Gmail Desktop Clients For Everyone

Gmail အကြောင်းကိုတော့ ထူးပြီး မိတ်ဆက်ပေးဖို့ လိုမယ်မထင်ပါဘူး - ကျွန်တော် အပါအဝင် မြန်မာမိသားစုတော်တော် များများ အနည်းဆုံး Google account တစ်ခုစီတော့ ရှိကြမှာပါ - Gmail ကို ဘာကြောင့် ကြိုက်လဲဆိုရင် Free ပေးထားတယ် ဆိုပေမယ့် သူ့ Users တွေကို Google က ပစ်စလက်ခတ် ပစ်မထားဘူး - ပြင်ဆင်ရေးတွေ - မြှင့်တင်ရေးတွေ - Features အသစ်အသစ်တွေနဲ့ User friendly ဖြစ်အောင် Google က အမြဲ ပံ့ပိုးပေးနေတယ် - Google acc တစ်ခုရှိယုံနဲ့ တစ်ခြား အလကား သုံးလို့ ရတဲ့ Services တွေ Products တွေ ဆိုတာလည်း နည်းတာ မဟုတ်ဘူး - ဘယ်လောက်တောင် များလဲဆိုတာ ဒီနေရာ - ဒီနေရာ - ဒီနေရာ နဲ့ ဒီနေရာ တွေမှာ လေ့လာကြည့်နိုင်ပါတယ် - ဒါပေမယ့်လည်း လူသားပီသစွာ ရတာမလို - လိုတာမရ ဆိုသလို တစ်ခါတစ်လေ ကျွန်တော့် စိတ်ထဲမှာ ဖြစ်မိတာ တစ်ခုရှိတယ် - အဲတာက Browser ဖွင့်ဖွင့်ပြီး သုံးနေရတ့ဲ Gmail ကို Outlook တို့ Thunderbird တို့လို Email client တွေ မသုံးပဲ ဆော့ဖ်ဝဲလ် install လုပ်ပြီး သုံးသလိုမျိုးလေးများ သုံးလို့ မရနိုင်တော့ဘူးလား ?? ကျွန်တော် ဒီလို မကြာခဏ တွေးမိပါတယ် -

ဘာကြောင့်လည်းဆို တစ်ခုခုလိုတိုင်း ဒီ Browser ကြီးပဲ ဖွင့်ဖွင့်နေရတာ ကြာတော့ ငြီးငွေ့လာပြီလေ - ဒီလို အတွေးမျိုး တစ်ချို့ မိသားစုဝင်တွေမှာလည်း ဖြစ်ခဲ့ဖူးလိမ့်မယ် ထင်ပါတယ် - ဒီ့အတွက်တော့ ကျွန်တော်တို့ အခု အဖြေရှိပါပြီ - ဒီ အဖြေကို သိပြီးတဲ့ နောက်မှာ ကျွန်တော်တို့ လိုချင်နေတဲ့ Browser ဖွင့်စရာမလိုပဲ Gmail ထဲကို ဝင်လို့ ရမယ် - ကိုယ့်ဆီလာတဲ့ စာဖတ်လို့ ရမယ် - Mail ပို့လို့ ရမယ် - ဒီလို ဝန်ဆောင်မှုမျိုး ဘယ်သူက လုပ်ဆောင်နိုင်တာလဲဆို Gmail desktop clients တွေက လုပ်ဆောင်နိုင် ပါတယ်လို့ ဖြေရပါလိမ့်မယ် -

Gmail desktop clients များအကြောင်း

GeeMail

ပထမဆုံး ကြားဖူးကြတာလည်း ဖြစ်ကောင်း ဖြစ်နိုင်ပါတယ် - ဒီ Geemail က Browser သုံးစရာ မလိုတဲ့ Gmail အတွက် သီးသန့် Special application ပါ - တင်ပြီးသွားလို့ သူ့ကို Double click ပေးလိုက်တာနဲ့ Gmail ထဲတန်းရောက်ပါတယ် - သူ့ကို Install လုပ်ဖို့အတွက် Adobe Air တင်ထားပြီးသား ဖြစ်ရပါမယ် -

No Configuration Required : GeeMail က တစ်ခြား Email client တွေလိုမျိုး POP နဲ့ IMAP settings တွေ သီးခြား ပြင်ဆင်နေဖို့ မလိုပါဘူး - install လုပ်ပြီးတာနဲ့ Gmail ကို တိုက်ရိုက်တန်းပြီး access လုပ်နိုင်ပါတယ် -

Offline Support : တကယ်လို့ စာရိုက်နေတုန်း Connection ကျသွားရင်တောင် ရေးလက်စ Email ကို ဆက်ရေးပြီး  - ပြီးသွားရင် Send ကိုသာ နှိပ်ထားလိုက်ပါ - GeeMail က Internet connection ကို သူဘာသာ detect လုပ်ပြီး Connection ပြန်ရချိန်မှာ ကိုယ် Send နှိပ်ထားတဲ့ Email ကို သူ့ဘာသာ ပို့ပေးသွားပါလိမ့်မယ် -

Gmail User Interface : Geemail ကို သုံးလို့ဆိုပြီး တစ်ခြား Email clients တွေ သုံးသလိုမျိုး New user interface နဲ့ ထိတွေ့စရာ မလိုပါဘူး - အရင်ကျွန်တော်တို့ သုံးနေကျ Online ပေါ်က Gmail UI နဲ့ပဲ တွေ့ရမှာပါ -

Cross Platform : GeeMail က Windows မှာသာမက Mac နဲ့ Linux မှာပါ အသုံးပြုလို့ ရပါတယ် -

Mozilla Lab Prism

Prism ဆိုတဲ့ application ကလည်း ပုံမှန် Browsers ထဲမှာပဲ access လုပ်လို့ ရတဲ့ Web applications တွေကို Browser တွင်းကနေ ဆွဲထုတ်ပြီး Desktop ပေါ်ကနေ တိုက်ရိုက် Run ခိုင်းလို့ ရတဲ့ app တစ်ခုပါ - Adobe AIR - Microsoft Silverlight တို့နဲ့ Prism ကွာသွားတဲ့ တစ်ချက်က Adobe AIR - Microsoft Silverlight ဆိုတာ Web applications တွေကို အစားထိုး လည်ပတ်ပေးနိုင်တဲ့ Platform မဟုတ်ပါဘူး - သူတို့တွေက Windows ထဲမှာ အဲ့ဒီ့ Web applications တွေကို ကိုယ်ပိုင် Own window နဲ့ run နိုင်အောင် ကူညီပေးနိုင်တဲ့ အဆင့်ပဲ ရှိပါတယ် - ဒါ့ကြောင့် Web applications တွေကို Browser မသုံးပဲ run ချင်တယ် ဆိုရင် Prism ကို ဒီနေရာမှာ သွားရောက် ရယူနိုင်ပါတယ် - အသုံးချနည်းကလည်း ရှုပ်ရှုပ်ရှပ်ရှပ် မရှိပါဘူး - install လုပ်ဆောင်ပြီးသွားတဲ့ အချိန်မှာ Prism ကို စ run လိုက်ပါ ဒီလိုဆို Web application dialog box ပေါ်လာပါလိမ့်မယ် - အဲ့ဒီမှာ ကိုယ်သုံးချင်တဲ့ Web app ရဲ့ URL ကို ပထမဆုံးထည့်ပေးရပါမယ် - ( ဥပမာ - mail.google.com ) - နောက် app အတွက် name ပေးတဲ့ နေရာမှာ ( ဥပမာ - Gmail ) စသဖြင့် ထည့်ပါမယ် - နောက် Shortcut ကို ဘယ်နေရာမှာ ထားမလဲ ဆိုတာ ရွေးပေးရပါမယ် - အောက်မှာ ဖော်ပြထားတဲ့ ပုံကို ကြည့်ပါ -

အားလုံး ပြီးသွားရင် OK ပေးပြီး စ run နိုင်ပါပြီ - ဒါက Prism ကို သုံးပြီး Gmail ထဲ ကျွန်တော်ဝင်ထားတဲ့ ပုံစံပါ -

GMDesk

GMDesk သူကတော့ application တစ်ခုတည်းကနေ Gmail, Google Calendar, Google Docs နဲ့ Google Maps ဆိုတာတွေ ကို stand-alone application တစ်ခုတည်း အနေနဲ့ Browser ဖွင့်စရာ မလိုပဲ အသုံးပြုနိုင်တဲ့ app တစ်ခုပဲ ဖြစ်ပါတယ် - GMDesk ကို သုံးတဲ့ အချိန်မှာ ( Windows နဲ့ Linux ) မှာဆို Alt-tab ကနေတစ်ဆင့် ( Mac ) မှာဆို Cmd-tab ကနေတစ်ဆင့် application တစ်ခုကနေ နောက်တစ်ခုကို အလွယ်တကူ ကူးပြောင်းနိုင်ပါတယ် -

GMDesk က Google Apps ကိုလည်း supports ပေးပါတယ် - GMDesk အတွက် Adobe Air application ရှိဖို့လိုပါတယ် -

Gmail desktop clients များအကြောင်း ဆွေးနွေးခဲ့ပြီးတဲ့ နောက်မှာ နောက်တစ်ခုအနေနဲ့ မဖြစ်မနေသိထားသင့်တဲ့ Email clients တွေ မှာ Gmail Settings ချပုံတွေကို ဆက်ပြီး လမ်းညွှန်ခဲ့ချင်ပါသေးတယ် -

Photo from sitemaker.umich.edu

Email clients တွေနဲ့ ပတ်သတ်ရင် တစ်ယောက်ယောက်နဲ့ တစ်ယောက်က အကြိုက်ချင်း အသုံးပြုတဲ့ sftware ချင်း မတူညီကြလို့ အားလုံးကို တစ်ပြိုင်နက် ပြောပြဖို့ ခက်ပါတယ် - ဒါ့ကြောင့် လူသုံးများ နာမည်ရတဲ့ Email clients အတွက် Gmail ကို ဘယ်လို configuration လုပ်ရမယ် ဆိုတာ အောက်မှာ ဖော်ပြထားတဲ့ နေရာတွေကနေ တစ်ဆင့် သွားရောက် လေ့လာကြည့်ပါ -

- Supported POP client list
- Supported IMAP client list

ဖော်ပြပါ နေရာတွေမှာ Mail clients တွေ အတွက်သာမက Wireless devices - Mobile devices တွေထိ Gmail ကို ဘယ်လို configuration လုပ်ရမယ် ဆိုတာ အသေးစိတ် ဖော်ပြပေးထားပါတယ် - 

လေ့လာနိုင်သမျှ မျှဝေနိုင်ကြပါစေ -

KznT.

