Google Scribe

Google ကတော့ သိတဲ့ အတိုင်း တော်တော် စိတ်ဝင်စားဖို့ ကောင်းတဲ့ Tools တစ်ခုကို ပွဲထုတ်လိုက်ပြန်ပါပြီ။ အဲတာကတော့ ကိုယ် ရိုက်မယ့်စာကို စာလုံး မဆုံးခင် ဘယ်စာလုံး ရိုက်မှာ မလား ?? ဆိုတာ Autocomplete suggestions ပေးတဲ့ Tool တစ်ခုပါပဲ - သူ့ကို  ကျွန်တော်တို့က Google Scribe လို့ ခေါ်ပါတယ်။ ဥပမာ အနေနဲ့ ပြောရရင် ကျွန်တော်က This works sur လို့ စရိုက်လာတဲ့ သူကနေပြီး surprisingly well ရိုက်ချင်နေတာ မလား ဆိုပြီး စသဖြင့် အောက်ဖော်ပြပါအတိုင်း အကြံပြုပေးသွားမှာ ဖြစ်ပါတယ်။ ဟုတ်ပဗျာ - ကျွန်တော်ကလည်း အဲဒီ့ surprisingly well ကိုပဲ ရိုက်ချင်နေတာ ဆိုရင်တော့ ကွက်တိပေါ့ sur ပဲ စရသေးတယ် surprisingly well ကို ဆုံးအောင် ရိုက်ဖို့ မလိုတော့ပဲ သူပြထားတဲ့ 1 ဆိုတဲ့ နံပါတ်လေး ကောက်နှိပ်ရင်နှိပ် - ဒါမှမဟုတ် ပထမဆုံး suggestions ဆိုရင် Enter နှိပ်ရင်နှိပ် - ဒါပါပဲ - သက်သာလိုက်တာများဗျာ :D ၁၄ လုံးရိုက်ရမှာ ခုဆို ဂဏန်း တစ်လုံးပဲ ရိုက်ရတယ် - ဘယ်လောက်များ ကောင်းလိုက်လဲ :D

ဒါတင်မက Google Scribe ကနေပြီး စာလုံး အချောသတ် ဝန်ဆောင်မှုကိုလည်း ပေးပါတယ်။ ဆိုလိုတာ ကျွန်တော်တို့ အောက်မှာ ဖော်ပြထားတဲ့ အတိုင်း Union of Myanmar, is the largest country by geographical area in mainland Sou - လို့ ရိုက်လာခဲ့ပြီး စာလုံး အဆုံးသတ်တော့မယ်ဆို သူက အလိုလျောက် Southeast Asia ရိုက်မှာ မလားဆိုပြီး ဖော်ပြပေး သွားပါတယ်။ ကိုယ်က 7 ကို ကောက်နှိပ်လိုက်ယုံပါပဲ :D သူတို့ ကြိုးစားထားတဲ့ ဒီ လုပ်ဆောင်မှု နဲ့ ပတ်သတ်ပြီး ဘယ်လို အသုံးပြုနိုင်တယ် ဆိုတာ Google ကနေ ဒီနေရာမှာ ရှင်းပြပေးထားပါတယ်။

Google Scribe ရဲ့ ကောင်းတာလေး တစ်ချက်က ကျွန်တော်တို့ လုပ်ငန်းပိုင်း ဆိုင်ရာ - ဒါမှမဟုတ် တစ်စုံတစ်ယောက်ဆီ - သူငယ်ချင်း တစ်ယောက်ယောက်ဆီ စသဖြင့် အင်္ဂလိပ်လို စာရိုက်ပြီး Mail ပို့လိုတဲ့ အချိန်မှာ  Google Scribe Bookmarklet ကို Browser ရဲ့ Bookmarks Toolbar မှာ ဆွဲတင်ထားလိုက်တာနဲ့ Gmail မှာရော - Blogger မှာရော နောက် တစ်ခြား စာရိုက်လို့ ရတဲ့ Web page တွေမှာပါ Autocomplete suggestions ကို အသုံးပြုသွားနိုင်မှာ ဖြစ်ပါတယ်။ အောက်မှာတော့ ချစ်ချစ်ဆီ Google Scribe ရဲ့ Autocomplete suggestions နဲ့စာ အစမ်းရိုက်ပြထားတာ :)

လောလောဆယ် အခြေအနေမှာတော့ Google Scribe က English လိုပဲ သုံးလို့ ရပါသေးတယ် :( မြန်မာလိုလေးများ autocomplete suggestions ရလိုက်ရင် ဘယ်လောက်များ ကောင်းလိုက်မလဲနော် :D အခြား ဘာသာစကား ကျွမ်းကျင်သူတွေ ဥပမာ ကုလား - အစ္စလာမ် - ဟိန္ဒူ - မူဆလင် စသဖြင့် :D တွေ အတွက်တော့ များမကြာခင်မှာ Google ကနေ တစ်ခြား languages တွေ ပေါင်းထည့်ပေးသွားလိမ့်မယ်လို့ မျှော်လင့်မိပါတယ်။

KznT.

Google Instant

ဒီနေ့ ညနေပိုင်း အားလို့ အင်တာနက်ထဲ စာလိုက်ဖတ်ရင်း Google ရဲ့ ပြောင်းလဲသွားတဲ့ အကြောင်းအရာ တစ်ချို့ တွေ့ခဲ့ရပြန်ပါတယ်။ အသစ်တွေ့ရင် ဝေမျှချင်တဲ့ စိတ်က ရှိနေတော့ ဒီအကြောင်းလေးကို မိသားစုဆီလာပြီး ဖောက်သည် ချလိုက်ပါတယ်။ အဲတာကတော့ Google  Instant အကြောင်းလေးပါ။ Google Instant ဆိုတာ ပုံမှန် လမ်းရိုးအတိုင်း သွားနေတဲ့ Google Search ကို လမ်းသစ်တစ်ခု ဆီ ပြောင်းလဲ မောင်းတင်လိုက်တဲ့ New search enhancement တစ်ခုပါပဲ။ ဘယ်လို ပြောင်းလဲ သွားလဲ ဆိုရင် အရင်က ကျွန်တော်တို့တွေ Google Search Box ကနေ တစ်ခုခုကို ရှာဖွေချင်တဲ့ အခါမျိုးမှာ အရင်ဆုံး Search Box မှာ ကိုယ်ရှာချင်တဲ့ စာလုံးကိုရိုက် နောက် ပြီးရင် Enter ခေါက် ( ဒါမှမဟုတ် ) Google Search ဆိုတာကို Click ပေးပြီးမှ ကိုယ်လိုချင်တဲ့ အကြောင်းအရာကို ရှာလို့ တွေ့ပါတယ်။ အောက်ဖော်ပြပါအတိုင်းပါ။

Google Instant မှာတော့ အဲလို မဟုတ်တော့ပါဘူး - သူက အရင်လို Steps နှစ်ဆင့် မခံတော့ပဲ ကိုယ် ရိုက်တဲ့ စာလုံးကို လိုက်ပြီး Search Results ကိုပါ တစ်ခါတည်း ဖော်ပြပေးသွားမှာမျိုးပါ။ ဆိုလိုတာ Search Box မှာ စာလုံးရိုက်လိုက်တာနဲ့ သူကနေ Search Results တွေ ဖော်ပြတဲ့ Page ကို တစ်ခါတည်း ခေါ်သွားပြီး ကိုယ့် Search queries ဆုံးတဲ့ အချိန်မှာ ကိုယ် ရှာချင်တဲ့ အကြောင်းအရာကို Enter ခေါက်စရာ မလိုပဲ အောက်ဖော်ပြပါ အတိုင်း ထိပ်ဆုံးမှာ တစ်ခါတည်း ဖော်ပြပေးသွားမှာ ဖြစ်ပါတယ်။ ဒါတင်မက ကိုယ်တစ်လုံးရိုက်ရင် ရိုက်တဲ့ အတိုင်း ပြောင်းလဲသွားမယ့် Search Results တွေကို တစ်ချိန်တည်း တစ်ပြိုင်တည်း မြင်တွေ့ သွားရမှာ ဖြစ်ပါတယ်။

မှန်ပါတယ် - Google Instant ဟာ အရမ်းကို မြန်ပါတယ်။ အရမ်းကို သပ်ရပ် တိကျပါတယ်။ ကိုယ်သိချင်တဲ့ အကြောင်းအရာကို ဘယ်လို မေးခွန်းထုတ်ရမလဲ ဆိုတာ အများကြီး စဉ်းစားဖို့ မလိုတဲ့ အပြင် ကိုယ်မေးမြန်းတဲ့ အကြောင်းအရာပေါ် မူတည်ပြီး  Autocomplete suggestions လုပ်ပေးထားလို့ ကိုယ်မေးချင်တဲ့ အကြောင်းအရာနဲ့ ကိုက်ညီနေရင် မေးချင်တဲ့ အကြောင်းအရာကို ဆုံးအောင် ရိုက်စရာ မလိုပဲ တန်းပြီး Click ပေးလိုက်ယုံပါပဲ။

Google Instant က ဘာတွေ ထူးခြားသွားသလဲ ??

Faster Searches: ကိုယ် ရှာဖွေချင်တဲ့ အကြောင်းအရာကို Typing မဆုံးခင်မှာ တစ်ချိန်တည်း တစ်ပြိုင်တည်း မြင်တွေ့နေရလို့ အကြောင်းအရာ တစ်ခုကို ရှာဖွေတိုင်း ရှာဖွေတိုင်း 2-5 seconds ကြား တန်ဖိုးရှိတဲ့ အချိန်တွေကို ချွေတာရာ ရောက်ပါတယ်။

Smarter Predictions: အကြောင်းအရာ တစ်ခုကို သိချင်တယ် - ဒါပေမယ့် ဘယ်လိုမေးရမှန်း မသိ ဖြစ်နေတယ် ဆိုရင်တောင် ကိုယ် ရှာဖွေချင်တဲ့ အကြောင်းအရာကို စတင်ရိုက်သွင်း ရှာဖွေချိန်မှာ သူဖော်ပြလာတဲ့ အကြံပြုချက် ( autocomplete suggestions ) ကို လိုက်ပြီး ကိုယ် သိချင်တဲ့ အကြောင်း အရာနဲ့ ကိုက်ညီနေရင် ဆွဲယူအသုံးပြုနိုင်လို့ လိုလားချက်ကို အချိန်အနည်းငယ် အတွင်း ပြည့်စုံစေပါတယ်။

Instant Results: စာလုံး စရိုက်တာနဲ့ ဘယ် Results ရမယ် ဆိုတာ တစ်ချိန်တည်း တစ်ပြိုင်တည်း ကိုယ့် မျက်စိရှေ့မှာ သိရှိနိုင်လို့ လိုလားချက်နဲ့ သာ ကိုက်ညီရင် စမ်းတဝါးဝါး ရိုက်ရှာစရာ မလိုတော့ပဲ အဖြေကို အချိန်နဲ့ တစ်ပြေးညီ သိရှိနိုင်ပါတယ်။

