Yangon Thingyan views on april 14

သင်္ကြန်အကြတ်နေ့တောင် ရောက်ပါပေါ့ ...
ဘာလဲ သင်္ကြန် ... ??
ဘယ်မှာလဲ ရေ ?? သြော် ရေလား ... ကန်ထဲမှာပေါ့ ... ရေချိုးကန် ထဲမှာလေ ... haha :)

သင်္ကြန်အကြောင်း သိချင်လို့ Facebook ထဲဝင်တော့ ကိုညီလင်းဆက် တင်ထားတဲ့ 2010 ThinGyan Photos ဆိုတာ သွားတွေ့တယ်။

သြော် သင်္ကြန်ဆိုတာ ဒီလိုကိုး ....

ကို ညီလင်းဆက် ကျေးဇူးပါ။ သင်္ကြန်ဆိုတာနဲ့ မနီး .. သင်္ကြန်ဆိုတာနဲ့ လားလားမှ မသက်ဆိုင်တဲ့ နေရာတစ်ခုမှာ ရောက်နေပေမယ့် မြန်မာတစ်ယောက်ရဲ့ ရင်ထဲကို သင်္ကြန်ရေရဲ့ အေးမြမှု တစ်ချို့ ပတ်ဖျန်းပေးနိုင်ခဲ့လို့ တော်တော်ကြည်နူးမိပါတယ်။ ကို ညီလင်းဆက်ဆီက ဓာတ်ပုံတစ်ပုံ " မ " လာပါတယ်။ များများကြည့်ချင်ရင်တော့ အပေါ်မှာ ပေးထားတဲ့ Facebook Link ကနေ သွားကြည့်ပါ။

KznT.

Ubuntu 9.10 User's Guide ( 3 )

( ၃ ) Firefox နှင့် Thunderbird အား Setup ပြုလုပ်ခြင်း

Firefox နဲ့ Thunderbird မှာသဘောကျစရာကောင်းတဲ့ စွမ်းဆောင်ရည် တစ်ခုက Windows ကနေ ပဲ ဖြစ်ဖြစ် Linux ကနေပဲ ဖြစ်ဖြစ် ဘယ်ကနေ boot တက်တက် “profile folder” ကို  Share လုပ်နိုင်တာပါ။ အဲတာကြောင့်မို့လို့ Linux ကိုပဲ ဖြစ်ဖြစ်၊ Windows ကိုပဲ ဖြစ်ဖြစ် Reinstall လုပ်ပြီးတဲ့ အချိန်မှာ ကိုယ့်ရဲ့ “profile folder” ဘယ်နားမှာ ရှိတယ်ဆိုတာ ညွှန်ကြားလိုက်ယုံနဲ့ သီးသန့် ပြန်လည် ပြင်ဆင်နေစရာ မလိုပဲ ကိုယ်အသုံးပြုနေကျ ပုံစံအတိုင်း ပြန်လည် ရရှိနိုင်မှာဖြစ်ပါတယ်။
firefox -P
thunderbird -P

အခုဆိုရင် ကျွန်တော်တို့ရဲ့ bookmarks, contacts တွေနဲ့ emails တွေ အားလုံးကို ပြန်လည်ရရှိပါပြီ။

• ( ၃.၁ ) အသုံးဝင်သော Firefox extensions များ

 

DownThemAll: download managers တွေထဲမှာမှ အကောင်းဆုံးတစ်ခု ဖြစ်ပါတယ်။

Flashblock: လေးလံမယ့် animations တွေနဲ့ ads တွေကို block ပေးပြီး browsing speed ကို ကွန်ပြူတာ အဟောင်းတွေမှာဆိုရင်တောင် ပိုမြန်လာအောင် စွမ်းဆောင်ပေးနိုင် ပါလိမ့်မယ်။

User Agent Switcher: များပြားလွန်းတဲ့ compatibility problems တွေကို ဖြေရှင်းပေးနိုင်ပါတယ်။ တကယ်လို့ Firefox မှာ website တစ်ခုဟာ ပုံမှန်အတိုင်း အဆင်ပြေပြေ မတွေ့မြင်ရဘူးဆိုရင် ( ဥပမာအားဖြင့် hotmail ) သူ့ကို IE သို့မဟုတ် Opera ... စသဖြင့် တစ်ခြား ကိုယ်နှစ်သက်ရာ Browser တစ်ခုမှာ သုံးနေသလိုမျိုး ဖန်တီးကြည့်ရှု့နိုင်ပါတယ်။

Screengrab: web page တွေကို ( အစိတ်အပိုင်း တစ်ခု ဒါမှမဟုတ် အားလုံးအပြည့်အစုံ ) image အဖြစ်လည်းကောင်း ၊ clipboard ဆီကိုလည်းကောင်း ရွှေ့ပြောင်းမှတ်သား နိုင်ပါတယ်။

Session Manager: လတ်တလော Windows မှာရှိနေတဲ့ အခြေအနေတွေ အားလုံးကို saves ပေးထားပြီး restores ပြန်လုပ်ပေးနိုင်ပါတယ်။ session manager တွေထဲမှာတော့ အကောင်းဆုံးလို့ ပြောလို့ရပါတယ်။

• ( ၃.၂ ) အသုံးဝင် Thunderbird extensions ( add-ons ) များ

Mozilla Lightning: Thunderbird အတွက်ထုတ်ထားတဲ့ calendar extension ပါ။

(Project homepage)

Zindus: Google and Zimbra ကို Thunderbird မှာ ပေါင်းစည်းနိုင်ဖို့ ဖြစ်ပါတယ်။

(Project Homepage)

Provider for Google Calendar: Sunbird သို့မဟုတ် Lightning ကိုသုံးပြီး Google Calendar က events တွေကို ဖြည့်တာ ဖတ်တာ လုပ်ဆောင်လို့ ရပါမယ်။ 

Image Zoom: Images တွေကို zoom in, zoom out, လုပ်တာ screen နဲ့ fit image လုပ်တာမျိုးတွေ လုပ်ဆောင်လို့ရပါမယ်။

(Project homepage)

ဆက်ရန် ...

Ubuntu 9.10 User's Guide ( 2 )

( ၂ ) Gnome Control Center အား အသုံးပြုခြင်း 

ကျွန်တော့် အမြင်ကတော့ Gnome ထဲမှာထည့်ထားတဲ့ system settings menu က တော်တော်လေး ရှုပ်ရှက်ခတ်နေတယ် ထင်ပါတယ်။ တကယ်လို့ ကိုယ်တွေက Linux ကို အခုမှ စသုံးတဲ့သူ မဟုတ်ဘူး ဆိုရင်တော့ ဘယ် settings တွေကတော့  "Preferences" အောက်မှာ ရှိတယ်၊ ဘယ်ကောင်တွေကတော့ "Administration" အောက်မှာဆိုပြီး အလွယ်တကူ နားလည် ပြင်ဆင်မှု ပြုလုပ်နိုင်ကောင်း နိုင်ပါလိမ့်မယ်။ အဲ့ထဲမှာ Lists တွေကို alphabetically စီစဉ်ထားပြီး - တကယ်လို့သာ ကိုယ်တွေက Ubuntu ကို တစ်ခြား Languages တစ်ခုခုနဲ့သာ ပြောင်းသုံးမယ် ဆိုလို့ကတော့ လိုချင်တာကို ရှာတွေဖို့ တော်တော်ကြီးကို အချိန်ပေးရပါလိမ့်မယ်။ အဲတာက ကျွန်တော့် အတွက်တော့ တကယ့်ကို ပြဿနာပါပဲ။ ဒါတင်မကသေးပါဘူး တကယ်လို့ အသစ်တစ်ယောက်သာ Ubuntu ကို စသုံးမယ် ဆိုလို့ကတော့ ဒီပြဿနာကို တော်တော်ကို စိတ်ရှုပ်စရာ ကောင်းသွားမှာ သေချာပါတယ်။ ဒီအောက်မှာ ဖော်ပြထားတာကတော့ Gnome Control Center ဆိုတဲ့ ဒီပြဿနာ အတွက် အဖြေပါ။

• ( ၂.၁ ) Control Center အား Enable ပေးခြင်း
  

control center ဟာ default အနေနဲ့ install လုပ်ဆောင်ပေးပြီးသားပါ။ ကျွန်တော်တို့ လုပ်ဆောင်ရမှာ shortcut ကို Menu မှာ ပေါ်လာအောင် လုပ်ဆောင်ဖို့ပဲ လိုပါတယ်။ လုပ်ဆောင်နည်းကတော့ -

