Gmail's Streamlined Interface and Better Contact Manager

Tuesday, August 10, 2010 << မနေ့ကနေ စပြီး Google ကနေ Users တွေ အတွက် ပိုပြီး အသုံးပြုရလွယ်ကူစေမယ့် Gmail UI ကို တင်ဆက်လိုက်ပါတယ်။  ပြင်ဆင်ထားတာတွေကတော့ မလိုအပ်တဲ့ Features တွေကို Hide ထားလိုက်ပြီး ကျွန်တော်တို့ရဲ့ Messages တွေကို အရင်ကထက် ပိုပြီး မြင်ကွင်းကျယ်ကျယ်နဲ့ ကြည့်ရှုနိုင်အောင် ပြင်ဆင်ပေးထား ပါတယ်။ အသေးစိတ် ပြောရမယ် ဆိုရင် အရင်က Gmail  logo ထက် ခု Gmail logo က ပိုသေးသွားတယ် - နောက် Mail ကြည့်ဖို့ Link - Contacts နဲ့ Contacts တွေ အားလုံးကို Panel တစ်ခုနဲ့ တစ်စုတစ်စည်းတည်း စုရုံး ထားလိုက်ပါတယ်။ အရင်က အစဉ်လိုက် တောင်တစ်ခု မြောက်တစ်ခု ဖြစ်နေတဲ့ Read, Unread, Starred, Unstarred ... ဆိုတာတွေလည်း drop-down တစ်ခုတည်း အောက်ကိုရောက်သွားပါတယ်။

Google ရဲ့ ပြောကြားချက် အရ "အရင်ကထက်စာရင် အခု Header ကိုလည်း သေးပစ်လိုက်ပြီး Mail box ထဲက Message တစ်စောင်ကို ဖတ်တဲ့ အချိန်မှာ အရင် Screen မှာ တွေ့ရတာထက် 16 pixels ပိုပြီး ကျယ်ကျယ်လွင့်လွင့် ဖတ်ရမယ်လို့ ဆိုပါတယ်။"

Gmail ရဲ့ contacts section ပိုင်းကလည်း အောက်ဖော်ပြပါ အတိုင်း အကုန်လုံး Design ပြန်ပြောင်းထားပါတယ်။ Notes ရေးဖို့ ဆိုပြီး ပေးထားတဲ့ နေရာကလည်း တော်တော်လေး ကြီးပါတယ်။

ဒီ features တွေ အားလုံး လူတော်တော်များများ ဒီနေ့ အသုံးပြုနိုင်ပါပြီ။ ဒါတင်မက ဒီ Gmail contact manager အသစ်ကို Google Apps သုံးသူများလည်း ကိုလည်း မကြာခင်မှာ ထည့်သွင်း ပေးသွားမယ်လို့ ဆိုပါတယ်။ လောလောဆယ်တော့ Google Apps မှာ သုံးလို့ မရသေးပါဘူး။

KznT.

Wolfram Alpha for Everyone

ကျွန်တော် Wolfram Alpha နဲ့ ရင်းနှီးခဲ့တာ နဲနဲတော့ ကြာခဲ့ပါပြီ - ပြောရရင် သူ Beta ဘဝလောက်က စပြီး သတိထားမိခဲ့တာပါ - အဲ့တုန်းက Wolfram Alpha ဆိုတာ Computational knowledge engine လို့ပြောထားပေမယ့် တကယ်တမ်း စမ်းသုံး ကြည့်တော့ ထင်သလောက်ကြီး ပီပီပြင်ပြင် အကောင်အထည် မဖော်နိုင်သေးတာ သတိထားမိခဲ့ပါတယ်။ ဒါပေမယ့်လည်း အလားအလာကောင်းတဲ့ Engine တစ်ခုမို့လို့ မျက်ခြေပျက်မခံပဲ လေ့လာနေခဲ့ရင်း - ခုလက်ရှိအချိန်မှာတော့ Wolfram Alpha ဆိုတာ သူဖွင့်ဆိုထားတဲ့ Computational knowledge engine လို့ လက်ခံနိုင်လောက်အောင် တော်တော်ကြီးကို ပြည့်စုံလာခဲ့ပြီ  ဆိုတဲ့ အကြောင်း မြန်မာမိသားစုထဲမှာ ချပြဖို့ အတွက် ဒီအကြောင်းအရာကို အစပျိုးဖြစ်လိုက်ပါတယ်။

အဲတော့ Wolfram Alpha ဆိုတာ Computational knowledge engine ဆိုတာ သိပြီ - ဒီတော့ Wolfram Alpha က ဘာကောင်းလဲ - သူက ဘာကို challenge လုပ်သလဲ ?? ကျွန်တော့် အမြင်တော့  Wolfram Alpha က သချာင်္သမားတွေ - ကိန်းဂဏန်း အချက်အလက်ကို တိတိကျကျ လိုလားသူတွေ အတွက် သင့်တော်မယ်လို့ ထင်မိတယ် - သူကိုယ်တိုင်ကလည်း အဲလို ပညာရှင်တွေကို သူ့ဆီလာပြီး စမ်းသပ်ဖို့ challenge ခေါ်ထားပါတယ်။ ကျွန်တော်က သချာင်္ပညာရှင်လည်း မဟုတ်ဘူး - သိပ္ပံပညာရှင်လည်း မဟုတ်ဘူး - ဒါပေမယ့် ကိန်းဂဏန်း အချက်အလက် တိကျတာကိုတော့ အရမ်း သဘောကျတယ် - ဒါ့ကြောင့် သူခေါ်ထားတဲ့ challenge ထဲ ဝင်ဖို့ စိတ်ကူးလိုက်ပါတယ် - စမ်းသပ်မယ်ဆိုရင်တော့ ကုန်နိုင်ဖွယ်ရာ မရှိပါဘူး - ဒါပေမယ့် အားလုံးကို မဖော်ပြတော့ပဲ သင့်တော်ရာလေးတွေ ရွေးထုတ်ရင်း နည်းပညာသမားတွေ - ဗဟုသုတ ရှာမှီးသူတွေ အတွက် လေ့လာနိုင်အောင် လွယ်ကူ အဆင်ပြေမှာလေးတွေ ရွေးထုတ်ဖော်ပြလိုက်ပါတယ်။

တစ်နေ့ တစ်နေ့ Google ကိုပဲ အရက်စွဲ စွဲသလို ဖြစ်နေတဲ့ ကျွန်တော်တို့လို လူတွေ အတွက်တော့ အရက်မပျက်ရင်တောင် ခဏလောက် မေ့သွားအောင် Wolfram Alpha ကို တစ်ချက်လောက် စမ်းကြည့်သင့်ပါတယ်။ ကြိုတင် အသိပေးထားချင်တာက Wolfram Alpha ဟာ Computational knowledge engine လို့ ဆိုထားပေမယ့် ကွန်ပြူတာ ဖြစ်တဲ့ အတွက် လူသားတွေလောက်တော့ စေ့စေ့စပ်စပ် နောက်တီးနောက်တောက် ပေါက်တီးပေါက်မြောက် မတွေးနိုင်သေးပါဘူး - လောလောဆယ် အခြေအနေမှာ တော်တော်လေး ပြည့်စုံလာတယ်လို့ ကျွန်တော် အထက်မှာ ဆိုထားပေမယ့် သူလည်း ပြင်ဆင်ဆဲ ကာလပဲ ရှိပါသေးတယ်။ ဒါ့ကြောင့် မေးခွန်း တစ်ခုခုမေးလိုက်လို့ လိုချင်တဲ့ အဖြေမရရင် ကျွန်တော့်ကိုရော - Wolfram Alpha ကိုရော အပြစ်မတင်ကြဖို့ ကြိုတင် အသိပေးပါရစေ -

Wolfram Alpha ကဘာတွေ စွမ်းဆောင်နိုင်တာလဲ ဆိုတာ ဖြေးဖြေးချင်း လေ့လာပြီးသွားတာနဲ့ - Wolfram Alpha ဆိုတာ search engines တွေအားလုံးရဲ့ ကြားထဲမှာ အလားအလာ ကောင်းကောင်းနဲ့ နောင်တစ်ချိန်မှာ ထိုးဖောက်လာနိုင်တဲ့ အလားအလာရှိမယ်ဆိုတာ မိသားစုဝင်တွေ သတိထားမိလာပါလိမ့်မယ်။

ဒီအောက်မှာတော့ Wolfram Alpha နဲ့ ပတ်သတ်တဲ့ အလွယ်ကူဆုံး စမ်းသပ်ချက် (  ၁၁ ) ခု ပါ။ ကျွန်တော်တို့ လေ့လာကြည့်ကြ ရအောင် - 

ဘယ် Website က ပိုပြီး လူသိများသလဲ ??

အင်တာနက်ထဲမှာ Website တွေ တော်တော်များများ ရှိတယ် - တစ်ချို့လည်း တော်တော်လူသိများတယ် - တစ်ချို့ကတော့ ဒီလောက်ကြီး လူမသိဘူး - တစ်ချို့ တစ်လေကတော့ လုံးဝကို လူမသိကြတာ - အားလုံးထဲမှာ ကျွန်တော်တို့ အခု လူသိအများဆုံး Website နှစ်ခု - Google နဲ့ Yahoo ကို ဘယ်ကောင်ပိုပြီး Popular ဖြစ်လဲ ဆိုတာ Wolfram Alpha ကို အဖြေထုတ်ခိုင်းပါမယ်။ Wolfram Alpha က ထုတ်ပေးတဲ့ အဖြေကတော့ အောက်ဖော်ပြပါ အတိုင်းပါပဲ - မိသားစုဝင်များလည်း စမ်းသပ်ကြည့်ကြပါ -

ငါ့ IP က ဘာပါလိမ့် ??

Wolfram Alpha က location နဲ့ ပတ်သတ်ပြီးလည်း တိတိကျကျ ဖော်ပြနိုင်ပါသေးတယ်။ ကိုယ့် IP ဘာမှန်း မသိဘူး စိတ်မပူပါနဲ့ - Wolfram Alpha မှာ IP tracker ရှိပါတယ်။ Search box မှာ ‘Where Am I ?’ လို့ပဲ ရိုက်ရိုက် ‘My IP’ လို့ပဲ ရိုက်ရိုက် သူက ကိုယ့် IP နဲ့ ဘယ်နားမှာ နေတယ် -  co-ordinates ဘယ်လောက်မှာ ဆိုပြီး ခုလို တိတိကျကျ ထုတ်ပေးပါလိမ့် မယ်။ စမ်းသပ်ကြည့်ပါဦး။

အထက်ဖော်ပြပါ အတိုင်း IP နံပါတ်သာမက URL တစ်ခုခုကို ရိုက်သွင်း ပြီးလည်း search string တစ်ခု အနေနဲ့ ရှာဖွေလို့ ရပါတယ်။ ကျွန်တော်က အမြဲ ကြည့်နေကျ burmeseclassic.com ကို ဥပမာပေး ထားပါတယ်။

တိုက်ရိုက် အကွာအဝေး ဘယ်လောက်လဲ ??

Wolfram Alpha မှာ မြို့ တစ်မြို့နဲ့ တစ်မြို့ကြား တိုက်ရိုက် အကွာအဝေး ဘယ်လောက်လဲ ဆိုတာကိုလည်း တွက်ချက်လို့ ရပါတယ်။ သူတွက်ချက်ပြတာတော့ ရေကြောင်း - ကုန်းကြောင်းနဲ့ လေကြောင်းလမ်းခရီး တွေပါ။ တစ်ခြား local times တွေ - နှစ်နေရာ စလုံးရဲ့ locations တွေကိုလည်း တစ်ဆက်တစ်စပ်တည်း ဖော်ပြထားပါတယ်။

ဆွေမျိုး ဘယ်လိုတော်သလဲ မေးရအောင် ??

Wolfram Alpha မှာ Genealogy engine လို့ ခေါ်တဲ့ မျိုးရိုးဗီဇဆိုင်ရာ Engine တစ်ခုလည်း ရှိပါသေးတယ် - ဒါကတော့ စိတ်ဝင်စားစရာပဲ - သူက ဘာကို လုပ်ဆောင်လဲ ဆိုတော့ ကိုယ့်မိသားစု ဆွေစဉ်မျိုးဆက် ရဲ့ ဆွေမျိုးတော်စပ်ပုံကို မြင်သာအောင် ဖော်ပြပေးနိုင်ပါတယ်။ ဘယ်လိုလဲ သိနိုင်အောင် အလွယ်ကူဆုံး မေးခွန်းတစ်ခု မေးလိုက်ပါ့မယ်။ 

အမေ့ အဖေရဲ့ ညီရဲ့သား - ဘာလိုတော်လဲ ရှာစမ်းဟဲ့ :D

ဘယ်လောက်တောင် ရေးရမှာလဲ ??

ကျွန်တော်တို့ စာအုပ်တစ်အုပ် ရေးတော့မယ် - ဥပမာ ရေးချင်တာက စာမျက်နှာ ၅၀၀ လောက် - စာမျက်နှာ ၅၀၀ ဆို စာလုံး ဘယ်နလုံးလောက်တောင် သုံးရမလဲ - ဒီစာအုပ် တစ်အုပ်ပြီးဖို့ အချိန်ဘယ်လောက် ကျွန်တော်တို့ ပေးရမလဲ - ဒါမျိုးတွေ ကိုလည်း Wolfram Alpha က တွက်ချက်ပေးနိုင်ပါတယ်။

အချိန်ဘယ်လောက်တောင် ကွာခြားလဲ ??

Wolfram Alpha ကိုသုံးပြီး မိမိနှစ်သက်ရာ နေရာ အသီးသီးက အချိန်ကွာခြားချက်တွေကိုလည်း အောက်ဖော်ပြပါအတိုင်း တွက်ချက်နိုင်ပါတယ်။

ရာသီဥတု အခြေအနေ ဘယ်လိုလဲ ??