Google Instant ကို On ထားတဲ့ သူတစ်ယောက်ရဲ့ ရှာဖွေချိန် နဲ့ Google Instant ကို Off ထားတဲ့ သူတစ်ယောက်ရဲ့ ရှာဖွေချိန် နှစ်ခုမှာ ဘယ်သူက ပိုပြီး Result ကို မြန်မြန်ဆန်ဆန် ရရှိနိုင်မယ် ဆိုတာ အောက်ဖော်ပြပါ Graph ကို လေ့လာ ကြည့်နိုင်ပါတယ်။

Google Instant ကို Chrome, Firefox, Safari နဲ့ Internet Explorer 8 တွေမှာ အသုံးပြုနိုင်ပြီး သူ့ကို အသုံးပြုချင်တယ် ဆိုရင် ကိုယ့်ရဲ့ Google Account ထဲကို Sign in ဝင်ထားဖို့ လိုပါတယ်။

အဲလို ဝင်ထားပြီး အကြောင်းအရာ တစ်ခုခုကို Google Search Box မှာ စတင်ရှာဖြွေပီ ဆိုတာနဲ့ Google Instant ကနေ ခုလို စတင်ကြိုဆိုပါလိမ့်မယ်။

Google Instant အကြောင်းကို ကျွန်တော် က ဘယ်လောက်ပဲ ကောင်းပါတယ် ပြောပြော သဘောမကျနိုင်သူတွေ အတွက် ကိုယ့် Google Account ထဲကို Sign in ဝင်ထားပြီး ဒီနေရာကို သွားပါ။ စာမျက်နှာရဲ့ အောက်ဆုံးနားမှာရှိတဲ့ Google Instant ကို သွားပြီး အောက်ဖော်ပြပါအတိုင်း ရွေးချယ်ပေးပြီး Save Preferences ကို ပေးပါ။

Google Instant အကြောင်းကို ဒီ့ထက်ပိုပြီး အကျယ် လေ့လာလိုသူတွေ အတွက် ဒီနေရာကနေ သွားရောက် လေ့လာနိုင်ပါတယ်။ လတ်တလော အခြေအနေမှာ ကျွန်တော်  Google Instant  အကြောင်းကို မိတ်ဆက်ပေးလိုက်ပေမယ့် တကယ်လက်တွေ့ စမ်းသပ်ကြည့်လို့ ကျွန်တော် ပြောသလို ဖြစ်မလာခဲ့ရင် ခဏ စောင့်လိုက်ပါ။ မကြာခင် ရက်ပိုင်းအတွင်းမှာ Google ကနေပြီး လူတိုင်းအတွက် အသုံးပြုနိုင်အောင် ဖန်တီးပေးသွားပါလိမ့်မယ်။

ဒါကတော့ Google Instant အကြောင်း ရှင်းလင်းချက် တစ်ချို့ပါ။

ဒါကတော့ Google Instant ကို စမ်းသပ် သုံးစွဲသူ Users တွေရဲ့ ထင်မြင်ချက်လေးတွေပါ။

KznT.

Have you ever heard of Steganography ?

Steganography ဆိုတာ မိသားစုများ ကြားဖူးကြလိမ့်မယ် ထင်ပါတယ် - Wikipedia မှာ သူ့ကို အဓိပ္ပါယ် ဖွင့်ဆိုတာကတော့ “the art and science of writing hidden messages in such a way that no one, apart from the sender and intended recipient, suspects the existence of the message…” ဆိုလိုတာ " ပေးပို့သူနဲ့ ရည်ရွယ်စေညွှန်း လက်ခံစေလိုသူ နှစ်ယောက်က လွဲရင် ကြားလူတစ်ယောက်ယောက်က ဘာကို ရေးသား ဖော်ပြထားတယ် ဆိုတာ ရိပ်မိမသိရှိစေနိုင်တဲ့ နှစ်ကိုယ်ကြား ဝှက်စာ ရေးသားခြင်း အတတ်ပညာလို့ " ဆိုပါတယ်။ ဒီဝှက်စာ ရေးသားတဲ့ အတတ်ပညာဆိုတာ ကျွန်တော်တို့ မျက်မှောက်ခေတ် မှာမှ အသုံးပြုလာတာမျိုး မဟုတ်ပါဘူး -  လွန်ခဲ့တဲ့ BC 440 လောက်တည်းက စတင် အသုံးပြုခဲ့ကြတာပါ။ ဒီ အတတ်ပညာက တဖြည်းဖြည်း တိုးတက်ပြောင်းလဲ လာလိုက်တာ နောက်ပိုင်း ကျွန်တော်တို့ ကမ္ဘာစစ်ကြီးတွေ ဖြစ်လာတဲ့ အထိ ဒီ ပညာရပ်တွေက တစ်ဆင့်ပြီး တစ်ဆင့် တိုးချဲ့ အသုံးပြုလာခဲ့ကြပါတယ်။ ဒုတိယကမ္ဘာစစ်တုန်းက ဆိုရင် ဂျာမာန်တွေရဲ့ နာမည်ကြီး Enigma Machine ဆိုတာလည်း ဒီလို လျှို့ဝှက်စာတွေကို encryption နဲ့ decryption လုပ်ပေးတဲ့ စက်မျိုးတွေပါပဲ။

သမိုင်းကြောင်းလေးတွေ ပြန်ပြောနေရတာက ကျွန်တော် ပြောချင်တဲ့ အကြောင်းအရာလေးကို မိသားစုဝင်များ ပိုပြီး စိတ်ဝင်စားနိုင်လာအောင် နဲနဲ အစပျိုးလိုက်တာပါ။ ကျွန်တော် အဓိက ပြောချင်တာက ဒုတိယကမ္ဘာစစ် သမိုင်းကြောင်းလည်း မဟုတ်ပါဘူး - Enigma Machine အကြောင်းလည်း မဟုတ်ပါဘူး - ကျွန်တော် ဖော်ပြချင်တာက Steganography ကို အသုံးချနိုင်မယ့် နည်းလမ်းကောင်းလေး တစ်ခုကို မျှဝေချင်တာပါ။

Steganography ဆိုတာ ဘာလဲလို့ ကျွန်တော် အပေါ်မှာ အကြမ်းဖျဉ်း ဖော်ပြခဲ့ပြီး ပါပြီ။ Steganography ဆိုတဲ့ သဘောတရားက တကယ်တော့ အရမ်းကို ကျယ်ပြန့်ပါတယ်။ ကျွန်တော် ဖော်ပြချင်တာက အဲလောက်ကြီးထိလည်း မကျယ်ပြန့်ပါဘူး - ကျွန်တော် ခု ဖော်ပြသွားမှာ သူ့ရဲ့ အစိတ်အပိုင်း တစ်ခု ဖြစ်တဲ့ " တစ်စုံတစ်ယောက်ကို ကိုယ် ပြောပြချင်တဲ့ အကြောင်းအရာ တစ်ချို့ အတွက် တစ်ပါးသူ မသိရှိစေနိုင်အောင် ပုံတစ်ပုံရဲ့ နောက်ကွယ်မှာ ဝှက်စာရေးပြီး ပေးပို့တဲ့ နည်းစနစ် " ကို ပါ။ ဟုတ်ကဲ့ပါ - ဒီ အကြောင်းအရာလေးက သာမန် ကျွန်တော်တို့ နေ့တိုင်းကြားကြားနေရတဲ့ Hard Drive တို့ - Memory တို့ - CPU တို့ - Windows ဆိုတာတွေနဲ့ ကင်းလွတ်ပြီး သီးခြား ကွဲထွက်သွားတာ မို့လို့ ကျွန်တော်တို့ စိတ်ဝင်စားမိတာ အမှန်ပါပဲ။ ဒီ အတတ်ပညာက ဟိုး လွန်ခဲ့တဲ့ နှစ်ပေါင်းများစွာကတည်းက တည်ရှိ အသုံးပြုခဲ့ကြတာပါ - အဲ့တုန်းကတော့ ကွန်ပြူတာတို့ အင်တာနက်တို့ ဆိုတာ မပေါ်သေးတော့ အရမ်းကြီး မကျယ်ပြန့် ခဲ့သေးပါဘူး - သိတဲ့သူလည်း လူအနည်းစု အသုံးချတဲ့သူလည်း လူအနည်းစုပဲ ဖြစ်ပါတယ်။ ခုခေတ် ခုချိန်မှာတော့ နည်းပညာတွေ တစ်ဟုန်ထိုး တိုးတက်ပြောင်းလဲ လာပြီး ဒီ ပညာရပ်ကိုပဲ ကွန်ပြူတာနဲ့ ဖန်တီးလုပ်ဆောင်နေနိုင်ပါပြီ။

 

ဒီနည်းကို အသုံးပြုပြီး တစ်ခြားသူ မသိသာစေပဲ နှစ်ကိုယ်ကြား လျှို့ဝှက် ကိစ္စရပ်တွေ ဖောက်သည်ချနိုင်သလို - အရေးပေါ်နဲ့ အရေးကြီး ကိစ္စရပ်တွေကိုလည်း တစ်ပါးသူ မသိစေပဲ တစ်ယောက်နဲ့ တစ်ယောက် အသိပေးနိုင်စေပါတယ်။ ဒီလို ပုံတစ်ပုံရဲ့ နောက်ကွယ်မှာ ကိုယ်ရေးသား ဖော်ပြချင်တဲ့ ဝှက်စာကို ထည့်သွင်းနိုင်ဖို့ ခု ဖော်ပြမယ့် နည်းလမ်း တစ်ခုတည်း မဟုတ်ပဲ တစ်ခြား နည်းလမ်းတွေလည်း ရှိပါသေးတယ်။ ခုဖော်ပြမယ့် နည်းလမ်းကတော့ ကိုယ့် OS မှာ ဘာမှကို ထူးပြီး install လုပ်ဆောင်စရာ မလိုပဲ အင်တာနက်မှာတင် အသုံးချနိုင်တဲ့ web-based tool တစ်ခု ပါ။ သူက mozaiq ဖြစ်ပါတယ်။

စစချင်း သူ့ ဆိုဒ်ကို ရောက်သွားရင် တွေ့ရမှာက encrypt messages လုပ်တဲ့ အကြောင်းအရာ မဟုတ်ပါဘူး - သူ အဓိက ဖော်ပြထားတာက ကိုယ် Upload တင်ပေးလိုက်တဲ့ ပုံတစ်ပုံကို photo mosaic ပြောင်းပေးတဲ့ လုပ်ငန်းစဉ်ပါ။ အဲ့တာကို ခဏကျော်ပြီး subdirectory ကိုသွားလိုက်ရင် messages တွေကို ပုံတွေရဲ့ နောက်ကွယ်မှာ encrypt လုပ်တဲ့ နေရာကို တွေ့ရပါလိမ့်မယ်။