System > Preferences > Main Menu

အဲ့နောက် System > Control Center မှာ Check လုပ်ပါ။
ဒီနေရာမှာ "Preferences" နဲ့ "Administration" ကိုလည်း uncheck လုပ်သွားလို့ရပါတယ်။ ဘာကြောင့်လည်း ဆိုရင် နောက်ဆို Control Center ထဲမှာ "Preferences" နဲ့ "Administration" က ပါဝင်နေမှာ မို့လို့ ဖြစ်ပါတယ်။ ဒါဟာ ဘာနဲ့ သဘောတရားဆိုလည်း ဆိုရင် windows မှာ Control Panel တစ်ခုတည်းကို Start Menu မှာ ဖော်ထားလိုက်တာနဲ့ တစ်ခြား Control Panel မှာ ပါဝင်နေတဲ့ အရာတွေကို access လုပ်ဖို့ အသင့်ဖြစ်နေတာနဲ့ ဆင်တူပါတယ်။

အခုဆိုလို့ရှိရင် ကျွန်တော်တို့တွေ Control Center ကို Main Menu ကနေ အလွယ်တကူ အသုံးချလို့ ရပါပြီ။ Control Center access လုပ်ဖို့က ဒီတစ်နည်းတည်း မဟုတ်ပါဘူး။ နောက်တစ်နည်း ကျန်ပါသေးတယ်။ အဲ့နည်းကတော့ Terminal ထဲသွားပြီး command line ကနေ ခုလိုခေါ်ယူနိုင်ပါတယ်။

gnome-control-center

• ( ၂.၂ ) Control Center အား စတင်အသုံးပြုခြင်း
  

Control Center ကို ဖွင့်ပြီးတဲ့ အချိန်မှာ ကိုယ်သိချင်တဲ့ ပြောင်းလဲ ပြင်ဆင်မှု ပြုလုပ်ချင်တဲ့ အကြောင်းအရာရဲ့ အစစာလုံးကို ရိုက်လိုက်တာနဲ့ ကိုယ်လိုချင်တာကို ခုအောက်မှာ ဖော်ပြထားသလို မြင်တွေ့ရမှာ ဖြစ်ပါတယ်။ ဆိုကြပါစို့ ကျွန်တော်တို့က power management settings ကို ပြုပြင်ပြောင်းလဲမှု ပြုလုပ်ချင်တာ ဆိုရင် "pow" ဆိုပြီး ရိုက်လိုက်တာနဲ့ အမှန်ကန်ဆုံး ဖြစ်နိုင်ချေ ရှိတာကို ခုလို ဖော်ပြလာမှာ ဖြစ်ပါတယ်။

• ( ၂.၃ ) Control Center အား အသုံးပြု၍ လုပ်ဆောင်နိုင်သော အခြားအကြောင်းအရာများ
  

• ( ၂.၃.၁ ) မိမိ အသုံးပြုသလောက်သာ Power ကို ချိန်ညိှပါ။

"Power Management" ကို Control Center မှာ တွေ့ရှိနိုင်ဖို့အတွက် အောက်ဖော်ပြပါ အတိုင်း သွားရောက်ပါ။
System > Preferences > Power Managment

• ( ၂.၃.၂ ) Screensaver အား ပြင်ဆင်ပါ။

"Screensaver" ကို Control Center မှာ တွေ့ရှိနိုင်ဖို့အတွက် အောက်ဖော်ပြပါ အတိုင်း သွားရောက်ပါ။
System > Preferences > Screensaver

• ( ၂.၃.၃ ) စိတ်ရှုပ်စရာကောင်းသည်ဟု ယူဆသော အသံများအား ဖြုတ်ပစ်ပါ။

"Sound" ကို Control Center မှာ တွေ့ရှိနိုင်ဖို့အတွက် အောက်ဖော်ပြပါ အတိုင်း သွားရောက်ပါ။
System > Preferences > Sound
အဲကနေမှ တဆင့် sound theme မှာ "No sounds"  ကို ရွေးပေးပြီး alert sound ကို mute လုပ်ခဲ့ပါ။

 

• ( ၂.၃.၄ ) Automatic Update အား setup ပြုလုပ်ပါ။

"Update Manager" ကို Control Center မှာ တွေ့ရှိနိုင်ဖို့အတွက် အောက်ဖော်ပြပါ အတိုင်း သွားရောက်ပါ။

System > Administration > Update Manager

ဘယ်ဘက် အောက်ထောင့်နားမှာ ရှိနေတဲ့ "Settings..." ကို Click ပေးပြီး အဲ့ဒီကနေမှ Security level ကို လိုသလောက် မြှင့်လို့ရပါတယ်။ ဆိုလိုတာ ဒီစက်ကို သုံးမယ့် သူတွေ အပေါ်မူတည်ပြီး Setting မှာ လိုအပ်သလို Security level ကို မြှင့်ထားဖို့ပါ။ မကြာခဏ တက်တက်လာတတ်တဲ့ Updates သတိပေးချက်တွေကို Minimize လုပ်ထားနိုင်ဖို့ ဆိုင်းငံ့ထားနိုင်ဖို့ အတွက်ကတော့ အောက်ဖော်ပြအတိုင်း လုပ်ဆောင်ကြည့်ပါ။

ကွန်ပြူတာကို ကိုယ်သုံးနေတဲ့ အချိန်မှာ မလိုအပ်တဲ့ Upgrade တွေကို တားဆီးထားနိုင်ဖို့အတွက် မပျက်မကွက်လုပ်ဆောင်ထားရမှာ တစ်ခုက "Show new distribution releases" နေရာမှာ "Never" အဖြစ်ပြင်ဆင်ထားရှိနိုင်ပါတယ်။

ဆက်ရန် ...

Ubuntu 9.10 User's Guide ( 1 )

ဒီလမ်းညွှန် အတွင်းမှာ Ubuntu 9.10 "Karmic Koala" installation ကို လုပ်ဆောင်ပြီးတဲ့ အချိန် ပြုပြင်ပြောင်းလဲ နိုင်မယ့် အကြောင်းအရာတွေ ဖြည့်သွင်းအားဖြည့်နိုင်မယ့် ဖန်တီးမှုတွေကို ဦးစားပေး ဖော်ပြသွားမှာ ဖြစ်ပါတယ်။ ဒီလမ်းညွှန် Ubuntu ကို အသုံးပြုနေသူများအတွက် တစ်ဖက်တစ်လှမ်းကနေ အတိုင်းအတာ တစ်ခုထိ အထောက်အကူ ပြုနိုင်လိမ့်မယ်လို့ ယူဆမိပါတယ်။

ဖော်ပြချင်တဲ့ အကြောင်းအရာက များပြားတဲ့ အတွက်ကြောင့် တစ်နေ့တည်းနဲ့ အပြီးရေးသားသွားနိုင်မှာ မဟုတ်ပဲ ကျွန်တော့်ရဲ့ အားလပ်ချိန်ထဲကနေ နိုင်သလောက် ဒီခေါင်းစဉ်အောက်မှာ နေ့စဉ် အကြောင်းအရာ တစ်ခုစီ ဖော်ပြသွားနိုင်အောင် ကြိုးစားသွားပါ့မယ်။

( ၁ ) Media codecs & DVD များအား Support လုပ်နိုင်စေရန် ဖန်တီးခြင်း။

• ( ၁.၁ ) Medibuntu Repository အား Enable ပေးခြင်း
  

(movies, audio, DVD, ...) စတဲ့ media ဖိုင်တွေကို ဖတ်နိုင်ဖို့နဲ့ Skype or Google Earth တို့လို software တွေကို install လုပ်ဆောင်နိုင်ဖို့အတွက် ကျွန်တော်တို့တွေဟာ medibuntu repositories ကို Enable လုပ်ဆောင်ထားရ ပါလိမ့်မယ်။

Medibuntu Repository နဲ့ medibuntu keyring ကို Enable လုပ်ဖို့ကတော့ အောက်မှာဖော်ပြထားတဲ့ ရှည်လျားလှတဲ့ command ကို Terminal ထဲမှာ Run ပေးဖို့လိုပါတယ် -

sudo wget http://www.medibuntu.org/sources.list.d/`lsb_release -cs`.list --output-document=/etc/apt/sources.list.d/medibuntu.list; sudo apt-get -q update; sudo apt-get --yes -q --allow-unauthenticated install medibuntu-keyring; sudo apt-get -q update

( ဒီအထက်မှာ ဖော်ပြထားတဲ့ စာသားက Ubuntu က ထုတ်လိုက်တဲ့ Release တိုင်းနဲ့ အလုပ်လုပ်ပါတယ်။ )

