Thingyan Feeling

သက္ကရာဇ် ၂၀၀၀ တည်းက သင်္ကြန်ကို ဘာမှန်း မသိခဲ့တာ ခုချိန်ထိလည်း ဘာမှန်း ခံစားခွင့် မရခဲ့ဘူး - သင်္ကြန်ဆို ဒီလိုပဲ အဓိပ္ပါယ်မရှိတဲ့ ပတ်ဝန်းကျင်မှာ ဟိုငေး ဒီငေးနဲ့ တစ်ယောက်တည်း ခပ်ဆွေးဆွေးပဲ နေဖြစ်ခဲ့တယ် - လူဖြစ်ကြတာချင်း တူပေမယ့် ခံစားခွင့် မတူကြတဲ့ သူတွေ - ကိုယ့်အတွက် အခွင့်အရေး မရှိပေမယ့် သူတို့အတွက် အခွင့်အရေး ရှိနေကြတာတွေ တွေ့ရရင် ဘဝဆိုတာ စချိန်ကတည်းက သမာဓိ မရှိတဲ့ လျှာတစ်ဖက်စောင်း ချိန်ခွင်ထဲမှာ ကိုယ့်ကို ထည့်ချိန် ခံနေရသလိုပဲ ခံစားရတယ် -

ဘယ်သူတရားပျက်ပျက် ကိုယ်မပျက်နဲ့ ဆိုတဲ့ စကားက လူသားဆန်ချင်တဲ့ လူတစ်ယောက်အတွက် အချိန်တိုင်း လက်ကိုင်ထားနိုင်ဖို့ သေချာလို့လား ?? ကိုယ်သေလောက်အောင် ကြိုးစားလည်း မရလာခဲ့တဲ့ အရာတွေ - တစ်နေလုံး တစ်ညလုံး ကုံးရုန်းရှာတာတောင် မိသားစု ထမင်းနပ်မှန်နိုင်ဖို့ မကာမိနိုင်တဲ့ သူတြွေကားမှာ သူတို့ ဘယ်လောက်ထိ တင်းခံနိုင်မှာလဲ - ကျုပ်ကော ဘယ်လောက်ထိ တင်းခံနိုင်မှာလဲ - လူတစ်ယောက်ရဲ့ ခံစားချက်ကို ပတ်ဝန်းကျင်က ဘောင်ခတ်တယ် - လူတစ်ယောက်ရဲ့ ရပ်တည်ခွင့်ကို ပြဌာန်းချက်တစ်ချို့က တုပ်နှောင်တယ် - လူဆိုတာ မွေးလာကတည်းက ငါကြီးလာရင် မကောင်းတာ လုပ်ပြီး ဗီလိန် အကြီးစားဖြစ်ရမယ် - ဂျပိုး သူခိုး ဖြစ်ရမယ်လို့ ဦးတည်ချက် ထားတဲ့သူ တစ်ယောက်မှ မရှိကြဘူး - အားလုံး လူတော် လူကောင်းတွေ / ပညာရှိ ပညာတတ်တွေ / အများအကျိုး သယ်ပိုးနိုင်သူတွေပဲ ဖြစ်ချင်ခဲ့ကြတာပဲ - ဒါပေမယ့် -

• ရောမရောက်ရင် ရောမလို ကျင့်
• သူများ မိုးခါးရေ သောက်ရင် ကိုယ်လည်း လိုက်သောက်

ဆိုတဲ့ စကားတြွေကားမှာ ပညာတတ်တွေ ပညာမဲ့ကုန်ကြတယ် - ပညာမဲ့တွေ သူခိုး - ဂျပိုးနဲ့ ဗီလိန်အကြီးစား ဖြစ်လာကြတယ် - ဒီစကားတွေကို ဘာရည်ရွယ်ချက်နဲ့ ဥပမာပေး ပြောခဲ့ကြတယ် ဆိုတာ ကျုပ် ကောင်းကောင်း မသိပေမယ့် ကျုပ်သိထားတဲ့ အဓိပ္ပါယ် ဖွင့်ဆိုချက်ကတော့ သေလောက်အောင် မုန်းစရာ ကောင်းတယ် - ဒါပေမယ့် ကျုပ် ဘယ်လောက် မုန်းနိုင်မှာလဲ - ဘယ်သူတွေ ဘယ်လောက် မုန်းမုန်း သောက်တဲ့ သူတွေကတော့ ပြည့်နေတာပဲလေ - နောက်ဆုံး မသောက်ချင်တဲ့ လူတွေပဲ လွင်တီးခေါင်ပြင်ထဲမှာ ကယ်သူမဲ့ပြီး ကျန်ခဲ့ကြတယ် - အချိန်တန်တော့ အဲ့လိုလူတွေလည်း သေကြကျေကြ - ဘယ်လိုလူတွေ ဘယ်လိုပဲ သေကြကျေကြ ဘယ်သူသေသေ ငတေမာရင်ပြီးရော ဆိုတဲ့ စကားနဲ့ မိုးခါးရေ သောက်တဲ့ လူတွေကတော့ ခုချိန်ထိ အသက်ရှင်နေခဲ့ကြတယ် - ဘဝတစ်ခု တည်တံ့မှုမှာ ရပ်တည်ရှင်သန်မှုက ပိုပြီး အရေးကြီးတာ မို့လို့ နောက်လူတွေကလည်း မိုးခါးရေ သောက်သူတွေကို အမှန်လို့ ယူဆတယ် - လွင်တီးခေါင်ပြင်ထဲက လူတွေလို ငမိုက်သားတွေလို့ အပြစ်တင်တယ် - အဲ့ဒီ့ ပြစ်တင်စကားတွေ ကဲ့ရဲ့ရံှု့ချမှုတွေရဲ့ ကြားမှာ ကိုယ့်ကိုယ်ကိုယ် ဘာလုပ်နေမှန်း ဂဃနဏ မသိကြတဲ့ လွင်တီးခေါင်ပြင်ထဲက လူတစ်ချို့ လူမသိအောင် ခါးကြားထဲ ဖွက်ပြီး ယူလာတဲ့ မိုးခါးရေဗူးကို မှောင်ရိပ်ကွယ်ပြီး ထုတ်သောက်ကြတယ် - အဲ့လိုနဲ့ မိုးခါးရေ သောက်သူ နဲ့ မိုးခါးရေ မသောက်သူ ဆိုတာ ခွဲခြားလို့ မရတော့ပဲ - မိုးခါးရေသောက်သူ နဲ့ မိုးခါးရေခိုးသောက်သူ ဆိုပြီး အုပ်စုနှစ်စုပဲ ကျန်ခဲ့တော့တယ် - ဒါပေမယ့် အုပ်စုနှစ်ခုလုံးကတော့ မိုးခါးရေ သောက်ကြတာချင်း တူတူပါပဲ -

အဲ့ဒီ့ အုပ်စုနှစ်ခုရဲ့ ကြားထဲမှာ အရင်လို မိုးခါးရေ လုံးဝမသောက်သူ လူတစ်စု ရှိနေသေးတယ် ဆိုတာကိုတော့ လူတိုင်း သတိမပြုမိကြတော့ဘူး - သတိပြုမိသူတစ်ချို့ ရှိပေမယ့် တစ်ချို့က ခေါင်းညိမ့် အသိအမှတ်ပြုယုံလောက် ပြုံးပြပြီး တစ်ချို့ကတော့ လူထန်းလူဆန်းတစ်ယောက်လို သနားစရာ အကြည့်နဲ့ နှုတ်ဆက်စကား ပြောကြတယ် - ခပ်ဝေးဝေး တစ်နေရာရောက်တော့ သူတို့ ခါးကြားက ရွှေရောင်ကွပ်ထားတဲ့ ဗူးတစ်ဗူးကို ခပ်သာသာဖြုတ်ပြပြီး နှုတ်ခမ်းဝမှာတေ့တယ် - ဆိုလိုတာကတော့ ခပ်စုတ်စုတ် မင်းဘဝကို အရောင်မြှင့်တင်ပေးဖို့ ဆိုတာ ဒီထဲက မိုးခါးရေကပဲ တတ်နိုင်သတဲ့ 

ကျုပ်လား ဟုတ်တယ် - ကျုပ် ခပ်စုတ်စုတ် လူတစ်ယောက်ပဲ - ဒါပေမယ့် ဘဝတစ်လျှောက်လုံးမှာ မိုးခါးရေ မသောက်ဖြစ်ဖို့ ကြိုးစားခဲ့တယ် - ဒါပေမယ့်လည်း ကျုပ် ဘယ်လောက်ထိ တင်းခံနိုင်မှာလဲ - လူတန်းစေ့ နေနိုင်ဖို့လိုတဲ့ ကျုပ်မိသားစု အတွက် လွင်တီးခေါင်ပြင်ထဲမှာ ကြာရှည် ကျုပ်ရပ်နေလို့ ဖြစ်ပါတော့မလား - အထဲမှာ ရေညှိတက် ပေကျံနေတာ သူတို့ မသိကြပေမယ့် ရွှေရောင်ကွပ်ထားတာကို မြင်တော့ ကျုပ်ရဲ့ အသိုင်းအဝိုင်းက ဒါကို အာသာငမ်းငမ်း လိုလားနေကြပြီ - ပတ်ဝန်းကျင်က ရိုက်ခတ်တဲ့ စကားသံတွေ - အပြိုင်အဆိုင် အလကားပေးနေတဲ့ မိုးခါးရေပုလင်းတွေ ကြားထဲမှာ တန်ဖိုးဖြတ်လို့ မရတဲ့ သန့်စင်မှုတစ်ခုအကြောင်း နာမဝိသေသနတွေ အလျှံအပယ်သုံးပြီး ကျောက်သင်ပုန်း တစ်ချပ်ပေါ်မှာ ကျုပ်တန်ဆာဆင်ပြလို့ မရတော့ဘူး - အဲ့လိုနဲ့ တစ်နေ့ - ကျုပ်ခါးကြားမှာ ရွှေရောင်ကွပ်ထားတဲ့ ဗူးတစ်ခု သူတို့ တွေ့ခဲ့ကြတော့မင်း ခုတော့ မိုးခါးရေ သောက်နေပြီ မလား ဆိုတဲ့ အကြည့်နဲ့ အချင်းချင်း အရွှန်းဖောက်ကြတယ် - ကျုပ် ခပ်လျော့လျော့ ပြုံးပြဖြစ်ပါတယ် - ဟုတ်မှာပါ - သူတို့ အမြင်မှာတော့ ကျွန်တော်လည်း အခု မိုးခါးရေသောက်သူများ အုပ်စုဝင် တစ်ယောက်ပေါ့ -

