How to use your laptop

Amit Agarwal ဆိုတာ ကမ္ဘာပေါ်က လူဖတ်အများဆုံး how-to blogs တွေထဲက blog တစ်ခု ဖြစ်တဲ့ Digital Inspiration Blog ကို ဦးစီးတည်ထောင် ရေးသားနေသူ စာရေးဆရာတစ်ယောက်ပါ။ ကျွန်တော် သူ့ ဘလော့ကို လွန်ခဲ့တဲ့ နှစ်နှစ်လောက်က စဖတ်ဖြစ်ခဲ့တယ် ထင်တယ်။ Amit ရဲ့ အရေးအသားတွေကို ကျွန်တော် သိပ်မဘောကျတယ် - သူက စေ့စေ့ပေါက်ပေါက် ရှာတယ် - ကျကျနနရေးတယ်။ စာဖတ်သူ ဘာဖတ်ချင်လဲ ဆိုတာ သူကောင်းကောင်းသိတယ်။ သူ့အကြောင်း အသေးစိတ်နဲ့ အောင်မြင်မှုတွေကို ဒီနေရာမှာ ဖတ်ရှု့နိုင်ပါတယ်။

သူ့ ဘလော့မှာ စာဖတ်ရင်း ကျွန်တော် မသိသေးတာတွေ တော်တော်များများ သိခဲ့ရသလို ကျွန်တော် သိခဲ့တာတွေကိုလည်း ကျွန်တော့်မိသားစုဆီ ဝေမျှပေးနိုင်ခ့ဲတယ်။ ကျွန်တော့်ကို စာဖတ်ချင်စိတ် ဖြစ်လာအောင် ပထမဆုံး စွဲဆောင်ခဲ့တဲ့ စာရေးဆရာ ( မြင်ဆရာ ) လို့ သုံးနှုန်းမယ်ဆိုရင်လည်း မှားမယ် မထင်ဘူး။ ခုလည်း မနေ့က Maintain a Good Posture While Using your Laptop ဆိုတဲ့ ပို့စ်လေး ဖတ်လိုက်ရတယ်။ ဖတ်ပြီးပြီးချင်း ကျွန်တော် အရင်ရေးဖူးတဲ့ အင်တာနက်နှင့် ကျန်းမာရေး ခေါင်းစဉ်လေးကို ပြန်သတိရမိတာနဲ့ ကျန်းမာရေးနဲ့ ပတ်သတ်ပြီး စုံစုံလင်လင်လေး ဖြစ်သွားအောင် ဒီအောက်မှာ ထပ်ပေါင်းရေးလိုက်ပါတယ်။

Laptop computer သုံးနေသူတွေအတွက် အမှုမဲ့ အမှတ်မဲ့ သတိမထားမိ ဖြစ်နေတတ်တဲ့ ကိုယ်နေဟန်ထားတွေကို အောက်မှာ ဖော်ပြထားတဲ့ Video clips တွေက မိနစ်အနည်းငယ်အတွင်း သတိထား မြင်သာမိစေပါလိမ့်မယ်။ ဒီ Video clips လေးတွေကို ကြည့်ပြီးရင် ကွန်ပြူတာ သမားတွေ ကိုယ့်ရဲ့ ကိုယ်နေဟန်ထား ပျက်ယွင်းမှုဟာ ကျန်းမာရေးအတွက် ဘယ်လို သက်ရောက်မှု ရှိနေတယ် ဆိုတာနဲ့ ဘယ်လို ပြင်ဆင်နေထိုင်သင့်မယ်ဆိုတာ သိသာစေပါလိမ့်မယ်။

Video A: သူကတော့ အိမ်မှာ ( ဒါမှမဟုတ် ) ရုံးမှာ Laptop သုံးတဲ့ အချိန် ဘယ်လို အသုံးပြုရမယ် ဆိုတာ သင်ကြားပေးပါတယ်။

Video B: သူကတော့ ခရီးသွားနေစဉ် အတောအတွင်း ( ဒါမှမဟုတ် ) Hotel တစ်ခုမှာ Laptop သုံးတဲ့ အချိန် ဘယ်လို အသုံးပြုရမယ် ဆိုတာ သင်ကြားပေးပါတယ်။

KznT.

