Everything You Need to Know About Jailbreaking

 
Photo from http://www.digitaltrends.com/
 
ရန်ကုန်က ဖုန်းလောကမှာ Apple Products (iPhones,iPads) တွေကို Jailbreak လုပ်တာနဲ့ ပတ်သတ်ပြီး တော်တော်များများ စိတ်ဝင်စားကြသလို အတော်လည်း အလုပ်ဖြစ်တာတွေ့ရတယ်။ အားလုံးသိထားတဲ့အတိုင်း iPhones တို့ iPads တို့က locked-down devices တွေလေ။ အသစ်ဝယ်လိုက်လို့ စသုံးတဲ့အချိန်မှာ Windows လိုမျိုး Apps တွေကို တင်ချင်ရာတင်ပြီး သုံးလို့ရတာမျိုး မဟုတ်ဘူး။ Apple ကခွင့်ပြုထားတဲ့ Apps တွေကိုပဲ Install လုပ်လို့ရတယ်။ ခွင့်ပြုထားတဲ့ အတိုင်းအဆ အတွင်းမှာပဲ ကန့်သတ်ချက်နဲ့ တန်ဆာဆင်လို့ရမယ်။ ဆိုရရင် အကျယ်ချုပ် ချထားခံရသလိုပေါ့။ Jailbreaking ဆိုတာ အဲ့လိုကန့်သတ်ချက်တွေနဲ့ ထိန်းချုပ်ထားတဲ့ အကျဉ်းတစ်ခုကနေ ဖောက်ထွက် လွတ်မြောက်ခြင်းလို့ အဓိပ္ပါယ်ဖွင့်ရမယ် ထင်တယ်။
 
တကယ်တော့ Apple က သူ့ Devices တွေကို Jailbreak လုပ်တာ နည်းနည်းလေးမှ ကြိုက်ပုံမရပါဘူး။ iOS တစ်ခု အသစ်ထွက်တိုင်းထွက်တိုင်းမှာ အရင်ကထက် Jailbreak လုပ်ဖို့ခက်အောင် ကြိုးစားလာတာတွေ့ရတယ်။ Jailbreaking Community နဲ့ Apple နဲ့ကလည်း ကျွန်တော်တို့ ငယ်ငယ်က တအားကြိုက်တဲ့ ကြောင်နဲ့ကြွက် ကာတွန်းကားလိုပဲ။ ဘယ်လောက်ပဲ Apple က ဖောက်လို့မရအောင်လုပ်လုပ် အချိန်အတိုင်းအတာ တစ်ခုကြာရင် Jailbreaking Community က ဖောက်လို့ရခဲ့တာချည်းပဲ။
 
Jailbreaking ဆိုသည်မှာ
 
Jailbreaking ဆိုတာ Rooting, Unlocking နဲ့ မတူဘူး။ ဒါပေမယ့် သဘောတရားတော့ ဆင်တယ်။ အားလုံးနီးပါး အကျွမ်းတဝင်ရှိကြတဲ့ Android နဲ့ တစ်ခြား Modern devices တွေလိုပဲ iOS devices တွေဖြစ်တဲ့ iPhones, iPads, နဲ့ iPod Touches တွေလည်း အသစ်စက်စက် အခြေအနေမှာ Locked-down လုပ်ထားကြတယ်။ Locked-down လုပ်ခံထားရတဲ့ အခြေအနေတစ်ခုက Windows, Mac, နဲ့ Linux မှာ Low-level access နဲ့ သုံးနေရတဲ့ User တစ်ယောက်နဲ့ဆင်တယ်။
 
Jailbreak လုပ်ဆောင်ရခြင်း အကြောင်းအရင်း
 
အဲ့တော့ သဘောသဘာဝအရ ကိုယ့်ရဲ့ iPhone ဒါမှမဟုတ် iPads က locked-down ဖြစ်နေပြီဆိုရင် (Jailbreak မလုပ်ရသေးဘူးဆိုရင်) Apple ကခွင့်ပြုထားတာထက် ကျော်လွန်ပြီး ကျွန်တော်တို့ဘာမှ လုပ်လို့မရတော့ဘူး။ ဥပမာအနေနဲ့ - Jailbreak မလုပ်ရသေးတဲ့ iPhone, iPad တစ်ခုအတွက် ကန့်သတ်ချက်တွေ ပြောရရင် -

• Default Email App တစ်ခု ကိုဖြစ်စေ Web Browser တစ်ခုကိုဖြစ်စေ ကိုယ်ကြိုက်တဲ့ အခြားတစ်ခုနဲ့ ပြောင်းသုံးလို့ မရဘူး။
• Apple ရဲ့ App Store မှာ ရှိနေတဲ့ Apps တွေကလွဲရင် တစ်ခြားပြင်ပက ဘယ် Apps ကိုမှ Install လုပ်ပိုင်ခွင့်မရှိဘူး။
• Apple က အတည်ပြုမထားတဲ့ ဘယ် Operating System ပိုင်းဆိုင်ရာ ပြင်ဆင်မှုကိုမှ လုပ်လို့မရဘူး။
• Themes တွေ ပြောင်းတာ၊ Widgets တွေထည့်တာ၊ Wi-Fi tethering လုပ်တာ စတဲ့ System-level tweaks တိုင်းကလည်း Jailbreak လုပ်မထားပဲ မပြီးမြောက်နိုင်ဘူး။

အဲ့တော့ အရာရာတိုင်းကို ကန့်သတ်ပိုင်ခွင့်၊ စိတ်ကြိုက်ဖန်တီးနိုင်ခွင့်ရှိတဲ့“Administrator”/“Root user” ဖြစ်လာအောင် ကျွန်တော်တို့ လူပီသစွာ ကြိုးစားကြတယ်။ ဒါကိုပဲ ကျွန်တော်တို့ Jailbreak လုပ်တယ်လို့ ခေါ်တယ်။ အဲ့တော့ Jailbreak လုပ်ရခြင်းရဲ့ အဓိက ရည်ရွယ်ချက်ကို ပြောပါဆိုရင် - အရာတိုင်းကို ပိုင်နိုင်ဆိုင်နိုင်အောင် ကြိုးစားခြင်း ပဲဖြစ်လိမ့်မယ်လို့ ကျွန်တော် ယုံကြည်တယ်။
 
Email Apps လေးပြောင်းယုံ၊ Web Browser လေး လဲယုံလောက်နဲ့ Jailbreak မလုပ်သင့်ဘူးဆိုပေမယ့် Jailbreak လုပ်ထားခြင်းအားဖြင့် ပုံမှန်အခြေအနေမှာ ရဖို့မဖြစ်နိုင်တဲ့ System ပိုင်းဆိုင်ရာ ပြင်ဆင်ပိုင်ခွင့် ရရှိနိုင်တာမို့ အဆိုးထဲက အကောင်းလို့လည်း ယူဆလို့ရပါတယ်။
 

 
Photo from http://parsherald.com
 
Apple နှင့် Jailbreaking
 
Apple အနေနဲ့ Jailbreak လုပ်တာကို လက်မခံနိုင်ရတဲ့ အဓိကအကြောင်းအရင်းက Jailbreaking လုပ်ငန်းစဉ်ဟာ Apple ကနေ ဖန်တီးထားတဲ့ iOS Operating System ရဲ့ Security ပိုင်းဆိုင်ရာ အားနည်းချက်အပေါ် အခြေခံပြီး ထိုးနှက်တိုက်ခိုက်မှုတွေ လုပ်ဆောင်လာမှာ စိုးရိမ်လို့ပါ။ အဲ့တာကြောင့် iOS တစ်ခုအတွက် Jailbreaking လုပ်ဆောင်နည်းတစ်ခု ပေါ်ထွက်လာတိုင်း Apple အနေနဲ့ သူ့အားနည်းချက်ကို နောက်ထွက်မယ့် iOS မှာ ဖာထေးနိုင်အောင် ကြိုးစားခဲ့ပါတယ်။ iOS အသစ်ထွက်လာတိုင်းမှာ အရင်လုပ်လို့ရတဲ့ Jailbreak လုပ်ဆောင်နည်း က အသက်မဝင်တော့ပဲ Jailbreaking Community တွေအနေနဲ့ iOS အသစ်ကို နောက်ထပ် Jailbreak လုပ်နိုင်ဖို့ ကြိုးစားကြပါတယ်။ အဲ့လိုယှဉ်ပြိုင်မှုတွေကြောင့် iOS Version အသစ်ထွက်လာရင် Windows မှာလိုမျိုး ဝမ်းသာအားရနဲ့ လူတိုင်း Upgrade မလုပ်ကြဘဲ အဲ့ဒီ့ iOS အသစ်ကို Jailbreak လုပ်လို့ရတဲ့ အချိန်ထိ စောင့်ပြီးမှ Upgrade လုပ်တတ်ကြတယ်။ အကြောင်းရင်းကတော့ Jailbreak လုပ်လို့မရခင် ကိုယ့် Devices ကို Upgrade လုပ်လိုက်ရင် iOS Version က Upgrade ဖြစ်သွားပေမယ့် ကိုယ့် Devices က Locked-down state ပြန်ရောက် သွားနိုင်လို့ပါ။
 
ဥပမာအနေနဲ့ ဆိုရရင် - iOS 7 ကို September 16, 2013 မှာ တရားဝင်ဖြန့်ချီခဲ့ပြီး သူ့ကို Jailbreak လုပ်နိုင်တဲ့ နည်းကိုတော့ December 22, 2013 မှာမှ တွေ့ရှိခဲ့တယ်။ အဲ့တော့ Jailbreaking Community ဟာ iOS 7 ကို Jailbreak လုပ်နိုင်ဖို့ လေးလကျော် ကြိုးစားခဲ့ရတယ်လို့ ဆိုနိုင်ပါတယ်။ အဲ့လို Jailbreak မအောင်မြင်သေးတဲ့ ကြားကာလအခြေအနေမှာ ကျွန်တော်တို့တွေ iOS version အသစ်ကိုပြောင်းပြီး ကိုယ့် Devices ကို Locked-down state နဲ့ သုံးချင်သုံး၊ နေမြဲအတိုင်း Jailbreak လုပ်ထားတဲ့ iOS 6 မှာပဲ နေချင်နေ ကြိုက်သလို ဆုံးဖြတ်နိုင်ပါတယ်။ Apple ကလည်း iOS ရဲ့ အားနည်းချက်ကို ဖားထေးနိုင်ဖို့ နည်းမျိုးစုံနဲ့ ကြိုးစားနေတာမို့လို့ နောက်လာမယ့် iOS တွေဆိုရင် Jailbreak လုပ်နိုင်ဖို့ အချိန်တော်တော် ယူရဦးမှာပါ။
 
Jailbreak လုပ်ဆောင်နည်း
 
Jailbreak လုပ်မယ်လို့ စိတ်ကူးရှိရင် တစ်ခြားဘာမှ မလုပ်သေးခင် အရင်ဆုံး Device ကို Backup လုပ်ထားပါ။ အဲ့တာမှ တစ်ခုခု ပြဿနာရှိလာရင် Restore ပြန်ခေါ်လို့ရနိုင်မယ်။ လက်ရှိ iOS 7 သုံးနေတယ်ဆိုရင် ကျွန်တော်တို့ အတွက် မဖြစ်မနေလိုတာ Jailbreak Tool ပါ။ ဒေါင်းလုပ်ချပါ။ ကိုယ့် Computer မှာ Run ပါ။ လက်ရှိ iOS 7 အတွက် သုံးတဲ့ Jailbreaking Tool က evasi0n ပါ။ Download ချပြီးသွားရင် ကိုယ့်ရဲ့ iOS device ကို Computer နဲ့ USB cable ကနေတဆင့်ချိတ်ပြီး Tool ကို Run ပါ။ Jailbreak Tool က ညွန်ကြားတဲ့ ညွန်ကြားချက်အတိုင်း ဆက်သွားပါ။ ဒါဆို အဆင်ပြေပြေနဲ့ Jailbreak လုပ်နိုင်ပါလိမ့်မယ်။ Jailbreak လုပ်ဆောင်ပုံအဆင့်ဆင့်ကို အောက်မှာ ဖော်ပြထားတဲ့ Video ကနေလည်း လေ့လာနိုင်ပါတယ်။

 
Jailbreak လုပ်ဆောင်နေစဉ်မှာလည်း ကိုယ့် Device ထဲကို Tool ကနေ Cydia ထည့်ပေးပါလိမ့်မယ်။ Cydia ဆိုတာ Apple က အတည်ပြုမထားတဲ့ App store တစ်ခုဖြစ်ပြီး သူ့ကိုလည်း Jilbreaking Community ကနေပဲ စီစဉ်ဖန်တီးထားတာပါ။ ဥပမာအနေနဲ့ - Cydia ကနေတဆင့် ကျွန်တော်တို့ ကိုယ်သုံးချင်တဲ့ Browser ကို BrowserChooser app ကနေ ရွေးယူနိုင်တယ်။ ကိုယ်ထည့်ချင်တဲ့ Widgets တွေ ထည့်နိုင်တယ်။ ပြောရရင် Cydia ကြောင့် Jailbreak လုပ်ဖြစ်သွားတာလို့တောင် ဆိုနိုင်တယ်။
 

 
Photo from http://redsn0wjailbreak.com/
 
ဒါကြောင့် နောက်ဆုံးအနေနဲ့ စာဖတ်သူမှာရှိတဲ့ iOS devices တစ်ခုခုကို OS Upgrade လုပ်ချင်ပြီဆိုရင် သူ့ကို Jailbreak လုပ်နိုင်မယ့် ကာလတစ်ခုထိစောင့်ဆိုင်းပြီးမှ Upgrade လုပ်ကြဖို့ အကြံပြုပြောကြားလိုပါတယ်။
 
Maung Zin.