ဒါပေမယ့် သူတို့ လက်ခံထားကြတဲ့ ပတ်ဝန်းကျင်မှာ သူတို့ သတိမထားမိလိုက်တဲ့ အုပ်စုအသစ်တစ်ခု ဖြစ်တည်လာတာကိုတော့ သူတို့ အားလုံး သတိမထားမိလိုက်ကြဘူး - အဲ့အုပ်စုအတွက် နာမည်ကို တစ်ချိန်က ရှင်းပြခွင့် မရခဲ့တဲ့ ကျောက်သင်ပုန်းတစ်ချပ်ပေါ် တိတ်တဆိတ်ရေးပြီး ဘယ်သူမှ မသိနိုင်တဲ့ တစ်နေရာမှာ ကိုယ်ကိုယ်တိုင်ပဲ ဖွက်ထားလိုက်တယ် - နောက်ပြီး ကျောက်သင်ပုန်း ရှာနေသူ တစ်ယောက်လို ဘဝကို ဖြတ်သန်းခဲ့တယ် - ကျောက်သင်ပုန်းပေါ်မှာ ရေးခဲ့တဲ့ အဲ့ဒီ့ နာမည်ကို တစ်ခြားသူတွေ မသိကြပေမယ့် သူကိုယ်တိုင်တော့ ခဏခဏ ပြန်ပြန်ရွတ်လေ့ ရှိတယ် - အဲ့နာမည်က -

" မိုးခါးရေပုလင်း ချိတ်သူများ "

KznT.

Windows 8 And The Future Of Computing

စာမရေးတာ တစ်ပတ်လောက်ကြာသွားတော့ အကြောင်းအရာ ခပ်ကြီးကြီးရေးဖို့ ကျွန်တော်လည်း ပျင်းနေတယ် - ဒါပေမယ့် ပြန်အစပျိုးကြည့်ဦးမယ် - အရှိန်ပြန်ယူတဲ့ သဘောပေါ့ - ဒီနေ့ လူသိနည်းသေးတဲ့ အကြောင်းအရာလေး တစ်ခု ပြောပြချင်တယ် - Windows 8 အကြောင်းပေါ့ - Windows 8ဆိုပြီး အရင် Windows 7 ပေါ်ကာစတည်းက အခွေထွက် ဘာထွက်နဲ့ ထွက်လာတာတော့ ရှိတယ် - ဒါပေမယ့် အဲ့တာတွေက Windows 8 အစစ်မဟုတ်ဘူး - သူတို့က Windows 7 ပေါ်မှာ Based ယူပြီး Themes လေးတွေပြောင်း Tweaks လေးတွေလုပ်နဲ့ ပြောင်းလုပ်ထားတာ - ခု Windows 8 ကတော့ တကယ် အတည်လို ဖြစ်နေပြီ - ဒီ Windows 8 screenshots တွေ ပေါက်ကြားတယ် ဆိုပြီး ဓာတ်ပုံတွေနဲ့ ဘာတွေနဲ့ ထွက်လာတာ ကြာတာတော့ ကြာပြီ - ကျွန်တော်လည်း စစချင်း သိပ်တော့ မယုံဘူးဗျ - မယုံဘူး ဆိုတာကလည်း ဘယ်လိုပြောရမလဲ သတင်းကြီးချင်လို့ ချဲ့ကားရေးတယ်လို့ပဲ ထင်ထားတာ - ခုနောက်ပိုင်းကျတော့ ဒီ Windows 8 သတင်းက နာမည်ကြီး ဖိုရမ်တွေထိ တက်လာပြီ - ဒီတော့ မြန်မာမိသားစုဖိုရမ်မှာလည်း ရေးမှ ဖြစ်တော့မှပေါ့နော့် လောလောဆယ်အခြေအနေကတော့ Windows 8 က အတည်ထွက်တာမျိုး မဟုတ်သေးဘူး - Microsoft ကစမ်းသပ်ဆဲ ကာလ Pre-release သဘောပေါ့ - သူ့ရဲ့ UI ကို ကျွန်တော် သိထားသလောက် နည်းနည်းချင်း မိတ်ဆက်ပေးချင်တယ်။

Windows Aero

အရင်ဆုံး Microsoft က Windows 8 မှာ ပြောင်းလဲဖို့ လုပ်ထားတာ Windows Aero - အခု နောက်အသစ်ထွက်မယ့် Microsoft ရဲ့ Next OS Windows 8 မှာ Windows 8 rendering engine ကို ပြောင်းထားတယ်လို့ သိရတယ် - ဘယ်လို ပြောင်းတာမျိုးလဲ ဆိုရင် အရင် Desktop Window Manager က Hardware rendering ကို သုံးရာကနေ အခု Windows 8 မှာ Software rendering ကို ပြောင်းသုံးတယ် - ဒါကလည်း နည်းပညာစကားအရ ကွန်ပြူတာသမားတွေရဲ့ အသုံးအနှုန်းနဲ့ ပြောတာပါ - နားလည်လွယ်အောင် ပြောရရင်တော့ အရင်တုန်းကဆိုရင် ကျွန်တော်တို့ Windows 7 သုံးတဲ့ အခါ Windows Aero က Hardware မနိုင်ရင် သုံးလို့ မရဘူး - ကိုယ့် Graphic က ဘယ်လောက် စွမ်းဆောင်ရည်ကောင်းသလဲ ဆိုတာပေါ် မူတည်ပြီး Windows Aero က အရမ်းစကားပြောတယ် - အဲ့တော့ Hardware requirements လိုတဲ့ စက်တွေဆို Windows 7 သုံးမရ Windows Aero ကို Support မပေးတာတို့ ဖြစ်လာရော - ခု အဲ့ဒီ့ အားနည်းချက် Microsoft က သိပြီး Windows Aero ကို Hardware rendering ကနေ Software rendering ကို ပြောင်းလိုက်တယ် - ဆိုလိုတာက နောက်ဆို Hardware requirements ဘာမှ များများစားစား မလိုပဲ Windows Aero ကို သုံးလို့ ရမယ် ဆိုတဲ့ သဘောပေါ့ - အဲ့အချက်ကိုတော့ ကျွန်တော် အရမ်းသဘောကျတယ် - အောက်မှာကတော့ မြင်ရတဲ့ အတိုင်း Windows 8 Pre-realease ပါ -

Installation process

Windows 8 မှာ Installation process ကတော့ အရင်လို အဆင့်လိုက် တစ်ဆင့်ချင်း သွားနေတုန်းပဲ - ဒါပေမယ့် ခုလာမယ့် Windows 8 ရဲ့ Installation process မှာ အဆင့် တစ်ဆင့်ချင်းစီအလိုက် Users တွေ နားလည်လွယ်စေမယ့် ရှင်းလင်းချက်တွေ - Installation process ပြီးဖို့ ဘယ်လောက်ကြာဦးမယ် ဆိုတာတွေ အသေးစိတ် ပါလာမယ်လို့ သိရတယ်။

Windows Explorer Ribbon

ဒီအောက်မှာ မြင်ရမှာကတော့ Windows 8 မှာ ပြောင်းသွားမယ့် Windows Explorer Ribbon ပုံစံ - ထင်ရတာတော့ Windows 8 မှာ Microsoft က သူ့ Products အသီးသီးက features တွေကို တစ်နေရာတည်းမှာ Users တွေသုံးရလွယ်အောင် ပေါင်းပေးမယ့် သဘောမှာရှိတယ် - ကျွန်တော်တို့ သုံးနေကျ Total commander လို သဘောပေါ့ -

Improved Taskbar

အရင်တုန်းက ကျွန်တော်တို့ စက်မှာ New hardware တစ်ခုခု တက်လိုက်ရင် Windows က သူ့ဘာသာသူ ဘာတွေလုပ်နေမှန်း မသိဘူး - ပြီးခဏလောက်နေတော့မှ installed လုပ်ပြီးပြီ အသင့်သုံးလို့ ရပြီ ဆိုပြီး ပြတယ် - တစ်ခါတစ်လေဆိုရင်လည်း installed လုပ်လို့ မရ သုံးလို့ မရဆိုပြီး ပြတတ်တယ် - ခု Windows 8 မှာ အဲ့လို မဟုတ်တော့ဘူး New hardware တစ်ခုခုကို install လုပ်နေတယ်ဆိုရင်လည်း Taskbar မှာ Progress indicators တြွေပပေးလာမယ် -

Live ID integration

နောက်ပြီး Windows 8 မှာ Live ID integration ပါလာမယ် - ကိုယ့်ရဲ့ Live ID က တင်ထားတဲ့ ပုံကို Taskbar မှာ ပြပေးမှာမျိုးပေ့ါ

System reset feature

နောက်တစ်ခု Windows 8 မှာ ထူးခြားလာတာ System reset feature - သူ့ကြောင့် ဘာကောင်းကျိုး ရလာလဲ ဆိုရင် ကိုယ့်ကွန်ပြူတာ တစ်ခုခု ပြဿနာတက်လို့ သုံးရတာ အဆင်မပြေဖြစ်လာတဲ့ အခါ OS တစ်ခုလုံးကို မိနစ်ပိုင်းအတွင်း အောက်မှာ ဖော်ပြထားတဲ့ အတိုင်း restore ပြန်ပေးလိုက်လို့ ရလာမယ် - End users တွေအတွက် အများကြီး အဆင်ပြေတာပေါ့ - အောက်မှာ မြင်ရတဲ့ အတိုင်း 'Restore to the original factory settings' ဆိုတာကို သုံးလိုက်ရင် စက်ထဲမှာ သွင်းထားသမျှ Programs တွေအားလုံးကို Remove လုပ်ပြီး ကိုယ့် OS ကို Default settings အတိုင်း ပြန်ဖြစ်သွားစေမှာပါ - Windows အသစ်တင်ပြီး ခါစလိုပေါ့ 

