Getting started with Google Toolbar

ဒီအကြောင်းက ကိုဝင်းမြင့် ဒီနေရာမှာ မေးထားလို့ ရေးလက်စနေရာနဲ့ မအပ်စပ်တာနဲ့ တစ်ခြားသူတွေလည်း သိရအောင် နေရာပြောင်းပြီး ဖော်ပြလိုက်ပါတယ် -

Google Toolbar အကြောင်း ကိုဝင်းမြင့်မေးထားတာ ကြာပြီ - ဒီနေ့မှပဲ ရေးဖြစ်တော့တယ် - ကျွန်တော် Google toolbar ကို သုံးလာတာတော့ ကြာပြီ - အင်တာနက်ထဲမှာ toolbar တွေ မိှုလိုပေါက်အောင် ရှိပေမယ့် ကျွန်တော်က Search engine ဆိုလည်း Google - Mail ဆိုလည်း Google - Blog ဆိုလည်း Google - Messenger ဆိုလည်း Google - နောက် Google calendar - Google Bookmarks - Googla Analytics - Google Apps - Google Docs အားလုံးသုံးနေတာ ဆိုတော့ Google toolbar နဲ့က သုံးရတာ ပို အဆင်ပြေတယ် ဆိုပြီး သုံးဖြစ်နေတာ - အစကနေ စရင် Google toolbar ကို ဒီနေရာမှာ ယူနိုင်ပါတယ် -Install လုပ်တာတော့ ထူးထူးခြားခြား မရှိဘူး - သူပြထားတဲ့ Install Google Toolbar ကို နှိပ်လိုက်ရင် Firefox မှာဆို နောက် Windows တစ်ခု တက်လာပြီး Install သွားယုံပါပဲ - နောက် Firefox ကို Restart ပေး ပြန်တက်လာရင် Google toolbar ကို စမြင်ရမယ် -

Search box

ဘယ်ဘက်ခြမ်းမှာ အရင်ဆုံး စတွေ့ရမှာ Search box - သူကနေပြီး Internet ထဲက ကိုယ်ရှာချင်တဲ့ အကြောင်းအရာကို တိုက်ရိုက် ရှာလို့ ရတယ် - သူက ဘာနဲ့ တူလဲ ဆိုတော့ ကျွန်တော်တို့ ပုံမှန် ရှာနေကျ Google.com ရဲ့ Search box နဲ့ တူတယ် - ရှာချင်တဲ့ စာလုံးရိုက်လိုက်တာနဲ့ Google search မှာ Popular ဖြစ်တဲ့ စာလုံးတွေကနေ စပြမယ် - နောက် ကိုယ်က Google bookmarks သုံးတယ် ဆိုရင် အဲ့ထဲက စာမျက်နှာတြွေပမယ် - နောက် Web history ကို on ထားတယ် ဆိုရင် အဲ့ထဲမှာ အရင်တုန်းက ကိုယ်ရှာခဲ့တာတွေကို ပြန်ပြမယ် - နောက် သူနဲ့ ကပ်လျက်က Search ကနေ တစ်ဆင့် ကိုယ်က Webpage ရှာချင်တာလား - Images ရှာချင်တာလား - Videos ရှာချင်တာလား ကြိုက်ရာရွေးပြီး ရှာခိုင်းလို့ ရပါတယ် - Search box နဲ့ ပတ်သတ်တဲ့ အကြမ်းဖျဉ်းကတော့ ဒီလောက်ပါပဲ -

Add custom buttons

သူကတော့ မြင်တဲ့ အတိုင်းပဲ bro ရေ - ကိုယ်တိုင်လည်း သုံးလေ့ရှိပြီး လူကြိုက်လည်းများတဲ့ တစ်ခြား Website လေးတွေကို ကလစ်တစ်ချက်နှိပ်ယုံနဲ့ ရောက်အောင် လုပ်ပေးနိုင်တဲ့ buttons လေးတွေ Google toolbar မှာ ပေါင်းထည့်နိုင်တဲ့ နေရာ - လူသုံးများတဲ့ facebook တို့ - youtube တို့ စသဖြင့်ပေါ့ - Google toolbar users တွေ လုပ်ထားတဲ့ buttons လေးတွေကို ဒီနေရာမှာ သွားကြည့်နိုင်ပါတယ် - တကယ်လို့ ကိုယ်နှစ်သက်တဲ့ website အတွက် button မတွေ့မိသေးဘူး ဆိုရင် Google Toolbar API ကို သုံးပြီး ကိုယ်ကိုယ်တိုင် button လေးတွေ လုပ်လို့ ရပါတယ်။

Google Sidewiki

ကိုယ် မသိတဲ့ Website တစ်ခုကို ပထမဆုံး ရောက်သွားတဲ့ အချိန်မှာ ကျွန်တော်တို့အတွက် အဦးဆုံး လိုအပ်တာ ဒီဆိုဒ်က ဘာတွေဝန်ဆောင်မှု ပေးတာလဲ - ဒီထဲမှာ ဘာအကြောင်းအရာတွေ ရှိလဲ - ငါ ဒီဆိုဒ်ကနေ ဘာတွေ လေ့လာနိုင်မလဲ ဆိုတာ သိဖို့ပါ - ဒါကို ဆိုဒ်ရဲ့ အနှစ်ချုပ် လမ်းညွှန် လို့ ပြောလို့လည်း ရပါတယ် - Google toolbar မှာ ကောင်းတာ တစ်ချက်က visitors ချင်း ပြန်ပြီး ဆိုဒ်ရဲ့ အားသာချက် အားနည်းချက်လေးတွေ ကောင်းကွက် ဆိုးကွက်လေးတွေ ထောက်ပြလို့ ရအောင် အပေါ်မှာ ပြထားသလို Google Sidewiki ဆိုတာ ထည့်ပေးထားတယ် - ဒီ ဆိုဒ်အပေါ် ထားတဲ့ ကိုယ့် အမြင်လေးတွေ ကောင်း ကွက် ဆိုးကွက်လေးတွေ visitors ချင်းချင်းလမ်းညွှန်တဲ့ သဘောပေါ့ - ကျွန်တော်တို့ မြန်မာမိသားစုဖိုရမ်မှာတော့ ဘယ်သူမှ ရေး ထားကြတာ မတွေ့မိသေးဘူး - အဲတာနဲ့ ကျွန်တော်ပဲ စပြီး မြန်မာမိသားစု အတွက် Google Sidewiki ရေးထား လိုက်တယ် - ဖတ်ချင်သူများ Google toolbar တင်ပြီး အပေါ်မှာ ပြထားတဲ့ Sidewiki button ကနေ ကလစ်ပြီးတဲ့နောက် Browser ရဲ့ Sidebar မှာ ဖတ်နိုင်ပါတယ်

Google Bookmarks

သူ့အကြောင်းကိုတော့ ဒီနေရာမှာ ကျွန်တော် အသေးစိတ် မဖော်ပြတော့ပါဘူး - Google Bookmarks ရဲ့ အသုံးဝင်ပုံကို ဒီနေရာမှာ ကျွန်တော် တစ်ခါ ဖော်ပြခဲ့ဖူးပါတယ် - လေ့လာနိုင်ပါတယ် - အတိုချုံး မိတ်ဆက်ရရင် ဖော်ပြပါ Google Bookmarks Button ကနေပြီး မိမိနှစ်သက်တဲ့ Websites တွေရဲ့ Addresses တွေကို Online ပေါ်မှာ မှတ်သားထားနိုင်ပါတယ် - ကိုယ့်ရဲ့ Google acc ကို login ဝင်လိုက်တာနဲ့ ဘယ်နေရာပဲ ရောက်ရောက် ကိုယ့် Google bookmarks တွေကို access လုပ်နိုင်မှာမျိုးပါ - အသေးစိတ်ကို ဖော်ပြထားတဲ့ link ကနေ လေ့လာကြည့်ပါ -

Spell check

သူကတော့ စာလုံးပေါင်း သတ်ပုံ မှားလား မှန်လား - စာလုံးကျော်သွားတာ ရှိလား ဆိုတာ စစ်ပေးတဲ့ button ပါ - Language 12 မျိုးကို စာလုံးပေါင်း သတ်ပုံ မှန်မမှန် Choose language ကနေ ရွေးပြီး စစ်ခိုင်းလို့ ရပါတယ် - မြန်မာစာ မရပါ - အရမ်းခက်လို့ Google က ခုထက်ထိ Support မလုပ်နိုင်သေးပါဘူး - ဂုဏ်ယူဖို့ ကောင်းပါတယ် -

Translate

ဘာသာစကား လေ့လာရာမှာ အခက်အခဲ ရှိသူတွေ - အင်္ဂလိပ်လို ဖော်ပြမထားတဲ့ Websites တွေကို site တစ်ခုလုံး အင်္ဂလိပ်ဘာသာကို ပြောင်းပြီး လေ့လာလိုသူတွေ အတွက် အရမ်း အသုံးဝင်တဲ့ button ပါ - အသုံးပြုနည်းကတော့ အင်္ဂလိပ်လို ဖော်ပြမထားတဲ့ site ကို ရောက်ရင် ဖော်ပြပါ Translate button ကိုနှိပ်လိုက်ယုံပါပဲ - တစ်ဆိုဒ်လုံးကို အင်္ဂလိပ်လို ပြောင်းပေးပါလိမ့်မယ် -

Form fill

အင်တာနက်သုံးသူတိုင်း Register တော့ လုပ်ဖူးကြပါလိမ့်မယ် - ဆိုဒ်တစ်ခုကို ရောက်လို့ သူ့ဆိုဒ်ကို ဝင်ချင်ရင် Register လုပ်ရတာ - Software ဒေါင်းလုပ်ချချင်ရင် Register လုပ်ရတာ စသဖြင့် ဆိုဒ်တစ်ခု တစ်ခါရောက်တိုင်းသာ သူမေးသမျှမေးခွန်း တစ်ခုချင်း လိုက်ဖြေပြီး Register လုပ်နေရရင် အချိန်ကုန်တာပေါ့ - ဒီလိုမဟုတ်ပဲ Register လုပ်ရာမှာ အချိန်ကုန် သက်သာအောင် ဘယ်တော့မှ မပြောင်းလဲတဲ့ ကိုယ့်ရဲ့ personal info တွေကို Form fill button ကနေ တစ်ဆင့် ကြိုဖြည့်ထားပြီး Register လုပ်တာတို့ Form ဖြည့်ရတာတို့ ဆိုတဲ့ စာမျက်နှာတွေကို ရောက်လာရင် အဲ့ဒီ့ Form fill button ကို ကလစ်တစ်ချက် ပေးလိုက်တာနဲ့ ဘယ်တော့မှ မပြောင်းလဲတဲ့ ကိုယ့်ရဲ့ personal info တွေက သက်ဆိုင်ရာ Registration form မှာ keyboard တစ်ချက် ရိုက်စရာ မလိုပဲ အလိုလို ပြည့်သွားမှာ ဖြစ်ပါတယ် - Add/Edit profiles > Add new ကနေ ကိုယ့်ရဲ့ personal info ကို ဖြည့်ထားပေးဖို့ လိုပါတယ် -

Share

အင်တာနက်ထဲ ဟိုဒီ လျှောက်သွားရင် နှစ်သက်မိတာလေး တွေ့ရင် ကိုယ့် သူငယ်ချင်းတွေကို ဝေမျှလိုတဲ့ အခါ ဒီ Share button လေးက အသုံးဝင်ပါတယ် - Blog ရှိတဲ့ သူဆို ကိုယ့် ဘလော့မှာ တင်ပြီး share လုပ်မလား - facebook သမားတွေကို ကိုယ့် profile မှာတင်ပြီး share လုပ်မလား စသဖြင့် စိတ်ကြိုက် ရွေးချယ်လို့ ရပါတယ် - အသုံးပြုနည်းကတော့ ဝေမျှချင်တဲ့ စာမျက်နှာ ကို ရောက်ရင် Share button ကို click ပေးပြီး ရှေ့ဆက်သွားယုံပါပဲ -