How To Remove Your Web History From Google Servers ?

Originally Posted by finger2finger  google ကိုဖွင့်လိုက်ပီး...search ကနေလိုချင်တာတွေကိုရိုက်ပီး ရှာပါတယ်... ကိုရှာထားတာတွေ က ပေါ်နေပါတယ်.. အစ စာလုံးလေး တလုံးရေး လိုက်တာနဲ့ အကုန်ပေါ်လာတော့တာပဲ...အရင် ရှာထားတာတွေမပေါ်အောင် ဘယ်လို လုပ်ရမလဲ ဆိုတာ ပြောပေးကြပါအုံး သူငယ်ချင်းများ ခင်ဗျာ...ကျေးဇူးတင်ပါတယ်.....

ဒီအကြောင်းရာနဲ့ ပတ်သတ်ပြီး မိသားစုဝင်တော်တော်များများ ဆွေးနွေးပေးထားကြတာ ကျေးဇူးတင်ပါတယ် - အပေါ်မှာ မိသားစုဝင်များ ဆွေးနွေးခဲ့ကြသလို Browser ရဲ့ "Clear Recent History" ကိုရွေးပြီး ရှိသမျှအကုန် ဖျက်တာတောင် မပျက်ပဲ search box မှာ စာလုံးစရိုက်လိုက်တာနဲ့ အရင်ကိုယ်ရှာထားတာတွေ ပေါ်နေတယ် ဆိုတာက အဲတာ Browser နဲ့ မဆိုင်ပါဘူး - ဥပမာ ဒီလိုပုံစံမျိုးပါ

အဲတာက Google user တွေ အတွက် Google ကနေ ထုတ်ပေးထားတဲ့ Web History feature ကြောင့် ဖြစ်ပါတယ် - ဆိုကြပါစို့ ကျွန်တော်တို့က Google account တစ်ခုကို ဝင်ထားပြီး Google Search box ကနေ တစ်ခုခု ရှာဖွေလိုက်မယ် ဆိုရင် Google ကနေ ပေးထားတဲ့ Web History feature ကနေ ကိုယ် Search box မှာ ရှာခဲ့တဲ့ အကြောင်းအရာတွေကို ကိုယ့် account ရဲ့ web activity ထဲမှာ History တစ်ခု အနေနဲ့ မှတ်ထားပေးပါတယ် - ရည်ရွယ်ချက်က တစ်ခါတစ်လေမှာ ကျွန်တော်တို့တွေ လိုချင်တာလေး ရှိလို့ အွန်လိုင်းပေါ်တက်ပြီး Google Search ကနေ ရှာလိုက်တဲ့ အချိန်မှာ site ကောင်းလေး တစ်ခုတွေ့တယ် - ဒါပေမယ့် အကြောင်းအမျိုးမျိုးကြောင့် Bookmark မှတ်ထားဖို့ မေ့သွားခဲ့တယ် ဆိုရင် နောင်တစ်ချိန်မှာ Web History feature ကနေ ကိုယ် မှတ်ဖို့ မေ့သွားတဲ့ site ဆို အလွယ်တကူ ပြန် ရှာတွေ့နိုင်အောင် ရည်ရွယ်တာပါ -

ဒီ feature က တစ်ခါတစ်လေလည်း ကောင်းတယ် - တစ်ခါတစ်လေ သူများမသိစေချင်တာကို ရှာတဲ့ အခါ ကိုယ့်ရှာပြီး သားတွေ ပြန်ပြန်ပြနေတာကလည်း တော်တော်ဆိုးပါတယ် - အများနဲ့ သုံးတဲ့ ကွန်ပြူတာတွေမှာ ခုလို မဖြစ်စေချင် ရင် ကောင်းတာကတော့ ကိုယ့် Google account ထဲကို Sign in ဝင်ပြီး Web search မလုပ်ပါနဲ့ - တကယ်လို့ လုပ်ဖြစ်ခဲ့တယ် ဆိုရင်လည်း ကွန်ပြူတာကနေ ကိုယ်ထတော့မယ် ဆိုတဲ့ အခါ ကိုယ့် Google account ကို Sign out လုပ်ခဲ့ပါ - ဒါဆို အဆင်ပြေ ပါတယ် - ဒီလိုနည်းနဲ့မှ မဟုတ်ပဲ ကျွန်တော်က Web History feature ကို လုံးဝကို မလိုချင်ဘူး ဆိုရင်တော့ နောက်ထပ် လုပ်ဆောင်နည်းရှိပါတယ် - အရင်ဆုံး ဒီနေရာကို သွားပါ - အထဲရောက်သွားရင် ဘယ်ဘက်ခြမ်းက Pause ကို click ပေးလိုက်ပါ - ဒါဆို နောက် ကိုယ် Search box ကနေ ရှာသမျှ သူက မှတ်တော့မှာ မဟုတ်ပါဘူး -

ဒါက ကိုယ်ရှာတာကို မမှတ်ခိုင်းတဲ့ အဆင့်ပဲ ရှိပါသေးတယ် - နောက်တစ်ဆင့် အနေနဲ့ ကိုယ်ရှာထားတာတွေ ပြန်မပေါ်စေချင် တာက ဘယ်ဘက်ခြမ်းက Remove items ကို ဝင်ရပါမယ်

နောက်စာမျက်နှာမှာ ကိုယ် ရှာခဲ့တာတွေထဲက မလိုချင်တာလေးတွေပဲ ရွေးဖျက်လို့ ရသလို အောက်ဖော်ပြပါ အတိုင်း အကုန်လုံး ဖျက်ချင်လည်း ရပါတယ် -

တကယ်လို့ ကိုယ်က Pause လုပ်ထားခဲ့ပြီးနောက်ပိုင်း နောင်တစ်ချိန်မှာ ကိုယ်ရှာထားတာလေးတွေ ပြန်မှတ်စေချင်တယ် ဆိုရင်တော့ အောက်ဖော်ပြပါ အတိုင်း Web History ကို ပြန်ဝင်ပြီး Resume ပြန်ပေးရပါမယ် -

ကျွန်တော် ဖော်ပြခဲ့တဲ့ အတိုင်း လုပ်ဆောင်ကြည့်ပြီး Search box မှာ ပေါ်မပေါ် ပြန်စစ်ကြည့်ပါဦး -

KznT.

GNOME Terminal with Google search support

ဒီနေ့ အင်တာနက်ထဲ Ubuntu နဲ့ ပတ်သတ်တာလေး စာလိုက်ဖတ်ရင်း သဘောကျတာလေး တစ်ခုတွေ့လို့ ပြောပြချင်တယ် - အဲတာက Terminal ထဲမှာ အလုပ်လုပ်ရင်းနဲ့ ကိုယ်နားမလည်တာ တစ်ခုခုတွေ့ရင် အရင်ကဆို စာကြောင်းကို Select လုပ် Copy ကူးပြီး Google မှာ သွားသွားရှာရတယ် - တစ်ချို့လည်း ဒါကို လုပ်ဖူးလိမ့်မယ် - တစ်ချို့လည်း လုပ်ဖြစ်ကြမယ် မထင်ဘူး - အဲလိုလုပ်ရတာ ဘာဖြစ်လဲဆိုတော့ တစ်ခုသိဖို့ အရေး အဆင့် သုံးလေးဆင့် ခံနေရတာမျိုးပေါ့ - စစချင်း စာကြောင်းကို Select လုပ်ရမယ် - နောက် Copy ကူးရမယ် - နောက် ... ထားပါတော့ ရှည်တယ် -

ခုတော့ အဲလို အဆင့်တွေ အားလုံးကိုကျော်ပြီး GNOME Terminal ထဲကနေ ရှာချင်တဲ့ အကြောင်းအရာကို တစ်ခါတည်း Google မှာတန်းရှာလို့ ရပြီ - အောက်မှာ မြင်ရသလိုပေါ့ -