ကျွန်တော်တို့ လုပ်ဆောင်ရမယ့် လုပ်ငန်းစဉ်က ရိုးရှင်းပါတယ်။ ပုံတစ်ပုံကို Upload တင် - အဲ့ပုံရဲ့ နောက်ကွယ်မှာ ကိုယ် ဝှက်ထားချင်တဲ့ စာကို ရိုက် ( ကိုယ်ဖော်ပြချင်တဲ့ စာလုံးရေ စုစုပေါင်း ၁၀၂၄ လုံး ရိုက်လို့ ရပါတယ်။ ) - Password ပါတစ်ခါတည်း ထည့်ပေး ( Password ထည့်ထားတော့မှ ပုံထဲက စာကို ပြန်ဖော်ချင်ရင် သူများ မသိစေပဲ ကိုယ်တစ်ယောက် တည်း ဖော်နိုင်မှာပါ )  ပြီးသွားရင် Hide Your Message! ဆိုတာကို Click ပေးလိုက်တာနဲ့ သူက ကိုယ့် Message ကို ပုံထဲမှာ encrypted လုပ်ပစ်လိုက်ပြီး အသစ်ဖန်တီး ဝှက်စာထည့်သွင်းထားတဲ့ ပုံကို Download ချဖို့ Link တစ်ခု ပြန်ပေးပါလိမ့်မယ်။ ကျွန်တော် ပြောသွားတာကတော့ အရမ်း လွယ်နေသလိုပါပဲ - ကျွန်တော်တို့ အသေးစိတ် လေ့လာကြည့်ရအောင်ပါ။ 

အရင်ဆုံး ကျွန်တော်တို့ ဒီနေရာကို သွားပါမယ်။ အဲကို ရောက်သွားရင် ပုံနောက်မှာ ဝှက်စာ စတင်ရေးသားဖို့ နေရာကို တွေ့ပါလိမ့်မယ်။ ပုံမှာ တွေ့နေရတဲ့ နေရာတွေမှာ ကျွန်တော် အောက်က ဓာတ်ပုံမှာ ဖော်ပြထားသလိုမျိုး အဆင့်လိုက် တစ်ဆင့်ချင်း ရေးသား ဖြည့်သွင်းသွားပြီး သဘောကျ ကျေနပ်ပြီ ဆိုရင် Hide Your Message! ကို Click ပေးရပါမယ်။

တစ်ခု သတိထားရမှာက ပုံတွေကို Upload တင်တဲ့နေရာမှာ 128KB ထက်မကြီးရပါဘူး - ကြီးနေရင် အလုပ်မလုပ်ပါဘူး - နဲနဲ သေးတဲ့ပုံကို ရှာတင်ပါ။ Secret Message နေရာမှာ ကိုယ် ပြောပြချင်တဲ့စာကို ရေးပါ။ သူကလည်း စာလုံးရေ ၁၀၂၄ လုံး အတွင်းမှာပဲ ရှိရပါမယ်။ အဲ့ထက်များလို့ မရပါဘူး - ကိုယ် ဘယ်နလုံး ရိုက်ထားပြီး နောက်ထပ် ဘယ်နလုံးရိုက်နိုင်သေးတယ် ဆိုတာ သူက အောက်ဖော်ပြပါအတိုင်း ဖော်ပြထားပါတယ်။

“Hide Your Message!” button ကို မနှိပ်ခင် ကိုယ့်ရဲ့ Message ကို လုံခြုံမှု ရှိစေဖို့ Password ထည့်သွင်းပေးပါ။

အဲ့နောက်မှာ “Hide Your Message!” button ကို နှိပ်လိုက်တာနဲ့ ပုံထဲမှာ ကိုယ့်စာကို encrypted လုပ်ထားပြီးသား အသစ်ဖန်တီး ဝှက်စာထည့်သွင်းထားတဲ့ ပုံကို Download ချဖို့ Link တစ်ခု ပြန်ပေးပါလိမ့်မယ်။ တစ်ခု သတိပြုရမှာက ဒီဓာတ်ပုံကို ငါးမိနစ် အတွင်း Download လုပ်ဖို့ လိုပါတယ်။ 

သတိပြုရမယ့် အချက်တွေကတော့ ဒေါင်းလုပ်ချပြီးသွားတဲ့ ဓာတ်ပုံကို File type ပြောင်းလို့ မရပါဘူး - Crop လုပ်တာ - Resize လုပ်တာ လုပ်လို့ မရပါဘူး - အဲလို လုပ်လိုက်ရင် ပုံထဲမှာ ဝှက်ထားတဲ့ စာတွေ ပျက်ဆီးစေပါလိမ့်မယ်။ လုပ်ချင်ရင် တစ်ခုပဲ လုပ်လို့ ရပါမယ်။ Rename ပဲ ပြောင်းပေးလို့ ရပါမယ်။ အဲလို ဒေါင်းလုပ်ချပြီး သွားပြီ ဆိုရင် ကိုယ် ဝှက်စာ ပေးပို့ချင်တဲ့သူဆီ အဲ့ ဓာတ်ပုံကို ပေးပို့လိုက်ပါ။ အဲလို ပေးပို့တဲ့ နေရာမှာ ပုံထဲက စာကို Decrypt လုပ်ဖို့ ဒီနေရာကို သွားရမယ် ဆိုတာလည်း ကြိုတင် အသိပေးထားပါဦး။ ဒါမှ သူကလည်း ပုံထဲက စာကို ဖော်နိုင်မှာပါ။ 

အောက်မှာ ဖော်ပြထားတဲ့ နေရာကို ရောက်ရင် ကိုယ် Download ချထားတဲ့ ပုံကို ဖော်ပြထားတဲ့ အတိုင်း Browse ကနေ တစ်ဆင့် ထည့်သွင်းပေးပြီး Password ပေးထားရင် Password ကိုထည့်သွင်းပေးလိုက်ပါ။ နောက် Reveal Your Message! ကို Click ပေးလိုက်တာနဲ့ ဝှက်ထားတဲ့ စာကို မြင်ရပါလိမ့်မယ်။

ကျွန်တော်လည်း ပုံတစ်ပုံနောက်မှာ စာဖွက်ချင်သေးတယ်ဗျာ - အပျော်ပေါ့ - ဒီအောက်က ဓာတ်ပုံလေးထဲမှာ -

ပုံလေးပေါ်မှာ Right-click ပေးပြီး Save Image As ... ကနေ ကိုယ့်စက်ထဲမှာ အရင် သိမ်းလိုက်ပါ။ နောက်ပြီးရင် ဒီနေရာကို သွားပြီး ကျွန်တော့် ပုံထဲမှာ ဘာစာတွေများ ရေးထားလဲ အားပေး - ပေးကြပါဦး :)

သြော် မေ့တော့ မလို့ ကျွန်တော် Password ကို www.myanmarfamily.org လို့ ပေးထားတယ်ဗျ - ဘာစာတွေများ ပါမလဲ မသိဘူးနော် ?? :D

ပျော်ရွှင်စွာနဲ့ Steganography ကမ္ဘာမှာ ပျော်ရွှင်နိုင်ကြပါစေ -


KznT.

Turn On and Enable Windows Aero

ပုံမှန်အတိုင်းဆိုရင်တော့ ကွန်ပြူတာမှာပါတဲ့ Display Card လို့ ခေါ်တဲ့ VGA card ဟာ Windows Aero effect ကို စွမ်းဆောင်နိုင်ဖို့ လိုအပ်တဲ့ minimum requirement ကို မှီတယ်ဆိုရင် Windows 7 မှာပဲ ဖြစ်ဖြစ် Windows Vista မှာပဲ ဖြစ်ဖြစ် Installation လုပ်ငန်းစဉ်ပေါ် မူတည်ပြီး Windows Aero က အလိုလို Enable ဖြစ်ပါတယ်။ Windows 7 Aero အတွက်လိုအပ်တဲ့ minimum requirement က Windows Vista နဲ့ သိပ်အများကြီး မကွာပါဘူး - အောက်ဖော်ပြပါအတိုင်းပါ -

- Windows 7 Home Basic နဲ့ Windows 7 Starter editions တွေမှာ Windows Aero မပါဝင်ပါဘူး - အဲ့တစ်ချက် သိထားရ ပါမယ်။

- 1 GHz 32-bit (x86) or 64-bit (x64) processor,

- 1 GB (gigabyte) of RAM memory and a

- DirectX 9 compatible GPU

- minimum of 128 MB of Video RAM, installed with Windows Display Driver         Model (WDDM) driver

ဒါပေမယ့် တစ်ချို့ အခြေအနေတွေမှာ  Windows Aero က Enable လုပ်ဖို့ ပြဿနာ ရှိနေတတ်ပါတယ်။  ဖြစ်လေ့ရှိတာကတော့ Aero effect ကို ပံ့ပိုးဖို့ စွမ်းရည်မရှိတဲ့ video driver မရှိတာ ဒါမှမဟုတ် ရှိပေမယ့် သူ့ Driver ကို install လုပ်ဆောင်မထားတာ - နောက် တစ်ခါတစ်ရံမှာ မူရင်း VGA card driver ကို Update ပေးလိုက်ရာကနေ အလုပ်မလုပ်တော့တာ တွေကနေ Error တက်ပြီး Windows 7 ကနေပြီး Aero effect ကို Support မလုပ်နိုင်တော့တာတွေ ဖြစ်သွားတတ်ပါတယ်။ နောက်တစ်ခု ရှိသေးတာက Windows 7 တော့ တင်ထားတယ် ဒါပေမယ့် ကိုယ့် VGA က Windows 7 ရဲ့ Windows Aero Effect ကို မှီတယ် ဆိုယုံလေးလောက်ပဲ ရှိတယ် ဆိုရင်ကျပြန်တော့လည်း - Windows က Windows 7 Aero ကို Run ရမလား မ run ရဘူးလား သူ့ကိုယ်သူ ဝေခွဲ မရ ဖြစ်ပြီး Enable မပေးနိုင်တာမျိုးတွေလည်း ဖြစ်တတ်ပါတယ်။

နောက်တစ်ချက် အနေနဲ့ ကိုယ့် Windows 7 က Windows Aero ကို Support ပေးနိုင်လား မပေးနိုင်ဘူးလား ဆိုတာ Windows Experience Index score ကနေ ကြည့်နိုင်ပါတယ်။ Windows Experience Index score အကြောင်းကို ဒီနေရာမှာ တော်တော်များများ ဖော်ပြခဲ့ပြီးပြီ မို့လို့ အသေးစိတ် ထပ်မဖော်ပြတော့ပါဘူး - ဒါပေမယ့် အလွယ်မှတ်မယ် ဆိုရင်တော့ Graphics component တွေရဲ့  Windows Experience Index base score ဟာ အနည်းဆုံး 3.0 ဒါမှမဟုတ် သူ့ထက် ကျော်မှ Aero ကို ကောင်းကောင်း Run နိုင်ပါလိမ့်မယ်။ ကိုယ့်ကွန်ပြူတာက Windows Experience Index ကိုကြည့်ဖို့ Control Panel > System and Security > System ကနေပြီး “Windows Experience Index” ကို Click ပေးပါ။

ဘာအကြောင်းနဲ့ပဲ ဖြစ်ဖြစ် ခုလို Windows Aero နဲ့ ပတ်သတ်ပြီး Enable ပေးဖို့ ပြဿနာ ဖြစ်လာရင်တော့ ဖြေရှင်းနိုင်မယ့် လွယ်ကူတဲ့ နည်းလမ်းတွေ တော်တော်များများ ရှိပါတယ်။ ဒါပေမယ့် လောလောဆယ် တစ်နည်းကိုပဲ အသားပေး ဖော်ပြသွားပါမယ်။ တကယ်လို့ အဆင်မပြေ ဖြစ်မယ် ဆိုရင်တော့ ကျွန်တော်တို့ နောက်နည်းတွေနဲ့ ကြိုးစားကြတာပေါ့။ ခက်ခက်ခဲခဲကြီးလည်း သိပ်မရှိပါဘူး - ဒီပြဿနာကို ဖြေရှင်းဖို့ troubleshooting task tool တွေ Windows 7 မှာပါဝင်ပြီးသားပါ။

