှာထည့်သွင်းနိုင်ဖို့ အတွက် နည်းလမ်းကို ဆိုလိုပါတယ်။ Users တွေက ဒီနည်းလမ်းကို အသုံးချပြီး ကိုယ့်ကို အလွယ်တကူ ဆက်သွယ်နိုင်ဖို့ အတွက် Chatroom တွေ အဖြစ် တည်ဆောက်ကြတာ တွေ့ရပါတယ်။ တစ်ခြား ရည်ရွယ်ချက် မျိုးစုံနဲ့လည်း အသုံးချလို့ ရပါသေးတယ်။
  

Wave Gadgets များ အကြောင်း

Wave Gadget ဆိုတာ Google Wave extensions အမျိုးအစား ( ၂ ) မျိုးထဲက တစ်မျိုးပဲ ဖြစ်ပါတယ်။ နောက်ပြီး Gadgets ဆိုတာ users တွေ စိတ်တိုင်းကျ အသုံးချနိုင်တဲ့ Apps တွေဆိုရင်လည်း မမှားပါဘူး။ Google ရဲ့ ဖန်တီးမှု အောက်မှာ Gadgets တွေဟာ ယေဘုယျအားဖြင့် Waves ကို အသုံးပြုတဲ့ သူတွေအတွက် အပြောင်းအလဲ ဖြစ်စေနိုင်ဖို့နဲ့ စိတ်ကျေနပ်မှု ရရှိစေနိုင်ဖို့ ရည်ရွယ်ရင်း ဖြစ်ပါတယ်။ 

ပထမအချက်အနေနဲ့ - iGoogle နဲ့ OpenSocial gadget တွေအပါအဝင် အားလုံးလိုလိုဟာ Google Wave အတွင်းမှာ ပူးပေါင်းအသုံးပြုနိုင်မှာ ဖြစ်ပြီး ဒါဟာဘာကို ဖော်ပြသလဲ ဆိုရင် Apps ပေါင်း မြောက်များစွာဟာ Google Wave ထဲမှာ အသုံးချဖို့အတွက် ကြိုတင်ဖန်တီးထားပြီးသား ဖြစ်နေတယ် ဆိုတာ သိသာစေပါတယ်။

ဒုတိယအချက်အနေနဲ့ - Google Wave ထဲမှာ အသုံးပြုနေတဲ့ Gadget တစ်ခုဟာ wave ကို အသုံးပြုနေသူ users တွေရဲ့ ကြားမှာ အပြန်အလှန် ဆက်သွယ်မှု ရယူဆောင်ရွက်နိုင်ပါတယ်။ မြင်သာအောင် ပြောရမယ် ဆိုရင် online game သဘောတရားမျိုးနဲ့ ဆင်ပြီး ကိုယ်လည်းပဲ တခြား gamers တွေနဲ့ အတူ ဝင်ရောက် ဆော့ကစားနေတာမျိုးနဲ့ ဆင်ပါတယ်။ နောက်တစ်မျိုး ဆိုရရင် Facebook နဲ့ Myspace တို့က လူကြိုက်များတဲ့ apps တွေနဲ့ သဘောတရားချင်း ဆင်တူပြီး ကိုယ့်သူငယ်ချင်း အပေါင်းအသင်းတွေနဲ့ အတူ ဂိမ်းတွေ ဆော့ကစားတာ ၊ မေးခွန်းလေးတွေ ဖြေတာ ၊ စတာတွေကို ပျော်ရွှင်ကြည်နူးစွာနဲ့ အသုံးချဆော့ကစား နိုင်မှာ ဖြစ်ပါတယ်။

Google Waves မှာ ပါဝင်တဲ့ Gadgets တွေဆိုတာ တစ်ဦး တစ်ယောက်ချင်းစီ ၊ Waves တစ်ခုချင်း စီအတွက် ဖြစ်ပြီး ကျွန်တော်တို့ရဲ့ Facebook profile မှာ ရှိနေတဲ့ apps တွေနဲ့ မတူတာ တစ်ချက်က apps တွေက users တွေကို ပိုင်ဆိုင်တာမျိုး မဟုတ်ပဲ ၊ users တွေကသာ apps ကို ပိုင်ဆိုင်ပြီး မိမိအလိုရှိသလို အသုံးချနိုင်ခြင်းပဲ ဖြစ်ပါတယ်။ တစ်ခြား gadgets တွေနဲ့ ပတ်သတ်တဲ့ အကြောင်းအရာတွေကို အသေးစိတ် လေ့လာချင်သူတွေ အတွက်ကတော့ အောက်ဖော်ပြပါ link ကနေ သွားရောက် လေ့လာနိုင်ပါတယ်။

