Beginner Guide for OneNote 2010

ကျွန်တော် သူ့ အကြောင်းကို မိတ်ဆက် ပေးချင်တာ ကြာပါပြီ - မိတ်ဆက်ပေးချင်တယ် ဆိုပေမယ့် တစ်ချို့လည်း လတ်တလော သုံးကောင်း သုံးနေကြမှာပါ - ကျွန်တော် ပြောပြချင်တယ်ဆိုတာက Microsoft Office ကို သုံးပြီး Word - Excel - Powerpoint နဲ့ Outlook လောက်ပဲ သုံးဖြစ်နေတဲ့ မိသားစုဝင်တွေ အတွက် နယ်ပယ် သစ်တစ်ခုကို တိုးဝင်ကြည့်စေချင်တဲ့ သဘောမျိုးလောက်ပါပဲ - သူ့ အကြောင်းကို ကျွန်တော် မပြောခင်မှာ နည်းပညာ သမားတွေ အတွက် မဖြစ် မနေ လေ့လာသင့်တဲ့ အင်္ဂလိပ် ဆိုဒ် တစ်ခုကိုလည်း မိတ်ဆက်ပေးချင်ပါသေးတယ်။ အဲ့ ဆိုဒ် နာမည်ကတော့ How-To-Geek ပါ - နည်းပညာနဲ့ ပတ်သတ်ပြီး လေ့လာတဲ့ သူတိုင်း အဲ့ဆိုဒ်ကို တော်တော်များများ သိကြပါတယ်။ ခု ကျွန်တော် ရေးမယ့် အကြောင်းကိုလည်း How-To-Geek မှာ ဖော်ပြထားတဲ့ ဆောင်းပါးတစ်ပုဒ်ကို မှီငြမ်းပြီး ဖော်ပြသွားမှာ ဖြစ်ပါတယ်။ သူ့နာမည်ကတော့ OneNote ပါ - OneNote ကို စတင်ထိတွေ့မိတော့ သူ့ကို ကျွန်တော် ကောင်းကောင်း အသုံးမချတတ်ဘူး - အဲ့တုန်းက How-To-Geek ကိုလည်း ကျွန်တော် မသိသေးခဲ့ပါဘူး - ဆန်းဆန်းပြားပြားဆို လက်တည့် စမ်းစေချင်လို့ OneNote ကို ကိုယ်တိုင် စာဖတ်ပြီး စမ်းသုံးခဲ့ပါတယ်။ ကျွန်တော် သိခဲ့တဲ့ အခြေခံ အကြောင်းအရာလေးတွေ အသုံးတည့်တဲ့ features လေးတွေ အကြောင်းတွေ - အသုံးချပုံ အကြမ်းဖျဉ်းလေးတွေကို ကျွန်တော်ခု ဒီနေရာကနေ ဖော်ပြပေးသွားပါ့မယ်။ ဒီစာမှာ ကျွန်တော် OneNote 2010 ကို ဥပမာထားပြီး အသားပေး ဖော်ပြသွားပါ့မယ်။

OneNote ဆိုတာဘာလဲလို့ အကြမ်းဖျဉ်း ရှင်းရမယ် ဆိုရင် ကျွန်တော်တို့တွေ တော်တော်များများ လုပ်ငန်းကိစ္စ - ကိုယ်ရေး ကိုယ်တာကိစ္စ - မှတ်စရာ သိစရာ အသေးစိတ် အချက်အလက် ဆိုတာတွေ အတွက် မှတ်စု စာအုပ် ( Notebook ) သို့တည်းမဟုတ် Diary ဆိုတာမျိုး လူတိုင်းနီးပါး ဆောင်တတ်ကြပါတယ်။ OneNote ဆိုတာက အဲ့ဒီ့ လိုအပ်ချက်တွေကို ဖြည့်ဆည်းပေးမယ့် ကျွန်တော်တို့ လက်ရှိသုံးနေတဲ့ Notebook တို့ Diary တို့ နေရာမှာ အစားထိုးဝင်ရောက်လာတဲ့ Product တစ်ခု ဖြစ်ပါတယ်။ အသုံးမချဖူးသူ တစ်ယောက်အတွက် စစသုံးချင်းမှာ စိမ်းနေနိုင်ပေမယ့် အသုံးပြုဖူးပြီးသွားရင် သူ့ရဲ့ လုပ်ဆောင်ချက် သဘောတရားတွေကို ကောင်းကောင်း သဘောပေါက်ပြီး ရင်းနှီးကျွမ်းဝင်သွားပါလိမ့်မယ်။

OneNote 2010 အား စတင်ထိတွေ့ခြင်း

Office 2010 ကို တင်ပြီဆိုရင် တစ်ချို့က Customize ရွေးတင်တတ်ကြပေမယ့် တော်တော်များများကတော့ Default တင်ကြတာ များပါတယ်။ အဲလို Default တင်တတ်တဲ့ သူတွေ အတွက် OneNote ဆိုတာ Office 2010 မှာ Starter edition ကလွဲရင် ပါဝင်လာပြီးသား ဖြစ်မှာပါ။

Office 2010 ကို installed လုပ်ဆောင်ပြီးသွားရင် OneNote 2010 ကို Start Menu မှာရှိတဲ့ Microsoft Office folder ထဲမှာ ခုလို အလွယ်တကူ ရှာဖွေတွေ့ရှိနိုင်ပါတယ်။

တစ်ချို့ကျတော့လည်း Office 2010 ကို ဒေါင်းလုပ် မချရသေးလို့ ဒီ အကြောင်းအရာကို ဖတ်တဲ့ အချိန်မှာ စမ်းသပ်ကြည့် ချင်ပေမယ့် စမ်းလို့ မရဖြစ်ပြီး အံတကျိတ်ကျိတ် ဖြစ်ကောင်း ဖြစ်နေနိုင်ပါတယ်။ :D အဲလို မဖြစ်ပါနဲ့ ဒီကောင်လေး စမ်းသုံးကြည့်ချင်တဲ့ စိတ် တစ်ခုတည်း အတွက်နဲ့ Office 2010 ကြီး install လုပ်နေဖို့ မလိုပါဘူး - OneNote 2010 နောက်တစ်နေရာကနေ စမ်းသပ်သုံးစွဲကြည့်လို့ ရပါသေးတယ်။ ဒီနေရာကနေ သွားပြီး Browsers တွေကနေ သုံးစွဲလို့ ရတဲ့ ခုနောက်ထွက် Office Web Apps ကနေ တစ်ဆင့် OneNote 2010 ကို စမ်းသပ်ကြည့်လို့ ရပါတယ်။ သူ့မှာပါတဲ့ feature တွေက ကျွန်တော်တို့ လက်တလော စက်ထဲမှာ installed လုပ်ပြီး သုံးစွဲနိုင်တဲ့ OneNote 2010 ထက် နည်းပါးပေမယ့် စမ်းသပ်သုံးစွဲ ကြည့်ယုံလောက်လေး တစ်ခုတည်း အတွက်တော့ တော်တော်လေး အသုံးတည့်ပါတယ်။ ဒီအောက်က ပုံကတော့ Office Web Apps မှာပါတဲ့ OneNote 2010 ကို Browser ကနေ တစ်ဆင့် တွေ့နေရတဲ့ ပုံပါ။

မည်သို့ လုပ်ဆောင်မည်နည်း



OneNote ကို ကျွန်တော်တို့ စတင်လိုက်တာနဲ့ ပထမဆုံး သူကနေပြီး example notebook တစ်အုပ်နဲ့ မိတ်ဆက်ပေးပါလိမ့်မယ်။ သူဖော်ပြထားတဲ့ ဖော်ပြချက်လေးတွေကို ဖတ်ပြီး ဘယ်လို အသုံးပြုရမယ် ဆိုတာ အလွယ်တကူ သိရှိနားလည်နိုင်ပါတယ်။

OneNote ဆိုတာ ကျွန်တော်တို့ တကယ့် ပြင်ပမှာ ကဏ္ဍအသီးသီးက ကွဲထွက်နေတဲ့ Notebooks ပေါင်းများစွာကို တစ်နေရာတည်းမှာ ပေါင်းစည်းပေးထားနိုင်တဲ့ နေရာပါ။ အဲလို ပေါင်းစည်းတဲ့ နေရာမှာ ကဏ္ဍတစ်ခုချင်းစီ အလိုက် ခေါင်းစီးမှာ ရှိနေတဲ့ General - Unfiled Notes စသဖြင့် Sections လိုက် ခွဲထားစလို Sections တစ်ခုချင်းစီမှာလည်း ထပ်ပြီး ညာအစွန်မှာ မြင်နေရတဲ့ Pages တွေ အဖြစ် အကြောင်းအရာ တစ်ခုချင်းစီကို ထပ်မံ စိတ်ဖြာလို့ ရပါသေးတယ်။ ဒါက Notebook တစ်ခုတည်း အတွက် စိတ်ဖြာမှုပဲ ရှိပါသေးတယ်။ တကယ်လို့ ကိုယ်က Notebook တွေကို ကိုယ်ရေးကိုယ်တာ အပြင် - ပညာရေး - လူမှုရေး - စီးပွားရေး - စသဖြင့် နောက်ထပ် ကဏ္ဍသီးခြားထားပြီး Note ရေးချင်တယ် ဆိုရင် နောက်ထပ် Notebook အသစ်တွေကိုလည်း ဘယ်ဘက်ခြမ်းမှာ မြင်နေရတဲ့ Personal ဆိုတဲ့ နေရာကနေ တစ်ဆင့် Create လုပ်လို့ ရပါသေးတယ်။

နောက်တစ်နည်း အနေနဲ့ Notebook အသစ်တစ်ခုကို File tab ကနေလည်း Create လုပ်လို့ ရပါတယ်။ နောက်တစ်ချက် အနေနဲ့ အင်တာနက်နဲ့ ချိတ်ဆက်ထားပြီးသား ကွန်ပြူတာ တစ်လုံးအဖို့ ကိုယ့် ကွန်ပြူတာ ထဲက Notebooks တွေကို အောက်ဖော်ပြပါ နေရာကနေ တစ်ဆင့် Online မှာ ရှိနေတဲ့ Office Web Apps နဲ့ ချိတ်ဆက်ပြီး ကမ္ဘာ့နေရာအနှံ့ အသီးသီးက ကြိုက်နှစ်သက်ရာ နေရာကနေ access လုပ်နိုင်ဖို့ ဖန်တီးထားနိုင်သလို တစ်ခြား မိမိရဲ့မိသားစု သူငယ်ချင်းတွေကိုလည်း Share လုပ်ထားလို့ ရပါသေးတယ်။ ဒီလို လုပ်ဆောင်နိုင်ဖို့ ကျွန်တော်တို့မှာ Windows Live ID တစ်ခု ရှိထားဖို့တော့ လိုပါတယ်။

ကိုယ် ဖန်တီးထားတဲ့ Notebook ထဲမှာမှ အကြောင်းအရာ အသစ်တစ်ခုကို section အသစ် တစ်ခု အနေနဲ့ ဖွင့်ပြီး ရေးချင်ပြီ ဆိုရင် Tab မှာ ရှိနေတဲ့ Star လေးကို ကလစ်ပေးပြီး နောက်ထပ် Sections တွေ ခွဲထုတ်လို့ ရပါတယ်။ ဒီနေရာမှာ ကျွန်တော်တို့ ရောထွေးမှု ရှိနိုင်တာလေးက Pages - Sections နဲ့ Notebooks တွေရဲ့ သဘောတရားတွေကို နားလည်ဖို့ လိုလာပါတယ်။ Pages ဆိုတဲ့ သဘောက ခေါင်းစဉ်ကြီး တစ်ခုအောက်က ကဏ္ဍခွဲ သေးသေးလေးတွေကို ခွဲခြား ရေးသားတာကို ခေါ်တာပါ။ Sections ဆိုတာက Pages ထဲမှာ ပေါင်းရေးလို့ မရတဲ့ အကြောင်းအရာကွဲ တွေကို သပ်သပ် ခေါင်းစဉ်ကြီး ထုတ်ပြီး ခွဲခြား ရေးသားတာကို ခေါ်ပါတယ်။ Notebooks ဆိုတာကတော့ အဲလို အကြောင်းအရာပေါင်းများစွာကို ပေါင်းချုပ်ထားတဲ့ စာအုပ် ကို ခေါ်တာပါ။ Pages အသစ်တစ်ခု ဖန်တီးဖို့ အတွက် ညာဘက်ခြမ်းမှာ ရှိနေတဲ့ New Page ကနေ အလွယ်တကူ ဖန်တီးနိုင် ပါတယ်။ 