Page Rank

Site တစ်ခုမှာ အရေးအပါဆုံးက Page Rank ပါ - Page Rank ဆိုတာ အင်တာနက်ထဲမှာ ရှိနေတဲ့ Web စာမျက်နှာပေါင်း မြောက်များစွာရဲ့ ကြားထဲမှာ ဒီ Web စာမျက်နှာက ဘယ်လောက် လူသိများသလဲ - ဘယ်လောက်တောင် လူသားတွေ အတွက် အကျိုးပြုနေလဲ ဆိုတာ Google ကနေ စံသတ်မှတ်ထားတဲ့ page rank နဲ့ တိုင်းတာ ပိုင်းဖြတ်ပါတယ် - Google ကနေ စံ သတ်မှတ်ထားတဲ့ Page rank 1 - 10 ရှိပြီး ပုံမှန် သူလိုကိုယ်လို Website တွေဟာ Page Rank 1 ရဖို့တောင် မလွယ်ပါဘူး - မြန်မာမိသားစုကရော ?? လေ့လာကြည့်ပါ - ၃ - ၄ လောက်ဆိုရင်ကို တော်တော်ကောင်းတဲ့ Website ထဲမှာ ပါတယ်လို့ ပြောလို့ ရပါတယ် -

Access and Ajust

ဒီနေရာ နှစ်ခုမှာ ညာဘက်အစွန်ဆုံး button ကတော့ ကိုယ့် google acc ကို login/out လုပ်တဲ့ နေရာပါ - login လုပ်ထားမှ google toolbar ကနေပြီး ကိုယ့် bookmarks တွေကို access လုပ်လို့ ရမယ် - mail ရောက်မရောက် ချက်ချင်း သိနိုင်မယ် - စတဲ့ ကျေးဇူးတွေ ရနိုင်ပါတယ် - နောက်တစ်ခုကတော့ Google toolbar တစ်ခုလုံးရဲ့ အသက်ပါ - သူကနေပြီး toolbar ရဲ့ အနေအထား settings တွေကိုပြင်ဆင်နိုင်ပါတယ် -

ခု ကျွန်တော် ဖော်ပြခဲ့တာ Google Toolbar နဲ့ ပတ်သတ်ပြီး အရမ်း အပြည့်အစုံကြီးတော့ မဟုတ်ပါဘူး - ဒါပေမယ့် ခုဖော်ပြခဲ့သလောက်ဆို Google Toolbar ကို အသုံးပြုဖို့ အတွက် အထိုက်လျောက် အထောက်ကူ ပြုနိုင်လိမ့်မယ် လို့ မျှော်လင့်မိပါတယ် -

KznT.

20 things I learned about the web

လူတိုင်းလူတိုင်းက ဉာဏ်ရည်ဉာဏ်သွေး မနိမ့်ကြဘူး - ပျင်းတာနဲ့ မလုပ်ချင်တာကြောင့်သာ ကိုယ့်ရဲ့ ကိုယ်ရည် ကိုယ်သွေးနဲ့ အစွမ်းအစက တောက်တောက်ပြောင်ပြောင် ဖြစ်မလာတာ - ဘာလို့ ဒီစကားပြောလည်းဆို အရင် ( ၁၀ ) တန်းအောင်ခါစက ( ၁၀ ) တန်းတဖုန်းဖုန်းကျနေတဲ့ သူတွေကို ကြည့်ပြီး ဉာဏ်ကလည်း ထုံလိုက်တာလို့ ထင်ခဲ့ဘူးတယ် - ဒါကို စက်မှုတက္ကသိုလ် တက်တဲ့ အချိန်ကျမှ မှားမှန်း သိတယ် - Major မှာ Roll no ယှဉ်လိုက်ရင် ကိုယ့်နောက်က လူတွေ - ကိုယ်တစ်ညလုံး ကြည့်ပြီး သွားဖြေတဲ့ ဘာသာတွေမှာ ကိုယ်က ဂုဏ်ထူးမရပဲ သူတို့က ရတယ် - ၄ - ၅ မျက်နှာတွက်ပြီးတဲ့ထိ ကိုယ့်မှာ အဖြေ မထွက်နိုင်သေး တဲ့ ပုစ္ဆာကို သူတို့တွက်တော့ စာရွက်မှာလေးငါးကြောင်း ခြစ်ရုံနဲ့ အဖြေဘယ်လောက်ဖြစ်နိုင်မယ် ဆိုတာ ခန့်မှန်းနိုင်ကြတယ် -

သေချာတာတော့ ပါရမီရှင်တွေက လွဲရင် ကျန်တဲ့သူတွေမှာ တစ်ယောက်နဲ့ တစ်ယောက် ဉာဏ်ရည်ဉာဏ်သွေး အများကြီး မကွာခြားကြဘူး - အင်တာနက်ထဲမှာလည်း ဒီလိုပဲ မျှဝေသူတွေ ရှိတယ် - စားသုံးသူတွေ ရှိတယ် - ကိုယ်စားသုံးသူ ဖြစ်ခဲ့တဲ့ တစ်ချိန်က မျှဝေသူတြွေကည့်ပြီး သြော် ငါတော်တော်ချာပါလား - ငါ ဘာမေးမေး သူတို့က သိပြီး - သူတို့မေးထားတာတွေ ကျတော့ ငါက ဘာမှမသိ - မေးတာ မပြောနဲ့ ရေးထားတာ နားလည်ဖို့တောင်  မနည်းဖတ်ခဲ့ရတာတွေ ရှိခဲ့ဖူးတယ် - ဘာလို့လည်းဆို အင်တာနက်ထဲမှာ သူတို့ သုံးကြတဲ့ အသုံးအနှုန်းတွေက ကိုယ့်အတွက် မရင်းနှီးတဲ့ Synchronizing - Cloud computing - Malware - Open source - IP addresses - HTML/JavaScript စသဖြင့်

အဲ့တော့ Web နဲ့ ဆိုင်တဲ့ Concepts တွေကို အများနည်းတူ ဖတ်တာနဲ့ နားလည်နိုင်လာဖို့ ဘာလိုမလဲ အရင်စဉ်းစား မိတယ် -  အခြေခံတွေကို မြင်လွယ်သိသာအောင် ဖော်ပြထားတဲ့ စာတွေ ဖတ်ဖြစ်ဖို့ လိုတယ် - အဲ့လို အခြေခံ လိုအပ်ချက်တွေ ပြည့် စုံအောင် ဖော်ပြထားတဲ့ နေရာ ဘယ်နေရာရှိသလဲ -

ဒီမေးခွန်းကို ပြန်ဖြေဖို့ နေရာတစ်နေရာ ဒီနေ့ သိခဲ့ပြီ - အခြေခံကနေ စလို့ သရုပ်ဖော်ပုံလေးတွေနဲ့ စနစ်တကျလေး ဖော်ပြ ထားတယ် - နားလည်ရလွယ်တယ် - ကြီးကြီးကျယ်ကျယ်တွေ မရေးထားဘူး - Browsers - Web နဲ့ ပတ်သတ် ပြီး သိထားသင့် တဲ့ အကြောင်းအရာ အခု ( ၂၀ ) ကို တစ်ဆင့်ချင်း ဘယ်လိုအလုပ်လုပ်တယ်ဆိုတာ step-by-step ရှင်းပြထားတယ် - ဖြစ်နိုင်ရင် အားလုံးကို ဘာသာပြန် စာအုပ်ထုတ်ပြီး အလကားတောင် ဝေလိုက်ချင်ရဲ့ - Google Chrome team ကို ကျေးဇူးတင်မိတယ် -
နောက်ပြီး Christoph Niemann ကိုလည်း ကျေးဇူးတင်ရမယ် -

Web အကြောင်း နားမလည်သူ Browser ဘာမှန်း မသိသူတွေ အတွက်တော့ 20 things I learned about the web ဟာ အတိုင်းအတာ တစ်ခုထိ အထောက်အကူ ပြုနိုင်လိမ့်မယ်လို့ ယုံကြည်မိတယ် -

မိသားစုဝင်တွေရော Google ကနေတင်ဆက်လိုက်တ့ဲ ဒီ Internet book လေးကို ဘယ်လိုများ မြင်ကြမယ် မသိဘူး ??

KznT.

Top Ten Tips For New Writers

ကျွန်တော် ၂၀၀ရ ခုနှစ်မှာ စာစရေးခဲ့ပေမယ့် ဖိုရမ်ကို ရောက်တာ သိပ်ကို နောက်ကျတယ်လို့ ဆိုရမယ် - ၂၀၀၉ ခုနှစ် ဒီဇင်ဘာမှာ ဖိုရမ်ကို စရောက်ခဲ့ပြီး နိုင်သလောက် စာတွေရေးခဲ့ပေမယ့် ခုချိန်ထိ ကျွန်တော်ဟာ ကျွမ်းကျင်သူ တစ်ယောက် မဖြစ်ခဲ့သေးပါဘူး - ကျွန်တော်ဟာ လေ့လာသူ အဆင့်ပါ - စာရေးဖြစ်ခဲ့တဲ့ သက်တမ်းတစ်လျှောက်မှာ အားကျ အတုယူစရာ တွေလည်း တွေ့ခဲ့ရသလို - အရည်မရ အဖတ်မရ အပုတ်ချ တိုက်ခိုက်မှုတွေ - ရည်ရွယ်ချက် ရှိရှိ ထိပါးနှောင့်ယှက်သူတွေ နဲ့လည်း ကြုံခဲ့ရပါတယ် - ဘယ်လိုပဲ ဖြစ်ဖြစ် အားလုံးကို ကျေးဇူးတင်ပါတယ် - သူတို့ အားလုံးရဲ့ ကျေးဇူးတရားကို တုံ့ပြန်တဲ့ အနေနဲ့ နောက်လာ နောင်သား အကျိုးပြုစာပေ ရေးသားမျှဝေလိုသူ ညီငယ်/ညီမငယ်များ အတွက် ကျွန်တော့် လေ့လာကြုံတွေ့ သိရှိခဲ့သမျှထဲက စာရေးသူ တစ်ယောက် ခံယူရမယ့် ခံယူချက် သဘောထားနဲ့ မျှဝေမှု လမ်းစဉ်တွေကို စိတ်ရင်းစေတနာမှန်နဲ့ ရေးသားမျှဝေလိုက်ပါတယ် - မြန်မာမိသားစုဖိုရမ်မှာ ဖြစ်စေ - တစ်ခြား မည်သည့် နေရာမျိုးမှာဖြစ်စေ အများအကျိုးအတွက် တတ်စွမ်းသရွေ့ ရေးသားဝေမျှလိုသူ ညီငယ်/ညီမငယ်များ အောက်ဖော်ပြပါ အချက် ( ၁၀ ) ချက်ကို အခြေခံထားပြီး ရေးသားမျှဝေ ကြဖို့ အကြံပြုလိုက်ပါရစေ။

အချက် ( ၁၀ ) ချက်ကို အထက်အောက် ပြောင်းပြန်ရေးသားထားတာ ဖြစ်ပါတယ်။ နံပါတ်စဉ်ကို ကြည့်ပါ - အရေးကြီးဆုံး အချက်ကနေ စတင်ဖတ်ရှုလိုသူများ အောက်ဆုံးအချက်ကနေ စတင်ဖတ်ရှုရမှာ ဖြစ်ပါတယ်။

( ၁၀ ) ပုံမှန် Schedule ထားရှိပါ

Photo from my computer

Schedule ထားရှိဖို့က လုပ်ငန်းတစ်ခုကို စနစ်ကျနစွာ လည်ပတ်လိုသူ တစ်ယောက်အတွက် သိပ်အရေးပါပါတယ် - Schedule ရဲ့ သဘောကို လူတိုင်း နားလည်ပေမယ့် အတော်များများကတော့ Schedule နဲ့ လုပ်ဆောင်ရတာထက် အားလပ်ရင် အားလပ်သလို မိမိသန်ရာ သန်ရာကို ဦးစားပေး လုပ်ကိုင်ကြတာကို တွေ့ရပါတယ် - ဘယ်လိုပဲ ဖြစ်ဖြစ် Schedule နဲ့ လုပ်ဆောင် သည်ဖြစ်စေ - မလုပ်ဆောင်သည် ဖြစ်စေ - မိမိရေးသားမယ့် အကြောင်းအရာရဲ့ စလယ်ဆုံး အချိတ်အဆက်မိဖို့နဲ့ ဖော်ပြချက် ပြည့်စုံတိကျစွာ ပါဝင်ဖို့ - ရည်မှန်းရက်အတွင်း ပြီးမြောက်နိုင်ဖို့က စာရေးသူ မိမိအတွက်ရော - စာဖတ်သူ ကိုယ့်ပရိတ်သတ် အတွက်ပါ တန်ဖိုးကြီးပါတယ်။