အားလုံး ပြင်ပြီး သွားပြီ ဆိုရင် အပေါ်မှာ ပြထားတဲ့ အတိုင်း Terminal ထဲမှာ တစ်ခုခုလုပ်လို့ output message မှာ ပြတဲ့ စာကြောင်းတစ်ခုခုက ကမောက်ကမ ဖြစ်နေသလို စိတ်ထဲထင်လာရင် စာကြောင်းကို Select ပေးပြီး Right-click menu ကနေ “Search On Google” ကို သွားလိုက်ယုံပဲ - အဲ့လို GNOME Terminal ထဲမှာ Google Search ရောက်လာဖို့ လုပ်ရကိုင်ရတာကလည်း ဘာမှ မခက်ဘူး - Ubuntu Tweak ကို သိမယ် ထင်ပါတယ် - အရင်စာတွေမှာလည်း သူ့အကြောင်းကတော့ ရေးခဲ့ပြီးသားပါ - Ubuntu သုံးတဲ့ သူတိုင်း Ubuntu Tweak တို့ UCC တို့လောက်တော့ အနည်းလေး သိကြတာမို့ ဒီမှာ အကျယ်ချဲ့ မရေးတော့ပါဘူး - တကယ်လို့ မသိသေးဘူး ဆိုရင်း ဒီနေရာမှာ သွားဖတ်ကြည့်ပြီး စက်မှာ မရှိသေးရင် Install လုပ်ပါ - .deb package မို့လို့ install လုပ်နည်းကတော့ Windows မှာ .exe ကို install လုပ်သလိုမျိုးပါပဲ - 

Ubuntu Tweak တင်ပြီးသွားရင် “Source Center” ကိုသွားပြီး “GNOME Terminal with Google search support” ကို enable ပေးလိုက်ပါ - နောက် “Refresh” ကို Click ပေးပါ - ဒါဆို ရပါပြီ -

တကယ်လို့ code နဲ့ ပတ်သတ်ပြီး စိတ်ဝင်စားရင် ဒီနေရာမှာ သွားပြီး လေ့လာနိုင်ပါတယ် >> https://code.launchpad.net/~tualatrix/ibentu/gnome-terminal

KznT.

VPN Services Protect Your Privacy And Security

ဒီနေ့ အင်တာနက်နဲ့ လည်ပတ်လှုပ်ရှားနေရသူ မြန်မာမိသားစုဝင်များ အတွက် သိထားသင့်မယ့် အကြောင်း အရာတစ်ခုကို မိတ်ဆက်ပေးချင်ပါတယ် - မိတ်ဆက်ပေးချင်တယ် ဆိုတာ လုံးဝ ကြားဖူးနားဝမရှိသေးသူများနဲ့ ကြားဖူးနားဝရှိပေမယ့် အသုံးချနည်းကို ရင်းနှီးမှု မရှိသေးသူများ အတွက် မိတ်ဆက်ပေးချင်တဲ့ သဘောပါ -

အဲ့ဒီ အကြောင်းအရာရဲ့ ပင်မ ခေါင်းစဉ်ကတော့ VPN လို့ ခေါ်တဲ့ Virtual Private Network ပါ - တစ်နေ့နဲ့ တစ်နေ့ အင်တာနက်ထဲ ဟိုဝင်ဒီထွက် လည်ပတ်လှုပ်ရှားကြတဲ့ အခါမှာ ကျွန်တော်တို့ရဲ့ ကွန်ပြူတာ ထဲမှာ ရှိနေတဲ့ ကိုယ်ရေးကိုယ်တာ  ဆိုင်ရာ အကြောင်းအရာ အချက်အလက်များ လုံခြုံရေး နဲ့ အင်တာနက်ထဲ လည်ပတ်တဲ့ အခါမှာ ကိုယ်ပိုင်လွတ်လပ်ခွင့် ရရှိရေး အတွက် ဆိုပြီး ပုံမှန် လုပ်ဆောင်ကြရတာတွေ ရှိပါတယ် - အဲ့ဒါတွေက ပုံမှန် အလွယ်ပြောရရင် Antivirus / Internet Security လို့ ခေါ်တဲ့ Virus ကာကွယ်တိုက်ဖျက်ရေး Security တွေ သုံးမယ် - Firewall တွေ ကာရမယ် - အင်တာနက်ထဲမှာ ကိုယ်ဘယ်တွေသွားတယ် ဘာတွေလုပ်နေတယ် ဆိုတာ ကိုယ့် IP ကိုကြည့်ပြီး နောက်ယောင်ခံမလိုက်နိုင်အောင် ကာကွယ်ထား ရမယ် - စသဖြင့် အခြေခံအနေနဲ့ ဒီလုပ်ငန်းစဉ်တွေကို မဖြစ်မနေ လုပ်ဆောင်ကြရပါတယ်။

နောက်တစ်ဆင့် အနေနဲ့ အင်တာနက်ထဲမှာ မိမိရဲ့ လှုပ်ရှားသွားလာမှုကို ဒီ့ထက်ပိုပြီး လုံခြုံမှုအဆင့် မြှင့်တင်နိုင်ဖို့ အခုဖော်ပြ ခဲ့တဲ့ လုပ်ငန်းစဉ်တွေသာမက  နောက်ထပ်ပေါင်းစပ် လုပ်ဆောင်သင့်တာ Virtual Private Network (VPN) ကို အသုံးပြုပြီး ကိုယ့်ရဲ့ ရပ်တည်မှုကို အခြားသူတစ်ယောက်ယောက်က မစုံစမ်း မသိရှိနိုင်အောင် အတွင်းစည်း - အပြင်စည်း ကာရံထားဖို့ပါ - ဒါကို ကျွန်တော်တို့က Data တွေ encrypt လုပ်တယ်လို့ ခေါ်ပါတယ် - ( Encryption လုပ်တယ်ဆိုတာ အလွယ်ပြောရရင် တစ်ခြားသူ တစ်ယောက် မသိရှိနိုင်အောင် Cipher လို့ ခေါ်တဲ့ Algorithm ကို အသုံးပြုပြီး Information တွေကို လျှို့ဝှက် Code တွေအဖြစ် ပြောင်းလဲထားတာကို ခေါ်တာပါ။ )

Virtual Private Network ဆိုတာဘာလဲ ?

VPN ဆိုတာ ကိုယ့်ကွန်ပြူတာ ကနေ ပို့လွှတ်လိုက်တဲ့ Data တွေကို အင်တာနက်ထဲမှာ ကိုယ်ဘာလုပ်နေတယ် ဆိုတာ တစ်ခြားသူ တစ်ယောက် ( သို့မဟုတ် ) အဖွဲ့အစည်းတစ်ခုကနေ ကြားဖြတ်ဖမ်းယူ ကြည့်ရှုလို့ မရအောင် Data တွေကို VPN Server တွေကနေ Encrypt လုပ်ပစ်ပြီး အင်တာနက်ထဲမှာ ကိုယ့်ရဲ့ လှုပ်ရှားသွားလာမှုကို လုံခြုံစေအောင် စီမံခန့်ခွဲပေးပါတယ် - လုံခြုံမှု အဆင့်မြင့်မားတဲ့ VPN တွေမှာဆိုရင် ကိုယ် အင်တာနက်ထဲမှာ လည်ပတ်သွားလာတဲ့ browsing history တွေကိုတောင် Record လုပ်ထားတာမျိုး မရှိပါဘူး - ဒါ့ကြောင့် သဘောက ကျွန်တော်တို့မှာ IP addresses တွေရှိပြီး ISP နဲ့ ဆက်သွယ် လုပ်ကိုင်နေရတယ် ဆိုပေမယ့် VPN ရဲ့ ကာကွယ်ပေးထားမှုကြောင့် ကျွန်တော်တို့တွေက အင်တာနက်ထဲမှာ Anonymous user သဘောမျိုး ဖြစ်နေမှာပါ။

Photo from vpn-info.com

VPNs အများစုက ရုံးလုပ်ငန်းအတွက် စပြီးတည်ဆောက်ခဲ့ကြတာပါ - သူ့ရဲ့ ရည်ရွယ်ချက်က ရုံးမှာရှိတဲ့ users တွေကို ကိုယ့်ရုံးရဲ့ workplace network ထဲကို ဝင်ခိုင်းပြီး လုပ်ငန်းဆောင်တာတွေကို စုပေါင်းလုပ်ဆောင်နိုင်စေဖို့ ဦးတည် ခဲ့ခြင်း ဖြစ်ပါတယ် - အခု ကျွန်တော်တို့တွေ VPN ရဲ့ လုပ်ဆောင်ပုံကို အတိုချုံးအနေနဲ့ သဘောတရား သိပြီ - အင်တာနက်ထဲမှာ လှုပ်ရှားသွားလာတဲ့ အခါ Privacy နဲ့ Security လိုအပ်တယ်ဆိုတာကိုလည်း သိပြီ - ဒါပေမယ့် တစ်နေ့နဲ့ တစ်နေ့ ကျွန်တော်တို့တွေ ဒီလိုပဲ အင်တာနက်ထဲ ဟိုသွားဒီသွား သွားနေတာပဲ - ခင်ဗျားပြောတဲ့ Privacy နဲ့ Security ဆိုတာကို သိပ်လည်း သတိမထားမိသလို - အဲ့ဒီ့ Privacy နဲ့ Security ဆိုတာတွေ ကျွန်တော့်မှာ မရှိခဲ့လို့လည်း ကျွန်တော့်အတွက် ဘာမှထူးပြီး ပြဿနာ မရှိခဲ့ပါဘူးလို့ မေးစရာရှိလာပါတယ် - Privacy နဲ့ Security ဆိုတာဟာ အင်တာနက် နည်းပညာ ဖွံ့ဖြိုးမှု အရှိန်ယူကာစ ကျွန်တော်တို့ နိုင်ငံတစ်ခုအတွက်သာ ဘာမှ သိပ်အရေးမပါသလို ဖြစ်နေတာပါ - နည်းပညာဖွံ့ဖြိုးပြီး နိုင်ငံတွေမှာဆိုရင် Privacy နဲ့ Security ကို အလေးမထားမိလို့ စီးပွားရေး လုပ်ငန်းကြီးကနေ စပြီး - တစ်ကိုယ်ရည်တစ်ကာယသုံး ကွန်ပြူတာတွေ ထိ Network ပိုင်းဆိုင်ရာ ထိုးဖောက်တိုက်ခိုက်မှုတွေ - Bank account - Personal information စတဲ့ သတင်းအချက်အလက် ခိုးယူခံရမှုတွေ စက္ကန့်နဲ့ အမျှ ဖြစ်ပွားနေပါတယ် - ဒီအကြောင်းနဲ့ ပတ်သတ်ပြီး မြင်သာစေမယ့် အပိုင်းတစ်ပိုင်းကို ကျွန်တော်ရေးခဲ့ပြီးတဲ့ Torrent ဘာလဲ ? Torrent ဘယ်လဲ ? ဆိုတဲ့ ခေါင်းစဉ်အောက်က Torrent နှင့် Copyright Laws များ အကြောင်း ဆိုတဲ့ ခေါင်းစဉ်ခွဲ တစ်ခု အနေနဲ့ ဖော်ပြခဲ့ဖူးပါတယ် - လေ့လာကြည့်နိုင်ပါတယ် - ဒါ့အပြင်  Privacy နဲ့ Security အားနည်းမှုကြောင့် တစ်ခြားသူ တစ်ယောက် ( သို့မဟုတ် ) အဖွဲ့အစည်းတစ်ခုကနေ ဘယ်လို တိုက်ခိုက်လာနိုင်တယ် ဆိုတာ အောက်ဖော်ပြပါ ဗွီဒီယိုလေးကို ကြည့်ပြီးတော့လည်း အလွယ်တကူ နားလည်နိုင်ပါသေးတယ် -