Wave Gadgets Tutorial


Wave Robots များ အကြောင်း

Robots ဆိုတာလည်း Google Wave ရဲ့ နောက်ထပ် Extension တစ်မျိုးပါပဲ။ ဒါပေမယ့် သူ့မှာ ထူးခြားချက်တွေရှိပါတယ်။ ဘယ်လို ထူးခြားတာလဲ ဆိုရင် သူက ကျွန်တော် အပေါ်မှာ နဲနဲ အစပျိုးဖော်ပြခဲ့ပြီး သလိုမျိုး သက်ရှိတစ်ယောက် မဟုတ်ပေမယ့် Google Wave conversation အတွင်းမှာ သက်ရှိ တစ်ယောက်လို ဝင်ရောက် စွမ်းဆောင်ပေးနိုင်တဲ့ Extension တစ်ခု ဖြစ်နေတယ် ဆိုတာပါ။ ဒါကြောင့်မို့လည်း သူ့ကို Robots လို့ ကျွန်တော်တို့ ခေါ်ကြတာပေါ့။ ဒီ Robots တွေက ဘာတွေ လုပ်ဆောင်နိုင်သလဲ ဆိုရင် Waves တွေအတွင်းမှာ ကျွန်တော်တို့ သုံးစွဲနေစဉ်အတွင်း  လိုအပ်မယ့် Information တွေကို အလိုလျောက် ယူဆောင်လာပေးနိုင်တယ်။ နောက်ပြီး တစ်ခြား Waves တွေနဲ့ ကူးသန်းဆက်နွယ်လို့ ရအောင် လုပ်ဆောင်ပေးတယ်။ တစ်ခြားနေရာတစ်ခုက အကြောင်းအရာတွေ ကိုယ်လိုချင်ပြီဆို ကိုယ့်ဆီရောက်လာအောင် အလိုလျောက် ခေါ်လာပေးတယ်။ စသဖြင့် Robots အမျိုးအစားခြင်း မတူလို့ တစ်ခုနဲ့ တစ်ခု လုပ်ဆောင်ပုံခြင်းတော့ မတူညီကြပါဘူး။ Waves ထဲမှာ ရှိတဲ့ Robots တစ်ချို့နဲ့ မိတ်ဆက်ပေးရရင် - အပေါ်မှာ ပြောခဲ့ပြီးတဲ့  Rosy လို့ ခေါ်တဲ့ စကားပြန် Robots ကို ကိုယ်နဲ့ တစ်ခြားသူ ( ဘာသာစကားမတူသူ ) စကားပြောနေတဲ့ wave ထဲမှာ ထည့်ပြီး ခေါ်သွင်းထားလိုက်မယ် ဆိုရင် ဥပမာအနေနဲ့ တစ်ဖက်က ပြင်သစ်လို ရိုက်လိုက်တဲ့ စာကြောင်းတွေ ကိုယ့်ဆီရောက်တဲ့ အချိန်မှာ အင်္ဂလိပ်လို ဖြစ်သွားပြီး။ ကိုယ်ရိုက်လိုက်တဲ့ အင်္ဂလိပ်စာကြောင်း ကလည်း သူ့ဆီရောက်ရင် ပြင်သစ်စာ ဖြစ်သွားမယ်။ နောက် Stocky လို့ခေါ်တဲ့ Robots ရှိနေမယ် ဆိုရင် လက်ရှိ Stock ဈေးကွက်ပေါ် အခြေခံပြီး stock prices တွေ ကျွန်တော်တို့ သိရအောင် သူက အလိုလို ဖော်ပြပေးနိုင်မယ်။ Tweety လို့ခေါ်တဲ့ Robots ရှိနေမယ် ဆိုရင် Wave အတွင်းမှာပဲ tweets တွေကို မြင်တွေ့နေရမယ် ... စသဖြင့် ရှိပါတယ်။

ဒီ့ထက်ပိုပြီး သိချင် လေ့လာချင်သူတွေ အနေနဲ့ကတော့ Google ကနေ ဖော်ပြထားတဲ့ ဒီနေရာမှာ သွားရောက် လေ့လာနိုင်ပါတယ်။

Wave Embeds

Wave တစ်ခုကို Blog တစ်ခုထဲ  ထည့်ရတာ Youtube က ဗွီဒီယို တစ်ခုကို Blog ထဲ ထည့်ရတာထက် နဲနဲလေး ပိုရှုပ်တယ်လို့ ထင်ရပေမယ့် သူ့မှာ အသုံးပြုသူအတွက် အများကြီး အဆင်ပြေအောင် ဖန်တီးပေးထားပါတယ်။ Wave Embeds မတိုင်ခင်ကတည်းက Google ကနေပြီး ကြိုပြီး လုပ်ဆောင်ထားတာတွေလည်း ရှိပါသေးတယ်။