Modern Reader

နောက်ထပ် ပြင်ဆင်ထားတဲ့ တစ်ချက်က Modern Reader - အရင်ကဆို Windows မှာ PDF files တွေ ဖတ်ဖို့အတွက် သီးသန့် Foxit တို့ Adobe acrobat တို့ ဆိုတာမျိုးတွေ တင်ရတယ် - ခုတော့ Windows 8 မှာ Modern Reader တစ်ခု ပါလာမယ် - မြင်ရမယ့် ပုံစံကတော့ ခုလိုမျိုး -

Internet Explorer Immersive UI

နောက်ပြီး ခုနောက်ပိုင်း လူသုံးများလာတဲ့ tablets လိုမျိုး touch-based devices တွေအတွက်လည်း Microsoft က dual interface design ထည့်ပေးနိုင်ဖို့ ပြင်ဆင်ပေးထားတယ် - အောက်မှာ Internet Explorer 9 ရဲ့ New Immersive version ကို မြင်နိုင်ပါတယ်။

Aero Auto-Colorization

ပြောစရာတွေကလည်း မကုန်နိုင်တော့ဘူး ဖြစ်နေတယ် - နောက်ထပ် Windows 8 မှာ ပြောင်းလဲမှု လုပ်ထားတစ်ခုက Aero Auto-Colorization - နားလည်လွယ်အောင် ပြောရရင် Desktop background ရဲ့ Colour အချိန်းအပြောင်းပေါ် မူတည်ပြီး Start Menu - Windows Explorer နဲ့ Taskbar တွေအားလုံးက နောက်ခံ background အရောင်နဲ့ ဟပ်မိအောင် Colour တွေ လိုက်ပြောင်းပေးမယ့် ပြင်ဆင်မှု အသစ်ပေါ့ - အောက်က ပုံတြွေကည့်ရင် နားလည်ပါလိမ့်မယ်။

SmartScreen Filter

သူလည်း Windows 8 မှာ ပါလာတ့ဲ ထပ်ပေါင်းဖြည့်ပေးလာတဲ့ Features အသစ် - အရင် ကျွန်တော်တို့ Internet Explorer 8 မှာတုန်းက Microsoft ကနေပြီး Malware ရန်ကနေ ကာကွယ်နိုင်အောင် browser ထဲမှာ SmartScreen Filter ဆိုတာ ထည့်ပေးလိုက်တယ် - သူ့သဘောက browser ကနေ ဖိုင်တစ်ခုခုကို ဒေါင်းလုပ်ချလိုက်တာနဲ့ ကိုယ်ဒေါင်းလုပ်ချနေတဲ့ Websites ရယ် - Download ချနေတဲ့ ဖိုင်အမျိုးအစားရယ်ကို ကြည့်ပြီး Malware ရန်ကနေ ကာကွယ်ပေးတယ် - ခု အဲ့ဒီ့ SmartScreen Filter ကိုပဲ Wndows 8 မှာ built-in ထပ်ထည့်ပေးလာတယ် - သဘောက ဖိုင်တစ်ခုခုကို ဒေါင်းလုပ်ချပြီး run ဖို့ လုပ်တာနဲ့ file system ကို စစ်မယ် - malicious လား ခန့်မှန်းမယ် - အမည်မသိဆိုရင် block မယ် အဲ့လိုမျိုးပေါ့ -

Windows 8 Welcome screen

နောက်ဆုံး တစ်ခု ပြောဖို့ကျန်တာကတော့ Windows 8 Welcome screen - Windows Phone 7 lock screen ပုံစံမျိုး သူက အခြေပြုပြီး ဖန်တီးထားတယ် - ပုံကြီးကြည့်ပြီးတော့ စိတ်မပျက်သွားပါနဲ့ဦး  အဲ့တာက Background change လို့ ရပါတယ် - ထူးခြားသွားတာက နေ့- လ - ရက် အချိန်တွေ ပြပေးလာတာ -

ဒါတွေက အကုန်အသေးစိတ် မဟုတ်ပါဘူး - ကျွန်တော် ဖတ်ထားသလောက် အားလုံး ခြုံပြီး မိတ်ဆက်ပေးတာပါ - အသေးစိတ်လေ့လာဖတ်ရှုချင်သူများ အောက်မှာ ဖော်ပြထားတဲ့ Links များကနေ ဆက်ပြီး လေ့လာနိုင်ပါတယ်။ ပုံတွေအားလုံးကိုလည်း ဖော်ပြပါ ဆိုဒ်တွေကနေ ယူသုံးထားပါတယ်။

မူလရင်းမြစ်များ

http://www.winbeta.org/?q=news/what-...bout-windows-8
http://www.winbeta.org/?q=news/windo...tem-protection
http://www.winbeta.org/?q=news/windo...r-immersive-ui
http://windows8beta.com/2011/04/smar...g-in-windows-8
http://www.winbeta.org/?q=news/leake...proved-taskbar
http://www.withinwindows.com/2011/04...-colorization/
http://www.withinwindows.com/2011/04...modern-reader/
http://www.withinwindows.com/2011/04...rer-immersive/
http://www.withinwindows.com/2011/04...plorer-ribbon/
http://www.withinwindows.com/2011/04...elcome-screen/

လေ့လာနိုင်သမျှ မျှဝေနိုင်ကြပါစေ

KznT.

Myanmar culture and heritage

ကနေ့ ခေတ်မှာ မြန်မာမှု - မြန်မာ့ဟန် - မြန်မာဓလေ့ အငွေ့အသက်တွေကို မြန်မာမိန်းကလေး - ယောကျာင်္းလေးတွေ မေ့ပျောက်လုလု ဖြစ်နေကြတာ ကျွန်တော် သတိထားမိပါတယ်။ တော်တော်လေး ဝမ်းနည်းစရာ ကောင်းတဲ့ အချက်တစ်ချက်ပါပဲ - ခေတ်နောက်ပြန် ဆွဲနေတာ မဟုတ်ပါဘူး - အများသူငါ လက်ခံထားကြတဲ့ Globalization ကို အံတုတွန်းလှန်ပြီး နွားလှည်းတစ်စီးနဲ့ ၁၉ ရာစုကို ပြန်သွားနေတာလည်း မဟုတ်ပါဘူး - ကျွန်တော် ဆိုလိုတာ။

တိုက်ပုံစွတ်ပြီး ခေါင်းပေါင်း ပေါင်းနေရမယ်လို့ မဆိုလိုပါ -
ချိတ်ထမီ ဝတ်ပြီး ရင်ဖုံးနဲ့ ပွဲတက်ရမယ်လို့ မရည်ညွှန်းလိုပါ -

ဒါပေမယ့် သိစေချင်တာ တစ်ခုက မြန်မာအမျိုးသား - မြန်မာအမျိုးသမီး တစ်ယောက်လို ဝတ်စားဆင်ယင်ခြင်း ကြောင့် လူပုံအလယ်မှာ အရှက်တကွဲ အကျိုးနဲ မဖြစ်နိုင်သလို - မြန်မာမှု အသိုင်းအဝိုင်းမှာတင်မက ၊ ကမ္ဘာ့အလည်မှာပါ ဂုဏ်ငယ် သေးသိမ် သွားမှာ မဟုတ်ဘူး ဆိုတဲ့ အကြောင်း မြန်မာမိသားစုဝင်များကို သိစေချင်လှပါတယ်။

သင်္ကြန်မိုး

သင်္ကြန်မိုးဆိုတဲ့ ရုပ်ရှင်ကားဟာ ကျွန်တော့် ဘဝတစ်သက်တာ အတွက် အမှတ်တရ အရှိဆုံး သဘောအကျဆုံး ရုပ်ရှင်ကား တစ်ကားပါ။ မြန်မာမှု အငွေ့အသက် - မြန်မာ့ရိုးရာ အတာသင်္ကြန် - မြန်မာ့အလှ - မြန်မာ့အက - မြန်မာ့သင်္ကြန်သီချင်း စစ်စစ် တွေ နဲ့ ပေါင်းစပ်ဖွဲ့တည်ထားတဲ့ သင်္ကြန်မိုး ဇာတ်ကားဟာ ကျွန်တော့် အတွက်တော့ ဘယ်အချိန် ပြန်ကြည့်ကြည့် ကြည့်လို့ မရိုးနိုင်ခဲ့သေးတဲ့ ကားတစ်ကားပါပဲ - ဒီကားလေးကို ကျွန်တော် Burmese Classic ကနေ လွန်ခဲ့တဲ့ သုံးနှစ်လောက်က သင်္ကြန်တွင်းကြီး Download ချပြီး သိမ်းထားခဲ့တာပါ။

ဒီကားလေးကို ခု သင်္ကြန်နားနီးလာပြီမို့ မြန်မာမှု အငွေ့အသက်ကို ချစ်ခင်မြတ်နိုးသူ - မြန်မာ့ အတာသင်္ကြန် နဲ့ ရိုးရာ အလှအပ ကို ပြန်လည်ခံစား ကြည့်ရှုချင်သူများ အတွက် သိမ်းဆည်းထားနိုင်အောင် ဝေမျှလိုက်ပါတယ်။

ဒီခေတ်မှာ ဒီလို ငွေငန်းကို မြင်ရနိုင်သေးပေမယ်လို့ ခုလို ငွေငန်းဘေးမှာ လှပတင့်ဖူးစွာ ကပြ ဖျော်ဖြေမယ့် အမျိုးသမီး သင်္ကြန်မယ်လေးတွေ  မြင်ရနိုင်ဖို့ ကတော့ မသေချာတော့ ပါဘူး - ဝမ်းနည်းဖို့ အကောင်းဆုံး မြန်မာ့ယဉ်ကျေးမှု ဆိတ်သုန်းမှု တစ်ခုပါပဲ။

မောင်ဇင်။

( ယခင် ရေးသားခဲ့ပြီးသော Post အဟောင်းအား တောင်းဆိုမှုကြောင့် Links အသစ်ဖြည့်သွင်း၍ ပြန်လည် ဖော်ပြလိုက်ပါသည်။ နှစ်သစ်နှင့် အတူ မြန်မာပြည်သူ ပြည်သားအပေါင်း ပျော်ရွှင်အေးချမ်းနိုင်ကြပါစေ။)