• ( ၁.၂ ) Non-free-codes များအား install ပြုလုပ်ခြင်း 

non-free-codecs meta-package တွေဟာ အရမ်းအသုံးဝင်တဲ့ packages တြွေဖစ်ပြီး  ubuntu-restricted-extras packages တွေလည်း အများအပြားပါဝင်ပါတယ်။ ဒီ packages တွေက ဘာတွေကို support လုပ်သလဲ ဆိုတာ ဥပမာပြောရရင် MP3 တွေနဲ့ အခြားအခြားသော ဖွင့်မရ ပြုမရဖြစ်နေတဲ့ audio formats တွေ ၊ နောက်ပြီး Microsoft fonts, Java runtime environment, Flash plugin စတာတွေ အပြင် ကိုယ့်စက်ရဲ့ architecture အလိုက် w64codecs သွင်းရမလား w32codecs သွင်းရမလား ဆိုတာကိုပါ support ပေးပါတယ်။ နောက်ထပ်လည်း များစွာ ကျန်ပါသေးတယ်။ non-free-codes ကို Terminal မှာ ခုလို စာကြောင်းတစ်ခုရိုက်ပြီး install လုပ်ဆောင်လို့ ရပါတယ်။

sudo apt-get install non-free-codecs

တကယ်လို့ ဘာတွေ install လုပ်ဆောင်သွားမှာလဲ ဆိုတာ အတိအကျ သိချင်ခဲ့မယ် ဆိုရင် ဒီအောက်မှာ list ပါ။

`

cabextract freepats gsfonts-x11 gstreamer0.10-ffmpeg gstreamer0.10-plugins-bad gstreamer0.10-plugins-bad-multiverse gstreamer0.10-plugins-ugly gstreamer0.10-plugins-ugly-multiverse java-common liba52-0.7.4 libamrnb3 libamrwb3 libass3 libavcodec52 libavformat52 libavutil49 libcdaudio1 libcelt0 libdc1394-22 libdca0 libdirac0c2a libdvdnav4 libdvdread4 libenca0 libfaac0 libfaad0 libffado1 libfftw3-3 libfreebob0 libgsm1 libid3tag0 libiptcdata0 libjack0 libkate1 libmad0 libmimic0 libmjpegtools-1.9 libmms0 libmodplug0c2 libmp3lame0 libmp4v2-0 libmpcdec3 libmpeg2-4 libofa0 libpostproc51 libquicktime1 libschroedinger-1.0-0 libsidplay1 libsoundtouch1c2 libswscale0 libtwolame0 libwildmidi0 libx264-67 libxml++2.6-2 libxvidcore4 non-free-codecs odbcinst1debian1 sun-java6-bin sun-java6-jre sun-java6-plugin ttf-liberation ttf-mscorefonts-installer ubuntu-restricted-extras unixodbc unrar w64codecs ( စုစုပေါင်း 170 MB ခန့် )

• ( ၁.၃ ) အခြား codes များ၊ DVD support, VLC နှင့် mplayer ထည့်သွင်းခြင်း

libdvdcss2 package ဟာ DVDs play ဖို့အတွက် သင့်တော်တဲ့ package တစ်ခုပါ။ ဒါ့အပြင် VLC ဟာလည်း media layer ထဲမှာ အကောင်းဆုံးလို့ သုံးသပ်မိပါတယ်။ သူ့ကို install လုပ်ဆောင်နိုင်ဖို့ကတော့ -

sudo apt-get install libdvdcss2 gxine libxine1-ffmpeg vlc mplayer mencoder

တကယ်လို့ ဘာတွေ install လုပ်ဆောင်သွားမှာလဲ ဆိုတာ အတိအကျ သိချင်ခဲ့မယ် ဆိုရင် ဒီအောက်မှာ list ပါ။

gxine libaudio2 libdvbpsi5 libdvdcss2 libebml0 libiso9660-5 liblua5.1-0 liblzo2-2 libmatroska0 libmozjs0d libopenal1 libqtcore4 libqtgui4 libsdl-image1.2 libsvga1 libtar libvcdinfo0 libvlc2 libvlccore2 libxcb-shape0 libxcb-shm0 libxcb-xv0 libxine1 libxine1-bin libxine1-console libxine1-ffmpeg libxine1-misc-plugins libxine1-x mencoder mplayer mplayer-nogui mplayer-skins vlc vlc-data vlc-nox vlc-plugin-pulse ( စုစုပေါင်း 80 MB  ခန့်)

ဆက်ရန် ...

April Rain

သင်္ကြန်ကျလာပြန်ပါပြီ။ သင်္ကြန်ကို ဘာမှန်း မသိခဲ့တာ - သင်္ကြန်နဲ့ ဝေးနေခဲ့တာ ဆယ်စုနှစ်တစ်နှစ်တောင် ကျော်ခဲ့ပါပေါ့။ ဒါပေမယ့် မြန်မာတစ်ယောက် အနေနဲ့ သင်္ကြန်ဆိုတဲ့ အသံကို ကြားရင် - သင်္ကြန်နားနီးရင် - သင်္ကြန်တေးသံတွေ ကြားရရင် - April ဆိုတာကို ရောက်ရင် - ငယ်စဉ် တစ်ချိန်တုန်းက သင်္ကြန်အငွေ့အသက်တွေ - ငယ်စဉ်ကလေးဘဝ ပျော်ရွှင်မှုတွေကို ပြန်ပြီး သတိရမိပါတယ်။

သင်္ကြန်နဲ့ ပတ်သတ်ပြီး နှစ်စဉ်နှစ်တိုင်း ထုတ်လိုက်ကြတဲ့ စီးရီးတွေ - တစ်ခုမှ သဘောမကျဘူး။ သင်္ကြန်သီချင်း ဆိုရင် သင်္ကြန်မိုးဇာတ်ကားကြီး ထဲမှာ ပါတဲ့ သီချင်းတွေကိုပဲ သဘောကျမိတယ်။ ခုလည်း Youtube မှာ လိုက်ရှာကြည့်တယ်။ မတွေ့ဘူး။ မတွေ့တာနဲ့ Cutter တစ်ခုချပြီး ကိုယ့်မှာ ရှိနေတဲ့ သင်္ကြန်မိုးကားထဲကနေ ကိုယ့်ဘာသာ ကိုယ်သဘောကျတဲ့ သီချင်းကို Cut လုပ်ပြီး တင်ပစ်လိုက်တယ်။

သင်္ကြန်အမှတ်တရ ဘာမှ မလုပ်ဖြစ်တာ ကြာလို့။ ကိုယ့် Blog မှာလည်း သင်္ကြန်နဲ့ ပတ်သတ်ပြီး တစ်ခုခု အမှတ်တရလေး ထားချင်လို့ စီစဉ်ဖြစ်လိုက်တဲ့ ဒီသီချင်းလေး - အရမ်း သဘောကျမိတယ်။

KznT.

Guide for Kaspersky Offline Updates

Kaspersky ဆိုတာ PC protection software တွေထဲမှာ နာမည်ရတဲ့ Software တစ်ခုဆို မမှားပါဘူး။ ကျွန်တော်တို့ မြန်မာတွေ အပါအဝင် ကမ္ဘာတစ်ဝှမ်းက လူတော်တော်များများလည်း ခုချိန်မှာ Kaspersky Internet Security နဲ့ AntiVirus ကို အသုံးပြုနေကြပါတယ်။