Test Your Blog from Various Conditions

Blogger.com ကို စပြီး အခြေချမိတာ ၂၀၀၇ ခုနှစ် နှစ်လယ်ပိုင်းလောက်က ဖြစ်လိမ့်မယ်။ Blogging Platform အမျိုးမျိုး မြည်းစမ်းခဲ့ဖူးပေမယ့် နောက်ဆုံးတော့ ဒီ Blogger ကို ပြန်ရောက်ခဲ့တာပဲ။ ကျွန်တော့်စိတ်ထဲ အရှိအတိုင်း ပြောရရင် Google ကပေးတဲ့ Blogger Service က ရိုးသားတယ်လို့ ထင်မိတယ်။ ဒီစိတ်ကလည်း Blogger ရေးတဲ့သက်တမ်း (၇)နှစ်ကျော်မှာ ခံစားမိတာမို့လို့ မှားနိုင်စရာမရှိဘူး။ စီးပွားရေးအတွက်ရည်ရွယ်ပြီး ရေးတဲ့ ဘလော့မဟုတ်လို့ ဒီဘလော့ကနေ ငွေကြေးအကျိုးအမြတ်တစ်စုံတစ်ရာ မရခဲ့ဖူးသလို ဘလော့အပြင်အဆင်ပိုင်းဆိုင်ရာနဲ့ Custom Doamin Name ဆိုတာတွေကိုလည်း စိတ်ရှိသလို မဖန်တီးနိုင်ခဲ့ဘူး။ Hosting ဝယ်ရေးဖို့ဆိုတာကတော့ အဝေးကြီးပါ။
 
ဒါပေမယ့် ကွန်ပြူတာနည်းပညာကို ငွေကုန်ကြေးကျသက်သာစွာနဲ့ ထဲထဲဝင်ဝင် လေ့လာလိုသူတွေအတွက် တစ်ဖက်တစ်လမ်းကနေ တတ်စွမ်းသရွေ့ အထောက်အကူပြုနိုင်အောင် ကျွန်တော့်ဘလော့ကို အကြိမ်ပေါင်းများစွာ ပြင်ဆင်ခဲ့ပါတယ်။

• Zawgyi နဲ့ ရေးတဲ့ ဘလော့အဆင့်ကနေ Unicode အဆင့်ဖြစ်အောင် ဖန်တီးတယ်။
• ယူနီကုတ်ဘလော့ ဖြစ်သွားတော့ Browsers တိုင်းကနေ စာဖတ်သူရဲ့ စက်ထဲမှာ Unicode မရှိရင်တောင် ဘလော့ကို ဖတ်ဖို့အဆင်ပြေနိုင်အောင် Font Embed လုပ်နိုင်ဖို့ ကြိုးစားခဲ့တယ်။
• Templates မျိုးစုံပြောင်းပြီး Screen sizes အမျိုးမျိုး၊ Resolutions အမျိုးမျိုး၊ Desktops, Tablets နဲ့ Mobile screens အမျိုးမျိုးက ကြည့်ဖို့ အဆင်ပြေအောင် ကြိုးစားခဲ့တယ်။

ပညာရှင်တစ်ယောက် မဟုတ်တဲ့အပြင်၊ ငွေကုန်ကြေးကျမခံနိုင်တဲ့ ဘလော့ဂါတစ်ယောက်အနေနဲ့ ဒီအခက်အခဲတွေ အားလုံးနီးပါး ပြေလည်အောင် နာရီပေါင်းများစွာ ရင်းနှီးခဲ့ရတယ်ဆိုတာ ကျွန်တော့်ဇနီးကလွဲပြီး ဘယ်သူမှ မသိနိုင်ပါဘူး။ တကယ်လို့ စာဖတ်သူဟာ Webmaster တစ်ယောက် ဒါမှမဟုတ် Blog/Website တစ်ခုကို ဖန်တီးရေးသားနေတဲ့ စာရေးသူတစ်ယောက် ဖြစ်ခဲ့မယ်ဆိုရင် ကျွန်တော် ဖြတ်သန်းခဲ့ရတဲ့ အခက်အခဲတွေကြားထဲက တတိယမြောက်အခက်အခဲကိုလည်း မလွဲမသွေ ဖြတ်သန်းခဲ့ကြဖူးမှာပါ။
 
ကိုယ့်မှာဘလော့တစ်ခုလည်း ရှိနေပြီ ပင်တိုင်စာဖတ်ပရိတ်သတ်လည်း အတိုင်းအတာတစ်ခုထိ ရလာပြီဆိုရင် စာရေးသူတစ်ယောက်အနေနဲ့ ကိုယ်သုံးထားတဲ့ Theme/Template က Screen sizes အမျိုးမျိုး၊ Resolutions အမျိုးမျိုး၊ Desktops, Tablets နဲ့ Mobile screens အမျိုးမျိုးနဲ့ ကြည့်ဖို့အဆင်ပြေရဲ့လားဆိုတာ မဖြစ်မနေ စမ်းသပ်ကြည့်ထားသင့်ပါတယ်။ အထူးသဖြင့် Templates ကို Responsive web design သုံးထားတဲ့သူတွေအနေနဲ့ ကိုယ့်ဘလော့က Resolutions မျိုးစုံမှာ မြင်ရမယ့်အနေအထား အဆင်ပြေမှုရှိ/မရှိ သိထားဖို့ ပိုအရေးကြီးပါတယ်။
 
ဒီဘက်ခေတ်မှာ လူဖတ်များ လူဝင်များတဲ့ ထိပ်တန်း websites တော်တော်များများ Responsive web design ကိုသုံးလာကြတယ်။ ဘာလို့လည်းဆိုတော့ Responsive web design က ကိုယ့်ဘလော့/ဝက်ဘ်ဆိုဒ်ကို ဘယ်လို Devices မျိုးနဲ့ပဲကြည့်ကြည့် လိုက်လျောညီထွေဖြစ်အောင် ဖန်တီးပေးနိုင်တယ်။ အားလုံးသိထားပြီးတဲ့အတိုင်း Screen resolution ဆိုတာ ပုံနဲ့စာတွေကို ဘယ်လောက်ထိ ကြည်ကြည်လင်လင် ပြတ်ပြတ်သားသား ဖော်ပြနိုင်လဲဆိုတာ ရည်ညွှန်းတာမို့လို့ ကိုယ့်စက်ရဲ့ Resolution က 1600 x 1200 pixels ထက်များတယ်ဆိုရင် Screen မှာပေါ်မယ့် စာနဲ့ ရုပ်ပုံတွေကို ထင်ထင်ရှားရှား မြင်ရမယ်။ တကယ်လို့ Screen resolution က 800 x 600 pixels ထပ်နည်းမယ် ဆိုရင်တော့ ကိုယ်သုံးထားတဲ့ Theme/Template က လိုက်လျောညီထွေ ဖန်တီးမပေးနိုင်ရင် Screen ပေါ်မှာ ဘာစာလုံးကိုမှ ပြတ်ပြတ်ထင်ထင် မမြင်ရတော့ဘူး။ ကိုယ်ဖတ်ချင်တာ မြင်ရဖို့ အချိန်တိုင်း Zoom ဆွဲပြီး ဖတ်ရလိမ့်မယ်။ Responsive web design က ဒီအခက်အခဲကို ပြေလည်အောင် ကူညီပေးနိုင်တယ်။ Screen sizes အမျိုးမျိုး၊ Resolutions အမျိုးမျိုး နဲ့ Devices အမျိုးမျိုးပေါ်မူတည်ပြီး Screen နဲ့ Fit ဖြစ်အောင် လုပ်ပေးနိုင်တဲ့အပြင် Articles တွေကိုလည်း စာဖတ်သူ ထင်ထင်ရှားရှား ကြည့်နိုင်အောင် စီစဉ်ပေးနိုင်တယ်။
 
Test Your Blog from Various Conditions
 
တကယ်တမ်းတော့ ကိုယ့်ဘလော့က Devices အမျိုးမျိုး အခြေအနေအမျိုးမျိုးမှာ ဘယ်လိုပုံပေါက်နေမယ်ဆိုတာ သိနိုင်ဖို့မလွယ်ဘူး။ တော်ယုံလူတစ်ယောက် အများဆုံး ဆောင်ထားနိုင်ရင် ဖုန်းတစ်လုံး၊ Laptop တစ်လုံးနဲ့ Tablet တစ်လုံးပေါ့။ အဲ့ဒီ့ သုံးမျိုးလောက်နဲ့ ဘလော့တစ်ခုရဲ့ ပုံပန်းသဏ္ဍန်ကို အတည်ပြုဖို့ဆိုတာ မဖြစ်နိုင်ဘူး။ အဲ့လိုအခက်အခဲ ဖြစ်လာရင် ကျွန်တော်တို့ ဘလော့တွေကို Screen sizes အမျိုးမျိုးနဲ့ Resolutions အမျိုးမျိုး မှာ ဘယ်လိုအနေအထား ဖြစ်နေမယ်ဆိုတာ စမ်းသပ်ကြည့်နိုင်တဲ့ Online Testers တွေကို အားကိုးကြည့်ပါ။ စိတ်ကျေနပ်လောက်စရာ အဖြေ တစ်ခု ရလာပါလိမ့်မယ်။
 
Quirktools.com/screenfly
 
သူကတော့ လူသုံးအများဆုံး Online resolution testers တွေထဲက တစ်ခုပါ။ Screenfly က Resolutions အမျိုးမျိုး ကို Support ပေးတဲ့အပြင် TV, Tablets, Mobile Phones, Notebooks နဲ့ Desktops အမျိုးမျိုးနဲ့လည်း ကိုယ့်ဘလော့ရဲ့ အနေအထားကို ကြည့်ရှုခွင့်ပေးပါတယ်။ အခြေအနေအမျိုးမျိုးမှာ ရှိနေနိုင်မယ့် TechSectors ရဲ့ သွင်ပြင်ပုံပန်းသဏ္ဍန်ကို ဒီနေရာကနေ လေ့လာကြည့်ပါ။
 

 
Screenfly နဲ့ ဘလော့တစ်ခုကို စမ်းသပ်ကြည့်ချင်မယ်ဆိုရင် URL ကို Copy ကူး - သူပေးထားတဲ့ နေရာမှာ ထည့်ပြီး စမ်းယုံပါပဲ။ စက္ကန့်ပိုင်းအတွင်း Devices အမျိုးမျိုးနဲ့ ပြောင်းလဲကြည့်ရှုခွင့် ရပါလိမ့်မယ်။
 

 
TestSize
 
TestSize ကတော့ ဘလော့တွေကို Resolutions အမျိုးမျိုးနဲ့ ကြည့်ရှုနိုင်တဲ့ သမားရိုးကျ Web app တစ်ခုပါပဲ။ သူ့ကိုသုံးမယ်ဆိုရင် Resolutions ကို Manually ချိန်ညှိပြီး ကြည့်နိုင်သလို Screen size အနေအထား အတိုးအလျော့လုပ်ပြီးလည်း ကြည့်နိုင်ပါတယ်။
 

 

Screen-Resolution.com
 
Screen-Resolution ကလည်း ဘလော့တွေကို Resolutions အမျိုးမျိုးနဲ့ စမ်းသပ်ကြည့်ဖို့ သင့်တော်တဲ့ Tool တစ်ခုပါ။ တစ်ခြား Testing Tools တွေနဲ့ မတူတာက သူ့မှာ Screen-Resolution ကို ချိန်ညှိနိုင်တဲ့ Resolution options တွေကို အောက်ဘက်မှာ ထင်သာမြင်သာ ဖော်ပြပေးထားတယ်။ Screen-Resolution က Internet Explorer တွဲသုံးမှ ပိုအဆင်ပြေပါတယ်။ တစ်ခြား Browsers တွေ ဥပမာ- Chrome, Firefox တို့နဲ့ တွဲသုံးရင် Pop up Windows နဲ့ တက်လာပါလိမ့်မယ်။ သူ့ကို စမ်းသုံးကြည့်မယ်ဆိုရင် အရင်ဆုံး Screen-Resolution ကို Internet Explorer နဲ့ ဖွင့်ပြီး ကိုယ်စမ်းချင်တဲ့ ဘလော့ကို URL နေရာမှာထည့်စမ်းနိုင်ပါတယ်။
 

 
စာရေးသူတစ်ယောက်အနေနဲ့ ကိုယ့်ဘလော့မှာလေ့လာနေတဲ့ စာဖတ်သူတွေ အခြေအနေအမျိုးမျိုးမှာ စိတ်ပျက်ငြီးငွေ့ မသွားအောင် ဖန်တီးပေးနိုင်ဖို့ အဓိကအရေးကြီးတာမို့လို့ စာဖတ်သူဟာ စာရေးသူတစ်ယောက် ဖြစ်နေခဲ့မယ်ဆိုရင် အပေါ်မှာဖော်ပြခဲ့တဲ့ Online Testers တွေနဲ့ စမ်းသပ်ပြီး ဘလော့ကို အကောင်းဆုံးဖြစ်အောင် တည်ဆောက်သွားကြဖို့ အကြံပြုတိုက်တွန်းလိုပါတယ်။
 
Maung Zin.