Sections အလိုက်မှာ စာတွေရေးတယ် ရေးရင်းနဲ့ Pages တွေကလည်း များလာပြီ ကြည့်ရတာ မျက်စိလည်း နဲနဲ ရှုပ်လာပြီ ထင်ရင် Pages သက်ဆိုင်ရာ ခေါင်းစဉ်တစ်ခုတည်း အောက်ကို Sub-pages တွေ အနေနဲ့ ပေါင်းထည့်လိုက်လို့ ရပါတယ်။ အစီအစဉ် မကျ ဖြစ်နေရင်လည်း pages တွေကို Drag ဆွဲပြီး အထက်အောက် အစီအစဉ်ကျအောင် ပြင်ဆင်လို့ ရပါတယ်။

Notes များရေးသားခြင်း

OneNote ထဲမှာ Note ရေးတော့ မယ် ဆိုရင် စာပဲ ရေးရေး - ပုံပဲ ထည့်ထည့် Page ရဲ့ ကြိုက်တဲ့ နေရာမှာ ကြိုက်သလို ရေးလို့ ရပါတယ်။ သူက လုံးဝကို Free style ပါ။ Word လိုမျိုး ဘောင်တွေ စည်းမျဉ်းတွေ မရှိဘူး - ကျွန်တော်ကတော့ သူ့ထဲမှာ စာရေးရတာ Word မှာ ရေးနေရတာထက် ပိုလွတ်လပ် နေသလိုပဲလို့ ခံစားမိပါတယ်။ တစ်ခုခုကို Cursor ချပြီး ချရေးလိုက်ပြီ ဆိုတာနဲ့ သူက ကိုယ့်စာတွေ အားလုံးကို box လေးတစ်ခုနဲ့ ဘောင်ခတ် ဖော်ပြသွားပြီး ကိုယ်ရိုက်သမျှ Auto Save ပေးပါတယ်။ အဲတာကြောင့် Word မှာလိုမျိုး စာတွေ အများကြီး ရိုက်ထားပြီးကာမှ မီးပျက်လို့ Save မထားလိုက်မိပဲ အကုန် ပြန်ရိုက်နေရတယ် ဆိုတာမျိုး ပြဿနာတွေကနေ လွတ်ကင်းစေပါတယ်။ ဒါတင်မက ကိုယ် ရိုက်ထားတဲ့ စာတွေပါတဲ့ box လေးကို Page ပေါ်မှာပဲ ဟိုဟိုဒီဒီ ကြိုက်တဲ့နေရာ ရွှေ့ပြောင်းလို့လည်း ရပါသေးတယ်။

OneNote ကို စစဖွင့်ဖွင့်ခြင်းမှာ editing tools တွေလည်း ဘာမှ မပါပါလားဆိုပြီး ထင်စရာ ရှိပါတယ်။ ဒါက Default အနေနဲ့ သူက အမြင်ရှင်းအောင် ဖွက်ထားပေးတာပါ။ အောက်မှာ ဖော်ပြထားတဲ့ အတိုင်း Home - Insert ဒါမှမဟုတ် တစ်ခြား Tabs တစ်ခုခုကို နှိပ်လိုက်တာနဲ့ Tools အများအပြားကို ဖော်ပြပါအတိုင်း စတင်တွေ့မြင်ရပါလိမ့်မယ်။

တကယ်လို့ ကိုယ်က OneNote စဖွင့်တည်းက ဒီလို tools တွေကို တစ်ခါတည်းမြင်ချင်တာမျိုး ဆိုရင်လည်း အောက်မှာ ဖော်ပြထားတဲ့အတိုင်း exit button နားက Arrow လေးကို Click ပေးပြီး ပြင်ဆင်ထားနိုင်ပါတယ်။

OneNote ကို သုံးရတာ တစ်ခြား စိတ်ဝင်စားစရာတွေလည်း အများကြီး ရှိပါသေးတယ်။ OneNote မှာပါတဲ့ Insert tab ကနေ ပြီး files တွေ vidoes တွေနဲ့ screen clippings တွေကိုလည်း ကိုယ့် notes ထဲမှာ ထည့်သွင်းလို့ ရပါသေးတယ်။ စာအုပ်နဲ့သာ ရေးရင် ဒါမျိုးတွေက ထည့်သွင်းဖော်ပြလို့ ရတာမျိုး မဟုတ်ပါဘူး။ အခုတော့ ကိုယ့် ကွန်ပြူတာထဲက Diary လို့ ပြောလို့ ရတဲ့ ဒီ Notebook ထဲမှာပဲ လိုတာအားလုံး ထည့်သွင်း သိမ်းဆည်းထားလို့ ရပါတယ်။ သူ့မှာပါတဲ့ screen clipping tool ဆိုတာကလည်း တော်တော်လေး အသုံးဝင်ပါတယ်။ OneNote ကိုဖွင့်ထားလိုက်ပြီး အောက်မှာ ပြထားတဲ့ အတိုင်း button ကို နှိပ်ပြီး ဖြစ်ဖြစ် keyboard shortcut Win+S ကို နှိပ်လိုက်တာနဲ့ Screen ပေါ်က ကြိုက်ရာအပိုင်းကို capture လုပ်လိုက်လို့ ရပါတယ်။ သူက Capture လုပ်ပြီးတာနဲ့တစ်ခါတည်း ဘယ် Notebook ထဲမှာ ထည့်သိမ်းချင်လဲ ဆိုတာကိုပါ မေးတာမျိုးပါ။ အဲတော့ သီးသန့်ကြီး Capture လုပ်လိုက်  OneNote ထဲ သွားထည့်လိုက် ဆိုတာမျိုးတွေလည်း နှစ်ခါလုပ်ဆောင်ဖို့ မလိုတော့ဘူးပေါ့။ 

ဒါတင်မက ကိုယ့် ကွန်ပြူတာက touchscreen ဖြစ်ဖြစ် drawing tablet ဖြစ်ရင် ဖြစ်ဖြစ် - ink notes တွေကိုလည်း OneNote ထဲမှာ ဖန်တီးလို့ ရပါသေးတယ်။

အပေါ်မှာ ဖော်ပြခဲ့ပြီးသလို OneNote ဆိုတာ ကျွန်တော်တို့နဲ့ သက်ဆိုင်တဲ့ ကိုယ်ရေးကိုယ်တာ - စီးပွားရေး - လူမှုရေး သတင်းအချက်အလက် ဆိုင်ရာတွေကို တစ်နေရာတည်းမှာ ပေါင်းစု သိမ်းဆည်းထားမယ့် နေရာဖြစ်လို့ ကဏ္ဍတွေ ရှုပ်ထွေးပြီး တစ်ခုခု အရေးပေါ် သိချင်လိုချင်တဲ့ အခါမှာ ရှာဖွေရ ခက်ခဲနေတတ်တာမျိုး ရှိလာနိုင်ပါတယ်။ ဒီလို အခက်အခဲမျိုးကို ဖြေရှင်းနိုင်ဖို့ သူ့ထဲမှာ advanced search ဆိုတာ ထည့်သွင်းပေးထားပြီး အဲကနေ တစ်ဆင့် စာသားအလိုက် - ဓာတ်ပုံအလိုက် စသဖြင့် အသေးစိတ် ရှာဖွေနိုင်ပါတယ်။  လုပ်ဆောင်နည်းကတော့ ကိုယ်ရှာဖွေချင်တဲ့ စာလုံးအတိုအထွာလေးကို Window ရဲ့ ညာဘက် အပေါ်ထောင့်က Search box မှာ ရိုက်သွင်းပြီး ရှာဖွေခိုင်းလိုက်ပါ။ အောက်ဖော်ပြပါအတိုင်း ကိုယ်လိုချင်တဲ့ စာသားနဲ့ ကိုက်ညီအောင် OneNote က ရှာဖွေ ဖော်ပြပေးပါလိမ့်မယ်။

OCR technology အကြောင်း ကြားဖူးသူတွေ ရှိနိုင်သလို အသေးစိတ် နားလည်ပြီးသား သူတွေလည်း ရှိနိုင်ပါတယ်။ OCR technology ဆိုတာကို စိမ်းနေသူတွေ အတွက် အကျဉ်းဖော်ပြပေးရရင် OCR technology ဆိုတာ Optical character recognition လို့ ခေါ်ပြီး scanned လုပ်ထားတဲ့ images တွေမှာ ပါတဲ့ လက်ရေးမူ ဒါမှမဟုတ် စက်ရေးမူတွေကို machine-encoded text အဖြစ်ပြောင်းလဲ ပေးတဲ့ နည်းပညာကို ခေါ်ပါတယ်။ ဒီထက်နားလည်လွယ်အောင် ပြောရရင်တော့ ဓာတ်ပုံပေါ်က စာကို Word file ပြောင်းတဲ့ နည်းပညာလို့ အလွယ်ပြောရမှာပါ။ အဲလို OCR technology ကို သုံးနိုင်ဖို့ ဆိုရင် ပုံမှန်အားဖြင့် Software တစ်ခုကို ဒေါ်လာရာနဲ့ချီ ဝယ်သုံးရပါတယ်။ ဥပမာ အနေနဲ့ ပြောရရင် ABBYY FineReader တို့ Evernote တို့ နောက် Adobe Acrobat နဲ့ OmniPage - Readiris ဆိုတာမျိုးတွေ ဖြစ်ပါတယ်။ ဒါတွေ အားလုံးကို ကျွန်တော်တို့က OCR technology အတွက် သီးသန့်ထပ်ဝယ်ပြီး သုံးဖို့ မလိုတော့ပါဘူး OneNote အသုံးဝင်တဲ့ OCR technology ပါဝင်ပေါင်းစပ်ထားပြီးသား ဖြစ်ပါတယ်။ သူ့ကို သုံးပြီး images ထဲမှာ ဖော်ပြပါဝင်တဲ့ စာတွေကို text အဖြစ် ပြောင်းလဲလို့ ရပါတယ်။ ( မှတ်ချက် - မြန်မာစာ မရပါ :D ) 

အကြောင်းအရာများအား OneNote သို့ ပေးပို့ခြင်း

Default အနေနဲ့ OneNote ကို တစ်ကြိမ် Run ထားရင် နောက်ပိုင်း Window အဖွင့်အပိတ်မှာ OneNote က system tray ထဲမှာ ရှိနေတတ်ပြီး အဲကနေ တစ်ဆင့် screen capture လုပ်ဆောင်ဖို့နဲ့ Note အသစ်တစ်ခု ရေးဖို့အတွက် လွယ်ကူ အဆင်ပြေစေ ပါတယ်။

နောက်ထပ် ကောင်းတာလေး တစ်ခုက OneNote ကို install လုပ်လိုက်တာနဲ့  virtual printer တစ်ခု အလိုလို install လုပ်ဆောင်ပေးပြီးသား ပါဝင်လာပါတယ်။ ဒါပါဝင်လာခြင်းအားဖြင့် ဘာကောင်းသွားလဲ ဆိုရင် Program တစ်ခုခုကနေ ပြီး OneNote ဆီကို တိုက်ရိုက် info တွေ ထည့်သွင်းသွားလို့ ရပါတယ်။ လုပ်ဆောင်ရမယ့် လုပ်ငန်းစဉ်အနေနဲ့ ပုံမှန်အတိုင်း သက်ဆိုင်ရာ Program ကနေ Print ကိုရွေးပေးပြီးပဲ ဖြစ်ဖြစ် Ctrl+P ပဲ နှိပ်ပြီး ဖြစ်ဖြစ် ပေါ်လာတဲ့ Print Dialog Box ကနေ Send To OneNote 2010 ကို ရွေးပေးပြီး Print လိုက်ယုံပါပဲ။ 

ဒါတင်မက ကျွန်တော်တို့ installed လုပ်ဆောင်ထားတဲ့ Office suit မှာ Outlook ထည့်သွင်း ထားတယ် ဆိုရင် Outlook ကနေ တစ်ဆင့် ကိုယ့်အတွက် အမှတ်ရဖို့ လိုအပ်တဲ့ Mails တွေကို OneNote ရှိရာဆီ အောက်ဖော်ပြပါအတိုင်း တိုက်ရိုက် ပို့လွှတ်လို့ ရပါတယ်။ ဒီလိုလုပ်ဆောင်ထားခြင်း အားဖြင့် အရေးကြီး တဲ့ Mails တွေကို နောက်တစ်ကြိမ် Mails ပေါင်းများစွာရဲ့ ကြားမှာ ခေါင်းစားလောက်အောင် ပြန်ရှာစရာ မလိုပဲ အရေးကြီး အချက်အလက်တွေ သိမ်းဆည်းထားနိုင်ပါလိမ့်မယ်။