AntiVirus ဒါမှမဟုတ် PC security software ဆိုတာဟာ သူ့ software နဲ့ သက်ဆိုင်တဲ့ frequent updates ကိုပုံမှန်မရဘူးဆိုရင် စက်ထဲမှာ install လုပ်ထားလည်း ကိုယ့်ကွန်ပြူတာအတွက် ပြည့်ဝတဲ့ ကာကွယ်မှုကို မပေးနိုင်ပါဘူး။ အချိန်နဲ့အမျှ ထွက်ပေါ်နေတဲ့ အသစ်အသစ်သော viruses, spyware, Trojans, worms, နဲ့ bots တွေရဲ့ တိုက်ခိုက်မှုကိုလည်း ဟန့်တားနိုင်မှာ မဟုတ်ပါဘူး။  ဒီပြဿနာကို ဖြေရှင်းဖို့အတွက် antivirus တင်ထားပြီး internet နဲ့ ချိတ်ဆက်ထားတဲ့ ကွန်ပြူတာတစ်လုံးအတွက်တော့ ဘာမှ ပြဿနာ မရှိပေမယ့်  antivirus တော့တင်ထားပါရဲ့ offline ထားထားရတဲ့ ( ဆိုလိုတာ internet connection မရှိတဲ့ ) ကွန်ပြူတာမျိုးဆို ဘယ်လိုလုပ်ကြမလဲ။ အထူးသဖြင့် ကျွန်တော်တို့ မြန်မာပြည်လို အင်တာနက်ဆိုင်သွားမှ connection ရတဲ့ အခြေအနေမျိုးဆိုရင် ဒီ viruses, spyware, Trojans, worms, နဲ့ bots တွေရဲ့ ကျက်စားပျော်မြူးရာ စားကျက်က ကျွန်တော်တို့ရဲ့ မြန်မာနိုင်ငံ ဖြစ်မနေနိုင်ဘူးလား။ ကျွန်တော်တို့တွေ ခုချိန်မှာသာ internet ကို အလွယ်တကူရနေလို့ ဒီပြဿနာကို မျက်ကွယ် ပြုနိုင်နေပေမယ့် မြန်မာနိုင်ငံမှာ ရှိနေတဲ့ ကျွန်တော့် ဆွေမျိုးသားချင်းတွေ  ၊ သူငယ်ချင်း အပေါင်းအသင်းတွေကတော့ ဒီပြဿနာကို အလူးအလဲ ခံနေရပါတယ်။ ဟိုတစ်လောက ကျွန်တော့် အကိုတစ်ယောက် Online ရောက်လာပြီး သူ့ Laptop - virus မိနေလို့၊ တင်ထားတာ KAV ၊ updates က connection မရှိလို့ နှစ်ချို့နေပြီး virus ကိုမသတ်နိုင်ဘူးဆိုပြီး ကျွန်တော့်ကို ငြီးပြပါတယ်။ ကျွန်တော် တော်တော် စိတ်မကောင်း ဖြစ်မိပါတယ်။ ဒီလိုပြဿနာတွေကို ရင်ဆိုင်နေရတဲ့ KIS / KAV သုံးသူ users ပေါင်း မြန်မာနိုင်ငံမှာ ဘယ်လောက်လောက်များရှိနေနိုင်ပါသလဲ။

ဒါကြောင့် ကျွန်တော် သူတို့အတွက် တစ်ဖက်တစ်လှမ်းကနေ ပံ့ပိုးပေးနိုင်အောင် ဒီစာရေးဖြစ်လိုက်ပါတယ်။

Kaspersky Offline Update လုပ်ဆောင်နည်းများ

Kaspersky Offline Update လုပ်ဆောင်နည်းတွေကို အရင်မပြောခင်မှာ အရင်ဆုံး လေ့လာရမှာက ကျွန်တော်တို့ သုံးနေတာ Kaspersky Internet Security / AntiVirus ထဲက ဘယ် versions ကိုသုံးနေလဲ ဆိုတာပါ။ Kaspersky Labs ကနေ ထုတ်လုပ်ခဲ့တဲ့ အမျိုးအစားတွေ များစွာထဲကမှ တစ်ခုချင်းစီရဲ့ offline updates လုပ်ဆောင်ပုံကို ကျွန်တော် လိုက်ရေးပြရမယ် ဆိုရင် ဒီအကြောင်းအရာက တော်တော်နဲ့ ပြီးနိုင်တော့မှာ မဟုတ်ပါဘူး။ ဒါကြောင့် နောက်ဆုံး versions လည်း ဖြစ်။ လူတော်တော်များများလည်း သုံးနေကြတာ ဖြစ်တဲ့ Kaspersky Internet Security / AntiVirus 9.0 (2010) ကိုပဲ Offline Update လုပ်ဆောင်နည်း အဆင့်လိုက် ရေးသားသွားဖို့ ဆုံးဖြတ်ခဲ့ပါတယ်။ မိသားစုများရဲ့ စက်မှာ တစ်ခြား Versions တွေ ဖြစ်နေမယ် ဆိုရင်လည်း ဖြစ်နိုင်ရင် Kaspersky Internet Security / AntiVirus 9.0 (2010) ကိုပဲ ပြောင်းသုံးဖို့ အကြံပေးလိုပါတယ်။ Kaspersky Internet Security / AntiVirus 9.0 (2010) Latest versions တွေ download ရယူနိုင်ဖို့ကတော့ ဒီနေရာကနေ သွားပါ။ 

Offline Update မည်သို့လုပ်ဆောင်မည်နည်း။

Kaspersky Offline Update လုပ်ဆောင်နည်း - နည်းလမ်း ( ၃ ) ခုရှိပါတယ်။

• Local folder မှ Kaspersky Updates အားရယူ install လုပ်ဆောင်ခြင်း။
  
• Updater.bat file အား အသုံးပြု၍ install လုပ်ဆောင်ခြင်း။
  
• Stand-alone update utility " Updater.exe " အား အသုံးပြု၍ Updates ရယူလုပ်ဆောင်ခြင်း။
  

ကျွန်တော် တစ်ဆင့်ခြင်း အသေးစိတ် ဖော်ပြသွားပါမယ်။

• Local folder မှ Kaspersky Updates အားရယူ install လုပ်ဆောင်ခြင်း။
  

ဒီနည်းလမ်းကို သုံးပြီး Update လုပ်ဆောင်ဖို့ အတွက်ကတော့ Iအဆင့် ( ၂ ) ဆင့် လုပ်ဆောင်ရမှာ ဖြစ်ပြီး ကွန်ပြူတာ ၂ လုံး အနည်းဆုံးလိုအပ်ပါတယ်။ အဲ့ဒီ့ ကွန်ပြူတာ ( ၂ ) လုံးလုံးမှာ ကိုယ် update လုပ်ချင်တဲ့ Kaspersky product အမျိုးအစား တစ်ခုတည်းကိုပဲ install လုပ်ဆောင်ထားရပါမယ် ( ဥပမာ - 9.0.0.736 )။ အဲ့ဒီ့ ကွန်ပြူတာ ( ၂ )လုံးထဲက တစ်လုံးဟာ internet နဲ့ချိတ်ဆက်ထားပြီး Kaspersky lab sever ကနေ anti-virus databases ကို ပုံမှန် ရရှိနေတဲ့ ကွန်ပြူတာမျိုး ဖြစ်ရပါမယ်။ နောက် ကွန်ပြူတာ တစ်လုံးက Offline ဖြစ်နေလို့ရပါတယ်။ အခု offline ဖြစ်နေတဲ့ ကွန်ပြူတာက ခုနက အင်တာနက်နဲ့ ချိတ်ဆက်ထားတဲ့ ကွန်ပြူတာဆီမှာရှိနေတဲ့ anti-virus databases တွေကို ပြောင်းလဲ ချိတ်ဆက်ပြီး offline updates လုပ်ဆောင်မှာပါ။ ဒီနည်းက ဘယ်တွေမှာ အသုံးဝင်သလဲ ဆိုရင် ဥပမာ ဆိုကြပါစို့ ကုမ္ပဏီ တစ်ခုမှာ ရှိနေတဲ့ Network တစ်ခုမှာ စက်တစ်လုံးကပဲ internet connection ရှိနေယုံနဲ့ တစ်ခြား offline ဖြစ်နေတဲ့ computer အားလုံး anti-virus databases ကို online တက်စရာ မလိုပဲ ပုံမှန်ရရှိသွားမှာ မျိုး ဖြစ်ပါတယ်။

• ပထမအဆင့် - Kaspersky lab sever မှ anti-virus databases ပုံမှန်ရရှိနေသော ကွန်ပြူတာမှနေ၍ Updates များအား ခွဲဝေယူခြင်း။

ဒီနည်းကို လုပ်ဆောင်ဖို့အတွက် Network ထဲက ကွန်ပြူတာတစ်လုံးအနေနဲ့ အစားထိုးတင်ပြလိုက်ပါမယ်။ anti-virus databases ကို ရယူမယ့် ကွန်ပြူတာက internet နဲ့ ချိတ်ဆက်ပြီး နောက်ပိုင်းမှာ ရရှိလာတဲ့ anti-virus databases ကို Update distribution လုပ်ဆောင်ဖို့အတွက် အရင်ဆုံး အောက်ဖော်ပြပါ အဆင့်ကို အရင်ဆုံး စစ်ဆေးကြည့်ပါ။ ဒါက ကိုယ့်ရဲ့စက်မှာ Update distribution က ဘယ်နေရာမှာ ရှိလဲဆိုတာ အရင်လေ့လာတဲ့ အဆင့်ဖြစ်ပါတယ်။ Windows XP မှာဆိုရင် Update distribution folder ဟာ \Documents and Settings\All Users\Application Data\Kaspersky Lab\AVP9\Update distribution မှာတည်ရှိပါတယ်။ ပုံမှန်အားဖြင့် hidden ဖြစ်ပါတယ်။ Windows Vista မှာဆိုရင် \ProgramData\Kaspersky Lab\AVP9\Update distribution မှာ တည်ရှိပါတယ်။ Hidden ကိုဖော်ဖို့ကတော့ My computer > Tools > Folder Options > View > Show hidden files and folders မှာ check ပေးပြီး လုပ်ဆောင်လိုက်ပါ။ တကယ်လို့ ဖော်ပြပါ နေရာမှာ Update distribution ဆိုတဲ့ folder ရှိမနေရင် create လုပ်ပေးရမှာ ဖြစ်ပါတယ်။

