စာမရေးဖြစ်တာ နဲနဲ ကြာသွားတယ် - ကျွန်တော် အားလုံး အတွက် အသုံးဝင်မယ့် အကြောင်းအရာလေး တစ်ခု အသေးစိတ် ရေးနိုင်ဖို့ စာနည်းနည်း လိုက်ဖတ်နေတာနဲ့ အချိန်ကြာသွားတာပါ - ကျွန်တော် လေ့လာခဲ့တာလေးတွေကို ခု အားလုံး စုပေါင်းပြီး ဖောက်သည်ချပါတော့မယ်။
ကျွန်တော် အင်တာနက် စသုံးခဲ့စတုန်းက Online video sharing တွေ အကြောင်း သိပ်မသိခဲ့သေးသလို သူ့ အသုံးဝင်ပုံတွေ အကြောင်းလည်း ကောင်းကောင်း နားမလည်ခဲ့သေးပါဘူး - အဲ့တုန်းက ကျွန်တော်နားလည်တာ ကိုယ်နားထောင်ချင်တဲ့ သီချင်းရှိရင် အင်တာနက်ထဲ ပြူးပြူးပြဲပြဲ လိုက်ရှာမယ် - ရှာမတွေ့ရင် သိတဲ့ မိတ်ဆွေ - သူငယ်ချင်းတွေဆီ အပူကပ် အကူအညီတောင်းမယ် - နောက်ပိုင်း နည်းနည်း ဟိုစပ်စပ် ဒီစပ်စပ်သိလာတော့ တတ်နိုင်သူတွေကို Upload တင်ခိုင်းမယ် အဲလိုတွေပဲ စဉ်းစားခဲ့တယ်။ Online video sharing ဆိုတာ ခုမှသာ ကျွန်တော်က ရေးကြီးခွန်ကျယ် လုပ်ပြောနေတာ တကယ်တော့ နားလည်သူ တစ်ယောက်အတွက်ဆို ဟာသတစ်ခုတောင် ဖြစ်နေမလားပဲ - တကယ်တော့ ဘယ် အသိပညာပဲ ဖြစ်ဖြစ် အဲ့ ပညာရပ်ဟာ သိတဲ့ သူအတွက် ကလေးကစားစရာ ဖြစ်သွားပေမယ့် လုံးဝနားမလည်သူ အတွက်တော့ မျှဝေမယ့်သူ မရှိရင် "0" အဆင့်ကနေ တက်ဖို့ကို တော်တော်ခဲယဉ်းပါတယ်။ တစ်ချို့က စိတ်ဝင်စားတယ် ဒါပေမယ့် အင်တာနက်က လက်တစ်ကမ်းမှာ မရှိဘူး - တစ်ချို့က လက်တစ်ကမ်းမှာ ရှိတယ် - ဒါပေမယ့် လူမအားဘူး - စသဖြင့် အခက်အခဲ အကျပ်အတည်းမျိုးစုံနဲ့ လည်ပတ်နေကြတဲ့ လူမှု ပတ်ဝန်းကျင်မှာ ကျွန်တော်တို့တွေ တစ်ယောက်နဲ့ တစ်ယောက် တာဝန်ကျေကြဖို့ လိုပါတယ်။ တစ်ယောက်နဲ့ တစ်ယောက် မင်းဘာလုပ်နိုင်လဲ ငါ ဘာလုပ်နိုင်လဲ ဆိုတာ ပြိုင်နေတာမျိုးထက် တစ်ခြားသူ တစ်ယောက်အတွက် ငါ ဘယ်လောက် အသုံးဝင်ခဲ့ပြီလဲ ဆိုတာကို ပိုင်းဖြတ်နိုင်ဖို့က လူတစ်ယောက်ရဲ့ တန်ဖိုးမှာ ပိုပြီး အရေးပါပါတယ်။
ကျွန်တော် အင်တာနက် စသုံးခဲ့စတုန်းက Online video sharing တွေ အကြောင်း သိပ်မသိခဲ့သေးသလို သူ့ အသုံးဝင်ပုံတွေ အကြောင်းလည်း ကောင်းကောင်း နားမလည်ခဲ့သေးပါဘူး - အဲ့တုန်းက ကျွန်တော်နားလည်တာ ကိုယ်နားထောင်ချင်တဲ့ သီချင်းရှိရင် အင်တာနက်ထဲ ပြူးပြူးပြဲပြဲ လိုက်ရှာမယ် - ရှာမတွေ့ရင် သိတဲ့ မိတ်ဆွေ - သူငယ်ချင်းတွေဆီ အပူကပ် အကူအညီတောင်းမယ် - နောက်ပိုင်း နည်းနည်း ဟိုစပ်စပ် ဒီစပ်စပ်သိလာတော့ တတ်နိုင်သူတွေကို Upload တင်ခိုင်းမယ် အဲလိုတွေပဲ စဉ်းစားခဲ့တယ်။ Online video sharing ဆိုတာ ခုမှသာ ကျွန်တော်က ရေးကြီးခွန်ကျယ် လုပ်ပြောနေတာ တကယ်တော့ နားလည်သူ တစ်ယောက်အတွက်ဆို ဟာသတစ်ခုတောင် ဖြစ်နေမလားပဲ - တကယ်တော့ ဘယ် အသိပညာပဲ ဖြစ်ဖြစ် အဲ့ ပညာရပ်ဟာ သိတဲ့ သူအတွက် ကလေးကစားစရာ ဖြစ်သွားပေမယ့် လုံးဝနားမလည်သူ အတွက်တော့ မျှဝေမယ့်သူ မရှိရင် "0" အဆင့်ကနေ တက်ဖို့ကို တော်တော်ခဲယဉ်းပါတယ်။ တစ်ချို့က စိတ်ဝင်စားတယ် ဒါပေမယ့် အင်တာနက်က လက်တစ်ကမ်းမှာ မရှိဘူး - တစ်ချို့က လက်တစ်ကမ်းမှာ ရှိတယ် - ဒါပေမယ့် လူမအားဘူး - စသဖြင့် အခက်အခဲ အကျပ်အတည်းမျိုးစုံနဲ့ လည်ပတ်နေကြတဲ့ လူမှု ပတ်ဝန်းကျင်မှာ ကျွန်တော်တို့တွေ တစ်ယောက်နဲ့ တစ်ယောက် တာဝန်ကျေကြဖို့ လိုပါတယ်။ တစ်ယောက်နဲ့ တစ်ယောက် မင်းဘာလုပ်နိုင်လဲ ငါ ဘာလုပ်နိုင်လဲ ဆိုတာ ပြိုင်နေတာမျိုးထက် တစ်ခြားသူ တစ်ယောက်အတွက် ငါ ဘယ်လောက် အသုံးဝင်ခဲ့ပြီလဲ ဆိုတာကို ပိုင်းဖြတ်နိုင်ဖို့က လူတစ်ယောက်ရဲ့ တန်ဖိုးမှာ ပိုပြီး အရေးပါပါတယ်။
