TeamViewer for Linux users

TeamViewer ဆိုပြီး လူသိများတဲ့ remote desktop tool တစ်ခုဟာ Desktop systems တစ်ခုနဲ့ တစ်ခုကြား ကြည့်ရှုဖို့ပဲ ဖြစ်ဖြစ် - နည်းပညာပိုင်း ဆိုင်ရာ ပြင်ဆင်မှုတွေ ပြုလုပ်ဖို့ပဲ ဖြစ်ဖြစ် အသုံးချရ လွယ်ကူတဲ့ Tool တစ်ခုဖြစ်ပါတယ်။ အခုဆိုရင် အဲ့ဒီ TeamViewer ဆိုတဲ့ remote desktop tool ကို Linux အသုံးပြုသူ users တွေအတွက်ပါ ထုတ်လုပ်လိုက်ပါပြီ။ အတော်လေး ကျေနပ်စရာပါပဲ။ ခုဆိုရင် ကိုယ်နဲ့ ကိုယ့် သူငယ်ချင်းတြွေကား မတူညီတဲ့ OS တစ်ခုနဲ့ တစ်ခုကြားမှာ တစ်ယောက်နဲ့ တစ်ယောက် အလွယ်တကူ လေ့လာနိုင်ဖို့ ဆွေးနွေးအကြံပြုနိုင်ဖို့ အရမ်းကို လွယ်ကူသွားပါပြီ။ 

TeamViewer ကို သုံးခြင်းအားဖြင့် အစတည်းကမှ ခနော်နီ ခနော်နဲ့ ဖြစ်နေတဲ့ ကိုယ့် ကွန်ပြူတာပေါ် နောက်ထပ် VNC Setting တွေဆောက်ပြီး connect လုပ်ဖို့ရာအတွက် ပြင်ဆင်စရာ မလိုတော့ပဲ အလွယ်တကူနဲ့ ကွန်ပြူတာ တစ်ခုနဲ့ တစ်ခုကြား Connecting လုပ်နိုင်မှာ ဖြစ်ပါတယ်။ Home နဲ့ non-commercial user တွေအတွက် Free ပေးထားတဲ့ TeamViewer ကို Linux users တွေ အနေနဲ့ Download ရယူချင်မယ် ဆိုရင် ဒီ အောက်က ဖော်ပြပါ link ကနေ သွားရောက် ရယူနိုင်ပါတယ်။

TeamViewer Download (Linux)

KznT.

Installation Guide for Windows 7 from USB

( ၁ ) ကျွန်တော် Windows 7 တင်ချင်တယ်ဗျာ ... ကျွန်တော့် စက်က Drive ကလည်း မကောင်းတော့ဘူး ... ဖြစ်နိုင်ရင် USB Flash Drive ကနေများ တင်လို့ မရနိုင်ဘူးလား ??
( ၂ ) ကျွန်တော့်စက်ကတော့ Windows ခွေထည့်ဖို့ Drive ကို မရှိတာဗျို့ ... တင်ချင်ရင် USB flash drive ကနေ တင်မှပဲ အဆင်ပြေမှာ ... အဲတာ ဘယ်လိုလုပ်ရမှန်းလည်းလည်း မသိဘူး ??
( ၃ ) ကျွန်တော် မနေ့က Netbook တစ်လုံးဝယ်လာတယ်ဗျ ... တင်ချင်တာက Windows 7 .. DVD Drive ကလည်း ပါမလာဘူးဗျာ ... အခု အဲတာ ဒုက္ခရောက်နေတယ် ... ကူပါဦး။

အဲ့လို ပြသနာပေါင်း များစွာနဲ့ ရင်ဆိုင်နေရသူများအတွက် အလွယ်တကူနဲ့ အပြေလည်ဆုံး ဖြေရှင်းပေးနိုင်မယ့် Tool တစ်ခုနဲ့ မိတ်ဆက်ပေးပါ့မယ်။ အင်တာနက် ထဲမှာ ရှာကြည့်ရင် Windows 7 ကို USB flash drive ကနေ Install လုပ်ဆောင်ဖို့ Command Line ကနေ လုပ်ဆောင်နည်းတွေ - တစ်ခြား Tools တွေ အမျိုးမျိုးနဲ့ အဆင့်လိုက် ပြင်ဆင်ပုံတွေ များစွာ ရှိနေပေမယ့် ဒီ ဖော်ပြပါ Tool ကတော့ Microsoft ကနေ တိုက်ရိုက် သူ့ Windows 7 သုံးသူတွေအတွက် အဆင်ပြေအောင် ဖန်တီးပေးထားတဲ့ Tool တစ်ခုမို့လို့ Error လည်း နည်းသလို စိတ်လည်း စိတ်ချရပါတယ်။ သူ့နာမည်ကတော့ Windows 7 USB/DVD Download tool ပါ။ သူ့ကို ဖော်ပြပါ နေရာကနေ Download ရယူနိုင်ပါတယ်။

Installation

Windows 7 USB/DVD Download tool ကို Install လုပ်ဆောင်ဖို့ အတွက် -

1. Windows 7 USB/DVD Download tool ကို ဒီနေရာကနေ ရယူပါ။
   
2. Download Dialogue box တစ်ခု တက်လာရင် ကိုယ့်စက်ထဲမှာ သိမ်းထားချင်တဲ့ အခါ Save ကိုရွေးပြီး - တစ်ခါတည်း Run ချင်တာ ဆိုရင်တော့ Run ကိုနှိပ်ပါ။ လောလောဆယ်တော့ Save လုပ်လိုက်ပါမယ်။ ပြီးတော့ Download complete ဖြစ်တဲ့ အခါ exe file ကို ညွှန်ကြားချက်အတိုင်း အဆင့်လိုက် Run သွားပါ့မယ်။ 
3. ဖော်ပြထားချက်အတိုင်း လုပ်ဆောင်ပြီးသွားရင် Windows 7 USB/DVD Download Tool ကို ခုအောက်မှာ ဖော်ပြထားသလို Install လုပ်ဆောင်ပြီးသား shortcut တစ်ခုအဖြစ် Desktop ပေါ်မှာ တွေ့ရပါလိမ့်မယ်။
   

Note: Windows 7 USB/DVD Download tool ကို install လုပ်ဆောင်ဖို့ သက်ဆိုင်ရာကွန်ပြူတာကို အသုံးပြုသူဟာ အဲ့ကွန်ပြူတာရဲ့ Administrator ( သို့မဟုတ် ) Administrator access ရရှိထားသူ ဖြစ်ဖို့လိုသလို တကယ်လို့ လက်ရှိ Windows XP ကို သုံးနေသူ တစ်ယောက်ဖြစ်မယ် ဆိုရင်လည်း အဲ့ Tool ဟာ Microsoft .NET Framework version 2.0 ဒါမှမဟုတ် သူ့ထက် version မြင့်မြင့် တစ်ခု install လုပ်ဆောင်ပြီးသား ဖြစ်နေဖို့လိုပါတယ်။

System Requirements များအား လေ့လာပါ။

• 
  Windows XP SP2, Windows Vista, or Windows 7 (32-bit or 64-bit)
  
• 
  Pentium 233-megahertz (MHz) processor or faster (300 MHz is recommended)
  
• 
  50MB of free space on your hard drive
  
• 
  DVD-R drive or 4GB removable USB flash drive
  

Windows XP Users များအတွက်။ 

Windows XP users များအနေနဲ့ Windows 7 USB/DVD Download tool ကို Install မလုပ်ဆောင်ခင် အောက်ဖော်ပြပါ applications များကို install လုပ်ဆောင်ထားဖို့ လိုပါတယ်။

• Microsoft .NET Framework 2.0 ကို Install လုပ်ဆောင်ထားရပါမယ်။ ဒီနေရာကနေ Download ရယူနိုင်ပါတယ်။
  
• Microsoft Image Mastering API v2 Install လုပ်ဆောင်ထားရပါမယ်။ ဒီနေရာကနေ Download ရယူနိုင်ပါတယ်။
  

Windows 7 USB/DVD Download Tool အား အသုံးပြုခြင်း။

ပထမအဆင့် - ပြင်ဆင်ခြင်း။

• အနည်းဆုံး 4 GB နှင့် အထက် ပမာဏရှိသည့် USB flash drive
• Windows XP, Vista သို့မဟုတ် 7 စသည့် OS တစ်ခုခု တင်ထားသော Computer
• Windows 7 DVD သို့မဟုတ် .ISO file
• Download ချ၍ Install လုပ်ထားပြီးသားဖြစ်ရမည့် Windows 7 USB DVD Tool

အားလုံးပြည့်စုံပြီ - Install လုပ်ဆောင်ပြီးသွားပြီ ဆိုရင် Windows 7 USB DVD Tool ကို All Programs ကနေ ဖြစ်ဖြစ် - Shortcut icon ကနေဖြစ်ဖြစ် စပြီး Run ပါ့မယ်။

ဒုတိယအဆင့် - စတင်ခြင်း။

• ဒီအောက်က Screen ကို စတင်မြင်ရပါလိမ့်မယ်။

• ကိုယ့်ကွန်ပြူတာမှာ ရှိနေတဲ့ Windows 7 .ISO file ရဲ့ တည်နေရာကို Browse ကနေ ညွှန်ပေးပါ့မယ်။ ပြီးရင် Next ကို ပေးပါ။

• ဘယ်လို media type ကိုသုံးမလဲ - ဒီအောက်မှာ ဆိုရင် ကျွန်တော် ဥပမာ အနေနဲ့ ကျွန်တော်တို့က USB ကနေ Install လုပ်ဆောင်မှာ မို့ USB device ကို ရွေးချယ်လိုက်ပါ့မယ်။

• အောက်မှာ ဖော်ပြထားတဲ့ အတိုင်း ကိုယ့်စက်မှာ ဆင်ထားတဲ့ USB drive ကို drop down menu ကနေ တစ်ဆင့် ရွေးချယ်ပေးပါ့မယ်။ တကယ်လို့ ပျောက်နေသေးရင် Refresh ကို နှိပ်ပါ။ အဲတာမှ မတွေ့သေးရင် USB drive ကိုဖြုတ်ပြီး ပြန်တပ်ပါ။