အဲလိုနည်းနဲ့ မဟုတ်ပဲ OneNote ကို ကိုယ့် Screen ပေါ်က ညာဘက်ခြမ်းမှာ ကပ်ခိုင်းထားပြီး တစ်ခုခု စိတ်ဝင်စားစရာ တွေ့ရင် အလွယ်တကူ Note ထုတ်မှတ်သားနိုင်အောင်လည်း ပြင်ဆင်ထားနိုင်ပါသေးတယ်။ လုပ်ဆောင်ဖို့ကတော့ အောက်မှာ ဖော်ပြထားတဲ့ အတိုင်း Dock to desktop button ကို Click ပေးလိုက်ဖို့ပါ။  

အနှစ်ချုပ်

ကျွန်တော် ခု ဖော်ပြခဲ့ပြီး သလောက်ဆို OneNote ရဲ့ သဘောတရားနဲ့ အသုံးချပုံ တစ်ချို့ကို နားလည်ပြီး အစပျိုးနိုင်လိမ့်မယ် လို့ မျှော်လင့်မိပါတယ်။ ကျွန်တော်က How to ဆန်ဆန် ဖော်ပြချင်တာ မဟုတ်တဲ့ အတွက် လုပ်ဆောင်ပုံ အသေးစိတ်ကို အဆင့်လိုက် တစ်ဆင့်ချင်း အသေးစိတ် ဖော်ပြမသွားနိုင်တာ နားလည်ပေးကြ စေချင်ပါတယ်။ နောက်ဆုံး ဖော်ပြချင်တာကတော့ OneNote 2010 ဆိုတာ Notes တွေ ရေးသားတဲ့ အခါ - စိတ်ကူးတွေ ပုံဖော်တဲ့ အခါ - အကြောင်းအရာတစ်ခုချင်းစီ အလိုက် screenshots တွေ ဖန်တီး မှတ်သားတဲ့ အခါနဲ့ အခြားအသေးအဖွဲ ကစပြီး အရေးပေါ် အကြောင်းအရာထိ မှတ်သားလွယ်ကူဖို့ အကောင်းဆုံး Microsoft ရဲ့ Product တစ်ခု ဖြစ်ပါတယ် ဆိုတဲ့ အကြောင်း မိတ်ဆက် ဖော်ပြရင်း အဆုံးသတ်လိုက်ပါတယ်။ 

KznT.

Virtual Drive and ISO images

Originally Posted by နှင်းမောင်
virtual drive format file ဆိုတာ ကျနော် နားလည်သလို ပြောလိုက်တာပါ။ virtual drive ထဲထည့်ပြီး သုံးလို့ရအောင် ကျနော် သူငယ်ချင်းတယောက်ဆီက Myanmar Encyclopedia CD ရထားပါတယ်။ ပုံစံလေးက တြိဂံစီဒီပုံလေး ဖြစ်ပြီးတော့။ VCD file လို့ပြပါတယ်။ အဲဒါလေးကို ကျနော် အလွယ် virtual drive format လို့ပြောလိုက်တာပါ။ ခွေနဲ့ မသုံးဘဲ ဆော့ဝယ်စီဒီအချို့ကို virtual drive ထဲထဲ့ သုံးချင်ပါတယ်။ အဲလိုသုံးလို့ရအောင် ဘယ်လိုရမယ်ဆိုတာကို သိချင်တာပါ။

ဟုတ်ကဲ့ပါ ကိုနှင်းမောင် - ဘာမေးချင်တယ် ဆိုတာ ကျွန်တော် သဘောပေါက်ပါပြီ။ မေးခွန်းမေးတဲ့ သူကို မေးခွန်းပြန်မေးတာ ကိုတော့ စိတ်မရှိပါနဲ့ဗျာ - ဝိုးတစ်ဝါးနဲ့ စိတ်ထဲထင်တာ ဖြေလိုက်ရင်ကျ ကိုနှင်းမောင် အတွက်လည်း အကျိုးမရှိ - ကျွန်တော့် အတွက်လည်း အချိန်ပေးရပြီး တန်ဖိုးမရှိလို့ပါ။ ကိုနှင်းမောင် နားလည်လွယ်အောင် ကျွန်တော် အကြမ်းဖျဉ်းပြောရရင် virtual drive format file ဆိုတာမျိုးရယ်တော့ မရှိဘူး ကိုနှင်းမောင်ရ - အဲ့တာကိုပဲ ပိုနားလည်လွယ်အောင် ပြောရရင် ကျွန်တော် အရင်ဆုံး ပြန်ပြောရမှာ Virtual CD / DVD Drive ဆိုတာတွေ အကြောင်း နဲနဲ အစပြန်ခေါ်မှ ရမယ် ထင်တယ်။ Virtual CD / DVD Drive ဆိုတာ ကျွန်တော်တို့ရဲ့ operating system မှာ တကယ် DVD / CD drives တွေတပ်ဆင်ထားတာမျိုး မဟုတ်ပဲနဲ့ ကိုယ့် OS ထဲမှာ တကယ့် DVD / CD drives တွေ တပ်ဆင်ထားသယောင် မြင်တွေ့နေရပြီး အဲ့ကနေ တစ်ဆင့်လည်း DVD / CD images ( ISO images ) တွေကို တိုက်ရိုက် Mount လုပ်ပြီး သုံးနိုင်တာမျိုးကို ခေါ်တာပါ။ ထူးခြားသွားချက်ကတော့ DVD / CD images ( ISO images ) တွေကို အသုံးချနိုင်ဖို့ ကျွန်တော်တို့ သီးသန့် အခွေရိုက်ထုတ်နေစရာ မလိုတော့ဘူး - CD / DVD ROM တွေ စက်မှာ ရှိမနေလည်း ဒီ အခွေထဲမှာ ရှိတဲ့ အကြောင်းအရာ မှန်သမျှကို ကျွန်တော်တို့ Virtual CD / DVD Drive ကနေတစ်ဆင့် ဇာတ်ကားဆို ကြည့်ရှုလို့ ရတယ် - သီချင်းတွေဆို ခံစားလို့ ရတယ် - နည်းပညာရပ်တွေဆို လေ့လာလို့ ရတယ် - Software တွေဆို တိုက်ရိုက် install လုပ်ပြီး စမ်းသပ်လို့ ရမယ် - စတာတွေ ဖြစ်ပါတယ်။ ဒါတွေကို ကိုနှင်းမောင်လည်း သိသင့်သလောက် သိပြီးသား ဖြစ်မှာပါ။

ဒါကိုပြန်ပြောရတဲ့ အကြောင်းအရင်းက Virtual drive format file ရယ်လို့ သီးခြား ကွဲထွက်မသွားဘူး ဆိုတာ သိစေချင်လို့ပါ။ များသောအားဖြင့် Virtual drive နဲ့ Mount လုပ်ပြီး သုံးဖို့ ဆိုရင် ကျွန်တော်တို့ အများဆုံး အသုံးပြုကြတာ ISO images တွေပါ။ Virtual drive ကနေ Mount လုပ်ပေးနိုင်တဲ့ တစ်ခြား Images အမျိုးအစားတွေလည်း ရှိပါသေးတယ် - ဥပမာ ပြောရရင် ISO, BIN, IMA/IMG, CIF, NRG, IMG/CCD, MDF/MDS, VCD, C2D, VDI, BWI/BWT, TAO/DAO, PDI, P01/MD1/XA, VaporCD, နဲ့ compressed Universal Image Files လို့ ခေါ်တဲ့ (UIF) format တွေပါ။ ဒါပေမယ့် ခုနောက်ပိုင်းမှာတော့ ဂိမ်းခွေတွေကစ - Windows ခွေတွေ အလယ် - Software ခွေတွေ အဆုံး ISO ကိုပဲ သုံးလာကြတာ များပါတယ်။ ဘာကြောင့်လဲ ?? ဘာလို့လဲ ဆိုတော့ ISO images က Create လုပ်ဖို့လွယ်တယ်။ ISO images လုပ်ဖို့ ထုတ်ထားတဲ့ Software တွေဆိုတာလည်း တော်တော်များများရှိပြီး ထုတ်ထားသမျှ Software တွေ အားလုံးနီးပါးကလည်း free ပေးထားကြတာများပါတယ်။ ဒါ့ကြောင့် ISO images က ခုနောက်ပိုင်းမှာ ပိုပြီးတွင်ကျယ်လာတာပါ။ ISO images ဆိုတာ ကွန်ပြူတာ စကားလုံးအရသာ စာလုံးက နည်းနည်း ဆန်းနေတာပါ - သူ့ကို အလွယ်ပြောရမယ် ဆိုရင် CD / DVD ခွေတွေ အဖြစ်နဲ့ မသိမ်းချင်လို့ စက်ထဲမှာ images အနေနဲ့ အလွယ်သိမ်းထားတဲ့ သဘောပါပဲ။ စက်ထဲမှာ သိမ်းတာများဗျာ - ဒီအတိုင်း folder တစ်ခုထဲ ထည့်ပြီး Archiver တစ်ခုနဲ့ ချုံ့ပြီး သိမ်းထားလိုက်လည်း ဖြစ်တာပဲလို့တော့ အထွန့်တက်စရာ ရှိပါတယ်။ မှန်ပါတယ်။ အဲလို သိမ်းလို့လည်း ရပါတယ်။ ဒါပေမယ့် ISO images format နဲ့ ဘာလို့ ပြောင်းသိမ်းကြလဲ ဆိုတော့ files ပေါင်းများစွာကို format တစ်ခုတည်း အနေနဲ့ ပေါင်းပြီး သိမ်းထားလို့ ရတာရယ် - လိုမယ်ဆိုရင် CD/DVD အဖြစ်ပါ တစ်ခါတည်း ရိုက်ထုတ်လို့ ရတာရယ် - လိုလို့ အသုံးချ ချင်တယ် ဆိုရင်လည်း Virtual drive နဲ့ Mount လုပ်ပြီး တိုက်ရိုက် အသုံးပြုလို့ ရတာရယ် စတဲ့ ထူးခြားချက်လေး တွေကြောင့်ပဲ ဖြစ်ပါတယ်။