Fresh Dynamic Views For Your Blog

ဟုတ်တယ် ကျွန်တော် မမှားဘူး - ယုံယုံကြည်ကြည်နဲ့ Blogger မှာ နေခဲ့တာ အချိန်တန်တော့ မျှော်လင့်ထားတာတွေ Google က ဖန်တီးပေးလာတယ် - ကိုယ့်ကိုယ်ကိုယ်တောင် မယုံနိုင်ဘူး - ဖြတ်သန်းခဲ့တဲ့ ကာလတစ်လျှောက် Blogger ကြောင့် တစ်ခါမှ စိတ်မညစ်ခဲ့ရဘူး - Hosting ပြဿနာ ဆိုတာလည်း မရှိဘူး - Site down တယ် ဆိုတာလည်း ရှိကောင်းတော့ ရှိလိမ့်မယ် - ဒါပေမယ့် တစ်ခါမှ မကြုံခဲ့ဖူးဘူး - အလကား ပေးထားတဲ့ ဝန်ဆောင်မှုလို့ မထင်ရလောက်အောင် Users တွေကို ဂရုစိုက်တယ် - ဒါ့ကြောင့် Blogger မှာ စာရေးရတာ ပျော်တယ် - 

ဒီနေ့ Blogger သမားတွေအတွက် Dynamic templates အသစ် ငါးခုမိတ်ဆက်တယ် - တစ်ခြား Blog အမျိုးအစားတွေထက် Photo blog တွေ အတွက်ပိုကောင်းသွားတယ်လို့ ကျွန်တော်ထင်မိတယ် - Web နည်းပညာပိုင်းမှာ နာမည်ကြီးနေတဲ့ AJAX, HTML5, CSS3 အားလုံးရဲ့ နောက်ဆုံး နည်းပညာတွေ သုံးပြီး တည်ဆောက်ထားတယ်လို့ သိရတယ် -

ဘယ်လိုတွေ ပြောင်းလဲသွားမယ် ဆိုတာတော့ အောက်မှာ ဖော်ပြထားတဲ့ Links တွေကိုသာ နှိပ်ပြီး သွားကြည့်ပါ -

• Flipcard
• Mosaic
• Sidebar
• Snapshot
• Timeslide

မြင်တွေရမယ့် ပုံစံ အကြမ်းဖျဉ်းက အောက်ဖော်ပြပါ အတိုင်းပါ - Blogger ကနေ တဆင့် Picasa မှာ တင်ပြီး သုံးထားသမျှ ကိုယ့် ဘလော့က ဓာတ်ပုံတွေကို Views အမျိုးမျိုးနဲ့ အောက်ဖော်ပြပါအတိုင်း တွေ့ရပါလိမ့်မယ်။

Flipcard

Snapshot



Mosaic

တကယ်လို့ ကိုယ်ကိုယ်တိုင်လည်း Blog ရေးတယ် ဆိုရင် ကိုယ်ရေးတဲ့ ဘလော့ရဲ့ URL နောက်မှာ “/view” ကို ထပ်ပေါင်းထည့်ပြီး ဒီ Views ငါးမျိုးနဲ့ ဘယ်လို ပေါ်မယ်ဆိုတာ စမ်းကြည့်နိုင်ပါတယ် - ဥပမာ ပြောရရင် - http://mlovesm.blogspot.com/view ဆိုတာမျိုးပေါ့ - ဒီ Views တွေနဲ့ Public ပေးထားတဲ့ Blogger အားလုံး ကြည့်လို့ ရပါပြီ - ကန့်သတ်ချက် တစ်ခု ရှိတာက Public ပေးထားပေမယ့် ဒီ Dynamic Views သုံးပြီး ကိုယ့် ဘလော့ကို ကြည့်လို့ မရရင် feeds တွေကို fully enabled မပေးထားရသေးလို့ ဖြစ်ပါလိမ့်မယ် - Blogger ထဲကို ဝင်ပြီး Settings | Site feed tab မှာ Full ပေးပါ - Setting | Formatting tab မှာလည်း Enable Dynamic Views ကို Yes ပေးထားဖို့ လိုပါတယ် -

Youtube ကြည့်လို့ ရမယ်ဆိုရင်တော့ ဒီအောက်က ဗွီဒီယိုလေး ကြည့်ကြည်ပါ - အပြင်အဆင်လေးတွေ ပိုနားလည်နိုင်ပါလိမ့်မယ်။

မူလရင်းမြစ်များ

http://googleblog.blogspot.com/2011/...your-blog.html
http://www.google.com/support/blogge...1227173&ctx=go
http://www.google.com/support/blogger/bin/answer.py?hl=en&answer=1229061&ctx=go
http://mlovesm.blogspot.com/view/flipcard

KznT.

Google Talk Guru

Google Talk Guru ဆိုပြီး Google ကနေ bot အသစ်ထုတ်တယ် - ဒီနေရာမှာ bot အကြောင်းလေး တစ်ချက် ရှင်းပြချင်တယ် - bot ကို Internet bot, web robot, WWW robot, နောက်ပြီး ရိုးရိုးရှင်းရှင်းပဲ bot ဆိုပြီး မျိုးစုံ ခေါ်ကြတယ် - သူ့ အဓိပ္ပါယ်ကတော့ bot ဆိုတာ software application တစ်ခုပဲ - သူ့ရဲ့ လည်ပတ်တဲ့ ပုံစံက အင်တာနက်ထဲမှာ သူလုပ်ရမယ့် အလုပ်တွေကို သူ့အလိုလျောက် ထိန်းချုပ်လှုပ်ရှား လည်ပတ်တာ - ဒါ့ကြောင့်လည်း သူ့ကို Robot ရဲ့ အတိုကောက် bots ဆိုပြီး ခေါ်ကြတာပေါ့ - အခု Google Talk Guru ဆိုတဲ့ bot ကလည်း ဘယ်လိုစွမ်းဆောင်သလဲ ဆိုရင် - ကျွန်တော်တို့ကနေ မေးခွန်းတစ်ခုခု မေးလိုက်ရင် သူက လူတစ်ယောက်လိုပဲ ကိုယ်မေးလိုက်တဲ့ မေးခွန်းကို အလိုလျောက် ပြန်ပြီး ဖြေကြားပေးတယ် - ဘယ်လို မေးခွန်းမျိုးတွေလဲ ဆိုတာ ဥပမာ ပြောရရင် sports results တို့ weather forecasts တို့ definitions တို့ စတာတွေကို ကျွန်တော်တို့ နေ့စဉ်သုံးနေကျ Google talk chat box ကနေ တစ်ဆင့် မေးလို့ ရတာမျိုး - Gtalk တစ်ခုတည်းမှာမှ မဟုတ်ဘူး - တစ်ခြား Google talk ကို support ပေးတဲ့ chat applications မှာလည်း သူက အလုပ်လုပ်တယ် -

သူ့ကို စမ်းသုံးကြည့်ချင်ရင် ဒီနေရာကနေ သွား - အောက်မှာ ပြထားတဲ့ အတိုင်း မြင်ရရင် Sign in and invite myself to chat with Guru ဆိုတာကို Click ပေး - 

နောက်တစ်ဆင့်မှာ အောက်မှာပြထားသလို မြင်ရလိမ့်မယ် - အဲ့ကျရင် Invite myself to chat with Guru ကို ထပ်ပြီး Click ပေး - 

အဲ့တာ ပြီးသွားရင် ခုလို မြင်ရလိမ့်မယ် - အဲ့ကျရင် ကိုယ့် Gtalk ကို ပြန်သွားပြီး guru@googlelabs.com က Invite လုပ်တာကို လက်ခံလိုက် - 

စပြီး Chat လို့ ရပြီ - ဘယ်လိုမျိုးတွေ မေးလို့ ရလဲ ဆိုတော့ "weather in Yangon" တို့ - "amplitude definition" တို့ စတာတွေ မေးလို့ ရတယ် - မေးချင်တာ မှန်သမျှတော့ မေးလို့ မရဘူး - ကျွန်တော်မေးချင်တာ လျှောက်မေးထားတာတွေ Gugu ဘယ်လို ဖြေလည်း ဆိုတာတော့ အောက်မှာသာ ကြည့် 

စစချင်း ကျွန်တော် weather yangon ဆိုပြီး မေးလိုက်တယ် - မဆိုးဘူး - ဟုတ်သော်ရှိ မဟုတ်သော်ရှိ ထွက်တော့ ထွက်ချလာတယ် Results တွေ - 

အဲ့တာနဲ့ အားတတ်သရော ထပ်မေးလိုက်တယ် - Define Desktop - Google Guru ရဲ့ အဖြေကတော့ အားရစရာပဲ - 

Quote:

desktop: the top of a desk

အဲ့တော့ ကျွန်တော် Guru ကို ထပ်ပြီး မမေးရဲတော့ဘူး 

မူလရင်းမြစ်များ

http://googlesystem.blogspot.com/201...talk-guru.html
http://lifehacker.com/#!5787026/goog...ur-chat-window
http://guru.googlelabs.com/

KznT.