( ၉ ) ပူးပေါင်း လုပ်ဆောင်ပါ

Photo from openpages.com

တစ်စုံတစ်ယောက်က ကိုယ်ဂဃနဏ မသိခဲ့ဖူးတဲ့ အကြောင်းအရာတစ်ခုကို မေးမြန်းလာတဲ့ အခါမှာ မိမိယူဆချက်ကို အဦးဆုံးဖွင့်ပြ ရှင်းလင်းတာမျိုးထက် အင်တာနက်ထဲမှာ တတ်ကျွမ်းနားလည်သူ တစ်ယောက်က ဒီအကြောင်းအရာကို ဖြေရှင်းထားပြီးသား ရှိသလား ဆိုတာ အရင်ဆုံး ရှာဖြွေကည့်ပါ - တကယ်လို့ တွေ့ရှိခဲ့ရင် အဲလူဆီ ရောက်အောင်သွားဖို့ လမ်းညွှန်ပေးပါ - ဒါဟာ စာဖတ်သူအပေါ် တာဝန်ကျေသလို - စာရေးသူ အချင်းချင်း မြှင့်တင်ရာလည်း ရောက်ပါတယ် - ဒါကို ကျွန်တော်တို့ Collaborate လုပ်တယ်လို့လည်း ခေါ်ပါတယ် - မိမိ ဂဃနဏ နားမလည်တဲ့ အပိုင်းကို ငါမဖြေနိုင်ရင် အထင်များ သေးသွားမလားဆိုပြီး စိုးရိမ်စိတ်နဲ့ ဖြေရှင်းဖို့ကြိုးစားတာဟာ မိမိအတ္တကို မြှင့်တင်ရာ ရောက်သလို စာဖတ်သူရဲ့ တန်ဖိုးရှိတဲ့ အချိန်တွေကို ဖြုန်းတီးရာလည်း ရောက်ပါတယ်။ တကယ်လို့ လုံးဝ ရှာဖွေမတွေ့ခဲ့ရင်သာ မိမိယူဆချက်ကို နားလည်ခဲ့ဖူးတဲ့ အကြောင်းအရာနဲ့ ပေါင်းစပ်ပြီး မေးမြန်းသူ လိုအပ်တဲ့ လိုလားချက်နဲ့ နီးစပ်အောင် ဖြည့်ဆည်းပေးနိုင်ဖို့ ကြိုးစားယူပါ။

( ၈ ) မေးခွန်းမေးပါ

Photo from newyork.cbslocal.com

မေးခွန်းမေးတယ် ဆိုတာ အတတ်ပညာရပ် တစ်ခုလို့ ဆိုနိုင်သလို - လေ့လာသူနဲ့ တင်ပြသူကြားက လစ်ဟာနေတဲ့ ကွက်လပ် တစ်ခုကို ပေါင်းကူးပေးတဲ့ တံတားတစ်စင်းလို့လည်း ဆိုနိုင်ပါတယ် - မြန်မာဖိုရမ်တွေမှာ ဖြစ်စေ - ကိုယ်ပိုင်ရေးသားကြတဲ့ မြန်မာနည်းပညာ ဘလော့တွေမှာ ဖြစ်စေ ကျွန်တော်တွေ့ရခဲတာ စာရေးသူကနေ စာဖတ်သူကို ရံဖန်ရံခါ မေးမြန်းတတ်တဲ့ မေးခွန်းတွေပါ - Mashable - Lifehacker - Techcrunch - SixRevisions နဲ့ Smashing Magazine စတဲ့ နာမည်ကြီး လူသိများတဲ့ Websites တွေဟာ စာဖတ်သူကို မကြာခဏ မေးခွန်းမေးလေ့ ရှိသလို - လေ့လာမှု ကွန်ယက်ထဲက  စာဖတ်သူ ပြေးထွက်မသွားနိုင်အောင် မေးခွန်းတွေနဲ့အမြဲ ဖမ်းစားထားလေ့ ရှိပါတယ် - ဒါ့ကြောင့် စဉ်ဆက်မပြတ် ပညာရေးကို အသက်သွင်းနိုင်ဖို့ အကျိုးပြုစာပေရေးသားမယ့် သူတစ်ယောက်ဟာ စာဖတ်သူကို မကြာခဏ မေးခွန်းမေးနေဖြစ်ဖို့ လိုပါတယ်။

( ရ ) သရုပ်ဖော် ပုံများ သုံးစွဲပါ

Photo from shwenyein.blogspot.com

အကြောင်းအရာ တစ်ခုကို ရေးသားဖော်ပြရာမှာ အကြောင်းအရာနဲ့ ပတ်သတ်ပြီး လေ့လာသူတစ်ယောက် အတွက် သိလွယ်မြင်သာအောင် အထောက်အကူ ပြုနိုင်မယ့် သရုပ်ဖော်ပုံတွေ ထည့်သွင်းဖော်ပြပေးဖို့ကလည်း အရမ်းအရေးကြီးပါတယ် - ပညာရပ်ပိုင်းဆိုင်ရာ အကြောင်းအရာတွေဟာ ဝတ္ထုကာတွန်း မဟုတ်လို့ တစ်ထိုင်တည်းနဲ့ စာဖတ်သူကို အဆုံးထိ ပါလာအောင် ဆွဲဆောင်နိုင်ဖို့ဆိုတာ တော်ယုံ အရေးအသားမျိုးနဲ့ မလွယ်ကူပါဘူး - ဒီအချိန်မှာ သင့်တင့်တဲ့ အရေးအသားကို စာဖတ်သူ မြင်သာစေမယ့် သရုပ်ပြပုံတွေနဲ့ ယှဉ်တွဲ ဖော်ပြမှသာ အကြောင်းအရာတစ်ခုရဲ့ နိဂုံးတိုင်သည်ထိ လေ့လာသူကို ဆွဲငင်ခေါ်ဆောင် နိုင်မယ့် စာကောင်းတစ်ပုဒ် ဖြစ်နိုင်ပါလိမ့်မယ်။

( ၆ ) ဦးတည်ချက် မပျောက်ပါစေနှင့်

Photo from allrathashanlaytwaye.co.cc

စာရေးသူ တစ်ယောက်ဟာ အကြောင်းအရာတစ်ခုကို ရေးရင်း ရေးရင်း အချိန်ယူတာ ကြာလာတာနဲ့ အမျှ မလိုအပ်တာတွေကို ဆွဲသွင်းမိပြီး လိုအပ်နေတဲ့ ပန်းတိုင်က ယောင်ဝါးဝါး ဖြစ်သွားတတ်ပါတယ် - ဒါကို သတိထားရပါမယ် - ဦးတည်ချက် ပျောက်သွားတဲ့ ဖော်ပြချက် တစ်ခုဟာ လိုရင်းကို မရောက်နိုင်သလို စာဖတ်သူရဲ့ တန်ဖိုးရှိတဲ့ အချိန်တွေကိုလည်း မရေရာတဲ့ ဖော်ပြချက်တွေနဲ့ ဖတ်ရှုပြုန်းတီး စေရာ ရောက်ပါတယ် - ပန်းတိုင်ထားပါ - နိုင်သမျှ အချက်အလက် ဖြည့်သွင်းပါ - သို့သော် ဦးတည်ချက် မပျောက်ပါစေနဲ့။

( ၅ ) ပုံကြီး မချဲ့မိစေရန် ဂရုပြုပါ

Photo from eskimon.wordpress.com

Gtalk ဆိုတာ ဘာလဲ ?
        " Gtalk ဆိုတာဗျာ - ဒီလိုဗျာ - နားလည်လွယ်အောင် ပြောရရင်ဗျာ - ကျွန်တော်က ဒီမှာ နေတယ်ပေါ့ဗျာ - ကျွန်တော့် သူငယ်ချင်းက ဟိုမှာ နေတယ် ပေါ့ဗျာ - ဟိုမှာ ဆိုတာ ကျွန်တော်နဲ့ သိပ်မနီးတဲ့ နေရာလည်း ဖြစ်ကောင်းဖြစ်မယ် - အဝေးကြီးကလည်း ဖြစ်ကောင်းဖြစ်မယ် - နိုင်ငံခြားက လူလည်း ဖြစ်ကောင်းဖြစ်မယ် - အဲလိုတစ်ယောက်နဲ့ တစ်ယောက် ဝေးတဲ့ နေရာ - ဒါမှမဟုတ် သိပ်မနီးတာတဲ့နေရာ - အဲဒါပေမယ့် နီးကောင်းလည်းနီးချင်နီးမယ် - အဲလို Distance တစ်ခုစီက လူနှစ်ယောက်ကို ........ "

        Gtalk ဆိုတာ Instant Messenger ပါလို့ ပြောရင် ပြီးနိုင်တဲ့ ကိစ္စကို နားထောင်နေရင်း နားရှုပ်အောင် ရှင်းလင်းတာဟာ မလိုအပ်တဲ့ အရာကို ပုံကြီးချဲ့တာ ဖြစ်ပါတယ် - အကျိုးပြုစာပေ ရေးသားမယ့် သူတစ်ယောက်ဟာ မိမိရေးသားမယ့် ဦးတည်ချက်ကို အဓိကထားပြီး မလိုအပ်တာတွေကို ပုံကြီးချဲ့ မရှင်းလင်း မိစေဖို့ သိပ်အရေးကြီးပါတယ် - ဒါမှ စာဖတ်သူအနေနဲ့ ရေးသားတဲ့ အကြောင်းအရာရဲ့ အောက်ကနေ သွေဖယ်ကွဲထွက် မသွားပဲ ဦးတည်ချက် တစ်ခုတည်းရဲ့ အောက်မှာ စာရေးသူ ဖော်ပြချင်တဲ့ ဆိုလိုရင်းကို သဘောပေါက်နိုင်ပါလိမ့်မယ်။

( ၄ ) စာလုံးပေါင်း သတ်ပုံနှင့် ဝါကျ တည်ဆောက်ပုံ မှန်ကန်ပါစေ

Photo from my computer

        အထက်မှာ ဖော်ပြထားတဲ့ စာကို ဖတ်ကြည့်ရင် စာလုံးပေါင်း သတ်ပုံကလည်း မမှန် - ဝါကျတည်ဆောက်ပုံကလည်း မှား ရည်းစားစကား ပြောချင်တာလား - သူ့အစ်ကို မကြည်ဖြူတာကို ပြောချင်တာလား - သူ့အဖေနဲ့ တွေ့တာကို ပြောပြချင်တာလား - ဘာကိုပြောချင်မှန်းမသိ - စာဖတ်သူ နားမလည်နိုင် ဖြစ်နေပါလိမ့်မယ် - ဒါက ဥပမာပါ - အကျိုးပြုစာပေ ရေးသားမယ့် သူတစ်ယောက်ဟာ ကိုယ့်စာကိုယ် ပြန်ဖတ်ပြီး သဘောပေါက်နေယုံနဲ့ မလုံလောက်ပါဘူး - စာဖတ်သူအတွက် နားလည်လွယ်နိုင် စေမယ့် အရေးအသားနဲ့ ဝါကျတည်ဆောက်ပုံ ပိုင်နိုင်ဖို့လိုပါတယ် - မြန်မာလူမျိုးတစ်ယောက် အနေနဲ့ စာလုံးပေါင်း သတ်ပုံမမှန်တာ မြန်မာလူမျိုးချင်းချင်းမို့ ဖြည့်ဖတ်ပေးလို့ ရပေမယ့် ဝါကျတည်ဆောက်ပုံ မမှန်ရင် မြန်မာလူမျိုးအချင်းချင်း ဖတ်တာတောင် စာရေးသူရဲ့ ရည်ရွယ်ဖော်ပြချက်ကို နားလည်နိုင်ဖို့ မလွယ်ပါဘူး - ကျွန်တော်တို့ ဒီနေ့ခေတ်မှာ မြန်မာလူငယ်တွေက နိုင်ငံရပ်ခြား ဘာသာစကားကိုပဲ တစ်ဖက်ကမ်းခတ် ကျွမ်းကျင်အောင် ကြိုးစားနေကြပြီး ကိုယ့်လူမျိုး ဘာသာစကားကို ဖြောင့်ဖြောင်းဖြူးဖြူး စာလုံးပေါင်း မှန်မှန်နဲ့ ရေးနိုင်ဖို့ မကြိုးစား ကြတော့တာ ဝမ်းနည်းဖွယ်ရာ တွေ့ရပါတယ် - ဒါဟာ လူမျိုးထုတစ်ခုရဲ့ ဘာသာစကား ဆုတ်ယုတ်မှု လမ်းစကို ကိုယ်တိုင် ကတ္တရာခင်းပေးရာရောက်သလို - မိမိရဲ့ စကားပြောစွမ်းရည် နိမ့်ပါးမှုကိုလည်း ဖော်ပြရာ ရောက်ပါတယ်။