Aero effects အလုပ်လုပ်ဖို့ အတွက် အောက်မှာ ဖော်ပြသွားမယ့် လုပ်ငန်းစဉ်တွေအတိုင်း ကြိုးစားကြည့်ပါ။

အရင်ဆုံး ကျွန်တော် ဒီနေရာမှာ ဖော်ပြပြီးခဲ့တဲ့ Post အတိုင်း Windows Experience Index တွက်ချက်ပြီးထားဖို့ Score ရထားဖို့ လိုပါတယ်။ ဘယ်လောက်ရလဲ ဆိုတာ တစ်ချက် စစ်ပါ။ Graphics component တွေရဲ့ Base score ကရော ဘယ်လောက်ရှိလဲ သေသေချာချာကြည့်ပါ။ ဆိုလိုတာ 3.0 ထက်ကျော်ကြရဲ့လား။

ပြီးရင် Start menu ကိုသွားပါ။

နောက် Search box မှာ Aero လို့ ရိုက်ပါ။

ပြီးရင် Search result ကနေ တွေ့ရတဲ့ ထဲက Find and fix problems with transparency and other visual effects ဆိုတာကို Click ပေးပါ။

တကယ်လို့ “Find and fix problems with transparency and other visual effects”  ဆိုတာကို search results မှာ မတွေ့ခဲ့ဘူးဆိုရင် Control Panel ကိုသွားပြီး သူ့ထဲက Aero နဲ့ ပတ်သတ်နေတာတွေကို ရှာဖွေပါ။

အထက်ဖော်ပြပါအတိုင်း ခေါ်လိုက်ရင် “Aero – Troubleshoot computer problems” wizard dialog ပေါ်လာပါ လိမ့် မယ်။ အဲကနေ Next ဆက်သွားပါ။

ဒီ troubleshooting wizard ကနေပြီး ဘာပြဿနာ ပေါ်နေလဲ ဆိုတာ ကိုယ့်ကွန်ပြူတာက components အမျိုးမျိုး ရဲ့ Windows Aero ကို အလုပ်မလုပ်နိုင်အောင် ဟန့်တားထားတဲ့ ပြဿနာတွေကို တစ်ဆင့်ချင်းဆီ စစ်ဆေးသွားပါ လိမ့်မယ်။ ဘယ်လို Components တွေကို စစ်တာလဲ ဆိုတော့ video memory, Desktop Windows Manager (DWM) service, color depth, theme, power settings ဆိုတာမျိုးတွေကို သူက စစ်ဆေးပါတယ်။ တစ်ဆင့်ချင်းစီ သူ စစ်ဆေးပြီးသွားပြီ ဆိုရင် Aero service နဲ့ ပတ်သတ်ပြီး ဖြစ်နေတဲ့ ပြဿနာတွေကို ဖြေရှင်းပေးနိုင်ဖို့ သူ့ဘာသာသူ ကြိုးစားပြီး Aero feature ပြန်အလုပ်လုပ်အောင် စွမ်းဆောင်ပေးသွားပါလိမ့်မယ်။

တကယ်လို့ အဲလို စစ်တဲ့ နေရာမှာ စာကြောင်းတစ်ခု ချင်းစီရဲ့ ဘေးက အနီရောင် ကြက်ခြေခတ်တွေ တွေ့ရမယ် ဆိုရင်တော့ အဲတာဟာ Windows Aero ကို အလုပ်လုပ်မလုပ်နိုင်အောင် ဒုက္ခပေးနေတဲ့ ပြန်ဿနာပါပဲ - အဲ့ဒီ့ တွေ့တဲ့ ပြဿနာကို fix လုပ်ပြီး နောက်တစ်ကြိမ် “Find and fix problems with transparency and other visual effects” troubleshooting wizard ကို ပြန် Run ပါ။

တကယ်လို့ ဒီနည်းက အလုပ်မဖြစ်ဘူး ဆိုရင် Sevenforums မှာ ရှိတဲ့ Windows 7 - Aero Peek - Turn On or Off ဆိုတဲ့ ဆောင်းပါးလေးကို ဖတ်ပြီး စမ်းစေချင်ပါတယ်။ သူက Step လိုက်ပြထားတာမို့လို့ ဖတ်ရတာ လုပ်ဆောင်ရတာလည်း လွယ်ပါတယ်။ အဆင်ပြေပါစေ ကိုဟိန်းသူအောင် -

KznT.

Beginner Guide for OneNote 2010

ကျွန်တော် သူ့ အကြောင်းကို မိတ်ဆက် ပေးချင်တာ ကြာပါပြီ - မိတ်ဆက်ပေးချင်တယ် ဆိုပေမယ့် တစ်ချို့လည်း လတ်တလော သုံးကောင်း သုံးနေကြမှာပါ - ကျွန်တော် ပြောပြချင်တယ်ဆိုတာက Microsoft Office ကို သုံးပြီး Word - Excel - Powerpoint နဲ့ Outlook လောက်ပဲ သုံးဖြစ်နေတဲ့ မိသားစုဝင်တွေ အတွက် နယ်ပယ် သစ်တစ်ခုကို တိုးဝင်ကြည့်စေချင်တဲ့ သဘောမျိုးလောက်ပါပဲ - သူ့ အကြောင်းကို ကျွန်တော် မပြောခင်မှာ နည်းပညာ သမားတွေ အတွက် မဖြစ် မနေ လေ့လာသင့်တဲ့ အင်္ဂလိပ် ဆိုဒ် တစ်ခုကိုလည်း မိတ်ဆက်ပေးချင်ပါသေးတယ်။ အဲ့ ဆိုဒ် နာမည်ကတော့ How-To-Geek ပါ - နည်းပညာနဲ့ ပတ်သတ်ပြီး လေ့လာတဲ့ သူတိုင်း အဲ့ဆိုဒ်ကို တော်တော်များများ သိကြပါတယ်။ ခု ကျွန်တော် ရေးမယ့် အကြောင်းကိုလည်း How-To-Geek မှာ ဖော်ပြထားတဲ့ ဆောင်းပါးတစ်ပုဒ်ကို မှီငြမ်းပြီး ဖော်ပြသွားမှာ ဖြစ်ပါတယ်။ သူ့နာမည်ကတော့ OneNote ပါ - OneNote ကို စတင်ထိတွေ့မိတော့ သူ့ကို ကျွန်တော် ကောင်းကောင်း အသုံးမချတတ်ဘူး - အဲ့တုန်းက How-To-Geek ကိုလည်း ကျွန်တော် မသိသေးခဲ့ပါဘူး - ဆန်းဆန်းပြားပြားဆို လက်တည့် စမ်းစေချင်လို့ OneNote ကို ကိုယ်တိုင် စာဖတ်ပြီး စမ်းသုံးခဲ့ပါတယ်။ ကျွန်တော် သိခဲ့တဲ့ အခြေခံ အကြောင်းအရာလေးတွေ အသုံးတည့်တဲ့ features လေးတွေ အကြောင်းတွေ - အသုံးချပုံ အကြမ်းဖျဉ်းလေးတွေကို ကျွန်တော်ခု ဒီနေရာကနေ ဖော်ပြပေးသွားပါ့မယ်။ ဒီစာမှာ ကျွန်တော် OneNote 2010 ကို ဥပမာထားပြီး အသားပေး ဖော်ပြသွားပါ့မယ်။

OneNote ဆိုတာဘာလဲလို့ အကြမ်းဖျဉ်း ရှင်းရမယ် ဆိုရင် ကျွန်တော်တို့တွေ တော်တော်များများ လုပ်ငန်းကိစ္စ - ကိုယ်ရေး ကိုယ်တာကိစ္စ - မှတ်စရာ သိစရာ အသေးစိတ် အချက်အလက် ဆိုတာတွေ အတွက် မှတ်စု စာအုပ် ( Notebook ) သို့တည်းမဟုတ် Diary ဆိုတာမျိုး လူတိုင်းနီးပါး ဆောင်တတ်ကြပါတယ်။ OneNote ဆိုတာက အဲ့ဒီ့ လိုအပ်ချက်တွေကို ဖြည့်ဆည်းပေးမယ့် ကျွန်တော်တို့ လက်ရှိသုံးနေတဲ့ Notebook တို့ Diary တို့ နေရာမှာ အစားထိုးဝင်ရောက်လာတဲ့ Product တစ်ခု ဖြစ်ပါတယ်။ အသုံးမချဖူးသူ တစ်ယောက်အတွက် စစသုံးချင်းမှာ စိမ်းနေနိုင်ပေမယ့် အသုံးပြုဖူးပြီးသွားရင် သူ့ရဲ့ လုပ်ဆောင်ချက် သဘောတရားတွေကို ကောင်းကောင်း သဘောပေါက်ပြီး ရင်းနှီးကျွမ်းဝင်သွားပါလိမ့်မယ်။

OneNote 2010 အား စတင်ထိတွေ့ခြင်း

Office 2010 ကို တင်ပြီဆိုရင် တစ်ချို့က Customize ရွေးတင်တတ်ကြပေမယ့် တော်တော်များများကတော့ Default တင်ကြတာ များပါတယ်။ အဲလို Default တင်တတ်တဲ့ သူတွေ အတွက် OneNote ဆိုတာ Office 2010 မှာ Starter edition ကလွဲရင် ပါဝင်လာပြီးသား ဖြစ်မှာပါ။

Office 2010 ကို installed လုပ်ဆောင်ပြီးသွားရင် OneNote 2010 ကို Start Menu မှာရှိတဲ့ Microsoft Office folder ထဲမှာ ခုလို အလွယ်တကူ ရှာဖွေတွေ့ရှိနိုင်ပါတယ်။

တစ်ချို့ကျတော့လည်း Office 2010 ကို ဒေါင်းလုပ် မချရသေးလို့ ဒီ အကြောင်းအရာကို ဖတ်တဲ့ အချိန်မှာ စမ်းသပ်ကြည့် ချင်ပေမယ့် စမ်းလို့ မရဖြစ်ပြီး အံတကျိတ်ကျိတ် ဖြစ်ကောင်း ဖြစ်နေနိုင်ပါတယ်။ :D အဲလို မဖြစ်ပါနဲ့ ဒီကောင်လေး စမ်းသုံးကြည့်ချင်တဲ့ စိတ် တစ်ခုတည်း အတွက်နဲ့ Office 2010 ကြီး install လုပ်နေဖို့ မလိုပါဘူး - OneNote 2010 နောက်တစ်နေရာကနေ စမ်းသပ်သုံးစွဲကြည့်လို့ ရပါသေးတယ်။ ဒီနေရာကနေ သွားပြီး Browsers တွေကနေ သုံးစွဲလို့ ရတဲ့ ခုနောက်ထွက် Office Web Apps ကနေ တစ်ဆင့် OneNote 2010 ကို စမ်းသပ်ကြည့်လို့ ရပါတယ်။ သူ့မှာပါတဲ့ feature တွေက ကျွန်တော်တို့ လက်တလော စက်ထဲမှာ installed လုပ်ပြီး သုံးစွဲနိုင်တဲ့ OneNote 2010 ထက် နည်းပါးပေမယ့် စမ်းသပ်သုံးစွဲ ကြည့်ယုံလောက်လေး တစ်ခုတည်း အတွက်တော့ တော်တော်လေး အသုံးတည့်ပါတယ်။ ဒီအောက်က ပုံကတော့ Office Web Apps မှာပါတဲ့ OneNote 2010 ကို Browser ကနေ တစ်ဆင့် တွေ့နေရတဲ့ ပုံပါ။