How To Create Multiboot USB Flash Drive

ဒီအကြောင်းကို ဖတ်ထားခဲ့တာ တော်တော်ကြာပြီ - ဖတ်ပြီးကတည်းက ပြန်ပြောပြမလို့ပဲ တောင်လုပ် မြောက်လုပ် လုပ်နေတာနဲ့ ပြောဖြစ်တဲ့ဘက်ကို မရောက်နိုင်ဘူး ဖြစ်နေတာ - အကြောင်းက အရင် ကျွန်တော်တို့ Windows ကို အကြောင်းအမျိုးမျိုးကြောင့် CD/DVD Drives တွေကနေ တင်လို့ မရတဲ့ အခါ USB ကနေ တင်ဖို့ဆိုပြီး နည်းလမ်းမျိုးစုံနဲ့ ကျွန်တော်တို့ အပေါ်မှာ ပြောခဲ့ကြတာ ရှိတယ် - ပထမဆုံး ကျွန်တော်စဖွင့်ခဲ့တဲ့ Windows 7 USB/DVD Download tool သုံးပြီး ISO File ကို USB Drive ထဲထည့်တဲ့နည်းက ပြောရရင် သိပ်အဆင်မပြေဘူး - ဒါကလည်း ကျွန်တော် အဲ့တုန်းက USB Flash Drive နဲ့ Windows တင်နိုင်ဖို့ သုံးတဲ့ Tools တွေအကြောင်း သိပ်များများ မသိသေးတာလည်း ပါတယ် - နောက်ပိုင်း ကျွန်တော် WinToFlash ကို သိတော့ Windows 7 USB/DVD Download tool ဘက်ကို လှည့်မကြည့်မိတော့ဘူး - အဲ့တာလေးနဲ့ အဆင်ပြေနေတာ တော်တော်လည်း ကြာပြီ - အဲ့တုန်းကလည်း သိသာသိတယ် ပြန်တော့ မပြောပြဖြစ်ခဲ့ဘူး - အဲ့တာ ကိုမင်းသိုက် သတိထားမိပြီး 05-03-2011, 06:51 PM နေ့က ANY WINDOWS INSTALL FROM FLASH DRIVE ဆိုတဲ့ ခေါင်းစဉ်နဲ့ သံလုံငယ်ဆိုဒ်ကနေ ပြန်ပြီး ဖော်ပြပေးတယ် - အဲ့နည်းလေးက ပြောရရင် ကျွန်တော်ရေးထားတဲ့ Windows 7 USB/DVD Download tool နည်းထက် အများကြီး ပိုအဆင်ပြေတဲ့ နည်းပါ - ကျွန်တော်ရေးထားတဲ့ အသုံးသိပ်မဝင်တာကြီး ထိပ်ဆုံးရောက်နေလို့ စိတ်ထဲတောင် သိပ်မကောင်းဘူး

ဒီနေ့ ပြောပြချင်တဲ့ အကြောင်းက အရင်ကျွန်တော်တို့တွေ USB ကနေ ဝင်းဒိုးတင်ကြမယ် ဆိုရင် ဘယ် Tools ကို သုံးသုံး USB တစ်ခုကို Windows တစ်မျိုးပဲ တင်သုံးလို့ ရတယ် - ဒါကို သုံးဖူးတဲ့ သူတွေ အားလုံးပဲ သိပြီး ဖြစ်လိမ့်မယ် - ဆိုလိုတာ 16GB ရှိတဲ့ USB ထဲကို WinToFlash သုံးပြီး Windows ခွေကူးထည့်မယ် ဆိုရင် Windows 7 တင်ချင်တယ်ဆို Windows 7 တစ်ခုတည်း ထည့်လို့ ရမယ် - Windows XP တင်မယ် ဆိုရင်လည်း Windows XP တစ်မျိုးပဲ ထည့်လို့ရမယ် - Windows 7 ကိုရော Windows XP ကိုရော ကျွန်တော်တို့ နှစ်မျိုးလုံး ကူးထည့်လို့ မရဘူး - အဲ့တော့ သဘောက Flash Drive မှာ ပမာဏ ဘယ်လောက်ပဲ ရှိရှိ Flash တစ်ခုကို Windows တစ်ခုပဲ သုံးလို့ ရတယ် ဆိုတဲ့ သဘောဖြစ်နေတာပေါ့ - ဒီလိုဆို USB Flash Drive တစ်ခုကို GB အများကြီးနဲ့ ဝယ်ထားတဲ့ သူတွေအတွက် အများကြီး နစ်နာတယ်လို့ ပြောလို့ ရတယ် - နောက်ပြီး လူတစ်ယောက်မှာ 16GB ပမာဏရှိတဲ့ Flash Drive တစ်ခုရှိတယ် ဆိုပါစို့ - သူ့မှာ ကွန်ပြူတာက နှစ်လုံးရှိတယ် - ကွန်ပြူတာ တစ်လုံးမှာ သူက Windows 7 တင်ချင်တယ် - နောက်တစ်လုံးမှာက XP တင်ချင်တယ် - ( အဲ့လိုမှ မဟုတ်ပဲ ကွန်ပြူတာ တစ်လုံးတည်းမှာပဲ Partitions နှစ်ခုထုတ်ပြီး Partition တစ်ခုမှာ XP - နောက်တစ်ခုမှာ 7 တင်ချင်တယ် ) ဆိုပါစို့ ဒီလိုဆို ပုံမှန်အတိုင်းသာ WinToFlash တို့ တစ်ခြား Tools တစ်ခုခုသာ သုံးမယ် ဆိုရင် သေချာတာက -

ပထမတစ်ခေါက် 

USB ထဲကို Windows 7 ရိုက်လိုက်
တစ်ခြားစက်မှာ တင်လိုက် - နောက်ပြီး အဲ့ USB ထဲက Windows 7 ကိုပြန်ဖျက် နောက်ပြီးရင်

ဒုတိယတစ်ခေါက် 

Windows XP ကို ပြန်ရိုက်
ပြီးရင် တစ်ခြားစက်မှာ ပြန်တင် ဒီလို လေးဆင့် လုပ်ရမှာပေါ့

အချိန်ပေးနိုင်ရင်တော့ အကြောင်းမဟုတ်ဘူး - အချိန်မပေးနိုင်တဲ့သူ အတွက်ကျ ဖျက်လိုက် ရိုက်လိုက် လုပ်ရတာ သိပ်အဆင်မပြေတော့ဘူး - ခု ဒီပြဿနာကို ပြေလည်အောင် ဖြေရှင်းပေးနိုင်မယ့် tool တစ်ခု ကျွန်တော် တွေ့ထားတာ ရှိတယ် - သူ့ကိုတော့ WinSetupFromUSBလို့ခေါ်တယ် - သူကလည်း Windows ကို USB ကနေတင်ဖို့ သုံးနိုင်တဲ့ WinToFlash လို tool တစ်ခုပဲ - ဒါပေမယ့် သူ့ရဲ့ အားသာချက်က GB ပမာဏ လုံလုံလောက်လောက်ရှိတဲ့ Flash Drive တွေအတွက် Multiboot တစ်ခါတည်း တန်းရိုက်လို့ ရတယ် - ဆိုလိုတာ Windows 7 ရော Windows XP ရော တင်ဖို့ အစီအစဉ်ရှိတယ်ဆိုရင် တစ်ခုတင်လိုက် ဖျက်လိုက် နောက်တစ်ခု ထပ်ရိုက်လိုက် တင်လိုက် လုပ်ဖို့ မလိုဘူး - တစ်ခါတည်းနဲ့ USB ထဲကို ကိုယ်တင်ချင်တဲ့ Windows နှစ်မျိုးလုံး တန်းရိုက်ထားလို့ ရတယ် - လုပ်တာကတော့ MSFN ကနေ လုပ်ထားတာ -MSFN က Unattended Windows Discussion နဲ့ ပတ်သတ်ပြီး အရင်တည်းက တော်တော်နာမည်ကြီးနဲ့ နိုင်ငံခြားဖိုရမ်တစ်ခု - Windows နဲ့ ပတ်သတ်ပြီး တော်တော်များများကို နိှုက်နိှုက်ချွတ်ချွတ်လေ့လာချင်ရင် MSFN မှာ လေ့လာကြဖို့ ကျွန်တော် Recommend ပေးချင်ပါတယ်။

ခု ကျွန်တော်တို့ WinSetupFromUSB ဆိုတဲ့ Tool တစ်ခုရပြီ - ဘယ်လို သုံးနိုင်သလဲဆို အပေါ်မှာ ပြောခဲ့တဲ့ အတိုင်း XP နဲ့ Vista ဖြစ်ဖြစ် XP နဲ့ Windows 7 ဖြစ်ဖြစ် - XP နဲ့ Server 2008 ဖြစ်ဖြစ် USB ကနေ Multiboot အဖြစ်ဖန်တီးပြီး တင်လို့ ရပြီ - ပေးထားတာကလည်း Free - ပိုက်ပိုက်ပေးဖို့ မလိုဘူး  ကြီးကြီးကျယ်ကျယ် Command line တွေ ဘာတွေလည်း မပါဘူး - Mouse လေး သုံးလေးချက်ပဲ - အဲ့လောက်ထိကို လွယ်တယ်  Windows တွေချည်းပဲ အချင်းချင်း Multiboot လုပ်လို့ ရတာလား ဆိုတော့ မဟုတ်သေးဘူး - တစ်ခြားကိုယ့်ဆီမှာ UBCD ( Ultimate Boot CD ) တို့ - Ubuntu, Linux distros တို့ ဘာတို့ ရှိသေးရင်လည်း သူတို့တွေနဲ့ပါ Multiboot လုပ်လို့ ရတယ် -

အသုံးပြုနည်းကလည်း ရှုပ်တီးရှုပ်ရှက် မရှိပါဘူး - အောက်ဖော်ပြပါအတိုင်း အဆင့် ( ၃ ) ဆင့်ပဲ ရှိပါတယ် -

( ၁ ) WinSetupFromUSB utility ကို ဒီနေရာကနေ ယူပါ - ရလာတဲ့ ဖိုင်ကို ဖြည်လိုက်ရင် ခုလိုတွေ့ရပါလိမ့်မယ်။

( ၂ ) WinSetupFromUSB.exe ဆိုတဲ့ ဖိုင်ကို Run ပါ - သူ့ကို မ Run ခင်မှာ ကိုယ့်စက်မှာ USB flash drive တပ်ထားပြီးသား ဖြစ်ဖို့လိုပါတယ်။