ဒီလိုဆို Privacy နဲ့ Security ရဲ့ အရေးပါပုံအကြောင်း ကျွန်တော်တို့ ကောင်းကောင်း နားလည်ခဲ့ပြီ ဆိုကြပါစို့ - နောက်တစ်ဆင့် အနေနဲ့ VPN ဆိုတဲ့ Virtual Private Network ဆိုတာထဲကို ကျွန်တော်တို့ ဆက်တိုးဝင်ကြည့်ပါမယ် - ဘာတွေများ ကျွန်တော်တို့ အတွက် အားသာချက်နဲ့ ကောင်းကျိုးတွေ ရှိလာနိုင်မလဲ ??

VPN က ကျွန်တော်တို့ သုံးနေကျ Proxy သုံးသလိုမျိုးပဲ ကိုယ်နေတဲ့ နေရာကို လိုက်ပြီး Block ထားတတ်တဲ့ websites တွေကို လည်း access လုပ်လို့ ရပါတယ် -

ဒီ့ထက် ကောင်းတာ ဘာရှိလဲ ဆိုရင် US မှာပဲ ကြည့်ခွင့်ပေးပါတယ် ဆိုတဲ့ Hulu လို Website မျိုးတောင် VPN နဲ့ ဝင်လိုက်တဲ့ အချိန်မှာ Region ကွာခြားချက်ကို ကျော်လွန်ပြီး သူ့ ဆိုဒ်မှာ တင်ထားတဲ့ High quality movies နဲ့ TV shows  တွေကို ကမ္ဘာ့ဘယ်နေရာက ကြည့်ကြည့် အေးအေးလူလူ ကြည့်လို့ ရသွားပါတယ် - စတဲ့ အားသာချက်တွေကြောင့် ကမ္ဘာ့နိုင်ငံ အသီးသီးက Privacy နဲ့ Security ကို မြှင့်တင်လိုသူတွေ - အင်တာနက်တွင်းမှာ မိမိရဲ့ လှုပ်ရှား သွားလာမှုကို ခြေရာဖျောက်လို သူတွေ အားလုံးနီးပါး ခုချိန်မှာ VPN ကို ငွေကြေးတန်ဖိုး ပမာဏ တစ်ခု ပေးသွင်းပြီး ရယူနေကြပါပြီ - ဒီလိုဆို ငွေကြေး မတတ်နိုင်သူတွေ - ချွေတာစုဆောင်း သူဌေးလောင်းတွေ အတွက် VPN ဆိုတာအဝေးက မျှော်ကြည့်နေယုံပဲ ဖြစ်နေတော့မှာလား ? မဟုတ်ပါဘူး - VPN services တွေကို payment သဘောမျိုးနဲ့ မဟုတ်ပဲ Free ပေးထားတဲ့ VPN Services တွေဆိုတာလည်း ရှိပါသေးတယ် - သူတို့ အားလုံးရဲ့ ကြားက ရွေးချယ်သင့်တဲ့ Free VPN Services တွေ အကြောင်း ဒီအောက်မှာ စုစည်းဖော်ပြ လိုက်ပါတယ် -

Free VPN Services

ဒီအောက်မှာ ဖော်ပြထားတဲ့ Free VPN Services တွေဟာ အလကားမတ်တင်း ဝန်ဆောင်မှုပေးတာ မှန်ပေမယ်လို့ free ဖြစ်တဲ့ လျော်ညီစွာ ကန့်သတ်ချက်လေးတွေ - စိတ်တိုင်းမကျစရာလေးတွေလည်း အနည်းနဲ့ အများရှိပါလိမ့်မယ် - ဒါပေမယ့်လည်း free သုံးရတာဖြစ်လို့ လုံးဝ စိတ်တိုင်းမကျ ဖြစ်ခဲ့ရင်တောင် VPN တွေက ဘယ်လို အလုပ်လုပ်တယ် - ကိုယ့်အတွက် ဘာတွေ အကျိုးရှိတယ် ဆိုတာလေးလောက် အနည်းဆုံး ပညာရနိုင်တာမို့ နစ်နာစရာ မရှိပါဘူး - Free VPN Services တွေကို စမ်းသုံးကြည့်ရင်းနဲ့ သဘောကျပြီ - လုပ်နည်းကိုင်နည်းကိုလည်း သဘောပေါက်ပြီ ဆိုပြီ နောင်တစ်ချိန်နှာ သင့်တော်တဲ့ နှုန်းနဲ့ ကမ်းလှမ်းထားတဲ့ Paid Services တွေဆီကိုလည်း ကြိုက်သလို ကူးပြောင်းနိုင်ပါတယ် -

ProXPN

သူကတော့ Windows နဲ့ Mac computers တွေ အတွက် အသုံးပြုနိုင်တဲ့ Free VPN Services ပါ - ProXPN ကို သုံးမယ် ဆိုရင် သူ့ဆိုဒ်ကနေ ပေးထားတဲ့ Free application သေးသေးလေး တစ်ခုကို Download ချပြီး စက်မှာ အရင်တင်ထားရပါမယ် - သူကနေမှ VPN ကို Connect လုပ်ရမှာပါ - ဒီ Service ကို iPhone နဲ့ တစ်ခြား VPN ကို Support လုပ်တဲ့ Mobile phone တွေမှာလည်း သုံးလို့ ရပါတယ် -


GPass

GPass service ကတော့ နေရာတိုင်း Block တတ်တဲ့ တရုတ်မှာ အရမ်းလူသုံးများတဲ့ Free VPN Service တစ်ခုပါ - GPass ကို သုံးမယ်ဆိုရင် အရင်ဆုံး Software တစ်ခုကို Download ချရပါမယ် - ဒါပေမယ့် သူ Recommend ပေးထားတာက Software ကို Download လုပ်ပြီးရင် ချက်ချင်း စက်မှာ မတင်သေးပဲ Security ပိုင်းဆိုင်ရာ ခိုင်မာရေးအတွက် စစ်ဆေးခိုင်းထားတဲ့ အဆင့်တစ်ခု အပိုပါပါတယ် - GPass ကို သုံးမယ့်သူ တစ်ယောက် ဆိုရင် သူ့ညွှန်ကြားချက် အတိုင်း မဖြစ်မနေ စစ်ဆေး သင့်ပါတယ် - GPass က Windows only ဖြစ်ပါတယ် - Registration လုပ်ဆောင်ဖို့ မလိုပါဘူး -

CyberGhost

CyberGhost ဆိုတာ Windows သီးသန့် VPN client တစ်ခုပါပဲ - တစ်လကို Encypted traffic - 1GB ပေးပါတယ် - သူ့ Service ကို သုံးမယ်ဆိုရင် Free account အတွက် Register လုပ်ဖို့လိုပါတယ် - နောက်ပြီး သူ့ကို သုံးမယ်ဆိုရင် Web surfing ပဲ လုပ်လို့ ရပါမယ် - File sharing လုပ်လို့မရပါဘူး -

AnchorFree Hotspot Shield

သူကလည်း Free VPN ပါ - AnchorFree Hotspot Shield ကို Windows, Mac နဲ့ iPhone ( iPhone login information ) တွေမှာ အသုံးပြုလို့ ရပါတယ် - နောက်တစ်ခုက “Unlimited bandwidth” ဖြစ်ပါတယ် - Hotspot Shield ကို သုံးမယ်ဆိုရင် တစ်ခု စိတ်ပျက်စရာ ကောင်းတာက သူ့ Service ကနေပြီး Web pages တြွေကည့်တဲ့ အချိန်မှာ ကြော်ငြာတွေထည့်ပါတယ် - ဒါကို သဘောမကျရင်တော့ Firefox users တွေအနေနဲ့ NoScript extension ကို သုံးပြီး ကြော်ငြာတွေကို Hide ထားလို့ ရပါတယ် -