( ၃ ) ဆင့်ပွားအတွေးများ လက်ဆင့်ကမ်းပါ

Photo from sandhyas.blogspot.com
          

        ဆင့်ပွားအတွေးများ လက်ဆင့်ကမ်းပါ ဆိုတဲ့ အကြောင်းအရာကို မဖော်ပြခင်မှာ အရင်ဆုံး နေရာတစ်ခုကို ခေါ်သွားချင် ပါတယ် - အဲ့နေရာကတော့ Wikipedia ပါ - Wikipedia ဘာကြောင့် အရေးပါလာသလဲ ?? သူဟာ အကြောင်းအရာ တစ်ခုကို ဖော်ပြတဲ့ အချိန်မှာ အကြောင်းအရာနဲ့ ဆက်စပ်ပတ်သတ်နေပြီး ဖော်ပြချက် ခေါင်းစဉ်အောက်မှာ ဖော်ပြဖို့ အခွင့်မသာတဲ့ အကြောင်းအရာတိုင်းကို နောက်ဆက်တွဲ ဆက်စပ်လေ့လာနိုင်အောင် ဆင့်ပွားအတွေးတိုင်း အတွက် လေ့လာရမယ့် နေရာတွေ လက်ဆင့်ကမ်းထားလို့ ဖြစ်ပါတယ် - ဥပမာဆိုကြပါစို့ Wikipedia ရဲ့ Burma ဆိုတဲ့ ခေါင်းစဉ်အောက်က စာကြောင်း တစ်ကြောင်းမှာ ဆိုရင် " Burma, officially the Republic of the Union of Myanmar is a country in Southeast Asia. The country is bordered by the People's Republic of China on the northeast, Laos on the east, Thailand on the southeast, Bangladesh on the west, India on the northwest, and the Bay of Bengal to the southwest, with the Andaman Sea defining its southern periphery. " ဆိုပြီး ဖော်ပြထားပါတယ် -
        ဒီစာကြောင်းဟာ မြန်မာနိုင်ငံရဲ့ တည်နေရာကို အတိုချုံး မိတ်ဆက်တာဆိုပေမယ့် မြန်မာပြည်နဲ့ ထိစပ်နေတဲ့ နေရာဒေသ အသီးသီးကို စာဖတ်သူတစ်ယောက် ဆက်စပ်လေ့လာ နိုင်အောင် တစ်စပ်တစ်ဆက်တည်း ဖော်ပြချိတ်ဆက်ပေးထားပါတယ် - ဒါဟာ ဆင့်ပွားပေါ်ပေါက်လာနိုင်တဲ့ စာဖတ်သူ တစ်ယောက်ရဲ့ အတွေးတွေကို ဆက်စပ်လေ့လာနိုင်အောင် လက်ဆင့်ကမ်းထားတာပါ - ဒီလို လက်ဆင့်ကမ်းထားတဲ့ အတွက်ကြောင့် ကျွန်တော်တို့တွေ အကြောင်းအရာတစ်ခုကို ဖတ်ရင်းနဲ့ မသိတာ / ပိုပြည့်ပြည့်စုံစုံ သိချင်တာမျိုး ရှိလာရင် နောက်တစ်ကြိမ် ထပ်ရှာဖို့ ကြိုးစားစရာ မလိုတော့ပဲ နေရာမှာတင် Click ပေးပြီး ဆက်စပ်လေ့လာသွားနိုင်ပါတယ် -  ဒီလို ဆင့်ပွားအတွေးများ လက်ဆင့်ကမ်းတဲ့ အလေ့အကျင့်ဟာ မြန်မာဖိုရမ်တွေနဲ့ ဘလော့ဂါလောကမှာ တော်တော်အားနည်း နေသေးတာကို လည်း တွေ့ရပါတယ် - များသောအားဖြင့် နည်းပညာအကြောင်းရေးသား တဲ့ မြန်မာဖိုရမ် / ဘလော့ တော်တော် များများ ဟာ မိမိလေ့လာ ထားသလောက်ကိုပဲ ရေးသားပြီး စာဖတ်သူ တစ်ယောက် ကို နောက်ဆက်တွဲ ဆင့်ပွားအတွေးတွေ ပေါ်လာအောင် တွန်းအားမပေးကြသလို - ဆက်စပ်လေ့လာနိုင်မယ့် နေရာတွေ ကိုလည်း ချပြထားလေ့ မရှိကြပါဘူး - အဲလို ဆင့်ပွားအတွေး လက်ဆင့် မကမ်းနိုင်မှုကြောင့် နည်းပညာလေ့လာတဲ့ မြန်မာစာဖတ်ပရိတ်သတ်ဟာ စာရေးသူ ဖော်ပြသလောက်ကိုပဲ စားသုံးရပြီး ဆက်စပ်တွေးခေါ်နိုင်စွမ်း အားနည်းနေကြပါတယ် - ဆက်စပ်တွေးခေါ်နိုင်စွမ်း အားနည်းတဲ့ အတွက်ကြောင့် နည်းပညာနဲ့ ပတ်သတ်တဲ့ Creative thinking ကိုလည်း မရနိုင်ကြပါဘူး - ဒါ့ကြောင့် စာရေးသူ တစ်ယောက်ဟာ စာရေးယုံတင် မဟုတ်ပဲ ဆင့်ပွားအတွေးတွေတွေး တတ်လာအောင် စာဖတ်သူကို လက်ဆင့်ကမ်းနိုင်ဖို့လည်း သိပ်ကိုအရေးကြီးပါတယ်။

( ၂ ) စုတုပြုပါ ( သို့သော် ) ခိုးကူးရူး မဖြစ်ပါစေနှင့်

Photo from blogs.mccombs.utexas.edu

        အများသူငါ အတွက် အကျိုးပြုစာပေ ရေးသားခြင်းဟာ တစ်ကိုယ်ရည်တစ်ကာယ တွေးချင်ရာတွေး ရေးချင်ရာ ရေးလို့ ရတဲ့ Diary ထဲမှာ စာရေးနည်းမျိုးနဲ့ မတူပါဘူး - တစ်ယောက်ကောင်း ရပ်တည်ပြီး စိတ်ထဲထင်ရာ ရေးချင်သလိုရေး ပုံစံနဲ့ ဖြတ်သန်းလို့ ရတာမျိုးလည်း မဟုတ်ပါဘူး - ကိုယ် အကြောင်းအရာတစ်ခုကို ရေးမယ်လို့ စိတ်ကူးရင် အင်တာနက်ထဲမှာ အရင် လိုက်ရှာကြည့်လိုက်ပါ - အင်တာနက်ထဲမှာ ဒီအကြောင်းအရာကိုပဲ ကိုယ့်ထက်ဦးအောင် တွေးမိပြီး ရေးသားတင်ပြထားကြတဲ့  စာမျက်နှာ အများအပြားတွေ့ရပါလိမ့်မယ် - အဲ့ဒီမှာ ငါ့ အကြံသူဦးသွားပြီ ဆိုတဲ့ အတွေးနဲ့ စိတ်ဓာတ်မကျပါနဲ့ - သူရေးထားတာ ကို ဖတ်ပါ - နောက်လူတစ်ယောက် ရေးထားတာကိုလည်း ဖတ်ပါ - အဲ့ကနေ ဒီအကြောင်းအရာ တစ်ခုတည်းကိုပဲ လူပေါင်းစုံက ရှုထောင့်ပေါင်းစုံနဲ့ ရေးထားတာတွေကို အင်တာနက် စာမျက်နှာတော်တော်များများမှာ တွေ့ပါလိမ့်ဦးမယ် - ဆက်ဖတ်ပါ - နောက်ဆုံးမှာ တစ်ယောက်ချင်းစီက လစ်ဟာသွားပြီး မဖော်ပြဖြစ်ပဲ ကျန်ခဲ့တဲ့ အကြောင်းအရာတွေ တွေ့လာပါလိမ့်မယ် - အဲ့ဒီအကြောင်းအရာတွေကို စုစည်းပါ - မိမိတွေးတောမိတဲ့ အကြောင်းအရာနဲ့ ဆက်စပ်ပါ - အများသူငါ လိုချင်တဲ့ အချက်အလက်တွေနဲ့ ပေါင်းစည်းပါ - ဒါဆို ကိုယ်ရေးသားမယ့် အကြောင်းအရာဟာ အကောင်းဆုံးကြီး မဟုတ်တောင် တန်ဖိုးရှိတဲ့ စုတုပြု အကြောင်းအရာတစ်ခု ဖြစ်လာပါလိမ့်မယ်
        ဒီနေရာမှာ တစ်ခု ကွာခြားသွားတာ စုတုပြုနဲ့ ခိုးကူးရူး ဖြစ်ပါတယ် - စုတုပြုဆိုတာ ကျွန်တော် အပေါ်မှာ ဖော်ပြခဲ့သလို သူများဖော်ပြပြီးသား အကြောင်းအရာတွေထဲက အချက်အလက်တွေ စုစည်းထားတာ ရှိပေမယ်လို့ တစ်ဆင့်ချင်း လေ့လာဆန်းစစ် ဖော်ထုတ်ပြီးမှ ဖော်ပြပြီးသားရော - မဖော်ပြရသေးတာတွေပါ အားလုံးကို ပေါင်းစပ်ပြီး အကြောင်းအရာ တစ်ခုအဖြစ် ပြည့်စုံအောင် ပုံဖော်တာ ဖြစ်ပါတယ် - ခိုးကူးရူး ဆိုတာကတော့ ကိုယ်က Idea တစ်ခုကို တွေးမိတယ် - အဲတာနဲ့ အင်တာနက်ပေါ်မှာ စုတုပြုလို့ရအောင် တစ်ခြားဘယ်သူများ ရေးထားတာရှိဦးမလဲ တက်ရှာတော့ ကိုယ့်ထက်ဦးပြီး သူများရေးထားတာ တော်တော်များများ တွေ့မိတယ် - အဲ့ဒီမှာ ဒီလောက်တောင် လူတွေ အများကြီး ရေးထားပြီးမှတော့ ငါရေးလို့လည်း ထူးပြီး မကောင်းတော့ပါဘူး ဆိုတဲ့ အတွေးနဲ့ တစ်ခြားဘာမှလည်း လိုက်မဖတ်တော့ဘူး - ရှေ့မှာတွေ့တာကို ဘာမှကောင်းအောင် ထပ်ပေါင်းဖြည့်ဖို့ မကြိုးစားတော့ပဲ - Copy - Paste လုပ်ပြီး ဖော်ပြလိုက်တယ် - ဒါကို ခိုးကူးရူးလို့ ခေါ်ပါတယ် - မြန်မာမှု အသိုင်းအဝိုင်းမှာ စုတုပြုစာရေးဆရာတွေလည်း အများအပြား ရှိသလို ခိုးကူးရူး သမားတွေလည်း အများအပြား ရှိပါတယ် - လူတစ်ယောက်ဟာ Creative thinking ကို လိုချင်တယ် ဆိုရင် - ပါရမီ ရှိသူကလွဲလို့ သာမန်သူသူငါငါ လူအားလုံးဟာ စုတုပြုကနေ တစ်ဆင့်ခံပြီး တက်လှမ်းရပါတယ် - စုတုပြု မခံပဲ Creative thinking ကို ကျော်လှမ်းချင်တဲ့ သူဟာ  စုတုပြုဆိုတာရဲ့ သဘောတရားကို နားမလည်ခဲ့လို့ ဘယ်တော့မှလည်း Creative thinking မရနိုင်ပါဘူး - ဒါ့ကြောင့် ကျွန်တော် အကြံပြုချင်တာ မိသားစုဝင်များ စုတုပြုပါ - ခိုးကူးရူး မဖြစ်ပါစေနဲ့။