( ၃ ) ပြီးသွားရင် Windows 2000/XP/2003 Setup Checkbox ကို Enable ပေးပြီး XP installation files တွေထည့်ထားတဲ့ folder ကို Browse ကနေ ခေါ်ယူပါ - တစ်ခုရှိတာ အရင် ကျွန်တော်တို့ အခွေရိုက်နေကျလိုမျိုး ဒီနေရာမှာ ISO file သုံးလို့ မရပါဘူး - ဥပမာ ကိုယ့်မှာ XP ISO file ရှိနေတယ် ဆိုရင် ဒီနေရာမှာ Browse ကနေ ခေါ်ယူဖို့ အဲ့ဒီ့ XP ISO file ကို 7-Zip utility ( ဒါမှမဟုတ် ) တစ်ခြား WinRAR စတာတွေသုံးပြီး Extract လုပ်ပြီးမှ Browse ကနေ ခေါ်ယူပါ။ ပြီးရင် Vista/7/Server 2008 Setup/PE/RecoveryISO Checkbox ကို Enable ပေးပြီး Vista / Windows 7 installation files folder ရှိတဲ့နေရာကို အထက်ဖော်ပြပါနည်းလမ်းအတိုင်း Browse ကနေတစ်ဆင့် နောက်တစ်ကြိမ် ထပ်ခေါ်ယူပါ - ဒီနေရာမှာလည်း Windows 7 ISO file ဖြစ်နေမယ်ဆို Extract လုပ်ထားဖို့ လိုပါတယ်။ ပြီးသွားရင် အောက်ဆုံးက Go button ကို နှိပ်လိုက်တာနဲ့ အချိန်အတိုင်းအတာ တစ်ခုထိစောင့်ပြီးရင် Windows XP နဲ့ Windows 7 နှစ်မျိုးပါပြီးသား Multiboot USB flash drive တစ်ခုရပါပြီ - အချိန်နည်းနည်းပေးပါ - စိတ်ရှည်ဖို့တော့ လိုပါလိမ့်မယ်။

ဒီ့ထက် အဆင်ပြေမယ့်နည်းတွေ သိရင် ကျွန်တော်ထပ်ပြီး ပြောပေးပါဦးမယ်။ စမ်းသပ်ပါ - မျှဝေပါ - အဆင်မပြေရင် တိတ်တိတ်နေပေးပါ 

မူလရင်းမြစ်များ

http://www.intowindows.com/how-to-cr...-simple-guide/
http://www.intowindows.com/winsetupf...drive-creator/
http://www.msfn.org/board/topic/1204...musb-with-gui/

KznT.

Best And Free Online Virus Scanners

ဒီနေ့ လူသိနည်းနေသေးတဲ့ အင်တာနက်ထဲက Online Virus Scanners တွေအကြောင်းနဲ့ သူတို့ရဲ့ အသုံးချပုံတွေ အကြောင်း ပြောပြချင်မိတယ် -

Virus နှင့် AntiVirus မိတ်ဆက်

Windows သမားတိုင်း ကွန်ပြူတာမှာ မဖြစ်မနေလို တင်ကြရတာ Antivirus ပါ - တစ်ချို့က Antivirus ကို ဘာမှန်း မသိလို့ မတင်ကြဘူး - တစ်ချို့က ဘာမှန်း သိပေမယ့် မတင်ကြဘူး - ဘယ်လိုပဲ ဖြစ်ဖြစ် ကိုယ်သုံးနေတဲ့ ကွန်ပြူတာရဲ့ System ပိုင်းဆိုင်ရာ လုံခြုံရေးအတွက် အကောင်းဆုံး အကြံပြုချင်တာက ဖြစ်နိုင်မယ်ဆိုရင် Antivirus တစ်ခု မဖြစ်မနေသုံးပါ - Antivirus အမျိုးအစားတွေကတော့ အများကြီးကို ရှိတယ် - နောက်ဆုံးထွက်တွေကိုမှ လိုချင်ရင် ကိုသန့်ဇင်ဌေး စုစည်းပေးထားတဲ့ ၂၀၁၁ မှ Antivirus များ စုစည်းမူ ဆိုတာ ရှိတယ် - အဲ့နေရာမှာ ယူနိုင်ပါတယ်။ Anti Virus တွေအကြောင်း သိချင်ရင် ဒီနေရာမှာ ငြိမ်းချမ်း(nyeinc8an) စရေးထားတဲ့ အကြောင်းအရာတွေ ရှိတယ် - တစ်ခြား မိသားစုဝင်တွေလည်း ဝင်ပြီး ဆွေးနွေးထားကြတယ် - လတ်တလော သုံးနေတဲ့ Antivirus ကို သဘောမကျလို့ တစ်ခြား Antivirus ပြောင်းတင်ချင်တဲ့ အခါ ဖြုတ်ရပြုရလွယ်ကူအောင် ကို PyaitSone ကနေ AntiVirus Removal Tools ဆိုပြီး ဖော်ပြထားတာ ရှိတယ် - တကယ်အသုံးတည့်ပါတယ် - Antivirus Software တွေ အများကြီးထဲက ဘယ်လို Antivirus မျိုးကို ရွေးသုံးသင့်လဲ ဆိုတာကိုတော့ chitnyimalay ဒီနေရာမှာ ရေးထားတာ ရှိပါတယ် - သိထားသင့်ပါတယ် - အဲ့တော့ ညွှန်းတာတွေ များသွားပြီ - လိုရင်းကို ပြန်ဆက်ရရင် Antivirus သုံးတိုင်း Virus အန္တရာယ် လုံခြုံသွားပြီလားလို့ မေးစရာ ရှိလာတယ် - ဒီမေးခွန်းကိုပဲ ကျွန်တော် အရင်တုန်းက ကိုယ့်ကိုယ်ကိုယ် ခဏခဏ ပြန်မေးခဲ့ဖူးတယ် - Virus ကို Virus အဖြစ်နဲ့ပဲ လက်ခံထားပြီး ဒီ့ထက်ပို မလေ့လာမိတော့ Virus အမျိုးအစား အမျိုးမျိုးရဲ့ ဖျက်စွမ်းအားတွေကိုလည်း နားမလည်ခဲ့ဘူး - နားမလည်တော့ Virus က ခဏခဏ ကို ကိုက်ခံရတယ် - တစ်ချို့ Virus တွေက ဘာလုပ်ရမှန်း မသိရင် Windows အသစ်ပြန်တင်လိုက်တဲ့ အခါ ကောင်းသွားရော - တစ်ချို့ ဟာတွေကကျတော့ မကောင်းဘူး - Windows အသစ်ပြန်တင်လည်း ပြန်ကိုက်ခံရတာပဲ - တစ်ချို့ Virus တွေက စက်ထဲမှာ Antivirus ရှိနေလျက်နဲ့ကို အလိုလို ဝင်လာတယ် - စိတ်ထဲမှာ တစ်ချိန်က ထင်ခဲ့တာ Antivirus ရှိရင် အားလုံး လုံခြုံပြီ ထင်ခဲ့တာ - သူတင်ထားရင် ဝင်လာသမျှ Virus အားလုံး သူ့ဘာသူသူ သတ်လိမ့်မယ်ပေါ့ - တကယ်တော့ အဲလို မဟုတ်ဘူး - Virus မဝင်အောင် တားဆီးဖို့က Antivirus သုံးယုံနဲ့ မရဘူး - ဒီကွန်ပြူတာကို သုံးနေတဲ့ ကိုယ်ကိုယ်တိုင်ကကို Virus သတိ အမြဲ ရှိနေမှ ရတယ် - အဲ့တာနဲ့ ပတ်သတ်ပြီး Virus အမျိုးအစားများနှင့် Virus ကာကွယ်နည်းများ ဆိုပြီး ရေးပေးခဲ့တယ် - ကိုပိုးကောင်လေးကလည်းVirus (Adware, spyware တွေအတွက် အန္တရာယ်ကာကွယ်ရေး လမ်းညွှန်ချက် (၂၃) ချက်) ဆိုပြီးရေးပေးထားတယ် - Virus အကြောင်း တိတိကျကျ မသိသူများ ဖတ်ထားသင့်ပါတယ်။

မရှင်းလင်းနိုင်သော မေးခွန်းတစ်ခု အကြောင်း

Antivirus ကို Windows သမားတိုင်း အားလုံးနီးပါး သုံးကြပေမယ့် Antivirus အသုံးပြုတာနဲ့ ပတ်သတ်ပြီး ခုချိန်ထိ တော်တော်များများ မရှင်းလင်းကြသေးတဲ့ မေးခွန်းတစ်ခု ရှိတယ် - အဲ့တာက

ကျွန်တော့်စက်မှာ Antivirus program ကို တစ်ခုထက်ပိုပြီး သုံးလို့ မရဘူးလား ??

ဆိုတဲ့ မေးခွန်းပါ - ဒီမေးခွန်း ဘာကြောင့် မေးကြသလဲ ဆိုတော့ Computer နဲ့ ပတ်သတ်လာပြီ ဆိုရင် လူတော်တော်များများက Virus ဆိုတာကို အနည်းနဲ့ အများ ကြုံဖူးကြတော့ စက်ထဲမှာ Antivirus တင်ထားပေမယ့် ထင်သလောက် လုံခြုံမှု မရဘူး ဆိုတာ သတိထားမိလာကြတယ် - အဲ့တော့ ဘယ်လို သွားတွေးမိလဲ ဆိုရင် Antivirus program ကို တစ်ခုတည်း ငါသုံးလို့ ဒီလို ဖြစ်တာ သုံးလေးခု သုံးရင် ဒီလို ဖြစ်မှာ မဟုတ်ဘူးဆိုပြီး တွေးမိလာကြတယ် - အဲ့အတွေးကြောင့် ခုနကလို မေးခွန်းမျိုး မေးလာကြတယ် - အဲ့လို မေးခွန်းမျိုးနဲ့ ပတ်သတ်ပြီး တော်တော်များများမှာ ပြီးစလွယ် အဖြေတွေ ရှိကြပါတယ် -

• အာာာာ - မရဘူး ဘာလို့ Antivirus ကို နှစ်ခုသုံးတာလဲ - တစ်ခုပဲ သုံးရတယ် - သေတော့မှာပဲ 
• Antivirus ဆိုတာ တစ်မျိုးပဲ သုံးရတယ် - နှစ်မျိုးမသုံးရဘူး - အဲ့တာ ပုံသေပဲ မသေမချင်းမှတ် 
• ဘာ ဘယ်လို - Antivirus ကို နှစ်မျိုးသုံးချင်လို့ - ဟ - Antivirus ဆိုတာ တစ်မျိုးတည်း သုံးရတယ်ဟ - တွဲသုံးလို့ မရဘူး - အဲ့တာ ပုံသေနည်းပဲ။ 