Its Hidden

Its Hidden ကို သုံးမယ်ဆိုရင် Free service အနေနဲ့လည်း သုံးလို့ ရသလို သဘောကျလို့ Paid solutions ကို ပြောင်းသုံးလို့ လည်းရပါတယ် - Registration လုပ်ဖို့ လိုပါတယ် - Signed up လုပ်ပြီး သွားရင် OS ကနေ သုံးဖို့ အတွက် Set-up guide ကိုကြည့်ပြီး လုပ်ဆောင်ပါ - ဒီ Service က VPN ကို Support ပေးတဲ့ Operating system တိုင်းမှာ သုံးလို့ ရပါတယ် -

SecurityKiss

SecurityKiss ကတော့ တစ်နေ့ကို 300MB - Data transfer ပေးပါတယ် - သူ့ကို သုံးမယ်ဆိုရင် Service နဲ့ access လုပ်နိုင်ဖို့ SecurityKiss software လိုပါတယ် - Windows အတွက် ဖြစ်ပါတယ် -

Best Free VPN Service

ဒီ Service ကတော့ တစ်ခြား Services တွေနဲ့ မတူပါဘူး - Best Free VPN က Free ပေးတာမှန်ပေမယ့် သူ့ရဲ့ VPN ကို သုံးဖို့ ပေးထားတဲ့ Password ကို ၁၂ နာရီကြားတစ်ခါ ချိန်းပါလိမ့်မယ် - ဒါ့ကြောင့် ဒီ Service ကို သုံးမယ့် သူတွေက သူ့ Website ကို Bookmark မှတ်ထားဖို့လိုပြီး ပုံမှန် Password ကိုပြောင်းပေးနေဖို့လိုပါလိမ့်မယ် - Best Free VPN က သိပ်ပြီးတော့ Speed မကောင်းပါဘူး Download အတွက် 512Kbit/s နဲ့ Upload အတွက် 256Kbit/s ပဲ Bandwidth ပေးပါတယ် - နောက်တစ်ချက်က P2P services လည်း မပေးပါဘူး - ဒါပေမယ့်လည်း Web surfing အတွက်ပဲ ဆိုရင်တော့ သုံးမယ်ဆို သုံးပျော်ပါတယ် -

အနှစ်ချုပ်

ကျွန်တော် အထက်မှာ ဖော်ပြခဲ့ပြီးသလို Free ရတဲ့ Services တွေဆိုတာ ကောင်းတာတွေလည်း ရှိသလို စိတ်ပျက်ဖို့ ကောင်း တာမျိုးတွေလည်း ရှိပါတယ် - အထက်မှာ ဖော်ပြခဲ့တဲ့ Services တွေထဲက တစ်ခု စမ်းသုံးကြည့်လို့ အဆင်မပြေ ဖြစ်ခဲ့ ရင် နောက်တစ်ခုကို ပြောင်းလဲ စမ်းသပ်ကြည့်ကြပါ - နောက်တစ်ခု သီးခြား အကြံပြုလိုတာ သာမန် အပျင်းပြေ အိမ်သုံးလောက် မဟုတ်ပဲ - Security ပိုင်းဆိုင်ရာ အရမ်း အရေးကြီးလာခဲ့ ပြီ ဆိုရင်တော့ ကျွန်တော် အကြံပြုခဲ့တဲ့ Free VPN Services တွေ အစား Paid VPN services တွေကို ပြောင်းလဲ အသုံးပြုကြဖို့ အကြံပြုလိုပါတယ် - အခု ဖော်ပြခဲ့တဲ့ အကြောင်းအရာ မှာ ကျွန်တော် အဓိက ဖော်ပြချင်တာ VPN ရဲ့ အရေးပါပုံ - အင်တာနက်တွင်းမှာ လှည့်ပတ်သွားလာမယ် ဆိုရင် Privacy နဲ့ Security ကဏ္ဍ အရေးပါပုံ နဲ့ ဘယ်လို လုံခြုံအောင် ကာကွယ်နိုင်မယ် ဆိုတာ ချပြချင်ယုံ သက်သက် ရေးသား ထားခြင်းသာ ဖြစ်ပါတယ် - ဒါ့ကြောင့် VPN အကြောင်းကို အသေးစိတ် လေ့လာလိုသူများ အနေနဲ့ သက်ဆိုင်ရာ ဆက်စပ်ဖော်ပြ ခဲ့တဲ့ Links များမှ တစ်ဆင့် သွားရောက် လေ့လာကြဖို့ တိုက်တွန်းလိုပါတယ် - ဒီအကြောင်းအရာနဲ့ ပတ်သတ်ပြီး တစ်ခြား မိမိသိရိှထားတဲ့ Free VPN Services ကောင်းများ ရှိသေးမယ် ဆိုရင်လည်း ဒီနေရာမှာ ပူးတွဲ မျှဝေပေးကြဖို့ မေတ္တာရပ်ခံ ပါရစေ -

KznT.

Why aren't we rich ?

ဒီဆောင်းပါးရဲ့ မူရင်း ဖော်ပြသူဟာ july-dream.blog က စာရေးသူလို့တော့ ကျွန်တော် သိရပါတယ် - ဒါပေမယ့် ကျွန်တော် ဖတ်ရတာကတော့ Facebook မှာပါ - အမြင့်မြတ်ဆုံး ဘာသာတရားလို့ တစ်ကမ္ဘာလုံးက လက်ခံထားကြတဲ့ ဗုဒ္ဓဘာသာ ကို မြန်မာနိုင်ငံသားတွေ ကိုးကွယ်နေကြပါလျက်နဲ့ ဘာကြောင့် ကျွန်တော်တို့ ဗုဒ္ဓဘာသာ မြန်မာလူမျိုးတွေ မကြီးပွား မချမ်းသာ ကြတာပါလဲ ??

Photo from - http://fabulouslyfrugirl.files.wordpress.com

မေတ္တာရှင် - ငါ သြစတြေးလျနိုင်ငံ ဆစ်ဒနီမြို့ကို တရားဟောကြွတော့ ဆစ်ဒနီက ဗုဒ္ဓဘာသာ လူငယ်တွေ က မြန်မာတစ်မျိုး သားလုံး သိသင့်တဲ့ မေးခွန်းတစ်ခု မေးတယ်။ အဲဒီမေးခွန်းက -

မြန်မာတွေဟာ အမြင့်မြတ်ဆုံးဖြစ်တဲ့ ဗုဒ္ဓဘာသာကိုလည်း ကိုးကွယ်ခွင့်ရတယ်။ ဒါနကုသိုလ်လည်း အများကြီးပြုကြတယ်။ အဲဒီနှစ်ချက်ကို ထောက်ကြည့်ရင် မြန်မာတွေဟာ ကမ္ဘာမှာ အချမ်းသာ ဆုံး ဖြစ်သင့်တယ်။ ဒါပေမယ့် ထင်သလောက် မချမ်းသာ ဘူး။ အဲဒါ ဘယ်အကြောင်းတွေကြောင့် လဲ တဲ့။

သန်း - ဟာ သိပ်ကောင်းတဲ့ မေးခွန်းပဲ ဘုရား။ ဆရာတော်က ဘယ်လိုဖြေလိုက်လဲ ဘုရား။

မေတ္တာရှင် - အကျဉ်းချုပ် ဖြေလိုက်တာက မြန်မာတွေဟာ ဗုဒ္ဓစကားကို နားမထောင်ကြလို့ ဆင်းရဲနေကြ တာလို့ ဖြေလိုက် တယ်။

သန်း - အဲဒီလောက် ကျဉ်းလွန်းအားကြီးတော့လည်း ဘယ်နားလည်ပါ့မလဲ ဘုရား။ နည်းနည်းအကျယ် ချဲ့ ဖြေဦးမှပေါ့ ဘုရား။

မေတ္တာရှင် - မြန်မာအများစု မကြီးပွါးခြင်း အကြောင်း ၁၁ ချက်ကို တွေ့ရတယ်။ အဲဒီ ၁၁ ချက်ကို ပြင်လိုက်လျှင်တော့ ကြီးပွါး ချမ်းသာလာကြမှာ။ အဲဒီ ၁၁ ချက်က -

၁။ တကယ် လိုအပ်သော နေရတွင် မလှူဘဲ နာမည်ကြီးမည့် နေရတွင်သာ စုပြုံလှူကြခြင်း။ ဥပမာအားဖြင့် စာသင်တိုက် တစ်တိုက်မှာ ကုဋီ (အိမ်သာ) လိုနေတယ်။ ဒါပေမယ့် လှူမယ့်သူ မရိှဘူး။ ဘာကျတော့ လှူသလဲ ဆိုတော့ ဘုရားခန်းထဲမှာ ရုပ်ပွါးတော်တစ်ဆူ ရိြှပီးဖြစ်လျက်နဲ့ နောက်ထပ် ရှစ်ဆူလောက် ထပ်လှူတော့ ဘုရားကိုးဆူဟာ ကျပ်ကျပ်တည်းတည်း စံနေတော်မူကြရတယ်။

ဗုဒ္ဓဘာသာအများစုဟာ ဘုရားဒကာ၊ ဘုရားအမသာ အမည်ခံချင်ကြတာ။ အိမ်သာဒကာ၊ အိမ်သာအမ အမည်မခံချင်ကြဘူး။ လှူတယ်ဆိုတာ ကိုယ့်အတွက် မဟုတ်ပါဘူး။ အလှူခံအတွက်ပါ။ ဒါကြောင့် အလှူခံ လိုအပ်တာကို ရွေးချယ်ပြီး လှူသင့်တယ်။ ကိုယ်လှူချင်တာကို ရမ်းပြီး မလှူသင့်ဘူး။