Benefits of Linux Distros and Open-source

 
တစ်ချိန်တုန်းကတော့ Linux နဲ့ပတ်သတ်ပြီး ကျွန်တော်တို့ အနေစိမ်းခဲ့ကြတယ်။ ခုနောက်ပိုင်းတော့ အင်တာနက်ထဲက Blogger အသိုင်းအဝိုင်းမှာ Linux နဲ့ပတ်သတ်ပြီး အတော် လူပြောများလာပြီ။ Linux အကြောင်း (အထူးသဖြင့် Ubuntu အကြောင်း)ရေးတဲ့ Blog တွေလည်း တော်တော်များလာခဲ့ပြီ။ Linux အကြောင်းကြားဖူးတဲ့သူ အတော်များများ အထူးသဖြင့် သုံးဖူးကြတဲ့ သူတွေဆိုရင် Linux Distributions ကို တစ်ခါတစ်လေ Linux Distros လို့သုံးသုံးပြီး ပြောတတ်ရေးတတ် ကြတာလည်း မြင်ဖူးကြားဖူးကြလိမ့်မယ်။ Linux Distros အကြောင်းနဲ့ပတ်သတ်ပြီး တစ်ချိန်တုန်းက ကျွန်တော် Ubuntu (Linux) for All ဆိုတဲ့ ခေါင်းစဉ်နဲ့ ရေးခဲ့ဖူးတယ်။
 
Linux Distros ဆိုတာ Linux Distributions ကနေလာပြီး Linux မူကွဲအမျိုးအစားများလို့ အဓိပ္ပါယ်ရပါတယ်။ Linux ကို ခဏတဖြုတ် စမ်းသုံးတာမျိုးမဟုတ်ပဲ မကြာခဏသုံးမယ့် OS တစ်ခုအဖြစ် အတည်ပြုရွေးချယ်တော့မယ်ဆိုရင် ကျွန်တော်တို့မှာ Ubuntu တင်မကပဲ တခြားရွေးချယ်စရာ Distros တွေ အများအပြားရှိသေးတယ်ဆိုတာကို သိထားဖို့ လိုပါတယ်။ Desktop အနေနဲ့ သုံးမလား၊ Server အနေနဲ့သုံးမလား - ကျွန်တော်တို့မှာ ရွေးချယ်စရာ Distros မျိုးကွဲပေါင်းများစွာ ရှိပါတယ်။ အားလုံးထဲမှာ Ubuntu က လူသိအများဆုံးပါ။ ဒါပေမယ့် အဲ့ဒီ့ Ubuntu ဆိုတာလည်း Linux မျိုးကွဲပေါင်းများစွာထဲက တစ်ခုပါပဲ။
 
Linux Distros ဟူသည်မှာ အဘယ်နည်း။
 
Linux ဟာ Windows မဟုတ်သလို Mac OS X နဲ့လည်း မတူပါဘူး။ Windows မှန်သမျှကို Microsoft ကပဲဖန်တီးပြီး Windows အသစ်ဖန်တီးနိုင်ခွင့်ကိုလည်း Microsoft ကပဲ ပိုင်ဆိုင်ပါတယ်။ တကယ်လို့ Operating System ရွေးချယ်မှုမှာ Windows တစ်ခုတည်းကိုပဲ ပထမဦးစားပေး ထားမယ်ဆိုရင် ကျွန်တော်တို့တွေအားလုံး Microsoft ကချပြတဲ့ လက်ရာတွေကိုပဲ ရွေးချယ်မြည်းစမ်းနိုင်ပါလိမ့်မယ်။ သူတို့ရဲ့ Operating System မှာ ဘာအားနည်းချက်တွေ ရှိနေနိုင်လဲ ကျွန်တော်တို့ မသိနိုင်ဘူး။ ခုနောက်ပိုင်း တအားလူပြောများလာတဲ့ Privacy ပိုင်းဆိုင်ရာ လုံခြုံမှု ဘယ်လောက်ရှိမလဲ ကျွန်တော်တို့ နားမလည်နိုင်ဘူး။
 
Linux ကတော့ သူတို့တွေနဲ့ တော်တော်လေးကွဲပြားတယ်။ Linux Operating System က Microsoft တို့ Apple တို့လို အဖွဲ့အစည်းတစ်ခုတည်းက ထုတ်လုပ်တာ မဟုတ်ဘူး။ Linux ကို မတူညီတဲ့ အဖွဲ့အစည်း အသီးသီးက ပညာရှင်တွေပေါင်းစည်းပြီး မတူညီတဲ့ကဏ္ဍမျိုးစုံကနေ ဖွဲ့စည်းတည်ဆောက် နေကြတာပါ။ အဲ့ဒီ့မတူညီတဲ့ကဏ္ဍမျိုးစုံထဲမှာ Linux Kernel လို့ခေါ်တဲ့ (OS တစ်ခုရဲ့ ပင်မကျောရိုး)၊ GNU Shell Utilities လို့ခေါ်တဲ့ (ကျွန်တော်တို့ သုံးရတဲ့ Commands တွေနဲ့ Terminal ပိုင်းဆိုင်ရာ)၊ X Server လို့ခေါ်တဲ့ (Graphical Desktop ထုတ်လုပ်မှုပိုင်း) နဲ့ အဲ့ဒီ X Server ပေါ်မှာ Run နိုင်ဖို့ ဖန်တီးရတဲ့ Desktop Environment …. ဆိုပြီး ကဏ္ဍမျိုးစုံပါဝင်ပါတယ်။ ဒါတင်မက System Services, Graphical Programs, Terminal Commands ဆိုတာတွေကလည်း သူ့အစိတ်အပိုင်းအလိုက် ကဏ္ဍခွဲပြီး ပညာရှင်တွေက ဖန်တီးနေကြပါတယ်။ နေရာမျိုးစုံကနေ ကဏ္ဍခွဲပြီး ဖန်တီးနေကြတယ်ဆိုပေမယ့် သူတို့အားလုံးရဲ့ တူညီတဲ့ပန်းတိုင်က ဖန်တီးထားသမျှကို မကွယ်ဝှက်ပဲ တစ်ခြားသူတစ်ဦးကို ဆက်လက်ဖန်တီးခွင့်ပေးတဲ့ Open-Source Software ဖြစ်စေတဲ့ အချက်ပါ။
 
Open-Source Software ဖြစ်ခြင်း/မဖြစ်ခြင်းဟာ နည်းပညာဖွံ့ဖြိုးမှု နောက်ကျနေတဲ့ ကျွန်တော်တို့နိုင်ငံအတွက် သိပ်အရေးမပါလှပေမယ့် ဒီနေ့ကိုယ်မသေရင် မနက်ဖြန်သူသေ အပြိုင်ကျဲကြရတဲ့ စက်မှုဖွံ့ဖြိုးပြီး နိုင်ငံတွေအတွက် သိပ်ကိုထူးခြားတဲ့ ဖြစ်ရပ်တစ်ခုပါ။ မရှေးမနှောင်းမှာ ခုထက်မြင့်မားတဲ့ ပညာရေးစနစ် ကျွန်တော်တို့နိုင်ငံ ရရှိခဲ့မယ်ဆိုရင် Open-Source ရဲ့ ကျေးဇူးတရားကြောင့် OS တစ်ခုရဲ့ တည်ဆောက်ပုံ၊ Applications တစ်ခု ဖန်တီးပုံတွေကို Source Code ကနေတဆင့် ကျွန်တော်တို့ လေ့လာခွင့်ရနိုင်သလို၊ နောင်တစ်ချိန်မှာ ကျွန်တော်တို့သာ Source Code တွေကို နားလည်တဲ့ ကျွမ်းကျင် Programmers တွေ ဖြစ်ခဲ့ရင် အပေါ်မှာ ပြောခဲ့တဲ့ Linux Kernel ကနေစလို့ Graphical Programs, Terminal Commands တွေအဆုံး မိမိစိတ်ကြိုက် ဖန်တီးပြင်ဆင်ခွင့် ရနိုင်ပါလိမ့်မယ်။ စိတ်ကြိုက်ဖန်တီး ပြင်ဆင်လို့ရမယ် ဆိုပေမယ့် ကဏ္ဍပေါင်းစုံမှာ ပညာရှင်ပေါင်းစုံက ဖန်တီးထားတဲ့ လက်ရာတွေကို တကယ်တမ်း ကောင်းပေ့ညွန့်ပေ့ဆိုတဲ့ Linux Distros တစ်ခုဖြစ်လာဖို့ ပြန်လည်ပေါင်းစည်းကြတဲ့ အချိန်မှာ ထင်သလောက် မလွယ်တော့ပါဘူး။ အချိန်ပေါင်းများစွာ ပေးကြရတယ်။ ငွေပေါင်းများစွာ အကုန်အကျခံရတယ်။ ညှိနှိုင်းမှုပေါင်းများစွာ လုပ်ဆောင်ရတယ်။
 

 
Open-Source Projects က ဖြန့်ဝေထားတဲ့ Code ကိုယူ၊ လူတိုင်းအတွက် အရံသင့်သုံးနိုင်မယ့် OS တစ်ခု ဖြစ်လာဖို့ - အခက်အခဲများစွာကြားမှာ အကြိမ်ပေါင်းမနည်း Compiling လုပ်ပြီးမှ ရလာဒ်အဖြစ်နဲ့ ပေါ်ထွက်လာတဲ့ Operating System တစ်ခုကို တစ်ဦးတစ်ယောက်/ အဖွဲ့အစည်းတစ်ခုတည်းအတွက် သီးသန့်မရည်ရွယ်ဘဲ လူတိုင်းလွတ်လပ်စွာ သုံးစွဲနိုင်အောင် အခကြေးငွေမယူဘဲ ဖြန့်ဝေပေးခဲ့ကြတယ်။ ဒါတင်မကသေးဘူး အလကားသုံးခိုင်းယုံတင်မက ကိုယ်လိုချင်တဲ့ Desktop Environment၊ ကိုယ်သုံးချင်တဲ့ Browser ကနေစလို့ တစ်ခြား Software အားလုံးကိုလည်း ကိုယ့်စိတ်ကြိုက် ရွေးချယ်နိုင်အောင် စီစဉ်ပေးထားသေးတယ်။ တစ်ချို့ Distros တွေမှာဆိုရင် OS တင်ပြီးမှ ကောင်းနိုးရာရာတွေကို တစ်ခုချင်းစီလိုက်ရှာ Install လုပ်ရတာမျိုး မဖြစ်အောင် အများစု နှစ်သက်လက်ခံပြီးသား Themes မျိုးတွေ၊ လူသုံးများတဲ့ Software တွေကို တစ်ခါတည်း OS နဲ့အတူ တွဲဖက်ပေးထားတတ်သေးတယ်။
 
တကယ်လို့ Software အသစ်သွင်းချင်တာ၊ အရေးကြီး Security Updates တွေပါတဲ့ Versions အသစ်ကို Upgrade လုပ်ချင်တာမျိုးဆိုရင်လည်း Linux Distribution တိုင်းမှာ Compile အသင့်လုပ်ထားပြီးသား Package ပုံစံနဲ့ စီစဉ်ပေးထားတတ်ပါတယ်။ Linux နဲ့ အကျွမ်းတဝင် မဖြစ်သေးတဲ့ သူတစ်ချို့အတွက် ဒီနည်းလမ်းက လွယ်မယောင်နဲ့ ခက်မလို ဖြစ်နေတတ်ပြီး အနေကြာသွားရင်တော့ Windows မှာသွင်းရတဲ့ Installer တွေထက် အများကြီး အလုပ်ရှုပ်သက်သာ တယ်ဆိုတာကို သတိထားမိလာပါလိမ့်မယ်။
 

 
Linux Distributions များ၏ကွာခြားချက်များမှာ အဘယ်နည်း။
 
Linux Distributions တိုင်းမှာ ကွာခြားချက် အနည်းနဲ့အများ ရှိကြပါတယ်။ လူတစ်ယောက်နဲ့ တစ်ယောက်လည်း Distros အကြိုက်ချင်း မတူညီတတ်ကြပါဘူး။ တစ်ချို့က Closed-Source Software တွေမပါစေချင်တော့ Fedora ကိုကြိုက်ကြပြီး၊ တစ်ချို့က ကိုယ့်အတွက် သုံးရပိုလွယ်အောင် Closed-Source Software အသင့်ထည့်ထားပေးတတ်တဲ့ Mint ကို သဘောကျတတ်ကြပါတယ်။ သူတို့အားလုံးမှာ Default အနေနဲ့ပါတဲ့ Software တွေကလည်း မတူတတ်ကြဘူး။ ဥပမာအနေနဲ့ ဆိုရရင် - Ubuntu က Unity သုံးနေတဲ့အချိန်မှာ Fedora က GNOME Shell သုံးပြီး Mint ကျတော့ Cinnamon ဒါမှမဟုတ် MATE ကိုသုံးကြတယ်။

 

 
ကျွန်တော်တို့ သတိပြုရမယ့် အချက်တစ်ခုက တစ်ချို့ Distributions တွေဆိုရင် List ထဲကိုရောက်လာပေမယ့် သူ့ Distros ကို သိပ်အကြာကြီး Support မပေးတတ်ကြဘူး။ အဲ့လို Distros မျိုးဆိုရင်တော့ မသုံးခင်တည်းက ရှောင်သင့်ပါတယ်။ Ubuntu LTS တို့ Red Hat Enterprise Linux တို့ဆိုရင် Stable Distributions ဖြစ်နိုင်ဖို့ ဦးတည်ပြီး ဖန်တီးထားတာကြောင့် Security Updates တွေ Bug Fixes တွေကို အချိန်တော်တော်ကြာကြာထိ Support လုပ်ပေးတတ်ပါတယ်။
 

 
တစ်ချို့ Linux Distributions တွေက Desktop Computers တွေအတွက် ရည်ရွယ်တယ်။ တစ်ချို့ကျတော့ Servers တွေအတွက် ရည်ရွယ်ထားလို့ Graphical Interface မပါဘူး။ ပုံမှန်သမားရိုးကျ သုံးချင်သူတွေအတွက်ဆို Ubuntu။ OS ကို နည်းနည်းလေးလောက်ဖြစ်ဖြစ် ဟိုပြင်ဒီပြင်ပြင်ပြီးမှ သုံးချင်သူတွေအတွက်ဆို Arch Linux။ တစ်ချို့ကိုကျတော့ အိမ်မှာ ဖျော်ဖြေရေး PC တစ်လုံးလိုသုံးနိုင်အောင် စသဖြင့် ရည်ရွယ်ချက်မျိုးစုံနဲ့ ဖန်တီးထားတဲ့ Distros မျိုးစုံ ရှိပါသေးတယ်။
 
မည်သည့် Distros အား ရွေးချယ်သင့်သနည်း။
 
အခုဆို မတူညီကြတဲ့ Linux Distributions တိုင်းက မတူညီတဲ့ ရည်ရွယ်ချက်တွေ ရှိကြတယ်ဆိုတာ ကျွန်တော်တို့ တစေ့တစောင်း သဘောပေါက်ခဲ့ကြပြီ။ အဲ့တာကြောင့် ဘယ် Linux Distribution ကို ရွေးချယ်မယ်ဆိုတဲ့ ဆုံးဖြတ်ချက်ကလည်း သုံးစွဲသူရဲ့ လိုလားချက်နဲ့အကြိုက်ပေါ်မှာ မူတည်ပါတယ်။ ကျွန်တော်ကတော့ Desktop User တစ်ယောက်မို့လို့ Ubuntu နဲ့ Mint ကို အားပြုပြီးသုံးတယ်။ Ubuntu ကိုသုံးခြင်းအားဖြင့် မြန်မာဘလော့တွေမှာ ကိုယ်သိချင်တဲ့ အကြောင်းအရာ အတော်များများ ရေးထားပြီးသားတွေ ရှိနေတယ်။ တခြား Fedora တို့ OpenSUSE တို့ Mageia တို့ စတဲ့ Distros တွေကျတော့ သုံးတဲ့သူများရင်တောင် မြန်မာဘလော့တွေမှာ များများစားစား သိပ်ရေးကြတာ မတွေ့ရသေးဘူး။ အဲ့လို Distros မျိုးတွေကို ကိုယ်ကစသုံးမယ်ဆိုရင်တော့ ကိုယ်တိုင်စပြီး မြေစမ်းခရမ်းပျိုး လုပ်ရပါလိမ့်မယ်။
 

 
အဲ့တာကြောင့် Linux Distributions တိုင်းမှာ မဖြစ်မနေရွေးချယ်သင့်ပြီး တစ်ယောက်ချင်းစီအတွက် သင့်တော်တဲ့ Right Distros ဆိုတာ မရှိသလို ရွေးချယ်စရာများပေမယ့် စိတ်ရှုပ်စရာမရှိတဲ့ Linux Distributions ပေါင်းများစွာကြားက ကိုယ့်အတွက် အသင့်တော်ဆုံးဖြစ်မယ့် Distros တစ်ခုကို ရွေးချယ်နိုင်စေဖို့ ဆန္ဒပြုရင်း နိဂုံးချုပ်လိုက်ပါတယ်။

Maung Zin.