Wolfram Alpha ကိုယ်ရောက်နေတဲ့ အရပ်ဒေသရဲ့ ရာသီဥတုကိုပဲ ဖြစ်ဖြစ် တစ်ခြား ကိုယ်သိချင်တဲ့ နိုင်ငံတစ်ခုခုက ရာသီဥတုကို ဖြစ်ဖြစ် တွက်ချက်ပေးနိုင်ပါတယ်။

ငါ စားနေတာ ဘာတွေလဲ ??

လူဆိုတော့ အစားနဲ့ ပါးစပ်နဲ့ ဘယ်သူမှ ပျက်တယ်လို့ မရှိဘူး - အာဟာရ ဖြစ်ဖို့ တစ်ခုမဟုတ် တစ်ခုတော့ တစ်နေ့နဲ့ တစ်နေ့ စားနေရတာပဲ - အဲလို တစ်နေ့နဲ့ တစ်နေ့ ကိုယ်စားနေတဲ့ အစားအစာတွေထဲမှာ ဘယ်ကောင်က ဘာတွေ ဖြစ်သွားလဲ - ဘယ်ကောင်က ကိုယ့်ခန္ဓာကိုယ် အတွက် Calories ဘယ်လောက်တောင် ဝင်သွားစေပြီ ဆိုတာ တွက်ချက်ပေးတဲ့ Online calorie counter - Wolfram Alpha မှာ ရှိပါတယ်။ အစားအသောက် ဆင်ခြင်နိုင်ဖို့နဲ့ ကိုယ်စားနေတာ ကိုယ့်အတွက် ဥပါဒ် ဖြစ်နေပြီလား မဖြစ်ဘူးလား ဆိုတာ ခန့်မှန်းဖို့တော့ တော်တော်လေး အဆင်ပြေပါတယ်။ လောလောဆယ် Hamburger တစ်လုံးကို တွက်ကြည့်ရအောင် -

တစ်ချို့က အစားလေး ပြီးရင် အသောက်လေးလည်း ပါဦးမှ - အဲတာကြောင့် ဘီယာလေးနဲ့ ဝီစကီလေးလည်း ထည့်တွက်ကြည့် လိုက်တယ် -

ကိုယ်လက်လှုပ်ရှား ဘယ်လောက် လုပ်ရမလဲ ??

တစ်နေ့နဲ့ တစ်နေ့ စားတာ သောက်တာတွေ များတယ် ကိုယ့်ခန္ဓာကိုယ်မှာ Calories တွေ တော်တော်များနေတာလည်း သိတယ် - ချလည်း ချချင်တယ် - ဒါပေမယ့် ကိုယ်လက်လှုပ်ရှား အားကစား လုပ်ရမှာက ပျင်း - ပျင်းတာ ရယ်တော့ မဟုတ် - အဓိကက ကိုယ်ဘယ်လောက် လုပ်ရင် Calories  ဘယ်လောက်ကျမလဲ ဆိုတာ တိတိကျကျလေး သိချင်တာ - ဒီတော့မှ ကိုယ်လက်လှုပ်ရှား အားကစား လုပ်ရတာ ပို အားတက်တာပေါ့ - ဒီအတွက် မပူပါနဲ့ - Wolfram Alpha က ဘယ်လောက်လုပ်ရင် Calories ဘယ်လောက်ကျမယ်ဆိုတာ တွက်ချက် စွမ်းဆောင်ပေးနိုင်ပါတယ်။  

ဆိုကြပါစို့ - ၂၈ နှစ်အရွယ် ကိုယ်အလေးချိန် ၆၀ ကီလိုဂရမ်နဲ့ မိန်းကလေး တစ်ယောက် - တစ်မိနစ်ကို အလှမ်း ၃၀ နဲ့ ခြေလှမ်း နှစ်ထောင် လှမ်းမယ် - တွက်စမ်း အဖြေ -

ဒါဆို ဒီလို အဖြေထွက်ပါတယ်။

ဘယ်လို အရောင်မျိုးလဲ ??

တစ်ချို့ အရောင်တွေ ရှိတယ် - နာမည်ပဲ သိတယ် - ဘာအရောင်မှန်း မျက်စိထဲ မမြင်ဘူး - ပုံမဖော်တတ်ဘူး - ဒါဆိုလည်း Wolfram Alpha ရှိပါတယ်။ သူက ဘယ်နာမည်က ဘာအရောင်ဆိုတာ ပုံနဲ့ တကွ မြင်သာအောင် ဖော်ပြပေးနိုင်ပါတယ်။

ဘယ်လောက်တောင် ကြာခဲ့ပြီလဲ ??

လူတိုင်း လူတိုင်း - နိုင်ငံတိုင်း နိုင်ငံတိုင်းမှာ အမှတ်တရ နေ့ရက်ဆိုတာ ရှိပါတယ်။ ဥပမာ ဆိုကြပါစို့ ကျွန်တော်တို့ မြန်မာနိုင်ငံ လွတ်လပ်ရေး ရတဲ့နေ့ - ဒီနေ့ကနေ စတင်ရေတွက်လိုက်ရင် လွတ်လပ်ရေးရခဲ့တာ ဘယ်နရက်တောင် ကြာခဲ့ပြီလဲ - ဒါကိုလည်း Wolfram Alpha က တိတိကျကျ တွက်ချက်ပေးတတ်ပါတယ်။

ကျွန်တော် အထက်မှာ ဖော်ပြခဲ့သမျှဟာ Wolfram Alpha အတွက် အလွယ်ကူဆုံး မေးမြန်းချက်တွေပါ - ဒါတွေက Wolfram Alpha ရဲ့ စွမ်းဆောင်နိုင်ရည် အကုန် မဟုတ်သေးပါဘူး - နောက်ထပ်သူ့ကို ဘာတွေ မေးလို့ ရသေးလဲ ဆိုတာ နယ်ပယ်အလိုက် ဒီနေရာကနေ သွားရောက်လေ့လာပြီး သိချင်ရာကို မေးမြန်းနိုင်ပါသေးတယ်။

အထက်မှာ ဖော်ပြခဲ့သလောက်ကို လေ့လာခဲ့ပြီးရင် Wolfram Alpha ရဲ့ စွမ်းဆောင်နိုင်ရည်ကို အတိုင်းအတာ တစ်ခုထိတော့ မိသားစုဝင်တွေ အသိအမှတ်ပြုနိုင်လိမ့်မယ်လို့ မျှော်လင့်မိပါတယ်။

KznT.

Useful Tips for Gtalk Users

Google Talk ဆိုတာ Gmail အသုံးပြုသူ အားလုံးနီးပါး အသုံးပြုနေကြတဲ့ Messenger ပါ။ အမှန်အတိုင်း ပြောရရင် ကျွန်တော် Gtalk ကို သိပ်သဘောမတွေ့လှပါဘူး - ဘာကြောင့်လဲဆိုရင် Google Talk 1.0.0.104 Beta ဆိုပြီး Beta version နဲ့  2007 ခုနှစ်လောက်တည်းက ရပ်ထားခဲ့တာ ခုချိန်ထိ Final version ဆိုပြီး ထုတ်မပေးသေးတာရယ် - အမှန်တကယ် ပြင်ဆင်ဖို့ လိုအပ်နေသေးတာ သိနေရက်နဲ့ ဘာမှ ပြင်ဆင်ပြောင်းလဲမှု လုပ်မပေးသေးပဲ ဖြစ်သလို ပစ်ထားတာတွေရယ်ကြောင့် Gtalk ကို မသုံးချင်တာပါ။ မြန်မာနိုင်ငံက ကိုယ့်အပေါင်းအသင်းတွေနဲ့ မိသားစုကလည်း Gtalk ပဲ တော်တော်များများ အသုံးပြုနေကြတာ ကတစ်ကြောင်း - လုပ်ငန်းနဲ့ ပတ်သတ်တဲ့ အသိမိတ်ဆွေတွေကလည်း တစ်ခုခုဆို Gtalk acc ပဲ ပေးကြတော့ ကျွန်တော်လည်း  ဒီ မပြည့်မစုံနဲ့ Gtalk ကိုပဲ အားကိုးနေရတုန်းပါပဲ - ဘယ်လိုပဲ ဖြစ်ဖြစ် မဖြစ်မနေ သုံးနေရပြီ ဆိုတော့ ကိုယ့်အတွက် အသုံးလိုတာလေးတွေ လေ့လာခဲ့ရင်း Gtalk နဲ့ ပတ်သတ်ပြီး ကျွန်တော် သိခဲ့တဲ့  အကြောင်းတရားလေးတွေကို ဝေမျှလိုက်ပါတယ်။ တစ်ချို့လည်း သိပြီးသားတွေ ဖြစ်မှာပါ။ Gtalk နဲ့ ပတ်သတ်တဲ့ အကြောင်းအရာ ( ၁၅ ) ခု ကို တစ်စုတစ်စည်းတည်း ဖြစ်သွားအောင် ပေါင်းပြီး ဖော်ပြလိုက်ပါတယ်။


1. Gtalk အား Answering Machine အဖြစ် အသုံးပြုခြင်း

Gtalk ကို Answering machine တစ်ခုလို အသုံးချလို့ ရတယ်ဆိုတာ သိခဲ့ကြပါလား ?? ဟုတ်ကဲ့ သုံးလို့ ရပါတယ်။ ဘယ်လို အခြေအနေတွေ မှာ သုံးဖို့ သင့်တော်လည်း ဆိုရင် ကိုယ် အလုပ်များနေတဲ့ အချိန်မှာ ဖြစ်စေ - အကြောင်းကိစ္စ တစ်ခုခု ပေါ်လာလို့ အပြင်ခဏ သွားနေချိန်မှာ ဖြစ်စေ - ကိုယ့်ရဲ့ လတ်တလော အခြေအနေကို ကိုယ့်ဆီ ဆက်သွယ် လာသူတွေ သိရှိနိုင်အောင် အလိုလျောက် ပြောကြားစေချင်တဲ့ အခါမှာ ဒီ Answering machine က အတော်လေး အသုံးတည့်ပါတယ်။ 

လိုအပ်မယ့် application ကတော့ GtalkAutoReply ပါ။  အသုံးချပုံကတော့ install လုပ်ဆောင်ပြီးသွားချိန်မှာ username နဲ့ password ကို ထည့် ကိုယ် ပြောချင်တဲ့ စကားကို Message နေရာမှာ ရိုက်သွင်းပြီး Save and Enable Autoreply ကို နှိပ်လိုက်ယုံပါပဲ။ တစ်ယောက်ယောက်က ကိုယ့်ကို သူ့ Gtalk Contact List မှာ တွေ့နေရပေမယ့် ကိုယ့်ဆီ စာရိုက်ပြီး ဆက်သွယ်လိုက်ချိန်မှာ သူပြန်ရမယ့် Message ကတော့ အောက်ဖော်ပြပါ အတိုင်းပါ။ [Download here]

2. လျင်မြန်လွယ်ကူသော Contacts Shortcuts များ ဖန်တီးခြင်း

Google Talk ကို Desktop ပေါ် Shortcut ထုတ်တာတော့ လူတိုင်း နားလည်ကြပါတယ်။ ဒါပေမယ့် အခု ဖန်တီးမှာ Gtalk  shortcut မဟုတ်ပါဘူး - ကျွန်တော်တို့ Google Talk ထဲမှာ ရှိနေတဲ့ သူငယ်ချင်းတွေထဲက ကိုယ်နဲ့ အမြဲလိုလို စကားပြောလေ့ ရှိတဲ့ သူငယ်ချင်းတစ်ချို့နဲ့ အမြန်ဆုံး ဆက်သွယ်နိုင်ဖို့ တစ်ယောက်ချင်းစီကို Shortcut ထုတ်မှာပါ။ ဒီလို လုပ်ဆောင်ထားခြင်း အားဖြင့် အဲဒီ့ Shortcut ကို click လိုက်တာနဲ့ အရင်ကလို Gtalk buddy list ထဲမှာ ကိုယ်စကားပြောမယ့် သူကို မျက်စိမူးလောက်အောင် လိုက်ရှာစရာ မလိုတော့ပဲ ကိုယ်ရည်ရွယ်ထားသူနဲ့ စကားအပြန်အလှန်ပြောနိုင်တဲ့ Chat window တစ်ခု တစ်ခါတည်း တန်းပေါ်လာမှာ ဖြစ်ပါတယ်။


လုပ်ဆောင်နည်းကတော့ Desktop ပေါ်မှာ Right click ပေးပြီး New > Shortcut ကိုသွားလိုက်ပါ။ အောက်မှာ ဖော်ပြထားတဲ့ box မျိုးတွေ့ရပြီ ဆိုရင် gtalk:chat?jid=username@gmail.com ဆိုပြီး ရိုက်ပါ။ မရိုက်ချင်လည်း ဒီကနေ Copy ကူးပြီး Paste လုပ်လိုက်ပါ။ အောက်မှာ အနီနဲ့ ဝိုင်းပြထားတဲ့ username ဆိုတဲ့ နေရာမှာတော့ ကိုယ် စကားပြောချင်တဲ့ သူရဲ့ Gmail လိပ်စာကို ထည့်ပြီး Next ဆက်သွားလိုက်ယုံပါပဲ။ ဒါက Chatting box ကို တိုက်ရိုက် တန်းသွားတဲ့ နည်းလမ်းပါ။

တကယ်လို့ Chatting box ကို တိုက်ရိုက် တန်းသွားတာမျိုး မဟုတ်ပဲ Quick call သဘောမျိုး Shortcut လုပ်ချင်တာ ဆိုရင်လည်း ရပါတယ်။ အပေါ်က စာကြောင်းအစား ဒီစာကြောင်း >> gtalk:call?jid=username@gmail.com ကို သုံးပါ။ Username နေရာမှာတော့ ကိုယ် နဲ့ အစဉ်သဖြင့် စကားပြောလေ့ ရှိတဲ့ သူရဲ့ Account name ကို ထည့်ပေးရမှာ ဖြစ်ပါတယ်။ 

3. Gtalk account တစ်ခုထက်မက အသုံးပြုခြင်း

ဒီ trick ကတော့ တော်တော်များများ သိထားပြီးသားပါ။ Gtalk accounts တွေကို တစ်ခုထက် မက အသုံးပြုချင်သူတွေ အဆင်ပြေနိုင်စေမယ့် နည်းပါ။