• Begin copying ကို ဆက်နှိပ်ပါ။

• Windows 7 USB DVD Tool ကနေပြီး ISO File ထဲမှာ ရှိနေတဲ့ files တွေကို USB drive ရှိရာဆီ အောက်ဖော်ပြပါ ပုံစံအတိုင်းစတင် Copy ကူးပါလိမ့်မယ်။

• အကယ်၍ USB drive က နေရာလိုလို့ data တွေဖျက်ဖို့လိုမယ်ဆိုရင်လည်း ဖျက်လိုက်ပါ။
• အားလုံးပြီးသွားရင် USB DVD Tool ကို ပိတ်လိုက်ပါ။

တတိယအဆင့် - စမ်းသပ်ခြင်း။

• အခု ကျွန်တော်တို့ ဖန်တီးပြီးသွားတဲ့ bootable USB drive ကို install လုပ်ငန်း မလုပ်ဆောင်ခင် အရင်ဆုံး ကောင်းမကောင်း စမ်းသပ်ကြည့်ပါမယ်။
• MobaLiveCD ကို ဒီနေရာကနေ ရယူပါ။
• MobaLiveCD က ကျွန်တော်တို့ ဖန်တီးထားတဲ့ USB drive ထဲက Windows ကို စက်မှာ တကယ် install လုပ်ဆောင်စရာမလိုပဲ စမ်းသပ်ပေးပါလိမ့်မယ်။

ဖော်ပြပါ အတိုင်း ဖြစ်ပါတယ်။

• ပုံမှာမြင်နေရတဲ့ Run the LiveUSB ကို Click ပေးပါ။
• ပြီးရင် ကိုယ့်ရဲ့ USB drive ကို အောက်မှာ ဖော်ပြထားတဲ့ အတိုင်း Dropdown menu ကနေ ရွေးပေးပါ။

• Windows 7 setup ဟာ အောက်ဖော်ပြပါအတိုင်း ဆက်လက်လုပ်ဆောင်သွားပါလိမ့်မယ်။

စတုတ္ထအဆင့် - Installation လုပ်ဆောင်ခြင်း။

• Netbook မှာ ပဲ ဖြစ်ဖြစ် - တစ်ခြား Laptops, Desktops တွေမှာပဲ ဖြစ်ဖြစ် USB ကနေ install လုပ်ဆောင်ဖို့ အတွက် နည်း ( ၂ ) နည်း ရှိပါတယ်။ ရိုးရိုး OS ထဲကနေပဲ install လုပ်ဆောင်တဲ့ နည်းနဲ့ USB ကနေ boot လုပ်တဲ့ နည်းပါ။
• OS ရှိပြီးသား Windows ထဲကနေ install လုပ်မယ် ဆိုရင်တော့ USB device ရှိရာဆီ သွားပြီး setup.exe ကို double click ပေးလိုက်ယုံပါပဲ။
• အဲလိုမှ မဟုတ်ပဲ USB ကနေ Boot လုပ်မယ် ဆိုရင်တော့ BIOS မှာ ပုံမှန် လုပ်ဆောင်နေကျ အတိုင်း USB ကို 1st boot ထားပေးဖို့ လိုပါတယ်။

ဒီလောက်ဆို Windows 7 ကို USB ကနေ install လုပ်ဖို့ ဘယ်လို လုပ်ဆောင်ရမယ် ဆိုတာ နားလည်နိုင်ကြမယ် ထင်ပါတယ်။

တစ်ခြား မေးစရာတွေ အသေးစိတ် လေ့လာစရာတွေ ရှိဦးမယ် ဆိုရင်တော့ ဒီနေရာကနေ သွားရောက် လေ့လာနိုင်ပါတယ်။

KznT.

Ubuntu 9.10 User's Guide ( 5 )

( ၅ ) System & administration software

• ( ၁ ) Firewall Setup ပြုလုပ်ခြင်း။

တကယ်လို့ ကျွန်တော်တို့ Ubuntu မှာ Firewall install လုပ်ဆောင်ထားချင်မယ် ဆိုရင် ufw လို့ခေါ်တဲ့ (Uncomplicated Firewall) က default အနေနဲ့ installed လုပ်ဆောင်ထားပေးပြီးသားပါ။ ဒါပေမယ့် active တော့ မဟုတ်သေးပါဘူး။ ဒါ့အပြင် Gufw ဆိုတာလည်း ufw အတွက် သင့်တော်တဲ့ GUI တစ်ခုပါပဲ။

Software Center ကနေ Install လုပ်ဆောင်ဖို့ အတွက်ကတော့ "gufw" ဆိုတာကို ရှာပြီး install လုပ်ဆောင်လို့ ရပါတယ်။ Gufw ကို အသုံးချဖို့ ခေါ်ထုတ်မယ် ဆိုရင်တော့ System > Administration > Firewall configuration ကနေ ဆွဲခေါ်လို့ ရပါတယ်။ 

တစ်ခုသတိထားရမှာက ဒီ Services ကို သုံးတော့မယ် ဆိုရင် ftp, pop3, smtp တွေ အတွက် ကြိုပြီး ပြင်ဆင်ထားပြီးသား ဖြစ်နေဖို့ လိုပါတယ်။

 

•  ( ၂ ) Anti-virus installation လုပ်ဆောင်ရန် ( မလို ) ပါ။
  

လူအများစုက Linux ကိုရောက်လာရင် Anti-virus ကို Install လုပ်မထားပဲ နေလို့ရမှန်း သိထားကြပါတယ်။ အမှန်တကယ်လည်း firewall နဲ့ updating ကို ပုံမှန် လုပ်ဆောင်နေရင် ကျွန်တော်တို့ရဲ့ System ကလည်း တကယ်ကို လုံခြုံနေပါတယ်။ တကယ်ရော ဟုတ်ရဲ့လား ?? လူတိုင်းက ဒီမေးခွန်းကို တကယ်ပဲ မေးတတ်ကြပါတယ်။ အထက်မှာ ဖော်ပြထားတဲ့ ဖော်ပြချက်ကိုပဲ ဘယ်လောက်ပဲ ရှည်လျားထြွေပားအောင် ရှင်းပြပြ သူတို့ရဲ့ စက်ထဲမှာ Antivirus လေး တစ်ခုရှိမှ နေသာထိုင်သာ ရှိသလို ခံစားနေကြရတဲ့ လူတွေလည်း မနည်းပါဘူး။ ခုခေတ်မှာတော့ Kasperky ကစလို့ Symantec အလယ် McAffee အဆုံး computer security companies တွေက Linux system အတွက် antivirus ကို ထုတ်လုပ်လာကြပါပြီ။ ဒါကလည်း Users တွေက ကွန်ပြူတာဆို antivirus တင်ထားမှ ဆိုတဲ့ အသိကြီးအောက်မှာ အမြတ်ထုတ်လာကြတဲ့ ရလာဒ် တစ်ခုပါပဲ။ မဖြစ်မနေ ဝယ်သုံးရတော့မယ် လို့တော့ မထင်စေချင်ပါဘူး။

ClamAV ဆိုတာ free open source cross-platform anti-virus တစ်ခုဖြစ်ပြီး သူ့ရဲ့ GUI က ClamTk ဖြစ်ပါတယ်။ သူ့ကိုတော့ ပထမဆုံး ရွေးချယ်သင့်မယ်လို့ ထင်ပါတယ်။ သူ့ကို install လုပ်ဆောင်ဖို့အတွက် Software Center ကနေ "Virus Scanner" လို့ရှာပြီး install လုပ်လို့ ရပါတယ်။ သူ့ကို Access လုပ်ဖို့ ဆိုရင်လည်း Applications > System Tools > Virus Scanner ကနေ access လုပ်လို့ ရပါတယ်။

Ubuntu repositories ကနေ ပေးမထားတဲ့ ClamTk နောက်ဆုံး version ကို update ရယူချင်မယ် ဆိုရင်တော့ ဒီနေရာကနေ Download ရယူနိုင်ပါတယ်။ Update လုပ်ဆောင်ပြီး သွားမယ် ဆိုရင်တော့ ClamTk အတွက် shortcut က အောက်ဖော်ပြပါ နေရာမှာ ရှိနေပါလိမ့်မယ်။
Applications > Accessories > Virus Scanner

ClamTk ပြီးရင် ဒုတိယရွေးချယ်မှု ဖြစ်သင့်တာကတော့ Avira ဖြစ်မယ် ထင်ပါတယ်။ သူ့ရဲ့ freeware version ကို ဒီနေရာကနေ ရယူနိုင်ပါတယ်။ တတိယရွေးချယ်မှု ဖြစ်သင့်တာ ကတော့ Avast ကနေ ထုတ်ထားတဲ့ "Linux Home Edition" ဖြစ်သင့်ပါတယ်။

• ( ၃ ) Services တစ်ချို့နှင့် Startup programs တစ်ချို့အား Disable ပေးထားပါ။
  

( ၁ ) Boot-up Manager နှင့် Service အား ပြင်ဆင်ပါ။

ပြီးခဲ့တဲ့ Ubuntu versions မှာတုန်းက ဘယ်နေရာမှာ system services တွေကို (de)activate လုပ်နိုင်တယ်ဆိုတာ ဖော်ပြတဲ့ dialog တစ်ခုပါပါတယ်။ ဒါပေမယ့် ခုတော့ အဲ့ကောင်ကို  System > Administration > Services အောက်မှာ ကျွန်တော်ရှာလို့ မတွေ့တော့ ပါဘူး။ ဖြစ်နိုင်ချေရှိတာကတော့ သူ့ကို ဖျောက်ပစ်လိုက်တယ် ထင်ပါတယ်။ ဘယ်လိုပဲ ဖြစ်ဖြစ် "Boot-Up Manager" လို့ခေါ်တဲ့ application တစ်ခု software center မှာ install လုပ်ဖို့ ရှိနေပါသေးတယ်။ သူ့ကို သုံးပြီး services တွေကို ကျွန်တော်တို့ manage လုပ်လို့ ရပါတယ်။ ဥပမာ အနေနဲ့ ဒီအောက်မှာ Bluetooth ကို deactivate လုပ်ပြထားပါတယ်။