ခု မျက်မှောက်ခေတ်မှာ Online video sharing ဆိုတာ အရမ်းကို ကျယ်ပြန့်လာပြီ - တစ်ခုခု ကို ဝေမျှချင်ပြီ ဆိုရင် တော်ယုံ စာရိုက်ပြီး တစ်ဆင့်ချင်း ရှင်းပြတာမျိုးတောင် ဘယ်သူမှ သိပ်မလုပ်ကြတော့ဘူး - ဖျော်ဖြေရေး ကဏ္ဍကနေစလို့ - ပညာရေး - နည်းပညာ - သတင်း - လူမှုဘဝ အားလုံးကို Online video sharing sites တွေမှာ စက္ကန့်နဲ့ အမျှ အချိန်နဲ့ တစ်ပြေးညီ တင်ပြီး ဝေမျှ နေကြပါပြီ - ကမ္ဘာပေါ်က ဘယ်နိုင်ငံရဲ့ ဘယ်နေရာမှာ ဘာတွေ ဖြစ်နေလဲ - ဒါကို ကျွန်တော်တို့ သတင်းစာလှန်ဖတ်ပြီး သိနေယုံလောက်နဲ့ ရောင့်ရဲနေရင် တကယ်တမ်း နောက်မှာပြတ်ကျန်ခဲ့မှာ ကျွန်တော်တို့ပဲ ဖြစ်သွားပါလိမ့်မယ်။ ဒါတင်မက တစ်ချို့ နည်းပညာနဲ့ ဆိုင်တာတွေ ဆိုရင်လည်း စာနဲ့ ဖတ်ရင် ၁ နာရီလောက် ဖတ်ရင်တောင် မျက်စိထဲ မမြင်နိုင်တဲ့ အကြောင်းအရာမျိုးတွေက Online video sharing sites တွေမှာ ရှိတဲ့ လက်တွေ့သရုပ်ပြ ဗွီဒီယိုတွေကို ကြည့်လိုက်ရင် မိနစ်ပိုင်းအတွင်း နားလည်သွားနိုင်တာမျိုးတွေလည်း ရှိလာပါပြီ - ဒါ့ကြောင့် ကျွန်တော်တို့တွေ Online video sharing sites တွေကို အကျိုးရှိရှိ အသုံးချတတ်ဖို့နဲ့ လိုအပ်ချက်တွေ ပြည့်စုံအောင် ဘယ်လို ဖန်တီးနိုင်မလဲ ဆိုတာ ဒီနေရာမှာ တစ်ပိုင်းချင်း တစ်ချက်ချင်း ဆွေးနွေးသွားပါမယ်။
Online video sharing လို့ ပြောလိုက်ရင် မျက်မှောက်ခေတ်မှာ Metacafe - Blip.tv - Youtube videos - Yahoo Videos စသဖြင့် လက်ညိှုးထိုးပြရမယ့် နေရာတွေ တော်တော်များများ ရှိပါတယ်။ သူတို့ဆီမှာ ရှိနေတဲ့ သန်းနဲ့ ချီတဲ့ video clips တွေမှာ နည်းပညာနဲ့ ဆိုင်တာတွေ - သီချင်း albums တွေ - နောက် Movie trailers တွေ - သတင်းနဲ့ ဆိုင်တဲ့ အကြောင်းအရာတွေ - ဗဟုသုတ ဝေမျှချက်တွေ စသဖြင့် ကဏ္ဍပေါင်း မြောက်များစွာ မရေမတွက်နိုင်အောင် ရှိနေပါတယ်။ ဒီလို ကဏ္ဍအသီးသီးက အကြောင်းအရာတွေကို Online viewing အနေနဲ့ Internet ရှိတဲ့ နေရာတိုင်းမှာ တိုက်ရိုက်ကြည့်လို့ ရသလို - Internet မရနိုင်တဲ့ နေရာတွေ အတွက်ဆိုရင်လည်း Download ကြိုချထားပြီး နောက်ပိုင်းမှာ Offline viewing အနေနဲ့ ကြည့်ရှုနိုင်ပါတယ်။
အဲလို Offline viewing အတွက် ဖြစ်စေ - တစ်ခြား အကြောင်းတစ်ခုခု အတွက် ဖြစ်စေ downloaded ချထားပြီး သိမ်းဆည်းတဲ့ နေရာမှာ Video files တွေက ယေဘုယျအားဖြင့် FLV format ( Flash Video ) နဲ့ ဖြစ်ပါတယ်။ FLV format ဆိုတာ Video compression အတွက် Adobe ကနေ ထုတ်ထားတဲ့ စံသတ်မှတ်ချက်ပါ။ ဒီ Format က Online video လောကမှာ အရင် အသုံး ပြုခဲ့ကြတဲ့ Apple QuickTime, AVI, Windows Media နဲ့ Real rm formats ဆိုတာတွေရဲ့ နောက်မှာ တမဟုတ်ချင်း တရှိန်ထိုး လူသိများလာတဲ့ Web standard format တစ်ခုလည်း ဖြစ်ပါတယ်။ ဘာကြောင့်လဲ ဆိုရင် Flash Video ဆိုတာတွေက Web browsers တော်တော်များများ မှာ တွဲပါဝင်ပြီးသား ဖြစ်တဲ့ Macromedia Flash Players နဲ့ အသင့်တွဲ ကြည့်နိုင်တာကြောင့် ဖြစ်ပါတယ်။