Internet နဲ့ ချိတ်ဆက်ထားတဲ့ ကွန်ပြူတာမှာ ရှိနေတဲ့ Kaspersky update databases တွေကို copy ကူးယူဖို့အတွက် လုပ်ဆောင်နည်း အဆင့်ဆင့်ကတော့ ဒီအောက်ဖော်ပြပါ အတိုင်း ဖြစ်ပါတယ်။

• Main application window အားဖွင့်ပါ။
• ညာဘက်အပေါ်ထောင့်နားမှာ ရှိနေတဲ့ Settings ကို click ပေးပါ။
  
• Settings window ထဲမှာ My Update Center ကို select ပေးပါ။
  
• ဖော်ပြထားတဲ့ window ရဲ့ ညာဘက်ခြမ်းမှာ ရှိနေတဲ့ section ထဲက Copy updates to folder ကို check ပေးပါ။
  
• Browse button ခုနက အပေါ်မှာ ပြောခဲ့တဲ့ Update distribution folder ဆီကို လမ်းညွှန်ပေးပါ။
  
• ဖွင့်ထားတဲ့ Windows တစ်ခုချင်းစီကို OK ပေးပြီးပိတ်ပါ။
• ပြီးသွားရင် anti-virus databases ကို Run ပါ။
  

လုပ်ဆောင်ပုံ အသေးစိတ်ကတော့ အောက်မှာ ပုံနဲ့ ထပ်ပြီး ဖော်ပြပေးထားပါတယ်။ ဒါကတော့ KIS 2010 အတွက် လုပ်ဆောင်နည်း ပုံပါ။

ဒါကတော့ KAV 2010 အတွက် လုပ်ဆောင်နည်း ပုံပါ။

• ဒုတိယအဆင့် - ခွဲဝေပြီးသော Update distribution အားအသုံးပြု၍ Internet connection မရှိသော အခြားစက်များတွင် update ပြုလုပ်ခြင်း။

အထက်မှာ ဖော်ပြထားချက်အတိုင်း Update distribution folder ထဲကို update databases တွေရောက်ရှိသွားပြီ ဆိုတဲ့ အချိန်မှာ အဲ့ folder ကို တစ်ခြား removable media တစ်ခုထဲ ထည့်ပြီး save - နောက် update ပြုလုပ်မယ့် ကွန်ပြူတာဆီ ယူသွားတဲ့ နည်းနဲ့ ပဲ ဖြစ်ဖြစ်၊ ကွန်ပြူတာ ( ၂ ) ခုလုံးက Network ထဲမှာဆိုရင် network ကနေ တစ်ဆင့် Share ပေးတဲ့ နည်းနဲ့ ပဲ ဖြစ်ဖြစ် Update distribution folder ကို တစ်ခြား ကွန်ပြူတာ တွေကနေ access လုပ်နိုင်အောင် စီစဉ်ရပါမယ်။ အဲလို စီစဉ်ပြီးသွားပြီ ဆိုရင်တော့ Internet connection မရှိတဲ့ Kaspersky ကို Update ပေးဖို့ အောက်ပါနည်း အတိုင်း ဆက်လက် လုပ်ဆောင်ပါမယ်။

• Main application window အားဖွင့်ပါ။
• ညာဘက်အပေါ်ထောင့်နားမှာ ရှိနေတဲ့ Settings ကို click ပေးပါ။
  
• Settings window ထဲမှာ My Update Center ကို select ပေးပါ။

• ညာဘက်ခြမ်းမှာ ရှိနေတဲ့ window မှာ တွေ့ရတဲ့ Update Source section က Settings ကို click ပေးပါ။ 
• အဲကနေမှ တဆင့် Source tab ရဲ့အောက်မှာ ရှိနေတဲ့ Add link ကို click ထပ်ပေးပါ။
  
• Browse ကနေတစ်ဆင့် ကျွန်တော်တို့ Update distribution folder ကိုဘယ်မှာ save ထားခဲ့သလဲ ( ဆိုလိုတာ USB ထဲမှာဆို USB ထဲက Update distribution folder ရှိရာဆီ၊ Network ထဲမှာ ဆို Network ထဲက Update distribution folder ရှိရာဆီ ) လမ်းညွှန်ပေးရပါမယ်။ 
• OK ကို နှိပ်ပါ။
  
• Source tab ရဲ့အောက်မှာ ရှိနေတဲ့ Kaspersky Lab’s update servers check box ကို clear ပေးပါ။
  
• OK ပေးပါ။
• Update process ကို စ Run ပါ။

လုပ်ဆောင်ပုံ အသေးစိတ်ကတော့ အောက်မှာ ပုံနဲ့ ထပ်ပြီး ဖော်ပြပေးထားပါတယ်။ ဒါကတော့ KIS 2010 အတွက် လုပ်ဆောင်နည်း ပုံပါ။

ဒါကတော့ KAV 2010 အတွက် လုပ်ဆောင်နည်း ပုံပါ။

• Updater.bat file အား အသုံးပြု၍ install လုပ်ဆောင်ခြင်း။

ဒီနည်းကလည်း အဆင့် ( ၂ ) ဆင့်နဲ့ လုပ်ဆောင်ရမှာပါပဲ။ အခုဖော်ပြပါနည်းက Internet connection ရှိပြီး KAV/KIS 2010 မဟုတ်ပဲ တစ်ခြား antivirus တစ်မျိုးမျိုးသုံးထားတဲ့ သို့မဟုတ် KAV/KIS 2010 မဟုတ်ပဲ တစ်ခြား versions ဖြစ်နေတဲ့ စက်ကနေ ပထမဦးဆုံး KAV/KIS 2010 အတွက် updates ဖိုင်တွေကို ဒေါင်းလုပ်ချ - ရလာတဲ့ ဖိုင်တွေကိုမှ Internet connection မရတဲ့ စက်တွေဆီ ယူသွားပြီး update လုပ်ရမှာ မျိုးပါ။

• ပထမအဆင့် - databases များအား Update.bat file အားအသုံးပြု၍ Download ပြုလုပ်ခြင်း။

Update.bat file ကို ဘယ်နားကနေ ရမလဲ ??

Update.bat file ဆိုတာ Kaspersky Labs ကနေ ထုတ်ပေးထားတဲ့ small tool တစ်ခုဖြစ်ပြီး KIS 2010 အတွက် ဒီနေရာကနေ ရယူနိုင်ပြီး KAV 2010 အတွက် ဒီနေရာကနေ ပါတယ်။ အဲ့ဒီ့ tool ကို HD ပေါ်က partition တစ်ခုခုပေါ် ဖြည်ချပြီး run ရင်လို့လည်း ရသလို ၊ USB storage device ထဲမှာ ဖြည်ချပြီး run လို့လည်း ရပါတယ်။ ဘယ်နားကနေ run - run အဲ့ဒီ့ tool run တဲ့ နေရာမှာ KAV/KIS 2010 အတွက် လိုအပ်တဲ့ updates ဖိုင်တွေကို အလိုလျောက် save ပေးသွားမှာ ဖြစ်ပါတယ်။ တကယ်လို့ အဲလို run တဲ့ အချိန်မှာ Error တစ်ခုခု တက်ခဲ့မယ် ဆိုရင် ဒီနေရာက ဖိုင်ကို ဒေါင်းလုပ်ချပြီး ပါလာတဲ့ rar ဖိုင်ထဲက ဖြည်လိုက်လို့ ထွက်လာမယ့် ဖိုင် ( ၄ ) ခုကို Update.bat file ရှိနေတဲ့ ဖိုဒါထဲ ပြန်ထည့်ပြီး Run ပေးလိုက်ပါ။

ဒီ Tool ကို ဘယ်လို အသုံးပြုမလဲ ??