အဲတာတွေက YouTube Playlist တွေနဲ့ ပတ်သတ်ပြီး Wave ထဲမှာ အပြန်အလှန် ဆွေးနွေးနိုင်တာတွေ၊  Extensions ( ၂ ) ခုကို အတူတူ Embed လုပ်နိုင်အောင် ပံ့ပိုးထားတာတွေ ဖြစ်ပါတယ်။ ဒီလိုလုပ်ဆောင်ထားခြင်းဖြင့် Wave တစ်ခုတည်း အတွင်းမှာ  YouTube က video တစ်ခုခုကို တစ်ယောက်ယောက်က စဆွေးနွေးထားရင် နောက်လူတွေကပါ စာမျက်နှာ တစ်ခုတည်းမှာ နောက်ထပ် Waves တွေ ခွဲပြီး ထင်မြင်ချက်တွေ၊သုံးသပ်ချက်တွေ အချိန်နဲ့ တစ်ပြေးညီ ဝင်ရောက် ဆွေးနွေးပြောဆိုသွားနိုင်မှာ ဖြစ်ပါတယ်။ Google Wave Embeds ရဲ့ အဓိက ဦးတည်ထားတဲ့ ရည်ရွယ်ချက် တွေထဲက ဖြစ်နိုင်ချေရှိတာ တစ်ခုကတော့ အချိန်နဲ့ တစ်ပြေးညီ အကြောင်းတစ်စုံတစ်ရာနဲ့ ပတ်သတ်ပြီး ထင်မြင်ချက် ၊ ယူဆချက် ( comments ) တွေကို ရယူသွားနိုင်ဖို့ ဖြစ်လိမ့်မယ်လို့ ယူဆမိပါတယ်။ တကယ်လို့ Google ကသာ Wave Embeds နဲ့ ပတ်သတ်ပြီး ကောင်းသထက်ကောင်းအောင် ပြင်ဆင်သွားနိုင်မယ် ဆိုရင် နောက်ဆိုရင် YouTube.com က comments တွေကို waves နဲ့ အစားသွင်း ဖော်ပြသွားနိုင်လိမ့်မယ် လို့တောင် ယူဆလို့ ရပါတယ်။ ဒါပေမယ့် လတ်တလေး အခြေအနေမှာတော့ အတိအကျကြီး ပြောဖို့ ခက်ခဲနေပါသေးတယ်။

Google ရဲ့  Wave Embed Developer’s Guide အကြောင်းကို ဖော်ပြပါ နေရာကနေ အကျယ် သွားရောက် ဖတ်ရှု့နိုင်ပါတယ်။


Google Wave ၏ အခြားသော လေ့လာဖွယ်ရာများ

• Google Wave Federation Protocol: ဒီနေရာကနေ Google ကနေ ဖော်ပြထားတဲ့ Wave protocol တည်ဆောက်ပုံတွေ တစ်ခြား အသေးစိတ် သိစရာတွေကို လေ့လာနိုင်ပါတယ်။
  

• Google Wave API: Developers တွေ အတွက် စိတ်ဝင်စားစရာ Google Wave ကို ဘယ်လိုတည်ဆောက်ထားတယ် ဆိုတာ ဖော်ပြပါ နေရာကနေ သွားရောက်လေ့လာနိုင်ပါတယ်။

• Google Wave Updates: Google Wave မှာ Sign Up မလုပ်ရသေးဘူး မလား ?? ဒီနေရာကနေ Sign Up လုပ်ပြီး မကြာမတင် ကာလမှာ Google ရဲ့ လိှုင်းကွန်ယက် အတွင်း တွေ့ဆုံကြရအောင်ပါ။
  

MF မိသားစုဝင် အားလုံး Google Wave နှင့် အကျွမ်းတဝင် ပျော်ဝင်နိုင်ကြပါစေ။

KanT.