( ၁ ) မရေးခင်တွေးပါ

Photo from createwithalan.blogspot.com

        စာရေးသူ တစ်ယောက်အတွက် အရေးအကြီးဆုံး အချက်ဟာ ကိုယ်ဦးတည်မယ့် အကြောင်းအရာကို မရေးသားခင်မှာ ကြိုတင်တွေးတော ဆင်ခြင်တာ ဖြစ်ပါတယ် - လူတိုင်း လူတိုင်းမှာ အားသန်ရာ သန်ရာ ရှိကြပေမယ့် - လူတစ်ယောက်ရဲ့ စိတ်ဟာ အချိန်တိုင်း အားသန်ရာ ပေါ်မှာပဲ တည်မှီနေတာ မဟုတ်ပါဘူး - တစ်ခါတစ်ရံမှာ ကိုယ့်စိတ်က ကိုယ်အားသန်ရာကို မတွေးမိပဲ မိမိ နားမလည်တဲ့ ( သို့တည်းမဟုတ် ) မိမိနားလည်ဖို့ ခက်ခဲတဲ့ အကြောင်းအရာ တစ်ခုကို သိချင်တွေးချင် နေမိတာ လည်း ဖြစ်ကောင်း ဖြစ်နေနိုင်ပါတယ် - ဘယ်လို အားနည်းချက် အားသာချက်မျိူး တွေးမိနေသည်ပဲ ဖြစ်ပါစေ - စာရေးသူ တစ်ယောက် ဖန်တီးမယ့် အကြောင်းအရာဟာ လတ်တလော ကာလတစ်ခုမှာ မိမိအတွက် အမှန်တကယ် ဇန်ဝင်နေတဲ့ အကြောင်းအရာမျိုးသာ ဖြစ်သင့်ပါတယ် - ဇန်မဝင်တာကို ( Popular ဖြစ်ချင်ဇောနဲ့ ) အတင်းမာန်သွင်းပြီး အကြောင်းအရာတစ်ခု ဖန်တီးတာမျိုး မဖြစ်သင့်ပါဘူး - ဇန်မဝင်တာကို အတင်းခြစ်ထုတ်ဖျစ်ညှစ် ဖန်တီးခြင်း အားဖြင့် နောက်ဆက်တွဲ ဘယ်လို ရလဒ်တွေ ရရှိလာနိုင်လဲ ဆိုရင် ကိုယ်ရေးသားဖန်တီး လိုက်တဲ့ အကြောင်းအရာ တစ်ခုက အစကောင်းပြီး အဖျားရှုး သွားတာမျိုးတွေ ဖြစ်လာမယ် - ဂဃနဏ ဖွင့်ဆို ရှင်းပြရမယ့် နေရာမှာ ပြီးစလွယ် စီးစလွယ်ရေးလိုက်မိလို့ စာဖတ်သူတွေ အနေနဲ့ အုတ်ရောရော ကျောက်ရောရော အတွေးတွေဝင်လာမယ် - အဲတာနဲ့ ပတ်သတ်ပြီး စာဖတ်သူဘက်က Response ပြန်လာရင်လည်း ပြန်လည် ဖြေရှင်း ပေးနိုင်ဖို့ အတွက် စိတ်မရှည်နိုင် ဖြစ်လာမယ် - နောက်ဆုံး မိမိရဲ့ နာမည်နဲ့ မိမိရပ်တည် လှုပ်ရှားနေတဲ့ အသိုင်းအဝိုင်း မှာပါ မိမိကြောင့် ထိခိုက် နစ်နာမှုတွေ - ဂုဏ်သရေ ညိှုးနွမ်းပျက်စီးမှုတွေ ဖြစ်လာနိုင်ပါတယ် - ဒါ့ကြောင့် မရေးခင် တွေးပါ - ကိုယ်ရေးချင်တဲ့ ဒီအကြောင်းအရာကို ကိုယ်တကယ်ပဲ စိတ်ဝင်စားသလား - လေ့လာနိုင်သလား - ငါ ဘယ်လောက် နားလည်ထား ပြီးပြီလဲ - စာဖတ်သူဘက်က ပြန်လာမယ့် Response တွေအတွက် ငါဘယ်လောက်ထိ ပံ့ပိုးပေးနိုင်မလဲ - ဒါတွေကို အကြောင်းအရာတစ်ခု မရေးသားခင်မှာ ကြိုတင်တွေးတော ဆန်းစစ်ထားရမှာ ဖြစ်ပါတယ်။

ကျွန်တော်ဟာ တစ်ချိန်က မရေးခင် မတွေးမိခဲ့သလို - စုတုပြု မဖြစ်ပဲ ခိုးကူးရူးလည်း ဖြစ်ခဲ့ဖူးပါတယ် - ဆင့်ပွားအတွေးတွေ လက်ဆင့်မကမ်းတတ်ခဲ့သလို ဝါကျ တည်ဆောက်ပုံ မမှန်ပဲ ပုံကြီးချဲ့ ဖော်ပြခဲ့ဖူးတာတွေလည်း ရှိပါတယ် - တစ်ခါတစ်လေမှာ အကြောင်းအရာ သေးသေးလေးကို ပုံကြီးချဲ့ ဖော်ပြရင်း ဦးတည်ချက်ပျောက်ပြီး သရုပ်ဖော်ပုံ သုံးဖို့ဆိုတာ လည်း မေ့မေ့ပျောက်ပျောက် ဖြစ်ခဲ့ဖူးပါတယ် - အတ္တလည်း ကြီးခဲ့ဖူးပါတယ် - Schedule လည်း မရှိခဲ့ပါဘူး - ပူးပေါင်းလုပ်ဆောင်ဖို့ ဆိုတာလည်း မတွေးမိခဲ့ပါဘူး -

ခုဖော်ပြချက်တွေ အားလုံးဟာ တစ်ချိန်က ကျွန်တော် မှားယွင်းခဲ့ဖူးတာတွေကို နောက်လာနောင်သား မျှဝေသူများ မမှားယွင်း နိုင်အောင် အကြံပြုခြင်းသာ ဖြစ်ပါတယ် -

လေ့လာနိုင်သမျှ မျှဝေနိုင်ကြပါစေ

Mg Zin.

Gmail Desktop Clients For Everyone

Gmail အကြောင်းကိုတော့ ထူးပြီး မိတ်ဆက်ပေးဖို့ လိုမယ်မထင်ပါဘူး - ကျွန်တော် အပါအဝင် မြန်မာမိသားစုတော်တော် များများ အနည်းဆုံး Google account တစ်ခုစီတော့ ရှိကြမှာပါ - Gmail ကို ဘာကြောင့် ကြိုက်လဲဆိုရင် Free ပေးထားတယ် ဆိုပေမယ့် သူ့ Users တွေကို Google က ပစ်စလက်ခတ် ပစ်မထားဘူး - ပြင်ဆင်ရေးတွေ - မြှင့်တင်ရေးတွေ - Features အသစ်အသစ်တွေနဲ့ User friendly ဖြစ်အောင် Google က အမြဲ ပံ့ပိုးပေးနေတယ် - Google acc တစ်ခုရှိယုံနဲ့ တစ်ခြား အလကား သုံးလို့ ရတဲ့ Services တွေ Products တွေ ဆိုတာလည်း နည်းတာ မဟုတ်ဘူး - ဘယ်လောက်တောင် များလဲဆိုတာ ဒီနေရာ - ဒီနေရာ - ဒီနေရာ နဲ့ ဒီနေရာ တွေမှာ လေ့လာကြည့်နိုင်ပါတယ် - ဒါပေမယ့်လည်း လူသားပီသစွာ ရတာမလို - လိုတာမရ ဆိုသလို တစ်ခါတစ်လေ ကျွန်တော့် စိတ်ထဲမှာ ဖြစ်မိတာ တစ်ခုရှိတယ် - အဲတာက Browser ဖွင့်ဖွင့်ပြီး သုံးနေရတ့ဲ Gmail ကို Outlook တို့ Thunderbird တို့လို Email client တွေ မသုံးပဲ ဆော့ဖ်ဝဲလ် install လုပ်ပြီး သုံးသလိုမျိုးလေးများ သုံးလို့ မရနိုင်တော့ဘူးလား ?? ကျွန်တော် ဒီလို မကြာခဏ တွေးမိပါတယ် -

ဘာကြောင့်လည်းဆို တစ်ခုခုလိုတိုင်း ဒီ Browser ကြီးပဲ ဖွင့်ဖွင့်နေရတာ ကြာတော့ ငြီးငွေ့လာပြီလေ - ဒီလို အတွေးမျိုး တစ်ချို့ မိသားစုဝင်တွေမှာလည်း ဖြစ်ခဲ့ဖူးလိမ့်မယ် ထင်ပါတယ် - ဒီ့အတွက်တော့ ကျွန်တော်တို့ အခု အဖြေရှိပါပြီ - ဒီ အဖြေကို သိပြီးတဲ့ နောက်မှာ ကျွန်တော်တို့ လိုချင်နေတဲ့ Browser ဖွင့်စရာမလိုပဲ Gmail ထဲကို ဝင်လို့ ရမယ် - ကိုယ့်ဆီလာတဲ့ စာဖတ်လို့ ရမယ် - Mail ပို့လို့ ရမယ် - ဒီလို ဝန်ဆောင်မှုမျိုး ဘယ်သူက လုပ်ဆောင်နိုင်တာလဲဆို Gmail desktop clients တွေက လုပ်ဆောင်နိုင် ပါတယ်လို့ ဖြေရပါလိမ့်မယ် -

Gmail desktop clients များအကြောင်း

GeeMail

ပထမဆုံး ကြားဖူးကြတာလည်း ဖြစ်ကောင်း ဖြစ်နိုင်ပါတယ် - ဒီ Geemail က Browser သုံးစရာ မလိုတဲ့ Gmail အတွက် သီးသန့် Special application ပါ - တင်ပြီးသွားလို့ သူ့ကို Double click ပေးလိုက်တာနဲ့ Gmail ထဲတန်းရောက်ပါတယ် - သူ့ကို Install လုပ်ဖို့အတွက် Adobe Air တင်ထားပြီးသား ဖြစ်ရပါမယ် -

No Configuration Required : GeeMail က တစ်ခြား Email client တွေလိုမျိုး POP နဲ့ IMAP settings တွေ သီးခြား ပြင်ဆင်နေဖို့ မလိုပါဘူး - install လုပ်ပြီးတာနဲ့ Gmail ကို တိုက်ရိုက်တန်းပြီး access လုပ်နိုင်ပါတယ် -

Offline Support : တကယ်လို့ စာရိုက်နေတုန်း Connection ကျသွားရင်တောင် ရေးလက်စ Email ကို ဆက်ရေးပြီး  - ပြီးသွားရင် Send ကိုသာ နှိပ်ထားလိုက်ပါ - GeeMail က Internet connection ကို သူဘာသာ detect လုပ်ပြီး Connection ပြန်ရချိန်မှာ ကိုယ် Send နှိပ်ထားတဲ့ Email ကို သူ့ဘာသာ ပို့ပေးသွားပါလိမ့်မယ် -

Gmail User Interface : Geemail ကို သုံးလို့ဆိုပြီး တစ်ခြား Email clients တွေ သုံးသလိုမျိုး New user interface နဲ့ ထိတွေ့စရာ မလိုပါဘူး - အရင်ကျွန်တော်တို့ သုံးနေကျ Online ပေါ်က Gmail UI နဲ့ပဲ တွေ့ရမှာပါ -

Cross Platform : GeeMail က Windows မှာသာမက Mac နဲ့ Linux မှာပါ အသုံးပြုလို့ ရပါတယ် -