ဒါ့ကြောင့် ကိုနှင်းမောင် မေးထားတဲ့ မေးခွန်းကို ဦးတည်ချက်ထားပြီး အနှစ်ပြန်ချုပ်ရရင် Software စီဒီအချို့ကို CD/DVD မရိုက်ပဲ images ကနေတစ်ဆင့် တိုက်ရိုက် Virtual Drive ကနေ အသုံးချချင်တဲ့ အခါ ကျွန်တော်တို့ အရင်ဆုံး လုပ်ဆောင်ရမှာ ကိုယ့်ရဲ့ Files တွေ - Software တွေ စတာတွေကို Images file အနေနဲ့ တစ်ခုတည်း ဖြစ်အောင် ဖန်တီးဖို့ပါ။ ဘယ် Images အမျိုးအစားတွေ ရှိတယ်ဆိုတာတော့ ကျွန်တော် အပေါ်မှာလည်း ဖော်ပြခဲ့ပြီး ပါပြီ။ ဥပမာပေးရရင် ကျွန်တော်တို့မှာ Software တွေစုထားတာ ရှိတယ် သူတို့တွေ အားလုံးကို ပေါင်းပြီး ISO images လုပ်ကြမယ် ဆိုကြပါစို့ - ISO images အဖြစ်ဖန်တီးပေး နိုင်တဲ့ burner ပေါင်းမြောက်များစွာ ရှိပါတယ်။ တစ်ယောက်နဲ့ တစ်ယောက်က အသုံးပြုကြတဲ့ Software ချင်း မတူလို့ ကျွန်တော့် အနေနဲ့ အကုန်လိုက် ဖော်ပြမပေးနိုင်တာကိုတော့ နားလည်ပေးပါ ကိုနှင်းမောင် - ကျွန်တော်သုံးဖြစ် နေတာတော့ လတ်တလောမှာ MagicISO ပါ။ ပေါ့ပေါ့ပါးပါးနဲ့ သုံးဖို့လည်း လွယ်တာက တစ်ကြောင်း - နောက်ပြီး စစသုံးသုံး ချင်းမှာ နားမလည်တာတွေကို MagicISO Online Help ကနေ သရုပ်ပြပုံတွေနဲ့ အလွယ်တကူ လေ့လာနိုင်လို့ ခဏချင်းမှာ Software အသုံးပြုပုံကို ရင်းနှီးနိုင်တာကြောင့် ကျွန်တော် ခုထိ MagicISO ကို သုံးဖြစ်နေတာလည်း ပါပါတယ်။ MagicISO Software ကို ကျွန်တော် တင်ပေးထားတဲ့ 2010 2011 Ultimate Software Guide for Windows Users မှာရော ဒါမှမဟုတ် ဖိုရမ်က Burning Tools များအတွက် မာတိကာ မှာပါ ကိုနှင်းမောင် ရှာဖွေတွေ့ရှိနိုင်ပါတယ်။ နောက်ထပ် ကျွန်တော် သဘောကျတာကတော့ Ashampoo ပါ။ သူကလည်း တော်တော်လေး သုံးရလွယ်ပြီး CD/DVD နဲနဲ ရိုက်ဖူးတဲ့ အတွေ့အကြုံရှိသူဆိုရင် Ashampoo ကို တစ်ခါမှ မသုံးဖူးရင်တောင် ခဏချင်းနဲ့ အလွယ်တကူ သုံးတတ်စေပါတယ်။ MagicISO သုံးမယ်ဆိုရင်တော့ ISO images ဘယ်လိုပြုလုပ်ရမယ် - Bootable ISO image ဖြစ်အောင် ဘယ်လိုလုပ်ရမယ် ဆိုတာ အားလုံးကို MagicISO Online Help မှာပဲ လေ့လာနိုင်ပါတယ်။ ကျွန်တော့် ပြောခိုင်းလည်း အဲ့ကနေပဲ ကော်ပီကူးပြီး ပြန်ဖော်ပြရမှာမို့ Link ကိုပဲ ညွှန်ပြပေးလိုက်တာပါ။ ဒီလောက်ဆို iso file ဖြစ်အောင်၊ virtual drive နဲ့ အသုံးပြုနိုင်အောင်၊ Bootable ISO image ဖြစ်အောင် ဘာတွေလုပ်ဖို့ လိုအပ်မယ် ဆိုတာ ကိုနှင်းမောင် အကြမ်းအားဖြင့် သဘောပေါက်နိုင်လိမ့်မယ် ထင်ပါတယ်။ ရှေ့ဆက်ပြီး အသေးစိတ် လေ့လာမှု ကိုတော့ ကိုယ်သုံးမယ့် burner ကို လိုက်ပြီး ပြောင်းလဲ လေ့လာမှု လုပ်သွားဖို့ အကြံပြုလိုပါတယ်။

နောက်တခုကတော့ ၀င်းဒိုးခွေပါ။ ၂၀၁၀ ၀င်းဒိုး အိပ်စ်ပီလို့ အလွယ်ပြောပေမယ့် အပြည့်စုံကတော့ Windows.XP.Sp3.NASA.2nd.Generation.2010 ဖြစ်ပါတယ်။ အစ်ကို တင်ပေးထားတာလို့ ထင်ပါတယ်။

Windows.XP.Sp3.NASA.2nd.Generation.2010 က ကျွန်တော် တင်ပေးထားတာ မဟုတ်ပါခင်ဗျာ - လိုက်ရှာကြည့်တာတော့ ကိုမုန်းရခက် တင်ပေးထားတဲ့ Window XP SP3 NASA II 2010 တော့ တွေ့မိပါတယ်။ ကိုကျောက်ဖြူကလည်း အပေါ်မှာ ကိုနှင်းမောင် အတွက် Windows.XP.Sp3.NASA.2nd.Generation.2010 အတွက် Generation အသစ် ကို လိုချင်ရင် တင်ပေးမယ် ပြောထားတော့ သူ့ကိုသာ အားနာနာနဲ့ အပူကပ်လိုက်ပါဗျာ Latest လေး ရတာပေါ့

စာပြန်နောက်ကျတာတော့ ဘယ်လိုမှ စိတ်ထဲ မရှိပါနဲ့ဗျာ - ကျွန်တော်လည်း တစ်ခြား ပြဿနာလေးတွေ လိုက်ရှင်းနေရတာရယ် - အလုပ်လေးလည်း တစ်ဖက် ရှိနေလို့ပါ။

အဆင်ပြေပါစေ ကိုနှင်းမောင် -

KznT.

.Net Framework and NET Version Detector

Originally Posted by ဝင်းအောင် ဒါလောက်လေးနဲ ့ဝင်းဒိူ းချရအောင်လည်း မလုပ်ချင်ဘူး။ အစ်ကိုပြောသလို Antivirus ပြောင်းကြည် ့ရင်ကောင်းမလား ဘဲဆက်စဉ်းစားရမှာဘဲ ။ Antivirus က NOD32 ပါအစ်ကို။.Net Framework versions တွေဆိုတာတော ့ ညီလည်း နားမလည်းသေးပါဘူး။ ဘယ်နားမှာဆိုတာ လေးတော့အစ်ကို သည်းခံပြီးပြောပြပါ

ဟုတ်ပါတယ် ကိုဝင်းအောင်ရေ - ဒီလောက်လေးနဲ့ Windows ချဖို့ကိုတော့ ကျွန်တော်လည်း အားမပေးပါဘူး - နောက်ပြီး ခဏခဏ size ကြီးတဲ့ Application တစ်ခုခုကို ခဏခဏ ဖြုတ်လိုက်တင်လိုက် နဲ့ လုပ်တာမျိုးကိုလည်း ကျွန်တော် အားမပေးချင်ပါဘူး - အပေါ်မှာ ကိုကျောက်ဖြူ ပြောခဲ့တာရော ကျွန်တော် ပြောခဲ့တာရော ဘယ်လိုမှ အဆင်မပြေသေးဘူး ဆိုရင်လည်း နောက်ထပ် ဖြစ်နိုင်ချေ ရှိတာတွေ ထပ်စဉ်းစား ကြည့်ပါဦးမယ်။

လောလောဆယ်တော့ .Net Framework အကြောင်း အကြမ်းဖျဉ်း နဲနဲ ပြောပြပေးပါ့မယ်။ ကိုဝင်းအောင် ကြုံဖူးမလားတော့ မသိဘူး - တစ်ချို့ Programs တွေမှာ အင်တာနက်ကနေ Download ချကတည်းက .NET Framework ကို စက်ထဲမှာ installed လုပ်ဆောင်ထားပြီးသား ဖြစ်ရမယ်လို့ အသိပေးပြီးသား နဲ့ လာတာမျိုးတွေ ရှိပါတယ်။ သူ သတိပေးထားရက်နဲ့ .NET Framework မရှိတဲ့ စက်မှာ run မယ်ဆိုရင် Result ကတော့ application က အလုပ်မလုပ်တာ - crash ဖြစ်တာ - အစပျိုးပြီး ရှေ့ဆက်မသွားတာ စသဖြင့် မျိုးစုံ ဖြစ်တတ်ပါတယ်။ များသောအားဖြင့်တော့ ပြတတ်တဲ့ message က -

“The application failed to initialize properly (0×0000135). Click OK to terminate the application.”

ဆိုတဲ့ စာမျိုး ဖြစ်ပါတယ်။ အဲတော့ ကျွန်တော်တို့ မေးစရာ ရှိလာတာ .NET Framework ဆိုတာ ဘာများလဲ ?

Microsoft .NET Framework ဆိုတာ Microsoft Windows operating systems တွေအတွက် ထုတ်ထားတဲ့ software technology တစ်ခုပါပဲ။ သူ့အထဲမှာ ဘာတွေ ထည့်သွင်းရေးသားထားသလဲ ဆိုရင် ပုံမှန် programming ပြဿနာရပ်တွေအတွက် အဖြေထုတ်ထားပြီးသား Code တွေ ပါဝင်ပါတယ်။ ဒါ့အပြင် framework တစ်ခုတည်းအတွက် သီးသန့် ရေးသားထားတဲ့ programs တွေ windows ထဲမှာ execution လုပ်ဆောင်တဲ့ အခါမှာ virtual machine တစ်ခု အနေနဲ့ .NET Framework ထိန်းချုပ် လုပ်ဆောင်ပေးပါတယ်။ နောက်ပြီး .NET Framework ဆိုတာ Windows platform တွေအတွက် applications အသစ်တွေ ဖော်ထုတ်ကြတဲ့ အခါမှာ အသုံးပြုနိုင်အောင် Microsoft ကနေ ကမ်းလှမ်းထားတဲ့ software framework တစ်ခုလည်း ဖြစ်ပါတယ်။

အတိုချုံး ပြောရမယ် ဆိုရင်တော့ ကျွန်တော်တို့တွေ flash animations တွေ ကြည့်နိုင်ဖို့ဆို Adobe Flash Player တင်ရတယ်။ Java Programs တွေ run နိုင်ဖို့ဆို Java Runtime တင်ထားဖို့လိုတယ်။ အဲလိုပဲ .NET Framework လိုအပ်တဲ့ programs တွေ အတွက်လည်း Microsoft .NET Framework install လုပ်ဆောင်ထားပြီးသား ဖြစ်ဖို့ လိုပါတယ်။

.NET Framework က Windows Server 2008 နဲ့ Windows Vista - 7 မှာ ထည့်သွင်းပါဝင်ပြီးသားပါ။ ဒါပေမယ့် Versions နိမ့်တာ မြင့်တာလေးတွေ လောက်ပဲ ကွာခြားချက် ရှိပါတယ်။ Windows XP မှာတော့ Windows Updates ပေးမထားဘူး - ကိုယ်တိုင်ကလည်း installed လုပ်ဆောင်မထားဘူးဆိုရင် .NET Framework က စက်ထဲမှာ ရှိနေမှာ မဟုတ်ပါဘူး - လောလောဆယ် ထုတ်ထားပြီးတဲ့ .NET Framework current version က .NET Framework 4.0 ပါ။ တစ်ခြား ထုတ်ထားပြီးတဲ့ .NET Framework versions တွေလည်း အများကြီး ရှိပါသေးတယ်။ (1.0, 1.1, 2.0, 3.0, 3.5 နဲ့ 4.0)။ တစ်ခါတစ်လေမှာ users တွေ ကိုယ်တိုင်က ကိုယ့်စက်မှာ ဘယ် .NET Framework versions တွေ သွင်းထားပြီးမှန်း သတိမထားမိကြတာ တွေလည်း ရှိပါတယ်။

ကိုယ့်စက်မှာ ဘယ် .NET Framework versions တွေ သွင်းထားပြီးပြီ လဲဆိုတာ စစ်ဆေးနိုင်တဲ့ နည်းလမ်း နှစ်မျိုး ရှိပါတယ်။ တစ်နည်းကတော့ Control Panel > Add or Remove Programs ကနေ စစ်ဆေးတဲ့ နည်းပါ။

ဒါပေမယ့် ဒီနည်းက အရမ်းကို အခြေခံ ကျပါတယ်။ နောက်ပြီး အဲ့နည်းနဲ့ စစ်ရင် တစ်ခါတစ်လေမှာ ကိုယ့်စက်မှာ .NET Framework ရှိနေလျက်နဲ့ Add or Remove Programs ထဲမှာ မတွေ့တာမျိုးလည်း ရှိတတ်ပါတယ်။

အဲ့အတွက် သူ့ထက်ကောင်းတဲ့ နည်းလမ်းတစ်ခုစီ ကျွန်တော်တို့ ချဉ်းကပ်ကြည့်ပါမယ်။ နည်းက free လည်းရပြီး portable လည်း ဖြစ်တဲ့ .NET Version Detector ကို အသုံးပြုဖို့ပါ။ သူက အသုံးပြုရလည်း လွယ်ကူပြီး သူ့ကို Run လိုက်တာနဲ့ ကိုယ့်စက်မှာ installed လုပ်ဆောင်ပြီးထားတဲ့ .NET Framework versions တွေကိုရော Hard drive ရဲ့ ဘယ်နေရာမှာ ရှိတယ် ဆိုတာကိုပါ အောက်ဖော်ပြပါအတိုင်း ဖော်ပြပေးပါလိမ့်မယ်။

တကယ်လို့ ကိုယ့်စက်မှာ ရှိတဲ့ versions က နိမ့်နေတယ် ဆိုရင်လည်း ဘယ်ဘက်ခြမ်းက links တွေကနေ Download ရယူလို့ ရပါတယ်။ Windows ( 95/98/98SE/ME/NT4/2000/XP/2003/Vista/7 ) အားလုံးမှာ Run လို့ ရပါတယ်။ Download ကိုတော့ အောက်ကနေ ယူလိုက်ပါ။

[ Download .NET Version Detector 2007 ]

KznT.