ကျွန်တော်တို့တွေ Google Videos တို့ Youtube videos တို့ကို ဘယ်လို Download ချလို့ ရမယ် ဆိုတာတော့ တော်တော်များများ သိပြီး ကြပါပြီ - တကယ်လို့ မသိခဲ့သေးဘူး ဆိုရင်လည်း ကျွန်တော် အရင်က ရေးထားပြီးတဲ့ အင်တာနက် အတွင်း သီချင်းရှာဖြွေခင်း ဆိုတဲ့ အကြောင်းထဲမှာ တစ်စိတ်တစ်ဒေသ ဖော်ပြထားပါတယ်။ လေ့လာ ကြည့်နိုင်ပါတယ်။ ဒါပေမယ့် ခု ကျွန်တော်တို့ ဆက်တွေးစရာ ရှိလာတာက Google Videos တို့ Youtube videos တို့ကို Downloaded ချလို့တော့ ပြီးသွားပြီ - ပြီးတော့ရော ဘာဆက်လုပ်မှာလဲ ?? FLV video files တွေကို ပြုပြင်ပြောင်းလဲလို့ ရသလား ?? စသဖြင့် သိထားသင့်တာတွေ တော်တော်များများ ရှိလာပါတယ်။ ဒါတွေအားလုံးနဲ့ ပတ်သတ်ပြီး လေ့လာသူ တော်တော်များများ လိုလားချက် အပြည့်နဲ့ သိချင်မယ့် ယေဘုယျ ကျတဲ့ အကြောင်းအရာတွေကို ဒီနေရာမှာ စုစည်း ဖော်ပြလိုက်ပါတယ်။
မေးခွန်း အမှတ် ( ၁ ) - ကျွန်တော် Youtube - Google Videos နဲ့ Metacafe က Videos ဖိုင်တွေကို ဘယ်လို Download ရယူနိုင်ပါမလဲ ??
Video sharing sites တွေက ကျွန်တော်တို့ သိထားပြီးသလို သီချင်းတွေ - Video တွေ - သတင်းတွေသာ အလကား ကြည့်ခွင့် ပေးတာ - သူတို့ဆိုဒ်ကနေ အလွယ်တကူ ဒေါင်းလုပ်ချဖို့ ကိုတော့ လျောလျောရှုရှုနဲ့ အဆင်ပြေအောင် ဖန်တီးပေးမထားပါဘူး - အခုနောက်ပိုင်းတော့ Youtube တို့ - တစ်ခြား Video sharing sites တွေက IDM ( Internet Download Manager ) တင်ထားလိုက်ရင် တော်တော်များများ အဆင်ပြေပြေ ချလို့ ရနေပါပြီ။ ဒါပေမယ့် တစ်ချို့ IDM သုံးဖို့အဆင်မပြေသူ - သုံးနေရင်း Update ပေးမိလို့ ဖြစ်စေ - တစ်ခြား အကြောင်း အမျိုးမျိုးကြောင့် ခဏခဏ Error တက်သူတွေ အတွက် IDM မလိုပဲ Download ချလို့ ရမယ့် နည်းလမ်းပေါင်း မြောက်များစွာထဲက နောက်ထပ် လွယ်ကူ အဆင်ပြေနိုင်မယ့် နည်းလမ်း ( ၂ ) ခု ကို ဖော်ပြပေး ပါ့မယ်။
နည်းလမ်း ( ၁ ) : Youtube အပါအဝင် တစ်ခြား Youtube လိုမျိုး Video sharing sites တွေက ကိုယ်လိုချင် သိမ်းထားချင်တဲ့ Videos တွေကို သိမ်းဆည်းထားနိုင်ဖို့ ကျွန်တော် သဘောအကျဆုံး Add-ons တစ်ခု ကတော့ Video Download helper ပါ -
ဒီ Add-ons ကို Install လုပ်ပြီး Video sharing sites တစ်ခုခု ဥပမာ ( Youtube ) ကနေ သီချင်း တစ်ပုဒ် ဖွင့်လိုက်တယ် ဆိုကြပါစို့ - ဒီလိုဆို အောက်ဖော်ပြပါ အတိုင်း တင်ထားတဲ့ Videos မှာ Quality အမျိုးမျိုးရှိရင် Quality အမျိုးမျိုးနဲ့ Download ချလို့ ရအောင် ဖော်ပြပေးမှာ ဖြစ်ပြီး ကျွန်တော်တို့က အဲ့ထဲက နှစ်သက်ရာ တစ်ခုကို Click ပေးပြီး စက်ထဲက နေရာတစ်ခုမှ သိမ်းလိုက်ယုံပါပဲ -
Video Download helper လိုပဲ တစ်ခြား Download ချရာမှာ လွယ်ကူအောင် ကူညီပေးနိုင်တဲ့ Easy Youtube video downloader - 1-Click YouTube Video Download နဲ့ တစ်ခြား အသုံးဝင် Add-ons အများအပြားလည်း ကျန်ရှိနေပါသေး တယ်။ ဒီနေရာမှာ သွားရောက် လေ့လာကြည့်ပြီး နှစ်သက်သလို အသုံးပြုနိုင်ပါတယ်။
နည်းလမ်း ( ၂ ) - နောက်ထပ် အလွယ်ကူဆုံး နည်းလမ်း တစ်ခုက ကိုယ်သိမ်းထားချင်တဲ့ Video ရဲ့ URL ကို Copy ကူးပြီး KeepVid Lite မှာ paste လုပ်ပြီး Download ချခြင်း အားဖြင့်လည်း ဘာ Add-ons မှ install လုပ်ဖို့ မလိုပဲ သိမ်းဆည်းထားနိုင် ပါသေးတယ်။ ဒါပေမယ့် ဒီနည်းလမ်းဟာ ကိုယ့်စက်ထဲမှာ Java install လုပ်ဆောင်ထားပြီးသား ဖြစ်ဖို့ လိုပါတယ်။ အကယ်၍ Error တစ်ခုခု ပြခဲ့ရင် Free Java Download ကို ဒီနေရာမှာ ရယူနိုင်ပါတယ်။