( ၂ ) မလိုအပ်သော startup programs များအား Disable ပေးထားပါ။

တကယ်လို့များ default ပါလာတဲ့ startup programs တွေထဲက တစ်ချို့ကို မလိုအပ်ဘူးလို့ ယူဆရင် သူတို့တွေကို startup စာရင်းထဲကနေ ဖြုတ်ထားနိုင်ပါတယ်။ ဥပမာ အနေနဲ့ bluetooth manager, evolution alarm notifier, remote desktop server, visual assistance, ...စသဖြင့် ဖြစ်ပါတယ်။ ရှာဖွေရမယ့် နေရာကတော့ Control Center မှာ ရှိနေတဲ့ "Startup Applications" ပါ။

System > Administration > Startup Applications

• ( ၄ ) အခြားသော useful tools များ
  

( ၁ ) Gparted ခေါ် powerful partition editor

GParted ဆိုတာလည်း Partition Magic နဲ့ ဆင်တူတဲ့ partition editor တစ်ခုပါပဲ။

sudo apt-get install ntfsprogs gparted

( ၂ ) Start-Up Manager

Start-Up Manager  ဆိုတာ graphical tool တစ်ခု ဖြစ်ပြီးတော့ boot loader နဲ့ splash screen Settings တွေကို ပြောင်းလဲနိုင်ပါတယ်။ Software Center မှာ "startup manager" ဆိုတာကို ရှာပြီး Install လုပ်ပါ။

Start-Up Manager ဟာ GRUB menu timeout ကို Ubuntu မှာ change ဖို့ အလွယ်ကူဆုံးလည်း ဖြစ်ပါတယ်။ ဒီနေရာမှာ မိမိစိတ်ကြိုက် bootloader menu timeout ကိုချိန်ညှိထားနိုင်ပါတယ်။ တကယ်လို့ 0 seconds မှာ ထားမယ်ဆိုရင်တော့ GRUB က "default operating system" အတိုင်းပဲ boot လုပ်သွားပါလိမ့်မယ်။

( ၃ ) Ubuntu Tweak

တစ်ခုခုဆို Tweak လုပ်ချင်တဲ့ သူမျိုးတွေအတွက်တော့ Ubuntu Tweak  က မဆိုးပါဘူး။ အသုံးလည်း ဝင်ပါတယ်။ ဥပမာ အနေနဲ့ ပြောရရင် file အမျိုးအစားတွေကို manage လုပ်တဲ့ နေရာမှာ - နောက်ပြီး third party repositories တွေကို အလွယ်တကူ install လုပ်ဆောင်မယ့် နေရာမှာ စသဖြင့် အသုံးတည့်ပါတယ်။ ခုနောက်ပိုင်းမှာတော့ Ubuntu က version တစ်ခု မြင့်လာတိုင်း ကောင်းသထက်ကောင်းအောင် ကြိုးစားလာလိုက်တာ ခုဆိုရင် အရင်က ရှုပ်ရှုပ်ရှက်ရှက် လုပ်ဆောင်နေရတဲ့ လုပ်ငန်းစဉ်တွေ အားလုံးကို Windows မှာလိုပဲ Ubuntu မှာလည်း System menu အောက်မှာ အလွယ်တကူ လုပ်ဆောင်နေနိုင်ပါပြီ။ လေ့လာကြည့်ကြပါ။

Download နဲ့ Installation instructions ကတော့  ဒီနေရာမှာပါ။.

( ၄ ) Encryption

Truecrypt ဆိုတာ encryption software application တစ်ခုပဲဖြစ်ပါတယ်။ သူ့ရဲ့ GUI ကလည်း တော်တော်လေး ကောင်းပြီး Source code ကိုလည်း ရယူနိုင်ပါတယ်။
.deb အနေနဲ့ Download ရယူချင်မယ်ဆိုရင်တော့ ဒီနေရာမှာပါ။.

ဆက်ရန် ...

Designer and Girls

ခေတ်တွေက တဖြည်းဖြည်းနဲ့ တိုးတက်ပြောင်းလဲ လာခဲ့ပါပြီ။ အရင်တစ်ချိန်က အစစ အရာရာ ယောကျာင်္းတွေ ဦးဆောင်လှုပ်ရှားကြရတဲ့ ခေတ်ကနေ ခုမျက်မှောက်ခေတ်မှာ အမျိုးသမီး တစ်ယောက် ရဲ့ အရေးပါအရာရောက်မှုကို လုပ်ငန်းပိုင်း ဆိုင်ရာကနေ အစ အိမ်မှုကိစ္စအဆုံး တန်ဖိုးထားလာကြရပြီ။ အမျိုးသမီးဆိုပေမယ့် အမျိုးသားတွေနဲ့ ရင်ဘောင်တန်း စွမ်းဆောင်လာနိုင်လိုက်တာများ ကိုယ် အမျိုးသားတွေကိုတောင် ကျော်တက်သွားတော့မလား ထင်နေရပါပြီ။ ဒါဘာကြောင့် များပါလဲ။ သူတို့တွေမှာ လျှို့ဝှက်ချက်တွေ ရှိမှာတော့ သေချာပါတယ်။ ဒါပေမယ့် ကျွန်တော်တို့ ထင်နေတဲ့ လျှို့ဝှက်ချက်ဆိုတာ တကယ်တော့ လျှို့ဝှက်ချက် တစ်ခု မဟုတ်ပါဘူး။ ဒါတွေက မိန်းကလေး တစ်ယောက်အတွက် ပုံမှန် လုပ်ဆောင် လည်ပတ်နေကျ သမားရိုးကျ လုပ်ငန်းစဉ် တစ်ခုပါပဲ။ ဒါဆို အဲတာတွေက ဘာတွေများလဲ။ Designer ကောင်းတစ်ယောက် ဖြစ်ချင်မယ့် သူတစ်ယောက်အတွက် ၂၁ ရာစုမှာ တရှိန်ထိုးထွန်းပေါက်အောင်မြင် လာတဲ့ အမျိုးသမီးတွေဆီက သင်ယူလို့ရမယ့် ပညာရပ်တွေ အကြောင်းကို ဒီကနေ မျှဝေလိုက်ပါတယ်။ 

လူတိုင်း လူတိုင်းအတွက် မိန်းကလေးတွေဆီကနေ သင်ယူရမယ့် ပညာရပ်တွေ မနည်းမနောရှိနေပါတယ်။ အထူးသဖြင့်တော့ Designer လုပ်မယ့် သူတွေ အတွက်ပါ။ ကျွန်တော်တို့ မိန်းကလေး တစ်ယောက်ကို ကြည့်မိရင် ဘာတွေကိုများ အရင်ဆုံး သတိထားမိပါသလဲ ?? သူတို့ ဘယ်လိုဝတ်စား ဆင်ယင်ထားသလဲ - သူတို့ ဘယ်လို ပြုမှုဆက်ဆံသလဲ ဆိုတာပဲ မလား။ ဒါတွေကနေပဲ Designer တစ်ယောက်အတွက် မိန်းကလေး တွေဆီကနေ သင်ယူသင့်မယ် အကြောင်းတရား ( ရ ) ကို ခုလိုတွေ့ရှိခဲ့ရပါတယ်။

( ၁ ) အချိန်စီမံခန့်ခွဲခြင်း

Photo By blank00x

ယောကျာင်္းလေးနဲ့ မိန်းကလေး နိှုင်းယှဉ်မယ် ဆိုရင် မိန်းကလေးတော်တော်များများက သူတို့ လုပ်ဆောင်ရမယ့် လုပ်ငန်းကိစ္စ အားလုံးလိုလိုကို အသေးစိတ် scheduled ဆွဲပြီး လုပ်ဆောင်တတ်ကြတာကို တွေ့ရပါတယ်။ တစ်နေ့တာလုံးအတွက် ဘယ်အချိန်မှာ ဘယ်ကို သွားမယ် ၊ ဘယ်နေရာမှာ ဘာကို လုပ်မယ် ၊ ဘယ်သူနဲ့ ဘယ်မှာချိန်းမယ် ဆိုတာတွေကို အံ့သြဖို့ ကောင်းလောက်အောင် အသေးစိတ် ကြိုတင်ပြင်ဆင်ထားတတ်ကြပါတယ်။ Designer ဆိုတာ အချိန်အတိအကျ ခန့်မှန်းဖို့ ခက်တဲ့ လုပ်ငန်းကိစ္စ တစ်ခုထဲမှာ ဝင်ရောက် လုပ်ဆောင်ရတာမျိုးလည်း ရှိသလို - ကိုယ်ခန့်မှန်းထားတဲ့ အချိန်ထက်ပိုပေးပြီး လုပ်ဆောင်ရတဲ့ လုပ်ငန်းကိစ္စတွေကြောင့် တစ်ခြား လုပ်ငန်းပိုင်း ဆိုင်ရာတွေမှာ အနှောင့်အယှက်တွေ ဖြစ်ပြီး ကိုယ့်ရဲ့ စွမ်းဆောင်ရည်အပေါ် လူအများရဲ့ အထင်အမြင်သေးခံရတာမျိုးတွေ ရှိလာနိုင်တဲ့ အတွက် Time Management ကို မိန်းကလေးတွေလိုမျိုး တိတိကျကျဖြစ်အောင် scheduled ဆွဲပြီး လုပ်ဆောင်တတ်ဖို့ သင့်ပါတယ်။ နောက်ပြီး မိန်းကလေးတွေဆိုတာ တစ်နေ့နဲ့ တစ်နေ့ ရပ်တည်နေရတဲ့ သူတို့ရဲ့ အချိန်တွေထဲကမှ - ဘယ်အရာကိုတော့ ငါ မဖြစ်မနေ လုပ်ကိုလုပ်ရမယ် ဆိုပြီး တင်းတင်းကျပ်ကျပ် လိုက်နာတာမျိုး တွေလည်း ရှိတတ်ကြပါတယ်။ အဲလိုပဲ Designer ဆိုတာလည်း ပြဿနာရပ်တစ်ခုကို ရင်ဆိုင်ရပြီ ဆိုတဲ့ အခါမှာ ဒီပြဿနာရပ် အတွက် ငါ အချိန်ဘယ်လောက်ပေးမလဲ - ဘယ်အချိန်မှာ ဒီ ပြဿနာရဲ့ အဖြေကို စဉ်းစားမလဲ - ဘယ်အချိန်မှာတော့ တစ်ခြား ဖန်တီးပြင်ဆင်မှုတွေ လုပ်ဆောင်မလဲ ဆိုတာ ဦးတည်ချက်ထားပြီး ရင်ဆိုင်တတ်ဖို့ လိုပါတယ်။