• Gtalk shortcut ကို Desktop ပေါ်တင်ပြီး အဲ့ဒီ့ Desktop icon ပေါ်မှာ Right click ပေးပြီး Properties ထဲ ဝင်ပါ။
  

• ” /nomutex ”  ကို ဖော်ပြထားတဲ့ နေရာမှာ ထည့်သွင်းပေးပါ။ 
• အားလုံး လုပ်ဆောင်ပြီးသွားရင် Gtalk accounts တွေကို တစ်ခုထက် မက အသုံးပြုလို့ ရပါပြီ။
  

4. Always Idle ဖြင့် အလုပ်ရှုပ်ချင်ဟန်ဆောင်ခြင်း

ဒီ trick ကလည်း အားလုံး သိထားပြီးသား ဖြစ်လိမ့်မယ် ထင်ပါတယ်။ တစ်ခါတစ်လေ ကိုယ့်ဘာသာ စိတ်ရှုပ်နေလို့ ဘယ်သူနဲ့မှ စကားသိပ်မပြောချင်တဲ့ အခါမျိုးမှာ ဖြစ်စေ - အလုပ်များနေလို့ ကိုယ့်ဆီ ဆက်သွယ်လာသူတွေကို Reply မလုပ်နိုင်တဲ့ အခါမျိုးမှာ ဖြစ်စေ - Always Idle လုပ်ထားခြင်း အားဖြင့် မိတ်မပျက်တော့သလို စိတ်ဖြောင့်ဖြောင့်နဲ့လည်း ကိုယ့်လုပ်ငန်း ဆောင်တာတွေကို ဆက်လက် လုပ်ဆောင်နိုင်ပါလိမ့်မယ်။ 

သူ့ မူရင်း Website ကတော့ ပျက်သွားပါပြီ။ ဒါ့ကြောင့် တိုက်ရိုက် download လိုချင်တယ်ဆိုရင်တော့ Google Docs မှာ ကျွန်တော်တင်ထားတဲ့ ဒီနေရာကနေ ယူလိုက်ပါ။

5. စာသားများအား ပုံစံပြောင်းလဲခြင်း

Google Talk မှာ ကျွန်တော်တို့ ရိုက်နေကျ စာသားပုံစံတွေ အစား bold, italic ပုံစံတွေ ပြောင်းပြီး အထက်ဖော်ပြပါအတိုင်း ရိုက်လို့ ရပါတယ်။ လုပ်ဆောင်နည်းကတော့ ကိုယ်ရိုက်တဲ့ စာသားတွေကို Bold နဲ့ တက်စေချင်တယ် ဆိုရင် ကိုယ်ရိုက်တဲ့ စာလုံးကို *?* ကြားမှာ ထည့်ပေးပါ။ Italic နဲ့ပေါ်စေချင်တယ် ဆိုရင် ကိုယ် italic ဖြစ်စေချင်တဲ့ စာလုံးကို _ ?_  ကြားမှာ ထားပါ။ နှစ်ခုကို တွဲသုံးချင်တယ် ဆိုရင်တော့ အပေါ်မှာ ဖော်ပြထားတ့ဲ အတိုင်းသာ အသုံးချပါ။

6. Nickname ပြောင်းလဲခြင်း

Google Talk မှာ ကိုယ်မြင်နေရတဲ့ Nickname ကိုပြောင်းလဲ ဖို့အတွက် Gmail account > Settings > Accounts tab > edit info ကိုသွားပြီး ကိုယ်ပေးချင်တဲ့ နာမည်ပြောင်းပေးပါ။ နောက် Save Changes ကို Click ပေးပြီး ကိုယ်ပြောင်းထားတဲ့ အတိုင်း Save လုပ်ပါ။

7. Gtalk Startup Parameters များ အသုံးပြုခြင်း

Start > Run ကိုသွားပြီး " c:\Program Files\Google\Google Talk\googletalk.exe " ကိုရိုက်ပါ - သူ့ရဲ့နောက်မှာ ဒီအောက် မှာ ဖော်ပြထားတဲ့ Parameter တစ်ခုခုကို တွဲရိုက်ပြီး အသုံးပြုနိုင်ပါတယ်။ ဒါမှမဟုတ်ရင်လည်း ဒီ Parameter တွေ သုံးပြီး shortcut အနေနဲ့လည်း သုံးလို့ ရပါတယ်။ တစ်ခြား Parameters တွေရှိသေးပေမယ့် တကယ်အသုံးလိုမယ့် Parameters တွေလောက်ကိုပဲ ဖော်ပြလိုက်ပါတယ်။

/nomutex: ဒီ Parameter က Google Talk ကို တစ်ခုထက် ပိုပြီး ဖွင့်ချင်တဲ့ အခါ သုံးဖို့ Parameter ပါ။ ဘယ်လို အသုံးပြုလည်း ဆိုတာ အထက်မှာလည်း ဖော်ပြခဲ့ပြီးတာမို့ ထပ်ပြီး မဖော်ပြတော့ပါဘူး။

/autostart: Gtalk ကို အလိုလျောက် Start လုပ်ဖို့ လိုအပ်တဲ့ အခါ registry settings ထဲမှာ စစ်ဆေးစေတဲ့ Parameter ပါ။ ဒါပေမယ့် ကိုယ်က Gtalk ရဲ့ “Start automatically with Windows” option ကို unchecked လုပ်ထားခဲ့တယ် ဆိုရင်တော့ autostart ဖြစ်မှာ မဟုတ်ပါဘူး။

/forcestart: /autostart နဲ့ တူတူပါပဲ - ဒါပေမယ့် သူက Gtalk ကို စတင်ဖို့ force ပေးတဲ့ Parameter ပါ။

/S upgrade: Google Talk ကို Upgrade လုပ်ဖို့ သုံးနိုင်တဲ့ Parameter ပါ။

/checkupdate: Versions အသစ်ကို စစ်ဆေးဖို့ ဖြစ်ပါတယ်။

/factoryreset: Settings တွေ အားလုံးကို Default ပြန်ထားမယ့် Parameter ပါ။

/mailto email@host.com: Gmail သုံးပြီး mail ပို့နိုင်မယ့် Parameter ပါ။

/diag: Google Talk မှာ error တစ်ခုခု တက်ရင် စစ်ဆေးခိုင်းနိုင်မယ့် parameter ပါ။

8. သီချင်းများမျှဝေခြင်း

Gtalk မှာ  အထက်ဖော်ပြပါ အတိုင်း Show current music track လုပ်နိုင်ဖို့ Supported players တွေရဲ့ List ကို ဒီမှာကြည့်နိုင်ပါတယ်။ တစ်ဆင့်ပြန်ကူးပြီး ဖော်ပြရရင်တော့ အဲ့ players တွေက -

• iTunes
• Windows Media Player
• Winamp
• Yahoo Music Engine

ဒါပေမယ့်လည်း Show current music track လေး တစ်ခုပြဖို့ နောက် players တစ်ခုခု ပြောင်းတင် ရဦးမယ် ဆိုတာမျိုးကတော့ သိပ်သဘာဝ မကျလှပါဘူး - ဒါ့ကြောင့် တကယ်လို့များ ကျွန်တော်တို့တွေ Windows Media Player ကို သုံးဖြစ်တယ် ဆိုရင် ဒီ Show current music track က တစ်ခြား players တွေ install လုပ်ဖို့ မလိုတော့ပဲ အဆင်သင့် တန်းသုံးနိုင်ပါတယ်။ Windows Media Player ထဲမှာ ကိုယ်နားထောင်နေတဲ့ favourite music တွေကို Gtalk က ကိုယ့်သူငယ်ချင်းတွေ သိရှိစေနိုင်ဖို့  share လုပ်နိုင်တဲ့ inbuilt add-on တစ်ခုပါပါတယ်။ လုပ်ဆောင်ပုံ အနေနဲ့ကတော့

• ကိုယ်နှစ်သက်ရာ သီချင်းကို WMP နဲ့ ဖွင့်ထားပြီး ပုံမှာ မြင်ရတဲ့ အတိုင်း " Now Playing " ကနေ " Plugins " > "Options " ကို ဆက်သွားပါ။
  
• ဖော်ပြပါ options window ရဲ့အောက်မှာ " Plug-ins " option ကိုတွေ့ပါလိမ့်မယ်။ အဲ့ကနေ " Background " ကိုဆက်သွားရင် Google Talk Music Plugin ကိုညာဘက်မှာ တွေ့ရပါလိမ့်မယ်။
  
• သူ့ဘေးက Check-box မှာ click ပေးပြီး Ok ပေးလိုက်တာနဲ့ Gtalk မှာ ကိုယ် နားထောင်နေတဲ့ သီချင်းကို စတင်ပြသပါလိမ့်မယ်။ ( Gtalk မှာ Show current music track ဆိုပြီး ထားထားဖို့တော့ လိုပါတယ်။ )
  

9. Translation Bots များ အသုံးပြုခြင်း

Google Talk ကို အသုံးပြုပြီး မိမိတတ်ကျွမ်းတဲ့ ဘာသာရပ်နဲ့ လေ့လာနေတဲ့ ဘာသာရပ် နှစ်ခု အကြား အလွယ်တကူ ဘာသာပြန်မှု လုပ်ဆောင်ပေးနိုင်တယ်ဆိုတာ မိသားစုဝင်တော်တော်များများ သိပြီး ဖြစ်လောက်ပါတယ်။ ဒါကိုပဲ မသိရှိသေးသူတွေ အတွက် အလွယ်တကူ ဝေမျှနိုင်အောင် ထပ်မံဖော်ပြလိုက်ပါတယ်။ Bots လို့ ခေါ်တဲ့ ဒီ Program တွေဟာ User တစ်ယောက်ယောက်က ရိုက်သွင်းလိုက်တဲ့ ဘာသာတစ်ခုကို တစ်ခြား ဘာသာတစ်ခုဆီ အချိန်နဲ့ တပြေးညီ ဘာသာပြန်ပေးနိုင်အောင် စွမ်းဆောင်ပေးပါတယ်။ သူက languages နှစ်ခုကြားမှာ အလုပ်လုပ်တဲ့ Bots တြွေဖစ်တာမို့လို့ သူ့ရဲ့ Format က '[from language]2[to language]@bot.talk.google.com' ဖြစ်ပါတယ်။ ဘယ်လို လုပ်ဆောင်လဲ ဆိုတာ ဥပမာ အနေနဲ့ ဆိုရရင် ( English to Spanish ) ဘာသာပြန် bots ဖြစ်တဲ့ en2es@bot.talk.google.com ထဲကို "Hello" ဆိုပြီး ရိုက်သွင်းလိုက်တဲ့ အခါ သူဘာသာပြန်ပေးမှာက "Hola" ဆိုပြီး ဖြစ်ပါလိမ့်မယ်။ ဘာသာပြန်ပေးနိုင်တဲ့ bots တွေရဲ့ စာရင်းကို အောက်မှာ စုပြီး ဖော်ပြပေးထားပါတယ်။ ဒီနေရာကနေ သွားကြည့်လို့လည်း ရပါတယ်။ 

Languages	Bots
Arabic - English	ar2en	en2ar
Bulgarian - English	bg2en	en2bg
Czech - English	cs2en	en2cs
Danish - English	da2en	en2da
German - English	de2en	en2de
German - French	de2fr	fr2de
Greek - English	el2en	en2el
Spanish - English	es2en	en2es
Finnish - English	fi2en	en2fi
French - English	fr2en	en2fr
Hindi - English	hi2en	en2hi
Croatian - English	hr2en	en2hr
Italian - English	it2en	en2it
Japanese - English	ja2en	en2ja
Korean - English	ko2en	en2ko
Dutch - English	nl2en	en2nl
Norwegian - English	no2en	en2no
Polish - English	pl2en	en2pl
Portuguese - English	pt2en	en2pt
Romanian - English	ro2en	en2ro
Russian - English	ru2en	en2ru
Swedish - English	sv2en	en2sv
Chinese - English	zh2en	en2zh
Traditional Chinese - English	zh-hant2en	en2zh-hant
Traditional Chinese - Chinese	zh-hant2zh	zh2zh-hant

* သက်ဆိုင်ရာ bots တွေရဲ့ နောက်မှာ @bot.talk.google.com ဆိုပြီး ထည့် add ဖို့တော့ မမေ့ပါနဲ့။ 


ကျွန်တော် စမ်းသပ်ကြည့်သလောက်တော့ ဒီ translation feature ဟာ 100% ကြီးတော့ မမှန်ပါဘူး - မှန်သင့်သလောက်မှန်ပြီး အသုံးချလို့ ရတယ် ဆိုယုံလောက်ပါ။


အပေါ်မှာ ကြည့်တဲ့ List ထဲမှာ ကျွန်တော်တို့ မြန်မာတွေအတွက် မဖြစ်မနေ လိုအပ်တဲ့ English to Myanmar မပါတာ သတိထားမိကြပါလိမ့်မယ်။ Google ကနေ Support မပေးသေးပေမယ့် MMGEEKS ကနေ လုပ်ထားတဲ့  GTalk Dictionary Bot တစ်ခုတော့ ရှိပါတယ်။ လောလောဆယ် Release ကတော့ en2mm10 ကို ရောက်နေပါပြီ။ အသုံးပြုချင်သူများ ကိုယ့် Gtalk မှာ အောက်ဖော်ပြပါ acc ကို add ပေးပါ။

en2mm10@mmgeeks.org

ဒါပေမယ့် ဒီ အထက်ဖော်ပြပါ acc က အမြဲတမ်း ပုံသေ မဟုတ်ပါဘူး - en2mm acc တစ်ခုမှာ users ပေါင်း  ( 9900 + ) ဖြစ်သွားပြီ ဆိုရင် အဲ့ဒီ့ acc မှာ users ထက် လက်မခံတော့ပဲ  နောက်အကောင့် တစ်ခုမှာ ပြောင်းပြီး  လက်ခံပါတယ်။ ဘယ် acc ကို ပြောင်းသွားပြီလဲ ဆိုတာကတော့ သူ့ရဲ့ Facebook FanPage မှာ သွားကြည့်တာ ပိုကောင်းပါတယ်။