မေးခွန်း အမှတ် ( ၂ ) - ကျွန်တော်က Youtube မှာ သဘောကျတဲ့ Video clips လေးတွေ တွေ့ရင် နှစ်ခါ စဉ်းစား မနေဘူး Download ချပစ်လိုက်တာပဲ - ဒါပေမယ့် ခုတော့ Download ချထားတာတွေ များပြီး ကိုယ်ကြည့်ချင်တဲ့ Video clip ကို ပြန်ကြည့်ရဖို့ စက်ထဲမှာ တော်တော်ကြီး ပြန်ရှာရှာနေရတယ်။ အဲတာ Youtube ကနေ Download ချထားတဲ့ FLV Video files တွေကို နောက်တစ်ကြိမ် ပြန်ကြည့်ချင်လို့ ရှာဖွေတ့ဲ အခါ လွယ်ကူအောင် ဘယ်လို သိမ်းဆည်းထားလို့ ရနိုင်မလဲ ??
သီချင်းရှာနည်းကိုလည်း သိပြီ - Download ဘယ်လို ချရမယ် ဆိုတာကိုလည်း နားလည်ပြီ ဒီလိုဆိုရင် သိပ်မကြာခင်မှာ Dwonload ချရင်း ချရင်းနဲ့ ကိုယ့်စက်ထဲမှာ စုထားဆောင်ထားတဲ့ FLV files တွေရဲ့ ပမာဏက ကြောက်မခန်းလိလိ ကြီးထွားလာပါလိမ့်မယ်။ အဲမှာ ကျွန်တော်တို့ ပြဿနာ တက်လေ့ရှိတာက Download တွေ အရမ်းကာရော စွတ်ချပြီး နောက်ဆုံး တကယ်တမ်း ဇာတ်ကားတစ်ကားကား ဖြစ်စေ - သီချင်းတစ်ပုဒ်ပုဒ် ဖြစ်စေ ပြန်ကြည့်ချင်တဲ့ အခါမှာ ပမာဏ များပြားလွန်းတဲ့ ကိုယ့်ရဲ့ FLV files တွေကြောင့် ကိုယ်ကြည့်ချင်ရာကို အလွယ်တကူ ပြန်ရှာမတွေ့နိုင်တဲ့ အခက်အခဲပါ - ဒါ့အပြင် မကောင်းတဲ့ တစ်ချက်က FLV files တွေဟာ Picasa တို့ Apple iTunes တို့လိုမျိုး Media gallery software တွေနဲ့ index လုပ်လို့လည်း မရသလို Search လုပ်လို့လည်း မရပါဘူး - ဒါ့ကြောင့် FLV ဖိုင်တစ်ခုကို တွေ့လိုက်တာနဲ့ ဒီဖိုင်က ဘာအကြောင်းကို ဖော်ပြတာလဲ ဆိုတာ လူပြိန်းတစ်ယောက် တွေ့ရင်တောင် မြင်သာ သိလွယ်အောင် အဆင်ပြေစေမယ့် နည်းလမ်းမျိုး ကျွန်တော်တို့ လုပ်ဆောင်ထားဖို့ လိုပါတယ်။
ဒီလို လုပ်ဆောင်ဖို့ ဆိုရင် ကိုယ်လိုချင်တဲ့ Video clip ကို Download ချပြီး ကတည်းက သူ့ နာမည်ကို မြင်သာ သိလွယ်အောင် ပြောင်းလဲ လိုက်ပါ။ ဆိုကြပါစို့ ကျွန်တော်တို့ Youtube မှာ ရှိတဲ့ 2009 ခုနှစ် စာပေဟောပြောပွဲက ဆရာချစ်ဦးညို ဟောပြောတဲ့ ဖိုင် ပထမပိုင်းကို Download ချလိုက်ရင် ကျွန်တော်တို့ စက်ထဲမှာ ၁၅ မိနစ် ၀၁ စက္ကန့် ကြာတဲ့ FLV file က ခုလို Singapore 2009 - Literary Talk - Part 14 a - Chit Oo Nyo ဆိုတဲ့ file name နဲ့ ရပါလိမ့်မယ်။ ဒီလို file name မျိုးကို ဘာမှ မပြုပြင် မပြောင်းလဲပဲ သိမ်းမယ့် အစား ၅ စက္ကန့်လောက် အချိန်ပေးပြီး Chit Oo Nyo_Literary Talk 1 ဆိုတာမျိုး ဖြစ်စေ Chit Oo Nyo_Talk 1 ဆိုတာမျိုး ဖြစ်စေ ပြောင်းသိမ်းလိုက်ပါ။ ဖော်ပြပါအတိုင်း ပြောင်းလဲသိမ်းဆည်းထားတဲ့ files မျိုးတွေက X1 - Filehand - Copernic Desktop Search စတဲ့ Desktop search programs မျိုး အသုံးပြုသူတွေအတွက် အလွယ်တကူ ရှာဖွေဖို့ ပိုမို လွယ်ကူစေ ပါတယ်။
မေးခွန်း အမှတ် ( ၃ ) - ကျွန်တော် Youtube ကနေ Download ချထားတဲ့ FLV files တွေက ကျွန်တော့် ကွန်ပြူတာမှာ ကြည့်လို့ မရဘူး - ကျွန်တော့်စက်ထဲမှာ ရှိနေတဲ့ Windows Media Player တို့ Winamp တို့ iTunes တို့နဲ့ ဖွင့်တော့လည်း မပွင့်ဘူး - ဘယ်လို လုပ်ရမလဲ ??