Mozilla Lab Prism

Prism ဆိုတဲ့ application ကလည်း ပုံမှန် Browsers ထဲမှာပဲ access လုပ်လို့ ရတဲ့ Web applications တွေကို Browser တွင်းကနေ ဆွဲထုတ်ပြီး Desktop ပေါ်ကနေ တိုက်ရိုက် Run ခိုင်းလို့ ရတဲ့ app တစ်ခုပါ - Adobe AIR - Microsoft Silverlight တို့နဲ့ Prism ကွာသွားတဲ့ တစ်ချက်က Adobe AIR - Microsoft Silverlight ဆိုတာ Web applications တွေကို အစားထိုး လည်ပတ်ပေးနိုင်တဲ့ Platform မဟုတ်ပါဘူး - သူတို့တွေက Windows ထဲမှာ အဲ့ဒီ့ Web applications တွေကို ကိုယ်ပိုင် Own window နဲ့ run နိုင်အောင် ကူညီပေးနိုင်တဲ့ အဆင့်ပဲ ရှိပါတယ် - ဒါ့ကြောင့် Web applications တွေကို Browser မသုံးပဲ run ချင်တယ် ဆိုရင် Prism ကို ဒီနေရာမှာ သွားရောက် ရယူနိုင်ပါတယ် - အသုံးချနည်းကလည်း ရှုပ်ရှုပ်ရှပ်ရှပ် မရှိပါဘူး - install လုပ်ဆောင်ပြီးသွားတဲ့ အချိန်မှာ Prism ကို စ run လိုက်ပါ ဒီလိုဆို Web application dialog box ပေါ်လာပါလိမ့်မယ် - အဲ့ဒီမှာ ကိုယ်သုံးချင်တဲ့ Web app ရဲ့ URL ကို ပထမဆုံးထည့်ပေးရပါမယ် - ( ဥပမာ - mail.google.com ) - နောက် app အတွက် name ပေးတဲ့ နေရာမှာ ( ဥပမာ - Gmail ) စသဖြင့် ထည့်ပါမယ် - နောက် Shortcut ကို ဘယ်နေရာမှာ ထားမလဲ ဆိုတာ ရွေးပေးရပါမယ် - အောက်မှာ ဖော်ပြထားတဲ့ ပုံကို ကြည့်ပါ -

အားလုံး ပြီးသွားရင် OK ပေးပြီး စ run နိုင်ပါပြီ - ဒါက Prism ကို သုံးပြီး Gmail ထဲ ကျွန်တော်ဝင်ထားတဲ့ ပုံစံပါ -

GMDesk

GMDesk သူကတော့ application တစ်ခုတည်းကနေ Gmail, Google Calendar, Google Docs နဲ့ Google Maps ဆိုတာတွေ ကို stand-alone application တစ်ခုတည်း အနေနဲ့ Browser ဖွင့်စရာ မလိုပဲ အသုံးပြုနိုင်တဲ့ app တစ်ခုပဲ ဖြစ်ပါတယ် - GMDesk ကို သုံးတဲ့ အချိန်မှာ ( Windows နဲ့ Linux ) မှာဆို Alt-tab ကနေတစ်ဆင့် ( Mac ) မှာဆို Cmd-tab ကနေတစ်ဆင့် application တစ်ခုကနေ နောက်တစ်ခုကို အလွယ်တကူ ကူးပြောင်းနိုင်ပါတယ် -

GMDesk က Google Apps ကိုလည်း supports ပေးပါတယ် - GMDesk အတွက် Adobe Air application ရှိဖို့လိုပါတယ် -

Gmail desktop clients များအကြောင်း ဆွေးနွေးခဲ့ပြီးတဲ့ နောက်မှာ နောက်တစ်ခုအနေနဲ့ မဖြစ်မနေသိထားသင့်တဲ့ Email clients တွေ မှာ Gmail Settings ချပုံတွေကို ဆက်ပြီး လမ်းညွှန်ခဲ့ချင်ပါသေးတယ် -

Photo from sitemaker.umich.edu

Email clients တွေနဲ့ ပတ်သတ်ရင် တစ်ယောက်ယောက်နဲ့ တစ်ယောက်က အကြိုက်ချင်း အသုံးပြုတဲ့ sftware ချင်း မတူညီကြလို့ အားလုံးကို တစ်ပြိုင်နက် ပြောပြဖို့ ခက်ပါတယ် - ဒါ့ကြောင့် လူသုံးများ နာမည်ရတဲ့ Email clients အတွက် Gmail ကို ဘယ်လို configuration လုပ်ရမယ် ဆိုတာ အောက်မှာ ဖော်ပြထားတဲ့ နေရာတွေကနေ တစ်ဆင့် သွားရောက် လေ့လာကြည့်ပါ -

- Supported POP client list
- Supported IMAP client list

ဖော်ပြပါ နေရာတွေမှာ Mail clients တွေ အတွက်သာမက Wireless devices - Mobile devices တွေထိ Gmail ကို ဘယ်လို configuration လုပ်ရမယ် ဆိုတာ အသေးစိတ် ဖော်ပြပေးထားပါတယ် - 

လေ့လာနိုင်သမျှ မျှဝေနိုင်ကြပါစေ -

KznT.

How To Remove Your Web History From Google Servers ?

Originally Posted by finger2finger  google ကိုဖွင့်လိုက်ပီး...search ကနေလိုချင်တာတွေကိုရိုက်ပီး ရှာပါတယ်... ကိုရှာထားတာတွေ က ပေါ်နေပါတယ်.. အစ စာလုံးလေး တလုံးရေး လိုက်တာနဲ့ အကုန်ပေါ်လာတော့တာပဲ...အရင် ရှာထားတာတွေမပေါ်အောင် ဘယ်လို လုပ်ရမလဲ ဆိုတာ ပြောပေးကြပါအုံး သူငယ်ချင်းများ ခင်ဗျာ...ကျေးဇူးတင်ပါတယ်.....

ဒီအကြောင်းရာနဲ့ ပတ်သတ်ပြီး မိသားစုဝင်တော်တော်များများ ဆွေးနွေးပေးထားကြတာ ကျေးဇူးတင်ပါတယ် - အပေါ်မှာ မိသားစုဝင်များ ဆွေးနွေးခဲ့ကြသလို Browser ရဲ့ "Clear Recent History" ကိုရွေးပြီး ရှိသမျှအကုန် ဖျက်တာတောင် မပျက်ပဲ search box မှာ စာလုံးစရိုက်လိုက်တာနဲ့ အရင်ကိုယ်ရှာထားတာတွေ ပေါ်နေတယ် ဆိုတာက အဲတာ Browser နဲ့ မဆိုင်ပါဘူး - ဥပမာ ဒီလိုပုံစံမျိုးပါ

အဲတာက Google user တွေ အတွက် Google ကနေ ထုတ်ပေးထားတဲ့ Web History feature ကြောင့် ဖြစ်ပါတယ် - ဆိုကြပါစို့ ကျွန်တော်တို့က Google account တစ်ခုကို ဝင်ထားပြီး Google Search box ကနေ တစ်ခုခု ရှာဖွေလိုက်မယ် ဆိုရင် Google ကနေ ပေးထားတဲ့ Web History feature ကနေ ကိုယ် Search box မှာ ရှာခဲ့တဲ့ အကြောင်းအရာတွေကို ကိုယ့် account ရဲ့ web activity ထဲမှာ History တစ်ခု အနေနဲ့ မှတ်ထားပေးပါတယ် - ရည်ရွယ်ချက်က တစ်ခါတစ်လေမှာ ကျွန်တော်တို့တွေ လိုချင်တာလေး ရှိလို့ အွန်လိုင်းပေါ်တက်ပြီး Google Search ကနေ ရှာလိုက်တဲ့ အချိန်မှာ site ကောင်းလေး တစ်ခုတွေ့တယ် - ဒါပေမယ့် အကြောင်းအမျိုးမျိုးကြောင့် Bookmark မှတ်ထားဖို့ မေ့သွားခဲ့တယ် ဆိုရင် နောင်တစ်ချိန်မှာ Web History feature ကနေ ကိုယ် မှတ်ဖို့ မေ့သွားတဲ့ site ဆို အလွယ်တကူ ပြန် ရှာတွေ့နိုင်အောင် ရည်ရွယ်တာပါ -

ဒီ feature က တစ်ခါတစ်လေလည်း ကောင်းတယ် - တစ်ခါတစ်လေ သူများမသိစေချင်တာကို ရှာတဲ့ အခါ ကိုယ့်ရှာပြီး သားတွေ ပြန်ပြန်ပြနေတာကလည်း တော်တော်ဆိုးပါတယ် - အများနဲ့ သုံးတဲ့ ကွန်ပြူတာတွေမှာ ခုလို မဖြစ်စေချင် ရင် ကောင်းတာကတော့ ကိုယ့် Google account ထဲကို Sign in ဝင်ပြီး Web search မလုပ်ပါနဲ့ - တကယ်လို့ လုပ်ဖြစ်ခဲ့တယ် ဆိုရင်လည်း ကွန်ပြူတာကနေ ကိုယ်ထတော့မယ် ဆိုတဲ့ အခါ ကိုယ့် Google account ကို Sign out လုပ်ခဲ့ပါ - ဒါဆို အဆင်ပြေ ပါတယ် - ဒီလိုနည်းနဲ့မှ မဟုတ်ပဲ ကျွန်တော်က Web History feature ကို လုံးဝကို မလိုချင်ဘူး ဆိုရင်တော့ နောက်ထပ် လုပ်ဆောင်နည်းရှိပါတယ် - အရင်ဆုံး ဒီနေရာကို သွားပါ - အထဲရောက်သွားရင် ဘယ်ဘက်ခြမ်းက Pause ကို click ပေးလိုက်ပါ - ဒါဆို နောက် ကိုယ် Search box ကနေ ရှာသမျှ သူက မှတ်တော့မှာ မဟုတ်ပါဘူး -

ဒါက ကိုယ်ရှာတာကို မမှတ်ခိုင်းတဲ့ အဆင့်ပဲ ရှိပါသေးတယ် - နောက်တစ်ဆင့် အနေနဲ့ ကိုယ်ရှာထားတာတွေ ပြန်မပေါ်စေချင် တာက ဘယ်ဘက်ခြမ်းက Remove items ကို ဝင်ရပါမယ်

နောက်စာမျက်နှာမှာ ကိုယ် ရှာခဲ့တာတွေထဲက မလိုချင်တာလေးတွေပဲ ရွေးဖျက်လို့ ရသလို အောက်ဖော်ပြပါ အတိုင်း အကုန်လုံး ဖျက်ချင်လည်း ရပါတယ် -

တကယ်လို့ ကိုယ်က Pause လုပ်ထားခဲ့ပြီးနောက်ပိုင်း နောင်တစ်ချိန်မှာ ကိုယ်ရှာထားတာလေးတွေ ပြန်မှတ်စေချင်တယ် ဆိုရင်တော့ အောက်ဖော်ပြပါ အတိုင်း Web History ကို ပြန်ဝင်ပြီး Resume ပြန်ပေးရပါမယ် -

ကျွန်တော် ဖော်ပြခဲ့တဲ့ အတိုင်း လုပ်ဆောင်ကြည့်ပြီး Search box မှာ ပေါ်မပေါ် ပြန်စစ်ကြည့်ပါဦး -

KznT.