The Khan Academy

အင်တာနက်ဆိုတာ လေ့လာနည်း မသိခဲ့ရင် ဘာမှ လေ့လာစရာမရှိတဲ့ ဖျော်ဖြေရေးသီးသန့် ဝန်ဆောင်မှု တစ်ခုလိုပဲ - အင်တာနက် အသုံးပြုခြင်းဟာ ကောင်းလား ဆိုးလားဆိုတဲ့ မေးခွန်းကို ကိုယ်ကိုယ်တိုင်ပဲ ကြိမ်ဖန်မနည်း မေးခဲ့ဖူးတယ် - အဲ့မေးခွန်းကိုပဲ ကိုယ့်ဘာသာကိုယ် နည်းမျိုးစုံနဲ့ ကြိမ်ဖန်မနည်း ဖြေခဲ့ဖူးပြီ - ဒါပေမယ့် အင်တာနက် သုံးလာခဲ့တာ ကာလအပိုင်းအခြား တစ်ခုကို ရောက်လာခဲ့တော့ အင်တာနက်ရဲ့ ကောင်းမွေဆိုးမွေတွေ အကြောင်းကို တော်တော်လေး တီးမိခေါက်မိ ရှိလာခဲ့ပြီ -

တစ်ချို့ လူကြီးတွေက အင်တာနက် သုံးတာ မကောင်းဘူးလို့ မြင်တယ်။
တစ်ချို့ လူငယ်တွေက အင်တာနက်ဟာ မရှိမဖြစ်လို့ ယူဆတယ်။
အင်တာနက်ကြောင့်ပဲ လူငယ်တော်တော်များများ ပျက်စီးနေကြတယ်။
အဲ့ဒီ့ အင်တာနက်ကြောင့်ပဲ လူငယ်တော်တော်များများ ထိပ်ကို ရောက်သွားကြတယ်။