Best Free Portable Application Suite

ဟိုးတစ်ချိန်တုန်းကဆိုရင် ကွန်ပြူတာအချင်းချင်း Remote လုပ်ဖို့ဆိုတာ လေထဲတိုက်အိမ်ဆောက် နေရသလို စိတ်ကူးထဲမှာပဲ ရှိပြီး အကောင်အထည်ပေါ်မလာတဲ့ ကိစ္စရပ်တစ်ခုပါ။ ကွန်ပြူတာ တစ်ခုက Data တွေ တစ်ခြား တစ်နေရာကို သယ်ချင်တယ် - ဒါပေမယ့် Remote လုပ်တဲ့ နည်းပညာ ကို မသိဘူး။ Flash Drive ဆိုတာ မပေါ်သေးဘူး။ CD/DVD တွေ ရိုက်ထုတ်ရအောင်ကျတော့လည်း ကိုယ့် data တွေက ပမာဏက များ။ စသဖြင့် အတော်လေး တစ်နေရာကနေ အခြားတစ်နေရာကို data တွေ ပြောင်းရွှေ့ဖို့အတွက် တော်တော် အကျပ်တွေ့ခဲ့ကြရပါတယ်။ ဒါပေမယ့် ခုတော့ Remote လုပ်ဖို့ မလုပ်ဖို့ ဆိုတာ ဒီလောက်ကြီး အရေးမကြီးတော့ပါဘူး။ ကျွန်တော်တို့တွေဆီမှာ GB လောက်ရှိတဲ့ ပမာဏတွေကို chewing gum လောက်ပဲ ပမာဏရှိတဲ့ flash drives တွေထဲ ထည့်ပြီး အလိုရှိရာနေရာတွေဆီ အလွယ်တကူ ယူဆောင်သွားလို့ ရနေခဲ့ပြီ မဟုတ်ပါလား။ ဒါတင်မက ကိုယ့်အတွက် နေ့စဉ်သုံးနေကျ apps တွေ အားလုံးလိုလိုကိုလည်း portable applications တွေ အဖြစ် ဖန်တီးပြီး မိမိ အလိုရှိရာ နေရာတွေကို တစ်ပါတည်း ယူဆောင်သွားနိုင်နေကြပါပြီ။

ခုလို အသုံးလည်းဝင် ၊ စက်ထဲမှာ တစ်ခုချင်းစီ install လုပ်စရာလည်း မလို ၊ အလိုရှိရာနေရာကိုလည်း သယ်ဆောင်သွားလို့ရ ၊ နေရာယူလည်း သက်သာတဲ့ portable applications တွေကို site တကာလိုက်ပြီး ဒေါင်းလုပ်ချစရာ မလိုပဲ တစ်နေရာတည်းကနေ အသင့်သုံးနိုင်တဲ့ portable applications suites တွေနဲ့ ကျွန်တော်အခု မိတ်ဆက်ပေးချင်ပါတယ်။ portable applications suites တွေက internet ထဲမှာ မနည်းမနော ရှိပါတယ်။ ဒါပေမယ့် အဲ့တာတွေ အားလုံးထဲကမှ လူကြိုက်လည်း များပြီး အသုံးလည်း တကယ်ဝင်မယ့် apps suites ( ၅ ) ခုကိုပဲ ရွေးထုတ်တင်ပြသွားမှာပါ။ တကယ်လို့ ဒီထဲမှာ ဖော်ပြမယ့် portable applications suites တွေထဲမှာ မပါဝင်ပဲ သီးသန့် ကွဲထွက်ပြီး စာဖတ်သူ လက်ရှိ အသုံးပြုနေတဲ့ သဘောကျတဲ့ portable applications suites များရှိနေမယ် ဆိုရင်လည်း ဒီ Thread ရဲ့ အောက်မှာ ဝင်ရောက် ဆွေးနွေးပေးသွားကြဖို့ တိုက်တွန်းလိုပါတယ်။ အခုတော့ သူတို့ ( ၅ ) ခုနဲ့ စတင် ထိတွေ့ကြရအောင်ပါ။

Liberkey  ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

LiberKey ကတော့ PortableApps suite မှာလိုမျိုး အမြင်လှတဲ့ Menu မပါရှိပါဘူး။ ဒါပေမယ့်လည်း သူ့ရဲ့ Menu က အသုံးပြုမယ့် သူ အတွက် သုံးစွဲရလွယ်ကူအောင် Program အမျိုးအစားအလိုက် စီစဉ်ပေးထားပါတယ်။

ဒါ့အပြင် LiberKey မှာ apps တွေကို အမျိုးအစားလိုက် သူတို့ ဘာကိုလုပ်ဆောင်တယ် ဆိုတာ အုပ်စုလိုက် စုဖွဲ့ပေးထားလို့ LiberKey suite ထဲမှာပါတဲ့ apps တစ်ခုခုကို တစ်ခါမှ အရင်က တစ်ခါမှ အသုံးမပြုခဲ့ဖူးဘူး ဆိုရင်တောင်  ဒီ apps ကတော့ Security Tool  - ဒီကောင်ကတော့ Color Picker စသည်ဖြင့် apps အလိုက် သူတို့တွေကို ဘယ်နေရာမှာ အသုံးချလို့ ရမယ်ဆိုတာ အလွယ်တကူ နားလည်စေနိုင်ပါတယ်။ ဒီအခု ကျွန်တော်ပြောတဲ့ အုပ်စုလိုက် ခွဲခြားပေးထားတယ် ဆိုတာ LiberKey Ultimate မှာပါ။ သူ့ထဲမှာ apps ပေါင်း 250 ပတ်ဝန်းကျင်ရှိပြီး အုပ်စုလိုက် သူတို့ဘာတွေ လုပ်ဆောင်နိုင်တယ် ဆိုတာ အမျိုးအစား ခွဲခြားပေးထားပါတယ်။ LiberKey ကို Download ရယူနိုင်ဖို့ အတွက် ဒီနေရာကနေ သွားရောက် ရယူနိုင်ပါတယ်။

PortableApps Suite( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

PortableApps ကတော့ portable application sites တွေထဲမှာမှ နာမည်ကြီး လူသိများတဲ့ ဆိုဒ်တစ်ခု ဆိုရင်မမှားပါဘူး။ John Haller ( ဆိုဒ်ကို တည်ထောင်သူ ) နဲ့ တစ်ခြား များပြားလွန်းတဲ့ developers တွေ ၊ packagers တွေ ၊ နောက်ပြီး translators တွေ ၊ နောက်ပြီး တက်တက်ကြြွကွ ဝိုင်းဝန်း ပ့ံပိုး ဆောင်ရွက်ကြသူတွေ ကြားမှာ PortableApps suite က တဖြည်းဖြည်း ကြီးထွားလာလိုက်တာ ခုဆိုရင် PortableApps suite ထဲမှာ လူကြိုက်များတဲ့ ဆော့ဖ်ဝဲလ်တိုင်း portable အဖြစ် ဖန်တီးပြီးသား ဖြစ်နေတာ လက်ညိှုးထိုး မလွဲလောက်အောင်ပါပဲ။ PortableApps suite ထဲမှာ အခြေခံ အင်တာနက်သုံးကုန် လို့ ပြောလို့ရတဲ့ Firefox ကနေ စပြီး ၊ Pidgin လို့ခေါ်တဲ့ instant messaging အလယ် - Office application တစ်ခု ဖြစ်တဲ့ Open Office အဆုံး အစုံပါဝင်နေပါပြီ။ အသုံးချချင်တဲ့ သူအတွက် ဆိုဒ်မှာ တစ်ခုချင်းစီကို သီးသန့်ခွဲပြီး download ချလို့ ရနိုင်သလို အပေါ်မှာ ပြထားတဲ့ ပုံကို တွေ့ရင်ကျတော့လည်း တစ်ခုချင်းစီ ဒေါင်းလုပ်မချချင်တော့ပဲ လိုလို မလိုလို အကုန်လုံးကိုပဲ သိမ်းထားချင်တဲ့ စိတ်ပေါ်လာလောက်အောင်ကို သူ့အပြင်အဆင်က ဆွဲဆောင်နိုင်ပါတယ်။ ပုံကို ကြည့်ကြည့်ပါဦး။ menu system က ရိုးစင်းပြီး backup utility တွေအပါအဝင် တစ်ခြား portable apps  တွေကိုပါ အသုံးပြုရလွယ်ကူအောင် ပြင်ဆင်ပေးထားတာ တွေ့ရပါလိမ့်မယ်။ PortableApps Suite ကို Download ရယူချင်မယ် ဆိုရင်တော့ ဒီနေရာကနေ သွားရောက် ရယူနိုင်ပါတယ်။

winPenPack ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ ) 

တကယ်လို့ ကျွန်တော်တို့တွေဟာ Flash Drive တစ်ခုထဲမှာ Portable apps တွေကိုထည့်သွင်း အသုံးချင်ချင်မယ် .. ဒါပေမယ့် ဆိုဒ်တကာ စုံအောင် သွားပြီး portable apps စုဆောင်းရတာမျိုးကိုလည်း မလုပ်ချင်ဘူး ဆိုရင်တော့ အဲ့ဒီ့ ( ၂ ) ချက်လုံးကို တစ်ခုတည်းနဲ့ ပြေလည်စေမယ့် တစ်ချက်ခုတ် ( ၂ ) ချက်ပြတ် apps တစ်ခု ရှိပါတယ်။ အဲတာကတော့ winPenPack ပါ။ သူက ဘယ်လို လုပ်ဆောင်တာလဲ ဆိုရင် apps အခု ၁၀၀ ကျော်လောက်ကို တစ်ခုတည်းသော portable package ထဲမှာ ထည့်ထားတဲ့ apps လို့ပဲ ပြောရပါမယ်။

winPenPack ဆိုတာကလည်း အပေါ်မှာ မိတ်ဆက်ထားခဲ့ပြီးတဲ့ Free Softwares တွေကို စက်ထဲမှာ install လုပ်စရာ မလိုပဲ USB pendrive ကနေတစ်ခါတည်း အသုံးပြုနိုင်အောင် စီစဉ်ပေးထားတဲ့  applications တစ်မျိုးပါပဲ။ winPenPack  ကို USB pendrive ထဲထည့်ပြီး ကြိုက်တဲ့ နေရာကို သယ်သွား ကြိုက်တဲ့ ကွန်ပြူတာမှာ သုံး - USB port ထဲကို USB pendrive ထိုးထည့်လိုက်တာနဲ့ programs တွေ အားလုံးကို အသင့်သုံး အခြေအနေဖြစ်အောင် သူက စီစဉ်ပေးထားပါတယ်။

ကျွန်တော်တို့ ဆီမှာ ရှိနေတဲ့ USB pendrive ရဲ့ size ပေါ်မူတည်ပြီး ရွေးချယ်လို့ ရအောင်  winPenPack Flash Essential နဲ့ winPenPack Flash 2Gb ဆိုပြီး ၂ မျိုး ၂ စား ရွေးချယ် နိုင်ပါတယ်။ အဲ့ထဲမှာ ဆိုရင် အင်တာနက် ထဲမှာ ရှိသမျှ အကောင့်တကာ့ အကောင်းဆုံးဆိုတဲ့ open source software တွေကို Portable ဖြစ်အောင် စီစဉ်ထားပြီး Graphics, Multimedia, Internet, Office, System, Security, Development and Utilities ဆိုတဲ့ apps အလိုက် အုပ်စု ခွဲခြားပေးထားပါတယ်။ winPenPack မှာ တစ်ခြား အမျိုးအစားကွဲတွေလည်း ရှိနေသေးပြီး အမျိုးအစားလိုက် ဘာတွေ ကွဲပြားသွားလဲ သိချင်ရင် ဒီနေရာကနေ သွားရောက် ကြည့်ရှုနိုင်ပါတယ်။ ရယူသုံးစွဲချင်မယ် ဆိုရင်တော့ ဒီနေရာကနေ သွားရောက် ရယူနိုင်ပါတယ်။ တစ်ခုရှိတာတော့ သူ့ ရဲ့ အပြင်အဆင်က PortableApps Suite နဲ့ LiberKey လောက် သိပ်မခမ်းနားဘူးလို့ ယူဆမိပါတယ်။