GNOME Terminal with Google search support

ဒီနေ့ အင်တာနက်ထဲ Ubuntu နဲ့ ပတ်သတ်တာလေး စာလိုက်ဖတ်ရင်း သဘောကျတာလေး တစ်ခုတွေ့လို့ ပြောပြချင်တယ် - အဲတာက Terminal ထဲမှာ အလုပ်လုပ်ရင်းနဲ့ ကိုယ်နားမလည်တာ တစ်ခုခုတွေ့ရင် အရင်ကဆို စာကြောင်းကို Select လုပ် Copy ကူးပြီး Google မှာ သွားသွားရှာရတယ် - တစ်ချို့လည်း ဒါကို လုပ်ဖူးလိမ့်မယ် - တစ်ချို့လည်း လုပ်ဖြစ်ကြမယ် မထင်ဘူး - အဲလိုလုပ်ရတာ ဘာဖြစ်လဲဆိုတော့ တစ်ခုသိဖို့ အရေး အဆင့် သုံးလေးဆင့် ခံနေရတာမျိုးပေါ့ - စစချင်း စာကြောင်းကို Select လုပ်ရမယ် - နောက် Copy ကူးရမယ် - နောက် ... ထားပါတော့ ရှည်တယ် -

ခုတော့ အဲလို အဆင့်တွေ အားလုံးကိုကျော်ပြီး GNOME Terminal ထဲကနေ ရှာချင်တဲ့ အကြောင်းအရာကို တစ်ခါတည်း Google မှာတန်းရှာလို့ ရပြီ - အောက်မှာ မြင်ရသလိုပေါ့ -

အားလုံး ပြင်ပြီး သွားပြီ ဆိုရင် အပေါ်မှာ ပြထားတဲ့ အတိုင်း Terminal ထဲမှာ တစ်ခုခုလုပ်လို့ output message မှာ ပြတဲ့ စာကြောင်းတစ်ခုခုက ကမောက်ကမ ဖြစ်နေသလို စိတ်ထဲထင်လာရင် စာကြောင်းကို Select ပေးပြီး Right-click menu ကနေ “Search On Google” ကို သွားလိုက်ယုံပဲ - အဲ့လို GNOME Terminal ထဲမှာ Google Search ရောက်လာဖို့ လုပ်ရကိုင်ရတာကလည်း ဘာမှ မခက်ဘူး - Ubuntu Tweak ကို သိမယ် ထင်ပါတယ် - အရင်စာတွေမှာလည်း သူ့အကြောင်းကတော့ ရေးခဲ့ပြီးသားပါ - Ubuntu သုံးတဲ့ သူတိုင်း Ubuntu Tweak တို့ UCC တို့လောက်တော့ အနည်းလေး သိကြတာမို့ ဒီမှာ အကျယ်ချဲ့ မရေးတော့ပါဘူး - တကယ်လို့ မသိသေးဘူး ဆိုရင်း ဒီနေရာမှာ သွားဖတ်ကြည့်ပြီး စက်မှာ မရှိသေးရင် Install လုပ်ပါ - .deb package မို့လို့ install လုပ်နည်းကတော့ Windows မှာ .exe ကို install လုပ်သလိုမျိုးပါပဲ - 

Ubuntu Tweak တင်ပြီးသွားရင် “Source Center” ကိုသွားပြီး “GNOME Terminal with Google search support” ကို enable ပေးလိုက်ပါ - နောက် “Refresh” ကို Click ပေးပါ - ဒါဆို ရပါပြီ -

တကယ်လို့ code နဲ့ ပတ်သတ်ပြီး စိတ်ဝင်စားရင် ဒီနေရာမှာ သွားပြီး လေ့လာနိုင်ပါတယ် >> https://code.launchpad.net/~tualatrix/ibentu/gnome-terminal

KznT.

VPN Services Protect Your Privacy And Security

ဒီနေ့ အင်တာနက်နဲ့ လည်ပတ်လှုပ်ရှားနေရသူ မြန်မာမိသားစုဝင်များ အတွက် သိထားသင့်မယ့် အကြောင်း အရာတစ်ခုကို မိတ်ဆက်ပေးချင်ပါတယ် - မိတ်ဆက်ပေးချင်တယ် ဆိုတာ လုံးဝ ကြားဖူးနားဝမရှိသေးသူများနဲ့ ကြားဖူးနားဝရှိပေမယ့် အသုံးချနည်းကို ရင်းနှီးမှု မရှိသေးသူများ အတွက် မိတ်ဆက်ပေးချင်တဲ့ သဘောပါ -

အဲ့ဒီ အကြောင်းအရာရဲ့ ပင်မ ခေါင်းစဉ်ကတော့ VPN လို့ ခေါ်တဲ့ Virtual Private Network ပါ - တစ်နေ့နဲ့ တစ်နေ့ အင်တာနက်ထဲ ဟိုဝင်ဒီထွက် လည်ပတ်လှုပ်ရှားကြတဲ့ အခါမှာ ကျွန်တော်တို့ရဲ့ ကွန်ပြူတာ ထဲမှာ ရှိနေတဲ့ ကိုယ်ရေးကိုယ်တာ  ဆိုင်ရာ အကြောင်းအရာ အချက်အလက်များ လုံခြုံရေး နဲ့ အင်တာနက်ထဲ လည်ပတ်တဲ့ အခါမှာ ကိုယ်ပိုင်လွတ်လပ်ခွင့် ရရှိရေး အတွက် ဆိုပြီး ပုံမှန် လုပ်ဆောင်ကြရတာတွေ ရှိပါတယ် - အဲ့ဒါတွေက ပုံမှန် အလွယ်ပြောရရင် Antivirus / Internet Security လို့ ခေါ်တဲ့ Virus ကာကွယ်တိုက်ဖျက်ရေး Security တွေ သုံးမယ် - Firewall တွေ ကာရမယ် - အင်တာနက်ထဲမှာ ကိုယ်ဘယ်တွေသွားတယ် ဘာတွေလုပ်နေတယ် ဆိုတာ ကိုယ့် IP ကိုကြည့်ပြီး နောက်ယောင်ခံမလိုက်နိုင်အောင် ကာကွယ်ထား ရမယ် - စသဖြင့် အခြေခံအနေနဲ့ ဒီလုပ်ငန်းစဉ်တွေကို မဖြစ်မနေ လုပ်ဆောင်ကြရပါတယ်။

နောက်တစ်ဆင့် အနေနဲ့ အင်တာနက်ထဲမှာ မိမိရဲ့ လှုပ်ရှားသွားလာမှုကို ဒီ့ထက်ပိုပြီး လုံခြုံမှုအဆင့် မြှင့်တင်နိုင်ဖို့ အခုဖော်ပြ ခဲ့တဲ့ လုပ်ငန်းစဉ်တွေသာမက  နောက်ထပ်ပေါင်းစပ် လုပ်ဆောင်သင့်တာ Virtual Private Network (VPN) ကို အသုံးပြုပြီး ကိုယ့်ရဲ့ ရပ်တည်မှုကို အခြားသူတစ်ယောက်ယောက်က မစုံစမ်း မသိရှိနိုင်အောင် အတွင်းစည်း - အပြင်စည်း ကာရံထားဖို့ပါ - ဒါကို ကျွန်တော်တို့က Data တွေ encrypt လုပ်တယ်လို့ ခေါ်ပါတယ် - ( Encryption လုပ်တယ်ဆိုတာ အလွယ်ပြောရရင် တစ်ခြားသူ တစ်ယောက် မသိရှိနိုင်အောင် Cipher လို့ ခေါ်တဲ့ Algorithm ကို အသုံးပြုပြီး Information တွေကို လျှို့ဝှက် Code တွေအဖြစ် ပြောင်းလဲထားတာကို ခေါ်တာပါ။ )

Virtual Private Network ဆိုတာဘာလဲ ?

VPN ဆိုတာ ကိုယ့်ကွန်ပြူတာ ကနေ ပို့လွှတ်လိုက်တဲ့ Data တွေကို အင်တာနက်ထဲမှာ ကိုယ်ဘာလုပ်နေတယ် ဆိုတာ တစ်ခြားသူ တစ်ယောက် ( သို့မဟုတ် ) အဖွဲ့အစည်းတစ်ခုကနေ ကြားဖြတ်ဖမ်းယူ ကြည့်ရှုလို့ မရအောင် Data တွေကို VPN Server တွေကနေ Encrypt လုပ်ပစ်ပြီး အင်တာနက်ထဲမှာ ကိုယ့်ရဲ့ လှုပ်ရှားသွားလာမှုကို လုံခြုံစေအောင် စီမံခန့်ခွဲပေးပါတယ် - လုံခြုံမှု အဆင့်မြင့်မားတဲ့ VPN တွေမှာဆိုရင် ကိုယ် အင်တာနက်ထဲမှာ လည်ပတ်သွားလာတဲ့ browsing history တွေကိုတောင် Record လုပ်ထားတာမျိုး မရှိပါဘူး - ဒါ့ကြောင့် သဘောက ကျွန်တော်တို့မှာ IP addresses တွေရှိပြီး ISP နဲ့ ဆက်သွယ် လုပ်ကိုင်နေရတယ် ဆိုပေမယ့် VPN ရဲ့ ကာကွယ်ပေးထားမှုကြောင့် ကျွန်တော်တို့တွေက အင်တာနက်ထဲမှာ Anonymous user သဘောမျိုး ဖြစ်နေမှာပါ။

Photo from vpn-info.com

VPNs အများစုက ရုံးလုပ်ငန်းအတွက် စပြီးတည်ဆောက်ခဲ့ကြတာပါ - သူ့ရဲ့ ရည်ရွယ်ချက်က ရုံးမှာရှိတဲ့ users တွေကို ကိုယ့်ရုံးရဲ့ workplace network ထဲကို ဝင်ခိုင်းပြီး လုပ်ငန်းဆောင်တာတွေကို စုပေါင်းလုပ်ဆောင်နိုင်စေဖို့ ဦးတည် ခဲ့ခြင်း ဖြစ်ပါတယ် - အခု ကျွန်တော်တို့တွေ VPN ရဲ့ လုပ်ဆောင်ပုံကို အတိုချုံးအနေနဲ့ သဘောတရား သိပြီ - အင်တာနက်ထဲမှာ လှုပ်ရှားသွားလာတဲ့ အခါ Privacy နဲ့ Security လိုအပ်တယ်ဆိုတာကိုလည်း သိပြီ - ဒါပေမယ့် တစ်နေ့နဲ့ တစ်နေ့ ကျွန်တော်တို့တွေ ဒီလိုပဲ အင်တာနက်ထဲ ဟိုသွားဒီသွား သွားနေတာပဲ - ခင်ဗျားပြောတဲ့ Privacy နဲ့ Security ဆိုတာကို သိပ်လည်း သတိမထားမိသလို - အဲ့ဒီ့ Privacy နဲ့ Security ဆိုတာတွေ ကျွန်တော့်မှာ မရှိခဲ့လို့လည်း ကျွန်တော့်အတွက် ဘာမှထူးပြီး ပြဿနာ မရှိခဲ့ပါဘူးလို့ မေးစရာရှိလာပါတယ် - Privacy နဲ့ Security ဆိုတာဟာ အင်တာနက် နည်းပညာ ဖွံ့ဖြိုးမှု အရှိန်ယူကာစ ကျွန်တော်တို့ နိုင်ငံတစ်ခုအတွက်သာ ဘာမှ သိပ်အရေးမပါသလို ဖြစ်နေတာပါ - နည်းပညာဖွံ့ဖြိုးပြီး နိုင်ငံတွေမှာဆိုရင် Privacy နဲ့ Security ကို အလေးမထားမိလို့ စီးပွားရေး လုပ်ငန်းကြီးကနေ စပြီး - တစ်ကိုယ်ရည်တစ်ကာယသုံး ကွန်ပြူတာတွေ ထိ Network ပိုင်းဆိုင်ရာ ထိုးဖောက်တိုက်ခိုက်မှုတွေ - Bank account - Personal information စတဲ့ သတင်းအချက်အလက် ခိုးယူခံရမှုတွေ စက္ကန့်နဲ့ အမျှ ဖြစ်ပွားနေပါတယ် - ဒီအကြောင်းနဲ့ ပတ်သတ်ပြီး မြင်သာစေမယ့် အပိုင်းတစ်ပိုင်းကို ကျွန်တော်ရေးခဲ့ပြီးတဲ့ Torrent ဘာလဲ ? Torrent ဘယ်လဲ ? ဆိုတဲ့ ခေါင်းစဉ်အောက်က Torrent နှင့် Copyright Laws များ အကြောင်း ဆိုတဲ့ ခေါင်းစဉ်ခွဲ တစ်ခု အနေနဲ့ ဖော်ပြခဲ့ဖူးပါတယ် - လေ့လာကြည့်နိုင်ပါတယ် - ဒါ့အပြင်  Privacy နဲ့ Security အားနည်းမှုကြောင့် တစ်ခြားသူ တစ်ယောက် ( သို့မဟုတ် ) အဖွဲ့အစည်းတစ်ခုကနေ ဘယ်လို တိုက်ခိုက်လာနိုင်တယ် ဆိုတာ အောက်ဖော်ပြပါ ဗွီဒီယိုလေးကို ကြည့်ပြီးတော့လည်း အလွယ်တကူ နားလည်နိုင်ပါသေးတယ် -

ဒီလိုဆို Privacy နဲ့ Security ရဲ့ အရေးပါပုံအကြောင်း ကျွန်တော်တို့ ကောင်းကောင်း နားလည်ခဲ့ပြီ ဆိုကြပါစို့ - နောက်တစ်ဆင့် အနေနဲ့ VPN ဆိုတဲ့ Virtual Private Network ဆိုတာထဲကို ကျွန်တော်တို့ ဆက်တိုးဝင်ကြည့်ပါမယ် - ဘာတွေများ ကျွန်တော်တို့ အတွက် အားသာချက်နဲ့ ကောင်းကျိုးတွေ ရှိလာနိုင်မလဲ ??