( ၂ ) စမ်းသပ် ပြင်ဆင်ခြင်း

Photo By Miss Peach

မိန်းကလေးတွေဆိုတာ သူတို့ရဲ့ ခန္ဓာကိုယ်မှာ အမြဲ ဆင်ယင်အသုံးပြုရမယ့် အလြှပင်ပစ္စည်းကအစ ၊ ဆံပင်ပုံစံအဆုံး ကိုယ်နဲ့ ဘာက ဘယ်လို လိုက်ဖက်မယ် ဆိုတာ အမြဲစမ်းသပ်ပြင်ဆင် နေကြတဲ့ လူအမျိုးအစားထဲမှာ ပါပါတယ်။ အဲလို စမ်းသပ်မှုလေးတွေ လုပ်ပြီး သူတို့တွေအတွက် ဘယ်လိုပုံစံလေးက လိုက်ဖက်မယ် ဆိုတာ အမြဲလည်း ထိန်းသိမ်းထားတတ်ကြပါတယ်။ ဥပမာ ပြရမယ်ဆိုရင် Lady GaGa တို့ ကျွန်တော်သိတဲ့ မြန်မာမင်းသမီးထဲကဆိုရင် နဝရတ်တို့ ( ခုခေတ်မှာတော့ ဘယ်သူက ဘယ်သူ့ထက် ပိုလန်နေလဲ တိတိကျကျ မသိတော့ပါ။ )။ Designer ဆိုတာလည်း ထိုနည်း လည်းကောင်းပါပဲ။ ကိုယ် ဖန်တီးမယ့် Design နဲ့ ပတ်သတ်ပြီး မိန်းကလေးတွေလို အမြဲတမ်း စပ်စပ်စုစု ပြင်ဆင်စမ်းသပ်မှုတွေ လုပ်ဆောင်နေမှ ဖြစ်ပါလိမ့်မယ်။ ခုခေတ်က ideas အသစ်တွေ ၊ ဆန်းသစ်မှုအသစ်တွေကို လူတိုင်းကလည်း ဝမ်းပန်းတသာနဲ့ လက်ကမ်းကြိုဆိုနေကြတဲ့ ခေတ်မလား။ Designer တစ်ယောက်အနေနဲ့ ကိုယ့်ရဲ့တွေးခေါ်မှုတိုင်းကို ရဲရဲဝင့်ဝင့် အရောင်တင်ရဲဖို့ လက်မနှေးသင့်ဘူးလို့ သုံးသပ်မိပါတယ်။

( ၃ ) အရောင်များ အကြောင်း

Photo By suky28

မိန်းကလေး အများစုဟာ သူတို့ ဝတ်တဲ့ အဝတ်အစား ၊ make-up ၊ နောက် အသုံးအဆောင်ပစ္စည်း ၊ ဖိနပ်ကစပြီး အသေးစိတ် ဂရုစိုက်တတ်ကြပါတယ်။ ကျကျနန ဝတ်စားပြင်ဆင်ထားတဲ့ မိန်းကလေး တစ်ယောက်ယောက်ကို ကျွန်တော်တို့ တွေ့ရပြီ ဆိုတာနဲ့ သေသေချာချာသာ စူးစိုက်ကြည့်လိုက်ပါ - သူတို့ရဲ့ ကိုယ်ခန္ဓာပေါ်မှာ နေရာတစ်ခုချင်းစီအလိုက် ဝတ်ဆင်ထားတဲ့ ကွဲပြားခြားနားတဲ့ အရောင်ရောစပ်မှုတွေကို ထင်ထင်ရှားရှားတွေ့ရပါလိမ့်မယ်။ ဒါဟာ မိန်းကလေးတွေရဲ့ အားသာချက်ပါပဲ။ သူတို့တွေဟာ သူတို့ ခန္ဓာကိုယ်ပေါ်မှာ မတူညီ ကွဲပြားလှတဲ့ အရောင်ရောစပ်မှုတွေကို နေသားတကျဖြစ်အောင် ဆင်ယင်ပြီး ဘေးလူတွေ မှင်သတ်ငေးမောရလောက်အောင် ပြင်ဆင်တတ်ကြပါတယ်။ Designer တစ်ယောက်ဆိုတာလည်း သူတို့လိုမျိုး မတူညီကွဲပြားလှတဲ့ အရောင်တွေကို ကိုယ် ဖန်တီးမယ့် Design တစ်ခုမှာ မိန်းကလေးတစ်ယောက်လိုမျိုး နေသားတကျ ဖြစ်အောင် ပေါင်းစပ်ပြင်ဆင်တတ်ဖို့ သိပ်အရေးကြီးပါတယ်။

( ၄ ) ပေါင်းသင်းဆက်ဆံရေး

Photo By Super Qatari

မိန်းကလေး အများစုဟာ ပတ်ဝန်းကျင်သစ် နေရာသစ်တစ်ခုမှာ အလွယ်တကူ ပျော်ဝင်ပေါင်းစည်းနိုင်ကြပါတယ်။ ဒါတွေ အားလုံးက ဘာကြောင့်လည်း ဆိုရင် သူတို့တွေ အားလုံးမှာ သဘာဝက ဖန်တီးပေးထားတဲ့ စကားပြောနိုင်စွမ်း အလွန်တရာ မြင့်မားကြလို့ဖြစ်ပြီး - လူမှုဆက်ဆံရေး နယ်ပယ်မှာလည်း တကယ်ကို ကျယ်ဖြန့်နိုင်သူတွေ အဖြစ်ရပ်တည်နိုင်လို့ ဖြစ်ပါတယ်။ ဒါတင်ပဲလား .. မကသေးပါဘူး - သူတို့ ပါးစပ်ကနေ " ဟိတ် ... " ဆိုပြီး စကားတစ်ခွန်း စလိုက်တာနဲ့ တခဏချင်း သူငယ်ချင်းတွေ အမြောက်အများရအောင် စွမ်းဆောင်နိုင်ပါသေးတယ်။ ကျွန်တော်တို့ရဲ့ Design community ဆိုတာလည်း ဒီသဘောပါပဲ။ Design community ထဲမှာ နေတဲ့ Designer တစ်ယောက်ဆိုတာ ပေါင်းသင်းဆက်ဆံရေး ပြေပြစ်ဖို့ - စကားတစ်ခွန်းစ နှစ်ခွန်းစ ပြောလိုက်ယုံနဲ့ တစ်ဖက်သူကို အာရုံကျလာအောင် ဆွဲဆောင်နိုင်ဖို့ အရည်အသွေးတွေ တကယ်ကို လိုအပ်ပါတယ်။

( ၅ ) ပေါင်းစပ်စုစည်းနိုင်ခြင်း

Photo By  Garrett2

တကယ်လို့များ စာဖတ်သူဟာ မိန်းကလေး တစ်ယောက် နေတဲ့ အခန်း တစ်ခန်းကို တွေ့ဖူးခဲ့မယ် ဆိုရင် ကျွန်တော်ပြောချင်တဲ့ ပေါင်းစပ်စုစည်းနိုင်မှု ဆိုတဲ့အဓိပ္ပါယ်ကို ကောင်းကောင်း နားလည်သွားပါလိမ့်မယ်။ သူတို့ အခန်းတွေထဲမှာ ဆိုရင် သူတို့ နေ့တိုင်း သုံးနေတဲ့  handbags အိတ်ဆို အခု ( ၁၀၀ ) လောက် ၊ နောက် ဖိနပ်ဆို အရံ ( ၁၀၀၀ ) လောက် စသဖြင့် ရေတွက်လို့ မကုန်နိုင်အောင် သူတို့ရဲ့ အသုံးအဆောင်ပစ္စည်းတွေက များပြားလှပါတယ်။ ဒါပေမယ့်လည်း သိပ်အထင်မသေးလိုက်ပါနဲ့။ သူတို့တွေ အားလုံးက အဲလောက်များပြားလှတဲ့ သူတို့ပစ္စည်းတွေကို တစ်ခုမှ မပျောက်ရှပဲ အလိုရှိတဲ့ အချိန်တိုင်းမှာ ဘယ်နေရာ ဘာထားတယ် - ဘာကိုလိုချင်ရင် ဘယ်နေရာမှာ ရှိတယ် ဆိုတာ -  ချက်ချင်းသိသလို ခဏချင်လည်းး ရှာဖွေနိုင်ပါတယ်။ အဲလိုမျိုးပဲ Designer တွေဆိုတာလည်း တစ်နေ့နဲ့ တစ်နေ့ ကိုယ့်ကွန်ပြူတာထဲမှာ digital data တွေကို မနည်းမနော ထည့်ပြီး လှုပ်ရှားနေရတာပါ။ ဒီလို အခြေအနေမျိုးမှာ မိမိရဲ့ လုပ်ငန်းအချက်အလက် တိုင်းကို မိန်းကလေးတွေလို စုစည်းပေါင်းစပ်ထားနိုင်ဖို့ သိပ်အရေးကြီးပါတယ်။