၂။ မြတ်စွာဘုရားက အင်္ဂုတ္တိရ်ပါဠိတော် ဇဏုသောဏိသုတ်မှာ သမ္မဒါလေးပါးနဲ့ ပြည့်စုံရင် ကြီးပွါးချမ်းသာမယ်လို့ ဟောခဲ့တယ်။ ဗုဒ္ဓဘာသာအများစုဟာ တစ်ပါးမှ မပြည့်စုံဘူး။

၃။ ဘာသာရေးအပေါ်မှာ ထားတဲ့ မေတ္တာ စေတနာမျိုးကို စီးပွါးရေးအပေါ်မှာ မထားကြလို့လည်း မြန်မာ အများစုဟာ ကြီးပွါးသင့် သလောက် မကြီးပွါးကြဘူး။

၄။ ပျင်းရိခြင်း အကုသိုလ်ကို ရောင့်ရဲဲခြင်းကုသိုလ်လို့ အထင်မှား ကျင့်သုံးနေတဲ့အတွက် လည်း မြန်မာတွေ ဟာ ကြီးပွါးသင့်သလောက် မကြီးပွါးကြဘူး။

၅။အတ္တသမာပဏီဓိမင်္ဂလာချို့တဲ့လို့ တစ်နည်းအားဖြင့် မိမိကိုယ်မိမိကောင်းတဲ့ အလုပ်မှာဆောက် တည်နေနိုင်စွမ်းမရှိလို့ လည်း မြန်မာအများစုဟာ ကြီးပွါးသင့်သလောက် မကြီးပွါးကြဘူး။

၆။ အချိန်တန်ဖိုးကို မသိကြတဲ့အတွက်လည်း ကြီးပွါးသင့်သလောက် မကြီးပွါးကြဘူး။ အချိန်တန်ဖိုး သိတဲ့သူများဟာ ဥစ္စာစည်းစိမ်ကို ရခြင်း၊ ကုသိုလ်တရားကို ရခြင်း၊ ပညာဗဟုသုတကို ရခြင်း အမျိိုးမျိုးနဲ့ အချိန်ကို တန်ဖိုးရိှစွာ အသုံးချတယ်။ အချိန်တန်ဖိုး မသိတဲ့သူများကတော့ မြူးထူးပျော်ပါး ကစားခြင်း၊ ငြင်းခုံ ခိုက်ရန် စကားများခြင်း အချိန်ကို တန်ဖိုးမဲ့စွာ အသုံးချ တယ်။

၇။ ကိုယ့်ထက်သာလျှင် မနာလိုဖြစ်ပြီး သူတစ်ပါးအကျိုး ပျက်စီးအောင် ဖျက်ဆီးတတ်ကြတယ်။ ဒီအချက် ဟာလည်း မြန်မာအများစု မကြီးပွါးခြင်းရဲ့ အကြောင်းတစ်ခုပဲ။ ကိုယ့်ထက်သာလို့ ဝမ်းသာရင် မုဒိတာ လို့ ခေါ်တဲ့ ကုသိုလ်တရားဖြစ်တယ်။ ကိုယ့်ထက်သာလို့ မနာလိုဖြစ်ရင် ဣဿာဆိုတဲ့ အကုသိုလ် တရား ဖြစ်တယ်။

ပညာရိှ ပညာမဲ့ဆိုတာ ဒီနေရာမှာ ကွဲသွားတာပဲ။ ပညာရိှက ကိုယ့်ထက်သာတဲ့ လူကိုတွေ့ရင် ဝမ်းမြောက်ခြင်းဆိုတဲ့ မုဒိတာကုသိုလ်ကို အရယူတယ်။ ပညာမဲ့က ကိုယ့်ထက်သာတဲံသူကို တွေ့ရင် ဣဿာလို့ခေါ်တဲ့ အကုသိုလ်ကို အရယူတယ်။ ဒေါက်တာဘွဲ့ကြီး ရထားပါစေ၊ မနာလိုတတ်တဲ့သူဟာ ပညာမဲ့ပါပဲ။ ဘာအတန်းပညာမှ မတတ်ရင် နေပါစေ၊ ကိုယ့်ထက်သာတဲ့ သူအပေါ်မှာ ဝမ်းမြောက်ရင် ပညာရိှပဲ။

ဣဿာဖြစ်နေသလား၊ မုဒိတာဖြစ်နေသလား ဆိုတာ သူ့ရဲ့နှုတ်က ထုတ်ဖော် အစီရင်ခံပါ လိမ့်မယ်။ တော်တာ ကို တော်ပါတယ်လို့ လိှုက်လှိုက် လှဲလှဲ ချီးမွမ်းစကားပြောရင် သူ့သန္တာန်မှာ မုဒိတာတရား ဖြစ်နေတယ်လို့ သိနိုင်တယ်။ မချီးမွမ်းဘဲ နှုတ်ဆိတ်နေခြင်း၊ မပြောပလောက်တဲ့ အားနည်းချက်ကို ထောက်ပြပြီး အပြစ်ပြောနေခြင်းဟာ သူ့သန္တာန်မှာ ဣဿာဖြစ်တယ်လို့ ပြတာပါပဲ။

ပညာမဲ့က သူ့သန္တာန်မှာ ဣဿာတရားဖြစ်နေတယ် ဆိုတာကို သူတစ်ပါးရဲ့ အပြစ်ကို အတုံးလိုက် အတစ်လိုက်ပြပြီး ထင်ထင်ရှားရှား ပြတယ်။ ပညာတတ်တွေကျတော့ သူတို့သန္တာန်မှာ ဖြစ်နေတဲ့ ဣဿာကို ထင်ထင်ရှားရှား မပြဘူး။ မသိမသာ ဘဲ ပြတယ်။ ပညာတတ်က သူတို့သန္တာန်မှာ ဣဿာဖြစ်နေတာကို သူတစ်ပါး သိသွားမှာကိုလည်း စိုးရိမ်တယ်။ အဲဒီတော့ ပညာတတ်က အောင်မြင်နေတဲ့ လူတစ်ယောက်ရဲ့ မပြောပလောက်တဲ့ အပြစ်ကလေးကို ခပ်ပါးပါး ထောက်ပြပြီး အမှတ်ယူ တတ်တယ်။ အပေါ်ယံ ကြည့်ရင်တော့ အောင်မြင်နေတဲ့ လူရော၊ သူ့နောက်လိုက်တပည့်တွေကိုပါ မှားမှာစိုးလို့ သတိပေးတဲ့ ပုံစံမျိုးပေါ့။ အမှန်က မိမိရဲ့ဣဿာကို သူတစ်ပါး မသိအောင် ခပ်ပါးပါး လှစ်ပြတာပါပဲ။

၈။ မြန်မာအများစု မကြီးပွါးခြင်းရဲ့ နံပါတ်ရှစ် အကြောင်းကတော့ စာပေဗဟုသုတ မရိှတာပါပဲ။

၉။ နံပါတ် ၉ အကြောင်းကတော့ ဒေသန္တရဗဟုသုတ မရိှတာပါပဲ။ ဒါကြောင့် စာပေဗဟုသုတရိှအောင် စာမျိုးစုံ ဖတ်သင့်ပြီး တစ်နှစ် တစ်ကြိမ် ဒေသန္တရဗဟုသုတခရီးကို သွားသင့်ပါတယ်။

၁၀။ နံပါတ်တစ်ဆယ် အကြောင်းကတော့ ခေါင်းဆောင်စိတ် နည်းပါးတာပါပဲ။ ကောင်းတဲ့ အလုပ်ဆိုရင် မခိုင်းဘဲ လုပ်တာ။ အလုပ်ကို အများကြီး လုပ်ပြီး အခွင့်အရေးကို နည်းနည်းယူ တာတွေဟာ ခေါင်းဆောင်စိတ်ပါပဲ။ ဆန့်ကျင်ဘက်အားဖြင့် ခိုင်းမှ လုပ်တတ်တာ။ အလုပ်ကို နည်းနည်း လုပ်ပြီး အခွင့်အရေး အများကြီးယူတာဟာ နောက်လိုက်စိတ် ခေါ် ကျွန်စိတ်ပါပဲ။

၁၁။ မြန်မာအများစု မကြီးပွါးခြင်းရဲ့ ၁၁ ခုမြောက် အကြောင်းကတော့ ကိုယ့်အားကိုယ်ကိုးလိုစိတ် နည်းပါးတာပါပဲ။ အနောက်တိုင်းနိုင်ငံ အများစုက အရှေ့တိုင်းနိုင်ငံ အများစုထက် ချမ်းသာကြွယ်ဝနေ ရခြင်းရဲ့ အဓိကအကြောင်းဟာ ၁၈ နှစ်ပြည့်တာနဲ့ ကိုယ့်အားကိုယ်ကိုးပြီး စီးပွါးရေး အလုပ်လုပ်ကြလို့ပဲ။ အနောက်နိုင်ငံက လူငယ်တွေဟာ ၁၈ နှစ်ပြည့်ပြီးတာနဲ့ လူကြီးဖြစ်ပြီလို့ သတ်မှတ်ပြီး စီးပွါးရေးလုပ်ငန်း၊ တစ်နည်း ငွေဝင်တဲ့ လုပ်ငန်းတစ်ခုခုကို မဖြစ်မနေ လုပ်ကြတော့တာပဲ။

မြန်မာအမျိုးသမီးတစ်ဦး နယူးဇီလန်နိုင်ငံကို ပညာတော်သင် ရောက်သွားတယ်။ တစ်နေ့ ကိစ္စတစ်ခုရိှလို့ တက္ကစီ ငှားစီးသွား တယ်။ ကားမောင်းသမားလေးက အသက်ငယ်ရွယ်သူလေး ဖြစ်နေ လို့ ကျောင်းမတက် ဘူး လား လို့ မေးကြည့်တဲ့ အခါ ဆေး တက္ကသိုလ် နောက်ဆုံးနှစ်ကျောင်းသားဖြစ်နေ တယ်။ မြန်မာ အမျိုးသမီး ဆိုတော့ မြန်မာပြည်ရဲ့ အလေ့အထ အတိုင်း မိဘက မတတ်နိုင်လို့ တက္ကစီမောင်းနေရတာလို့ ထင်သွား တာပေါ့။