Geek-Menu ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

Geek.Menu ဆိုတာ PortableApps.com မှာ ရှိတဲ့ PortableApps suite တွေထဲက installation files တွေကိုပဲ ထပ်တူ အသုံးပြုပြီး လည်ပတ်တဲ့ menu apps တစ်ခုဖြစ်ပါတယ်။ layout ကလည်း တော်တော်လေး ဆင်တူပါတယ်။ ဒါပေမယ့် Geek.Menu နဲ့ PortableApps suite ကြားမှာ ကွာခြားသွားတဲ့ အချက်တစ်ချို့ကတော့ Geek.Menu မှာ တစ်ခြား ပြုပြင် ပြောင်းလဲမှုများစွာကို ပိုပိုလျှံလျှံ ထည့်သွင်း လုပ်ဆောင် ထားတာပါပဲ။ ဘာတွေ ဘယ်လို ထူးခြား သွားလဲ ဆိုတာ ဒီနေရာမှာ သွားရောက် လေ့လာနိုင်ပါတယ်။ ဥပမာ အနေနဲ့ ပြောရရင် TrueCrypt ကို Support ပေးတယ်၊ နောက်ပြီး Menu structure ထဲမှာ အုပ်စုတွေ ဖန်တီးပိုင်ခွင့် ၊ နောက် menu startup မှာ apps တွေကို အလိုလျောက် exe လုပ်ဆောင်နိုင်ဖို့ ... စတာမျိုးတွေ လုပ်ဆောင်နိုင်အောင် ထပ်မံဖြည့်သွင်း ပေးထားပါတယ်။ အထက်ပါ ပုံမှာ ဖော်ပြထားတဲ့ အတိုင်း  Geek.Menu က Software ထည့်သွင်းပြီးသား အနေနဲ့ ပါရှိလာမှာမျိုး မဟုတ်ပါဘူး။ Geek.Menu နဲ့ လုပ်ဆောင်နိုင်ဖို့ အတွက် ဆိုရင် PortableApps suite ကို အရင် Download ချထားပြီးတော့မှ menu systems ကို ပြောင်းလဲပေးရမှာ ဖြစ်ပါတယ်။ Geek.Menu ကို အသုံးချချင်မယ် ဆိုရင် ဒီနေရာကနေ သွားရောက် ရယူနိုင်ပါတယ်။ 

Lupo PenSuite ( Windows အတွက် ဖြစ်ပြီး အခမဲ့ အသုံးပြုခွင့် ပေးပါသည်။ )

Lupo PenSuite ကလည်း ( 7-Zip, Audacity, CCleaner, eMule, FileZilla, Firefox, Foxit Reader, GIMP, IrfanView, Notepad++, Opera, Pidgin, Thunderbird, µTorrent, VLC .. ) စသဖြင့် လူကြိုက်များ လူသုံးများတဲ့ apps ပေါင်းမြောက်များစွာနဲ့ ပေါင်းစပ်ထားတဲ့ Suite တစ်ခုပါပဲ။  LiberKey ကနေ ထုတ်လုပ်လိုက်တဲ့ portable suite တွေကို ဥပမာ ယူပြီး Lupo PenSuite က ပြုပြင် ပြောင်းလဲ မှုတွေ လုပ်ခဲ့ပါတယ်။ ကျွန်တော်တို့တွေ Windows ရဲ့  Registry ကိုများ ပြုပြင်ပြောင်းလဲ မှုတွေ လုပ်ဖို့ လိုနေပြီလား ?? Lupo PenSuite ထဲမှာ registry ကို edit လုပ်နိုင်ဖို့ applications ၈ ခု ထည့်သွင်းပေးထားပါတယ်။ သူ့မှာ ဖြည့်သွင်းထားတဲ့ full app log ကို ဒီနေရာမှာ သွားရောက် ကြည့်ရှုနိုင်ပါတယ်။ Lupo PenSuite ကို ရယူချင်မယ် ဆိုရင်တော့ ဒီနေရာကနေ သွားရောက် ရယူနိုင်ပါတယ်။ 

နောက်ဆုံး အနေနဲ့ ကျွန်တော် အကြံပြုချင်တာကတော့ - ကျွန်တော်တို့ရဲ့ စက်တွေထဲမှာ တစ်ခါတစ်လေလောက်သာ အသုံးလိုပြီး အမြဲ နေရာပေးထားနေရတဲ့ apps မျိုးတွေ စက်တိုင်းလိုလို မှာ ရှိနေကြပါတယ်။ အဲ့လို apps မျိုးတွေ အတွက်တော့ Windows partition မှာ နေရာ တစ်ခု ပေးမနေပါနဲ့။ အထက်ဖော်ပြပါထဲက မိမိနှစ်သက်ရာ PortableApps suite တစ်ခုကို flash drive တစ်ခု ဒါမှမဟုတ် မိမိနှစ်သက်ရာ media တစ်ခုခုမှာ သိမ်းထားပြီး လိုအပ်ချိန်မှ ထုတ်သုံးလိုက်ပါ။ အရံသင့်သုံးစွဲဖို့လည်း အဆင်ပြေသလို Windows partition မှာလည်း အပိုစာသား နေရာ ပေးရခြင်းကနေ ငြိမ်းအေးစေမယ် မဟုတ်လား။

MF မိသားစုဝင်များ အားလုံး Portable ကမ္ဘာမှာ ကျေနပ်နှစ်သက်မှု ရရှိနိုင်ကြပါစေ။

KznT.

Connection Configuration for uTorrent

KznT ခင်ဗျာ.....ကျွန်တော် torrent ကိုသုံးချင်ပါတယ်ခင်ဗျာ.....ကျွန်တော် upload speed ထည့်တဲ့နေရာမှာ အဆင်မပြေဖြစ်နေလို ့ဗျာ........Test လုပ်လိုက်ရင် Bandwidth ကအဆင်ပြေပြီးတော့ Your upload speed က အမြဲတမ်းလိုလို ၀ါနေတယ်ဗျာ.....ကျွန်တော့်အခန်းရှေ ့ကညီလေး yawnathan သုံးတာတော့အဆင်ပြေတယ်ဗျာ.....သူနဲ ့ကျွန်တော်နဲ ့သုံးတဲ့နက်ကလည်းတူပါတယ်........ကျွန်တော်သိချင်တာက သူထည့်တဲ့ your upload speed ကိုထည့်ရင်ကော အဆင်ပြေလားဗျာ......ကျွန်တော်တော့သုံးချင်လို ့ခဏခဏ test လုပ်တာလည်းအဆင်မပြေလို ့ခင်ဗျာ......KznT ကိုဆက်သွယ်လို ့ရမယ့် လိပ်စာလေးရှိရင်ပေးလို ့ရမလားဗျာ.....gtalk လိပ်စာလေးပဲဖြစ်ဖြစ်ပေါ့ဗျာ.....ကျွန်တော်က KznT ပို ့စ်တွေကိုဆိုရင်အမြဲတမ်းအားပေးနေကျပါ.....ကျွန်တော်အကြံပေးချင်တာက KznT ပို ့စ်တွေကို PDF လေးလုပ်ပေးပါ့လားဗျာ......ကျွန်တော်တို ့လိုလူတွေအတွက်အကျိုးရှိလို ့ပါခင်ဗျာ........KznT ဖိုရမ်မှာလည်ပတ်ရင် အကျိုးပြုပို ့စ်တွေများများရေးနိုင်ပါစေဗျာ.....

ကိုဆန်းမောင်ရေ ...

ကိုဆန်းမောင်Torrent သုံးတဲ့ အချိန်မှာ ခုကြုံနေရတဲ့ အခက်အခဲလေး ပြေလည်အောင် ကျွန်တော် နဲနဲ အကြံပြုကြည့်ပါမယ်။

ကိုဆန်းမောင် ပြောသလို Connection ကို Configuring လုပ်တဲ့ အချိန်မှာ Your upload speed က အမြဲတမ်းလိုလို ၀ါနေတယ် ဆိုတာက သိပ်တော့ မကောင်းပါဘူး။ ဘာလို့လည်း ဆိုတော့ Torrent ဆိုတာမျိုးက download ထက် Upload ကို ပိုတန်ဖိုးထားတာ မို့လို့ Torrent မှာ အကောင်းဆုံး Performance ရဖို့ ဆိုရင် ကျွန်တော်တို့ စက်မှာ upload speed ကို maximum ရနိုင်အောင် ချိန်ညှိနိုင်ဖို့ လိုပါတယ်။ ဒီအတွက်ကလည်း သိပ်တော့ ခက်ခက်ခဲခဲကြီး မဟုတ်ပါဘူး။ µTorrent အသုံးပြုမယ့် users တွေ အဆင်ပြေအောင် ဖန်တီးပေးထားတဲ့ built-in connection setup function ပါဝင်ပြီးသားပါ။ အဆင့်လိုက် လုပ်ဆောင်ပုံလေး ကျွန်တော် ပြောပြပေးပါ့မယ်။

( ၁ ) uTorrent ကိုဖွင့်ပြီး Options > Setup Guide ကနေပဲ ဖြစ်ဖြစ် ၊ Ctrl + G ကို နှိပ်ပြီးတော့ပဲ ဖြစ်ဖြစ် Setup Guide ထဲကို အရင်ဝင်လိုက်ပါ။

( ၂ ) "Run tests" ဆိုတာကို မနှိပ်ခင်မှာ Bandwidth နေရာမှာ ကျွန်တော်တို့ နေတဲ့ နေရာနဲ့ အနီးစပ်ဆုံး ဖြစ်နိုင်မယ့် နေရာတစ်ခုကို ရွေးပေးပြီး Your upload speed နေရာမှာတော့ မိမိဆီကနေ အများဆုံး upload တင်ပေးနိုင်မယ့် Speed ကို ဖြည့်ပေးရပါမယ်။ ( ဒီနေရာမှာ တစ်ခုရှိတာက ဒီ နှစ်ချက်လုံးကို မလုပ်ဆောင်ပဲ "Run tests" ကို တစ်ခါတည်း နှိပ်လိုက်မယ် ဆိုရင်လည်း ဖြစ်ပါတယ်။ ) အဲလို လုပ်မယ်ဆိုရင် လတ်တလော ရွေးပေးလိုက်တဲ့ location နဲ့ ဆက်စပ်ပြီး download နဲ့ upload speed ကို Torrent ကနေ သူ့ဘာသာသူ စီစစ်ပေးပါလိမ့်မယ်။ ရတဲ့ result ကိုလိုက်ပြီး အမှားခြစ် အမှန်ခြစ်တွေ ဆိုတာ ဖော်ပြပါလိမ့်မယ်။ တကယ်လို့ အမှားခြစ် တွေ ပြနေရင် downarrow ကနေ တဆင့် မိမိ location နဲ့ နီးစပ်ရာရယ်လို့မှ မဟုတ်ပါဘူး - တစ်ခြား location တွေကို ချိန်းပြီး Run tests ကို ဆက်လုပ်ကြည့်ပါ။ နေရာတစ်ခုချင်းစီအလိုက် ထွက်လာတဲ့ Result တွေကို screen shot ရိုက်ထားပါ။ Result တွေက တစ်ခုနဲ့ တစ်ခု မတူပါဘူး။ သေသေချာချာ သတိထားကြည့်ကြည့်ပါ။ Locations ပြောင်းတာနဲ့ upload နဲ့ download speed test ကနေ ရလာတဲ့ result တွေ ပြောင်းသွားပါလိမ့်မယ်။ အားလုံးပြီးသွားရင် တစ်ခုချင်းစီ အလိုက် တစ်ပုံချင်းစီ ကြည့်ပြီး ဘယ် location နေရာက Results မှာပါလာတဲ့ upload နဲ့ download က အကောင်းဆုံးလဲ ဆိုတာ ရွေးချယ်ပါ။ ဥပမာ ဆိုကြပါစို့ တစ်ခုမှ အစိမ်းရောင် အမှန်ခြစ် မပြခဲ့ပဲ အမှားခြစ်တွေ အဝါရောင် အမှန်ခြစ်တွေ ပြခဲ့မယ် ဆိုရင်တောင် အားလုံး ထဲကမှ ကျွန်တော်တို့နဲ့ အနီးစပ်ဆုံး upload နဲ့ download speed ကို screen shot ကနေ တဆင့် သိထားခဲ့ပြီ မို့လို့ အဲ့ဒီ့ မိမိ speed နဲ့အနီးစပ်ဆုံး နေရာကို bandwith နေရာမှာ ဖြည့်ပြီး Save & Close ကိုပေးပါ။ တကယ်လို့ နေရာ အားလုံးက အစိမ်းရောင် အမှန်ခြစ်ပြတယ် ဆိုလည်း ကောင်းသထက် ကောင်းတာကို လိုချင်ရင် တစ်ခုချင်းစီ လိုက်စမ်း - screen shot ရိုက်ပြီး စစ်ဆေး - speed test မှာ results အများဆုံးရတဲ့ location ကို ဖြည့်ယူရမှာ ဖြစ်ပါတယ်။ အလုပ်ရှုပ်တယ်လို့ ထင်ရပေမယ့် ကျွန်တော်တို့က အကောင်းဆုံးကို လိုချင်တာ မလား ?