တကယ်တော့ အင်တာနက်ဟာ ကောင်းမွေ ဆိုးမွေဆိုတဲ့ အကျိုးသက်ရောက်မှုကို ဘယ်သူတစ်ဦးတစ်ယောက်ကိုမှ ဖန်တီးမပေးဘူး - အင်တာနက်သုံးခြင်းကြောင့် ဖြစ်ပေါ်လာတဲ့ ကောင်းမွေ ဆိုးမွေဆိုတာ လူငယ်တွေ ကိုယ်တိုင်ပဲ ဖန်တီးနေကြတာ။ တကယ်တော့ အင်တာနက်ဟာ လေ့လာမယ်ဆိုရင် လူငယ်တွေအတွက် တန်ဖိုးဖြတ်လို့ မရတဲ့ ပညာရေးရင်းမြစ်တွေ မကုန်မခမ်းနိုင်အောင် ရိှပါတယ်။ ဒါပေမယ့် တော်တော်များများကတော့ ရောထွေးနေတယ်။ လူဆိုတဲ့ သဘောက ကောင်းကောင်းကန်းကန်း တန်ဖိုးရှိတဲ့ အရာဆိုရင် ဘယ်သူမှ အလကား မပေးချင်ကြဘူး - ဥပမာ ကိုယ့်အတွက် အကျိုးရှိမှ - ကိုယ့်အတွက် ချက်ချင်း မကျိုးမဖြစ်တောင် နောက်တစ်ချိန်မှာ အကျိုး ရှိကောင်း ရှိလာနိုင်မယ်လို့ ထင်မှ ပေးကမ်းပါတယ် စွန့်ကျဲပါတယ် လှူဒါန်းပါတယ် အမည်ခံပြီး ပေးချင်ကမ်းချင် ကြတာမျိုး။ ဒီလို လူတွေက ဘဝထဲမှာတင် ရှိတာမဟုတ်ဘူး - အင်တာနက်ပေါ်မှာလည်း ရှိတယ်။ အဲ့လို လူတွေများလာတော့ နောက်ပိုင်း ဘယ်လိုဖြစ်လာလဲ ဆိုရင် သူလိုကိုယ်လို လူတော်တော်များများက အလကားပေးတာဆို အင်လို့ပဲ ထင်ကြတော့တယ်။ ပိုက်ဆံလေး ပေးပြီးဝယ်သုံးလိုက်ရမှ အစစ်ရတော့ မလိုလို - ငွေလေးပေးလိုက်ရမှ အပြည့်အတင်း ရတော့မလို ထင်မှတ်လာကြတယ်။ တကယ်တော့ အင်တာနက်ပေါ်မှာ ပညာရေးပိုင်းဆိုင်ရာ နည်းပညာပိုင်းဆိုင်ရာနဲ့ ပတ်သတ်ပြီး အလကားမတ်တင်း ပိုက်ဆံတစ်ပြားတစ်ချပ် မရပဲ ကိုယ်ပိုင်အချိန်တွေထဲကနေ အတိုင်းအတာ တစ်ခုထိ အချိန်ပေးပြီး မျှဝေပေးနေတဲ့ ပညာရပ်ပိုင်းဆိုင်ရာ ဖြန့်ဖြူးသူတွေ ဝက်ဘ်ဆိုဒ်ကောင်းတွေ တော်တော်များများကို ရှိပါတယ်။

တစ်ချို့က စာအုပ်စာတမ်းတွေ Free ပေးတယ် - တစ်ချို့က Video clips တွေလုပ်ပြီး ဝေမျှတယ် - လူတစ်မျိုး ပုံစံတစ်ခုနဲ့ ဝေမျှနေကြတာကို ကြည့်ပြီး တစ်ချို့က အလကားမတ်တင်း ရတဲ့ ဒီဝေမျှကို နည်းမျိုးစုံနဲ့ ကဲ့ရဲ့နေကြတာ ရှိတယ်။ တကယ်တော့ မျှဝေမှုတစ်ခု ကောင်းတယ် မကောင်းဘူးဆိုတာ လူတစ်ဦးတစ်ယောက်ရဲ့ သီးသန့်အမြင်တစ်ခုတည်းနဲ့ ပိုင်းဖြတ်လို့ မရနိုင်ပါဘူး။ တကယ်လို့ ကိုယ်က ပညာရပ်ပိုင်း ဆိုင်ရာ Professor တစ်ယောက်ဆိုရင် Techanical terms တွေကို ကောင်းကောင်း သိတာမို့လို့ ဆွေးနွေးမှု တစ်ခုကို ကြည့်တဲ့ အခါ သူကျွမ်းကျင်ပြီးသား စာလုံးတွေနဲ့ ဖော်ပြတာမျိုးကို ပိုပြီး သဘောကျကောင်း ကျလိမ့်မယ်။ ဒါပေမယ့် Techanical terms ကိုဘာမှ မသိတဲ့ လေ့လာသူတစ်ယောက်ဆိုရင်တော့ တတ်နိုင်သမျှ အခြေခံအကျဆုံးထိ ဆင်းပြီး ရှင်းပြတာမျိုးကို ပိုလိုချင်လိမ့်မယ်။ အဲ့တော့ လူတစ်ယောက်ချင်းစီရဲ့ ကျွမ်းကျင်မှုပေါ် မူတည်ပြီး လိုလားချက်က ပြောင်းသွားတာမို့လို့ ဒီလိုမျိုး ကိစ္စတွေက အငြင်းပွားနေဖို့ မသင့်ဘူး။ ကျွန်တော့် အမြင်နဲ့ ပြောရရင်တော့ သင်ကြားမှုတစ်ခုဟာ သင်ယူမယ့်လူရဲ့ အခြေခံအရည်အသွေးကို လိုက်ပြီး တတ်နိုင်သမျှ အသေးစိတ်တာ အဖြစ်သင့်ဆုံးပဲလို့ ထင်မိတယ်။