( ၆ ) ဆွေးနွေးနိုင်ခြင်း

Photo By acidjkt

အငြင်းပွားရတယ် - ငြင်းခုန်ရတယ် - အခြေအတင် စကားပြောရတယ် ဆိုတာ ငွေကြေးကိစ္စတွေ ပါဝင်လာမှ ဖြစ်တတ်တာမျိုး မဟုတ်ပါဘူး။ တစ်ခြား အကြောင်းအရာ ကိစ္စရပ်တွေနဲ့လည်း ကျွန်တော်တို့တွေ နေ့တိုင်း ငြင်းခုန်ရ အခြေအတင် စကားပြောရတာမျိုးတွေ ရှိတတ်ပါတယ်။ တစ်နည်းအားဖြင့် ပြောရရင်တော့ ဆွေးနွေးရတယ်ပေါ့။ ဆွေးနွေးရတဲ့ နေရာ - ငြင်းခုန်ရမယ် ဆိုတဲ့ နေရာမှာဆိုရင်တော့ မိန်းကလေးတွေက ဘယ်လိုအခြေအနေမျိုးမှာ ဖြစ်ဖြစ် တော်တော် ထက်မြက်ကြပါတယ်။ ဥပမာ ပြောရရင် Shopping ထွက်ကြတဲ့ အချိန်မှာ - နောက်ပြီး ကောင်လေး တစ်ယောက်ယောက်နဲ့ စကားနိုင်လုပြောရတာ - စတဲ့နေရာမျိုးတွေမှာ ဆိုရင် သူတို့ အမြဲနိုင်ကြတာချည်းပါပဲ။ အဲ့လိုပဲ တစ်ဖက်ကနေ လှည့်ပြောရရင် Designer ဆိုတာလည်း ဖော်ပြခဲ့တဲ့ ငြင်းခုန်ဆွေးနွေးရတဲ့ Technique ကို ကိုယ့် Design ကို အသုံးပြုတဲ့ Users တွေနဲ့ တွေ့တဲ့ အခါ  ကိုယ်ဖန်တီးထားတဲ့ Design နဲ့ ပတ်သတ်ပြီး အသုံးပြုဖို့ နှစ်ခါပြန်တွေးစရာ မလိုအောင် - နောက် ကိုယ့် Boss က ကိုယ့်ဖန်တီးမှုတိုင်းနဲ့ပတ်သတ်ပြီး ကိုယ်နဲ့အငြင်းပွားစရာ မလိုအောင် ဒီ Technique ကို ကောင်းကောင်း အသုံးချတတ်ဖို့လိုပါတယ်။

( ရ ) ဖန်တီးနိုင်ခြင်း

Photo By breeleed

မိန်းကလေးတွေဟာ ကမ္ဘာပေါ်မှာ ဆန်းသစ်တဲ့ ဖန်တီးမှုတွေကို ပြောင်မြောက်အောင် အဖန်တီးနိုင်ဆုံး သူတွေထဲမှာ ထိပ်ဆုံးက ပါဝင်နေတယ်လို့ ကျွန်တော်ပြောမယ် ဆိုရင် မှားမယ်မထင်ပါဘူး။ လူအတော်များများကလည်း ဒီ စကားကို သဘောတူ လက်ခံကြလိမ့်မယ် ထင်ပါတယ်။ မိန်းကလေးအတော်များများက ရိုးရိုးရှင်းရှင်းတွေထက် အဲဒီ့ ရိုးရိုးရှင်းရှင်းထဲမှာမှ တစ်ခုခု ထူးထူးခြားခြားလေး ဖြစ်သွားအောင် ထည့်သွင်းပေါင်းစပ် လိုက်ရတာမျိုးတွေ - နောက်ပြီး တစ်ခြားသူတွေ သတိထားမိသွားအောင် ထူးထူးခြားခြား ဆန်းသစ်လိုက်ရတာမျိုးတွေကို နှစ်သက်တတ်ကြပါတယ်။ အဲ့လိုပဲ လုပ်ငန်းနဲ့ ပတ်သတ်ပြီး အမြဲတမ်း ဆန်းသစ်ဖန်တီး နေနိုင်ရမယ့် Designers တွေဆိုတာလည်း တစ်ခြားသူတွေကနေပြီး ကိုယ့် Design အပေါ် အသိအမှတ်ပြုချင်လာအောင် - တန်ဖိုးထားလာအောင် - အခြားသူတွေနဲ့ မတူပဲ ကိုယ့် Design ကို အားလုံးရဲ့ ကြားထဲက ဖောက်ထွင်းပြီး မြင်သာလာအောင် စွမ်းဆောင်နိုင်ရပါတယ်။  

အဲတော့ တကယ်လို့များ စာဖတ်သူဟာ Designer တစ်ယောက် ဖြစ်ခဲ့ပြီး ကိုယ့်ရဲ့ ဖန်တီးနိုင်မှု - ရှု့မြင်တတ်မှုအပေါ် ကိုယ့်ကိုယ်ကိုယ် သဘောမကျ စိတ်လက်မအီမသာ ဖြစ်လာပြီ ဆိုရင် - ကျွန်တော်ကတော့ ခုလို အကြံပေးလိုပါတယ်။ ကောင်မလေးတစ်ယောက်ကို ကျကျနန ကြည့်ကြည့်လိုက်ပါ။ နောက်ပြီး သူနဲ့ စကားစမြည် ပြောပြီး သူ့ဆီက အကြံဉာဏ် တစ်ချို့ တောင်းခံကြည့်ပါ။ သူ့ဆီကနေပြီး ကျွန်တော်တို့တစ်ခါမှ မျှော်လင့်မထားတဲ့ IDEAS ကောင်းတွေ တစ်ပုံတစ်ခေါင်း ရရှိပြီး - အဲ့ အကြံဉာဏ်တွေက ကျွန်တော်တို့ရဲ့ ဖန်တီးနိုင်မှုအပေါ် ထိထိရောက်ရောက် အကျိုးပြုနိုင်လိမ့်မယ်လို့ ကျွန်တော် အာမခံပါတယ်။

Permalink

KznT.

3 Buzz tips

User တွေရဲ့ တောင်းဆိုချက်ကို လိုက်ပြီး ဖန်တီး ပြင်ဆင်မှုတွေ အဆက်မပြတ် လုပ်ဆောင်နေတဲ့ Google Buzz က အခုဆိုရင် နောက်ထပ် features အသစ် ( ၃ ) ခုကို မိတ်ဆက်လိုက်ပါတယ်။ အဲတာတွေက အောက်မှာ ဖော်ပြထားတဲ့ အတိုင်းပါ။ -

( ၁ ) မိမိစိတ်ဝင်စားသော အကြောင်းအရာ ( Posts ) များအား မိမိ၏ Mail box အတွင်းလို့ ပို့ဆောင်ခြင်း။

တစ်ခါတစ်ရံမှာ ကျွန်တော်တို့တွေဟာ အကြောင်းအရာတစ်ခုကို Buzz ထဲမှာတွေ့ရှိပြီး သဘောကျလို့ နောင်တစ်ချိန်မှာလည်း အလွယ်တကူ ပြန်လည် ဖတ်ရှုရလွယ်ကူအောင် ကိုယ့် Mail inbox ထဲကို Buzz ကနေ တစ်ဆင့် ပို့ထားချင်တာမျိုး ရှိပါလိမ့်မယ်။ ပုံမှန်အတိုင်းဆိုရင် ကျွန်တော်တို့ သဘောကျတဲ့ Posts တွေကနေပြီး ပြောင်းလဲမှုတွေ သိရှိရနိုင်ဖို့အတွက် သက်ဆိုင်ရာ Posts တွေမှာ Comments တွေပေးပြီး ကိုယ့် Mail box ထဲကို Posts နဲက ပတ်သတ်တဲ့ Updates တွေ ပုံမှန်ဝင်လာပြီး သတိပေးနေအောင် လုပ်ဆောင်ရပါတယ်။ ဒါပေမယ့် ခုတော့ ဒီ Posts နဲ့ ပတ်သတ်ပြီး ကိုယ်ပါဝင်ဆွေးနွေးခဲ့သည် ဖြစ်စေ ၊ မဆွေးနွေးခ့ဲသည် ဖြစ်စေ ကိုယ့် Mail box ထဲကို ရောက်လာအောင် လုပ်ဆောင်လို့ ရပါပြီ။ ဒါကို လုပ်ဆောင်ဖို့အတွက် Post ရဲ့ ညာဘက်အပေါ်ထောင့် မှာ ရှိတဲ့ down-arrow ကနေပြီး "Deliver to my Inbox" ကိုရွေးချယ်ပေးပါ။

( ၂ ) Comments များအား ဖြုတ်ထားခြင်း။

တကယ်လို့ ကိုယ်စတင် ဆွေးနွေးခဲ့တဲ့ အကြောင်းအရာတစ်ခုမှာ တစ်ခြား သူတစ်ယောက်ရဲ့ Comments တွေကို လက်မခံချင်ဘူးဆိုရင် အောက်ဖော်ပြပါအတိုင်း ပိတ်ထားလို့ရပါတယ်။

အထက်ဖော်ပြပါလို လုပ်ဆောင်လိုက်မယ်ဆိုရင် မြင်ရမယ့် ပုံစံကတော့ ခုလို ဖြစ်ပါတယ်။

( ၃ ) Google Buzz သို့ Share ပေးလိုက်သော Posts အသီးသီးမှ ထို Posts အတွက် သက်ဆိုင်ရာ မူရင်း Sites များ၏ Links များအား ပူးတွဲမှတ်သားပေးထားခြင်း။

တကယ်လို့ ကျွန်တော်တို့ဟာ Posts တစ်ခုခုကို သဘောကျလို့ Google Buzz ရှိရာဆီ အဲ့ဒီ Post ရဲ့ Link ကို Share ပေးလိုက်တဲ့ အချိန်မှာ Buzz ကနေပြီး သက်ဆိုင်ရာ မူရင်း Posts တည်ရှိရာ Site ရဲ့ တည်နေရာကို ခုလို ပူးတွဲ မှတ်ရလွယ်အောင် ထည့်သွင်းဖော်ပြပေးသွားမှာ ဖြစ်ပါတယ်။

KznT.