The easiest way to create PDF

PDF Format က ကွန်ပြူတာသုံးပြီး အလုပ်လုပ်နေကြရတဲ့ ရုံးသမားတွေ၊ ကျောင်းသူ/ကျောင်းသားတွေ၊ လုပ်ငန်းခွင်ဝင်နေတဲ့သူတွေအတွက် မသုံးမဖြစ်တဲ့ Format တစ်ခုလို့ဆိုရင် မှားမယ်မထင်ဘူး။ ဘာလို့လည်းဆိုတော့ ကျွန်တော်တို့အားလုံးရဲ့ ကွန်ပြူတာထဲမှာ ရှိနေတဲ့ Fonts တွေက စက်တစ်ခုနဲ့ တစ်ခု မတူကြဘူး။
 
ဆိုကြပါစို့ ... ကျွန်တော့်ကွန်ပြူတာထဲက Word နဲ့ဖန်တီးထားတဲ့ Document တစ်ခုကို USB ထဲထည့်ပြီး တစ်ခြား Print ထုတ်မယ့် စက်တစ်ခုမှာသွားတပ်ပြီးဖွင့်ရင် ကိုယ့် Document မှာ သုံးထားတဲ့ Fonts အတိုင်း တစ်ခြားစက်မှာပေါ်ဖို့ဆိုတာ မသေချာဘူး။ စက်တစ်ခုနဲ့တစ်ခုက သွင်းထားတဲ့ Fonts အမျိုးအစား ကွာခြားချက်ရှိတော့ ကိုယ်ရိုက်ထားတုန်းကအမှန်၊ သူ့စက်ရောက်တော့မှ လေးထောင့်ကွက်တွေ ဖြစ်ချင်ဖြစ်နိုင်သလို ကွိကွိကွကွစာတွေလည်း ဖြစ်ကောင်းဖြစ်သွားနိုင်တယ်။
 

 
အထူးသဖြင့် မြန်မာစာလုံးသုံးပြီး ရိုက်ထားတဲ့ Documents တွေမှာပိုပြီးတော့ အဖြစ်များတယ်။ အင်္ဂလိပ်စာလုံးတော်တော်များများက Font တစ်မျိုးမရှိလည်း တစ်ခြား Font တစ်မျိုးနဲ့ အစားထိုးဖော်ပြနိုင်ပေမယ့် Unicode တန်းမဝင်တဲ့ မြန်မာစာလုံးတွေမှာ မြန်မာစာလုံးချင်းတူတာတောင် တစ်ခုနဲ့တစ်ခု အစားထိုးပြီး ဖော်ပြမပေးနိုင်ကြဘူး။
အဲ့လိုပြဿနာမျိုးဖြစ်လာတဲ့အခါ ကိုယ့် Document မှာ သုံးထားတဲ့ Font အတိုင်း တစ်ခြားစက်မှာ ပေါ်နိုင်အောင် သူ့စက်ကို Fonts မျိုးစုံသွင်းဖို့ ကြိုးစားတာထက် ကိုယ့် Document ကို PDF format ပြောင်းထားပြီးမှ တစ်ခြားစက်မှာဖွင့်တာ ပိုအဆင်ပြေပါလိမ့်မယ်။ အဲ့တော့ ကိုယ်ဖန်တီးထားတဲ့ Document တစ်ခုကို PDF format ဖြစ်အောင် ပြောင်းလဲရမယ့် နည်းလမ်း ကျွန်တော်တို့ သိထားဖို့လိုလာတယ်။
 
Install a Virtual PDF Printer
 
ပထမနည်းအနေနဲ့ Virtual PDF Printer တစ်ခု ဖန်တီးပြီး Document တွေကို PDF အဖြစ် ပြောင်းလဲတဲ့နည်းလမ်းရှိပါတယ်။ PDF format ပြောင်းဖို့လေးတစ်ခုတည်းအတွက်နဲ့ ဘာကြောင့် Virtual PDF Printer တစ်ခုကို သီးသန့်ထပ်သွင်းရလဲဆို ကျွန်တော်တို့သုံးနေတဲ့ Windows မှာ PDF format ကိုပြောင်းပေးနိုင်တဲ့ ကောင်းကောင်းကန်းကန်း Built-in PDF Printer ဘာတစ်ခုမှ မပါဘူး။ Virtual PDF Printer အမျိုးမျိုးရှိတဲ့ထဲက လူသုံးများတာ CutePDF Writer ပါ။ အရင်တုန်းကတော့ ကျွန်တော် DoPDF တို့ PrimoPDF တို့သုံးတယ်။ နောက်တော့ NovaPDF သုံးတယ်။ သူတို့တွေလည်း Virtual PDF Printer တွေပဲ။ တစ်ခုချင်းစီမှာ အားသာချက်၊ အားနည်းချက်တွေတော့ ကိုယ်စီရှိတယ်။
 
တစ်ချို့ Virtual PDF Printer တွေက Freeware မဟုတ်ဘူး။ တစ်ချို့က ခုနောက်ပိုင်း တွင်ကျယ်လာတဲ့ Unicode စာလုံးတွေကို PDF ပြောင်းတဲ့အချိန်မှာ ပုံစံမှန်မှန်နဲ့ ဖော်ပြမပေးနိုင်ဘူး။ သူ့အတွက် သုံးနည်းကလည်း လွယ်တယ်။ Software ကို Install လုပ်ပြီး ကိုယ် PDF ပြောင်းချင်တဲ့ Document တစ်ခုကိုဖွင့်ထား၊ နောက်ပြီး Ctrl+P နှိပ်လိုက်တာနဲ့ အောက်မှာ ဖော်ပြထားသလို Box မျိုးတက်လာပြီး အဲ့ကနေမှတဆင့် Print ကိုနှိပ်လိုက်ရင် ကျွန်တော်တို့လိုချင်နေတဲ့ PDF ပြောင်းထားပြီးသား Document ကို ရတယ်။
 

 

Use an Application's Bilt-in PDF Support
 
နောက်တစ်နည်းက တစ်ချို့ Applications တွေမှာပါတဲ့ PDF Export Functions ကနေတဆင့်လည်း PDF အဖြစ် ပြောင်းယူလို့ရတယ်။ ဥပမာအနေနဲ့ပြောရရင် -
Google Chrome - Menu ကနေ Print ကိုနှိပ် Destination ရွေး Save as PDF ဆိုပြီး ပြောင်းလို့ရတယ်။
Microsoft Office - Office 2013 မှာ ဆိုရင် အောက်မှာ ဖော်ပြထားသလို File > Export ကနေတဆင့် Create PDF ဆိုပြီး ပြောင်းလို့ရတယ်။ Office 2010 မှာလည်း ထိုနည်း၎င်းပဲ။
 

 
ဒီနည်းကို အဓိကအားပြုသုံးမယ်ဆိုရင် အပေါ်မှာ ပြောထားတဲ့ Virtual PDF Printer ဆိုတာမျိုးတောင် Install လုပ်ဖို့မလိုဘူး။
 
Convert to PDF from XPS
 
တကယ်လို့ အကြောင်းအမျိုးမျိုးကြောင့် တစ်ခြားသူတစ်ယောက်ရဲ့ စက်ကို သုံးနေရတဲ့အချိန်မှာ Software သွင်းပိုင်ခွင့် Permission လည်း ကိုယ့်မှာ မရှိဘူးဆိုရင် PDF ပြောင်းဖို့ ပထမအဆင့်အနေနဲ့ Microsoft XPS Document Writer printer ကိုသုံးပြီး ကိုယ့် Document ကို XPS file အနေနဲ့ ပြောင်းယူလိုက်ပါ။ တစ်ခုရှိတာ Microsoft XPS Document Writer printer က Windows Vista, 7, 8 or 8.1 တွေမှာပဲ ပါတယ်။ ရလာတဲ့ XPS file ကိုမှ XPS2PDF ဆိုတဲ့ Online PDF Converter ကိုသုံးချင်သုံး ဒါမှမဟုတ် Virtual PDF Printer သွင်းထားတဲ့စက်ဆီ ယူသွားပြီး PDF အဖြစ်ပြောင်းယူ စတဲ့နည်းတွေနဲ့ PDF အဖြစ်ဖန်တီးနိုင်ပါတယ်။
 

 

Create PDFs from Websites
 
ကိုယ့်စက်မှာ Virtual PDF Printer လည်း မတင်ထားဘူး။ Webpage တစ်ခုကိုလည်း PDF အဖြစ်ပြောင်းပြီး သိမ်းထားချင်တယ်ဆိုရင် Web-based tool တစ်ခုဖြစ်တဲ့ Web2PDF သုံးပြီး ကိုယ်သိမ်းထားချင်တဲ့ Web စာမျက်နှာတွေကို PDF file အဖြစ် ဒေါင်းလုပ်ချပြီး သိမ်းထားနိုင်ပါတယ်။
 

 
ခုဖော်ပြခဲ့တဲ့နည်းတွေထဲက PDF ဖန်တီးဖို့ ကြိုက်နှစ်သက်ရာနည်းကိုသုံးပါ။ အားလုံးထဲမှာ Virtual PDF Printer သုံးပြီး PDF ဖန်တီးတာကတော့ အမြန်ဆုံးနဲ့ အလွယ်ဆုံးဖြစ်လိမ့်မယ်လို့ ကျွန်တော် ယူဆမိပါတယ်။
 
Maung Zin.

TechSectors has been Deleted and Reinstated

စာပုံမှန် ပြန်ရေးနိုင်ဖို့ ကြိုးစားနေတာ တကယ်တော့ ရက်ပိုင်းလောက်ပဲ ရှိသေးတယ်။ အားတယ် မအားဘူးဆိုတာထက် ကိုယ်တိုင်လည်း စာဖတ်ဖြစ်သွားအောင် (၃) ရက်ခြားတစ်ပုဒ်နှုန်းလောက် ရေးမယ်လို့ စိတ်ကူးပြီး စရေးတဲ့ အချိန်မှာ Blogger Team ရဲ့ မျှော်လင့်မထားတဲ့ ကြိုဆိုမှုကို စရတယ်။

Google ရဲ့ Automated System က ဘလော့ကို SPAM Blog လို့သတ်မှတ်ပြီး ဘာမပြော ညာမပြောနဲ့ တစ်ခါတည်း Delete လုပ်ပစ်လိုက်တာ။ တော်တော်အံ့သြသွားတယ်။ ဘလော့ရေးခဲ့တာ ၇ နှစ်ကျော်ပြီ။တစ်ခါမှ ဒီလိုမဖြစ်ဖူးဘူး။ ဘလော့က Broken Links တွေ လိုက်ပြင်နေရင်းနဲ့ ချက်ချင်းကြီး Blog not found. ဖြစ်သွားတယ်။

ခဏနေတော့ Mail ထဲကို Blogger Team နေ စာတစ်စောင် ဝင်လာတယ်။



Restore Buttom လေးတွေ့လို့ နှိပ်တော့ တကယ် Spam Blog ဟုတ်မဟုတ် Blogger Team ကနေ ပြန်စစ်ဖို့ ၂ ရက်ကြာမယ် ပြောတယ်။ တော်တော် စိတ်ပျက်သွားတာပေါ့။ Automated System က ဘာမပြော ညာမပြောနဲ့ Delete လုပ်လိုက်တဲ့အချိန်မှာ Post အသစ်က ၃ ခုလောက် ရေးပြီးပြီ။ Backup မလုပ်ထားမိဘူး။ နောက်ပြီး ပို့စ်အဟောင်းတွေ ပြန်လိုက်ပြင်နေတာလည်း အပုဒ် ၂၀ လောက် ပြင်ထားပြီးနေပြီ။ (၂)ရက်စောင့်လို့မှ အကြောင်းမပြန်ရင် ဘလော့မရေးတော့ဘူးဆိုတဲ့ စိတ်မျိုးတောင် ဖြစ်သွားပြီ။ ဒါပေမယ့် ကံကောင်းပါတယ်။ (၁)ရက်ပဲ ကြာတယ်။ Blogger Team က စာပြန်ဝင်လာတယ်။



အမှတ်တရပါပဲ။ နောက်ဆို ဘလော့ကို ခဏခဏ ဖျက်လိုက် Reinstall လုပ်လိုက် လုပ်တာမျိုး ရှောင်ရမယ်။ တနေ့တည်းနဲ့ ပို့စ်အများကြီး ပြင်တာမျိုးလည်း ရှောင်ရတော့မယ်။

Maung Zin.