Dummies Ebooks Collection A Series

ကျွန်တော် စစချင်းတော့ တစ်အုပ်ချင်း ခွဲတင် ပေးမလို့ပါပဲ ... ဒါပေမယ့် အဲလောက်ထိ အချိန်မပေးနိုင်တော့တာကြောင့် စာအုပ်လိုချင်သူတွေ အဆင်ပြေအောင် Dummies Ebooks ကို Series လိုက်ခွဲပြီး ပေါင်းတင်ပေးလိုက်ပါတယ်။ လောလောဆယ်တော့ A Series ပါ။ Dummies Ebooks A Series ဆိုတာ တစ်ခြားတော့ မဟုတ်ပါဘူး။ A နဲ့ စတာတွေချည်း စုထားတာပါ။ အပေါ်က တစ်အုပ်ချင်းစီ တင်ထားတာတွေပါ ဒီ အထဲမှာ အားလုံး ပြန်ထည့်ပေးထားပါတယ်။ ဖြစ်နိုင်ရင် Series လိုက်ကို အားရင် အားသလို တင်ပေးသွားပါ့မယ်။

ဒေါင်းလုပ်ချလိုက်ရင် ရရှိလာမယ့် စာအုပ်စာရင်းတွေကတော့ အောက်ဖော်ပြပါ အတိုင်းပါ။

1. 3dsmax 5 for Dummies (2003).chm
2. A Family's Guide to the Military For Dummies - (2008).pdf
3. A+ Certification for Dummies 2nd Ed (2001).pdf
4. A+ Certification for Dummies, 3rd (Ron Gilster, 2004, 0764541870).chm
5. Access 2007 VBA Programming For Dummies (Wiley, 2007).pdf
6. Accounting for DUMmIES 4th.pdf
7. Accounting WorkBook for DUMmIES.pdf
8. Acne for DUMmIES.pdf
9. ACT 2005 for Dummies (2004).pdf
10. ACT 2007 For Dummies - K. Fredricks (Wiley, 2006) WW.pdf
11. ACT! by Sage for DUMmIES 9th.pdf
12. Active Directory for DUMmIES 2nd.pdf
13. Adobe Acrobat 6 PDF For Dummies 2003 Wiley RR.pdf
14. Adobe Creative Suite 2 All-In-One Desk Reference for Dummies (2005).pdf
15. Adobe Creative Suite 3 All-In-One Desk Reference for DUMmIES.pdf
16. Adobe Creative Suite All-In-One Desk Reference for Dummies (2004).chm
17. Adobe Illustrator 10 for Dummies.pdf
18. Adobe Illustrator CS for Dummies.pdf
19. Adobe InDesign CS3 for DUMmIES.pdf
20. Adobe Premiere Elements for Dummies (2004).pdf
21. Advanced Selling for DUMmIES.pdf
22. Advertising for Dummies.pdf
23. Ajax for Dummies (2006).pdf
24. Algebra II for DUMmIES.pdf
25. Anatomy & Physiology WorkBook for DUMmIES.pdf
26. Ancient Egyptians For Dummies.pdf
27. Ancient Greeks For Dummies.pdf
28. Anger Management for DUMmIES.pdf
29. Answering Tough Interview Questions for DUMmIES.pdf
30. AP Biology for DUMmIES.pdf
31. AP Chemistry for DUMmIES.pdf
32. AP Chemistry For Dummies - P. Mikulecky, et al., (Wiley, 2009) WW.pdf
33. AP English Literature & Composition for DUMmIES.pdf
34. Arabic for DUMmIES.pdf
35. ASP NET 3 5 For Dummies Feb 2008.pdf
36. ASP.NET 2.0 All-In-One Desk Reference for DUMmIES.pdf
37. Australia For Dummies.pdf
38. Auto Repair for Dummies.pdf
39. Auto Repair for Dummies - D Sclar (1999) WW.pdf
40. AutoCAD 2005 for Dummies (2004).pdf
41. AutoCAD 2007 For Dummies - D. Byrnes, M. Middlebrook (Wiley, 2006) WW.pdf

Download ကိုတော့ တတ်နိုင်သမျှ အဆင်အပြေဆုံး ဖြစ်အောင် Multiupload ကနေ တင်ပေးထားပါတယ်။ Links တွေ ခဏခဏ ပျက်တဲ့ ပြဿနာကနေ အတတ်နိုင်ဆုံး ထိန်းထားနိုင်အောင်လို့ပါ။

My Ebooks A Series.part4.rar (3.1 MB)
http://www.multiupload.com/05RRXD8RAG

My Ebooks A Series.part1.rar (95.4 MB)
http://www.multiupload.com/VXZGSUY2SX

My Ebooks A Series.part2.rar (95.4 MB)
http://www.multiupload.com/892BN54L9K

My Ebooks A Series.part3.rar (95.4 MB)
http://www.multiupload.com/4LM8F4HHFW

Password = www.myanmarfamily.org

နောက်နေ့တွေ ကျရင် နောက် Series တွေ ထပ်တင်ပေးပါဦးမယ်။