သန်း - အဲဒီအတိုင်း ဟုတ်ပါသလား ဘုရား။

မေတ္တာရှင် - ဘယ်ဟုတ်ရမှာလဲ။ မေးလိုက်တဲ့အခါ ဟိုက ဘယ်လို ပြောသလဲဆိုတော့ ကျွန်တော်တို့ နိုင်ငံရဲ့ အလေ့အထက အနောက်တိုင်းဆန်ပါတယ်။ ဒါကြောင့် ၁၈ နှစ် ပြည့်ပြီးတာနဲ့ မိဘကို အားကိုးပြီး မနေကြပါဘူး။ ကိုယ်ပိုင်လုပ်ငန်း တစ်ခုခု လုပ်ပြီး ငွေရှာပါတယ်။ အဲဒီငွေနဲ့ ကျောင်းတက် ပါတယ်။ ၁၈ နှစ် ပြည့်ပြီးရင် လူကြီးဖြစ်ပြီလို့ သတ်မှတ်ပါတယ်။ လူကြီး ဘဝရောက်နေပြီ ဖြစ်ရက်နဲ့ မိဘလုပ်စာ ထိုင်စားရမှာ မိဘလုပ်စာနဲ့ ကျောင်းတက်ရမှာကို အင်မတန် ရှက်ကြပါတယ်။

၁၈ နှစ်ပြည့်ပြီး သူငယ်ချင်းတွေ တွေ့ကြတဲ့အခါ ဘာအလုပ် လုပ်သလဲလို့ မေးမြန်းနှုတ်ဆက်တတ်ပါတယ်။ ၁၈ နှစ်ပြည့် ပြီးသူ ဖြစ်ရက်နဲ့ စီးပွါးရေး အလုပ်တစ်ခုမှ မလုပ်တဲ့သူကို လူရာမဝင်သူလို့ သတ်မှတ်ပြီး ဘယ်သူမှ အပေါင်းအသင်း မလုပ်ကြ ပါဘူးလို့ အားရပါးရ ပြန်ပြောတယ်။

သန်း - တပည့်တော်တို့ မြန်မာလူငယ်တွေနဲ့ ကွာလိုက်တာ ဘုရား။ ဒီမှာတော့ ကိုယ့်ကျောင်းစရိတ် ကိုယ်ရှာပြီး ကျောင်းတက် တဲ့လူကို ဆင်းရဲသားဆိုပြီး ဝိုင်းအထင်သေးကြတယ်။ မိဘလုပ်စာစား၊ မိဘအိမ်က ကားနဲ့ စတိုင်ကျကျ ကျောင်းတက်နိုင်သူကိုမှ သူဌေးဆိုပြီး အထင်ကြီးကြတယ်။

မေတ္တာရှင် - အေး ဟုတ်တယ်။ မြန်မာ အများစုဟာ ဂုဏ်မယူသင့်တာတွေကို ဂုဏ်ယူပြီး ဂုဏ်ယူသင့် တာကို ဂုဏ်မယူတဲ့ အတွက် ကြီးပွါးသင့်သလောက် မကြီးပွါးကြတာဘဲ။

၂၀၀၈ ခုနှစ် ဇွန်လထုတ် သူရဇ္ဇမဂ္ဂဇင်းတွင် ဖော်ပြထားသော မေတ္တာရှင် (ရြွှေပည်သာ)၏ လူငယ်များအတွက် ဂမ္ဘီရဝိပဿနာ - ဆောင်းပါးမှ ကူးယူဖော်ပြပါသည်။

ဒီ ဆောင်းပါး အပြင် နောက်ထပ် ကျွန်တော် မိသားစုဝင်တွေကို ဖတ်စေချင်တဲ့ တစ်ခြား ဆောင်းပါး တစ်ချို့လည်း ကျန်ပါသေးတယ် - အဲတာကတော့ myanmartutorials.com က ဆောင်းပါးရှင် ကိုသီဟရေးထားတဲ့ ကျွန်တော်တို့ ဘာကြောင့် အခြေခံအဆင့်က မတက်နိုင်တာလဲ ( ၁ ) ၊ ကျွန်တော်တို့ ဘာကြောင့် အခြေခံအဆင့်က မတက်နိုင်တာလဲ (၂) ၊ ကျွန်တော်တို့ ဘာကြောင့် အခြေခံအဆင့်က မတက်နိုင်တာလဲ (၃) ဆိုတဲ့ ဆောင်းပါးတွေပါ - အဲ့ဒီ့ ဆောင်းပါးကိုလည်း ကျွန်တော် သိပ်ကြိုက်တယ် - မဖတ်ရသေးရင် ဖတ်ကြည့်စေချင်တယ်ဗျာ - စာရေးသူ ပေးချင်တဲ့ ရသတစ်ခုခုကို ဆောင်းပါးရဲ့ အဆုံးမှာ တွေ့ရပါလိမ့်မယ်။

Mg Zin.

Orta GTK Theme Looks Great on Ubuntu

Theme တွေ့ရင် အငြိမ် မနေနိုင်တဲ့ ကျွန်တော် ဟိုတစ်လောက Mac OS X Transformation Pack လေးတွေ့လို့ စမ်းပြီး တစ်ပတ်လောက်မှ မကြာသေးဘူး အခု Orta ဆိုတာ ထက်တွေ့လို့ ယူသုံးကြည့်မိပြန်ပါတယ် - မသုံးခင် ပုံလေးတွေ လိုက်ကြည့်တော့ ကိုယ့် မှန်းထားတဲ့ ပုံစံမျိုးလေးနဲ့ ကိုက်နေတာက တစ်ကြောင်း - ဟို OS ဒီ OS လိုက်တုထားတဲ့ ပုံစံမျိုး မဟုတ်တာက တစ်ကြောင်းမို့ စိတ်ထဲ တော်တော်လေး သဘောကျသွားပြီး စမ်းတင်လိုက်ပါတယ်။ Theme Style လေးတွေကို အကြမ်းလောက် ခံစားကြည့်လိုက်ကြပါဦး -

သူ့ရဲ့ icons လေးတွေ buttons လေးတွေက ကြြွကွလေးတွေ - တော်တော်ချစ်ဖို့ ကောင်းတယ် ဆိုရမယ် - တစ်ပြင် လုံး မှောင်နေတတ်တဲ့ Theme မျိုး မကြိုက်တဲ့ ကျွန်တော့် အတွက်တော့ ဒီ ခပ်ဖျော့ဖျော့ အဖြူရောင်က တစ်မျိုး ဖမ်းစားနေသလိုပဲ -

Panel အတွက် Dark နဲ့ Light ဆိုပြီး Styles နှစ်မျိုး ပါပေမယ့် ကျွန်တော်ကတော့ လောလောဆယ် အမည်းလေး ပဲ ရွေးထားတယ် - icons တွေကိုတော့ မကြည့်နဲ့ - Windows 7 ရှုံးသွားမယ် :)

သူ့မှာ Configuration tool တစ်ခုလည်း ပါပြီး Theme မှာပါတဲ့ အစိတ်အပိုင်းတွေထဲက Nautilus style ကို ပြင်မလား - Scrollbar styles ကို ပြင်မလား - Tab styles ကို ပြင်မလား နှစ်သက်သလို ပြင်ဆင်နိုင်ပါတယ်။

Orta ကို install လုပ်ဆောင်ဖို့ အတွက် အရင်ဆုံး ကိုယ့်စက်ထဲမှာ Faenza_Icons ကို Install လုပ်ထားပြီးသား ဖြစ်ဖို့ လိုပါတယ် - ဒီ Faenza_Icons ကို Install လုပ်ရမယ် ဆိုပေမယ့် မလုပ်မနေရ မဟုတ်ပါဘူး - တကယ်လို့ Faenza_Icons ကို Install မလုပ်ထားရင် ကျွန်တော် အပေါ်မှာ ပြထားတဲ့ Windows 7 ရှုံးမယ့် Icons လှလှလေးတွေ မရတော့ဘူးပေါ့ - Faenza_Icons_by_tiheum.zip ကို ဒီနေရာကနေ အရင် ဒေါင်းလုပ်ချလိုက်ပါ - Desktop ပေါ်ကို Faenza_Icons_ by_tiheum.zip ဆိုတာ ရောက်လာရင် သူ့ကို ဖြည်ချပြီး ./INSTALL script ကို Run ပါ - ဒီအောက်မှာ ဖော်ပြထားတဲ့ ပုံစံမျိုး တက်လာရင် Run in Terminal ကို ရွေးပေးလိုက်ပါ - အဲလိုဆို သူက Terminal ထဲကို ဆွဲခေါ်သွား ပြီး မေးခွန်းတွေ မေးပါလိမ့်မယ် - အဲမှာ -

ဆက်လုပ်ချင်တာလားဆို - "y"
Distribution logo ကို ဘယ်လိုထားချင်လဲ ( Ubuntu, ဘာညာ စသဖြင့် ) - အဲမှာ ကိုယ်က Ubuntu logo ကိုပဲ ကြိုက်ရင် - "U"
နောက် Icons တွေကို ဘယ်လိုဖြစ်စေချင်လဲ - အဲမှာလည်း ကိုယ်ကြိုက်ရာရွေး - ကျွန်တော့် ပုံစံအတိုင်း ဖြစ်ချင်ရင် - "D"