How To Insert Dummy Text in Microsoft Word

စာစီစာရိုက်သမားတွေ၊ Graphic Design လုပ်ငန်း လုပ်ကိုင်နေသူတွေ အတော်များများ ရင်းနှီးကြပေမယ့် ပုံမှန်ကွန်ပြူတာအသုံးပြုသူတွေ မကြာခဏ မြင်တွေ့ရလေ့ရှိပြီး နားမလည်နိုင်တဲ့ Dummy Text တွေအကြောင်း မိတ်ဆက်ပေးချင်မိတယ်။ 

အဲ့တာကတော့ Blogger Templates မကြာခဏ လဲပြီး သုံးတတ်တဲ့သူတွေ Preview ကြည့်တိုင်း အမြဲလိုလိုတွေ့ရတတ်တဲ့ Sample Posts တွေထဲက Lorem ipsum နဲ့စတဲ့ စာသားတွေပါ။

Dummy Text ဆိုကတည်းက သူ့မှာ စာသားပဲရှိတယ်။ စာလုံးတွေက လက်တင်စာလုံးတွေနဲ့ ဆင်တယ်။ ဒါပေမယ့် အဓိပ္ပါယ်ကတော့ လောက်လောက်လားလား ဘာမှမရှိဘူး။ အဲ့ဒီ lorem ipsum လို့ခေါ်တဲ့ အဓိပ္ပါယ်တိတိကျကျမရှိ ဘာရေးထားမှန်းမသိတဲ့ စာသားတွေကိုပဲ စာစီစာရိုက်လုပ်ငန်းတွေ၊ ဂျာနယ် မဂ္ဂဇင်းထုတ်ဝေရေးလုပ်ငန်းတွေ၊ Graphic Design လုပ်ငန်းတွေမှာ Placeholder Text အနေနဲ့ တအားအသုံးပြုကြတယ်။ ဘာလို့လည်းဆိုတော့ စာဖတ်သူစိတ်ဝင်စားအောင် ဘယ်စာသားကို ဘယ်နေရာမှာ ထားမယ်။ ဘယ်ဖောင့်ကို ဘယ်နေရာမှာသုံးမယ်၊ Layout ဘယ်လို ခင်းမယ်ဆိုတာ ကြိုတင်နေရာချကြည့်ချင်တဲ့ ရည်ရွယ်ချက်နဲ့ သုံးကြတာပါ။

အရင်တုန်းက Lorem ipsum ကို နားမလည်တော့ ရုံးလုပ်ငန်းမှာ စာရိုက်ဖို့ နေရာချချင်ရင် အခက်အခဲ ခဏခဏ ဖြစ်တယ်။ မြန်မြန်အလွယ်နေရာချလို့ရအောင် တခြားရိုက်ထားတဲ့စာတစ်စောင်ကနေ Copy > Paste လုပ်ရင် အဲ့စာမှာ ထည့်ထားတဲ့ Format က ဒီဘက်စာထိ ဝင်လာတတ်တယ်။ မြန်အောင်ဆိုပြီး

ကကကကကကကကကကကကကကကကကကကကကကကကကကကကကကက

ဆက်တိုက် Key ကို နှိပ်ထားပြန်တော့လည်း ပုဒ်ဖြတ်၊ပုဒ်မနဲ့ ရေးတာမဟုတ်တော့ စာကြောင်း Format ချတဲ့အချိန်မှာ ပြဿနာတက်ပြန်ရော။

အဲ့ပြဿနာအတွက် အဖြေကျွန်တော်တို့မှာ ရှိပါတယ်။ Microsoft Word ကို သုံးနေတဲ့အချိန် Document ထဲမှာ Layout ချဖို့နဲ့၊ ဘယ်နေရာမှာ ဘယ်လို Typography သုံးမယ်ဆိုတာ ဆုံးဖြတ်နိုင်ဖို့ Lorem Ipsum Online Generator တွေ လိုက်ရှာသုံးနေစရာမလိုပဲ Word မှာ အရံသင့် ပါဝင်ပြီးသား နည်းနဲ့ အသုံးပြုနိုင်ပါတယ်။

အသုံးပြုနည်းကလည်း ခက်ခက်ခဲခဲ မရှိပါဘူး။ အပေါ်မှာ ဖော်ပြထားတဲ့အတိုင်း Word ထဲမှာ =lorem() လို့ ရိုက်လိုက်ရင် Paragraph သုံးခု ပါတဲ့ Lorem Ipsum characters တွေကို Document ထဲမှာဖြည့်ပေးပါလိမ့်မယ်။ တကယ်လို့ စာကြောင်းအရေအတွက်နဲ့ စာပိုဒ်ပမာဏကို ကန့်သတ်ချင်တယ် ဆိုရင်လည်း နည်းရှိတယ်။ အောက်မှာဖော်ပြထားတဲ့ Function အတိုင်းသုံးကြည့်ပါ။

=lorem(Number of Paragraphs, Number of Lines)

သူ့ရဲ့အဓိပ္ပါယ်ကတော့ =lorem(2,5) လို့ ရိုက်မယ်ဆိုရင် စာကြောင်း ငါးကြောင်းနဲ့ ဖွဲ့စည်းထားပြီး စာပိုဒ် နှစ်ပိုဒ်ပါဝင်တဲ့  Lorem Ipsum စာသားတွေ Word မှာ ဖြည့်ပေးပါလိမ့်မယ်။ Parameters တွေက မထည့်မနေရ မဟုတ်ပါဘူး။ ဘာမှမထည့်ပေးလည်း Default အနေနဲ့ စာပိုဒ်သုံးပိုဒ် စာကြောင်းငါးကြောင်း ပါတဲ့ Lorem Ipsum စာသားတွေ ဖြည့်ပေးပါတယ်။
 
အထက်မှာ ဖော်ပြခဲ့တဲ့ lorem() function က Word 2007 နဲ့ နောက်ပိုင်း Version တွေမှာ ပဲသုံးလို့ရပါတယ်။ တကယ်လို့ 2007 အရှေ့က Office ကိုသုံးနေတယ်ဆိုရင် အရင်ကျွန်တော်တို့ သိထားတဲ့ rand() function နဲ့ အစားထိုး သုံးလို့ရပါတယ်။ တကယ်လို့ lorem() generator ကို အပေါ်မှာဖော်ပြခဲ့သလို သုံးလို့ မရဖြစ်နေမယ်ဆိုရင် Auto Correct Options ထဲက“Replace text as you type” ကို turned off လုပ်ထားလို့ ဖြစ်ပါလိမ့်မယ်။
 
Maung Zin.

How To Make A Perfect Resume

ဒီဘက်ခေတ်မှာ လုပ်ငန်းခွင်ဝင်နေကြတဲ့ လူငယ်တိုင်း ကိုယ်ရေးအကျဉ်းဆိုတာနဲ့ ရင်းနှီးဖူးကြတယ်။ အလွယ်ပြောကြတာတော့ Resume ပေါ့။ ရင်းနှီးဖူးကြတယ်ဆိုပေမယ့် Resume ရဲ့ အရေးပါမှုကိုတော့ ဒီလောက်ကြီးထိ အသိအမှတ် မပြုကြသေးဘူး။ ဘာလို့လည်းဆိုတော့ အရင်တုန်းက ကျွန်တော်တို့နိုင်ငံမှာ Resume ထက် Background ကို ကြည့်ပြီး လက်ခံတာ ပိုများတယ်။ ပုဂ္ဂိုလ်ရေးအရ ရင်းနှီးကျွမ်းဝင်မှုရှိတာ၊ မကင်းရာမကင်းကြောင်း ပတ်သတ်နေတာ စသဖြင့် လုပ်ငန်းကျွမ်းကျင်မှုဆိုတာထက် Personal ပတ်သတ်မှုကို ပိုအရေးပေးပြီး အလုပ်ခန့်တတ်ကြတော့ Resume ဆိုတာ လုပ်ထုံးလုပ်နည်းအရ ထည့်ပေးရတဲ့သဘောမျိုး အနေနဲ့ပဲ ရှိခဲ့တယ်။
 

 
Photo >> http://www.careerigniter.com/

ဒါပေမယ့် ခုနောက်ပိုင်း ပွင့်လင်းမြင်သာတဲ့ ခေတ်ရောက်လာတော့ ရင်းနှီးကျွမ်းဝင်မှုကို အရင်ကလောက် ဦးစားမပေးတော့ဘူး။ အတွန်းအတိုက်များတဲ့ နည်းပညာခေတ်မှာ ပုဂ္ဂိုလ်ရေးရာ ရင်းနှီးကျွမ်းဝင်မှုက လုပ်ငန်းခွင် အရည်အသွေးနိမ့်ကျစေတတ်တာ ဘယ်သူမှ မငြင်းနိုင်တော့ဘူးလေ။ ကျွမ်းကျင်တာချင်းတူရင် မကင်းရာမကင်းကြောင်း ပတ်သတ်မှုကို ဦးစားပေးနိုင်တယ်ဆိုပေမယ့် အခြေခံအချက်က လုပ်ငန်းခွင် ကျွမ်းကျင်မှုဆိုတာကို ဦးစားပေးလာကြပြီ။ ဘယ်အလုပ်ပဲခေါ်ခေါ် Experience ဘယ်လောက်ရှိရမယ် ဆိုတာတွေတွေ့လာရပြီ။
 
လူတစ်ယောက် လုပ်ငန်းခွင်ကျွမ်းကျင်မှု ဘယ်လောက်ရှိတယ်၊ စီမံခန့်ခွဲနိုင်မှု ဘယ်လောက်ကောင်းတယ် ဆိုတာ တကယ်တော့ ချက်ချင်းဆုံးဖြတ်လို့ ရနိုင်တာမျိုး မဟုတ်ဘူး။ အဲ့တော့ အလုပ်လျှောက်လာသူတစ်ယောက်ရဲ့ အရည်အသွေးကို အမှန်ဆုံးမဟုတ်တောင် အနီးစပ်ဆုံး ခန့်မှန်းနိုင်ဖို့ လုပ်ငန်းရှင်တိုင်းက Resume ဆိုတာကို အလေးထားလာကြတယ်။ တစ်ဖက်မှာလည်း လုပ်ငန်းခွင်ဝင်မယ့် လူတစ်ယောက်အတွက် Resume တစ်ခုကို ကိုယ့်လုပ်ငန်းရှင် စိတ်ဝင်စားအောင်၊ ကိုယ့်ရဲ့ Ability ကို ထင်သာမြင်သာရှိအောင် တင်ပြတတ်ဖို့ လိုလာတယ်။
 
အဲ့တော့ လုပ်ငန်းခွင်ဝင်မယ့် လူငယ်တွေအတွက် လုပ်ငန်းရှင်တစ်ယောက်ရဲ့ အမြင်မှာ တင့်တယ်စေမယ့် Resume ကောင်းတစ်ခုဖြစ်အောင် ဘယ်လိုပြင်ဆင်ကြမလဲ။ လုပ်ငန်းကျွမ်းကျင်မှု အထိုက်လျောက်ပဲရှိပေမယ့် Impressive ဖြစ်စေမယ့် Resume ကောင်းတစ်ခု ဖန်တီးနိုင်ဖို့ ဘယ်ကနေစကြမလဲ။ 

Resume တစ်ခု ဖန်တီးတော့မယ်ဆိုရင် စိတ်ထဲရှိတာ အကြမ်းခြစ်ပြီး စာစီတာမျိုးထက် Resume တစ်ခုမှာပါသင့်တဲ့ အကြောင်းအရာတွေကို နဂိုတည်းက Format ချထားပြီးသား Resume Templates မျိုးတွေ သုံးစေချင်တယ်။ Resume Templates ကိုသုံးခြင်းအားဖြင့် အားသာချက်အနေနဲ့ Resume တစ်ခုစရေးဖို့ ဘယ်အချက်တွေကို အခြေခံရမလဲဆိုတာ ရှည်ရှည်ဝေးဝေး တွေးနေဖို့ မလိုတော့ဘူး။ ကိုယ့်ရဲ့ အရည်အသွေးကို တစ်ဖက်လူမြင်သာအောင် ဘယ်လိုရေးမလဲဆိုတဲ့ အချက်တစ်ခုတည်းကို အာရုံစိုက်ထားလို့ ရတယ်။
 

 
Resume လို့ ပြောလိုက်ရင် စာစီဖို့အတွက် Microsoft Word ကို အရင်ဆုံး ပြေးမြင်မိလိမ့်မယ်။ ပုံမှန် Computer သုံးတဲ့သူတစ်ယောက်အနေနဲ့ Professional-looking Resume ဖြစ်ဖို့ဆို Format ချနေတာနဲ့တင် အချိန်ကုန်နိုင်တယ်။ Office Web Apps မှာဆိုလည်း Resume Templates ပေးထားတယ်ဆိုပေမယ့် များများစားစား မရှိဘူး။ အဲ့တော့ Resume Templates ကို သုံးဖို့ဆိုရင် Microsoft Office ထက် Google Docs ကို သုံးစေချင်တယ်။ Google Docs Template Gallery မှာ အသင့်သုံးနိုင်တဲ့ Resume Templates တော်တော်များများ ရှိသလို Google Account တစ်ခုရှိယုံနဲ့ Search box မှာ Resume လို့ ရိုက်ပြီး အသင့်သုံး Resume Templates တွေတန်းသုံးနိုင်တယ်။
 

 
Resume Templates တွေများလို့ ရွေးရခက်နေရင် မသုံးသေးခင် Preview ကြည့်လို့ရတယ်။ Preview ကြည့်ခြင်းအားဖြင့် ကိုယ်လိုချင်တဲ့ အချက်တွေပါမပါ၊ ကိုယ်ရေးချင်တဲ့ Design မျိုးဟုတ်မဟုတ် တစ်ခါတည်း တန်းသိနိုင်တယ်။
 

 
စာသားတွေ ပြင်ချင်တာ၊ Font Size တွေ ပြောင်းချင်တာ၊ တစ်ခြားအကြောင်းအရာတွေ ဖြည့်ချင်တာ အားလုံးအတွက် Google Docs မှာ အကုန်အသင့်ရှိတယ်။
 

 
အကြောင်းအမျိုးမျိုးကြောင့် ချက်ချင်း မရေးချင်သေးဘူးဆိုရင် Resume Templates ကို ကိုယ့်စက်ထဲ Download ချထားပြီး နောက်မှ ရေးလို့ရတယ်။
 

 
နောက်ဆုံးတစ်ချက်ကတော့ Resume Templates ကို အသုံးချင်တဲ့ သူတွေအတွက် Internet ထဲမှာ Resume Builder ဆိုတာတွေလည်း ရှိသေးတယ်။ သူတို့တွေက Online Resume Builder တွေမို့လို့ တစ်ခြား ဘာမှမလိုဘူး။ ကိုယ့်ရဲ့ ကိုယ်ရေးအကျဉ်းကို သူပေးထားတဲ့ Templates တွေထဲက ကြိုက်ရာကိုရွေးပြီး သူမေးတဲ့ အချက်အလက်တွေ ဖြည့်လိုက်တာနဲ့ နောက်ဆုံးမှာ Resume တစ်ခါတည်း တန်းထုတ်ပေးတယ်။ စမ်းကြည့်ချင်ရင် အောက်မှာ Online Resume Builder ဖန်တီးပေးတဲ့ နေရာတစ်ချို့ ဖော်ပြထားပါတယ်-

• http://www.livecareer.com/
• https://www.resume.com/
• https://cvmkr.com/

ခုလောက်ဆိုရင် လုပ်ငန်းခွင်ဝင်မယ့် လူငယ်တွေအတွက် Resume တစ်ခုဖန်တီးဖို့ လိုအပ်မယ့် အခြေခံအချက်တွေ၊ အသုံးပြုနိုင်မယ့်နည်းလမ်းတွေ အတိုင်းအတာတစ်ခုထိ သိရှိနိုင်လိမ့်မယ်လို့ မျှော်လင့်မိပါတယ်။ ကျွမ်းကျင်ရာ အသက်မွေးဝမ်းကျောင်းမှုမှာ ပျော်ရွှင်စွာ ရပ်တည်နိုင်ကြပါစေ။
 
Maung Zin.