ဟိုအရင် တစ်ချိန်ကတော့ ဒီပြဿနာက တော်တော်လေး ဂယက်ရိုက်ခဲ့ပါတယ်။ ခုချိန်မှာတော့ FLV files တွေကို ဘာနဲ့ ဖွင့်ရမယ် ဆိုတာ တော်တော်များများလည်း သိထားကြပြီးသလို FLV files ကို ဖွင့်နိုင်တဲ့ အသုံးပြုနေကျ Players တစ်ခုစီလည်း လူတိုင်းမှာ ရှိနေကြလောက်ပါပြီ - ဒါပေမယ့် တစ်ချို့ လိုအပ်သူတွေ သိရှိနိုင်အောင် ပြန်လည်ဖော်ပြရရင် အရင်တစ်ချိန်က FLV files တွေ ဆိုတာ FLV players နဲ့ ဖွင့်မှ ကြည့်လို့ ရပါတယ်။ FLV Player တို့ Riva FLV player တို့ ဆိုတဲ့ Player လိုမျိုးပေါ့ - ဒါပေမယ့် ခုနောက်ပိုင်းမှာတော့ ကျွန်တော် သဘောအကျမိဆုံး Player က VLC media player ပါ - သူက FLV players တွေလိုမျိုးပဲ FLV files တွေကို ဖွင့်လို့ ရသလို တစ်ခြား ဘယ် formats တွေကို Support ပေးသေးတယ် ဆိုတာလည်း ဒီနေရာကနေ သွားရောက် လေ့လာနိုင်ပါတယ်။
မေးခွန်း အမှတ် ( ၄ ) - ကျွန်တော် ဟိုတစ်နေ့က ဆွေးနွေးပွဲလေး တစ်ခု Youtube မှာ တွေ့လို့ Download ချထားလိုက်တယ် - အဲ့ဒီ့ Video clip က မိနစ် ၃၀ ကျော်ကျော်လောက်တော့ ကြာတယ်ဗျ - ဒါပေမယ့် အဲ့ထဲမှာ ကျွန်တော် စိတ်ဝင်စားတဲ့ အပိုင်းက ၁၀ မိနစ်ကျော်ကျော် လောက်ပဲ ပါတယ်။ အဲ့တာ FLV file ထဲကနေ ကိုယ့်စိတ်ကြိုက် အပိုင်းလေး ဖြတ်ထုတ်ပြီး Video clip တစ်ခု အသစ် လုပ်လို့ ရနိုင်မလား ??
ဒီလို ပြဿနာ မျိုးက Youtube သမားတိုင်း ဖြစ်နေကြတာပါ - ဒီ ပြဿနာကို ဖြေရှင်းနိုင်ဖို့ နည်းလမ်းတွေ မနည်းမနော ရှိပေမယ့် Free ရပြီး အသုံးပြုဖို့ သင့်တော်မယ့် Tools တွေကို ဦးစားပေး ဖော်ပြသွားပါ့မယ်။ အဲတာကတော့ FLV files အကြီးစားတွေထဲက ကိုယ်စိတ်ဝင်စားတဲ့ အပိုင်းလေးလောက်ကို ဖြတ်တောက်ရယူနိုင်ဖို့ အတွက်ဆို free ရတဲ့ FLV Parser သုံးဖို့ပါ - အသုံးပြုနည်းကို ဒီနေရာမှာ ရေးထားတာ ရှိပါတယ်။ FLV Parser ဟာ Free ရတဲ့ Tool တစ်ခု ဖြစ်တာ မှန်ပေမယ့် Command-line tool တစ်ခု ဖြစ်တာကြောင့် Command-line ကို အသုံးမပြုချင်သူ - စိတ်မဝင်စားသူ တစ်ယောက် အတွက် သုံးဖို့ အဆင်မပြေနိုင်ပါဘူး - အဲ့လို Command line ကို အသုံးမပြုချင်သူတွေ အတွက် Moyea FLV Editor Lite ဆိုတာ ရှိနေပါတယ်။ သူ့ရဲ့ အသုံးပြုနည်းကို ဒီနေရာမှာ လေ့လာနိုင်ပါတယ်။ နောက် Option တစ်ခုကတော့ Free မရတဲ့ Ultra Video Splitter ကို key ထည့်သုံးတဲ့နည်းပါ - Ultra Video Splitter 6.0.0919 + key ကို ဖော်ပြပါ နေရာကနေ သွားရောက် ရယူ နိုင်ပါတယ်။
မေးခွန်း အမှတ် ( ၅ ) - ကျွန်တော့် စက်ထဲမှာ ရှိနေတဲ့ FLV videos တွေကို SWF တို့ နောက် တစ်ခြား AVI တို့ စတဲ့ Formats တွေကို ဘယ်လိုများ ပြောင်းယူလို့ ရနိုင်မလဲ ??