Differences between Hibernation and Sleep mode

တကယ်လို့ စာဖတ်သူဟာ အမြဲတမ်း ဖြစ်စေ ၊ ရံဖန်ရံခါဖြစ်စေ Hibernation mode ကို အသုံးပြုသူ ဆိုရင်တော့ အခုဖော်ပြမယ့် Trick ကို အသုံးမပြုပါနဲ့။ တကယ်လို့ Hibernation mode ဆိုတာကို စာဖတ်သူရဲ့ Desktop မှာ ဖြစ်စေ ၊ Laptop မှာ ဖြစ်စေ လုံးဝအသုံးမပြုသူ တစ်ယောက် ဖြစ်မယ်ဆိုရင်တော့ ခုဖော်ပြမယ့် နည်းလမ်းကို အသုံးပြုခြင်း အားဖြင့် ကိုယ့်ရဲ့ System မှာ ရှိနေတဲ့ Hard disk space ထဲက မိမိအသုံးမပြုပဲ နေရာပေးထားရတဲ့ 4 - 6 GB ပမာဏကို ပြန်လည်ရယူနိုင်မှာ ဖြစ်ပါတယ်။

အင်တာနက်ထဲမှာ ရှိနေတဲ့ How-To site တွေ How-To Geek တွေမှာလည်း ဒီ Hibernation mode နဲ့ ပတ်သတ်ပြီး hiberfil.sys file တွေကို ဘယ်လို Delete လို့ ရနိုင်မယ် ၊ နောက်ပြီး hibernation mode ကို ဘယ်လို Disable လုပ်လို့ ရနိုင်မယ်ဆိုတာ အတူတကွ တွဲဖက်ပြီး ဖော်ပြထားတာ တော်တော်များများ ရှိပါတယ်။ သူတို့တွေကို လိုက်ပြီး မလေ့လာခင်မှာ hiberfil.sys ဆိုတာ ဘာလဲ ဆိုတာကို အရင်ဆုံး လေ့လာကြရအောင်ပါ။

အဲတော့ hiberfil.sys ဆိုတာ ဘာများလဲ ??

Windows မှာ Power management အတွက် modes ( ၂ ) ခုရှိပြီး အဲ့ဒီ့ modes ( ၂ ) ခုက Sleep Mode နဲ့ Hibernate mode ပဲ ဖြစ်ပါတယ်။ အဲ့ ( ၂ ) ခုထဲကမှ တစ်ခုဖြစ်တဲ့ Sleep Mode ဆိုတာ ကိုယ်အကြောင်းအရာ တစ်ခုခုကြောင့် ကွန်ပြူတာရှေ့ကနေ ထွက်သွားဖို့ ကိစ္စတစ်ခုခု ပေါ်လာတဲ့အချိန် - မိမိကိုယ်တိုင်ကလည်း လတ်တလော ဖွင့်ထားတဲ့ webpage / Program စတာတွေကို ပိတ်မသွားချင်ဘူးဆိုတဲ့အခါ အဲဒီ့ Sleep Mode ကိုရွေးချယ်ပေးရပါတယ်။ အဲလို Sleep Mode ကို ရွေးချယ်ပေးလိုက်တာနဲ့ အဲဒီ့ Mode ကနေပြီး PC ကို power အနည်းဆုံးနဲ့ Run ထားနိုင်အောင် စီစဉ်ပေးထားပြီး ကိုယ်ကွန်ပြူတာ ရှေ့ကို ပြန်ရောက်တဲ့ အချိန်မှာ ကိုယ် ထွက်မသွားခင်က အခြေအနေအတိုင်း ဟန်အပျက် အမြန်ဆုံး မူလအခြေအနေကို ပြန်လည်ရောက်ရှိအောင် စွမ်းဆောင်ပေးပါတယ်။ ဒီအခြေအနေကို များသောအားဖြင့် ကွန်ပြူတာရှေ့ကနေ ခဏတဖြုတ် ( နာရီဝက် - တစ်နာရီ ) တန်သည် ဟိုထွက်သွား ဒီထွက်သွား သွားစရာရှိလာတဲ့ အခြေအနေမျိုးမှာ အသုံးပြုလေ့ရှိပါတယ်။ )

နောက်တစ်ခုကတော့ Hibernate mode ပါ။ သူ့အကြောင်းကို အကျယ်လေ့လာချင်မယ် ဆိုရင်တော့ ဒီနေရာမှာ လေ့လာနိုင်ပါတယ်။ ဒီနေရာမှာတော့ နားလည်လွယ်ဖို့ ဦးတည်ချက်ထားပြီး အတိုဆုံးနဲ့ မှတ်ရအလွယ်ကူဆုံး ဖြစ်အောင် ကြိုးစားဖော်ပြပေးပါမယ်။ Hibernate mode ဆိုတာ ဘယ်လိုမျိုးလဲ ဆိုတာကို မလေ့လာခင် Hibernate mode ကို ဘယ်လို အခြေအနေမှာ သုံးလေ့ရှိကြလဲ ဆိုတာမျိုးကို အရင်ဖော်ပြပါ့မယ်။ ကျွန်တော်တို့ဟာ အခြေအနေတစ်ခုမှာ ကွန်ပြူတာရှေ့မှာ လုပ်ငန်းလုပ်ဆောင်နေဆဲ အခြေအနေကနေ အရေးပေါ်ကြောင့် ဖြစ်စေ - မဖြစ်မနေ ချက်ချင်းလုပ်ဆောင်ဖို့ ပေါ်လာတဲ့ လုပ်ငန်းကိစ္စ တစ်ခုကြောင့် ဖြစ်စေ လက်ရှိ ကွန်ပြူတာထဲမှာ လုပ်ဆောင်လို့ မပြီးသေးတဲ့ project တစ်ခုခု ၊ Program တစ်ခုခု ၊ Data ခန့်မှန်းတွက်ချက်မှု စသဖြင့် အခြေအနေအမျိုးမျိုးကနေ အားလုံးပစ်ထားပြီး အချိန်ကာလ အတန်ကြာကြာ ထွက်သွားရမယ့် အခြေအနေမျိုး ရှိလာတတ်ပါတယ်။ ဒီအချိန်မှာ သွားရမယ့် ကြာချိန်ကလည်း ခုန ပြောခဲ့သလို ခဏတဖြုတ် ( နာရီဝက် - တစ်နာရီ ) တန်သည် ကြာမယ့်ဟာမျိုးက မဟုတ်လို့ Sleep Mode နဲ့ကလည်း ထားလို့မဖြစ် - နောင်တစ်ချိန် လုပ်ငန်းအားလုံး ပြီးသွားလို့ ကွန်ပြူတာရှေ့ ပြန်ရောက်ချိန် ကွန်ပြူတာ ဖွင့်လိုက်တာနဲ့ နဂို လုပ်ဆောင်နေဆဲ အခြေအနေအတိုင်းလည်း ကိုယ်က ပြန်လိုချင် ဒီလို အခြေအနေမျိုးမှာ ( ၁ ) ချက်ခုတ် ( ၂ ) ချက်ပြတ် လုပ်ဆောင်နိုင်ဖို့ Hibernate mode ကို အသုံးပြုပါတယ်။ ဒီတစ်မျိုးတည်း အတွက်နဲ့ Hibernate mode ကို အသုံးပြုတာမျိုးလည်း မဟုတ်ပါဘူး။ တစ်ချို့နိုင်ငံတွေမှာ ဆိုရင် အင်တာနက်သုံးခ ၊ မီတာခ ဆိုတာတွေက ကိုယ်သုံးစွဲတဲ့ အချိန်နဲ့လိုက်ပြီး ပေးချေရတာမျိုးတွေ ရှိပါတယ်။ အဲလိုအခြေအနေမျိုးမှာ ကိုယ်တစ်နေရာရာသွားလို့ လတ်တလော အခြေအနေမျိုးကို ပျက်မသွားအောင် ကွန်ပြူတာကို နဂိုအတိုင်း ဖွင့်ထားခဲ့ပြီး ထထွက်သွားဖို့ ဆိုတာမျိုးက မဖြစ်နိုင်ပါဘူး။ အဲလို အခြေအနေမျိုးမှာ ကိုယ့်လုပ်ငန်းလည်း မပျက် Power ကိုလည်း ချွေတာရာရောက်အောင် Hibernate mode ကို အသုံးပြုပါတယ်။ ဒါကြောင့် သူ့ကို power-saving mode လို့လည်း ခေါ်ကြပါတယ်။ Hibernate mode ကို အသုံးပြုမယ်ဆိုတဲ့ အခါ ပြောင်းလဲသွားတာကတော့ ပုံမှန် program တစ်ခုခု run အလိုက်တဲ့ အချိန်မှာ အရင်က RAM ထဲမှာ memory အဌားသုံးပြီး Run နေရာကနေ - Hibernate mode မှာတော့ Computer ရဲ့ လက်ရှိ လုပ်ဆောင်နေမှု အခြေအနေအားလုံးကို နောက်တစ်ချိန်မှာ ပြန်လည် ခေါ်ယူ အသုံးပြုလို့ ရစေဖို့ အတွက် လတ်တလော အခြေအနေ RAM ထဲမှာ Run ထားသမျှ applications အားလုံးကို hard drive ထဲမှာပါ အကုန် save လုပ်သွားမှာ ဖြစ်ပါတယ်။ ထပ်ပြီးရှင်းရရင် - အားလုံးသိကြတဲ့ အတိုင်း RAM ဆိုတာ လက်ရှိလုပ်ဆောင်နေတဲ့ လုပ်ငန်းဆိုင်ရာတွေကို ခဏတာပဲ မှတ်သားပေးထားတဲ့ နေရာပါ။ သူက ကွန်ပြူတာကို power ပိတ်လိုက်လို့ပဲ ဖြစ်စေ - Error တစ်ခုခုတက်ပြီး အလိုလို Shutdown ကျသွားလို့ ဖြစ်စေ - မီးပျက်သွားလို့ ဖြစ်စေ စသဖြင့် ဘယ်လိုပဲ ကွန်ပြူတာ Shutdown ကျသွား ကျသွား memory အားလုံး ပျောက်သွားတတ်တာမျိုးပါ။ အဲတာကြောင့်လည်း စာရိုက်ရင်း save မလုပ်လိုက်မိခင် မီးပျက်သွားလို့  ရိုက်ထားသမျှ ပြန်မရတော့တာမျိုး ဆိုတာတွေ ကွန်ပြူတာ သုံးသူတိုင်း ကြုံဖူးကြမယ်ထင်ပါတယ်။ Hibernate mode ကတော့ အဲလို မဟုတ်ပါဘူး။ လုပ်ချင်တာလုပ် လုပ်သမျှကို  HD ပေါ်မှာ မှတ်ပါတယ်။ အဲတာကြောင့်မို့လို့ လတ်တလော လုပ်ငန်းစဉ်ကနေ PC ကို shutdown ချပစ်လိုက်မယ်ဆိုရင်တောင် Windows တက်လာချိန်မှာ နဂိုကွန်ပြူတာ မပိတ်ခင်က ကိုယ် ဘယ်နေရာမှာ ဘာလုပ်နေခဲ့သလဲ - အဲ့အခြေအတိုင်းပြန်လည်ရရှိမှာ ဖြစ်ပါတယ်။ Hibernate mode ဟာ hiberfil.sys file ဆိုတာကို အသုံးပြုပြီး PC ရဲ့ လတ်တလောအခြေအနေ ( Memory ) ကို ပြန်ပြီး store လုပ်တဲ့ နေရာမှာ အသုံးပြုပါတယ်။ နောက်ပြီး အဲ့အခြေအနေတွေ အားလုံးကို Windows ကနေ ထိန်းချုပ်စီမံ ခန့်ခွဲတာ မို့လို့ ဒီ file တွေကို ပုံမှန် အနေနဲ့ ဖျက်ထုတ်ပစ်လို့ မရပါဘူး။