မည်သို့ လုပ်ဆောင်မည်နည်း



OneNote ကို ကျွန်တော်တို့ စတင်လိုက်တာနဲ့ ပထမဆုံး သူကနေပြီး example notebook တစ်အုပ်နဲ့ မိတ်ဆက်ပေးပါလိမ့်မယ်။ သူဖော်ပြထားတဲ့ ဖော်ပြချက်လေးတွေကို ဖတ်ပြီး ဘယ်လို အသုံးပြုရမယ် ဆိုတာ အလွယ်တကူ သိရှိနားလည်နိုင်ပါတယ်။

OneNote ဆိုတာ ကျွန်တော်တို့ တကယ့် ပြင်ပမှာ ကဏ္ဍအသီးသီးက ကွဲထွက်နေတဲ့ Notebooks ပေါင်းများစွာကို တစ်နေရာတည်းမှာ ပေါင်းစည်းပေးထားနိုင်တဲ့ နေရာပါ။ အဲလို ပေါင်းစည်းတဲ့ နေရာမှာ ကဏ္ဍတစ်ခုချင်းစီ အလိုက် ခေါင်းစီးမှာ ရှိနေတဲ့ General - Unfiled Notes စသဖြင့် Sections လိုက် ခွဲထားစလို Sections တစ်ခုချင်းစီမှာလည်း ထပ်ပြီး ညာအစွန်မှာ မြင်နေရတဲ့ Pages တွေ အဖြစ် အကြောင်းအရာ တစ်ခုချင်းစီကို ထပ်မံ စိတ်ဖြာလို့ ရပါသေးတယ်။ ဒါက Notebook တစ်ခုတည်း အတွက် စိတ်ဖြာမှုပဲ ရှိပါသေးတယ်။ တကယ်လို့ ကိုယ်က Notebook တွေကို ကိုယ်ရေးကိုယ်တာ အပြင် - ပညာရေး - လူမှုရေး - စီးပွားရေး - စသဖြင့် နောက်ထပ် ကဏ္ဍသီးခြားထားပြီး Note ရေးချင်တယ် ဆိုရင် နောက်ထပ် Notebook အသစ်တွေကိုလည်း ဘယ်ဘက်ခြမ်းမှာ မြင်နေရတဲ့ Personal ဆိုတဲ့ နေရာကနေ တစ်ဆင့် Create လုပ်လို့ ရပါသေးတယ်။

နောက်တစ်နည်း အနေနဲ့ Notebook အသစ်တစ်ခုကို File tab ကနေလည်း Create လုပ်လို့ ရပါတယ်။ နောက်တစ်ချက် အနေနဲ့ အင်တာနက်နဲ့ ချိတ်ဆက်ထားပြီးသား ကွန်ပြူတာ တစ်လုံးအဖို့ ကိုယ့် ကွန်ပြူတာ ထဲက Notebooks တွေကို အောက်ဖော်ပြပါ နေရာကနေ တစ်ဆင့် Online မှာ ရှိနေတဲ့ Office Web Apps နဲ့ ချိတ်ဆက်ပြီး ကမ္ဘာ့နေရာအနှံ့ အသီးသီးက ကြိုက်နှစ်သက်ရာ နေရာကနေ access လုပ်နိုင်ဖို့ ဖန်တီးထားနိုင်သလို တစ်ခြား မိမိရဲ့မိသားစု သူငယ်ချင်းတွေကိုလည်း Share လုပ်ထားလို့ ရပါသေးတယ်။ ဒီလို လုပ်ဆောင်နိုင်ဖို့ ကျွန်တော်တို့မှာ Windows Live ID တစ်ခု ရှိထားဖို့တော့ လိုပါတယ်။

ကိုယ် ဖန်တီးထားတဲ့ Notebook ထဲမှာမှ အကြောင်းအရာ အသစ်တစ်ခုကို section အသစ် တစ်ခု အနေနဲ့ ဖွင့်ပြီး ရေးချင်ပြီ ဆိုရင် Tab မှာ ရှိနေတဲ့ Star လေးကို ကလစ်ပေးပြီး နောက်ထပ် Sections တွေ ခွဲထုတ်လို့ ရပါတယ်။ ဒီနေရာမှာ ကျွန်တော်တို့ ရောထွေးမှု ရှိနိုင်တာလေးက Pages - Sections နဲ့ Notebooks တွေရဲ့ သဘောတရားတွေကို နားလည်ဖို့ လိုလာပါတယ်။ Pages ဆိုတဲ့ သဘောက ခေါင်းစဉ်ကြီး တစ်ခုအောက်က ကဏ္ဍခွဲ သေးသေးလေးတွေကို ခွဲခြား ရေးသားတာကို ခေါ်တာပါ။ Sections ဆိုတာက Pages ထဲမှာ ပေါင်းရေးလို့ မရတဲ့ အကြောင်းအရာကွဲ တွေကို သပ်သပ် ခေါင်းစဉ်ကြီး ထုတ်ပြီး ခွဲခြား ရေးသားတာကို ခေါ်ပါတယ်။ Notebooks ဆိုတာကတော့ အဲလို အကြောင်းအရာပေါင်းများစွာကို ပေါင်းချုပ်ထားတဲ့ စာအုပ် ကို ခေါ်တာပါ။ Pages အသစ်တစ်ခု ဖန်တီးဖို့ အတွက် ညာဘက်ခြမ်းမှာ ရှိနေတဲ့ New Page ကနေ အလွယ်တကူ ဖန်တီးနိုင် ပါတယ်။ 

Sections အလိုက်မှာ စာတွေရေးတယ် ရေးရင်းနဲ့ Pages တွေကလည်း များလာပြီ ကြည့်ရတာ မျက်စိလည်း နဲနဲ ရှုပ်လာပြီ ထင်ရင် Pages သက်ဆိုင်ရာ ခေါင်းစဉ်တစ်ခုတည်း အောက်ကို Sub-pages တွေ အနေနဲ့ ပေါင်းထည့်လိုက်လို့ ရပါတယ်။ အစီအစဉ် မကျ ဖြစ်နေရင်လည်း pages တွေကို Drag ဆွဲပြီး အထက်အောက် အစီအစဉ်ကျအောင် ပြင်ဆင်လို့ ရပါတယ်။

Notes များရေးသားခြင်း

OneNote ထဲမှာ Note ရေးတော့ မယ် ဆိုရင် စာပဲ ရေးရေး - ပုံပဲ ထည့်ထည့် Page ရဲ့ ကြိုက်တဲ့ နေရာမှာ ကြိုက်သလို ရေးလို့ ရပါတယ်။ သူက လုံးဝကို Free style ပါ။ Word လိုမျိုး ဘောင်တွေ စည်းမျဉ်းတွေ မရှိဘူး - ကျွန်တော်ကတော့ သူ့ထဲမှာ စာရေးရတာ Word မှာ ရေးနေရတာထက် ပိုလွတ်လပ် နေသလိုပဲလို့ ခံစားမိပါတယ်။ တစ်ခုခုကို Cursor ချပြီး ချရေးလိုက်ပြီ ဆိုတာနဲ့ သူက ကိုယ့်စာတွေ အားလုံးကို box လေးတစ်ခုနဲ့ ဘောင်ခတ် ဖော်ပြသွားပြီး ကိုယ်ရိုက်သမျှ Auto Save ပေးပါတယ်။ အဲတာကြောင့် Word မှာလိုမျိုး စာတွေ အများကြီး ရိုက်ထားပြီးကာမှ မီးပျက်လို့ Save မထားလိုက်မိပဲ အကုန် ပြန်ရိုက်နေရတယ် ဆိုတာမျိုး ပြဿနာတွေကနေ လွတ်ကင်းစေပါတယ်။ ဒါတင်မက ကိုယ် ရိုက်ထားတဲ့ စာတွေပါတဲ့ box လေးကို Page ပေါ်မှာပဲ ဟိုဟိုဒီဒီ ကြိုက်တဲ့နေရာ ရွှေ့ပြောင်းလို့လည်း ရပါသေးတယ်။

OneNote ကို စစဖွင့်ဖွင့်ခြင်းမှာ editing tools တွေလည်း ဘာမှ မပါပါလားဆိုပြီး ထင်စရာ ရှိပါတယ်။ ဒါက Default အနေနဲ့ သူက အမြင်ရှင်းအောင် ဖွက်ထားပေးတာပါ။ အောက်မှာ ဖော်ပြထားတဲ့ အတိုင်း Home - Insert ဒါမှမဟုတ် တစ်ခြား Tabs တစ်ခုခုကို နှိပ်လိုက်တာနဲ့ Tools အများအပြားကို ဖော်ပြပါအတိုင်း စတင်တွေ့မြင်ရပါလိမ့်မယ်။

တကယ်လို့ ကိုယ်က OneNote စဖွင့်တည်းက ဒီလို tools တွေကို တစ်ခါတည်းမြင်ချင်တာမျိုး ဆိုရင်လည်း အောက်မှာ ဖော်ပြထားတဲ့အတိုင်း exit button နားက Arrow လေးကို Click ပေးပြီး ပြင်ဆင်ထားနိုင်ပါတယ်။

OneNote ကို သုံးရတာ တစ်ခြား စိတ်ဝင်စားစရာတွေလည်း အများကြီး ရှိပါသေးတယ်။ OneNote မှာပါတဲ့ Insert tab ကနေ ပြီး files တွေ vidoes တွေနဲ့ screen clippings တွေကိုလည်း ကိုယ့် notes ထဲမှာ ထည့်သွင်းလို့ ရပါသေးတယ်။ စာအုပ်နဲ့သာ ရေးရင် ဒါမျိုးတွေက ထည့်သွင်းဖော်ပြလို့ ရတာမျိုး မဟုတ်ပါဘူး။ အခုတော့ ကိုယ့် ကွန်ပြူတာထဲက Diary လို့ ပြောလို့ ရတဲ့ ဒီ Notebook ထဲမှာပဲ လိုတာအားလုံး ထည့်သွင်း သိမ်းဆည်းထားလို့ ရပါတယ်။ သူ့မှာပါတဲ့ screen clipping tool ဆိုတာကလည်း တော်တော်လေး အသုံးဝင်ပါတယ်။ OneNote ကိုဖွင့်ထားလိုက်ပြီး အောက်မှာ ပြထားတဲ့ အတိုင်း button ကို နှိပ်ပြီး ဖြစ်ဖြစ် keyboard shortcut Win+S ကို နှိပ်လိုက်တာနဲ့ Screen ပေါ်က ကြိုက်ရာအပိုင်းကို capture လုပ်လိုက်လို့ ရပါတယ်။ သူက Capture လုပ်ပြီးတာနဲ့တစ်ခါတည်း ဘယ် Notebook ထဲမှာ ထည့်သိမ်းချင်လဲ ဆိုတာကိုပါ မေးတာမျိုးပါ။ အဲတော့ သီးသန့်ကြီး Capture လုပ်လိုက်  OneNote ထဲ သွားထည့်လိုက် ဆိုတာမျိုးတွေလည်း နှစ်ခါလုပ်ဆောင်ဖို့ မလိုတော့ဘူးပေါ့။ 