ဒီလိုစကားမျိုးတွေ သူများတွေ ပြောကြတာ ကြားမိသလို ကျွန်တော်ကိုယ်တိုင်လည်း သူများကို ဆရာလုပ်ပြီး ပြောခဲ့ဖူးတယ် - အဲ့လို စကားမျိုးသာ ပြောခဲ့တာ ဒီစကားရဲ့ ရင်းမြစ် " Antivirus ကို တစ်မျိုးထက်ပိုပြီး သုံးလို့ မရဘူးဆိုတာ သေချာရဲ့လား ?? " ဆိုတဲ့ အဖြေကိုတော့ ကျွန်တော် မစဉ်းစားမိခဲ့ဘူး - ပြောရရင် သူများပြောတာလေးလောက်ပဲ မှတ်ပြီး ကိုယ့်အတွေးကို ကိုယ့်ဘာသာ အကျဉ်းချထားတာမျိုးပေါ့ - ခုနောက်ပိုင်းကျတော့ တစ်ခြားလူတစ်ယောက်ယောက်က တစ်ခုခု ပြောလာရင် ဒီစကားက ဘာကို အခြေခံပြီး ပြောသလဲ ဆိုတာ လိုက်ကြည့်မိလာတယ် - အဲ့လိုနဲ့ " Antivirus ကို တစ်မျိုးထက်ပိုပြီး သုံးလို့ မရဘူးဆိုတာ သေချာရဲ့လား ?? " ဆိုတဲ့ မေးခွန်းရဲ့ ရင်းမြစ်နောက်ကိုလည်း သိအောင် လိုက်ခဲ့မိတယ် - တကယ်တော့ Antivirus ကို တစ်မျိုးထက်ပိုပြီး သုံးလို့ မရဘူးဆိုတာ 100% မမှန်ပါဘူး

Anti-Virus programs အများစုဟာ Modes နှစ်မျိုးနဲ့ အလုပ်လုပ်ကြပါတယ် - အဲ့ဒီ့ Modes နှစ်မျိုးက Scan mode နဲ့ Monitor mode ပါ - တစ်ခုချင်းကို ပြန်ရှင်းပေးပါဦးမယ် -

Scan: ဒီ Scan utility ဆိုတာက ကိုယ့်စက်ထဲမှာ malware နဲ့ ပတ်သတ်တဲ့ အရိပ်အယောင်တွေ ရှိနေသလား - ဘယ်ဖိုင်တွေ ဖိုဒါတွေထဲမှာ Viruses ဒါမှမဟုတ် Viruses သဘောတရားနဲ့ ခပ်ဆင်ဆင်တူတဲ့ ဖိုင်မျိုးတွေ ရှိနေလဲ ဆိုတာကို စစ်ဆေးပေးတဲ့ Mode ပါ။

Monitor: သူကိုတော့ နောက်တစ်မျိုးအခေါ် Real time monitoring ( or ) Real time protection အဖြစ် လူသိများပါတယ် - သူ့သဘောက ကိုယ့်ရဲ့ လုပ်ဆောင်ချက် တစ်ခုချင်းစီကို နောက်ကနေလိုက်ပြီး စစ်ပေးနေတဲ့ သဘော - ဆိုလိုတာ ကျွန်တော်တို့ အင်တာနက်ကနေ ဖိုင်တစ်ခုခုကို ဒေါင်းလုပ်ချလိုက်တယ် - အဲ့ဖိုင် ဒေါင်းလုပ်ချလို့ ပြီးသွားတာနဲ့ ဒီဖိုင်ကို ကိုယ်ဖွင့်ပြီး မသုံးခင် ကိုယ်သုံးမယ့်ဖိုင်ထဲမှာ Viruses ပါမပါ သူက ကြိုပြီး စစ်ဆေးပေးထားတယ် - ဒီတော့ အရင်တုန်းကလိုမျိုး Double click ပေးပြီးမှ Virus ဆိုပြီး တက်လာတာမျိုး မဖြစ်တော့ဘူး - Folder ကို ဖွင့်လိုက်တာနဲ့တင် သူက Virus ရှိနေတယ်ဆိုပြီး ကိုယ် ဒီဖိုင်ကို မသုံးခင် တစ်ခါတည်း Alert လုပ်တယ် - ဒါကို ကျွန်တော်တို့က Real time monitoring ( or ) Real time protection လို့ ခေါ်တယ်။

အဲ့တော့ ဒီ Modes နှစ်မျိုးကိုမှ တစ်မျိုးစီ ပြန်ခွဲကြည့်ရင် ကိုယ့်စက်မှာ Anti-virus program ကို တစ်ခုထက်မက ပိုသုံးထားပြီး Scan mode နဲ့ Virus စစ် ဘာပြဿနာမှ တော်ယုံမဖြစ်ဘူး - Scan mode ဆိုတဲ့ သဘောက စတယ် စစ်တယ် ပြီးတော့ ပြီးသွားတယ် - ဒီနည်းနဲ့ သွားတာမျိုးဆိုတော့ Anti-virus program ကို စက်မှာ တစ်ခုထက်မက ပိုသုံးထားလည်း ဘာပြဿနာမှ မရှိဘူး - ဒီ Scan mode ကြောင့်မို့လို့ သုံးထားတဲ့ Anti-virus programs တြွေကားမှာ ဘာပြဿနာမှ မဖြစ်နိုင်ဘူး - ဒါပေမယ့် ပြဿနာ ဖြစ်နိုင်တာ တစ်ခုက -

Real time monitoring - သူကတော့ Scan mode နဲ့ မတူဘူး - သူ့မှာလည်း သူ့လမ်းကြောင်း ရှိတယ် - ခုနောက်ပိုင်းထွက်တဲ့ Anti-virus programs တော်တော်များများက တင်ပြီးတာနဲ့ သူ့ဘာသာသူ အလိုလျောက် Real time protection ကို Enable လုပ်ပြီးသား ဖြစ်နေတတ်တယ် - ကိုယ့်စက်မှာ Anti-virus programs ကို တစ်ခုထက် မက သုံးထားပြီး တစ်ချိန်တည်း တစ်ပြိုင်တည်းမှာ Real time protection ကလည်း နှစ်မျိုး On နေမယ် ဆိုရင်တော့ စက်က ပြဿနာ တက်တတ်ပါတယ် - ဘာလို့လည်း ဆိုတော့ Anti-virus programs အမျိုးအစား တစ်ခုနဲ့ တစ်ခုက Real time protection လုပ်တဲ့ လုပ်ထုံးလုပ်နည်း မတူပါဘူး - ဒီနှစ်ခုကို တစ်ချိန်တည်း တစ်ပြိုင်တည်းမှာ ရောပြီး On ထားလိုက်ရင် Errors တက်တတ်ပါတယ် - Anti-virus programs တွေ crashes ဖြစ်တတ်ပါတယ် - တစ်ခြား System နဲ့ ပတ်သတ်တဲ့ ပြဿနာတွေလည်း ဖြစ်နိုင်ပါတယ် - ဒီလို ပြဿနာမျိုး ဖြစ်မှာဆိုးလို့ တစ်ချို့ Anti-virus programs တွေဆိုရင် စက်ထဲမှာ တစ်ခြား Anti-virus programs တစ်ခု ရှိနေတာနဲ့ Install လုပ်လို့ မရအောင် တစ်ခါတည်း ပြင်ဆင်ထားပေးပါတယ် - ယှဉ်သုံးလို့ မရတာကြောင့် မဟုတ်ပါဘူး - နောက်ဆက်တွဲ ပြဿနာတွေ ရှိနိုင်တာကြောင့် ယှဉ်ပြီး အသုံးမခံတာပါ - ဒီပြဿနာနဲ့ ပတ်သတ်ပြီး ကျွန်တော်ကိုယ်တိုင်လည်း ကြုံခဲ့ဖူးပါတယ် - အဲ့တော့ကျွန်တော့်စက်မှာ Antivirus program ကို တစ်ခုထက်ပိုပြီး သုံးလို့ မရဘူးလား ?? ဆိုတဲ့ မေးခွန်းနဲ့ ပတ်သတ်ပြီး အနှစ်ချုပ်ရရင် Antivirus program ကို တစ်ခုထက်ပိုပြီး အသုံးပြုတာက ပြုလို့ရပါတယ် - ဒါပေမယ့် Real time protection ကိုတော့ Antivirus program တစ်ခုတည်းကပဲ ယူသုံးဖို့ လိုပါလိမ့်မယ် - ဒါတင်မကသေးပါဘူး Antivirus program ကို တစ်ခုထက်ပိုပြီး အသုံးပြုလေ ကွန်ပြူတာရဲ့ စွမ်းဆောင်ရည် ကျဆင်းလေ ဆိုတာကိုလည်း မမေ့သင့်ပါဘူး - ကိုယ့်ကွန်ပြူတာရဲ့ စွမ်းဆောင်ရည်ကို ကိုယ့်ဘာသာ ဆန်းစစ်ပါ - အကောင်းဆုံးကတော့ Antivirus program ကို တစ်ခုတည်းကိုပဲ Updates ပုံမှန်ပေးပြီး သုံးတာ အဖြစ်သင့်ဆုံးပါပဲ။