ဒီလိုဆို Faenza_Icons ကို ကျွန်တော်တို့ Install လုပ်ပြီးသား ဖြစ်သွားပါပြီ - နောက်တစ်ဆင့် အနေနဲ့ ကျွန်တော်တို့ Theme ဆက်သွင်းပါ့မယ် - Orta ကို သွင်းဖို့ ဆိုရင် အရင်ဆုံး ကိုယ့်စက်ထဲမှာ Orta ရဲ့ အရင် version အဟောင်း ရှိ/မရှိ သေချာဖို့ လိုပါတယ် -

rm -r ~/.themes/Orta/
sudo rm -r /usr/share/themes/Orta/

နောက်တစ်ဆင့် အနေနဲ့ Orta ကို ဒီနေရာမှာ ယူပါ - ရလာတဲ့ zip file ကို  Desktop ပေါ်ဆွဲတင်ပြီး Extract လုပ်ရင် .tar.gz ဆိုတာ ထပ်ရပါလိမ့်မယ် - အဲတာကိုပါ ထပ်ပြီး Extract လုပ်ပါ - နောက်ဆုံးမှာ folder တစ်ခု ထွက်လာပါလိမ့်မယ် - အဲ့ထဲမှာ "OrtaConfigurator.sh" file ပါလာပါလိမ့်မယ် - သူ့ကို Right click ပေးပြီး "Properties" ကို သွားပါ - နောက် "Permissions tab" မှာ "Allow executing file as program" box ကို အမှန်ခြစ်ပေးပါ - အားလုံးလုပ်ဆောင်ပြီးသွားရင် "OrtaConfigurator.sh" file ကို Double click ပေးပြီး Run လိုက်ပါ - အောက်မှာ ဖော်ပြထားတဲ့ ပုံပေါ်လာရင် "General" tab အောက်မှာ ရှိနေတဲ့ "Install" button ကို နှိပ်ပေးပါ - ( တစ်ခု သိထားရမှာက ကျွန်တော်တို့ Software တွေ install လုပ်သလိုမျိုး installed လုပ်ပြီးပြီ ဘာဆက်လုပ်မှာလဲ - ဘာညာ ဆိုတာမျိုး စာတက်လာမှာ မဟုတ်ပါဘူး - သူက သူ့ဘာသာ install လုပ်ပြီး ငြိမ်နေမှာ ဖြစ်ပါတယ် ) နောက် tabs တွေကို ဆက်သွားပြီး ဘာလုပ်လို့ ရမယ် ဆိုတာ လိုက်ကြည့်ကြည့်ပါ -

အားလုံး install လုပ်ပြီးသွားရင် Desktop ပေါ် Right click ထောက်ပြီး Change Desktop Background ကို သွားပါ - အဲကနေ Theme tab ထဲက Orta ကိုရွေးပေးပါ -

ဒီလိုဆို အောက်မှာ ဖော်ပြထားတဲ့ Theme လှလှလေးတစ်ခု ဆင်ပြီးသားဖြစ်သွားပါလိမ့်မယ် -

ဒီ Pack ထဲမှာ Chrome အတွက် Theme ကိုပါ တစ်ခါတည်းထည့်ထား ပေးပြီးသားပါ - သူ့ကို သွင်းချင်တယ်ဆိုရင်  "Chromium" folder ကိုဖွင့်ပြီး သူ့ထဲမှာ ပါလာတဲ့ .crx file ကို Chrome windows ထဲကို drag and drop ဆွဲထည့်လိုက်ပါ - ဒီလိုဆို Chrome ရဲ့ Theme ပါ ပြောင်းသွားပါလိမ့်မယ် -

Download Orta | Download the wallpaper

KznT.

How To Embed Youtube Playlists

ဒီအကြောင်းက အရင်ရေးခဲ့ပြီးသား Useful Tips For Youtube Lovers ရဲ့ အဆက်လို့ ပြောလို့ ရပါတယ် - ဖိုရမ်မှာတော့ အရင် Thread အောက်မှာပဲ ဆက်ရေးလိုက်တယ် - ဒီမှာကျတော့ ဆက်မရေးချင်တော့တာနဲ့ အသစ်တစ်ခု အနေနဲ့ပဲ ထုတ်ရေး လိုက်တော့တယ် -

မေးခွန်း အမှတ် ( ၁၂ ) - ကျွန်တော့် ဘလော့မှာ Youtube ကနေပြီး သီချင်းတို့ - တစ်ခြား နည်းပညာနဲ့ ဆိုင်တဲ့ Video clips တို့ တင်တဲ့ အခါ တစ်ပုဒ်ချင်းစီ - Video clips တစ်ခုချင်းစီကို embed လုပ်ပြီး တင်တင်နေရတာက ဘလော့မှာ နေရာပေးရတာ စာမျက်နှာလည်း ဖောင်းပွ သလို အလုပ်လည်း တော်တော်ရှုပ်တယ် - နောက်ထပ် နည်းလမ်းကောင်းလေးများ မရှိတော့ဘူးလား

နည်းလမ်းကတော့ ရှိပါတယ် - ဒါပေမယ့် Youtube က Video clips တွေကို ကိုယ်ကြိုက်တာလေးတွေချည်းပဲ ရွေးပြီး Player တစ်ခုတည်းမှာ ပေါင်းချင်တဲ့ အခါ လုပ်ဆောင်ရမယ့် steps လေးတွေ နဲနဲ ပိုများပါတယ် - လုပ်ဆောင်ရမယ့် ပထမအဆင့် အနေနဲ့ Youtube ကို ဒီနေရာကနေ သွားပြီး Login ဝင်ရပါမယ်။ နောက်တစ်ဆင့် အနေနဲ့ ကိုယ်စုပြီး embed လုပ်ချင်တဲ့ Video clips တွေကို ရှာရပါမယ် - ဆိုကြပါစို့ ကျွန်တော်က Chan Chan သီချင်းတွေကို embed လုပ်ချင်တယ် - ဒီလို ဆိုရင် Chan Chan သီချင်းတွေထဲက ကိုယ်ကြိုက်ရာ သီချင်းတွေကို Youtube မှာ အရင်ရှာထားပြီး သီချင်းတစ်ခုချင်းစီရဲ့ အောက်မှာ ရှိနေတဲ့ +Add to ဘေးမှာ ရှိနေတဲ့ Down arrow ကနေ ဆင်းပြီး New playlist ကိုရွေးရပါမယ်။ ဒီလိုဆို နာမည်ဘယ်လို ပေးချင်လဲ ဆိုတာပေါ်လာပြီး Playlist ကို ကိုယ်ပေးချင်တဲ့ နာမည်ပေးလိုက်ပါ။ ဥပမာ ကျွန်တော်ကတော့ ချမ်းချမ်းပေါ့ -  အောက်မှာ ဖော်ပြထားတာကို ကြည့်ပါ - ဒီနေရာမှာ ကျွန်တော်က ချမ်းချမ်းကို Create လုပ်ထားပြီးသားပါ -

အဲလို New playlist ကို Create လုပ်ပြီးတာနဲ့ နောက်တစ်ဆင့်မှာ ကိုယ်ကြိုက်တဲ့ သီချင်းတွေ ( or ) Video clips တွေ အားလုံးကို ကိုယ် Create လုပ်ထားတဲ့ Playlist အောက်ကို အောက်ဖော်ပြပါ အတိုင်း တစ်ပုဒ်ချင်း ပေါင်းထည့်ပါမယ်။

အဲလိုနဲ့ ကိုယ်ကြိုက်တဲ့ သီချင်းတွေ - Video clips တွေ အားလုံးပေါင်းထည့်ပြီးသွားပြီ ဆိုရင် အောက်မှာ ပြထားတဲ့ အတိုင်း ကိုယ့် အကောင့်ထဲက My Videos ကို ဝင်ပါ -

My Videos & Playlists ဆိုတဲ့ စာမျက်နှာပေါ်လာရင် အဲ့ထဲမှာ ရှိနေတဲ့ ကိုယ့် Playlist ကို ရှာပါ - ကျွန်တော်ကတော့ ချမ်းချမ်းပေါ့ -

အဲ့ကနေ Share ကို ဆက်ဝင်ပါ - အဲလို ဝင်လိုက်ရင် တစ်ခြားသူ တစ်ယောက်ဆီကိုယ့် Playlist ကို မျှဝေဖို့ Link လည်း ရှိနေသလို ကိုယ့် blog မှာ embed လုပ်ဖို့ copy / paste လုပ်ရမယ့် Embed code ကိုပါ တွေ့ပါလိမ့်မယ်။ 

ကျွန်တော် ဖန်တီးထားတဲ့ ချမ်းချမ်းသီချင်း ( ၁၁ ) ပုဒ် Playlist ကို အောက်မှာ ဖော်ပြထား တဲ့ နေရာကနေလည်း နားဆင်နိုင်သလို ဒီနေရာမှာ လည်း သွားရောက် နားဆင်ခံစားနိုင်ပါတယ် - Play all ကို နှိပ်လိုက်တာနဲ့ Playlist ထဲမှာ ထည့်ထားပြီးသား သီချင်းတွေ အားလုံးကို အရင်တုန်းကလို Youtube မှာ တစ်ပုဒ်ချင်း လိုက်ရှာပြီး နားထောင်နေဖို့ မလိုတော့သလို - Playlist ထဲက နှစ်သက်ရာ သီချင်းတွေကိုလည်း ကျော်ခွ နားထောင်လို့ ရပါတယ်။

KznT.