ဒီလို formats တွေ ပြောင်းယူဖို့ စဉ်းစားကြတဲ့ နေရာမှာ အင်တာနက်ထဲကို လိုက်ရှာကြည့်ရင် Free ပေးထားတာတွေ - Free မပေးပဲ ပိုက်ဆံနဲ့ ဝယ်သုံးရတာတွေ တော်တော်များများ တွေ့ရပါလိမ့်မယ်။ အားလုံးထဲမှာ Free ရပြီး အသုံးပြုသင့်တဲ့ Software တစ်ခုကကတော့ SUPER © Simplified Universal Player Encoder & Renderer Software ပဲ ဖြစ်ပါတယ်။ သူ့ကို အသုံးပြုပြီး FLV files တွေကို တစ်ခြား formats တွေ ဖြစ်တဲ့ MP4, MOV H.264, AVI, ASF နောက် Flash SWF animations ဆိုတာတွေထိ ပြောင်းယူလို့ ရပါတယ်။ တစ်ချို့ကတော့ Free ထက် Crack တွေ - keys လေးတွေနဲ့ သုံးရတဲ့ Software မျိုးတွေ ပိုပြီး လိုလားတတ်ကြပါတယ်။ ဒီလို လူမျိုးများ အတွက်တော့ ကျွန်တော်တို့ ဖိုရမ်မှာ ပြင်ဆင်ထားပြီးသား ဖြစ်တဲ့ Convector များမာတိကာ ဆိုတဲ့ နေရာမှာ လိုအပ်တာတွေကို အားကိုးရှာဖွေနိုင်ပါတယ်။
မေးခွန်း အမှတ် ( ၆ ) - ကျွန်တော့် စက်ထဲက AVI MPEG MOV 3GP ... စတဲ့ Formats မျိုးစုံနဲ့ Movie clips aတွကို FLV format ဆီ ပြောင်းလို့များ ရနိုင်မလား ?
ဒီမေးခွန်းကို မေးတော့ ကျွန်တော်တို့ ဆက်စပ်ပြီး တွေးစရာ ရှိလာတာ - နဂိုရှိပြီးသား Format တစ်ခုကနေ FLV format ကို ဘာကြောင့်များ ပြောင်းဖို့ ကြိုးစားချင်ကြတာလဲ ?? ဒါက သိထားဖို့ လိုလာပါတယ်။ ဘာကြောင့်လည်း ဆိုရင် FLV တွေဟာ Adobe® Flash® Player plugin ရှိနေတဲ့ ဘယ် Browser မှာ မဆို အရွယ်တကူ ကြည့်ရှုနိုင်တယ်။ နောက် FLV format ဟာ Windows®, Macintosh®, or Linux® စတဲ့ ဘယ် OS မှာ မဆို ကြည့်ရှုနိုင်မယ်။ နောက် FLV format တွေက တစ်ခြား Video Formats တွေနဲ့ ယှဉ်လိုက်ရင် အရွယ်အစား သေးငယ်တယ်။ Compression အရမ်းများလို့ အရွယ်အစား ငယ်သွားပေမယ့် လည်း Quality က အရမ်းကြီး ကျမသွားဘူး - နောက်ပြီး Internet speed လေးတဲ့ နေရာတွေကနေ ကြည့်မယ် ဆိုရင်တောင် FLV files တွေဟာ တော်ယုံ ပုံမှန် အနေအထားနဲ့ ကြည့်လို့ ရမယ် - စတဲ့ အားသာချက်တွေကြောင့် ဖြစ်ပါတယ်။ ဒါ့ကြောင့် AVI MPEG MOV 3GP စတဲ့ formats တွေကနေ FLV format ကို ပြောင်းချင်မယ် ဆိုရင် Free ရတဲ့ Riva FLV encoder ကို အသုံးပြု လို့ ရသလို Free မရတဲ့ Software ကိုမှ Key ဖြစ်ဖြစ် Crack ဖြစ်ဖြစ် ရှာဖွေ အသုံးပြုချင်သူတွေ အတွက် ဆိုရင်လည်း Xilisoft Video Converter Ultimate တစ်ခုတည်းနဲ့ တင် လိုလားချက် အားလုံး ပြည့်စုံစေပါလိမ့်မယ်။ အပြောင်းအလဲ အနေနဲ့ သုံးကြည့်ချင်မယ် ဆိုရင် Xilisoft လိုပဲ သုံးလို့ ကောင်းတဲ့ Total Video Converter ကို သုံးကြည့်နိုင်ပါတယ်။
မေးခွန်း အမှတ် ( ရ ) - ကျွန်တော့်မှာ Youtube ကနေ Download ချထားတဲ့ Size သေးသေး FLV Video clips တွေ ရှိပါတယ်။ အဲတာတွေထဲက အဆက်အစပ်ရှိတာတွေကို တစ်ဖိုင်တည်း ဖြစ်အောင် ပေါင်းလိုက်ချင်တယ် - ဘယ်လိုများ လုပ်လို့ ရမလဲ ??