Easily Download APK Files from Google Play Store

ကျွန်တော့်မှာ Huawei c8600 အမျိုးအစား ဖုန်းတစ်လုံးရှိတယ်။ တော်တော်တော့ ဒိတ်အောက်နေပြီ။ ဒါပေမယ့်လည်း လောလောဆယ်ထိတော့ အဲ့ဖုန်းလေးကိုပဲ ဖတ်တွယ်နေရတုန်းပဲ။ သူနဲ့ပဲ အင်တာနက်သုံးရတယ်။ ခုရေးနေတဲ့ Posts တွေကလည်း သူ့ကျေးဇူးနဲ့ပဲ ရေးနိုင်တာပဲ။

Model ကတော်တော်ဟောင်းသွားတော့ ဒီဖုန်းက ခုလက်ရှိ ဖုန်းတော်တော်များမှာ သုံးနိုင်တဲ့ Android Apps တွေ သုံးလို့မရတော့ဘူး။ ဂိမ်းတော်တော်များများလည်း ဆော့လို့မရဘူး။ Google Play Services တင်လို့မရတာ အဆိုးဆုံးပဲ။ Facebook Apps ကတော့ ဒီလောက်ကြီး သိပ်မသုံးတော့ တင်လို့မရလည်း စိတ်မဝင်စားဘူး။

ပြဿနာက အဲ့မှာစတယ်။ Google Play Services တင်မရတော့ လိုချင်တဲ့ Updated Android Apps တွေ ဒေါင်းလုပ်ချရတာ မလွယ်တော့ဘူး။ Dolphin Browser သုံးပြီး ဝင်ပြန်တော့လည်း Compatiable ဖြစ်မဖြစ်စစ်ပြီး တစ်ခါတည်း Install တန်းလုပ်ခိုင်းတယ်။ Google Play တင်မရလည်း 1 mobile market ဆိုတာတော့ ရှိတယ်။ ဒါပေမယ့် သူက Google Play လောက် စုံစုံလင်လင်မရဘူး။ ထားပါတော့။ ပြဿနာတွေက ပြောရင်ကုန်နိုင်မယ် မထင်ဘူး။

လိုချင်တဲ့ အဓိက Target က Google Play Services တင်မရလည်း Google Play မှာရှိတဲ့ Apps တွေ Games တွေထဲက ကိုယ်လိုချင်တာတွေကို နောက်လည်း ပြန်သုံးလို့ရအောင် Offline Download ယူထားချင်တယ်။ တစ်ခြားသူတွေကိုလည်း Share ချင်တယ်။ မြင်သာမြင်ရ မကြင်ရတဲ့ ဘဝမျိုး မဖြစ်ချင်ဘူး။ အဲ့အတွက် နည်းရှိတယ်။

Evozi - သူက Android App Developer - သူ ဖန်တီးထားတဲ့ Online APK download app က သုံးရတာ တော်တော်လေး အဆင်ပြေတယ်။ Google Play Store မှာ ရှိနေတဲ့ Free ပေးထားတဲ့ Android apps အားလုံးကို one-click download လုပ်လို့ရအောင်  စီစဉ်ပေးထားတယ်။ အဲ့ဒီ Downloader App ကိုသုံးဖို့ အောက်က Link ကနေ သွားပါ-
http://apps.evozi.com/apk-downloader/

စသုံးတော့မယ်ဆိုရင် Google Play Store က ကိုယ်လိုချင်တဲ့ App ရဲ့ URL ကို Copy ကူး -

ပြီးရင် အောက်မှာ ပြထားတဲ့အတိုင်း Google Play URL နေရာမှာ ထည့်ပြီး Generate Download Link ကိုနှိပ် -

နောက် ခဏနေရင် ပေါ်လာမယ့် Click here to download ကနေ ဒေါင်းလုပ်ချလိုက်ရင် ကိုယ်လိုချင်တဲ့ Apps ရပြီ။

သူ့ရဲ့လုပ်ထုံးလုပ်နည်းက ကျွန်တော်တို့တွေ URL ထည့်ပြီး Generate လုပ်လိုက်တာနဲ့ Google Play မှာ ရှိတဲ့ဖိုင်ကို Own Servers ဆီရောက်အောင် ဆွဲတင်ပြီး ဒေါင်းလုပ်ချလို့ရအောင် လုပ်ပေးတယ်။ တဆင့်ခံပြန်တင်ပေးတာမျိုးမဟုတ်ပဲ Google Play ကနေ တိုက်ရိုက်ဆွဲခေါ်ထားတာမို့လို့ တစ်ခြား Malware တွေပါမှာလည်း ပူဖို့မလိုတော့ဘူး။ တစ်ခုရှိတာ App Privacy ကို ထိန်းတဲ့အနေနဲ့ Google Play Store မှာ Free ပေးထားတဲ့ Apps တွေကိုပဲ ဒေါင်းလုပ်ချလို့ရမယ်။ ပိုက်ဆံပေးဝယ်မှ ရမှာတွေကိုတော့ ဒီနည်းနဲ့ ဒေါင်းလုပ်ချလို့ ရမှာ မဟုတ်ဘူး။

Maung Zin.

11Dreams.net To TechSectors

စာမရေးတာ နှစ်နဲ့ချီပြီး ကြာခဲ့တော့ စာတစ်ကြောင်းပြန်ရေးဖို့ကိုတောင် တော်တော်လေး အပြန်ပြန် အလှန်လှန် စဉ်းစားနေရတယ်။

မြန်မာနိုင်ငံပြန်ရောက်ပြီး နောက်ပိုင်း အကြောင်းအရင်း (၅)ခုကြောင့် စာမရေးဖြစ်ခဲ့ဘူး-

• အင်တာနက် လက်တစ်ကမ်းမှာ မရှိဘူး။
• Blog ကို ဇော်ဂျီကနေ ယူနီကုတ်ပြောင်းပြီးနောက်ပိုင်းမှာ Forum မှာ ဇော်ဂျီနဲ့ ဘလော့မှာ သုံးတဲ့ ယူနီကုတ်ကြား ပြဿနာတော်တော် တက်ခဲ့တယ်။
• အရင်ကသုံးခဲ့တဲ့ Domain Name (11dreams.net) က Expired ဖြစ်သွားတော့ တစ်နှစ်စာ Register ပြန်လုပ်ဖို့ အဆင်မပြေတာနဲ့ အချိန်တစ်ခုစောင့်နေမိတယ်။
• အရင်ရေးခဲ့တဲ့ ဖိုရမ်မှာလည်း အခုတော့ ရေးမယ့်သူလည်းမရှိ ဖတ်မယ့်သူလည်းမလာနဲ့ ဝင်မရေးဖြစ်တာ တော်တော်ကြာသွားတယ်။
• ပြန်ရေးမယ်လုပ်ပြန်တော့ Blog မှာ Broken Links တွေ တအားများနေတာရယ် Themes တွေ ပြောင်းတာများပြီး ယူနီကုတ်ပြဿနာ ဖြစ်တာရယ်တွေနဲ့ အချိန်မပေးချင်တော့ ပစ်ထားလိုက်တယ်။

ဒါပေမယ့် စိတ်တိုင်းကျတဲ့ Themes တစ်ခု ပြီးခဲ့တဲ့လက တွေ့ခဲ့တယ်။ အမျိုးမျိုး စမ်းသပ်ကြည့်ပြီး သဘောကျတော့ အရင်ကရခဲ့တဲ့ PageRanks အပျက်ခံပြီး အားလုံး တစ်ကနေ ပြန်စခဲ့တယ်။ လောလောဆယ် -

• ဖြည်းဖြည်းချင်း Blog က Broken Links တွေပြန်ပြင်နေတယ်။
• အရင်က ပြဿနာဖြစ်နေတဲ့ Unicode ပြဿနာလည်း တော်တော်လေး အဆင်ပြေသွားပြီ။ ဘယ် Browsers နဲ့ ကြည့်ကြည့် ပုံမှန်မြင်ရပြီ။
• အင်တာနက်သုံးဖို့လည်း ၁၅၀၀တန် SIM Card တစ်ခု မဲပေါက်တော့ အင်တာနက်လျှောက်ပြီးသုံးတာ အဆင်ပြေနေတယ်။
• Domain Name ကိုလည်း ပြန်ပြီး Registration လုပ်ဖို့ ကြိုးစားနေတယ်။
• တစ်ချိန်က လူကြည့်များပြီး အသုံးဝင်ခဲ့တဲ့ Articles တွေကို PDF Version ပြန်ပြောင်းဦးမယ်။
• သိပ်မကြာခင် Articles တွေလည်း အရင်လို ပြန်ရေးနိုင်တော့မယ်။

TechSectors.

What You Should Do After Buying A New PC

PC တစ်လုံး ဆင်ပြီးသွားပြီဆိုရင် အရင်ဆုံး လုပ်ရမယ့် အရာတွေက Operating System တစ်ခုခု တင်ဖို့အတွက် ကြိုတင်ပြင်ဆင်မှု လုပ်ရပါမယ်။ 

 

(၁) Operating System ခွေ ကြိုတင်ရယူပါ။

OS တွေထဲမှာ လူသုံးများတာကတော့ Windows, Linux, Mac OSX, ... ဆိုတာတွေရှိတယ်။ တော်တော်များများကတော့ Windows သုံးကြတာများတယ်။ အဲ့တော့ ကိုယ့်စက်နဲ့ သင့်တော်မယ့် Windows အမျိုးအစား တစ်ခုခုကို စဉ်းစားပြီး တတ်နိုင်တယ်ဆိုရင်လည်း Windows ကို လိုင်စင်လေးနဲ့ ဝယ်သုံးပေါ့။ တကယ်လို့ မတတ်နိုင်ရင်လည်း Windows ခွေတွေကို Internet မှာ ကြိုက်သလို ဒေါင်းလုပ်ချလို့ရတယ်။ ဖိုရမ်မှာလည်း Operating Systems ဆိုတဲ့ ခေါင်းစဉ်အောက်မှာ သီးခြား တင်ပေးထားတာတွေ ရှိတယ်။ Intel i5 လို့ရေးထားတာတွေ့တော့ RAM တို့ HD တို့ Graphic တို့လည်း သိပ်နည်းမယ် မထင်ဘူး။ အဲ့တော့ WIndows 7 Ultimate ဖြစ်ဖြစ် Windows 8 Pro ဖြစ်ဖြစ် တင်ပေါ့။ Windows တင်နည်းတွေကတော့ အင်တာနက်ထဲမှာ လူတော်တော်များများ မြန်မာလိုရေးထားတာရှိတယ်။ PDF လုပ်ပြီး တင်ပေးထားတာတောင် မနည်းမနောပဲ။ ကျွန်တော်ရှာကြည့်တာ ဒီနေရာမှာ တင်ပေးထားတဲ့ Window XP, 7, 8 Installation လုပ်ပုံလုပ်နည်း စာအုပ်လေး မဆိုးဘူး။ Windows မျိုးစုံ တင်နည်းစာအုပ် (Windows Vista, XP, 7, 8) တွေလိုချင်ရင်တော့ ဒီနေရာမှာ ယူလို့ရတယ်။ တကယ်လို့ CD/DVD တွေနဲ့ မတင်ချင်တာပဲဖြစ်ဖြစ် ကိုယ့်စက်မှာ Drive မပါရင်ပဲ ဖြစ်ဖြစ် Windows Vista, 7, 8 ကို ဆော့ဝဲမသုံးပဲ USB ကနေ တင်လို့ရတယ်။ နည်းကို ဒီနေရာမှာ ဖတ်ကြည့်လိုက်ပါ။ Format ချနည်း Partition ပိုင်းနည်း သိချင်ရင်လည်း ဒီနေရာမှာ ရေးထားတာရှိတယ်။ အဲ့ဒီ Blogger ကိုလည်း ကျေးဇူးတင်ပါတယ်။ ကိုယ်တိုင်ဆို အဲ့တာတွေအားလုံး တစ်ထိုင်တည်း မရေးနိုင်ဘူး။ အခုတော့ အသင့်ခူးစားယုံလေးပဲ။ 