10. အခြားနည်းလမ်းဖြင့် Gtalk အသုံးပြုခြင်း

အရေးကြီး ကိစ္စရှိတယ် - တစ်ယောက်ယောက်နဲ့ ချိန်းထားတယ် - Online မှာ - အလုပ်ကိစ္စ - ချစ်ရေး ချစ်ရာ ဘာညာ သာဓကာ ဒါပေမယ့် Online တက်တော့ GTalk ကိုဝင်လို့ မရဘူး - ဘယ်လိုလုပ်မလဲ - အရေးပေါ်ဖြစ်နေပြီ - တစ်ခြား နည်းလမ်း မရှိတော့ဘူးလား - ဟိုကျော်ဒီခွ လုပ်ရမှာလား - Gtalk ကို တစ်ခြားနည်းနဲ့ လှည့်သုံးလို့ မရတော့ဘူးလား ?? ဟုတ်ကဲ့ နည်းလမ်းတွေ ရှိပါတယ်။ အောက်မှာ ဖော်ပြထားတဲ့ Web-messenger တွေနဲ့ လှည့်သုံးကြည့်ပါ။

http://www.meebo.com/
http://www.ebuddy.com/
http://www.iloveim.com/
http://www.koolim.com/
http://www.messengerfx.com/
http://www.communicationtube.net/
https://imo.im/
http://www.juslol.com/

11. Gtalk တွင် Invisible mode အသုံးပြုခြင်း

တစ်ခြား Messenger တွေမှာ Invisible mode ပါပေမယ့် Gtalk မှာ Invisible mode မပါတာတော့ တော်တော်ဆိုးပါတယ်။ လူတိုင်လည်း ဒါကို လိုချင်ကြတာ သိရက်နဲ့ Google က ခပ်တည်တည်နဲ့ Google Talk 1.0.0.104 Beta ဆိုပြီး Beta version မှာ ရပ်နေတုန်းပါပဲ။ ဘယ်တော့ Final version ထွက်မယ်မှန်းလည်း မပြောတတ်ပါဘူး။ Invisible mode ကို Gmail မှာ သုံးလို့ ရတာ သိကြပေမယ့် ဒီ Invisible mode ကို Gtalk မှာပဲ သုံးချင်တယ် ဆိုရင် လုပ်လို့ ရတဲ့ နည်းလမ်းတွေ အများကြီး ရှိပါတယ်။  တစ်ချို့ကတော့ Pidgin လိုမျိုး multi-protocol Instant Messaging client ကို အသုံးပြုပြီး Invisible လုပ်ကြတယ်။ အဲလိုမှ မဟုတ်လည်း တစ်ခြားနည်းလမ်းတွေလည်း ရှိပါသေးတယ်။ ဥပမာ Gtalk က နောက်အသစ်ထုတ်ထားတဲ့ Gtalk lab edition ကို သုံးပါ။ အဲ့ဒီ့ lab edition မှာ Invisible mode ပါပါတယ်။ စက်ထဲမှာ Gtalk တစ်ခုရှိပြီးသားမို့ နောက်ထပ် lab edition မသုံးချင်ဘူး ဆိုရင်လည်း ဒီနေရာကနေ အသုံးပြုလို့ ရပါတယ်။

12. အမှန်တကယ် Offline ဖြစ်မဖြစ် စစ်ဆေးခြင်း

ကျွန်တော် တော်တော်များများ ကြုံဖူးပါတယ်။ - တစ်ချို့သူတွေ Online မှာ ရှိနေကြတယ် - ဒါပေမယ့် သူတို့တွေက Invisible နဲ့ နေနေကြတယ်။ အဲတော့ သူတို့တွေ တကယ် Online မှာ ရှိမနေတာလား - ရှိနေရက်နဲ့ Invisible နဲ့ နေနေတာလား ဆိုတာ ကျွန်တော်တို့ သိနိုင်ပါ့မလဲ ?? ဟုတ်ကဲ့ နည်းလမ်း ရှိပါတယ်။ ဒီနည်းလမ်းကို သိထားပြီးသား သူတွေလည်း ရှိကောင်း ရှိမှာပါ။ ဒါပေမယ့် တစ်ခါတစ်လေမှာ တစ်ခါ ဖတ်ခဲ့ဖူးပေမယ့် သုံးလေ့ မရှိလို့ မမှတ်မိတော့တာမျိုး ရှိတတ်ပါတယ်။ အဲ့လို အခြေမျိုးမှာ နောက်တစ်ခါ ပြန်ဖတ်ဖို့ အဆင်ပြေနိုင်အောင်လို့ပါ။

လုပ်ဆောင်ရမယ့် နည်း အသေးစိတ်ကတော့ -

1.) Invisible နဲ့ နေနေတာလား - တကယ် Offline ဖြစ်နေတာလား ကိုယ်ကိုယ်တိုင် ဝေခဲွ မရဖြစ်နေတဲ့ သူကို စစ်ဆေးဖို့ Chat box ဖွင့်လိုက်ပါ။

2.) အောက်က ပုံမှာ ပြထားတဲ့ အတိုင်း Go off the record အရင်ပေးလိုက်ပါ။ ဘာကြောင့်ပေးလဲ ဆိုရင် ကိုယ်က သူ တကယ် Offline ဖြစ်မဖြစ် စမ်းမှာ မို့လို့ ကိုယ့်ဘက်က Go off the record ပေးမထားဘူး ဆိုရင် သူတကယ် Offline ဖြစ်နေတဲ့ အခါ ကိုယ်ရိုက်လိုက်တဲ့ စာတွေက သူ့ဆီကို Mail တစ်စောင်လို ဝင်သွားပါလိမ့်မယ်။ ဒါဆို သူ့ကို Invisible နဲ့ နေတာ ဟုတ်မဟုတ် စမ်းပြီ ဆိုတာ သူ Online တက်လာရင် သိသွားနိုင်ပါတယ်။ ကျွန်တော်တို့ Go off the record  ပေးထားရင်တော့ သူတကယ် Offline ဖြစ်နေလည်း ကိုယ်ရိုက်ထားတဲ့ စာတွေက သူ့ဆီကို Mail အနေနဲ့လည်း ဝင်မှာ မဟုတ်ပါဘူး - ဒါ့ကြောင့် ကိုယ်စမ်းသပ်ထားတယ် ဆိုတာလည်း သူသိနိုင်မှာ မဟုတ်ပါဘူး။

3.) အောက်ဖော်ပြပါအတိုင်း စတင်ပြီး စာနည်းနည်း ရိုက်လိုက်ပါ။ တကယ်လို့ ကိုယ် Target ထားတဲ့သူက တကယ် Offline ဖြစ်နေတယ်ဆိုရင် ကိုယ်စာရိုက်ပြီးတဲ့ နောက်မှာ အောက်ဖော်ပြပါအတိုင်း စာတက်လာပါလိမ့်မယ်။

4.) တကယ်လို့ ကိုယ် Target ထားတဲ့သူက Online ဒါမှမဟုတ် Invisible လုပ်နေတာ ဆိုရင် ခုလိုမျိုး ဘာစာမှ တက်လာမှာ မဟုတ်ပါဘူး။

Go off the record လုပ်တာက Gmail > Settings > Chat အောက်က Never save chat history. ကနေ လုပ်လည်း ရပါတယ်။ အဆင်ပြေသလိုသာ လုပ်ပါ။ အဲလို လုပ်မယ် ဆိုရင် Save changes လုပ်ဖို့သာ မမေ့ပါနဲ့ - ပြီးရင်တော့ အပေါ်က အတိုင်း စမ်းလို့ရပါပြီ။

13. Blocked ခံထားရခြင်း ဟုတ်မဟုတ် စစ်ဆေးခြင်း

ကိုယ်နဲ့ အမြဲ စကားပြောနေကျ သူတစ်ယောက် Online မှာ ကြာရှည်မတွေ့ရတော့တဲ့ အခါ - တွေ့ပြန်ရင်လည်း ခဏတဖြုတ်ပဲ တွေ့ရလေ့ ရှိပြီး ရက်အတော်ကြာကြာ ပျောက်နေတတ်တာတွေ ကြုံလာရတဲ့အခါ ကိုယ့်ကိုယ် သူများ Blocked လုပ်ထားသလား ဆိုပြီး သံသယ အတွေးနဲ့ နေမထိ ထိုင်မသာ ဖြစ်လာတတ်ပါတယ်။ အဲ့လို ခံစားနေရပြီ ဆိုရင် ကိုယ့်ကို တကယ် Blocked လုပ်ထားမထား စမ်းသပ်ကြည့်နိုင်မယ့် နည်းလမ်းရှိပါတယ်။ ဒီအောက်မှာ ဖော်ပြမယ့် နည်းလမ်းကတော့ ကိုယ့်ကို Blocked လုပ်ထားမထား ဆိုတာ Pidgin ကို သုံးပြီး စမ်းသပ်မယ့် နည်းလမ်းပါ။ စိတ်ပါဝင်စား သူများ Account နှစ်ခုကနေ ကိုယ့်ဘာသာ Block လုပ်ပြီး စမ်းကြည့်နိုင်ပါတယ်။


1. အရင်ဆုံး Pidgin ကို Download ချပြီး Install လုပ်ဆောင်ထားဖို့ လိုပါတယ်။


ဒီနေရာကနေ Pidgin chat client ကို Download ချပြီး install လုပ်ဆောင်လိုက်ပါ။


2. Pidgin ထဲမှာ Gtalk acc များ ထည့်သွင်းပါမယ်။


Gtalk acc တွေ ထည့်သွင်းဖို့ကတော့ Accounts > Manage Account > Add ကနေ ထည့်သွင်းသွားလို့ ရပါတယ်။ ပုံစံတူ တစ်ခု ကျွန်တော် ထည့်ပြထားပါတယ်။ ဒီလိုမျိုးပါ။

3. ဘယ်သူတွေ ကိုယ့်ကို Block ထားသလဲ  ?

ကိုယ့်ကို Blocked လုပ်ထားတယ်လို့ ကိုယ့်စိတ်ထဲ သံသယ ရှိနေတဲ့ သူ တစ်ယောက်ယောက်ရဲ့ Acc ပေါ်မှာ အောက်ဖော်ပြပါ အတိုင်း Right click ထောက်ပြီး Get info ကို click ပေးလိုက်ပါ။

အဲလို လုပ်လိုက်လို့ ကိုယ်သံသယ ရှိနေတဲ့ သူက ကိုယ့်ကိုယ် တကယ် Block လုပ်မထားပဲ အမှန်တကယ် Offline ဖြစ်နေတာ သေချာရင် အောက်ဖော်ပြပါအတိုင်း မြင်ရပါလိမ့်မယ်။

တကယ်လို့ ကိုယ့်ကိုယ် Block လုပ်ထားတယ် ဆိုရင်တော့ Get info ကို Click ပေးတဲ့ အချိန်မှာ အောက်ဖော်ပြပါအတိုင်း ဘာမှကို တွေ့ရမှာ မဟုတ်ပါဘူး။ ဒီနည်းနဲ့ ကိုယ့်ကို တကယ် Block လုပ်ထား မထား စစ်ဆေးကြည့်နိုင်ပါတယ်။

14. Gtalk audio calls များအား Save လုပ်ခြင်း

တစ်ယောက်ယောက်နဲ့ Gtalk မှာ စကားပြောခဲ့တယ် - ဒါပေမယ့်လည်း ဖုန်းချပြီးသွားချိန်မှာ အဲ့အသံလေး ပြန်ကြားချင်နေတုန်း ဒီ အသံလေး ထပ်ကြားချင်နေတုန်း စသဖြင့် Gtalk မှာ အပြန်အလှန် ပြောခဲ့ကြတဲ့ စကားသံတွေကို သိမ်းထားနိုင်ဖို့ အတွက် လုပ်ဆောင်နိုင်တဲ့ လုပ်ဆောင်နည်း အမျိုးမျိုး ရှိပါတယ်။ ကျွန်တော်ကတော့ Total Recorder Professional ကို သုံးပါတယ်။ တစ်ခြား ဒီ့ထက် ပေါ့ပါးပြီး သုံးရလွယ်တဲ့ Solicall ဆိုတာလည်း ရှိပါတယ်။ ဒါပေမယ့် Solicall ဟာ Windows 2000/XP အတွက်ပဲ မို့လို့ Windows Vista - 7 သုံးသူတွေ အတွက် အဆင်မပြေနိုင်ပါဘူး။ Total Recorder Professional ကတော့ အားလုံး အတွက် အဆင်ပြေပါတယ်။

Myanmar Family - Reco Prof
http://mir.cr/L7YFJVRH

15. Yahoo messenger, Gtalk, AIM, MSN ... Chatting အားလုံး Client တစ်ခုတည်းဖြင့် အသုံးပြုခြင်း

Online နဲ့ ပတ်သတ်ဖူးသူတိုင်း Chatting နဲ့ရင်းနှီးကြပါတယ်။ အဲမှာ ကျွန်တော်တို့ နဲနဲ ပြဿနာ တက်တာက ကိုယ်နဲ့ ရင်းနှီးတဲ့ သူတွေက ကိုယ်သုံးတဲ့ Chat Client ကို မသုံးကြတာ - ဥပမာ ပြောရရင် ကျွန်တော်က Yahoo Messenger သုံးတယ် ဆိုပါစို့ ကျွန်တော့် အသိတွေက Window Live Messenger သုံးတဲ့ သူရှိတယ် - Gtalk သုံးတဲ့သူရှိတယ် - နောက် တစ်ခြား Messenger သုံးတဲ့ သူတွေလည်း ရှိသေးတယ် - အဲတော့ ပြဿနာက အားလုံးကို ကျွန်တော်သုံးနေတဲ့ Yahoo Messenger ထဲ ခေါ် Add ထားလို့ မရဘူး - တစ်ခုခု ပြောစရာရှိပြီ ဆိုရင် ကျွန်တော်က သူတို့ သုံးတဲ့ Messenger လိုက်သုံးရမလို ဖြစ်နေတယ် - ဒီလိုပြဿနာကို ဖြေရှင်းနိုင်ဖို့ အတွက် အကောင်းဆုံးက Multiple applications တွေ ဖြစ်တဲ့ ( Yahoo Messenger, Gtalk, MSN Messenger ... စသဖြင့် ) တစ်ခြား Networks အသီးသီးက သူငယ်ချင်းတွေကို တစ်နေရာတည်းကနေ ဆက်သွယ်လို့ ရမယ့် Multi-protocol Instant Messaging client တစ်ခုကို သုံးဖို့ပါ - သူကတော့ Pidgin ပေါ့ - Pidgin ကို သုံးခြင်း အားဖြင့် ကိုယ့်ရဲ့ IM accounts အားလုံးကို တစ်နေရာတည်းကနေ ပေါင်းစည်း သုံးစွဲလို့ ရစေမှာ ဖြစ်ပါတယ်။ ဒီ့ထက်ကောင်းတာကတော့ သူက Open Source ဖြစ်ပြီး Free ပေးတာပါ။