VPN က ကျွန်တော်တို့ သုံးနေကျ Proxy သုံးသလိုမျိုးပဲ ကိုယ်နေတဲ့ နေရာကို လိုက်ပြီး Block ထားတတ်တဲ့ websites တွေကို လည်း access လုပ်လို့ ရပါတယ် -

ဒီ့ထက် ကောင်းတာ ဘာရှိလဲ ဆိုရင် US မှာပဲ ကြည့်ခွင့်ပေးပါတယ် ဆိုတဲ့ Hulu လို Website မျိုးတောင် VPN နဲ့ ဝင်လိုက်တဲ့ အချိန်မှာ Region ကွာခြားချက်ကို ကျော်လွန်ပြီး သူ့ ဆိုဒ်မှာ တင်ထားတဲ့ High quality movies နဲ့ TV shows  တွေကို ကမ္ဘာ့ဘယ်နေရာက ကြည့်ကြည့် အေးအေးလူလူ ကြည့်လို့ ရသွားပါတယ် - စတဲ့ အားသာချက်တွေကြောင့် ကမ္ဘာ့နိုင်ငံ အသီးသီးက Privacy နဲ့ Security ကို မြှင့်တင်လိုသူတွေ - အင်တာနက်တွင်းမှာ မိမိရဲ့ လှုပ်ရှား သွားလာမှုကို ခြေရာဖျောက်လို သူတွေ အားလုံးနီးပါး ခုချိန်မှာ VPN ကို ငွေကြေးတန်ဖိုး ပမာဏ တစ်ခု ပေးသွင်းပြီး ရယူနေကြပါပြီ - ဒီလိုဆို ငွေကြေး မတတ်နိုင်သူတွေ - ချွေတာစုဆောင်း သူဌေးလောင်းတွေ အတွက် VPN ဆိုတာအဝေးက မျှော်ကြည့်နေယုံပဲ ဖြစ်နေတော့မှာလား ? မဟုတ်ပါဘူး - VPN services တွေကို payment သဘောမျိုးနဲ့ မဟုတ်ပဲ Free ပေးထားတဲ့ VPN Services တွေဆိုတာလည်း ရှိပါသေးတယ် - သူတို့ အားလုံးရဲ့ ကြားက ရွေးချယ်သင့်တဲ့ Free VPN Services တွေ အကြောင်း ဒီအောက်မှာ စုစည်းဖော်ပြ လိုက်ပါတယ် -

Free VPN Services

ဒီအောက်မှာ ဖော်ပြထားတဲ့ Free VPN Services တွေဟာ အလကားမတ်တင်း ဝန်ဆောင်မှုပေးတာ မှန်ပေမယ်လို့ free ဖြစ်တဲ့ လျော်ညီစွာ ကန့်သတ်ချက်လေးတွေ - စိတ်တိုင်းမကျစရာလေးတွေလည်း အနည်းနဲ့ အများရှိပါလိမ့်မယ် - ဒါပေမယ့်လည်း free သုံးရတာဖြစ်လို့ လုံးဝ စိတ်တိုင်းမကျ ဖြစ်ခဲ့ရင်တောင် VPN တွေက ဘယ်လို အလုပ်လုပ်တယ် - ကိုယ့်အတွက် ဘာတွေ အကျိုးရှိတယ် ဆိုတာလေးလောက် အနည်းဆုံး ပညာရနိုင်တာမို့ နစ်နာစရာ မရှိပါဘူး - Free VPN Services တွေကို စမ်းသုံးကြည့်ရင်းနဲ့ သဘောကျပြီ - လုပ်နည်းကိုင်နည်းကိုလည်း သဘောပေါက်ပြီ ဆိုပြီ နောင်တစ်ချိန်နှာ သင့်တော်တဲ့ နှုန်းနဲ့ ကမ်းလှမ်းထားတဲ့ Paid Services တွေဆီကိုလည်း ကြိုက်သလို ကူးပြောင်းနိုင်ပါတယ် -

ProXPN

သူကတော့ Windows နဲ့ Mac computers တွေ အတွက် အသုံးပြုနိုင်တဲ့ Free VPN Services ပါ - ProXPN ကို သုံးမယ် ဆိုရင် သူ့ဆိုဒ်ကနေ ပေးထားတဲ့ Free application သေးသေးလေး တစ်ခုကို Download ချပြီး စက်မှာ အရင်တင်ထားရပါမယ် - သူကနေမှ VPN ကို Connect လုပ်ရမှာပါ - ဒီ Service ကို iPhone နဲ့ တစ်ခြား VPN ကို Support လုပ်တဲ့ Mobile phone တွေမှာလည်း သုံးလို့ ရပါတယ် -


GPass

GPass service ကတော့ နေရာတိုင်း Block တတ်တဲ့ တရုတ်မှာ အရမ်းလူသုံးများတဲ့ Free VPN Service တစ်ခုပါ - GPass ကို သုံးမယ်ဆိုရင် အရင်ဆုံး Software တစ်ခုကို Download ချရပါမယ် - ဒါပေမယ့် သူ Recommend ပေးထားတာက Software ကို Download လုပ်ပြီးရင် ချက်ချင်း စက်မှာ မတင်သေးပဲ Security ပိုင်းဆိုင်ရာ ခိုင်မာရေးအတွက် စစ်ဆေးခိုင်းထားတဲ့ အဆင့်တစ်ခု အပိုပါပါတယ် - GPass ကို သုံးမယ့်သူ တစ်ယောက် ဆိုရင် သူ့ညွှန်ကြားချက် အတိုင်း မဖြစ်မနေ စစ်ဆေး သင့်ပါတယ် - GPass က Windows only ဖြစ်ပါတယ် - Registration လုပ်ဆောင်ဖို့ မလိုပါဘူး -

CyberGhost

CyberGhost ဆိုတာ Windows သီးသန့် VPN client တစ်ခုပါပဲ - တစ်လကို Encypted traffic - 1GB ပေးပါတယ် - သူ့ Service ကို သုံးမယ်ဆိုရင် Free account အတွက် Register လုပ်ဖို့လိုပါတယ် - နောက်ပြီး သူ့ကို သုံးမယ်ဆိုရင် Web surfing ပဲ လုပ်လို့ ရပါမယ် - File sharing လုပ်လို့မရပါဘူး -

AnchorFree Hotspot Shield

သူကလည်း Free VPN ပါ - AnchorFree Hotspot Shield ကို Windows, Mac နဲ့ iPhone ( iPhone login information ) တွေမှာ အသုံးပြုလို့ ရပါတယ် - နောက်တစ်ခုက “Unlimited bandwidth” ဖြစ်ပါတယ် - Hotspot Shield ကို သုံးမယ်ဆိုရင် တစ်ခု စိတ်ပျက်စရာ ကောင်းတာက သူ့ Service ကနေပြီး Web pages တြွေကည့်တဲ့ အချိန်မှာ ကြော်ငြာတွေထည့်ပါတယ် - ဒါကို သဘောမကျရင်တော့ Firefox users တွေအနေနဲ့ NoScript extension ကို သုံးပြီး ကြော်ငြာတွေကို Hide ထားလို့ ရပါတယ် -

Its Hidden

Its Hidden ကို သုံးမယ်ဆိုရင် Free service အနေနဲ့လည်း သုံးလို့ ရသလို သဘောကျလို့ Paid solutions ကို ပြောင်းသုံးလို့ လည်းရပါတယ် - Registration လုပ်ဖို့ လိုပါတယ် - Signed up လုပ်ပြီး သွားရင် OS ကနေ သုံးဖို့ အတွက် Set-up guide ကိုကြည့်ပြီး လုပ်ဆောင်ပါ - ဒီ Service က VPN ကို Support ပေးတဲ့ Operating system တိုင်းမှာ သုံးလို့ ရပါတယ် -

SecurityKiss

SecurityKiss ကတော့ တစ်နေ့ကို 300MB - Data transfer ပေးပါတယ် - သူ့ကို သုံးမယ်ဆိုရင် Service နဲ့ access လုပ်နိုင်ဖို့ SecurityKiss software လိုပါတယ် - Windows အတွက် ဖြစ်ပါတယ် -

Best Free VPN Service

ဒီ Service ကတော့ တစ်ခြား Services တွေနဲ့ မတူပါဘူး - Best Free VPN က Free ပေးတာမှန်ပေမယ့် သူ့ရဲ့ VPN ကို သုံးဖို့ ပေးထားတဲ့ Password ကို ၁၂ နာရီကြားတစ်ခါ ချိန်းပါလိမ့်မယ် - ဒါ့ကြောင့် ဒီ Service ကို သုံးမယ့် သူတွေက သူ့ Website ကို Bookmark မှတ်ထားဖို့လိုပြီး ပုံမှန် Password ကိုပြောင်းပေးနေဖို့လိုပါလိမ့်မယ် - Best Free VPN က သိပ်ပြီးတော့ Speed မကောင်းပါဘူး Download အတွက် 512Kbit/s နဲ့ Upload အတွက် 256Kbit/s ပဲ Bandwidth ပေးပါတယ် - နောက်တစ်ချက်က P2P services လည်း မပေးပါဘူး - ဒါပေမယ့်လည်း Web surfing အတွက်ပဲ ဆိုရင်တော့ သုံးမယ်ဆို သုံးပျော်ပါတယ် -

အနှစ်ချုပ်

ကျွန်တော် အထက်မှာ ဖော်ပြခဲ့ပြီးသလို Free ရတဲ့ Services တွေဆိုတာ ကောင်းတာတွေလည်း ရှိသလို စိတ်ပျက်ဖို့ ကောင်း တာမျိုးတွေလည်း ရှိပါတယ် - အထက်မှာ ဖော်ပြခဲ့တဲ့ Services တွေထဲက တစ်ခု စမ်းသုံးကြည့်လို့ အဆင်မပြေ ဖြစ်ခဲ့ ရင် နောက်တစ်ခုကို ပြောင်းလဲ စမ်းသပ်ကြည့်ကြပါ - နောက်တစ်ခု သီးခြား အကြံပြုလိုတာ သာမန် အပျင်းပြေ အိမ်သုံးလောက် မဟုတ်ပဲ - Security ပိုင်းဆိုင်ရာ အရမ်း အရေးကြီးလာခဲ့ ပြီ ဆိုရင်တော့ ကျွန်တော် အကြံပြုခဲ့တဲ့ Free VPN Services တွေ အစား Paid VPN services တွေကို ပြောင်းလဲ အသုံးပြုကြဖို့ အကြံပြုလိုပါတယ် - အခု ဖော်ပြခဲ့တဲ့ အကြောင်းအရာ မှာ ကျွန်တော် အဓိက ဖော်ပြချင်တာ VPN ရဲ့ အရေးပါပုံ - အင်တာနက်တွင်းမှာ လှည့်ပတ်သွားလာမယ် ဆိုရင် Privacy နဲ့ Security ကဏ္ဍ အရေးပါပုံ နဲ့ ဘယ်လို လုံခြုံအောင် ကာကွယ်နိုင်မယ် ဆိုတာ ချပြချင်ယုံ သက်သက် ရေးသား ထားခြင်းသာ ဖြစ်ပါတယ် - ဒါ့ကြောင့် VPN အကြောင်းကို အသေးစိတ် လေ့လာလိုသူများ အနေနဲ့ သက်ဆိုင်ရာ ဆက်စပ်ဖော်ပြ ခဲ့တဲ့ Links များမှ တစ်ဆင့် သွားရောက် လေ့လာကြဖို့ တိုက်တွန်းလိုပါတယ် - ဒီအကြောင်းအရာနဲ့ ပတ်သတ်ပြီး တစ်ခြား မိမိသိရိှထားတဲ့ Free VPN Services ကောင်းများ ရှိသေးမယ် ဆိုရင်လည်း ဒီနေရာမှာ ပူးတွဲ မျှဝေပေးကြဖို့ မေတ္တာရပ်ခံ ပါရစေ -

KznT.