FLV files တွေကို ပေါင်းချင်တယ် ဆိုရင် Macromedia Flash Professional ကလွဲပြီး တစ်ခြား freeware တွေတော့ ကောင်းကောင်းကန်းကန်း မသိမထားမိသေးပါဘူး - ဒါပေမယ့်လည်း FLV Video files တွေကို ပေါင်းတဲ့နေရာမှာ နောက်တစ်မျိုး လုပ်ဆောင်နိုင်တာကတော့ နဂိုရှိနေပြီးသား FLV files တွေကို အထက်မှာ ဖော်ပြခဲ့ပြီးတဲ့ SUPER လိုမျိုး ဖြစ်စေ - တစ်ခြား Converter တစ်ခုခုနဲ့ ဖြစ်စေ AVI format ကို အရင်ဆုံး ပြောင်းပစ်ပြီး အဲ့နောက်မှာမှ ရလာတဲ့ AVI files တွေ အားလုံးကို free ရတဲ့ VirtualDub သုံးပြီး Single AVI file အနေနဲ့ ပေါင်းထုတ်ပစ်လို့ ရပါတယ်။ အဲ့လို ပေါင်းပြီးနောက်မှာမှ FLV ကို နောက်တစ်ခေါက် ပြန်ပြောင်းရမှာပါ - ဒါကတော့ FLV Video ပေါင်းတာနဲ့ ပတ်သတ်ပြီး ကျွန်တော် သိထားသလောက်ပါ - တကယ်လို့ Video မဟုတ်ပဲ MP3 တွေ တစ်ပုဒ်နဲ့ တစ်ပုဒ် ပေါင်းချင်တာမျိုး ဆိုရင်တော့ MergeMP3 - Meda MP3 Joiner စတဲ့ Software မျိုးသုံးပြီး MP3 ဖိုင်တွေကို ပေါင်းပစ်လို့ ရပါတယ်။
မေးခွန်း အမှတ် ( ၈ ) - ကျွန်တော် ဟိုတစ်နေ့ က ဝယ်လာတဲ့ iPod ထဲ Youtube က Download ချထားတာလေးတွေ ထည့်ပြီး ကြည့်ချင်လို့ ကူညီနိုင်ဦးမလား ??
ဒီ မေးခွန်း အတွက် အဖြေကတော့ အပေါ်က မေးခွန်းနံပါတ် ( ၆ ) မှာ ဖော်ပြခဲ့တဲ့ အတိုင်း Format ပြောင်းသိမ်းပြီး ကိုယ့် iPod ထဲကို ထည့်လိုက်ပါ - လိုချင်တဲ့ အတိုင်း ကြည့်လို့ ရပါလိမ့်မယ်။
မေးခွန်း အမှတ် ( ၉ ) - ကျွန်တော့်မှာ ရှိတဲ့ သီချင်းတွေကို ဓာတ်ပုံလေးတွေနဲ့ ပေါင်းပြီး Youtube မှာ တင်ဖို့ Video clips လေး တွေ လုပ်ချင်တယ်ဗျာ - Adobe Premiere တို့ Final Cut Pro တို့ Macromedia Flash တို့လိုမျိုး ဝယ်ရလောက်အောင် ထိလည်း ကျွန်တော့်မှာ မတတ်နိုင်ဘူး - အဲတာ ကျွန်တော့် အတွက် Free ဖန်တီးလို့ ရမယ့် တစ်ခြား နည်းလမ်းလေးများ မရှိနိုင်တော့ဘူးလား ??
ဒီအတွက်ကတော့ ကျွန်တော်တို့ စက်ထဲမှာ နဂိုတည်းက Function အစုံနဲ့ ထည့်ထားပေးပြီးသား Windows Movie Maker ဆိုတဲ့ Video Editing Applications တစ်ခု ရှိပါတယ်။ သူ့ကို သုံးပြီး Titiles တွေ ထည့်တာ - Transitions ပြောင်းတာ - Video effects ထည့်တာ ဆိုတာတွေကို ကိုယ့်ထည့်ချင်တဲ့ ပုံ - သီချင်းလေးတွေနဲ့ ပေါင်းပြီး အလွယ်တကူ ဖန်တီးလို့ ရပါတယ်။ ဒီ အကြောင်းကိုပဲ Windows Live Movie Maker ၏ စွမ်းဆောင်ချက်အား ပြန်လည်သုံးသပ်ခြင်း ဆိုပြီး ကျွန်တော် အကျဉ်းချုပ် ဖော်ပြခဲ့ဖူးပါတယ်။ လေ့လာကြည့်နိုင်ပါတယ်။
မေးခွန်း အမှတ် ( ၁၀ ) - သူများ တစ်ကာတွေ Youtube မှာ ကိုယ်ပိုင် Channel လေးတွေ လုပ်ထားတာတွေ့တော့ ကျွန်တော်လည်း လိုက်လုပ်ထားမိတယ် - ဒါပေမယ့်ဗျာ - ကျွန်တော့် Channel ကို လူသိပ်မသိကြဘူး - အဲတာ ကျွန်တော့် Channel လေးကို လူသတိထားမိသွားအောင် ချစ်စရာကောင်းတဲ့ Buttons လေးတွေ သုံးပြီး ကျွန်တော် ကြေငြာချင်တယ် - ဘယ်လိုများ လုပ်လို့ ရမလဲ ??