(၂) Driver ခွေ လက်ဝယ် ထားရှိပါ။ 

Windows တင်ပြီးပြီပဲ ဆိုကြပါစို့။ ကိုယ့်စက်မှာ တင်ထားတဲ့ Devices တွေနဲ့ OS နဲ့ သေချာချိတ်ဆက်ပြီး အလုပ်ကောင်းကောင်းလုပ်အောင် Drivers ဆိုတာ တင်ပေးရတယ်။ များသောအားဖြင့်တော့ PC ပဲဆင်ဆင် Laptop တို့ Notebook တို့ပဲ ဝယ်ဝယ် ဆိုင်တွေက Driver ခွေဆိုပြီး သီးသန့်ထည့်ပေးတတ်တယ်။ PC ဆင်ထားတဲ့ သူဆိုရင်တော့ Motherboard Driver ခွေနဲ့ Graphic Card တပ်ထားရင် Graphic Driver ခွေ အဓိကလိုတယ်။ Windows တင်ပြီးပြီဆိုရင် အဲ့ဒီ့ သက်ဆိုင်ရာ Driver တွေ သီးသန့်တင်ပေးရတယ်။ Windows 8 ဆိုရင်တော့ သိပ်မလိုဘူး။ Windows 7 ဆိုရင်တော့ Graphic Driver တင်ဖို့လိုကောင်းလိုတတ်တယ်။ Windows XP တင်ရင်တော့ အားလုံးနီးပါး တင်ပေးရတာများတယ်။ 

(၃) မိမိစက်တွင် အသုံးပြုမည့် Software များ ကြိုတင်စုဆောင်းပါ။ 

Windows ရော Drivers တွေရော တင်ပြီးပြီဆိုရင် ကိုယ့်စက်မှာသုံးမယ့် Software တွေ လက်ဝယ်အသင့်ရှိထားဖို့လိုတယ်။ မရှိသေးရင် ဆိုင်တွေမှာဝယ်လည်းရတယ်။ အင်တာနက်ကနေ ဒေါင်းလုပ်ချလည်းရတယ်။ အင်တာနက်ထဲမှာ ဆော့ဝဲလ်တွေ ဘယ်လိုရှာရလဲ ဆိုတာ အင်တာနက်အတွင်း Software ရှာဖွေခြင်း ဆိုပြီး ကျွန်တော်ရေးထားဖူးတာလည်း ရှိတယ်။ ကြိုက်တဲ့နည်းနဲ့ ကိုယ်သုံးမယ့် Software တွေ စုထားပါ။ မဟုတ်ရင် ဆိုင်သွားပြီး တင်ခိုင်းရင် ပိုက်ဆံထပ်ပေးနေရမယ်။ တချို့ဆိုင်တွေကတော့ ကွန်ပြူတာဝယ်ရင် Software အလကားထည့်ပေးတတ်တယ်။ 

အဲ့တာတွေအားလုံးပြီးရင်တော့ ကွန်ပြူတာ တစ်လုံး သုံးဖို့ အသင့်ဖြစ်ပါပြီ။

KznT.

How To Use Crack, Patch, Keygen and Serial Successfully

ဒီနေ့ဖိုရမ်မှာ တစ်ယောက်က တင်ပေးလိုက်တဲ့ Software နဲ့ပတ်သတ်ပြီး ပါလာတဲ့ Crack ကို မသုံးတတ်လို့ Complain ပြန်တက်လာတယ်။ Crack, Patch, Keygen, Serial တွေဆိုတာ ကိုယ်တိုင်လည်း တစ်ချိန်က ဘယ်လိုသုံးရမယ်မှန်း သေချာကို မသိခဲ့ဘူး။ 

 အဲ့တာတွေက ပေးထားတဲ့ နာမည်သာဆင်တူတာ တကယ်တမ်း Applied လုပ်တဲ့အချိန်ကျရင် တစ်ခုနဲ့တစ်ခုက မဆိုစလောက်လေး ကွဲတယ်။ ဒါပေမယ့် Crack, Patch, Keygen လုပ်တဲ့သူတွေက များသောအားဖြင့် Read Me ဖိုင်လေးတွေ တစ်ပါတည်း ထည့်ထည့်ပေးတတ်တော့ အဲ့တာကိုဖတ်ပြီးသာ လုပ်မယ်ဆိုရင် အဆင်ပြေတာများပါတယ်။ အခုလည်း Crack, Patch, Keygen, Serial နဲ့ ပတ်သတ်ပြီး ကျွန်တော်နားလည်ထားသလောက် အားလုံး နားလည်လွယ်အောင် အကြမ်းဖျဉ်း ရှင်းပြကြည့်မယ်။ 

Crack - Software တွေကို Full Version ဖြစ်ဖို့ Crack နည်းနဲ့ ဖြေရှင်းမယ် ဆိုရင် များသောအားဖြင့် ဒေါင်းလုပ်ချတဲ့အချိန်မှာ Software နဲ့ အတူပါလာတဲ့ Crack ဆိုတဲ့ ဖိုဒါထဲက ဖိုင်တွေကို ကိုယ် Install လုပ်လိုက်တဲ့ Software ရဲ့ Directory အောက်မှာ သွားထည့်ပေးလိုက်ယုံပဲ။ ဆိုလိုတာ C:\Program Files\..... အောက်က ကိုယ် Install လုပ်လိုက်တဲ့ Software ရဲ့ Directory အောက်ကိုပေါ့။ Replace လုပ်မှာလားလို့ မေးလာရင် Replace လုပ်လိုက်။ မမေးလည်း ဒီအတိုင်းထည့်လိုက်။ သူ့ကို Double click ပေးပြီး Run ဖို့မလိုဘူး။ များသောအားဖြင့် အဲ့လို Crack ဆိုတဲ့ ဖိုဒါမျိုးတွေထဲမှာ Read Me ဖိုင် တစ်ခု ပါလာလေ့ရှိတယ်။ လုပ်နည်းမသိရင် အဲ့တာကို ဖတ်ပြီးလုပ်လို့ရတယ်။ 

Patch - Software တွေကို Full Version ဖြစ်ဖို့ Patch နည်းနဲ့ ဖြေရှင်းမယ် ဆိုရင် များသောအားဖြင့် ဒေါင်းလုပ်ချတဲ့အချိန်မှာ Software နဲ့ အတူပါလာတဲ့ Patch ဆိုတဲ့ ဖိုဒါထဲက ဖိုင်ကို Administrator အနေနဲ့ Run နောက်ပြီး အဲ့လို Run တဲ့အချိန်မှာ ကောင်းတာက Antivirus ကိုပါ တစ်ခါတည်း ကြိုပိတ်ထား။ ဘာလို့လည်းဆိုတော့ Antivirus ကို မပိတ်ထားရင် Patch file တော်တော်များများကို Antivirus က ဝါးတတ်တယ်။ ပြီးရင် Box တစ်ခုခု တက်လာတဲ့အခါ Patch ဆိုတဲ့ ခလုတ်လေး နှိပ်ပေးလိုက်ယုံပဲ။ တစ်ခါတစ်လေ Patch file အမျိုးအစားကွဲရင်တော့ ကိုယ် Install လုပ်လိုက်တဲ့ Software ရဲ့ Directory အောက်မှာ သွား Run ရတာမျိုးလည်း ရှိသလို၊ ရံဖန်ရံခါ Install လုပ်လိုက်တဲ့ Software ရဲ့ Directory အောက်က Patch လုပ်ရမယ့် files အမျိုးအစားတွေကို ကိုယ်က ပြန်လိုက်ရှာပေးရတာမျိုးလည်း ရှိတတ်တယ်။ အဲ့တာတွေကလည်း ခက်ခက်ခဲခဲ မရှိဘူး။ များသောအားဖြင့် အဲ့လို Patch ဆိုတဲ့ ဖိုဒါမျိုးတွေထဲမှာ Read Me ဖိုင် တစ်ခု ပါလာလေ့ရှိတယ်။ လုပ်နည်းမသိရင် အဲ့တာကို ဖတ်ပြီးလုပ်လို့ရတယ်။ 

Keygen, Serial - အဲ့နှစ်ခုက သဘောတူတူပဲ။ Serial ဆိုပြီး Note Pad နဲ့ ပေးထားရင်တော့ လုပ်ရတာ အလွယ်ဆုံးပဲ။ Key ကို သူတောင်းတဲ့အချိန်မှာ Copy/Paste လုပ်ပေးလိုက်။ တကယ်လို့ Keygen ပေးထားတာဆိုရင်တော့ သူ့ကို မ Run ခင်မှာ Antivirus အရင်ပိတ်ထားနောက်မှ သူ့ကို Run။ နောက် ပေါ်မှာတဲ့ Box မှာ Key ကို Generate လုပ်ပြီး လိုတဲ့နေရာမှာ ထည့်လိုက်။ ခက်ခက်ခဲခဲ မရှိဘူး။ များသောအားဖြင့် Keygen ဆိုတဲ့ ဖိုဒါမျိုးတွေထဲမှာ Read Me ဖိုင် တစ်ခု ပါလာလေ့ရှိတယ်။ လုပ်နည်းမသိရင် အဲ့တာကို ဖတ်ပြီးလုပ်လို့ရတယ်။ အခုလည်း ကျွန်တော်တင်ပေးလိုက်တဲ့ crack file ထဲက dll ဖိုင်ကို Copy ကူးပြီး C:\Program Files\..... အောက်က ကိုယ် Install လုပ်လိုက်တဲ့ Software ရဲ့ Directory အောက်မှာ သွား Paste လုပ်လိုက်။ Replace လုပ်မှာလားလို့ မေးလာရင် Replace လုပ်လိုက်။ အဆင်ပြေသွားလိမ့်မယ်။ 

KznT.

How To Add Burmese Page Number in Microsoft Word 2013

Microsoft office 2007 -- microsoft word နဲ့ ပတ်သက်ပြီးမေးချင်လို့ပါ။ header ထဲမှာ စာမျက်နှာ နံပါတ်ကို မြန်မာဖောင့်နဲ့ နံပါတ်စဉ်လိုက် တပ်ချင်ပါတယ်။ ဘယ်လိုလုပ်ရတာလဲမသိလို့ပါ.. ကျေးဇူးပြုပြီး ရှင်းပြပေးစေချင်ပါတယ်။ 

စာမျက်နှာနံပါတ်တပ်တာ၊ စာမျက်နှာနံပါတ်ပေါ်မှာ စာရဲ့အဆင့်အတန်း တပ်တာတွေက ရုံးသမားတွေအတွက် အင်္ဂလိပ်လိုဆို လွယ်ကူပေမယ့် မြန်မာလိုပြောင်းတပ်ချင်တဲ့အခါ မြန်မာဖောင့်တွေရဲ့ ကမောက်ကမ ဖြစ်မှုကြောင့် Page Number တပ်တဲ့အခါ ပြဿနာဖြစ်တတ်ပါတယ်။ အရင်ဆုံးသိထားရမှာ မြန်မာလို Page Number တပ်မယ်ဆိုရင် Zawgyi နဲ့ မြန်မာယူနီကုတ် စာရင်းဝင်တွေ ဖြစ်တဲ့ Myanmar3 တို့ PangLong တို့ .... နဲ့ တပ်လို့မရပါဘူး။ ဘာလို့လည်းဆိုတော့ Zawgyi နဲ့ မြန်မာယူနီကုတ် စာရင်းဝင်တဲ့ fonts တွေမှာ မြန်မာဖောင့်ရော အင်္ဂလိပ်ဖောင့်ရောနှစ်မျိုးလုံးပါတာကြောင့်မို့လို့ Page Number တပ်တဲ့အခါ အဲ့ဖောင့်အမျိုးအစားတွေထဲက တစ်မျိုးမျိုးကိုရွေးပေးလိုက်ရင် Page Number မှာကိုယ်လိုချင်တဲ့ မြန်မာစာလုံး ၁၊ ၂၊ ၃၊ ၄၊ .... ကိုမရဘဲ Word ကနေ သူလက်ခံထားတဲ့ အင်္ဂလိပ်စာလုံး 1,2,3,4,.... ကိုပဲ ပြနေပါလိမ့်မယ်။ အဲ့ဒါကြောင့် မြန်မာလို Page Number တပ်မယ်ဆိုရင် မြန်မာစာလုံးတစ်မျိုးသာပါတဲ့ Win_ မိသားစုဝင်ဖောင့်တွေ (WinInnwa, Win Researcher...) ကို သုံးဖို့လိုပါတယ်။ လုပ်ဆောင်နည်းကတော့ ရေးပြရင် ရှည်သွားမှာစိုးလို့ အပေါ်မှာ အဆင့်လိုက် ပြထားပေးပါတယ်။ အဆင့်လိုက် ကြည့်ပြီး စမ်းကြည့်ပါ။ အဆင်ပြေပါလိမ့်မယ်။ မှတ်ချက် - ကိုယ့်စက်ထဲမှာ Win_ မိသားစုဝင်ဖောင့် တစ်မျိုးမျိုးတော့ ရှိရပါမယ်။

KznT.

How To Show Current Music Track in Google Talk Status

windows media player plug in လုပ်ချင်လို့ပါ gtalk မှာ ကိုယ်နားထောင်တဲ့ သီချင်းကို တစ်ဖက်က သူငယ်ချင်းကြားစေချင်ရင် windows media player ---- option ---- plug in----background ဘေးက google talk music plug in ကို နှိပ် ရတယ် ပြောပါတယ် ။ ဒါပေမယ့် background ဘေးက google talk music plug in ဆိုတာ မပေါ်ပါဘူး။ ဘယ်လိုလုပ်ရမလည်းဆိုတာ သိတဲ့သူငယ်ချင်းများ ကူညီပါအုံးနော် ကျေးဇူးတင်ပါတယ်။ 

Google Talk Status မှာ Current Music Track ကို ပြချင်ရင် Windows Media Player plug in တွေဘာတွေ ထူးပြီး မလိုပါဘူး - အောက်မှာ ဖော်ပြထားတဲ့ အချက်နှစ်ချက်နဲ့ ပြည့်စုံမယ်ဆိုရင် Show Current Music Track in Google Talk Status လုပ်လို့ ရပါပြီ။

ပထမတစ်ချက်အနေနဲ့ Most recent version of Google Talk ဖြစ်ရမယ်။ ဖြစ်မဖြစ် မသေချာရင် ဒီနေရာကနေ ဒေါင်းလုပ်ချပြီး လက်ရှိ စက်မှာ တင်ထားတဲ့ Current Google Talk Client ကိုဖြုတ်လိုက်ပါ။ နောက် ဒေါင်းလုပ်ချထားတဲ့ Google Talk Setup file ကို Administratorအနေနဲ့ တင်ပါ။ Administrator အနေနဲ့ မတင်ထားရင် Windows Media Player မှာ Google Talk Music Plugin ကိုတွေ့ရမှာ မဟုတ်ဘူး။ Software တစ်ခုကို Administrator အနေနဲ့ ဘယ်လို Run ရမှာလဲဆိုတာ မသိထားခဲ့ရင် ဒီနေရာမှာ ဖတ်ပါ။ ဒုတိယတစ်ချက်ကတော့ အောက်မှာ ဖော်ပြထားတဲ့အတိုင်း လိုက်ပြင်လိုက်ပါ။ 

KznT.