( ၃ ) နောက်ထပ်သိသင့်တာ တစ်ခုက အဝါရောင် အမှန်ခြစ်ပြတာ အမှားပြတာ ဘာညာ ဆိုတာတွေ စိတ်ထဲမှာ သိပ်ထည့်မထားပါနဲ့။ အဲတာတွေက မိမိသုံးနေတဲ့ connection ပေါ်မူတည်ပြီး ပြောင်းလဲသွားတတ်ပါတယ်။ အဓိက Torrent ရဲ့ သဘောက မိမိသုံးနေတဲ့ Speed နဲ့ အနီးစပ်ဆုံးကိုက်ညီမယ့် upload နဲ့ download speed ကိုချိန်ညှိနိုင်ဖို့ပါ။ အဲတာကို ကိုက်အောင် ချိန်ညှိနိုင်မယ် ဆိုရင် အဝါရောင်ပြပြ အစိမ်းရောင်ပြပြ Torrent သုံးရတာ အဆင်ပြေပါလိမ့်မယ်။ upload နဲ့ download speed ကို ဘယ်နားကြည့်ပြီး ချိန်ညှိရမှာလဲ ဆိုတာ ကျွန်တော့်စက်က Results နဲ့ ဥပမာ ပြလိုက်ပါတယ်။

( ၄ ) နောက်တစ်ခုက upload နဲ့ download speed ကို လိုတာထက်ပိုပြီး မြှင့်ချိန်လိုက်မိလို့ Download Speed ပိုကောင်းမလာနိုင်တဲ့ အပြင် download speed ကိုပါပိုဆိုးသွားစေနိုင်ပါတယ်။ အဲလိုပဲ လိုတာထက် လျော့ပြီး ချိန်လိုက်မိပြန်ရင်လည်း အပေါ်မှာ ပြောခဲ့သလိုပဲ same result ပဲ ရပါလိမ့်မယ်။ အမှန်ခြစ်တွေ အမှားခြစ်တွေ ဝါတာတွေ စိမ်းတာတွေထက် မိမိ upload နဲ့ download speed နဲ့ အနီးစပ်ဆုံး ကိုက်ညီမယ့် right setting ကို ချိန်ညှိနိုင်ဖို့က အဓိကပါ ကိုဆန်းမောင်ရေ။

ကို yawnathan သုံးတာတော့ အဆင်ပြေတယ်ဆိုတဲ့စကားကို ဆက်ပြီး ရှင်းရရင်တော့ Network ပိုင်းဆိုင်ရာတွေ နည်းနည်း ထည့်ပြောမှ ရပါလိမ့်မယ်။ သုံးတဲ့ အင်တာနက်ချင်း တူတယ်လို့ ဆိုပေမယ့် Network တစ်ခုအတွင်းမှာ ဆိုရင် သွယ်ဆက်ထားတဲ့ cable လိုင်းချင်းက မတူတာတွေ ရှိသလို ၊ ကြားမှာ Router တွေ ခံထားတာ Ethernet hub ခံပြီး အင်တာနက်ကို ခွဲသုံးတယ်ဆိုတာမျိုးတွေ ရှိပါတယ်။ ဒီလို အခြေအနေတွေမှာ အင်တာနက် တစ်ခုတည်း သုံးတယ် ဆိုပေမယ့် သူ့ အခန်းကို ဝင်တဲ့ Cable မှာရှိတဲ့ Data Transfer Rate နဲ့ ကို ဆန်းမောင် အခန်းကို ဝင်တဲ့ Data Transfer Rate နဲ့က တူချင်မှ တူပါလိမ့်မယ်။ ကိုဆန်းမောင်နေတဲ့ နေရာမှာ တပ်ဆင်ထားတဲ့ Network သွယ်တန်းမှုပေါ်မူတည်ပြီး ညံ့ရင်ညံ့သလို Data Transfer လုပ်တဲ့ အချိန်မှာ Network cable အတွင်း Data Collision ဖြစ်ပေါ်မှုတွေ ပေါ်ပေါက်နိုင်ပါတယ်။ အဲလို ဖြစ်ပေါ်တာတွေ များလာရင် ဘာဖြစ်လာမလဲ ဆိုတော့ ဒီ အင်တာနက် တစ်ခုတည်းကို သုံးနေတာချင်း တူပေမယ့် သူ့စက်မှာ ကျတော့ speed က အကောင်း ကိုယ့်စက် ရောက်တော့ကျ Speed က မကောင်း ဆိုတာတွေ ဖြစ်လာတတ်ပါတယ်။ ဒါတွေကို ချဲ့ပြောနေရင် ပြီးမှာ မဟုတ်တော့လို့ ဒီလောက်နဲ့ပဲ နားလိုက်ပါမယ်။ အနှစ်ချုပ်ရရင် -

အမှန်ခြစ်တွေ အမှားခြစ်တွေ ဝါတာတွေ စိမ်းတာတွေထက် မိမိ upload နဲ့ download speed နဲ့ အနီးစပ်ဆုံး ကိုက်ညီမယ့် right setting ကို ကျွန်တော်အထက်မှာ ပြောခဲ့ပြီးသလို ချိန်ညှိနိုင်ဖို့ ကြိုးစားကြည့်ပါလို့ .. နောက်ဆုံးမှာပါရစေ။ အဆင်ပြေပါစေဗျာ။

KznT.

Impressive Features in Microsoft Office 2010

Office 2010 Beta စထွက်တော့ အစမ်းသဘော ကျွန်တော် စသုံးကြည့်မိတယ် .. 2007 နဲ့ အပြင်အဆင်ကတော့ သိပ်အများကြီး မကွာသလိုပါပဲ .. အဲလိုနဲ့ သုံးလာခဲ့တာ ဟိုတစ်လောက Microsoft Office Professional Plus 2010 Beta ထပ်ထွက်လာတော့ ထပ်ပြောင်းကြည့်မိတယ်။ လောလောဆယ်တော့ Office 2010 က October 2010 ထိ ဒီ Beta version တွေကို Free ပေးထားမှာ မို့လို့ စမ်းသုံးကြည့်မယ်ဆို သုံးပျော်ပါတယ်။ အစမ်းသုံးသုံးကြည့်ကြတဲ့ အချိန်မှာ Office 2010 မှာ ပါလာတဲ့ သူ့ရဲ့ဆန်းသစ်မှု တစ်ချို့ကို စမ်းသပ်ကြည့်ဖြစ်အောင် ဒီအကြောင်းအရာကို ဝေမျှလိုက်ပါတယ်။

ဆန်းသစ်မှု များနှင့် Microsoft Office 2010

ကျွန်တော် ဒီနေရာကနေပြီး Microsoft Office 2010 မှာပါဝင်လာတဲ့ Features အသစ်လေးတွေကို မိတ်ဆက်ပေးသွားပါမယ်။

( ၁ ) Office documents များအား Online တွင် တိုက်ရိုက်သိမ်းဆည်း သုံးစွဲနိုင်ခြင်း

Microsoft Office 2010 မှာ ကိုယ့်မှာ ရှိနေတဲ့ Documents တွေကို မိမိမှာသာ SkyDrive Account ရှိမယ်ဆိုရင် Online မှာ တိုက်ရိုက် သိမ်းဆည်းထားနိုင်ပြီး  အခြားနေရာတစ်ခုမှာ ရှိနေတဲ့ ကွန်ပြူတာကနေလည်း ရယူသုံးစွဲနိုင်မှာ ဖြစ်ပါတယ်။

SkyDrive က 25GB ထိ Free Online Storage ပေးထားပြီး သူ့ရဲ့ ဝန်ဆောင်မှုက Office Web Apps နဲ့လည်း ချိတ်ဆက်ထားတာမို့လို့ ကိုယ့်ကွန်ပြူတာမှာ Microsoft Office ရှိမနေခဲ့ဘူး ဆိုရင်တောင် Web browser ကနေပြီး အဲ့ဒီ့ Documents တွေကို ကြည့်ရှု ပြင်ဆင် တည်းဖြတ်လို့ ရမှာ ဖြစ်ပါတယ်။ Office Web Apps ဆိုတာ သိပ်မကြာခင်မှာ Google Docs ကို အလဲထိုး အောင်ပွဲ ခံတော့မယ့် Online Microsoft Office Live Workspace လို့ ပြောလို့ ရပါတယ်။ ခုဆိုရင် Microsoft Office Live Workspace ကိုသုံးပြီး Online မှာ ကျွန်တော်တို့ရဲ့ Documents တွေ PDF တွေ နောက်ပြီး Spreadsheet နဲ့ Presentations တွေ အကုန်လုံးကို တစ်နေရာတည်းမှာ ပြင်ဆင်တည်းဖြတ် ရေးသွင်းနိုင်ပါပြီ။ ကျွန်တော်တို့ရဲ့ Documents တွေကို သိမ်းဆည်းဖို့ အတွက်ကတော့ Microsoft Office 2010 ကို ဖွင့်ပြီး File > Share > Save to SkyDrive ကနေ သွားပါ။

( ၂ ) Presntations များအတွင်း ကြိုက်နှစ်သက်ရာ Web Videos များ Embed ပြုလုပ်နိုင်ခြင်း

Microsoft Office 2010 နဲ့အင်တာနက်မှာ ရှိနေတဲ့ ကျွန်တော်တို့ နှစ်ခြိုက်တဲ့ သီချင်း ဗီွဒီယို စတာတွေကို အလွယ်တကူ Embed ပြုလုပ်နိုင်မှာ ဖြစ်ပါတယ်။ ပြုလုပ်နည်းကတော့ သက်ဆိုင်ရာ web pages တွေကနေ ( ဥပမာ - youtube သို့မဟုတ် အခြားသော Video Sharing Site များမှ ) သက်ဆိုင်ရာ ဗွီဒီယိုတွေရဲ့ Embed Code တွေကို ကူးယူလာပြီး Slide ထဲက နှစ်သက်ရာ နေရာမှာ ထည့်သွင်းလိုက်ယုံပဲ ဖြစ်ပါတယ်။

ဒါကတော့ Slide ထဲမှာ ကျွန်တော် Lady GaGa ရဲ့ Poker Face သီချင်း အစမ်းထည့်ပြထားတာပါ။

( ၃ ) လွယ်ကူလျင်မြန်သော စွမ်းဆောင်ချက်များဖြင့် OutLook

ကျွန်တော်တို့ Gmail မှာ သိပ်အသုံးဝင်တဲ့ Feature တစ်ခုရှိပြီး သူ့ကို Send and Archive လို့ လူသိများပါတယ်။ သူ့ရဲ့ လုပ်ဆောင်ချက်ကတော့ တစ်ချက်ခုတ် ( ၂ ) ချက်ပြတ်လို့ ဆိုရမှာပါ။ ကျွန်တော်တို့က Send and Archive ဆိုတဲ့ ခလုတ်ကို တစ်ချက်နှိပ်လိုက်ယုံနဲ့ ကျွန်တော်တို့ရဲ့ ပြန်ကြားမှုကိုလည်း ပေးပို့မယ်။ နောက်ပြီး ပို့ပြီးသွားတဲ့ စာကိုလည်း တစ်ခါတည်း Archives လုပ်ပစ်လိုက်ပါလိမ့်မယ်။