ဒါတင်မက ကိုယ့် ကွန်ပြူတာက touchscreen ဖြစ်ဖြစ် drawing tablet ဖြစ်ရင် ဖြစ်ဖြစ် - ink notes တွေကိုလည်း OneNote ထဲမှာ ဖန်တီးလို့ ရပါသေးတယ်။

အပေါ်မှာ ဖော်ပြခဲ့ပြီးသလို OneNote ဆိုတာ ကျွန်တော်တို့နဲ့ သက်ဆိုင်တဲ့ ကိုယ်ရေးကိုယ်တာ - စီးပွားရေး - လူမှုရေး သတင်းအချက်အလက် ဆိုင်ရာတွေကို တစ်နေရာတည်းမှာ ပေါင်းစု သိမ်းဆည်းထားမယ့် နေရာဖြစ်လို့ ကဏ္ဍတွေ ရှုပ်ထွေးပြီး တစ်ခုခု အရေးပေါ် သိချင်လိုချင်တဲ့ အခါမှာ ရှာဖွေရ ခက်ခဲနေတတ်တာမျိုး ရှိလာနိုင်ပါတယ်။ ဒီလို အခက်အခဲမျိုးကို ဖြေရှင်းနိုင်ဖို့ သူ့ထဲမှာ advanced search ဆိုတာ ထည့်သွင်းပေးထားပြီး အဲကနေ တစ်ဆင့် စာသားအလိုက် - ဓာတ်ပုံအလိုက် စသဖြင့် အသေးစိတ် ရှာဖွေနိုင်ပါတယ်။  လုပ်ဆောင်နည်းကတော့ ကိုယ်ရှာဖွေချင်တဲ့ စာလုံးအတိုအထွာလေးကို Window ရဲ့ ညာဘက် အပေါ်ထောင့်က Search box မှာ ရိုက်သွင်းပြီး ရှာဖွေခိုင်းလိုက်ပါ။ အောက်ဖော်ပြပါအတိုင်း ကိုယ်လိုချင်တဲ့ စာသားနဲ့ ကိုက်ညီအောင် OneNote က ရှာဖွေ ဖော်ပြပေးပါလိမ့်မယ်။

OCR technology အကြောင်း ကြားဖူးသူတွေ ရှိနိုင်သလို အသေးစိတ် နားလည်ပြီးသား သူတွေလည်း ရှိနိုင်ပါတယ်။ OCR technology ဆိုတာကို စိမ်းနေသူတွေ အတွက် အကျဉ်းဖော်ပြပေးရရင် OCR technology ဆိုတာ Optical character recognition လို့ ခေါ်ပြီး scanned လုပ်ထားတဲ့ images တွေမှာ ပါတဲ့ လက်ရေးမူ ဒါမှမဟုတ် စက်ရေးမူတွေကို machine-encoded text အဖြစ်ပြောင်းလဲ ပေးတဲ့ နည်းပညာကို ခေါ်ပါတယ်။ ဒီထက်နားလည်လွယ်အောင် ပြောရရင်တော့ ဓာတ်ပုံပေါ်က စာကို Word file ပြောင်းတဲ့ နည်းပညာလို့ အလွယ်ပြောရမှာပါ။ အဲလို OCR technology ကို သုံးနိုင်ဖို့ ဆိုရင် ပုံမှန်အားဖြင့် Software တစ်ခုကို ဒေါ်လာရာနဲ့ချီ ဝယ်သုံးရပါတယ်။ ဥပမာ အနေနဲ့ ပြောရရင် ABBYY FineReader တို့ Evernote တို့ နောက် Adobe Acrobat နဲ့ OmniPage - Readiris ဆိုတာမျိုးတွေ ဖြစ်ပါတယ်။ ဒါတွေ အားလုံးကို ကျွန်တော်တို့က OCR technology အတွက် သီးသန့်ထပ်ဝယ်ပြီး သုံးဖို့ မလိုတော့ပါဘူး OneNote အသုံးဝင်တဲ့ OCR technology ပါဝင်ပေါင်းစပ်ထားပြီးသား ဖြစ်ပါတယ်။ သူ့ကို သုံးပြီး images ထဲမှာ ဖော်ပြပါဝင်တဲ့ စာတွေကို text အဖြစ် ပြောင်းလဲလို့ ရပါတယ်။ ( မှတ်ချက် - မြန်မာစာ မရပါ :D ) 

အကြောင်းအရာများအား OneNote သို့ ပေးပို့ခြင်း

Default အနေနဲ့ OneNote ကို တစ်ကြိမ် Run ထားရင် နောက်ပိုင်း Window အဖွင့်အပိတ်မှာ OneNote က system tray ထဲမှာ ရှိနေတတ်ပြီး အဲကနေ တစ်ဆင့် screen capture လုပ်ဆောင်ဖို့နဲ့ Note အသစ်တစ်ခု ရေးဖို့အတွက် လွယ်ကူ အဆင်ပြေစေ ပါတယ်။

နောက်ထပ် ကောင်းတာလေး တစ်ခုက OneNote ကို install လုပ်လိုက်တာနဲ့  virtual printer တစ်ခု အလိုလို install လုပ်ဆောင်ပေးပြီးသား ပါဝင်လာပါတယ်။ ဒါပါဝင်လာခြင်းအားဖြင့် ဘာကောင်းသွားလဲ ဆိုရင် Program တစ်ခုခုကနေ ပြီး OneNote ဆီကို တိုက်ရိုက် info တွေ ထည့်သွင်းသွားလို့ ရပါတယ်။ လုပ်ဆောင်ရမယ့် လုပ်ငန်းစဉ်အနေနဲ့ ပုံမှန်အတိုင်း သက်ဆိုင်ရာ Program ကနေ Print ကိုရွေးပေးပြီးပဲ ဖြစ်ဖြစ် Ctrl+P ပဲ နှိပ်ပြီး ဖြစ်ဖြစ် ပေါ်လာတဲ့ Print Dialog Box ကနေ Send To OneNote 2010 ကို ရွေးပေးပြီး Print လိုက်ယုံပါပဲ။ 

ဒါတင်မက ကျွန်တော်တို့ installed လုပ်ဆောင်ထားတဲ့ Office suit မှာ Outlook ထည့်သွင်း ထားတယ် ဆိုရင် Outlook ကနေ တစ်ဆင့် ကိုယ့်အတွက် အမှတ်ရဖို့ လိုအပ်တဲ့ Mails တွေကို OneNote ရှိရာဆီ အောက်ဖော်ပြပါအတိုင်း တိုက်ရိုက် ပို့လွှတ်လို့ ရပါတယ်။ ဒီလိုလုပ်ဆောင်ထားခြင်း အားဖြင့် အရေးကြီး တဲ့ Mails တွေကို နောက်တစ်ကြိမ် Mails ပေါင်းများစွာရဲ့ ကြားမှာ ခေါင်းစားလောက်အောင် ပြန်ရှာစရာ မလိုပဲ အရေးကြီး အချက်အလက်တွေ သိမ်းဆည်းထားနိုင်ပါလိမ့်မယ်။

အဲလိုနည်းနဲ့ မဟုတ်ပဲ OneNote ကို ကိုယ့် Screen ပေါ်က ညာဘက်ခြမ်းမှာ ကပ်ခိုင်းထားပြီး တစ်ခုခု စိတ်ဝင်စားစရာ တွေ့ရင် အလွယ်တကူ Note ထုတ်မှတ်သားနိုင်အောင်လည်း ပြင်ဆင်ထားနိုင်ပါသေးတယ်။ လုပ်ဆောင်ဖို့ကတော့ အောက်မှာ ဖော်ပြထားတဲ့ အတိုင်း Dock to desktop button ကို Click ပေးလိုက်ဖို့ပါ။  

အနှစ်ချုပ်

ကျွန်တော် ခု ဖော်ပြခဲ့ပြီး သလောက်ဆို OneNote ရဲ့ သဘောတရားနဲ့ အသုံးချပုံ တစ်ချို့ကို နားလည်ပြီး အစပျိုးနိုင်လိမ့်မယ် လို့ မျှော်လင့်မိပါတယ်။ ကျွန်တော်က How to ဆန်ဆန် ဖော်ပြချင်တာ မဟုတ်တဲ့ အတွက် လုပ်ဆောင်ပုံ အသေးစိတ်ကို အဆင့်လိုက် တစ်ဆင့်ချင်း အသေးစိတ် ဖော်ပြမသွားနိုင်တာ နားလည်ပေးကြ စေချင်ပါတယ်။ နောက်ဆုံး ဖော်ပြချင်တာကတော့ OneNote 2010 ဆိုတာ Notes တွေ ရေးသားတဲ့ အခါ - စိတ်ကူးတွေ ပုံဖော်တဲ့ အခါ - အကြောင်းအရာတစ်ခုချင်းစီ အလိုက် screenshots တွေ ဖန်တီး မှတ်သားတဲ့ အခါနဲ့ အခြားအသေးအဖွဲ ကစပြီး အရေးပေါ် အကြောင်းအရာထိ မှတ်သားလွယ်ကူဖို့ အကောင်းဆုံး Microsoft ရဲ့ Product တစ်ခု ဖြစ်ပါတယ် ဆိုတဲ့ အကြောင်း မိတ်ဆက် ဖော်ပြရင်း အဆုံးသတ်လိုက်ပါတယ်။ 

KznT.

Free Web Hosting Services

Originally Posted by openeyes  ကျွန်တော် wordpress နဲ ့ ဘလော့ထားတာလေးကို Hosting တင်ဖို ့ အခက်အခဲဖြစ်နေလို ့ ညီအကိုမောင်နှမများ ကူညီပေးကြပါဦးနော်... -လတ်တလောအသုံးပြုဖို ့ရနိုင်ပြီးတော့ Disk space များများလေး ရရင်လိုချင်ပါတရ်ခင်ဗျာ... တွေ ့သမျှဆိုက်တွေကလဲ အဆင်မပြေလို ့ပါ.... ကူညီပေးကြပါဦး.... ကျေးဇူးအများကြီးတင်ပါတရ်....