Pidgin နဲ့ အတူတူ လုပ်ဆောင်နိုင်တဲ့ Messenger တွေကတော့

* Google Talk
* MSN
* Yahoo!
* AIM
* ICQ
* IRC
* MySpaceIM
* Bonjour
* Gadu-Gadu
* Groupwise
* QQ
* SILC
* SIMPLE
* Sametime
* XMPP
* Zephyr

Pidgin ဟာ အပေါ်မှာ ပြောထားခဲ့ပြီး သလို IM networks အသီးသီးကို တစ်ချိန်တည်း တစ်ပြိုင်တည်း ဝင်ရောက် အသုံးပြုနိုင်တဲ့ Client ဖြစ်လို့ AIM က သူငယ်ချင်း တစ်ယောက်နဲ့ စကားပြောနေတဲ့ အချိန်မှာပဲ Yahoo Messenger က သူငယ်ချင်းနဲ့လည်း တစ်ချိန်တည်း တစ်ပြိုင်တည်း စကားပြောနိုင်မှာဖြစ်ပါတယ်။ တစ်ခြား Features တွေ အများအပြား ပါဝင်သေးပေမယ့် ကျွန်တော်က Pidgin က အရောင်းမြှင့်တင်ရေး ဝန်ထမ်း မဟုတ်လို့ အကျယ်မချဲ့လိုတော့ပါဘူး - စမ်းသပ်သုံးစွဲချင်သူများ ဤနေရာကနေ ကြွပါ။

13. တစ်စုံတစ်ယောက်၏ IP address အား Chat မှ တစ်ဆင့် ရှာဖြွေခင်း

တစ်ယောက်ပြီး တစ်ယောက် သိချင်ကြတယ် - နိုင်ငံခြား ဖိုရမ်တွေမှာ ကြည့်လည်း ဒီအကြောင်းအရာကိုပဲ ခေါင်းစား လောက်အောင် မေးတာတွေ့ရတယ် - ဘယ်လိုမေးကြလဲ ဆိုတော့ " ကျွန်တော်/ကျွန်မ နဲ့ Chat နေတဲ့ သူရဲ့ IP address ကို ဘယ်လိုများ သိနိုင်ပါသလဲ " ဒီမေးခွန်းနဲ့ ပတ်သတ်ပြီး တစ်ချို့ကလည်း ဒီလို ဖြေတာ တွေ့ရတယ် -

cmd ကနေ တစ်ဆင့် netstat -n နဲ့ ရှာလို့ ရတယ် ဘာညာ စသဖြင့် - ဒါပေမယ့် ဒီနည်းလမ်းတွေက တရားသေကြီး မဟုတ်ပါဘူး - ဆိုလိုတာ ဒီနည်းလမ်းကို သုံးတာနဲ့ static IP ကို ရပါမယ်လို့ ဘယ်သူမှ အာမမခံနိုင်ဘူး - ခုခေတ်မှာ home users တွေလောက်ကလွဲရင် ဘယ်သူမှ static IP ကို မသုံးကြတော့ဘူး - အားလုံးက dynamic IP တွေနဲ့ ချည်း နေကြတာ - ဒါကို ကိုယ်က မသိပဲ ဒီနည်းနဲ့ လုပ်ရင် IP ရတယ် ဆိုပြီး လုပ်နေလို့ကတော့ ကျွန်တော်တို့ အရူးပဲ ဖြစ်မှာပါပဲ -

နောက်ထပ် ပြောစရာ ရှိတာတွေက IP address ဆိုတာမျိုးဟာ လျှို့ဝှက်ထားရလောက်အောင်ထိ သိပ်ပြီး ကြီးကျယ်တဲ့ အကြောင်း အရာမျိုး မဟုတ်ပါဘူး - IP address ဆိုတာ သာမန် စာလုံးတွေပါ - အဲ့ စာလုံးတွေက ကိုယ့်ရဲ့ Personal info တွေကို ဖော်ပြနိုင်တာ မျိုးလည်း မဟုတ်ပါဘူး - ဒီ့ထက် နားလည်လွယ်အောင် ပြောရရင် IP address ဆိုတာ Computer တို့ Router တို့မှာ ရှိနေတဲ့ Network တစ်ခုနဲ့ တစ်ခုကြား ဆက်သွယ်ပေးတဲ့ network devices တွေရဲ့ Address တွေပါ - ဆိုကြပါစို့ ကျွန်တော်တို့ ဒါကို လမ်းလိပ်စာ တစ်ခုအနေနဲ့ ရှုမြင်လိုက်မယ် - ဒီတော့ ဖြစ်လာမှာ network ဆိုတာ လမ်း - ပြီးတော့ network device တစ်ခုချင်းစီက အိမ် တစ်လုံးစီ - ဒါ့ကြောင့် ကျွန်တော့် IP address က '192.168.0.5', ဖြစ်တယ် ဆိုပါစို့ ဒီလိုဆို ကျွန်တော်နေတဲ့ နေရာက လမ်းနံပါတ် '192.168.0' နဲ့ အိမ်နံပါတ် '5' မှာနေတယ် ဒီသဘောပါပဲ။

နောက် လမ်းတစ်ခုစီ အတွက် စာပို့သမား တစ်ယောက်စီ ရှိတယ် ဆိုပါစို့ - ဒီစာပို့သမားတွေက လမ်းနံပါတ်တွေနဲ့ အိမ်လိပ်စာတွေ တိတိကျကျ သိကြတယ်ထား။ နောက်ထပ် ဥပမာ တစ်ခု ကျွန်တော် ထပ်ပြပါ့မယ်။ ကျွန်တော်တို့က Google Talk Messenger ကို စဝင်လိုက်ပြီ - 'Login' button ကို ကျွန်တော်တို့ စပြီး Click ပေးလိုက်တာနဲ့  ကျွန်တော်တို့ရဲ့ Computer ကနေပြီး ချက်ချင်း စာပို့သမားကို လှမ်းပြောလိုက်တယ် "ဟေ့လူ .. ဒီစာလေးငါ့ကို Google Talk Service ကို ပို့ပေးစမ်းပါကွာ - ငါ login ဝင်တော့မယ်လို့ " - အဲလို ပြောလိုက်တာနဲ့ စာပို့သမားကနေပြီး ကျွန်တော်တို့ ရိုက်ထည့်ပေးလိုက်တဲ့ username နဲ့ password ကို စာထဲမှာ ထည့်ယူသွားပြီး Google Talk Service  ကွန်ပြူတာ ကို ပို့ပေးပါလိမ့်မယ်။ အဲလိုပို့လိုက်တဲ့ စာရပြီ ဆိုရင်ပဲ Google Talk Service  ကွန်ပြူတာ ကနေပြီး ဝင်ပါ /ဝင်လို့ မရပါဘူး စတဲ့ စာကို ပြန်အကြောင်းကြား ပို့လွှတ်ပါ လိမ့်မယ်။

--- ဒီအခြေအနေမှာ ကျွန်တော်တို့ကနေပြီး ကျွန်တော်တို့ သုံးနေတဲ့ IP address  ကို အနည်းဆုံး network devices နှစ်ခုဆီ ပေးရပါလိမ့်မယ်။ သူတို့တွေကတော့ လမ်းထဲက စာပို့သမားနဲ့ Google Talk Service  ကွန်ပြူတာပါ။

နောက် file တစ်ခုခုကို Google Talk Messenger ကနေ သူငယ်ချင်း တစ်ယောက်ယောက်ဆီ ပို့လိုက်ပြီ ထား - ကိုယ့် သူငယ်ချင်းက Accept ဆိုတာကို click ပေးလိုက်တာနဲ့ သူ့ ကွန်ပြူတာကနေ " အိုကေပါ - ငါ ဒီ file ကို လက်ခံပါ့မယ် - ဒါ ငါ့ လိမ်စာပါ " ဆိုပြီး စာပြန်လာပါလိမ့်မယ်။

---  ဒီအခြေအနေမှာ ဆိုရင် အနဲဆုံး ကွန်ပြူတာ သုံးလုံးက ကျွန်တော်တို့ သုံးနေတဲ့ IP address ကို သိပါတယ်။ အဲတာကတော့ စာပို့သမား - ကျွန်တော်တို့ ကွန်ပြူတာနဲ့ Google Talk Service  ကွန်ပြူတာပါ။  ခု ဖော်ပြခဲ့တာတွေကတော့ အရိုးရှင်းဆုံး အင်တာနက်ရဲ့ လုပ်ဆောင်ချက်တွေပါပဲ။

နောက်တစ်ဆင့် အနေနဲ့ လူအများ မေးလေ့ ရှိကြတဲ့ သိချင်ကြတဲ့ မေးခွန်း တစ်ချို့ကိုပါ တစ်ဆက်တစ်စပ်တည်း ဖော်ပြပေး သွားပါ့မယ်။

[*]ကျွန်တော့် ကွန်ပြူတာက အင်တာနက်နဲ့ ချိတ်ထားတာမျိုး မရှိဘူး - အဲတာဆိုရင်ရော ကျွန်တော့် ကွန်ပြူတာမှာ IP address ရှိသလား ??
အဖြေကတော့ လမ်းတစ်ခု ထဲမှာ အိမ်ဝယ်လိုက်ရင် အိမ်နံပါတ်တော့ ရတာပဲမလား ?? ဒီသဘောပါပဲ - ကိုယ့်ကွန်ပြူတာက အင်တာနက် ချိတ်ဆက်ထားသည် ဖြစ်စေ ချိတ်ဆက် မထားသည် ဖြစ်စေ Network တစ်ခုခု ထဲမှာ ပါဝင်နေမယ် ဆိုရင်တော့ IP address ဆိုတာ ရှိနေမှာပါပဲ။

[*]IP address ဆိုတာ ကွန်ပြူတာ ထုတ်လုပ်သူတွေကနေ ဆုံးဖြတ်ရွေးချယ်တာမျိုးလား ??
မဟုတ်ပါဘူး အဲတာက ကိုယ် ပါဝင်ထားတဲ့ Network ပေါ် မူတည်ပါတယ်။ တစ်ခါတစ်ရံမှာ Network တွေကနေ IP address ကို အလိုလျောက် ထုတ်ပေးတတ်ပြီး တစ်ခါတစ်လေကျရင်တော့ ကိုယ်ကိုယ်တိုင်ပဲ ဖြည့်သွင်းပေးရပါတယ်။

[*] ကျွန်တော့် IP address ကို ဘယ်လို သိနိုင်မလဲ ?
ဒါက ကိုယ်ရှာနေတာ / ကိုယ်သိချင်တာ ဘယ် IP address ဆိုတာလည်း အပေါ်မှာ မူတည်ပါတယ်။ တကယ်လို့ ကိုယ့် ကွန်ပြူတာက Router တစ်ခုရဲ့ နောက်ကွယ်မှာ ရှိနေတာမျိုးဆိုရင် ကျွန်တော်တို့မှာ internal (LAN) နဲ့ external (internet) IP address ဆိုတာ ရှိလာပါတယ်။  'ipconfig' program ကနေပြီး ( Start > Run > cmd > ipconfig ) ကျွန်တော်တို့ရဲ့ IP address ကို အလွယ်တကူ ရှာဖွေနိုင်ပါတယ်။ တကယ်လို့ external IP address ကို သိချင်တာ ဆိုရင်တော့ Webpage တွေပေါ်မှာ တွေ့မြင်နိုင်ပါတယ်။ တကယ်လို့ ကိုယ့်မှာ Router မရှိဘူး အင်တာနက်နဲ့ တိုက်ရိုက် ချိတ်ဆက်ထားတာမျိုး ဆိုရင်တော့ ကျွန်တော်တို့ရဲ့ internal IP address နဲ့ external IP address က အတူတူပဲ ဖြစ်နေမှာပါ။

[*] တစ်ယောက်ယောက်က ကျွန်တော့် IP address ကို သိယုံနဲ့ ကျွန်တော့်ကွန်ပြူတာကို သူလုပ်ချင်သလို လုပ်လို့ ရနိုင်သလား ??