အဲ့တာနဲ့ ဆက်စပ်ပြီး ကိုယ် ဖြတ်သန်းခဲ့ရတဲ့ ပညာရေးစနစ် - ကိုယ်ရပ်တည်ခဲ့တဲ့ မြန်မာမှု ပညာရေး အသိုင်းအဝိုင်းကို ပြန်ကြည့်တော့ လွဲမှားနေတာတွေလည်း မနည်းမနောတွေ့ခဲ့ရတယ်။ ဥပမာ ဆိုကြပါစို့ -

ကျွန်တော်တို့ကို ကလေးတစ်ယောက်က သူနားမလည်တဲ့ သချာင်္ပုစ္ဆာ တစ်ပုဒ်ကို ဖြေရှင်းနည်း လာမေးပါပြီတဲ့ - ကျွန်တော်တို့ သူလာမေးတဲ့ ပုစ္ဆာကို ကြည့်လိုက်တော့ အကြည့်တစ်ချက်နဲ့တင် အဖြေက တန်းထွက်နေပြီ - သူ့အတွက် အရမ်းခက်ခဲနေတဲ့ ပုစ္ဆာလေးကို ကျွန်တော်တို့ တစ်ချက်ကြည့်ရအောင် - ပုစ္ဆာက -

7x = 14

ဒီပုစ္ဆာကို ကျွန်တော်တို့ ဖြတ်ကနဲကြည့်တော့ x ရဲ့ တန်ဖိုးဟာ 2 ဆိုတဲ့ အဖြေကို ချက်ချင်း တန်းရတယ် - အဖြေတန်းရတာတော့ ဟုတ်ပြီ - အဲ့အဖြေဘယ်လို ရတယ်ဆိုတာ ကလေးကို ကျွန်တော်တို့ ဘယ်လို ရှင်းပြကြမလဲ ? ဒီအချိန်မှာ ကျွန်တော်တို့ ဖြတ်သန်းခဲ့ကြတဲ့ ပညာရေး စနစ်ကို တစ်ချက်လောက် ပြန်ဆွဲခေါ်ကြည့် ကြရအောင်။ ကျွန်တော်တို့ ဖြတ်သန်းခဲ့ကြတာ ဘာလာလာ အလွတ်ကျက် ပညာရေး စနစ်ဖြစ်တယ်။ 7x = 14 ဆိုတဲ့ ပုစ္ဆာကို မဖြေရှင်းနိုင်တဲ့ ကျောင်းသားတစ်ယောက် ကျွန်တော့်ကို စာလာမေးရင် ကျွန်တော် အရင်ဆုံး မှတ်ချက်ပေးမိမှာတော့ မင်းအလီမကျက်ဘူးလားဆိုတဲ့ မှတ်ချက်ပဲ ဖြစ်မှာပဲ။

သွား အလီစာအုပ်ယူ - အလီ ခုချက်ချင်း ကျက်
အလီရရင် ပြန်လာခဲ့ - အလီကျက်လို့ ရရင် ဒီ ပုစ္ဆာမင်းတွက်လို့ ရလိမ့်မယ်။