ဒေါင်းလုပ်ချပြီး ဖြည်လိုက်တဲ့ အချိန်မှာ ခုလို ဖော်ပြထားချက်အတိုင်း ဖိုင် ( ၃ ) ခုထွက်လာပါလိမ့်မယ်။ (kis9_459_463_736.ini / Updater.bat / Updater.exe) လောလောဆယ် ကျွန်တော် KIS အတွက်ပဲ ပြသွားပါမယ်။ KAV ကလည်း ထိုနည်းလည်းကောင်းပါပဲ။

ကျွန်တော်တို့လုပ်ရမှာ အဲ့ထဲက Update.bat ဆိုတဲ့ ဖိုင်ကို double-click ပေးယုံပါပဲ။ တစ်ကြိမ် လုပ်ဆောင်လိုက်တာနဲ့ command prompt windows ပေါ်လာပြီး  သက်ဆိုင်ရာ KIS ဆို KIS ၊ KAV ဆို KAV - Updates တွေကို ဒေါင်းလုပ်ချပါလိမ့်မယ်။ ဒေါင်းလုပ်ချနေစဉ် အတော်အတွင်းမှာ ခုလို မြင်တွေ့ရပါလိမ့်မယ်။

ဖော်ပြပါ အတိုင်းလုပ်ဆောင်လိုက်တာနဲ့ ခုနက ဖြည်လို့ ကျလာတဲ့ ဖိုင် ( ၃ ) ဖိုင်နေရာကို နောက်ပေါင်း ဖိုင် ( ၃ ) ခု နောက်တိုးရောက်ရှိလာပါလိမ့်မယ်။

အဲ့နောက်တိုးထဲမှာ ပါလာတဲ့ Temp ဆိုတဲ့ folder က လတ်တလော ဒေါင်းလုပ်ချနေစဉ်အတော အတွင်း လုပ်ငန်းလုပ်ဆောင်ဆဲကာလ ဖိုင်တွေကို save ထားမယ့် နေရာ ဖြစ်ပြီး ဒေါင်းလုပ်ချမှု လုပ်ငန်းစဉ် ပြီးဆုံးတာနဲ့ သူ့ Temp ထဲက updates တွေ အားလုံးကို Updates ဆိုတဲ့ ဖိုဒါထဲ Copy လွှဲပြောင်းပေးသွားမှာ ဖြစ်ပါတယ်။ ဒါကြောင့် ဆိုလိုတာက Updates အားလုံး ဒေါင်းလုပ်ချပြီး သွားချိန်မှာ Temp ဖိုဒါဟာ ဥပမာ - 148 MB ရှိနေတယ် ဆိုရင် Updates ဖိုဒါဟာလဲ Temp ဖိုဒါကနေ Updates ကို လွှဲပြောင်းပေးထားလို့ 148 MB အနေနဲ့ ရှိနေမှာ ဖြစ်ပါတယ်။ Updates ဖိုဒါဟာ Internet connection မရတဲ့ စက်တွေမှာ ရှိနေတဲ့ KIS/KAV တွေကို updates ပေးဖို့ ဖြစ်ပြီး Temp ကတော့ နောက်တစ်ကြိမ် Update.bat ကို ပြန် run ပြီး updates ကို ဒေါင်းလုပ်ပြန်ချတဲ့ အချိန်မှာ ( ၁ ) ကနေ ပြန်စချစရာ မလိုပဲ လိုအပ်တဲ့ နောက်တိုး updates လေးတွေကိုပဲ ဒေါင်းလုပ်ချဖို့လိုအောင် နဂိုအတိုင်း ထားရှိထားရမှာ ဖြစ်ပါတယ်။

ဒေါင်းလုပ်ချနေတဲ့ windows ပျောက်သွားပြီ ဆိုတာနဲ့ အဲဒီ့ update utility ဖိုင်ထဲမှာ ရှိနေတဲ့ iupdater.txt ဆိုတဲ့ ဖိုင်ကို ဖွင့်ပြီး ခုလိုစစ်ကြည့်ပါ။ အောက်ဖော်ပြပါ အတိုင်း တွေ့ရပြီ ဆိုရင် updates အားလုံးရပါပြီ။

Download ချဖို့ အချိန်ဘယ်လောက်လောက် ကြာမြင့်နိုင်ပါသလဲ ??

ဒါဟာ ပထမဆုံးအကြိမ် ဒေါင်းလုပ်စချတာ ဆိုရင်တော့ ဒီ Update ပမာဏက 50-80 MB ကြား ( ခုကျွန်တော် ချတာတော့ KIS 2010 က 148 MB ) ရှိပါတယ်။ ဒါကြောင့် မိမိရဲ့ connection speed ပေါ်မူတည်ပြီး အချိန်အနည်းငယ်တော့ ကြာမြင့်ပါလိမ့်မယ်။ ဒါပေမယ့် အပေါ်မှာ ပြောထားခဲ့ပြီးသလို ဒေါင်းလုပ်ချတိုင်း အဲလောက် နောက်မကြာတော့ပါဘူး။ တစ်ခါ ဒေါင်းလုပ်ချလို့ ပြီးတာနဲ့ နောက်တစ်ခါ ထပ်ချတဲ့ အချိန်မှာ နောက်တိုး updates တွေကိုချည်း tool က အလိုလျောက် ဒေါင်းလုပ်ချပေးသွားပါလိမ့်မယ်။

• ဒုတိယအဆင့် - Internet connection မရှိသော အခြားစက်တွင် update လုပ်ဆောင်ခြင်း။

update databases တွေရရှိပြီ ဆိုတဲ့ အချိန်မှာ အဲ့ folder ကို တစ်ခြား removable media တစ်ခုထဲ ထည့်ပြီး save - နောက် update ပြုလုပ်မယ့် ကွန်ပြူတာဆီ ယူသွားတဲ့ နည်းနဲ့ ပဲ ဖြစ်ဖြစ်၊ ကွန်ပြူတာ ( ၂ ) ခုလုံးက Network ထဲမှာဆိုရင် network ကနေ တစ်ဆင့် Share ပေးတဲ့ နည်းနဲ့ ပဲ ဖြစ်ဖြစ် Update distribution folder ကို တစ်ခြား ကွန်ပြူတာ တွေကနေ access လုပ်နိုင်အောင် စီစဉ်ရပါမယ်။ အဲလို စီစဉ်ပြီးသွားပြီ ဆိုရင်တော့ Internet connection မရှိတဲ့ Kaspersky ကို Update ပေးဖို့ အောက်ပါနည်း အတိုင်း ဆက်လက် လုပ်ဆောင်ပါမယ်။ ဒီပုံမှာတော့ removable disk ကနေ Updates ဖိုင်တွေ ယူသွားပြီး Internet မရှိတဲ့ computer မှာ update လုပ်ဆောင်နည်းကို ဖော်ပြထားပါတယ်။ ဖော်ပြပါ ပုံကတော့ KIS 2010 အတွက် လုပ်ဆောင်နည်း အဆင့်ဆင့်ပါ။ 

ဒီအောက်က ပုံကတော့ KAV 2010 သမားတွေ အတွက်ပါ။

မှတ်ချက် အနေနဲ့ - အထက်ဖော်ပြပါ update လုပ်ဆောင်မှုဟာ kaspersky lab sever မှာ offline user တွေအတွက် ဖြည့်သွင်းပေးထားသလောက် update databases ကိုသာ ရရှိမှာ ဖြစ်ပြီး အချိန်နဲ့ အမျှ တိုးနေတဲ့ databases မှန်သမျှကိုတော့ အချိန်နဲ့တစ်ပြေးညီ ရရှိနိုင်မှာ မဟုတ်ပါဘူး။ တစ်ခါတစ်ရံမှာ သူ့က ရလာတဲ့ ဖိုင်ကို သုံးပြီး Start update လုပ်လိုက်ရင် database က Out of date ဆိုပြီးပြမြဲ ပြနေတာမျိုး ရှိတတ်ပါတယ်။ ဆိုလိုတာ ( ၁၁ .၄. ၂၀၁၀ ) က ချထားတဲ့  Updates ဖိုင်ကို ၃၀.၄.၂၀၁၀ လောက်မှ update လုပ်မယ် ဆိုရင် Out of date ဖြစ်ကောင်း ဖြစ်နေပါလိမ့်မယ်။ ဘယ်လိုပဲ ဖြစ်ဖြစ် လ နဲ့ချီပြီး databases က out of date ဖြစ်နေတာ မျိုးထက်စာရင်တော့ ရက်ပိုင်းလောက် ခြားပြီး Out of date ဖြစ်နေတာက တော်သေးမယ် လို့ ပြောလို့တော့ ရပါတယ်။

• Stand-alone update utility " Updater.exe " အား အသုံးပြု၍ Updates ရယူလုပ်ဆောင်ခြင်း။