How To Install Myanmar Fonts

ကျွန်တော့် ကွန်ပျူတာထဲ မှာ မြန်မာဖောင့်ပျောက်နေလို့ပါ သိရင်ကူညီပေးပါ။

မြန်မာဖောင့် ပျောက်နေတယ်ဆိုတာ ဘယ်လိုဖောင့်ပျောက်တာကို ဆိုလိုတာလဲ မသိဘူး။ မြန်မာလို ရိုက်လို့မရတာကို ဆိုလိုတာလား ဒါမှမဟုတ် မြန်မာလိုရေးထားတဲ့ Website ကစာတွေ၊ မြန်မာလိုရေးထားတဲ့ Office Documents တွေက စာတွေမပေါ်တာကို ဆိုလိုတာလား တကယ်လို့ မြန်မာလိုရေးထားတဲ့ Website ကစာတွေ၊ မြန်မာလိုရေးထားတဲ့ Office Documents တွေက စာတွေမပေါ်တာဆိုရင် ဒီနေရာကနေ မြန်မာဖောင့် Collection ကို ဒေါင်းလုပ်ချပြီး Install လုပ်လိုက်ပါ။ Windows 7/8 မှာဆိုရင် Control Panel\Appearance and Personalization\Fonts ထဲမှာ သွားသွင်းလို့ ရသလို ဖောင့်တွေထည့်ထားတဲ့ ဖိုဒါကို ဖွင့်ပြီး Ctrl+A ကိုနှိပ် All select လုပ်၊ နောက် အောက်မှာ ပြထားတဲ့ပုံအတိုင်း Install လုပ်လို့လည်းရပါတယ်။

တကယ်လို့ မြန်မာလိုရိုက်လို့ မရတာဆိုရင်တော့ Alpha zawgyi font နဲ့ Keyboard Install လုပ်ဖို့လိုပါတယ်။ ဒီနေရာကနေ ယူလိုက်ပါ။

KznT.

How To Completely Remove Kaspersky Lab Products

လုပ်ကြပါအုံးဗျို့....လက်တော့က ဗိုင်းရပ်စ်လေးတွေ ရှိလို့ KIS ကို ထပ်တင်လိုက်တာ window screen မပေါ်တော့လို့.....unistall လည်း လုပ်လို့မရဖြစ်နေတယ်....taskmanager ကနေပဲ exploror.exe နဲ့သွားမှ ပဲရတော့တယ်...ဘယ်လို လုပ်ရမလည်း ဆိုတာ အကြံလေး ပေးကြပါအုံး...ဘော်ဒါတို့.....ကျေးဇူးပါ.... အရင်က usb stick နဲ့ ဝင်းဒိုးတင်ရင် ရတယ် ခုမရတော့ဝူး...အလုပ်မလုပ်တော့ဝူး ဖြစ်နေတယ်..ကူညီကြပါအုံး...ကျေးဇူးပါ။ 

Kaspersky Lab products တွေကြောင့် ဖြစ်တယ်ဆိုရင် ပုံမှန်အားဖြင့် Start > Control Panel > Add\Remove Programs (Add/Remove Programs) ကနေ ဖြုတ်လို့ ရပေမယ့် theory2008 ပြောသလိုမျိုး uninstall လုပ်မရ ဖြစ်နေတဲ့အခါ Kaspersky Lab ကနေပေးထားတဲ့ kavremover utility ဆိုတာရှိပါတယ်။ အဲ့တာက Kaspersky Lab products တွေကို အန္တရာယ်ကင်းကင်းနဲ့ အပြတ်ရှင်းနိုင်ပါတယ်။ အဲ့တာကို ဒေါင်းလုပ်ချပြီးရင် Reboot ပေးပြီး Safe mode ထဲကို ဝင်ပါ။ Safe mode ထဲဝင်နည်းကို အောက်မှာကြည့်ပါ။

• For users of Windows 8 
• For users of Windows 7 
• For users of Windows Vista 
• For users of Windows XP 

ပြီးရင် kavremover.exe ကို Run ပါ။ license agreement ကို Accept လုပ်ပါ။

Kaspersky Lab Products Remover ver. 1.0.570 window ပေါ်လာပြီး Code တောင်းပါလိမ့်မယ်။ ပုံထဲက Code ကို ပြန်ရိုက်ပေးပါ။ ပြီးရင် Following products were detected အောက်မှာ ကိုယ် uninstall လုပ်ချင်တဲ့ စက်ထဲက Kaspersky products ကိုရွေးပေးပါ။ 

နောက်ပြီး Remove button ကိုနှိပ်လိုက်ရင် အောက်ကလိုတွေ့ရပါလိမ့်မယ်။

အဲ့တာပြီးရင် Reboot ပြန်ပေးပြီး ကိုယ့်စက်မှာ Restore points ရှိရင် System restore ပေးကြည့်ပါ။

KznT.

How To Highly Compress Software

ကျွန်တော် အခုတလော မြန်မာဘလော့ဂ်၊ နိုင်ငံခြား ဘလော့ဂ်တွေမှာ ဂိမ်း၊ဆော့ဝဲလ်တွေကို ဖိုင်ဆိုဒ်အတော်ကို နည်းပါးစွာနဲ့ ရှဲထားတာများတွေ့မိပြီး ဒေါင်းလုပ်ခ်ဆွဲ ကြည့်တော့လည်း 4GB မူရင်းရှိသော ဆော့ဝဲလ်တစ်ခွေကို 10 MB လောက်နဲ့ ဖိုင်ချုံ့ထားနိုင်တာကို တွေ့ရပါတယ်။ တကယ်လည်း အသုံးပြုလို့ရတာတွေ့ရပါတယ်။ ကျွန်တော် သိချင်တာက အဲ့လိုဖိုင်ဆိုဒ်များသော Software DVD တွေကို ဘယ်လိုဆော့ဝဲလ်ကို အသုံးပြုပြီး မယုံနိုင်လောက်သော ဖိုင်ဆိုဒ်ဖြစ်အောင်လုပ်နိုင်သလဲဆိုတာပါ။ နောက် အဲ့လိုဆော့ဝဲလ်ကို အသုံးပြုဖို့ ကွန်ပျူတာမှာ ဘာတွေလိုအပ်လဲဆိုတာလေးပါသိချင်ပါတယ်ခင်ဗျား။ 

ကျွန်တော်ဖတ်ထားဖူးသလောက် ဆွေးနွေးရရင် Highly Compressed ဖြစ်ဖို့အတွက်ဆို ပထမဆုံး အနေနဲ့ ကျွန်တော်တို့ စက်မှာ Archiver Software တစ်မျိုး ရှိထားဖို့လိုပါတယ်။ ကျွန်တော်တို့ သုံးနေကျ WinRar တို့ 7zip တို့ထက် Highly Compressed အတွက်ဆို KGB Archiver ကိုပို အသုံးများကြတယ်။ ခုနောက်ပိုင်းထွက်တဲ့ WinZip 12.1 နောက်က Version တွေမှာ ဆိုရင်လည်း new extended Zip file (.zipx) ကို သုံးထားလို့ Highly Compressed ဖြစ်နိုင်တယ်။ ဒါပေမယ့် ခုနောက်ပိုင်း WinZip ကို ကျွန်တော်တော့ မစမ်းဖူးဘူး။ KGB ကိုတော့ Highly Compressed လုပ်မယ်ဆိုတဲ့ စိတ်ကူးနဲ့ တစ်ချိန်က ကျွန်တော် စမ်းကြည့်ဖူးတယ်။ ကျွန်တော့် ဖတ်ထားတဲ့စာနဲ့ အတွေ့အကြုံအရ ပြောရရင် Highly Compressed လုပ်မယ်ဆို ကိုယ့်စက်က hardware requirements မြင့်ဖို့လိုမယ်။ သူတို့ကတော့ Processor with 1.5GHz clock and 256MB of RAM as an essential minimum လို့ ပြောထားပေမယ့် တကယ်တမ်း file size ကြီးကြီးကို Highly Compressed လုပ်တဲ့အချိန်ကျရင် Memory Usage တွေ တအားများသွားပြီး စက်က ဘာမှ ကောင်းကောင်း သုံးလို့ မရတော့ပဲ Hang သွားတာ ကြုံရတယ်။ အဆိုးဆုံးက အချိန်စားတာပဲ။ ကိုယ် Highly Compressed လုပ်ချင်တဲ့ ဖိုင်အမျိုးအစားပေါ်လိုက်ပြီး ပမာဏ များရင်များသလောက် ၄ နာရီ - ၅ နာရီ - ၆ နာရီ - တစ်နေကုန်နီးပါး စသဖြင့် တခြားလည်း ဘာမှ သုံးလို့ မရပဲ စောင့်ရတာမျိုး ရှိသေးတယ်။ ဒီကြားထဲ မီးပျက်ရင် သေရော Processor Corei5 လောက်နဲ့ RAM 8GB လောက်ရှိရင်တော့ ဘယ်လိုနေမယ် မပြောတတ်ဘူး။ အဲ့လိုစက်လဲ မဝယ်နိုင်သေးတော့ ကျွန်တော်လည်း မစမ်းကြည့်ရသေးဘူး ယထာဘူတ ကျကျ စဉ်းစားကြည့်ရင် Highly Compressed ကတော့ လွယ်မယ်ဆို လူတိုင်း လုပ်ကြမှာပဲလေ။ လုပ်ရတာ မလွယ်လို့သာ Highly Compressed လုပ်ထားတဲ့ Software ဝေမျှမှုမျိုးတွေကို နေရာတိုင်း မတွေ့ရတာပေါ့။ Highly Compressed လွယ်လွယ်သာလုပ်လို့ရလို့ကတော့ ကျွန်တော်တို့လည်း 2GB,4GB, ... Windows ခွေတွေကို အပင်ပန်းခံပြီး တစ်ပိုင်းချင်းစီခွဲ ဘယ်တင်နေတော့မလဲ။ ကျွန်တော်တို့လည်း အလုပ်ရှုပ် .. ဒေါင်းရတဲ့သူလည်း အလုပ်ရှုပ်။ အနှစ်ချုပ်ရရင်တော့ ခုပြောခဲ့တာတွေက ကျွန်တော် လေ့လာ စမ်းထားဖူးသလောက် Sharing လုပ်တာပါ။ ခုနောက်ပိုင်း hardware requirements သိပ်မလိုပဲ မြန်မြန် Highly Compressed လုပ်လို့ရမယ့် နည်းတွေလည်း ပေါ်ချင် ပေါ်နေလောက်ပြီ။ ကျွန်တော်လည်း လေ့လာကြည့်ဦးမယ်။ ကလိလို့ အဆင်ပြေရင်တော့ ထပ်ဆွေးနွေးပေးပါမယ်။ 

KznT.

How To Use WeChat and Viber in Windows 7

wechat.exe and viber.exe လိုချင်လို့ပါ။ computer win7 မှာသုံးချင်လို့ပါ။ ကူညီပေးပါနော်။ email နဲပို့ပေးမယ် ဆိုရင်လည်း ရပါတယ်။

မေးခွန်းကို သေချာမဖတ်ပဲ ဖြေချင်ဇောနဲ့ wechat.exe and viber.exe တိုက်ရိုက်ဒေါင်းလုပ်ချလို့ရမယ့် နေရာတွေ ညွှန်လိုက်မိသေးတယ်။ တကယ်ပါပဲ။ ဒါပေမယ့် စေတနာနဲ့ မှားတဲ့ အမှားမို့လို့ နားလည်ပေးနိုင်ကြမှာပါ။ သိထားတဲ့ နည်းလမ်းတွေထဲက အကောင်းဆုံးဖြစ်နိုင်လောက်မယ့် နည်းတွေကို စုဝေးပြီး အကြံပေးဖြစ်ခဲ့ပါတယ်။

ဟုတ်တယ် ကျွန်တော် နည်းနည်းလောသွားလို့ .. ဆိုဒ်ကို သွားကြည့်တော့ Windows Logo လေး တွေ့တာနဲ့ PC အတွက်ပါတယ် ထင်ပြီး လင့်ကို တိုက်ရိုက်ပေးလိုက်တာ အဲ့တာတွေက ဖုန်းအမျိုးမျိုးအတွက်ပဲ ပေးထားတာဆိုတော့ PC မှာ သုံးချင်တာဆိုရင် Windroy တို့ BlueStacks တို့ကို တဆင့်ခံပြီး apk file တွေကို PC မှာ သုံးလို့ရပါတယ်။

Bluestacks ကတော့ အလွယ်ပြောရရင် Android Emulator ပါ။ သူ့ကိုသုံးပြီး Android ဖုန်းမှာ သုံးနေတဲ့ apk files တွေ such as - Android game, Application တွေကိ်ု ကိုယ့်ရဲ့ Computer မှာ Run ပြီးသုံးလို့ ရတယ်။ Windows 7 တင်မက Windows 8, Windows Vista, Windows XP, Mac OS X အားလုံးသုံးလို့ ရပါတယ်။ 

Windroy ကလည်း ထိုနည်းလည်းကောင်းပဲ။ Windroy ကိုသုံးရင် Android ကို Windows kernel ကနေ Run နေသလိုပဲ။ such as VirtualBox ပေါ့။ Android apps တွေတင်မက 3D games တွေထိပါ ဆော့လို့ရတယ်။ 

တကယ်လို့ အဲ့လို ရှုပ်ရှုပ်ယှက်ယှက်တွေ တစ်ခုမှ မကြိုက်ရင် WebWeChat ဆိုတာ ရှိတယ်။ သူကတော့ WeChat ကို Browser ကနေ တဆင့်ခံသုံးတာ။ ကိုယ့် Smartphone ထဲမှာ ရှိတဲ့ WeChat app နဲ့ QR Code ကို Scan လုပ်ပြီး သုံးတာ။ 

KznT.