Online Virus Scanners နှင့် Antivirus များ၏ ကွာခြားချက်များ

အဲ့တော့ Virus နှင့် AntiVirus အကြောင်းကို အထိုက်လျောက် နားလည်ထားပြီးပြီ ဆိုရင် Online Virus Scanners နဲ့ Antivirus တွေရဲ့ ကွာခြားချက်တွေအကြောင်း ပြောပြချင်ပါတယ်။ Virus မဝင်အောင် တားဆီးဖို့က Antivirus သုံးယုံနဲ့ မရဘူး - ဒီကွန်ပြူတာကို သုံးနေတဲ့ ကိုယ်ကိုယ်တိုင်ကကို Virus သတိ အမြဲ ရှိနေမှ ဆိုတာ အပေါ်မှာ ကျွန်တော် ပြောထားခဲ့ပြီးပါပြီ - ဘာလို့လည်းဆို Antivirus တစ်ခုနဲ့ တစ်ခုက ဖိုင် အမျိုးအစား တစ်ခုတည်းကိုပဲ Virus အဖြစ် သတ်မှတ်ပုံ သတ်မှတ်ချက် ပုံစံချင်း မတူကြဘူး - အဲ့လို မတူကြလို့ပဲ NOD32 သုံးတဲ့စက်မှာ Virus လို့ မပြပေမယ့် Kaspersky မှာ Virus Alarm တက်တာမျိုးတွေ ခဏခဏ ဖြစ်ဖူးတာ ကြုံဖူးကြလိမ့်မယ် - အင်တာနက်ထဲ ကျွန်တော်တို့ ဝင်လာတော့ Virus ပြဿနာက ဒီ့ထက်ပို ဂရုစိုက်ဖို့ လိုတာတယ် - သာမန် Antivirus ဆိုတာလောက်နဲ့ မကာကွယ်နိုင်တော့ Internet Security ဆိုတာ Antivirus ကုမ္ပဏီတွေက ထပ်ထုတ်လာကြတယ် - အင်တာနက်နဲ့ အပါးမဝသေးတဲ့သူတွေ ဆိုရင် ရိုးရိုး Antivirus သုံးမယ့် အစား Internet Security Suite တွေသုံးဖို့ ပိုသင့်တော်ပါတယ် - အဲ့အကြောင်းကိုပဲ ဒီနေရာမှာ ရေးထားခဲ့ပြီးပါပြီ - အဲ့ထက်ပိုပြီး လုံခြုံစေချင်တယ် ဆိုရင်တော့ ကိုယ်ကိုယ်တိုင် Virus သတိ အမြဲ ရှိပါ - ဘယ်လို Virus သတိရှိရမလဲ ဆိုရင် ဥပမာ အင်တာနက်ထဲကနေ ဆော့ဖ်ဝဲလ်တစ်ခုခု ဒေါင်းလုပ်ချလိုက်ပြီ ဆိုပါစို့ - စက်ထဲမှာ Antivirus ရှိတာပဲ ဆိုတဲ့ ယုံကြည်ချက်နဲ့ အဲ့ဖိုင်ကို ချက်ချင်းဖွင့်ပြီး မ Run ပါနဲ့ - ကိုယ် ဒေါင်းလုပ်ချလို့ ရလာတဲ့ ဖိုင်ထဲက Keygen တို့ Crack တို့ Patch files ဆိုတဲ့ ဟာတွေကို ချက်ချင်း မ Run သေးပဲ Free သုံးလို့ ရတဲ့ Online Virus Scanners ရှိတဲ့ ဆိုဒ်တွေကိုသွားပြီး Upload တင် Scan စစ်ကြည့်ပါ - အဲ့လို စစ်လိုက်ခြင်း အားဖြင့် ကိုယ့်စက်မှာရှိတဲ့ Antivirus က Virus မရှိဘူးပြပေမယ့် တစ်ခြား Antivirus တွေက ဘာပြောသလဲ ဆိုတာ အလွယ်တကူ သိရှိနိုင်ပါတယ် - ရည်ရွယ်ချက်ကတော့ ဖိုင်တစ်မျိုးတည်းကိုပဲ Virus ရှိမရှိ Antivirus အမျိုးမျိုးရဲ့ ထင်မြင်ချက် ကောက်ခံလိုက်တာပေါ့ - အဲ့ကနေ ရလာတဲ့ Results ကို ကြည့်ပြီး ကိုယ်သုံးမယ် ဖိုင်ဟာ တကယ်သုံးသင့်လား မသုံးသင့်ဘူးလား ဆိုတာ ဆုံးဖြတ်နိုင်ပါတယ် -

Online Virus Scanners တွေမှာမှ တစ်ချို့ Virus scanner တွေဟာ Antivirus engine တစ်မျိုးတည်းကို သုံးပြီး analyzes လုပ်ပေးပေမယ့် - တစ်ချို့ Virus Scanners တွေကတော့ အင်တာနက်ထဲက နာမည်ရ Multiple antivirus engines မျိုးစုံကို အသုံးပြုပြီး analyzes လုပ်ပေးပါတယ် - ကျွန်တော့် စိတ် / ကျွန်တော့်အကြိုက်နဲ့ ပြောရရင် Multiple antivirus engines မျိုးစုံ သုံးပြီးစစ်ပေးတဲ့ Online Virus Scanners ကို အားထား အသုံးပြုပါ - သူတို့ကို သုံးခြင်းအားဖြင့် ကိုယ်စစ်ချင်တဲ့ file တစ်မျိုးတည်းကိုပဲ Antivirus အမျိုးမျိုးရဲ့ အမြင်အသီးသီး ရနိုင်တာမို့ ကျွန်တော် ပိုသဘောကျမိတယ်။ အသုံးပြုနည်းကလည်း လွယ်တယ် - သက်ဆိုင်ရာ Online Virus Scanners ရှိတဲ့ ဆိုဒ်ကိုသွားပြီး ကိုယ်စစ်ချင်တဲ့ ဖိုင်ကို Upload တင် စစ်ခိုင်းလိုက်ယုံပဲ - File size limit တော့ သတ်မှတ်ချက် ရှိတယ် - ဖိုင်အကြီးစားတွေတော့ စစ်လို့ မရဘူး - ဖိုင်အကြီးစားတွေ ဆိုရင်တော့ ကိုယ့်စက်က Antivirus နဲ့ စစ်ပါ - Keygen တို့ Crack တို့ Patch files ဆိုတဲ့ ဟာတွေကို Online Virus Scanners ပေါ်မှာ တင်စစ်ပါ - တကယ်လို့ ကိုယ်စစ်ခိုင်းတဲ့ ဒီဖိုင်ကိုပဲ တစ်ခြားလူတစ်ယောက်က စစ်ထားပြီးသား Result ရှိရင် သူက ထပ်တောင် မစစ်တော့ပဲ တစ်ခါတည်း Result ကြည့်မလားလို့တောင် မေးတတ်တယ် - အဖြေမြန်မြန် လိုချင်တဲ့လူဆို တန်းပြီး Result ကြည့်လို့ ရတယ် - မယုံရင်တော့ နောက်တစ်ကြိမ် ထပ်စစ်ခိုင်းပေါ့ - သူ ထပ်စစ်ပေးပါတယ်။

Online Virus Scanners များ၏ အားသာချက်နှင့် အားနည်းချက်များ

အားသာချက်များ

• Online Virus Scanners တွေက သုံးရလွယ်တယ်
• စက်ထဲမှာ ဘာမှ Install လုပ်ထားစရာ မလိုဘူး
• Multiple antivirus engines သုံးပြီး ဖိုင်တစ်မျိုးတည်းကိုပဲ Antivirus မျိုးစုံနဲ့ စစ်ယူလို့ ရတယ်
• Online scanners ဖြစ်တဲ့ အတွက် Virus definition databases တွေကလည်း အမြဲ Up-to-date ဖြစ်တယ်
• အဲ့လိုစစ်ခိုင်းလို့လည်း ပိုက်ဆံ တစ်ပြားတစ်ချပ်ပေးစရာ မလိုဘူး - ( Free services )

အားနည်းချက်များ

အားနည်းချက်တွေကတော့ အပေါ်မှာ ပြောခဲ့ပြီးသလို -

• ဖိုင်ကြီးကြီးတွေ စစ်လို့ မရဘူး - File size limit ကန့်သတ်ချက် ရှိတယ်
• စစ်ချင်တဲ့ ဖိုင်ကို Upload တင်ရတာမို့လို့ အင်တာနက် မကောင်းရင် စစ်ဖို့ မလွယ်ဘူး
• သာမန်တန်းသုံးရတာမျိုးထက် သီးသန့် အချိန်ပေးပြီး စစ်ရတာမျိုးလို့ စိတ်ရှည်ဖို့ လိုတယ် အချိန်နည်းနည်း ပေးရတယ်
• ထွက်လာတဲ့ Results မှာ အားလုံး Clean ဖြစ်နေရင် အကြောင်းမဟုတ်ပေမယ့် တစ်ခုခု အနီရောင်နဲ့ ပြရင် ဒီဖိုင်ကို ငါသုံးသင့်ပါ့မလား ဆိုပြီး ဒိွဟစိတ် ဝင်လာနိုင်တယ် ( အဲ့လို အခြေအနေမှာ Negative ပြတဲ့ Antivirus engines တွေရဲ့ နာမည်ကို ကြည့်ပြီး Neglect လုပ်သင့်တာ လုပ်လို့ ရတယ် - ဥပမာ Kaspersky, Norton, NOD32, BitDefender, Avast လို နာမည်ရ Antivirus engines တွေ အားလုံးက Negative ပေးထားတယ် မသုံးသင့်ဘူး ဆိုပြီး ပြနေရင်တော့ လက်ရှောင်လိုက်တာ ကောင်းတယ် - တစ်ခြား Antivirus engines အသေးစားလေးတွေ လောက်ကပဲ Negative ပြပြီး လူသိများတဲ့ Antivirus engines အကြီးစားတွေက Pass ပေးထားရင်တော့ Negative ပြနေတဲ့ Antivirus engines တွေရဲ့ ဖော်ပြချက်ကို Neglect လုပ်ပြီး အဲ့ဒီ့ Keygen တို့ Crack တို့ Patch files တို့ကို သုံးနိုင်တယ် )

ခုဖော်ပြခဲ့သလောက်ဆို Online Virus Scanners များအကြောင်းကို တော်တော်များများ တီးမိခေါက်မိ ရှိလောက်မယ် ထင်ပါတယ်။ ခု ဒီ Topic အောက်မှာ အသုံးပြုသင့်တဲ့ Online Virus Scanners တွေ စာရင်းကို တစ်ပေါင်းတည်း ဖော်ပြပေးလိုက်ပါတယ် - ကိုယ့်စက်မှာ ရှိနေတဲ့ Antivirus program နဲ့ အတူ နှစ်သက်သလို ပေါင်းစပ် အသုံးပြုကြပါ။

အသုံးပြုသင့်သော Online Virus Scanners များ

1. Virus Total
2. Jotti Malware Scan
3. VirusChief
4. VirSCAN
5. NoVirusThanks
6. BitDefender Quick Scan
7. ESET Online Scanner
8. F-Secure Online Scanner
9. Panda ActiveScan
10. CA Threat Scanner
11. Windows Live OneCare Safety Scanner
12. Norton Security Scan
13. Trend Micro HouseCall
14. Kaspersky File Scanner
15. Avast! Online Scanner
16. Dr.Web Online Check

Virus ကင်းစင် ပြုံးပျော်ရွှင်နိုင်ကြပါစေ 

KznT.