 အရှင်းဆုံး ဖြေရရင်တော့ မရပါဘူး - ဒါပေမယ့် ဒီအကြောင်းအရာက ကိုယ့် ကွန်ပြူတာကို ကိုယ်ဘယ်လို သုံးသလဲ ဆိုတာပေါ်လည်း မူတည်ပါသေးတယ်။ ဒီလို အခြေအနေမျိုးက ကိုယ့်စက်မှာ Malicious program လို့ ခေါ်တဲ့ ( ဥပမာ - trojan )  ဆိုတာမျိုး ရှိနေမယ် ဆိုရင် သူ့ကို အသုံးပြုပြီး ကိုယ့်ကွန်ပြူတာရဲ့ နောက်ကွယ်ကနေ Hackers တွေက လုပ်ချင်သလို လုပ်နေလို့ ရပါတယ်။ ဒါပေမယ့် ယေဘုယျ အားဖြင့်တော့ ကိုယ့်ကွန်ပြူတာက Router နဲ့ တစ်ဆင့် ခံထားမယ် ဒါမှမဟုတ်  firewall နဲ့ ကာထားမယ် ဆိုရင်တော့ ဒီ ပြဿနာ အတွက် စိတ်ပူစရာ မလိုပါဘူး - လုံခြုံပါတယ်။

ခုပြောခဲ့ သလောက်ဟာ တစ်စုံတစ်ယောက်၏ IP address အား Chat မှ တစ်ဆင့် ရှာဖြွေခင်း ဆိုတဲ့့ ခေါင်းစဉ်နဲ့ ပတ်သတ်ပြီး အကျဉ်းချုပ်ပါပဲ။

14. Gtalk Themes များ ပြောင်းလဲ အသုံးပြုခြင်း

Gtalk ကို တစ်ချို့က နဂို ပါလာတဲ့ Themes နဲ့ မသုံးချင်ကြဘူး - အပြောင်းအလဲ လေးနဲ့ လှတပတလေး သုံးကြည့်ချင်ကြတယ် - အဲ့ အတွက် ပြောင်းလဲ နိုင်မယ့် အရောင်ခြောက်မျိုးနဲ့ Themes တွေ စုစည်းပေးလိုက်ပါတယ်။ သူတို့နဲ့ တစ်ဆက်တည်း Gtalk ရဲ့ Colour ကို ဘယ်လို ပြောင်းလဲ နိုင်မလဲ ဆိုတာကိုပါ tutorial နဲ့ ဖော်ပြပေးသွားပါ့မယ်။

• Blue Theme | Download theme now
• Pink Theme | Download theme now
• Black Theme | Download theme now
• Red Theme | Download theme now
• Yellow Theme | Download theme now
• Purple Theme | Download theme now

လုပ်ဆောင်နည်း အဆင့်ဆင့်ကတော့ -

• 1. ပထမဆုံး Resource Editor/Viewer ရှိဖို့လိုအပ်ပါတယ်။ ပေးထားတဲ့ Link ကနေ ကြိုက်နှစ်သက်ရာကို ရွေးပြီး Download ယူပါ။
  
• 2. googletalk.exe ရှိရာကို သွားပါ - ပုံမှန်အားဖြင့်တော့ သူက C:\Program Files\Google\Google Talk folder ထဲမှာ ရှိပါတယ်။
  
• 3. တွေ့ရတဲ့ original googletalk.exe ကို မိတ္တူပွားယူပါမယ်။ ဒီလုပ်ငန်းစဉ်မှာ ကျွန်တော်တို့က မူရင်း googletalk.exe ကို ပြင်ယူရမှာ ဖြစ်တဲ့ အတွက်ကြောင့်မို့လို့ မတော်လို့ အမှားတစ်ခုခု ဖြစ်ရင် အန္တရာယ်ကင်းအောင် မိတ္တူပွားယူတဲ့ သဘောပါ။
• 4. နောက်တစ်ဆင့် အနေနဲ့ Resource Editor ကို သုံးပြီး ပွားယူထားတဲ့ googletalk.exe ကိုဖွင့်ပါမယ်။
  
• 5. အဲလို ဖွင့်လိုက်ရင် တွေ့ရတဲ့ Bitmap tree ကို Expand လုပ်ပြီး bitmaps 139, 5001-5104 နဲ့ 6007 ကို ပြင်ဆင်ရ ပါမယ်။ အဲ့ဒီ ဖိုင်တွေက Colour တွေကို ပြင်ဆင်ရမယ့် ဖိုင်တွေပါ။
• 6. အဲ့ဒီဖိုင်တွေကို ပြင်ဆင်ပါဆိုတော့ တစ်ခြား ဖိုင်တွေကရောလို့ မေးစရာ ရှိပါတယ်။ တစ်ခြား bitmaps files တွေက Google Talk ရဲ့ တစ်ခြား အပိုင်းတွေကို ကိုယ်စားပြုပါတယ်။
  
• 7. ကိုယ်နှစ်သက်တဲ့ colour ကို ပြင်ဆင်ပြီးပြီ ဆိုရင် မူရင်း bitmaps နေရာမှာ ကိုယ်ပြင်ထားတဲ့ bitmaps နဲ့ အစားထိုး ရပါမယ်။
  
• 8. အားလုံးပြီး သွားရင် Save လုပ်ပြီး အသုံးပြုနိုင်ပါပြီ။
  

ဒီလောက်နဲ့ တင် ကျွန်တော် မရပ်ချင်သေးပါဘူး - နောက်ထပ် Gtalk နဲ့ ပတ်သတ်ပြီး အသုံးဝင်မယ့် Gtalk applications တွေ Themes တွေ တည်ရှိရာ နေရာတွေကို လမ်းညွှန်လိုက်ချင်ပါသေးတယ်။

ဒီအောက်မှာ ဖော်ပြထားတဲ့ Links တွေကတော့ Gtalk themes တွေနဲ့ ပတ်သတ်ပြီး ပြင်ဆင်ချင်သူ - အသေးစိတ် လေ့လာလိုသူ - ထပ်မံပြင်ဆင်သေးချင်သူတွေ အတွက် အသုံးဝင်မယ့် Links တွေ ဖြစ်ပါတယ်။

• Gtalk.anthonysottile
• Googletalkthemes
• Customizetalk
• Gtheme.sravi

Gtalk Themes ကို ကိုယ်တိုင် လုပ်ချင်သူတွေလည်း ရှိကောင်း ရှိဦးမှာပါ - အဲလို လူတွေ အတွက်တော့ အသင့်ဖော်ပြထားပြီး သားနေရာ ရှိပါတယ်။ ဒီနေရာကနေ သွားပါ။

15. Gtalk ဖြင့် Online Radio နားဆင်ခြင်း

Gtalk2Voip ဆိုတာ ပုံမှန်အားဖြင့်တော့ voice calling service တစ်ခုပါ - ဒါပေမယ့် သူက Gtalk ကနေ Radio နားထောင်လို့ ရအောင်လည်း လုပ်ဆောင်ပေးနိုင်ပါတယ်။ Gtalk ကနေ Radio နားဆင်နိုင်ဖို့ ကျွန်တော်တို့ လုပ်ဆောင်ရမှာ အနည်းအကျဉ်း လောက်ပါပဲ - ဒီအောက်ဖော်ပြပါ အဆင့်လေးတွေကို လုပ်ဆောင်ကြည့်ပါ -

1) အရင်ဆုံး service@gtalk2voip.com ကို ကိုယ့် IM friend တစ်ယောက်လို Add ရပါမယ်။

2) နောက်တစ်ဆင့် အနေနဲ့ Chat window မှာ Help လို့ ရိုက်ရပါမယ်။ အဲလို ရိုက်လိုက်ရင် သုံးနိုင်မယ့် Commands တွေကို တွေ့ရပါလိမ့်မယ်။

3) အဲ့ကနေ ကျွန်တော်တို့က Radio နားထောင်ချင်တာ မို့လို့ Radio လိုက် ထပ်ရိုက်လိုက်ရင် နားထောင်လို့ ရမယ့် Radio Live Stations တွေကို တွေ့ရပါလိမ့်မယ်။

4) နောက်ဆုံး အဆင့်အနေနဲ့ Chat window မှာ ကိုယ်နှစ်သက်ရာ နားထောင်ချင်တဲ့ radio number ကို  အောက်ဖော်ပြပါ အတိုင်း ရွေးချယ် ရိုက်သွင်း လိုက်ပါမယ်။ ဥပမာ အနေနဲ့ “radio 107” ဆိုကြပါစို့ -

5) ဒီလိုဆိုရင် Online streaming radio ကို နားဆင်ဖို့ gtalk2voip ကနေ ကျွန်တော်တို့ကို Call လုပ်လာပါလိမ့်မယ်။

ဝင်လာတဲ့ Call ကို Accept ပေးလိုက်တာနဲ့ ကျွန်တော်တို့ နားထောင်ချင်တဲ့ Radio ကို စတင်နားဆင်လို့ ရပါပြီ။ ဒါပေမယ့် ကိုယ်နေတဲ့ နေရာပေါ် မူတည်ပြီး တစ်ချို့ Radio Stations တွေက နားထောင်လို့ ရမရ ဆိုတာတွေ ရှိပါသေးတယ်။ အဲ့ အတွက်တော့ Sorry ပါ။

အနှစ်ချုပ်

ဒီအကြောင်းအရာကို စရေးဖို့ ကြိုးစားတုန်းကတော့ အကြောင်းအရာ အမျိုး ၃၀ ကျော်ကျော်လောက် ရေးမလို့ပါပဲ - ဒါပေမယ့် ရေးလာရင်းနဲ့ တကယ်တမ်း မလိုလောက်ပါဘူးလို့ ထင်တာတွေ ဖြုတ်ချခဲ့ရင်း ၁၅ မျိုးပဲ ကျန်ပါတော့တယ်။ အဲ့တော့လည်း ၁၅ မျိုးပဲပေါ့ -

KznT.

Chit Thu Wai - Big Mistake

ဒီ သီချင်းက ဘယ်လိုရည်ရွယ်ထားတယ်ဆိုတာ မသိပေမယ့် အပြစ်ကြီးကြီး လုပ်မိသူ တစ်ယောက်ကို ရည်ရွယ်တယ်လို့ ကိုယ့်ဘာသာကိုယ် သတ်မှတ်လိုက်တယ် - သတ်မှတ်လို့ရော ရနိုင်မလား ??

ငါ အပြစ်လုပ်ခဲ့မိသလား - ငါ့ကိုယ်ငါ သတ်မှတ်ပိုင်ခွင့် မရှိဘူး - ပတ်ဝန်းကျင် က သတ်မှတ်တာကိုပဲ ငါ ခံခဲ့ရတာပဲ -

တကယ်တော့ အပြစ်ဆိုတာ ဘယ်သူမှ မလုပ်ချင်ကြဘူး - အပြစ်ကြီးကြီးဆို ပိုလို့တောင် ဘယ်သူမှ မလုပ်ချင်ကြသေးတယ် - ငါလည်း တူတူပေါ့ -

KznT.

Recycle Bin and & System Volume Information

အခုကျွန်တော် ညီလေး ကျောက်ဖြူ တင်ပေးထားတဲ့ window 7 Aleinware သုံးနေပါတယ် ..
ဟိုးအရင် XP သုံးတုန်းက Drive တွေ Folder တွေမှာ Background ကို ပုံလေးတွေထည့်ပီး သုံးထားပါတယ်...
shell icon ဆော့ဝဲသုံးပီးလုပ်ပါတယ် .....ဒီနေရာ လေးက ကိုုkyawmin တင်ပေးထားတဲ့ software လေး သုံးထားတာပါ ..
အခုကျတော့ အဲ့ဒီလိုလုပ်ထားတဲ့ ဖိုင်တွေ Drive တွေတိုင်းမှာ .. $RECYCLE.BIN , Folder Settings , System Volume Information ဆိုတဲ့ ဖိုထာသုံးခုစီ ရောက်နေတယ် ... ဖျက်လို့လည်းမရဘူး ..

shell icon ကိုပြန်Runတော့လည်း မပျောက်သွားဘူး .. နောက်ခံပုံလည်းမပေါ်ဘူး .
ဘယ်လိုပြန်လုပ်ရမလဲ ပြောပြပေးပါအုံး .. အဲ့ဒီ ဖိုင်တွေကို ဖျက်ချင်လို့
အားလုံးကိုကျေးဇူးတင်ပါတယ် ...

ကျွန်တော်တို့ အလွယ်ပြောရရင် $RECYCLE.BIN folder ဆိုတာက Recycle bin ပါပဲ ကိုမြင့်မိုရ် - ဥပမာ အနေနဲ့ ပြောရရင် Folder တစ်ခုခု File တစ်ခုခု ကို ဖျက်လိုက်တယ် - ဒီလိုဆို ပထမအဆင့်အနေနဲ့ Recycle Bin ထဲကို ရောက်သွားတယ် - နောက်တစ်ဆင့် အနေနဲ့ ထပ်ပြီး Recycle Bin ကနေပါ ထပ်ဖျက်တယ် - ( ဒီ နည်းလမ်း နှစ်ဆင့်ကို Shift+Delete ဆိုတဲ့ နည်းလမ်း တစ်ဆင့်တည်းနဲ့ လုပ်ဆောင်လို့လည်း ရပါတယ်။ ) ဒါဆိုရင် ကျွန်တော်တို့ စက်ရဲ့ ဘယ်နေရာမှာမှ မတွေ့ရတော့ဘူး ဆိုရရင် လုံးဝ ပျောက်သွားပြီ - ဒီလိုပဲ ကျွန်တော်တို့ ယူဆလိုက်ကြတယ် -  တကယ်တော့ ကျွန်တော်တို့ နှစ်ဆင့်နဲ့ပဲ ဖျက်ဖျက် - Shift+Delete ဆိုတဲ့ တစ်ဆင့်တည်းနဲ့ပဲ ဖျက်ဖျက် ကျွန်တော်တို့ ဖျက်လိုက်တဲ့ Folders တွေ Files တွေက တကယ်ပျောက် မသွားသေးပါဘူး - စက်ထဲမှာပဲ ကျန်နေပါသေးတယ် - ဒါဆို ဘယ်ကို ရောက်သွားတာလဲ - တွေ့မှ မတွေ့ရတော့ပဲ - မတွေ့ရတာ မှန်ပေမယ့် သူတို့ရှိနေပါသေးတယ် - သူတို့တွေ အားလုံးက ကိုမြင့်မိုရ် ဝိုင်းပြထားတဲ့ $RECYCLE.BIN folder ဆိုတဲ့ Folder ထဲကို ရွေ့သွားတာပါ။ ဒါကို သံသယ ဖြစ်မယ် ဆိုရင် Hard Drive ပေါ်က နှစ်သက်ရာ ဖိုင်တစ်ခုခုကို ဖျက်ပြီး Recovery Software တစ်ခုခုနဲ့ ပြန်ရှာကြည့်ပါ - ပြန်တွေ့ပါလိမ့်မယ်။ ဒါ့ကြောင့် $RECYCLE.BIN folder နဲ့ ပတ်သတ်ပြီး ကျွန်တော် ပြောချင်တာ သူ့ကို မဖျက်ပစ်ပါနဲ့ - သူက ကျွန်တော်တို့ အတွက် အသုံးဝင်ပါတယ်။  Folder တစ်ခုခု File တစ်ခုခု မတော်လို့ မှားဖျက်မိလိုက်ရင် ကျွန်တော်တို့ရဲ့ မှားယွင်းမှုကို ပြန်ပြီး ဆယ်ယူပေးနိုင်တာ ဒီ $RECYCLE.BIN folder ပါ - ဒါ့ကြောင့် ဖြစ်နိုင်ရင် ဖျက်ထုတ်ပစ်ဖို့ ဆိုတာထက် မမြင်ချင်ရင် Hide ထားဖို့ကိုပဲ အကြံပြုလိုပါတယ်။