အခက်အခဲကို ဖြေရှင်းဖို့ ကြိုးစားတဲ့ အခါမှာ ကောင်းကျိုးတွေလည်း ရှိသလို ဆိုးကျိုးတွေလည်း ရှိပါတယ်။ Hibernate mode ကို ဘယ်လို အခြေအနေမှာ အသုံးပြုကြတယ် ဆိုတာ ကျွန်တော် အပေါ်မှာ ဆွေးနွေးခဲ့ ပြီးပါပြီ။ အဲတာတွေက ကောင်းကျိုးတွေပါ။ ဒါပေမယ့် သူ့မှာ ဆိုးကျိုးတွေလည်း ရှိပါသေးတယ်။ Hibernate mode ကို On ထားခြင်း အားဖြင့် RAM ထဲမှာ Run ထားသမျှ applications အားလုံးကို hard drive ထဲမှာပါ အကုန် save လုပ်သွားမှာဖြစ်တဲ့ အတွက် အဲလို Save လုပ်နိုင်ဖို့  ကိုယ့်ရဲ့ hard drive ဟာ လုံလောက်တဲ့ ပမာဏ ရှိနေဖို့ မဖြစ်မနေ လိုအပ်ပါတယ်။ တစ်ချို့ အခြေအနေတွေမှာ Hibernate mode ကို On ထားခြင်း အားဖြင့် Restarting လုပ်တဲ့ အချိန်မှာ Operation မမှန်တာမျိုးတွေလည်း ဖြစ်တတ်ပါတယ်။ တကယ်တော့ Hibernate mode ဆိုတာ အသုံးတည့်တာ မှန်ပေမယ့်လို့ ကွန်ပြူတာ အသုံးပြုသူတိုင်း အတွက်တော့ အသုံးမလိုပါဘူး။ ဒါကြောင့်လည်း Hibernate mode ကို On မထားကြဖို့ - ကွန်ပြူတာ ကို သန့်ရှင်းရေးလုပ်တဲ့ Software တွေ ဆိုရင်လည်း ဖြစ်နိုင်ရင် Hibernate mode ကို Off ထားကြဖို့ အကြံပေးတာမျိုးတွေ တွေ့ဖူးကြပါလိမ့်မယ်။ Hard disk ပေါ်မှာ တစ်ခုခုကို နေရာပေးတဲ့ အချိန်မှာ MB လောက် ပမာဏဟာ ဘာမှ မပြောပလောက်ပေမယ့် GB လောက် ဖြစ်လာပြီ ဆိုရင်တော့ ထည့်သွင်းစဉ်းစားဖို့ လိုလာပြီမလား။ ဒါမှလည်း ကိုယ့်အတွက် တကယ်အသုံးလိုတဲ့ စာအုပ်စာတမ်းလေးက အစ ၊ သီချင်းခွေ - ဓာတ်ပုံလေးတွေအဆုံး နေရာပေးနိုင်ဖို့ ပိုပြီး လုံလောက်သွားမှာပေါ့။

အဲတော့ Hibernate mode ကို အသုံးမလိုသူတွေ အတွက် Windows 7, Vista, နဲ့ XP မှာ ဘယ်လို Disable ပေးသွားမလဲ ဆိုတာ ဆက်ပြီး ဆွေးနွေးသွားပါ့မယ်။ ဒီအကြောင်းအရာကတော့ အတော်များများ သိပြီးသား ဖြစ်ပါလိမ့်မယ်။ ပြည့်စုံစေချင်လို့ ဖြည့်သွင်းဖော်ပြလိုက်တာပါ။

Windows 7 နှင့် Windows Vista တွင် Hibernate အား Disable ပေးခြင်း ( နှင့် hiberfil.sys အား Delete လုပ်ခြင်း )

ဖော်ပြတဲ့ အတိုင်း တွေ့နေရတဲ့ Hibernate mode ကို Disable လုပ်ဖို့ ဆိုရင် Start menu ကနေ Command prompt ကို Right-click လုပ်ပြီး administrator mode ကနေ အရင်ဝင်ရပါမယ်။ အဲ့ထဲကို ရောက်ပြီ ဆိုတာနဲ့ အောက်ဖော်ပြပါ Command ကို ရိုက်ရပါမယ်။

powercfg -h off

အဲလို လုပ်ဆောင်ပြီးသွားတာနဲ့ ဒုတိယပုံမှာ ကျွန်တော်တို့ တွေ့နေရတဲ့ Hibernate Mode ဟာ Shut down menu ကနေ လုံးဝပျောက်သွားတာကို ခုလို တွေ့ရပါလိမ့်မယ်။

ဒါတင်မက အပေါ်ဆုံးပုံမှာ တွေ့နေရတဲ့ hiberfil.sys file ဆိုတာလည်း လုံးဝမရှိတော့တာ သတိထားမိ ကြပါလိမ့်မယ်။

Windows XP တွင် Hibernate Mode အား Disable ပေးခြင်း

Windows XP မှာ Hibernate mode ကို Disable ပေးရတာ အပေါ်မှာ ဖော်ပြခဲ့တာတွေထက်ပိုလွယ်ပါတယ်။ Control Panel > Power Options > ကို သွားပြီး Hibernate tab ကို ရှာပါ။ ပြီးရင် Hibernate အောက်မှာ ရှိနေတဲ့ Enable Hibernation ဘေးက Check box မှာ Uncheck ပေးပြီး Reboot လုပ်လိုက်ပါ။ ဒါဆိုရင် Hibernation mode ကို Disable ပေးပြီးသား ဖြစ်သလို hiberfil.sys file ကိုလည်း Delete ပြီးသား ဖြစ်ပါလိမ့်မယ်။

KznT.

TOEFL IELTS Books Collection

IELTS and TOEFL exams တွေဆိုတည ကမ္ဘာတစ်ဝှမ်းက အင်္ဂလိပ်စာ ဘာသာရပ်ကို လေ့လာနေကြတဲ့ ၊ ဆက်စပ်ပတ်သတ် နေကြတဲ့ ကျောင်းသားတွေ အားလုံးနီးပါး သိရှိထားပြီးသား စာမေးပွဲတွေ ဖြစ်ပါတယ်။ Exams ( ၂ ) ခုလုံးက ကိုယ့်မှာ ရှိနေတဲ့ English language ability ကို စစ်ဆေးတဲ့ စာမေးပွဲတွေပါ။ IELTS ကို UK နဲ့ Australia တက္ကသိုလ်တွေ အတွက်အဓိက ဦးတည်ထားပြီး  American နဲ့ Canadian universities တော်တော်များများကလည်း လက်ခံကြပါတယ်။ TOEFL ကိုတော့ American universities တွေက အဓိက အသုံးပြုပါတယ်။ American universities တွေက အဓိက အသုံးပြုတယ်လို့ ဆိုပေမယ့်လည်း UK နဲ့ Australia မှာ ရှိတဲ့ တက္ကသိုလ်တွေကလည်း ဒီ Results ကို အပြန်အလှန်သဘောမျိုး လက်ခံကြတာလည်း ရှိပါတယ်။