ဒီအကြောင်းအရာကတော့ ပြည့်စုံစေချင်လို့ သီးသန့်ထပ်ပေါင်း ဖော်ပြလိုက်ခြင်း ဖြစ်ပါတယ်။ တကယ်တော့ အပေါ်က နည်းလမ်း ( ၂ ) မျိုးထဲက တစ်မျိုးမျိုးနဲ့ အဆင်ပြေတယ် ဆိုရင် ဒီ အဆင့်ကို ကျော်သွားလို့ ရပါတယ်။ ဒီ Stand-alone update utility " Updater.exe " ရဲ့ ရည်ရွယ်ချက်ကတော့ Kaspersky Lab ကထွက်သမျှ applications အားလုံးအတွက် Updates တွေကို တစ်နေရာတည်းကနေ တစ်ပေါင်းတစ်စည်းတည်း download ချနိုင်အောင် ဖြစ်ပါတယ်။ ဒီလုပ်ငန်းစဉ်ကို လုပ်ဆောင်ဖို့အတွက် အောက်ဖော်ပြပါ လုပ်ငန်းစဉ်တွေကို အဆင့်လိုက် လုပ်ဆောင်ပါ။

• KLupdate.zip ကို ဒီနေရာကနေ ပထမဆုံး ဒေါင်းလုပ်ချပါ။
• Unpack လုပ်ပြီး application ကို စ run ပါ။
• အကြံပြုချင်တာက အောက်မှာဖော်ပြထားတဲ့ ပုံမှာ မြင်ရတဲ့ အတိုင်း " Download databases for the selected products: " ဆိုတဲ့ ခေါင်းစဉ်အောက်မှာပါရှိနေတဲ့ Kaspersky အမျိုးအစားပေါင်းမြောက်များစွာထဲက မိမိကွန်ပြူတာမှာ လက်ရှိသုံးနေတဲ့ Updates ပေးချင်တဲ့ အမျိုးအစား ရှိတဲ့ သက်ဆိုင်ရာ check box မှာ အမှန်ခြစ် ပေးပြီး Apply ကိုပေးပါ။ အဲလိုမရွေးပေးပဲ Apply ပေးလိုက်မယ် ဆိုရင် databases ကို download ချတဲ့ အချိန်မှာ Kaspersky ကထုတ်ထားသမျှ versions တိုင်းအတွက် Updates တွေကို ဒေါင်းလုပ်ချမှာ ဖြစ်ပြီး ဒေါင်းလုပ်ချချိန်ကလည်း အရမ်းကို ကြာမြင့်သွားပါလိမ့်မယ်။
• အားလုံး ဒေါင်းလုပ်ချပြီး သွားပြီ ဆိုရင်တော့ Updates ဆိုတဲ့ folder ထဲမှာ လိုချင်သမျှ updates အားလုံးရောက်ပါပြီ။ ရလာတဲ့ Updates တွေကို တစ်ခြားစက်မှာ Update ပေးပုံပေးနည်းကတော့ အပေါ်မှာ ဖော်ပြထားခဲ့တဲ့ ဖော်ပြချက် အတိုင်းပါပဲ။ အပေါ်က Internet connection မရှိသော အခြားစက်တွင် update လုပ်ဆောင်ခြင်း ဆိုတဲ့ အပိုင်းတွေကို ပြန်ကြည့်ပေးပါ။
  

KIS 2010/2009 နဲ့ ပတ်သတ်ပြီး ရက်ခြား ရက်ခြား Offline Update တင်ပေးထားတဲ့ နေရာ တစ်ခု ရှိပါတယ်။ ဒီအောက်က Link ကနေ သွားပါ။

Offline Virus Database Updates!

ခုဖော်ပြခဲ့သလောက်ဆို Kaspersky Offline Update လုပ်ဆောင်နည်းတွေနဲ့ ပတ်သတ်ပြီး အဆင်ပြေကြလောက်မယ် ထင်ပါတယ်။

နောက်တစ်ခု ဆက်စပ်ပြီး ဖော်ပြချင်တာလေး တစ်ခု ကျန်ပါသေးတယ်။ မြန်မာနိုင်ငံကနေ KIS/KAV ကို offline updates အသုံးပြုသူတွေ အတွက် အဆင်ပြေအောင် ကျွန်တော် ဒီနေရာကနေ တစ်ပတ် တစ်ခါလောက် ပုံမှန် Offline Updates တွေ တင်ပေးချင်ပါတယ်။ ဖိုရမ် ကြီးကြပ်သူများ တစ်ချက်လောက် အကြံပြုကြပါ။ သဘောတူမယ် ဆိုရင် တင်ပေးပါ့မယ်။ အပတ်စဉ် အနည်းဆုံး တစ်ပတ် တစ်ခါ Offline Updates ကို နေ့စွဲနဲ့ တင်ပေးသွားဖို့ ကြိုးစားပါ့မယ်။

အားလုံးပဲ Kaspersky နဲ့ ပတ်သတ်ပြီး အဆင်ပြေနိုင်ကြပါစေ။

KznT.

( MM versions ) Computer ebooks collection

ကျွန်တော်တို့ နေ့စဉ်ရပ်တည် ဖြတ်သန်းနေရတဲ့ အင်တာနက်ပတ်ဝန်းကျင်ထဲမှာ English လိုရေးထားတဲ့ နည်းပညာရပ်ပိုင်းဆိုင်ရာ Ebooks တွေများသလောက် - မြန်မာလို ရေးထားတဲ့ နည်းပညာဆိုင်ရာ Ebooks တွေက တော်တော် ရှားပါးသလို ရှာဖွေရလည်း ခက်ပါတယ်။ မြန်မာနိုင်ငံတွင်းမှာ ထုတ်ဝေသူတွေ ရှိနေပေမယ့် ( အရမ်း စေတနာထား အချိန်ပေးနိုင်လွန်းတဲ့ လူတစ်ချို့ရဲ့ Scan ဖတ်ပြီး တင်ပေးတဲ့ လုပ်ဆောင်မှုကြောင့် တက်လာတဲ့စာအုပ်တချို့ရယ် ၊ ကိုယ်တိုင်အားထုတ်ပြီး ရေးပေးတဲ့ လူတစ်ချို့ရယ်ကြောင့်က လွဲရင် ) အွန်လိုင်းပေါ်ကို မြန်မာလိုရေးထားတဲ့ နည်းပညာဆိုင်ရာ စာအုပ်တွေက တက်မလာခဲ့ပါဘူး။

မြန်မာလူမျိုးထဲမှာ ကွန်ပြူတာ အကြောင်းကို တိတိပပ နားလည်တဲ့သူ ၊ သုံးတတ်တဲ့သူ ၊ ထုတ်လုပ်နိုင်တဲ့သူ - ဒီလုပ်ငန်းနဲ့ ပတ်သတ်ပြီး လည်ပတ်လုပ်ကိုင်နေသူ အမြောက်အများရှိပေမယ့် တစ်ချို့က စာရှင်းပြရတာ ဝါသနာ မပါ၊ တစ်ချို့က စာရေးရတာ ဝါသနာမပါ၊ တစ်ချို့က အချိန်မပေးနိုင် စသဖြင့် အကြောင်းအမျိုးမျိုးကြောင့် မြန်မာဘာသာနဲ့ ရေးထားတဲ့ နည်းပညာရပ်ပိုင်းဆိုင်ရာ Ebooks ဆိုတာ Internet ထဲမှာ အရင်တည်းကလည်း ရှားပါးနေသလို ခုထိလည်း ရှားပါးနေဆဲပါပဲ။

ဒီ အကျပ်အတည်းကြောင့် နိုင်ငံခြားကို အကြောင်းအမျိုးနဲ့ ရောက်လာကြတဲ့ ကျွန်တော်တို့ မြန်မာတွေ သူများနိုင်ငံမှာ မူလတန်း အလယ်တန်းအဆင့် လောက်တည်းကတင်သုံးတတ်တဲ့ applications တစ်ခုကို ကောင်းကောင်း မသုံးတတ်ကြဘူး။ မြန်မာတွေညံ့လို့ မဟုတ်ပါဘူး။ ဒါဟာ ကိုယ်ကိုယ်တိုင်လေ့လာ အားထုတ်မှု နည်းတာကြောင့်လို့လည်း ပြောလို့ရသလို - အလွယ်တကူ လေ့လာနိုင်လောက်အောင် လေ့လာချင်လောက်အောင် ပံ့ပိုးထားမှု မရှိတဲ့ ၊ ပံ့ပိုးပေးသူ မရှိတဲ့ နည်းပညာပိုင်းဆိုင်ရာ အားနည်းချက်တွေကြောင့်လည်းပါပါတယ်။ လေ့လာချင်တယ် မြန်မာလိုရှင်းပြ ဖော်ပြထားတဲ့ စာအုပ်က မရှိဘူး။ တစ်ခုခုဆို English လိုရေးထားတဲ့ Ebooks တွေပဲ လက်ညိှုးထိုးထိုးပြကြတယ်။ ကျွန်တော် အင်္ဂလိပ်စာတတ်ပါတယ်။ ဒါပေမယ့် မြန်မာလူမျိုး မြန်မာလိုရှင်းထားတာလေးတော့ ပိုဖတ်ချင်တာပေါ့ဗျာ။ ကိုယ့်ဘာသာ မဟုတ်တဲ့ တစ်ခြားဘာသာစကားတစ်ခုကို ဖတ်ပြီး နားလည်အောင် ကြိုးစားရတာထက် မြန်မာလူမျိုး မြန်မာလိုရေးထားတာကို ဖတ်ပြီး နားလည်ရတာ ပိုပြီး အဆင်ပြေတယ် မဟုတ်ဘူးလား။