Wordpress blog တွေကို self-hosted လုပ်ဖို့ အတွက် Free ရတဲ့ web hosting services တွေဆိုတာ တော်တော်လေး ရှာရ လက်ပေါက်ကပ်ပါတယ်။ အရင် သူများတကာ ညွှန်ထားတာတွေ လိုက်လုပ်ကြည့်တာ စစချင်းတော့ ကောင်းပေမယ့် နောက်ပိုင်းကျတော့ ပြဿနာက အနဲနဲ့ အများ ရှိလာတာ ချည်းပါပဲ - ဒါက ညွှန်ပြတဲ့သူ အပြစ် မဟုတ်ပါဘူး - Free ရတဲ့ web hosting services ဆိုတာ သူတို့လည်း ပိုက်ဆံလိုချင်လို့ အမြည်းချကျွေးတဲ့ သဘောမျိုးပါ - ကိုယ်က အမြည်းချည်း ထိုင်စား နေရင်တော့ ကန်လွှတ်မယ် ဆိုတဲ့ သဘောမျိုးပါပဲ -

ဒါပေမယ့် ကို openeyes အနေနဲ့ Free ရတဲ့ web hosting services ကို စိတ်မကုန်သေးဘူး ဆိုရင်တော့ သုံးဖို့ အဆင်ပြေလောက်မယ့် web hosting services တစ်ချို့နဲ့ ကျွန်တော် မိတ်ဆက်ပေးလိုက်ပါ့မယ်။ ကျွန်တော်ကိုယ်တိုင်လည်း လတ်တလောမှာ အဲ့ဒီ့တွေမှာပဲ Wordpress blog တွေ လုပ်ထားပါတယ်။ ကျွန်တော်ကတော့ Blog သာ ရှိတာပါဗျာ - စမ်းတဲ့ သဘောလောက် လျှောက်လုပ်တာပါ - ဟုတ်တိ ပတ်တိ ရေးတာမျိုး မရှိတော့ ဘယ်လောက်ထိ ကောင်းတယ် ဘာတယ် ဆိုတာတော့ တပ်အပ်ကြီး ပြောမပြနိုင်ပါဘူး - free ရတဲ့ web hosting services တွေကို search engines တွေကလည်း ရှာဖြွေကည့်နိုင်ပါတယ်။ ဒါပေမယ့် ကိုopeneyes လည်း သိတဲ့ အတိုင်း အဲလိုရှာလိုက်ရင် တွေ့တာတွေတော်တော်များများက အသုံးမဝင်တာတွေ တော်တော်များများပါတယ်။

အဲ့ကြောင့်မို့ ကျွန်တော် ခုဖော်ပြပေးသွားမယ့် web hosting services တွေဟာ ကျွန်တော် စမ်းသုံးခဲ့ဖူးသမျှ ထဲက သုံးရလည်း လွယ်ပြီး Free လည်း ရတဲ့ web hosting services တွေကို လမ်းညွှန်ပေးသွားမှာပါ။ စမ်းသုံးကြည့်ပါ။ အဆင်ပြေတယ် ဆိုရင် တစ်ခြား ကိုopeneyes လို အသုံးလိုနေတဲ့ သူငယ်ချင်း မိတ်ဆွေတွေကိုလည်း ဝေမျှ ပေးလိုက်ပါ။

အဲတော့ ကျွန်တော်တို့ free ရတဲ့ web hosting services တွေကို မစမ်းသပ်ခင်မှာ ဘယ် အချက်တွေပေါ် မူတည်ပြီး ဒီ hosting services တွေကို ကောင်းမကောင်း ဘယ်လိုသုံးသပ်တယ် ဆိုတာလေး အရင် ဖော်ပြပေးပါ့မယ်။ ကျွန်တော်တို့က free လိုချင်တာ ဆိုတော့ အရမ်းကြီး တောင်းဆိုလို့လည်း မရဘူးပေါ့လေ - သူပေးထားတာတွေထဲကမှ hosting services တွေကို တစ်ခုပြီး တစ်ခု နိှုင်းယှဉ်ကြည့်ပြီး ကိုယ်လိုချင်တာနဲ့ ဘယ်ကောင်က အကိုက်ညီဆုံး ဖြစ်မလဲ ဆုံးဖြတ်ရမယ့် သဘောမျိုးပေါ့ - တစ်ယောက်နဲ့ တစ်ယောက် အကြိုက်ချင်း မတူညီကြလို့ ကျွန်တော် သဘောကျတာတွေကို တစ်ခြား သူတွေ သဘောကျချင်မှ ကျပါလိမ့်မယ်။ ဒါပေမယ့် ကျွန်တော် ဘာကြောင့် သူတို့ကို ရွေးချယ်တယ် ဆိုတာ အကျဉ်းဖော်ပြပေးသွားပါ့မယ်။

ပထမဆုံး အနေနဲ့ web hosting services ဆိုတာမျိုးက အသုံးပြုဖို့ လွယ်ကူရပါမယ်။ Service တွေက တစ်ခုနဲ့ တစ်ခု ပေးတာချင်း မတူတတ်ပေမယ့် ပုံမှန်အားဖြင့် web hosting services တစ်ခုမှာ ကျွန်တော်တို့ မဖြစ်မနေ ပါမပါ ကြည့်ရမှာက -

* Installer script လို့ ခေါ်တဲ့ Wordpress သမားတွေ အတွက် automatic installation ( နောက် တစ်ခြား server-side applications တွေ )
* နောက် web management အတွက် အသုံးပြုရ လွယ်ကူစေမယ့် control panel ပါဝင်မှု
* MySQL နဲ့ PHP latest version ဒါမှမဟုတ် ( အနည်းဆုံးတော့ သိပ် Old မဖြစ်တဲ့ဟာ )
* Files တွေကို upload နဲ့ delete လုပ်ဖို့ FTP access ရမရ
* ကိုယ့်ရဲ့ own domain သုံးလို့ ရမရ ( ဒါမှ ကျွန်တော်တို့ CO.CC တို့ တစ်ခြား Personal Domain တွေ အသုံးချနိုင်ပါမယ်။ )

နောက်တစ်ချက် ကြည့်ရမှာက Free ပေးတယ် ဆိုတဲ့ အချက်ပါ။ များသောအားဖြင့်တော့ သူတို့က Free - Free လို့သာ ပြောတာ တကယ်တော့ အမှန်တကယ် Free မဟုတ်တာ များပါတယ်။ Services တစ်ချို့က free hosting လို့ အမည်ခံပြီး ကြော်ငြာတွေ ထည့်တယ်။ တစ်ချို့ကျတော့ free hosting လို့ အမည်ခံပြီး တကယ်တမ်း သွားလုပ်တော့ activation မပေးဘူး - တစ်ချို့ကျတော့ free hosting လို့ အမည်ခံပြီး သူ့ဆီက Services မရသေးခင် တစ်ခြား ဖိုရမ် တစ်ခုခုမှာ ပို့စ် အရေအတွက် ဘယ်လောက် အနည်းဆုံး တင်ပြီးသား ဖြစ်ရမယ် ဆိုတာမျိုးတွေကလည်း လာပါသေးတယ်။ ဒါတွေက ကိုယ်တွေ့ပါ။ ဒါ့ကြောင့် ခု ကျွန်တော် တတ်နိုင်သမျှ အကောင်းဆုံး ဖြစ်နိုင်မယ့် free hosting တွေကို ညွှန်ပေးကြည့်ပါမယ်။

တတ်နိုင်သလောက် features အများဆုံး - disk space ပမာဏ အများဆုံး - monthly data transfer ( bandwidth ) အများဆုံး နဲ့ customer service နဲ့ technical support ရနိုင်မယ့် Hosting မျိုးကို အဓိက ထားရွေးပြီး ဖော်ပြပေးထားပါတယ်။ တစ်ခုခု အဆင်မပြေတာ ရှိခဲ့ရင် Free ဆိုတာကိုတော့ မမေ့ပါနဲ့ - Free ဖြစ်တဲ့ အတွက် အနည်းနဲ့ အများတော့ စိတ်ကသိကအောက် ရှိကောင်း ရှိနိုင်ပါလိမ့်မယ်။

ဒီအောက်မှာ ဖော်ပြထားတဲ့ အတိုင်းပါပဲ။ ကြိုက်ရာ ကိုသာ ကိုယ့်ဘာသာ နိှုင်းယှဉ်ဆုံးဖြတ်ပြီး သုံးစွဲကြည့်ပါ။

Zymic

* 5 GB disk space per account with unlimited account per users
* 50 GB of monthly data transfer

XtreemHost

* 5.5 GB disk space
* 200 GB of monthly data transfer

Hosting-Engine

* 150 MB disk space
* 4 GB of monthly data transfer

Host-Ed

* 150 MB disk space
* 4 GB of monthly data transfer

Freehostia

* 250 MB disk space
* 6 GB of monthly data transfer

PhpNet

* 350 MB disk space
* 15 GB of monthly data transfer

000Webhost

* 1.5 GB disk space
* 100 GB of monthly data transfer

ကျွန်တော် ခု ဖော်ပြခဲ့သလောက်ဆို ကို openeyes ရဲ့ (Wordpress) blog အတွက် အတိုင်းအတာ တစ်ခုထိ ကူညီနိုင်လိမ့်မယ်လို့ မျှော်လင့်မိပါတယ်။ ကျွန်တော် ဖော်ပြခဲ့တာတွေထက် ကောင်းမယ့် တစ်ခြား Free Hosting တွေလည်း ရှိကောင်းရှိပါလိမ့်ဦးမယ်။ သိတဲ့ သူများလည်း ဝိုင်းဝန်းဝေမျှ ပေးကြပါဦး။ အဆင်ပြေပါစေ ကိုopeneyes -

KznT.

Make your Windows Start-up Faster

ကျွန်တော်လည်း စာမရေးဖြစ်ဘူးဗျာ - အဓိကကတော့ ပျင်းတာဗျ - လူတစ်ယောက်အတွက် ကြောက်ဖို့ အကောင်းဆုံး ရောဂါက အပျင်းရောဂါလို့ ကျွန်တော်တော့ ထင်တာပဲ - အဲ့ ရောဂါက ( ၄ ) ရက်လောက်ဖျားပြီး နောက်ပိုင်း ဆက်တိုက်ဆက်ဝင်သွားတော့ ပေါင်းလည်း ပေါင်းလိုက်ရော တစ်ပတ်လောက် ရောဂါက မပျောက်တော့ သလို ဖြစ်သွားတယ် - စာဆိုတာကလည်း တစ်ခါတစ်လေ စိတ်ကူးပေါက်ရင်တော့လည်း ဘယ်လောက် ရှည်အောင် ရေးရ ရေးရ ရေးရတာ မပျင်းဘူး - ခုကျတော့ တစ်ခြား အလုပ်ကိစ္စလေးတွေက တစ်ဖက် ပျင်းရောဂါက တစ်ဖက်နဲ့ ဆိုတော့ ဒီဘက်မှာ စာတစ်မျက်နှာ လောက် ရေးရမှာကိုကို လှည့်မကြည့်ချင်ဘူး - ဆိုးတယ် အဲ့ရောဂါ -

ခုတော့ အဲ့ အပျင်းရောဂါကို ကုစားနိုင်ဖို့ ပထမ ခြေလှမ်း ပြန်ချကြည့်လိုက်ပါပြီ။ ဟုတ်ကဲ့ ရေးနေကျ အတိုင်း တောင်မရောက် မြောက်မရောက် နည်းပညာ အကြောင်း တောက်တိုမယ်ရလေးတွေ စပါဦးမယ်။

ကျွန်တော်တို့ ကွန်ပြူတာဗျာ တင်ထားတာတော့ Microsoft Windows - ကိုယ်ကိုယ်တိုင်ကလည်း ကွန်ပြူတာဆို ဂဃနဏ သိပ်ပြီးတော့ မသုံးတတ် - လေ့လာချင်စိတ်လည်း သိပ်မရှိလှ - ခုနောက်ပိုင်း သတိထားမိသလောက် ကျွန်တော့် ကွန်ပြူတာ အထတော်တော်နှေးလာတယ် - ဖွင့်လိုက်ရင် တော်တော်လေးနဲ့ Windows က တက်မလာဘူး - ကလယ်ကလယ်နဲ့ ဘာတွေ ဖြစ်နေမှန်းလည်း မသိ - အဲတာလည်း ပြေလည်ချင်တာဗျာ - ဘယ်လိုလုပ်ရင်ကောင်းမလဲ ??