ဒီသဘောပါပဲ။ OutLook မှာပါတဲ့ Quick Steps feature ကလည်း ကျွန်တော်တို့ကို တစ်ချက်ခုတ် ( ၂ ) ချက်ပြတ်တွေ လုပ်ဆောင်လို့ ရအောင် ဖန်တီးပေးနိုင်ပါတယ်။ ဥပမာ တစ်ခုပြောရရင် Reply and Delete ပါ။ သူ့ရဲ့ လုပ်ဆောင်ချက်ကတော့ ကျွန်တော်တို့ Emails တွေကို ပြန်လည်ဖြေကြားပြီးတာနဲ့ တစ်ခါတည်း Inbox ထဲကနေ ဖျက်ပစ်မယ်လို့ စေခိုင်းတာပါ။

( ၄ ) PDF writer ထည့်သွင်းထားရှိခြင်း

Microsoft Office 2010 programs တွေအားလုံးမှာ Built-in PDF writer ပါဝင်ပါတယ်။ သူရှိနေခြင်းအားဖြင့် Documents တွေကို PDF files အဖြစ်သိမ်းဖို့ တစ်ခုတည်း အတွက်နဲ့ တစ်ခြား Software တွေ ( ဥပမာ - DoPDF, Primo PDF စသဖြင့် ) Install လုပ်ဖို့ မလိုတော့ပဲ Microsoft Office 2010 ထဲကနေပဲ တိုက်ရိုက် PDF အဖြစ် ပြောင်းလဲလို့ ရနေပါပြီ။ အရင်တစ်ချိန်ကတော့ ဒီ feature ကို Add-on တစ်ခု Install လုပ်ပြီးမှ ရတာပါ။ ခုတော့ Microsoft Office 2010 မှာ အရံသင့် ပါဝင်နေပါပြီ။

( ၅ ) သေသပ် တိကျသော Printer Settings

Microsoft Office 2010 မှာ အရင် Versions တွေနဲ့ မတူပဲ လုံးလုံးလျားလျား ပြောင်းလဲသွားတာ Print Dialog ပါ။ ဒီပြုပြင် ပြောင်းလဲမှုကတော့ တော်တော်လေး ချီးကျူးစရာ ကောင်းပါတယ်။ ခုဆိုရင် ကျွန်တော်တို့ Printer Settings အချိန်းအပြောင်းတွေကို Side-by-Side ကြည့်မြင်ချိန်ဆပြီး လုပ်ဆောင်နိုင်ပါပြီ။

( ၆ ) Presentations များအား မိမိ၏ ပရိတ်သတ်များအတွက် တိုက်ရိုက် ထုတ်လွှင့်တင်ဆက်နိုင်မှု

ဒီကောင်လေးကတော့ ထူးခြားပါတယ်။ ခုဆိုရင် ကျွန်တော်တို့ Microsoft Office Powerpoint 2010 ထဲကနေပြီး အင်တာနက်ပေါ်ကနေတစ်ဆင့် မိမိပရိတ်သတ်တွေဆီ ကိုယ်ဖန်တီးပြုလုပ်ထားတဲ့ Presentations တွေ တိုက်ရိုက် တင်ဆက်နိုင်ပါပြီ။ လုပ်ဆောင်ပုံကလည်း မခက်ပါဘူး။ Broadcast လုပ်ငန်းစင် စတင်ဖို့ အတွက် File > Share > Broadcast Slide Show ကနေ သွားလို့ ရသလို မိမိရဲ့ Slide ကိုဖွင့်ထားပြီး SlideShow tab ကနေတစ်ဆင့် Broadcast Slide Show  ကိုဝင်ရောက်လည်း ရပါတယ်။ အဲကနေမှ တစ်ဆင့် မိမိရဲ့ Windows Live ID နဲ့ ( Windows Live ID မရှိရင် ပေးထားတဲ့ Link ကနေ အသစ်တစ်ခု ဖန်တီးလိုက်ပါ ) ဝင်ရောက်လိုက်ပါ။ အဲလိုဆိုရင် ကိုယ့် Slide ကို Web ပေါ်ကနေ တင်ဆက်ဖို့ သူက Link တစ်ခုပေးပါလိမ့်မယ်။

အဲ့ Link ကို ကော်ပီ ကူးပြီး မိမိတင်ဆက်ချင်တဲ့ သူတွေဆီကို Mail ကနေ တစ်ဆင့် ဒါမှမဟုတ် အဆင်ပြေမယ့် တစ်နည်းနဲ့ ပို့လိုက်ပါ။ ကိုယ် တင်ဆက်မယ့် သူတွေနဲ့ အဆက်အသွယ်ရပြီ ဆိုတာနဲ့ ကိုယ့်ရဲ့ Local Computer ကို Full Screen Mode ကိုပြောင်းပြီး Presentation ကို စတင်နိုင်ပါပြီ။ ကိုယ့် Local Computer မှာ Slide Change ရင် Change သလို တစ်ဖက်က ကြည့်ရှုနေသူတွေကလည်း ကိုယ်တင်ပြတဲ့ အတိုင်းတွေ့မြင်သွားရပါလိမ့်မယ်။ တစ်ခုရှိတာက Browser တိုင်းတော့ မရပါဘူး။ Internet Explorer ဒါမှမဟုတ် Firefox နဲ့ Mac Book တွေ အတွက်ဆို Safari ဖြစ်ဖို့ လိုပါတယ်။

( ရ ) Powerpoint အတွင်း Videos များ တည်းဖြတ်ပြင်ဆင်နိုင်ခြင်း

ကျွန်တော်တို့ရဲ့ Presentation မှာ အသုံးပြုမယ့် Video Clip တွေကို အသုံးမပြုခင် ပြင်ဆင်တည်းဖြတ်မှုတွေ ပြုလုပ်ချင်ပါသလား။ ဒါမှမဟုတ် 3D Rotation လိုမျိုး Professional Styles တွေ ကိုယ့် Video မှာ ထည့်သွင်းပြီး ကိုယ့်ပရိတ်သတ်ကို ရင်သတ်ရှုမော ဆွဲဆောင်ချင်ပါသလား .. ဒါလည်း ဖြစ်နိုင်ပါတယ်။ ဘာလို့လည်း ဆိုတော့ Powerpoint 2010 မှာ Powerful Video Editing Features ပါဝင်နေလို့ ပါပဲ။

( ၈ ) မိမိ၏ Slides များအား Video အဖြစ် ပြောင်းလဲနိုင်ခြင်း

Microsoft Office Powerpoint 2010 မှာ ကျွန်တော်တို့ရဲ့ Presentation ကို Video file အဖြစ် ပြောင်းလဲပေးနိုင်တဲ့ Feature လည်းပါဝင်ပါတယ်။ သူ့ကို သုံးပြီး ကိုယ်ဖန်တီးထားတဲ့ Slide တွေကို Youtube မှာ Upload တင်ပြီး ဖြန့်ဝေလို့ ရသလို ipod လို တစ်ခြား media player တွေနဲ့လည်း အသုံးပြုနိုင်မှာ ဖြစ်ပါတယ်။ ဒီ ဗီွဒီယို ပြောင်းလဲမှု လုပ်ငန်းစဉ်က ကျွန်တော်တို့ ဖန်တီးနေတဲ့ Presentation ရဲ့ နောက်ကွယ်မှာ လုပ်ဆောင်နေမှာ ဖြစ်လို့ လက်ရှိလုပ်ဆောင်နေတဲ့ Presentation လုပ်ငန်းစဉ်တွေကိုလည်း အခြေအနေမပျက် ဆက်လက်လုပ်ကိုင်နိုင်စေမှာ ဖြစ်ပါတယ်။

( ၉ ) Screen Capture ဖြည့်သွင်းပါဝင်မှု

အခုဆိုရင် Microsoft Office 2010 programs အားလုံးမှာ Screen clipping utility ထည့်သွင်းထားပါပြီ။ သူ့ကို အသုံးပြုပြီး Desktop Screen ပေါ်က ကျွန်တော်တို့ နှစ်သက်ရာနေရာကို အလွယ်ကူ အလျင်မြန်ဆုံး Capture ဖမ်းနိုင်မှာ ဖြစ်ပါတယ်။ သူ့ကို သုံးပြီး Desktop ပေါ်မှာ ရှိနေတဲ့ ဖွင့်ထားသမျှ Applications အားလုံးကို Screenshots လုပ်လို့ရသလို ကိုယ်ရွေးချယ်ရာ နေရာ သီးသန့်ကိုလည်း Screenshots နိုင်မှာ ဖြစ်ပါတယ်။

( ၁၀ ) လိုတရ Outlook

Outlook သုံးတဲ့သူ တစ်ယောက်အတွက် Outlook 2010 ထဲက Email message ကို ဖွင့်လိုက်တာနဲ့ Email ထဲမှာ ပါလာတဲ့ Attachments တွေ ၊ ဓာတ်ပုံတွေ ၊ အလုပ်နဲ့ ပတ်သတ်တဲ့ Meeting requests တွေ အပြင် ... ဟိုးအရင် တစ်ချိန်တည်းကနေပြီး ခုချိန်ထိ အဲ့ဒီ့ပုဂ္ဂိုလ်နဲ့ ဆပ်စပ်ပတ်သတ်လာခဲ့တဲ့ Email Message အချိန်းအချက်တွေ အားလုံးကို ဖော်ပြပေးသွားမှာ ဖြစ်ပါတယ်။

Office 2010 အား Installation မလုပ်ဆောင်မီ သိရှိထားရန် အချက်များ

( ၁ ) တကယ်လို့ Office 2010 ကို ပထမဆုံးအကြိမ် မိမိကွန်ပြူတာမှာ Install လုပ်ဆောင်မယ် ဆိုတဲ့အခါ တကယ်လို့ မိမိစက်ထဲမှာ Installed လုပ်ထားပြီးသား တစ်ခြား Microsoft Office အဟောင်း တစ်ခုရှိနေခဲ့ရင် Default Settings အနေနဲ့ Office 2010 က သူ့ကိုထပ်ပြီး Upgrade လုပ်ဆောင်သွားမှာ ဖြစ်ပါတယ်။ တကယ်လို့ ဒါကို မကြိုက်ဘူး ဆိုရင်လည်း ဒီ Settings ကို စိတ်ကြိုက်ပြောင်းလဲပြီး အဟောင်းရော အသစ်ရော ၂ ခုယှဉ် သုံးစွဲလို့ ရပါတယ်။

( ၂ ) တကယ်လို့ Office 2010 တင်ရတာ အခက်အခဲ အမျိုးမျိုး ရှိနေမယ် ဆိုရင်တော့ Cleanup Utility ကို သုံးပြီး စက်ထဲမှာ ရှိနေပြီးသား Office အဟောင်းကို အရင်ဆုံးရှင်းသွားအောင် Uninstall လုပ်ဆောင်ပါ။ ပြီးတော့မှာ Office 2010 ကို Clean installation လုပ်ဆောင်ပေးပါ။

Microsoft Office Professional Plus 2010 Beta ကို ဒီနေရာကနေ ဒေါင်းလုပ်ရယူနိုင်ပါတယ်။ ဒါပေမယ့် သူ့ကို ဒေါင်းလုပ်ရယူဖို့ ဆိုရင် ကိုယ့်မှာ အရင်ဆုံး Windows Live ID ရှိဖို့ လိုပါတယ်။ မရှိသေးရင် ဒီနေရာကနေ အကောင့်အသစ် တစ်ခုလုပ်ပါ။ ဒေါင်းလုပ်လုပ်ဖို့ အတွက် ညာဘက်အပေါ်ထောင့်နားမှာ ရှိနေတဲ့ Get it now. ကို နှိပ်ပါ။

ကိုယ့်ရဲ့ Windows Live ID ကို တောင်းပါလိမ့်မယ်။ ဖြည့်ပြီး ဝင်လိုက်တာနဲ့ Office 2010 install လုပ်မယ့် အချိန်မှာ ဖြည့်သွင်းရမယ့် ကီးကို အလကားပေးပါလိမ့်မယ်။ အဲတာကို မှတ်ထားပြီး အောက်နားမှာ ပါလာတဲ့ Download ဆိုတာကို နှိပ်ပါ။ ဒီအောက်က ဟာကြီးကို မနှိပ်ရဘူးနော် အဲတာပုံကြီး ..

ဒါဆို အဆင်ပြေပါပြီ။