တကယ်လို့ buttons တွေ banner images တွေ သုံးပြီး ကိုယ်ကိုယ်တိုင် ဖန်တီးထားတဲ့ YouTube channel လေးကို တစ်ခြား သူတွေ သိအောင် ကြေငြာချင်တယ် ဆိုရင် ဒီစာမျက်နှာ ကိုသာ ရောက်အောင် သွားပြီး နှစ်သက်ရာ Design တစ်ခုခုကို ရွေးယူ လိုက်ပါ။
နောက်တစ်ဆင့် အနေနဲ့ ကိုယ့်ရဲ့ Youtube channel ကို Link ချိတ်တဲ့ နေရာမှာနည်းလမ်း နှစ်မျိုး ရှိပါတယ်။
( ၁ ) မိမိ Channel သို့ တိုက်ရိုက် Link ချိတ်ခြင်း – ဒီနည်းနဲ့ Link ချိတ်ထားရင် User တစ်ယောက်က ပုံပေါ် Click ပေးလိုက်တာနဲ့ ကိုယ့် Channel ရှိရာကို တိုက်ရိုက်ရောက်သွားပြီး ကိုယ်တင်ထားတဲ့ Videos တွေ - ကိုယ့်ရဲ့ Favorites တွေကို တွေ့ရပါလိမ့်မယ်။ အဲ့ကနေမှ တစ်ဆင့် ကိုယ့် Channel ကို subscribe လုပ်ချင်တယ် ဆိုရင် နောက်တစ်ဆင့် အနေနဲ့ “Subscribe” button ကို နှိပ်ဖို့ လိုပါတယ်။ ချိတ်ရမယ့် Link အနေအထားက အောက်ဖော်ပြပါ ပုံစံအတိုင်းပါ။
( ၂ ) မိမိ၏ Subscription page သို့ တိုက်ရိုက် Link ချိတ်ခြင်း – ဒီနည်းနဲ့ Link ချိတ်ထားရင် User တစ်ယောက်က ပုံပေါ်ကို Click ပေးလိုက်တာနဲ့ ကိုယ့်ရဲ့ Channel ကို အရင်ရောက်မှာ မဟုတ်ပဲ ကိုယ့် Channel ကို Subscribe Page ကို အရင်ရောက်မှာ ဖြစ်ပါတယ်။ အဲ့ စာမျက်နှာမှာ Confirmation button ကို Click ပေးလိုက်တာနဲ့ ကိုယ့် Channel ကို ဝင်ကြည့်စရာ မလိုပဲ တိုက်ရိုက် Subscribe လုပ်ပြီးသား ဖြစ်သွားမယ့် သဘောပါ။ ချိတ်ရမယ့် Link အနေအထားက အောက်ဖော်ပြပါ ပုံစံအတိုင်း ဖြစ်ပါတယ်။
မေးခွန်း အမှတ် ( ၁၁ ) - Youtube မှာ Video clips တွေ ကြည့်ဖြစ်တဲ့ အခါ တစ်ခါ တစ်လေ Design က တစ်မျိုး ဖြစ်ပြီး တစ်ခါ တစ်လေကျတော့ တစ်ချို့ Video clips တွေက ဘာ Design မှန်း မသိဘူး - ခပ်လန်းလန်းလေး ဖြစ်နေတာ သတိထားမိတယ် - အဲတာ ဘာများ ကွာသွားလဲ မသိဘူး ?? အောက်မှာ ပြထားသလို ပုံစံကွာနေတာပါ -
အဲလို ဖြစ်ရတဲ့ အကြောင်းက YouTube ကနေ ပြီး တစ်ခြား Web pages တစ်ခုခုပေါ်ကို သူ့ဆီက Videos တွေ Embed လုပ်တဲ့ နေရာမှာ default အနေနဲ့ Flash-based video player အဖြစ်နဲ့ Embed လုပ်နိုင်ဖို့ကိုပဲ Youtube က Default ပေးထားပါတယ်။ ဘာကြောင့်လဲ ဆိုရင် ကျွန်တော်တို့ ကွန်ပြူတာမှာ ရှိတဲ့ desktop based web browsers တွေက ပုံမှန် Adobe Flash Player plug-in သွင်းထားယုံနဲ့တင် YouTube videos ကို အဆင်ပြေပြေ ကြည့်နေနိုင်လို့ပါ။ ဒါပေမယ့်လည်း ကွာသွားတဲ့ တစ်ချက်က Mobile web browsers နဲ့ Youtube Videos တွေကို ကြည့်တဲ့ အချိန်မှာ Mobile web browsers တော်တော်များများက Flash videos တွေကို Support မပေးပါဘူး -
အဲ့ဒီမှာမှ IFRAME based embed code နဲ့ တည်ဆောက်ထားတဲ့ Youtube Videos တွေဟာ Mobile web browsers တွေမှာ ဆိုရင်လည်း အဆင်ပြေပြေ ကြည့်လို့ ရပါတယ်။ အဲတာကြောင့် ကိုယ့်မှာ Blog တစ်ခုခု ရှိပြီး - ကိုယ့် Blog ကို Mobile web browsers နဲ့ ကြည့်ရှုသူတွေပါ ရှိတယ်ဆိုရင် Youtube Videos တွေတင်တဲ့အခါ ဖြစ်သင့်တာ Flash Embed တစ်မျိုးတည်းတင် မဟုတ်ပဲ - IFRAME Embed ကိုပါ အသုံးပြုပြီး နှစ်မျိုး တင်ပေးထားသင့်ပါတယ်။ အောက်ဖော်ပြပါ ပုံမှာ ဆိုရင် ရဲလေးနဲ့ Jenny ရဲ့ ငါ ဘာမှမသိ သီချင်းကို Flash Embed နဲ့ IFRAME Embed နှစ်ခုတွဲ ဖော်ပြပေးထားပါတယ်။
ခု ဖော်ပြခဲ့သလောက်ဆို Flash Embed နဲ့ IFRAME Embed နှစ်ခုရဲ့ ကွာခြားချက် တစ်ချို့နဲ့ အားသာချက် - အားနည်းချက် တစ်ချို့ကို နားလည်နိုင်လိမ့်မယ်လို့ မျှော်လင့်မိပါတယ်။
မိသားစုဝင်များ အားလုံး လေ့လာနိုင်သမျှ မျှဝေနိုင်ကြပါစေ -
KznT.
မိသားစုဝင်များ အားလုံး လေ့လာနိုင်သမျှ မျှဝေနိုင်ကြပါစေ -