ဟုတ်ကဲ့ ဒီလို ပြဿနာမျိုးက ကိုယ်တစ်ယောက်တည်း ကြုံနေရတာ မဟုတ်ပါဘူး - ကျွန်တော်တို့ အားလုံး ကြုံနေရတာပါ - ခုလို ဖြစ်နေတဲ့ ပြဿနာကို Windows ကို Re-install လုပ်ရင် ဖြစ်ဖြစ် - တစ်ခြား New Hardware တစ်ခုခု ထပ်ဆောင်းတပ်လိုက်ရင် ဖြစ်ဖြစ် အလွယ်တကူ ပြေလည်နိုင်ပါတယ်။ ဒါပေမယ့် ဒီလို အထနှေးတိုင်းသာ Windows ကို Re-install လုပ် - New Hardware တစ်ခုခု ထပ်ဆောင်းတပ် ဆိုရင် ကျွန်တော်တို့အတွက် သိပ်အဆင်မပြေလှပါဘူး - အထနှေးတာကို တိုက်ဖျက်ဖို့ဆိုပြီး အင်တာနက်ထဲမှာ စာအုပ်တွေထဲမှာ ဟိုဟိုဒီဒီရေးထားတဲ့ နည်းလမ်းပေါင်း မြောက်များစွာ ရှိပေမယ့် ကျွန်တော် အပါအဝင် တော်တော်များများက အဲလောက်ထိ ဘယ်သူမှ တကူးတက လိုက်မပြင်နိုင်ကြပါဘူး - အဲတော့ အဆင်အပြေဆုံး ဖြစ်နိုင်မယ့် နည်းလမ်းကို ကျွန်တော် စဉ်းစားကြည့်တယ် - ကွန်ပြူတာ အဖွင့်မှာ အထနှေးတာ ဘာကြောင့်လဲ - ဇစ်မြစ်သိရင် ပြင်ဆင်နိုင်မယ့် အဖြေရှိကောင်း ရှိနိုင်မယ် မလား - အဲတော့ ဒီပြဿနာရဲ့ အဓိက ဇစ်မြစ်ဟာ စက်စဖွင့်တာနဲ့ ကျွန်တော်တို့ သတိမထားမိပဲ အလိုလျောက် Run ခိုင်းထားတဲ့ programs နဲ့ services တွေ များနေလို့ပါ။ ဘာတွေ Run ခိုင်းထားမိလည်းဆိုတာ အကြမ်းဖျဉ်း သိချင်ရင် Windows အတက်မှာ System Tray ကို တစ်ချက်ကြည့်ကြည့်လိုက်ပါ။ အဲမှာ ရှိနေတဲ့ icons တွေက start-up မှာ Run ခိုင်းထားတဲ့ Programs တြွေဖစ်ပါတယ်။ ဒါက အထနှေးနေရခြင်းရဲ့ အဓိက ဇစ်မြစ်ပါပဲ။ ဒါကို တိုက်ဖျက်ဖို့ ဆိုရင် အဲ့ဒီ့ System Tray ထဲမှာ ပေါ်နေတဲ့ icons list တွေကို ဖျက်ထုတ် ပစ်နိုင်ဖို့လိုပါတယ်။ အဲမှာ ပေါ်နေတဲ့ icons တွေကို များများလျော့ချနိုင်လေ Start-up time က သိသိသာသာ မြန်လာလေ ဖြစ်ပါတယ်။ အဲလို ဖျက်ထုတ်နိုင်ဖို့ဆိုတာ နည်းနည်းပါးပါး တောင်ကလိမြောက်ကလိ လုပ်တတ်တဲ့ လူတွေ အတွက် အဆင်ပြေပေမယ့် သာမန် အသုံးပြုသူ တစ်ယောက်အတွက်တော့ အခက်အခဲလေး နည်းနည်း ရှိနိုင်ပါတယ်။ သူတို့အတွက် Options တွေ အများကြီး မပြပဲ တစ်နည်းတည်းနဲ့ အဆင်ပြေနိုင်အောင် ကျွန်တော်တို့ ဘယ်လို လမ်းညွှန်နိုင်ပါမလဲ ??

အဲတာကို တွေးရင်း တွေးရင်း ဟိုတစ်နေ့က အင်တာနက်ထဲ တောင်ကြည့်မြောက်ကြည့် လျှောက်ကြည့်တော့ ကံကောင်း ထောက်မစွာနဲ့  Soluto ဆိုတဲ့ free utility တစ်ခုကို တွေ့မိတယ်။ သူပြောထားတာတော့ Start-up time ကို သိသိသာသာ မြန်လာစေမယ် ဆိုပဲ - ဒါပေမယ့် မစမ်းပဲနဲ့တော့ သိပ်မယုံချင်ဘူး - အဲတာနဲ့ စမ်းသုံးကြည့်လိုက်တော့ တကယ်ပဲ သုံးလို့ အဆင်ပြေတာ သတိထားခဲ့မိပါတယ်။ သူက Windows ကွန်ပြူတာရဲ့ Start-up time ကို 3.15 minutes လောက်ကြာ နေရာကနေ 1.25 minutes လောက်ထိ လျော့ချနိုင်ခဲ့ပါတယ်။ သုံးရလည်း လွယ်ပြီး ဘာမှ နည်းပညာပိုင်းတွေ အတွေးအခေါ် အယူအဆတွေ မပါပါဘူး။

Soluto ကို ကျွန်တော်တို့ install လုပ်ပြီးတာနဲ့ သူကနေပြီး start-up programs တွေကို အပိုင်း သုံးပိုင်း ခွဲထုတ်လိုက်ပါတယ်။ 

• No-brainer – ဒီအပိုင်းမှာ ရှိနေတဲ့ programs တွေက နှစ်ခါပြန်တွေးမနေပဲ start-up ကနေ ဖြုတ်ထုတ်ပစ်ရမယ့် programs တွေပါ။
• Potentially removable – ဒီအုပ်စုထဲမှာ ပါတဲ့ ကောင်တွေကလည်း start-up ထဲမှာ ပါနေတဲ့ programs တွေပါပဲ။ ဒါပေမယ့် သူကတော့ ကိုယ်တကယ် အသုံးလိုသလား မလိုသလား ဆိုတာတစ်ချက် ကြည့်ပြီး ဖြုတ်ပစ်နိုင်ပါမယ်။
  
• Required – ဒီအုပ်စုကလည်း start-up ထဲမှာ ပါနေတဲ့ programs တွေပါပဲ။ ဒါပေမယ့် ဒီ programs နဲ့ services တွေက Windows ကို ပုံမှန် Run နိုင်ဖို့ အတွက် ဖြုတ်ထုတ်ပစ်လို့ မရပါဘူး - ဒီအတိုင်းထားထားရမှာ ဖြစ်ပါတယ်။
  

ကိုယ်တွေ့နေရတဲ့ software app ပေါ် မူတည်ပြီး start-up မှာ အတူတက်လာတဲ့ programs တွေကို “Pause”  လုပ်ပြီး start-up ကနေ လုံးဝ ဖြုတ်ထုတ်ပစ်လို့ ရသလို “Delay” လုပ်ပြီး start-up မှာ ချက်ချင်း Run မခိုင်းပဲ နောက်ပိုင်း System idle ဖြစ်တဲ့ အချိန်ကျတော့မှ Run ခိုင်းလို့လည်း ရပါတယ်။

Soluto ကိုယ်ရွေးချယ် ထားတဲ့အတိုင်း “delayed” လုပ်ထားတဲ့ app တွေကို boot နဲ့ အတူ မ Run တော့ပဲ နောက်ပိုင်း Boot ကျော်ပြီး System idle ဖြစ်တဲ့ အချိန်ကျတော့မှ စ Run ပေးပါလိမ့်မယ်။ 

ဒါတင်မက ကိုယ့် mouse ကို ကြိုက်ရာ Program တစ်ခုခုပေါ် ရွှေ့တင်လိုက်တာနဲ့ program name နဲ့ အတူ start-up ထဲမှာ သူ့ကို ထည့် Run ခိုင်းလိုက်တာနဲ့ start-up time ဘယ်လောက်ကြာမယ် ဆိုတာကိုပါ ဖော်ပြပါလိမ့်မယ်။ ကိုယ်က တစ်ခုခု အမှားလုပ်လိုမှာမျိုးကိုလည်း တွေးပြီး စိုးရိမ်ဖို့ မလိုပါဘူး - ဘာပဲ လုပ်ခဲ့လုပ်ခဲ့ အားလုံးကို Soluto က “Undo all”  ပြန်လုပ်လို့ ရပါတယ်။ “Undo all” က ကိုယ်ဘာပဲ ပြင်ထားထား start-up list ကို နဂိုအတိုင်း ပြန်ပြောင်းထားပေးပါလိမ့်မယ်။

အဲလို ပြင်ဆင်စရာ ရှိတာလေးတွေ start-up programs list မှာ ပြင်ဆင်ပြီးပြီ ဆိုတာနဲ့ ကိုယ့် ကွန်ပြူတာကို reboot ပေးလိုက်ပါ။ အဲမှာ Start-up time တွေ ဘယ်လောက် ခြားနား သွားတယ်ဆိုတာ သတိထားမိပါလိမ့်မယ်။ 

Soluto ကို ဘယ်မှာ ယူရမလဲ ??

Soluto ရဲ့ official site soluto.com ပါ - ဒါပေမယ့် Program ကို Download လိုချင်တာ ဆိုရင်တော့ ဒီနေရာက ယူရပါမယ်။

Soluto ကဲ့သို့ အခြား Apps များ

Soluto လိုမျိုး တစ်ခြား သုံးဖို့ သင့်တော်တဲ့ Apps လေးတွေ အကြောင်းကို ဆက်စပ် ဆွေးနွေးရရင် Microsoft ကနေ ထုတ်တဲ့ AutoRuns for Windows ဆိုတဲ့ Utility လေးလည်း ရှိပါတယ်။ သူကလည်း Start-up မှာ မလိုအပ်တဲ့ apps တွေကို အလွယ်တကူ ရှာဖွေတွေ့ရှိနိုင်ပြီး ဖြုတ်ထုတ်ပစ်နိုင်ပါတယ်။ ကိုယ်မ Run စေချင်တာကို အောက်ဖော်ပြပါအတိုင်း Uncheck လုပ်ပြီး System ကို Reboot ပေးလိုက်ယုံပါပဲ။

ဒါပေမယ့်လည်း “delay” feature မျိုးကို သုံးချင်ရင်ကျတော့ Startup Delayer ဆိုတာကို ထပ်သုံးရပါလိမ့်ဦးမယ်။ Soluto ကတော့ အဲလို ခွဲသုံးနေဖို့ မလိုပါဘူး သူ့ တစ်ခုတည်းမှာတင် “delay” feature ရော တစ်ခြား start-up programs list  ကို စစ်ဆေးတာတွေပါ အားလုံး ပါဝင်ပြီးသားမို့လို့ သုံးဖို့ ပိုအဆင်ပြေစေပါတယ်။

KznT.