ကလေးက ကျက်ပါပြီ -

တစ်တစ်လီ တစ် - နှစ်နှစ်လီ နှစ်
လေးနှစ်လီ ရှစ် - ဆယ့်နှစ် နှစ်လီ နှစ်ဆယ့်လေး

ကျက်လို့ ရသွားတော့ ကလေးက ပြန်လာပြီ -

ဒီမှာတွေ့လား ပုစ္ဆာက 7x = 14 - အဲ့တော့ x နဲ့ မြှောက်ထားတဲ့ 7 ကို ညီမျြှခင်းရဲ့ ဟိုဘက်ကို ပို့ - ဒီဘက်မှာ 7 က x နဲ့ မြှောက်ထားတယ်ဆိုတော့ ဟိုဘက်ခြမ်းကို ရောက်ရင် 14 ကို 7 နဲ့စား။ အဲ့လို စားတော့ ခုနှစ် နှစ်လီ 14 မဟုတ်ဘူးလား - အဲ့တော့ x = 2 ရတယ်။ ဒါ ကျွန်တော်တို့ ရှင်းပြနေကျ နည်းပဲ။ အဲ့တော့ အဖြေကတော့ ထွက်ပါပြီ။ ဒါပေမယ့် ဒီ သင်ကြားမှု စနစ်ကနေ ကလေး ဘာရသွားသလဲ ?? တကယ်တော့ ကလေးဘာမှ မရပါဘူး - ကလေးစိတ်ထဲမှာ ဒီပုစ္ဆာကနေ ပညာမရပဲ ငါအလီ မရရင် ဒီပုစ္ဆာတွက်လို့ မရနိုင်တော့ဘူး ဆိုတဲ့ Pressure ပဲ ရသွားတယ်။ဒါဟာ သိပ်ကြောက်ဖို့ကောင်းတဲ့ ပညာရေး ရည်မှန်းချက် ဆုံးရံှုးမှုတစ်ခုပဲ။ ဒီမှားယွင်းတဲ့ ယုံကြည်ချက်နဲ့ ရှင်သန်နေတဲ့ ကျွန်တော်တို့ရဲ့ သင်ကြားမှုစနစ်ကြောင့် Pressure ဒဏ်ကို မခံနိုင်တဲ့ လူငယ်တော်တော်များများ ပညာရေးကို စိတ်ကုန်သွားကြတယ်။ တစ်ချို့လူငယ်တွေ ပညာရေးတစ်ပိုင်း တစ်စနဲ့ လမ်းမှားလိုက်သွားကြတယ်။

အဲ့တော့ 7x = 14 ဆိုတဲ့ ပုစ္ဆာကနေ အလီကျက်စရာ မလိုပဲ ကလေးတစ်ယောက်ကို ဖြေရှင်းနည်း ဘယ်လို သင်ပေးကြမလဲ။ တကယ်တော့ 7x = 14 ဆိုတာ x ကို ခုနစ်ကြိမ် ခုနစ်ခါ ပေါင်းထားခြင်းဟာ 14 နဲ့ ညီတယ်ဆိုတဲ့ သဘောကို ကလေး အရင် သိထားဖို့ လိုတယ်။ ဆိုလိုတာ -

x + x + x + x + x + x + x = 14 ပေါ့

အဲ့ကနေ ညီမျြှခင်း တစ်ဖက်နဲ့ တစ်ဖက်ကို အောက်ဖော်ပြပါအတိုင်း အချိုးညီအောင် ပိုင်းပြီး အဖြေရှာရင် အလီကျက်စရာမလိုပဲ အဖြေရမယ်ဆိုတာကိုတော့ ကျွန်တော်တို့ ငယ်ရွယ်စဉ် တစ်ချိန်က မသိခဲ့ကြဘူး။

တကယ်တော့ ဒီအကြောင်းအရာက Khan Academy အကြောင်းရေးထားတဲ့ ပို့စ်တစ်ခုကို ဖတ်မိပြီး စိတ်ထဲ ဖြစ်မိတာလေးကို ပြန်ရေးထားတာပါ။