IELTS ဆိုတာ International English Language Testing system ကို ခေါ်တာပါ။ IELTS ကို British Councils, the University of Cambridge, နဲ့ IELTS Australia ကနေ ကြီးမှုး ကျင်းပတာ ဖြစ်ပြီး  British universities တွေ နောက် New Zealand နဲ့ Australian universities တွေနဲ့ အခြား ကျောင်းတွေက နိုင်ငံခြား ကျောင်းသား တစ်ယောက်ကို ကျောင်းမှာ လက်ခံနိုင်ဖို့ အတွက် ဒီရလာဒ်တွေကို ကြည့်ရှုသတ်မှတ် အတည်ပြုပေးပါတယ်။ သူ့မှာ အဆင့် သတ်မှတ်ချက် ( ၉ ) ဆင့် ရှိပြီး - သူတို့တွေက ဘာကို ဖော်ပြလဲ ဆိုရင် အဆင့်လိုက် အဆင့်လိုက် ဒီကျောင်းသားဟာ အင်္ဂလိပ်စာနဲ့ ပတ်သတ်လို့ သူ့နိုင်ငံသား ပညာတတ် တစ်ယောက်ရဲ့ အင်္ဂလိပ်စာနားလည်မှု အဆင့်အတန်းနဲ့ ဘယ်လောက်ထိ level ညီလည်း ဆိုတာကို ဖော်ပြတာ ဖြစ်ပါတယ်။ ဒီ Tests ကို ဖြေဆိုမယ် ဆိုရင် ( reading, writing, listening နဲ့ speaking) ဆိုတဲ့ Skills ( ၄ ) မျိုးလုံးကို ဖြေဆိုရမှာ ဖြစ်ပြီး ယေဘုယျအားဖြင့် အထက်တန်းကျောင်းသား ( ဘွဲ့ မရရှိသေးသူ ) တစ်ယောက် အနေနဲ့ သူတို့ကျောင်းတွေကို ဝင်ခွင့်ရရှိနိုင်ဖို့ အနည်းဆုံး overall score 5.5 ရရှိထားဖို့ လိုပါတယ်။  postgraduate ကျောင်းသား တစ်ယောက် ဖြစ်မယ် ဆိုရင်တော့ overall score 6.5 ရရှိထားဖို့ လိုပါတယ်။ IELTS exam တွေကို တစ်ကမ္ဘာလုံး အတိုင်းအတာနဲ့ ကျင်းပပေးတာ ဖြစ်ပြီး ဖြေဆိုချင်တယ်ဆိုရင် ဝင်ကြေးပေးသွင်း ဖြေဆိုရမှာ ဖြစ်ပါတယ်။ အသေးစိတ် လေ့လာချင်မယ် ဆိုရင်တော့ ဒီနေရာကနေ သွားရောက်လေ့လာနိုင်ပါတယ်။

TOEFL ဆိုတာကတော့ Test of English as a Foreign Language ဖြစ်ပြီး ETS ( Educational Testing Service ) လို့ခေါ်တဲ့ အစိုးရမဟုတ်သော US အခြေစိုက်အဖွဲ့အစည်းကနေ ကြီးမှုးကျင်းပတာ ဖြစ်ပြီး American နဲ့ Canadian universities အများစုက ဒီ ရလာဒ်ကို အတည်ပြုကြပါတယ်။ သူတို့ ( ၂ ) ဘယ်လိုပဲ ကွာခြား ကွာခြား ခုခေတ်မှာတော့ ကမ္ဘာ့နိုင်ငံအသီးသီးက ကျောင်းသား အတော်များများကတော့ TOEFL နဲ့ IELTS စာမေးပွဲ ( ၂ ) ခုစလုံးကို ဖြေဆိုထားနိုင်ဖို့ ကြိုးစားနေကြပါပြီ။ ဘာကို ဖြေဆိုထားသင့်မယ် ဆိုတာကတော့ ကိုယ်တက်ရောက်ချင်တဲ့ ကျောင်းပေါ်မူတည်ပြီး ဘယ်နိုင်ငံမှာ ရှိသလဲ ၊ သူတို့ကျောင်းတွေက ဘယ်ရလာဒ်ကို ကြည့်သလဲ ဆိုတာပေါ် မိမိဘာသာ ဆုံးဖြတ်ရွေးချယ် ရမှာ ဖြစ်ပါတယ်။ ဒီ အကြောင်းကို အရှည်ပြောရရင် တော်တော်များမှာပါ။ ကျွန်တော်က IELTS and TOEFL exams တွေအကြောင်း ရှင်းပြချင်လို့ မဟုတ်ပါဘူး။ ကျွန်တော်ပြောချင်တာက IELTS and TOEFL exams တွေကို ဖြေဆိုဖို့ ပြင်ဆင်နေသူတွေ ၊ အခု မဟုတ်ရင်တောင် နောင်တစ်ချိန်မှာ ဖြေဆိုမယ်လို့ စိတ်ကူးရှိထားသူတွေအတွက် ဆောင်ထားဖို့ သင့်တော်မယ့် TOEFL IELTS Books Collection တွေကို ဝေမျှ ချင်လို့ပါ။

ကျွန်တော့်မှာ IELTS and TOEFL exams အတွက် အောက်ဖော်ပြပါ စာအုပ်တွေ ရှိနေပါတယ်။

Grammar

[Longman] Grammar Practice For Elementary (Longman).pdf
0582417066 - Grammar Practice For Elementary (Longman).pdf
Betty Azar - Basic English Grammar (2nd Ed).pdf
Business Vocabulary in Use (Cambridge Professional English).pdf
eBooks.PL.English.-.Repetytorium.Tematyczno-Leksykalne.1.(osiol.NET).www!OSIOLEK!com.pdf
eBooks.PL.English.-.Repetytorium.Tematyczno-Leksykalne.2.(osiol.NET).www!OSIOLEK!com.pdf
Elaine Walker (Longman) - Grammar Practice for Upper Intermediate Students 2000.pdf
English Grammar in Use-Reference and Practice for Intermediate Students of English.pdf
English Grammar Questions.pdf
English.Grammar - OUP - The Oxford Guide To English Usage.PDF
Focus_On_Advanced_English_Grammar_Practice.pdf
Lawrence.Erlbaum,.Teaching.Academic.ESL.Writing.Practical.Techniques.in.Vocabulary.And.Grammar.(2004).pdf
LONGMAN-English_Grammar_Practice_for_Intermediate_Students(by_L.Alexander).pdf
McGraw.Hill,.English.Grammar.for.The.Utterly.Confused.(2003).pdf
Oxford-Basic English Usage.pdf
R Side G Wellman (Longman) Grammar and Vocabulary for Cambridge Advanced and Proficiency.pdf
Some Key Points Of English Grammar.pdf

Vocab

Business Vocabulary in Use (Cambridge Professional English).pdf
Cambridge - English Vocabulary In Use.pdf
Cambridge - English Vocabulary in Use (2).pdf
Cambridge - English Vocabulary in Use (3).pdf
Super Duper Publications - Vocabulary Builder.pdf
The online English Grammar (245 pages).pdf
The Oxford Dictionary of New Words.pdf
The Oxford Dictionary of Quotations.PDF

Cambridge, Oxford, Longman

202 Useful Exercises for IELTS.pdf
CAE reading.PDF
CAE Reading(1).pdf
Check Your Vocabulary For Ielts - Answer Key.pdf
English Grammar - Check Your Vocabulary For Ielts.pdf
English Grammar - Revision For Ielts Speaking Test.pdf
esl free practice reading exercises tests cambridge CAE certificate in advanced english.htm
esl free practice reading exercises tests cambridge CAE certificate in advanced english1.htm
How to prepare for IELTS - Speaking.pdf
IELTS - Exam samples - Reading.odt
IELTS - Exam samples - Reading(1).odt
IELTS - Exam samples - Reading(2).odt
IELTS - Exam samples - Reading(3).odt
IELTS Academic Reading.odt
IELTS General Training Reading.odt
ielts_academic_reading_bone_stretching_in_china.pdf
ielts_reading.pdf
ielts_reading_test_4.pdf
ielts_reading_test_5.pdf
ielts_reading_test_answers_2.pdf
ielts_reading_test_answers_5.pdf
ielts_reading_test_answers_6.pdf
PDF-Cambridge Practice Tests for IELTS 1.pdf
PDF-Cambridge Practice Tests for IELTS 2.pdf
Practice Tests for IELTS.pdf
Toefl Reading.odt
Wiley, Webster's New World Essential Vocabulary (2005) YYePG OCR 7.0-2.6 LotB.pdf

ETS TOEFL Preparation Kit

Practice Reading A.pdf
Practice Reading B.pdf
Practice Reading C.pdf
Practice Reading D.pdf
Practice Reading E.pdf
Practice Reading F.pdf
Practice Reading G.pdf
Practice Reading H.pdf
Practice Reading I.pdf
Practice Structure A.pdf
Practice Structure B.pdf
Practice Structure C.pdf
Practice Structure D.pdf
Practice Structure E.pdf
Practice Structure F.pdf
Practice Structure G.pdf
Practice Structure H.pdf
Practice Structure I.pdf

TOEFL Reading

PP_RC.odt
Practice Reading A.pdf
Practice Reading B.pdf
Practice Reading C.pdf
Practice Reading D.pdf
Practice Reading E.pdf
Practice Reading F.pdf
Practice Reading G.pdf
Practice Reading H.pdf
Practice Reading I.pdf
reading 1.hwp
reading 10.odt
reading 11.odt
reading 12.odt
reading 13.odt
reading 14.odt
reading 2.hwp
reading 3.hwp
reading 4.hwp
reading 5.htm
reading 6.htm
reading 7.htm
reading 8.htm
reading 9.hwp
TOEFL READING 500.hwp

အထက်ဖော်ပြပါ စာအုပ်တွေကို အလိုရှိမယ့် သူတွေအတွက် အောက်ဖော်ပြပါ နေရာကနေ ရယူနိုင်ပါတယ်။

TOEFL IELTS Books Collection.part1.rar (95.4 MB)
http://www.multiupload.com/TP9LXRK7OF

TOEFL IELTS Books Collection.part2.rar (95.4 MB)
http://www.multiupload.com/IRGDC57QV9

TOEFL IELTS Books Collection.part3.rar (63.3 MB)
http://www.multiupload.com/3V2AYJVPKJ

password = www.myanmarfamily.org

Links တွေကို Multiupload ကနေပဲ ကျွန်တော်တင်ထားပေးပါတယ်။ Links တွေ ခဏခဏ ပျက်တာကို အတတ်နိုင်ဆုံး ထိန်းထားချင်လို့ပါ။ IELTS and TOEFL exams နဲ့ ပတ်သတ်ပြီး အောင်အောင်မြင်မြင် ဖြတ်သန်းနိုင်ကြပါစေ။ ဖြတ်သန်းအောင်မြင်ပြီးခဲ့ရင်လည်း မြန်မာနိုင်ငံမှာ တစ်နေ့နေ့ တစ်ချိန်ချိန် ပြန်လည်အကျိုးပြုနိုင်တဲ့ လူရည်ချွန်၊ လူရည်မွန်များအဖြစ် ရပ်တည် နိုင်ကြပါစေ။

KznT.