နောက် System Volume Information - သူ့ကို ကျွန်တော်တို့ အလွယ်ပြောရရင် system restore points တွေ ပါဝင်နေတဲ့ Folder လို့ ပြောလို့ရပါတယ်။ Windows မှာ တစ်ခုခု Error တက်တယ် - ဒါဆို system restore ပြန်ခေါ်လိုက်လို့ ပြောကြတာ ကိုမြင့်မိုရ်လည်း ကြားဖူးမှာပါ - ဒါ့ကြောင့် system restore points တွေ ပါဝင်နေတဲ့ System Volume Information Folder ဆိုတာ မဖျက်ကောင်းပါဘူး - ဖျက်ဖို့လည်း မသင့်တော်ပါဘူး ဖြစ်နိုင်ရင် ဖျက်ထုတ်ပစ်ဖို့ ဆိုတာထက် မမြင်ချင်ရင် Hide ထားဖို့ကိုပဲ ထပ်မံ အကြံပြုလိုပါတယ်။

တကယ်လို့ အရမ်းကို ဖျက်ချင်နေတယ် ဆိုရင်တော့ သူတို့ဟာ SYSTEM files တွေ ဖြစ်တာ ကြောင့် အလွယ်တကူ ဖြတ်ထုတ်ပစ်ဖို့ မလွယ်ပါဘူး - သူတို့တွေကို ဖျက်ထုတ်ပစ်ဖို့ဆိုရင် လတ်တလော Windows ကို သုံးနေတဲ့ User ဟာ permission အားဖြင့် full access ဖြစ်ထားဖို့ လိုပါတယ်။ လုပ်ဆောင်နည်း အဆင့်ဆင့်ကိုတော့ ဒီနေရာကနေ လေ့လာ ကြည့်နိုင်ပါတယ်။

KznT.

Hard Drive Makes Clicking Sounds

Originally Posted by LaMike ကျွန်တော်ကြုံရတဲ့ ပြဿနာကတော့ hardware ပိုင်းမှာပါ ။ Harddisk မှာ ကလစ် ကလစ် နဲ့ အသံမြည်နေပါတယ် ။ မြည်ရုံတင်မကပါဘူး ။ သူက အဲလိုမြည်နေရင် No bootable device found ပြပါတယ် ။ Harddisk ကိုဖြုတ် ဟိုစောင်း ဒီစောင်း မမြည်တော့အောင် ငြိမ်ငြိမ်လေးကိုင်ထားလိုက်ရင်တော့ window တက်လာပါတယ် ။ Harddisk က အလွန်အမင်းပူနေတာကိုလဲ တွေ့ရပါတယ် ။ သူ့ကိုဖြုတ်ပြီး လှုပ်ကြည့်ရင် အထဲမှာ တစ်စုံတစ်ခု ပြုတ်ထွက်နေသလိုမျိုး ကလောက် ကလောက် အသံကြားရပါတယ် ။

ကာကွယ်ခြင်းက ကုသခြင်းထက် ပိုပြီး ထိရောက်တယ်လို့တော့ ပြောကြပါတယ်။ ဒါပေမယ့် ခု ကိုလမိုက် ကြုံနေရတဲ့ အခြေအနေက ကာကွယ်ခြင်း အခြေအနေကို ကျော်သွားတဲ့ ကုသခြင်း အခြေအနေကို ရောက်နေပြီ မို့လို့ ကျွန်တော်လည်း တစ်ခြားမိသားစုဝင်တွေ နည်းတူ တတ်စွမ်းသလောက် အကြံပြုကြည့်ပါဦးမယ်။ ပထမဆုံး သုံးသပ်မိတာကတော့ ခုလို Harddisk ကနေ clicking sounds တွေ ကြားနေရတယ်ဆိုတာ သိပ်ကောင်းတဲ့ လက္ခဏာတော့ မဟုတ်ပါဘူး - ဖြစ်နိုင်ချေ ရှိတာကိုပြောရရင် အနှေးနဲ့ အမြန် hard drive fail ဖြစ်ချင်တော့မယ်ဆိုတာ ကျွန်တော်တို့ကို တစ်ဖက်လှည့်နဲ့ အသိပေးနေတာပါ။ ဒါပေမယ့် ဒါက ကံသေကံမ ဖြစ်ကို ဖြစ်မယ်လို့ ဆိုလိုတာ မဟုတ်ပါဘူး - ကျွန်တော်ကြုံခဲ့ဖူးသလောက် အဲလို အသံ ကြားနေရပေမယ့် လနဲ့ ချီပြီး အသုံးခံနေသေးတဲ့ hard drive တွေလည်း ကျွန်တော် တွေ့ခဲ့ဖူးပါတယ်။ ဒါပေမယ့် ဘယ်နေ့ ဘယ်အချိန် ဘာဖြစ်မယ်ဆိုတာ ကျိန်းသေ တွက်ချက်ထားနိုင်တာမျိုး မဟုတ်လို့ ကျွန်တော့် အနေနဲ့ အကောင်းဆုံး အကြံပေးချင်တာက data backup လုပ်ထားဖို့ပါ။ Backup လုပ်ငန်းစဉ်နဲ့သိပ် မရင်းနှီးဘူး ဆိုရင်တော့ ကိုလမိုက်နဲ့ ရင်းနှီးသူ အသိတစ်ယောက်ယောက်ဆီက External Hard Drive တစ်ခုခုကို ခဏ ဌားပြီး ကိုယ့်အတွက် မဖြစ်မနေ အရေးကြီးတဲ့ Data တွေကို ပြောင်းပြီး သိမ်းထားလိုက်ပါ။ ကိုလမိုက်ရဲ့ အရေးကြီးတဲ့ Data တွေကို Backup လုပ်ဖို့ နဲ့ ပတ်သတ်ပြီး သူများဆီက Hard Drive ဌားမှပဲ အဆင်ပြေတော့မှာလားလို့ မေးစရာ ရှိပါတယ်။ မဟုတ်ပါဘူး - အရေးကြီးတဲ့ Data တွေကို ကြိုတင် Backup လုပ်ဆောင်ထားနိုင်ဖို့ လုပ်ဆောင်နိုင်တဲ့ နည်းတွေ အမြောက်အများရှိပါတယ်။ ကျွန်တော် ဖော်ပြခဲ့ပြီးတဲ့ အင်တာနက်အား အကျိုးရှိစွာ အသုံးချခြင်း ဆိုတဲ့ ခေါင်းစဉ် - လွယ်ကူလေ့လာ Backup နည်းပညာ နဲ့ Windows 7 တွင် Step by Step Backup ပြုလုပ်ခြင်း ဆိုတဲ့ ခေါင်းစဉ်လေးတွေကို လေ့လာကြည့်ရင် ကွဲပြားသွားတဲ့ Backup လုပ်ငန်းစဉ်တွေ အကြောင်းနဲ့ ဘယ်လို Backup Plan ထားရမလဲဆိုတာ ဆုံးဖြတ်နိုင်ဖို့ ကိုလမိုက် ကို အကူအညီပေးနိုင်လိမ့်မယ်လို့ မျှော်လင့်မိပါတယ်။

နောက်တစ်ချက်က အခု ကိုလမိုက်ရဲ့ Hard disk က clicking sounds တြွေကားနေရပြီ - ဒါပေမယ့် clicking sounds ပေါ်တိုင်း ဘာပြဿနာပါလို့ ဒက်ထိကြီး ပြောလို့ မရပါဘူး - ကျွန်တော်တို့က ဒီ clicking sounds ကိုပဲ ဘာသံနဲ့ တူလဲ ဆိုတာ တစ်ခုချင်းစီ သီးသန့် ခွဲခြားနိုင်ဖို့ လိုပါသေးတယ်။ ဒီ hard drive ကနေ ပေါ်လာတဲ့ ဆူညံသံတွေ အကြောင်းကို ဘာက ဘာ ဆိုတာ ဘယ်လို ခွဲခြားမလဲ ??

ဟုတ်ကဲ့ - Data Cent ဆိုတာ ရှိပါတယ်။ သူက hard drive မှာ ဖြစ်တဲ့ ဆူညံသံတွေနဲ့ ပတ်သတ်ပြီး data recovery လုပ်နိုင်ဖို့ ဘာသံက ဘာဖြစ်တယ်ဆိုတာ အကောင်းဆုံး ခန့်မှန်းပေးနိုင်တဲ့ နေရာပါ။ သူ့မှာ Hard Drive Manufactures အသီးသီးကနေပြီး ထုတ်လုပ်လိုက်တဲ့ Hard Drive အသီးသီးရဲ့ ဘယ်အသံက ဘာဖြစ်တယ်ဆိုတာ စနစ်တကျ ပြုစုပေးထားတဲ့ အချက်အလက်တွေ ရှိပါတယ်။ အဲဒီ့မှာ လေ့လာကြည့်ပေးပါ။

နောက်ပြီး ဒီနေရာမှာ လည်း Hard Drive က ထွက်လာတဲ့ အသံတွေ ထဲက ဘယ်အသံက ဘာဖြစ်နေတယ်ဆိုတာ ယေဘုယျ အားဖြင့် သုံးသပ်ပေးတဲ့ Site တစ်ခု ရှိပါတယ်။ စစ်ဆေးနည်းကတော့ သူပြထားတဲ့ Buttons လေးတွေကို Mouse လေး ပွတ်ရွှေ့လိုက်ယုံပါပဲ - အဲလို လုပ်လိုက်ရင် buttons တစ်ခုချင်းဆီရဲ့ သက်ဆိုင်ရာ အသံတွေကို သူထုတ်ပြပြီး ဘာ့ကြောင့် ဖြစ်နိုင်ချေရှိတယ်ဆိုတာကိုပါ သူက ဖော်ပြပါလိမ့်မယ်။

စက်ထဲမှာ သိမ်းပြီး နားထောင်ချင်တယ် ဆိုရင်တော့ ဒီနေရာကနေ download ချပြီး သိမ်းထားနိုင်ပါတယ်။

ကျွန်တော် ဖိုရမ်မှာရှာဖြွေကည့်တုန်းက တွေ့တာတွေက check error တို့ Defg လုပ်တာတို့ အဲလိုညွှန်ကြားချက်တွေ ဖတ်ရပါတယ် ။ ကျွန်တော် အမြဲလုပ်ပါတယ် ။ TuneUp 2010 (ယခင်က 2008) သုံးခဲ့ပြီး အဲဒီမှာပါတဲ့ Defg Function , Dick Doctor Function , One Click , Reg error checking ပါသမျှ repair function တွေကို နေ့တိုင်းမလုပ်တောင် သုံးရက်တစ်ခါလောက်တော့ လုပ်ဖြစ်ခဲ့ပါတယ် ။

Hard Drive ကို ပုံမှန် Repair လုပ်ပေးနိုင်တာ ကောင်းပါတယ် ကိုလမိုက် - ဒါပေမယ့် Software စုံအောင် သုံးပြီး Repair မလုပ်ပါနဲ့ Hard disk ထိပါတယ်။ ပုံမှန် CCleaner - Defraggler - Tuneup ဒီလောက်ဆို လုံလောက်ပါတယ်။

ကျွန်တော် ရှာဖွေဖတ်ကြည့်သမျှထဲမှာ ဖွင့်ပြင်ခိုင်းတာတွေရော ရေခဲသေတ္တာထဲထည့်ဆိုတာတွေရော စုံနေတာပါပဲ ။ ကိုယ်ပိုင်ကြိုးပမ်းလို့ မရတော့တဲ့အဆုံး မိသားစုမှ ညီအကိုမောင်နှမ များကို အကူအညီတောင်းရတော့တာပါပဲ ။

Freezer ထဲ Hard Drive ထည့်တယ်ဆိုတာ ထည့်ချင်တိုင်း ထည့်လို့ မရပါဘူး - သူ့ Step by Step လုပ်ငန်းစဉ်တွေ ရှိပါတယ်။ ဆက်စပ်နေလို့ လုပ်ဆောင်ပုံ အဆင့်ဆင့်ကို တစ်လက်စထဲ အကြံပြုရရင်

1. Hard drive ကို computer ကနေ အရင်ဖြုတ်ရပါမယ်။
2. ပုံမှာပြထားတဲ့ အတိုင်း Hard drive ကို Zip နဲ့ ပိတ်လို့ ရတဲ့ freezer bag ထဲ ထည့်ရပါမယ်။ ( သတိထားဖို့က freezer bag ဝယ်တဲ့ အချိန်မှာ ဈေးပေါတဲ့ bag မျိုး မဝယ်ပါနဲ့ )
3. အဲ့ဒီ့ freezer bag နဲ့ တစ်ထပ် ထပ်ထားပြီးသား Hard drive ကိုပဲ နောက် freezer bag တစ်ခုထဲ ထပ်ထည့်ပြီး လုံခြုံအောင်ပိတ် ရပါမယ်။ နှစ်ထပ်ထည့်တဲ့ သဘောပါ။
4. အဲလို နှစ်ထပ်ထပ် ပိတ်ထားတဲ့ hard drive ကိုမှ အောက်ဖော်ပြပါ ပုံအတိုင်း freezer ရဲ့ အအေးဆုံး နေရာ တစ်ခုမှာ ထားထားလိုက်ပါ။