ဒီအကျပ်အတည်းကို ဖြေရှင်းနိုင်ဖို့ ၁၀၀ % ကျွန်တော် မစွမ်းဆောင်နိုင်ပေမယ့် ၁ % လောက်တော့ ပံ့ပိုးနိုင်ဖို့ ကျွန်တော် ကြိုးစားကြည့်ချင်ပါတယ်။ အဲ့ဒီ့အတွက် ကျွန်တော့်မှာ စုဆောင်းထားပြီးသားရှိနေတဲ့ မြန်မာလိုရေးသားထားပြီးသား ကွန်ပြူတာ နည်းပညာ ဆိုင်ရာ စာအုပ်လေးတွေကို တစ်ပေါင်းတစ်စည်းတည်း ဝေမျှလိုက်ပါတယ်။ ဒီ စာအုပ်တွေက ကျွန်တော် ရေးထားတာ မဟုတ်ပါဘူး။ ကျွန်တော် အခက်အခဲ ဖြစ်ခဲ့စဉ် တစ်ချိန်က အင်တာနက်မှာ မိှုလိုပေါက်အောင် ဆိုဒ်တကာ လိုက်ရှာ - အင်တာနက်ထဲက တွေ့သမျှ အသိကိုတောင်း ၊ နားလည်သမျှ လူကိုမေးနဲ့ စုဆောင်းထားတာတွေပါ။ စာအုပ်တွေက ဟောင်းကောင်း ဟောင်းနေပါလိမ့်မယ်။ ဒါပေမယ့် ကွန်ပြူတာ အကြောင်းကို အခြေခံ လေ့လာနေသူတွေ applications တစ်ခုအကြောင်းကို တစ်လုံးမှ နားမလည်သေးသူတွေ အတွက်တော့ဒီ မြန်မာလိုရေးထားတဲ့ စာအုပ်တွေထဲက တစ်အုပ်အုပ်က အတိုင်းအတာ တစ်ခုထိ အကူအညီပေးနိုင်လိမ့်မယ်လို့ မျှော်လင့်မိပါတယ်။ စာအုပ်တွေအားလုံးထဲမှာ ၂ အုပ်လောက်ကတော့ နည်းပညာနဲ့ မဆိုင်တာလေးတွေ ပါနေပါတယ်။ အဲတာ ကျွန်တော့်အားနည်းချက်ပါ။ Upload တင်ပြီးမှ သတိထားလိုက်မိလို့ပါ။ ဒါပေမယ့်လည်း အကျိုးတော့ မယုတ်ပါဘူး။ ဗဟုသုတတော့ ရကောင်းရနိုင်ပါတယ်။

ဒေါင်းလုပ်ချရင် ရရှိလာမယ့် စာအုပ်စာရင်းက ဒီအောက်မှာပါ။

( MM versions ) Computer ebooks collection

Adobe Acrobat 4.0 (Myanmar Version).pdf
Adobe PageMaker 7.0 (Myanmar Version).PDF
Apache WEB Server (Myanmar Version).pdf
AutoCAD 2002 (Myanmar Version).pdf
AutoCAD 2002 ( Robert Tinaye ) (Myanmar Version).pdf
Basic Windows & MicrosoftWord (Myanmar Version).pdf
Content Management System & Dynamic Portal Engine (Myanmar Version).pdf
Domain Name System ( DNS ) Server(Myanmar Version).pdf
Dynamic Host Configuration Protocol ( DHCP ) (Myanmar Version).pdf
ftp (Myanmar Version).pdf
Google_Apps_email (Myanmar Version).pdf
HARDWARE (Myanmar Version).pdf
How to install Wordpress by mmWordPress (Myanmar Version).pdf
Internet Connection Sharing (ICS) (Myanmar Version).pdf
internet-apply (Myanmar Version).PDF
Laboratory Exercises with Linux (Myanmar Version).pdf
Linus_OS_Myanmar (Myanmar Version).pdf
Linux Myanmar Language (Myanmar Version).pdf
mail server & client (Myanmar Version).pdf
Man and Wife (Myanmar Version).pdf
Maths Book (Myanmar Version).pdf
Matlab MM book (Myanmar Version).pdf
Microsoft Access 2002 (Myanmar Version).pdf
MICROSOFT EXCEL 2002 (Myanmar Version).pdf
Microsoft FrontPage 2002 (Myanmar Version).pdf
Microsoft PowerPoint 2002 (Myanmar Version).pdf
Microsoft Visual Basic 6.0 (Myanmar Version).pdf
Microsoft Windows NetMeeting 3.01 (Myanmar Version).pdf
Min Hla (Myanmar Version).pdf
MS WordXP (Myanmar Version).pdf
Network Address Translation ( NAT) (Myanmar Version).pdf
Networking edition1 (Myanmar Version).pdf
PageMaker 7.0 (Myanmar Version).pdf
pc upgrading (Myanmar Version).pdf
PCupgrade&repair_simplified (Myanmar Version).pdf
Protecting from Network Threats (Myanmar Version).pdf
Protecting from Network Threats(Myanmar Version).pdf
Remote Desktop Environment (Real VNC Version 4.1.1) (Myanmar Version).pdf
Set up a Small Office or Home Office Network (SOHO) (Myanmar Version).pdf
Streaming Server Unreal Server (Myanmar Version).pdf
Streaming Server (Myanmar Version).pdf
Telnet (Myanmar Version).pdf
Understanding PC Harware (Myanmar Version).pdf
Video Conferening Server (Myanmar Version).pdf
web site creating (Myanmar Version).pdf
What is an IP Address (Myanmar Version).pdf
What ments engineer (Myanmar Version).pdf
Windows 2000 Server (Myanmar Version).pdf
Windows 2003 Server DHCP Tuning (Myanmar Version).pdf
Blogger_Handbook_Inside (Myanmar Version).pdf
howtomakemyanmarblog (Myanmar Version).pdf
HTML (Myanmar Version).pdf
Making Blog (Myanmar Version).pdf
making-wordpress-blog (Myanmar Version).pdf

Download ကိုတော့ တတ်နိုင်သမျှ အဆင်အပြေဆုံး ဖြစ်အောင် Multiupload ကနေ တင်ပေးထားပါတယ်။ Links တွေ ခဏခဏ ပျက်တဲ့ ပြဿနာကနေ အတတ်နိုင်ဆုံး ထိန်းထားနိုင်အောင်လို့ပါ။

Computer ebooks collection ( MM versions ).part2.rar (95.4 MB)
http://www.multiupload.com/M9L8RASXC9

Computer ebooks collection ( MM versions ).part3.rar (95.4 MB)
http://www.multiupload.com/XDXJSDCMNL

Computer ebooks collection ( MM versions ).part4.rar (95.37 MB)
http://www.multiupload.com/BG1LWSZ9YG

Computer ebooks collection ( MM versions ).part5.rar (54.91 MB)
http://www.multiupload.com/5VWTL31G89

Computer ebooks collection ( MM versions ) Making Blog.rar (11.3 MB)
http://www.multiupload.com/D5GZFSHYZR

Computer ebooks collection ( MM versions ) Part 1 to 5 က သပ်သပ်တစ်ခု။ Computer ebooks collection ( MM versions ) Making Blog.rar က သက်သက် တစ်ခုပါ။ ( ၂ ) ခုလုံးအတွက် password ကတော့ အောက်ဖော်ပြပါ password တစ်မျိုးတည်းပါပဲ။ အဲ့ ၂ မျိုးကို တစ်ခါစီ ဖြည်ပေးပါ။

Password = www.myanmarfamily.org

မိသားစု အားလုံး နည်းပညာ အခက်အခဲများ ပြေလည်နိုင်ကြပါစေ။

KznT.