5. freezer ထဲမှာ ဘယ်လောက်ကြာကြာ ထားရမလဲ ဆိုရင် အနည်းဆုံး ၁၂ နာရီ ထားရပါမယ်။
6. အဲလို ထားပြီးလို့ Hard Drive က အရမ်းအေးသွားပြီ ဆိုတော့မှ freezer ထဲကနေ ပြန်ထုတ်ပြီး computer မှာ ပြန်တပ်ပါ။ Windows တက်လာပြီ ဆိုရင် ကိုယ့်အတွက် တန်ဖိုး အကြီးဆုံး Data တွေကို အမြန်ဆုံး စီစစ်ရွေးထုတ်ပြီး သိမ်းပါ။
7. တစ်ခါတစ်လေ လုပ်နေတုန်းမှာ hard drive က ထပ်ပြီး fail ဖြစ်နိုင်ပါသေးတယ်။ စိတ်မပျက်ပါနဲ့ နောက်ဆုံး ဘယ်ကောင်တွေကို Copy လုပ်ပြီး သွားပြီလဲ ဆိုတာ မှတ်ထားပြီး အပေါ်က အဆင့်တွေအတိုင်း ပြန်သွားပြီး freezer ထဲမှာ နောက်ထပ် ၁၂ နာရီ လောက် ထပ်ထည့်ထားလိုက်ပါ။
8. ဒါက Hard Disk နဲ့ ပတ်သတ်တဲ့ အရေးပေါ် ကယ်ဆယ်ရေး နည်းလမ်း ဖြစ်ပါတယ်။

တခြား Harddisk ထဲကို Data မကူးယူရသေးပါဘူး ။ အခက်အခဲတွေကြောင့်ပေါ့ ဗျာ ။ တကယ်လို့ မကူးယူခဲ့မိခင်များ ပျက်စီးသွားခဲ့ရင် Data ပြန်ယူလို့ရနိုင်ပါသေးလား ဗျာ ။ ပြန်လည်ပြုပြင်လျှင်ရော အကောင်းနီးပါ ပြန်ရနိုင်ပါသေးလားဗျာ ။ ကျွန်တော် အသစ်ဝယ်ဖို့များလိုအပ်တယ်ဆိုရင်လဲ မြန်မြန်လေးဝယ်ပြီး DATA ကူးရအောင် အပိုဆောင်းအကြံဉာဏ်လေး တောင်းရခြင်းဖြစ်ပါတယ် ဗျာ ။

မကူးယူခဲ့မိခင်များ ပျက်စီးသွားခဲ့ရင် Data ပြန်ယူလို့ရနိုင်ပါသေးလား ဆိုတာကတော့ ဘယ်အပိုင်းပျက်တယ် ဆိုတာပေါ် မူတည်ပြီး ပြန်ယူလို့ ရမရ ဆိုတာ ရှိပါတယ်။ မြန်မာနိုင်ငံမှာ Recovery လုပ်ငန်းစဉ်နဲ့ ပတ်သတ်ပြီး ဘယ်လို ဝန်ဆောင်မှု ပေးတယ်ဆိုတာ ကျွန်တော် မပြောပြတတ်ပေမယ့် နိုင်ငံ တစ်ချို့မှာ တော့ ပျက်သွားတဲ့ Hard Drive ထဲက Data တွေကို ပြန်ယူဖို့ဆိုရင် ကိုယ့် Data အနည်း အများပေါ် မူတည်ပြီး ဈေးကွာခြားချက် ရှိပါတယ်။ ဒါတောင် ပိုက်ဆံပေးတိုင်း အားလုံး ပြန်ရဖို့ မသေချာပါဘူး - အကောင်းနီးပါ ပြန်ရနိုင် သလားဆိုတာကလည်း ဒီသဘောပါပဲ - တစ်ချို့ Service center တွေမှာတော့ ပျက်တဲ့ အစိတ်အပိုင်းကို လိုက်ပြီး တစ်ခုချင်းစီ အသစ်လဲလှယ်ပေးတဲ့ ဝန်ဆောင်မှုတွေ ရှိပါတယ်။ အကောင်းဆုံးကတော့ တတ်နိုင်မယ်ဆိုရင် Hard Disk အသစ်တစ်လုံးဟာ ဘယ်လောက်မှ ဈေးမများပါဘူး - အသစ်ဝယ်နိုင်မယ်ဆိုရင် အသစ်ဝယ်ပြီး လတ်တလော ဝယ်ဖို့ အခက်အခဲ ရှိနေရင် အရေးကြီး Data တွေကို တစ်ခြား Hard Drive တစ်ခုခုမှာ Copy ကူးယူထားဖို့ ဒါမှမဟုတ် Online Backup လုပ်ဆောင်ထားဖို့ အကြံပြုရင်း နိဂုံးချုပ်လိုက်ပါတယ်။

အစစအရာရာ အဆင်ပြေပါစေ ကိုလမိုက်

KznT.

Juu - Short Stories

စာရေးဆရာမ ဂျူးကို ရင်းနှီးခဲ့တာ အလယ်တန်း ကျောင်းသား ဘဝလောက်က ဖြစ်မယ်လို့ ထင်မိတယ် - ပထမဆုံး စဖတ်ဖြစ်တာ ဘယ်ဝတ္ထုမှန်း မမှတ်မိတော့ပေမယ့် အမြဲတမ်း အမှတ်တရ ရှိနေတဲ့ ဝတ္ထု တစ်ပုဒ်ကတော့ သူ့ရေးခဲ့တဲ့ " အမှတ်တရ " -

ဂျူး ဝတ္ထုကို သဘောမကျတဲ့ သူတွေလည်း ရှိသလို သဘောကျတဲ့ သူတွေလည်း ရှိတယ် - အဲ့ဒီ့ မတူညီတ့ဲ ကွာခြားချက် နှစ်ခုကြားမှာ ကျွန်တော်က ဂျူး ဝတ္ထု အသစ်တွေ့တိုင်း အမြဲ ဖတ်ဖြစ်တဲ့ သူ တစ်ယောက်ပေါ့ - တစ်ချို့နေရာတွေမှာ ယောကျာင်္းတစ်ယောက်ရဲ့ အသုံးမကျပုံကို မိန်းမတစ်ယောက်ရဲ့ ခြေဖျားအောက်မှာ ပြားပြားဝပ်လောက်အောင် အပြတ်အသတ် နင်းချေဖော်ပြတတ်တဲ့ ဂျူးရဲ့ အရေးအသားက တစ်ခါတစ်လေ ကျပြန်တော့လည်း ယောကျာင်္းတစ်ယောက်ရဲ့ သိမ်မွေ့နက်ရိှုင်းတဲ့ အချစ် အကြောင်းကို ယောကျာင်္းတစ်ယောက်ကိုယ်တိုင် မတွေးမိတတ်လောက်အောင် အနုစိတ်ချယ်မှုန်း တတ်သေးတယ်။

တစ်ခါတစ်လေ ယောကျာင်္းမကောင်းကြောင်းရေးတာ ဖတ်မိရင် အသံမထွက်ပဲ တိတ်တဆိတ်ကျိန်ဆဲ မိပြီး - ကောင်းကြောင်းရေးပြပြန်ရင် စာလုံးတစ်လုံးချင်းကို ဤသည်၍မလွဲဖတ် " ငါက ဒီလိုမျိုး ဟုတ်တယ်" ဆိုပြီး ကိုယ့်ကိုယ်ကိုယ် အမွှမ်းတင် ကြည်နူးမိတတ်သေးတဲ့ ကျွန်တော့် အတွက်တော့ ဆရာမ ဂျူးရဲ့ ဝတ္တုတွေဟာ ရသမျိုးစုံ ပေးစွမ်းနိုင်တဲ့ အဖော်ကောင်းတွေပါပဲ။

အခုလည်း မြန်မာမိသားစုမှာ ဂျူးရဲ့ ဝတ္ထုတိုများ ကဏ္ဍကို တွေ့မိလို့ ခဏ ဝင်ကြည့်မိတယ်။ အင်တာနက်ထဲမှာ ရှိထားသမျှ တော်တော်များများ စုံနေတာ တွေ့ရလို့ ကြည်နူးမိပါတယ်။ ဒါပေမယ့် ကျွန်တော့်မှာ မြန်မာမိသားစုမှာ ရှိမနေသေးတဲ့ တစ်ခြား ဂျူးရဲ့ ဝတ္ထုတိုလေးတွေ ရှိနေပါသေးတယ်။ ဂျူး ဝတ္တုကို နှစ်သက်ကြသူများ - ဂျူးရဲ့ အရေးအသားကို ခုံမင်သူများ အတွက် ခံစားနိုင်အောင် တင်ဆက်လိုက်ပါတယ်။ ဒီစာအုပ်တွေဟာ ကျွန်တော် ရိုက်ထား တာ မဟုတ်ပါဘူး။ ဆရာမဂျူးရဲ့ Facebook Fanpage က Notes တွေကနေ ကျွန်တော် Word ထဲကို Copy ပြန်ကူး စာကြောင်းတွေ ပြန်ညှိ PDF ပြောင်းပြီး သိမ်းထားတဲ့ စာအုပ်တွေပါ။ Facebook Fanpage က ကူးထားတာမို့လို့ သူ့နေရာမှာ ဖော်ပြထားသမျှ Credit ပေးထားတဲ့ Links တွေက အစ တစ်ခု မကျန် အကုန်ကူးယူ ထည့်သွင်းထားပါတယ်။ ဆရာမဂျူးရဲ့ Facebook Fanpage မှာ Fan လုပ်ထားချင်တယ်ဆိုရင် အောက်က Link ကနေ သွားနိုင်ပါတယ်။

ဆရာမ ဂျူးရဲ့ Facebook Fanpage

ဆရာမ ဂျူး ရဲ့ ဝတ္ထုတိုတွေကို ဝေမျှတဲ့နေရာမှာ ကျွန်တော် PDF files တွေ အပြင် Word file ကိုပါ ပူးတွဲ ထည့်သွင်းပေး လိုက်ပါတယ်။ အကြောင်းက ကိုယ့်ဘာသာ စိတ်ကြိုက်ပြင်ဆင်ပြီး အလှဆင်ချင်သူတွေ - ဒါမှမဟုတ် ကိုယ့် Blog အသီးသီးမှာ ထပ်မံ ဖော်ပြချင်သူတွေ အတွက် အဆင်ပြေနိုင်အောင်ပါ။

ကျွန်တော့်နာမည် မဖော်ပြရင်နေပါ - Word ထဲမှာ ဖော်ပြထားပြီးသား သက်ဆိုင်ရာ မူရင်း ရေးသား ရိုက်နှိပ်သူတွေကို Credit ပေးဖို့တော့ အနူးအညွှတ် မေတ္တာရပ်ခံ ပါရစေ။

ပါဝင်မယ့် စာအုပ်တွေကတော့ အောက်ဖော်ပြပါ အတိုင်း ဖြစ်ပါတယ်။

အေးအေးဆေး ဆေး စာဖတ်ချင်သည်.pdf အေးအေးဆေး ဆေး စာဖတ်ချင်သည်.docx သေမင်းကို ရွေးချယ်ခွင့်ရှိခဲ့လျှင်.pdf သေမင်းကို ရွေးချယ်ခွင့်ရှိခဲ့လျှင်.docx လေလွင့်သူရဲ့ တိမ်.pdf လေလွင့်သူရဲ့ တိမ်.docx မျှော်လင့်ချက်.pdf မျှော်လင့်ချက်.docx မေ့လျော့တတ်သည်.pdf မေ့လျော့တတ်သည်.docx အခုတော့ ကျွန်တော့်ကို လာခေါ်ကြပြီ.pdf အခုတော့ ကျွန်တော့်ကို လာခေါ်ကြပြီ.docx လက်နှစ်ကမ်း အကွာ.pdf လက်နှစ်ကမ်း အကွာ.docx လကိုဖမ်းဖို့ ပိုက်ကွန်ယက် ကြရအောင်.pdf လကိုဖမ်းဖို့ ပိုက်ကွန်ယက် ကြရအောင်.docx ရာဇဝင်ထဲမှာ မောင့်ကိုထားရစ်ခဲ့သူနှင့် တွေ့ဆုံပေးခြင်း.pdf ရာဇဝင်ထဲမှာ မောင့်ကိုထားရစ်ခဲ့သူနှင့် တွေ့ဆုံပေးခြင်း.docx မီဒီယာနှင့်ဂျင်ဒါ.pdf မီဒီယာနှင့်ဂျင်ဒါ.docx မြို့တော်မှာ နေရတဲ့ဘဝ (Life in City).pdf မြို့တော်မှာ နေရတဲ့ဘဝ (Life in City).docx မိန်းမနှစ်ယောက်.pdf ( မြန်မာမိသားစု တွင် ဖော်ပြထားပြီး ) မိန်းမနှစ်ယောက်.docx ဖန်တီးခြင်း၏ အနုပညာ.pdf ဖန်တီးခြင်း၏ အနုပညာ.docx ပရော်ဖက် ရှင်နယ်.pdf ပရော်ဖက် ရှင်နယ်.docx နာရီပြင်ဆရာ၏ အိမ်နီးချင်း.pdf နာရီပြင်ဆရာ၏ အိမ်နီးချင်း.docx နံရံပါးပါးလေး တစ်ချပ်.pdf နံရံပါးပါးလေး တစ်ချပ်.docx ကြာပွင့်စား သူများ.pdf ကြာပွင့်စား သူများ.docx ကျွန်မဖတ်ခဲ့ သော စာအုပ်များ.pdf ကျွန်မဖတ်ခဲ့ သော စာအုပ်များ.docx ကျွန်မကိုပြန် ကြည် ့နေတဲ့ ကျွန်မရဲ ့အရိပ်.pdf ကျွန်မကိုပြန် ကြည် ့နေတဲ့ ကျွန်မရဲ ့အရိပ်.docx Hate.pdf Hate.docx

Juu - Short Stories.rar (16.38 MB) http://www.multiupload.com/HNNYG24FV8 ( OR ) Juu - Short Stories.rar 16.378 MB http://ifile.it/bntf2lr

Password = www.myanmarfamily.org

KznT.