Khan Academy ဆိုတာ လေ့လာသူ ကျောင်းသားလူငယ်တွေအတွက် Free educational videos တွေကို ဝေမျှပေးနေတဲ့ ပညာရေး ဆိုဒ်တစ်ခုလို့ ပြောလို့ ရပါတယ်။ သူတို့ရဲ့ ရည်မှန်းချက်က "Deliver a world-class education to anyone anywhere." ပါ။ ပြောရရင် အပေါ်မှာ ပြောခဲ့ပြီးတဲ့ ပိုက်ဆံတစ်ပြားတစ်ချပ် မရပဲ ကိုယ်ပိုင်အချိန်တွေထဲကနေ အတိုင်းအတာ တစ်ခုထိ အချိန်ပေးပြီး မျှဝေပေးနေတဲ့ ပညာရပ်ပိုင်းဆိုင်ရာဆိုဒ်ကောင်း တစ်ခုပေါ့ - အံ့သြဖို့ ကောင်းတာ ဆိုဒ်ကို တည်ထောင်ပြီး lessons ပေါင်းများစွာကို အခမဲ့မျှဝေပေးနေတဲ့ Mr.Khan ရဲ့ အားထုတ်မှုပါပဲ။

အဲ့မှာ တင်ပေးထားတဲ့ Videos တွေကို ကြည့်မိတော့ ဘာမှ အတွေ့အကြုံ မရှိတဲ့ လူတစ်ယောက်ကိုတောင် နားလည်နိုင်အောင် ရှင်းပြပေးနိုင်တာ တွေ့ရတယ်။ သွား ခု အလီကျက်ဆိုတဲ့ Pressure ပေးနည်းမျိုး မဟုတ်ဘူး။  ဒီအောက်မှာ ဖော်ပြပေးထားတဲ့ ဗွီဒီယိုလေးကို အစမ်းကြည့် ကြည့်ပါ။

အဲ့တော့ ဘာသွား သတိထားမိလည်းဆိုရင် နိုင်ငံတိုးတက်ဖို့ ဖွံ့ဖြိုးဖို့ဆိုတာ ခဏဘေးချိတ်ထားလိုက်ဦး ကျွန်တော်တို့ သားသမီးတွေရဲ့ အနာဂတ်ပညာရေးအတွက် ကျွန်တော်တို့တွေရဲ့ ခေါင်းဟာ Pressure ပညာရေး ကို လက်ဆင့်မကမ်းမိဖို့ အများကြီး လေ့လာဖို့လိုပြီ ဆိုတာ သတိထားမိ လာခဲ့တယ်။

အဲ့တော့ နိဂုံးချုပ်ချင်တာ မိသားစုဝင်များ အနေနဲ့ အင်တာနက်ကို အသုံးပြုပြီး ကိုယ့်ဘဝအတွက် အကျိုးပြုမယ့် လေ့လာမှုတွေ လုပ်ဆောင်ကြပါ - လက်ဆင့်ကမ်းနိုင်ဖို့ ပြင်ဆင်ကြပါ။ အင်တာနက်ကြောင့် ပျက်စီးရတဲ့ လူငယ်မျိုး မဖြစ်စေပဲ - အင်တာနက်ကြောင့် ထိပ်ကို ရောက်သွားတဲ့ လူငယ်တွေ ဖြစ်လာဖို့ တည်ဆောက်ကြပါလို့ အဆုံးသတ်မှာလိုက်ချင်ပါတယ်။

KznT.

Complete Guide For Proxy Users

ဒီအကြောင်းက ကိုနိုးတူးကို စာပြန်ဖို့ ရေးရင်းနဲ့ အားလုံးအတွက် အကျိုးပြုလိမ့်မယ်ထင်လို့ သီးသန့် Thread ထုတ်လိုက်ပါတယ်။ ကိုနိုးတူးကို စာပြန်ထားတဲ့ ပုံစံလေးအတိုင်းပဲ တင်လိုက်ပါတယ်။

အကို Kznt ကျွန်တော် Proxy Switcher ဆိုတဲ့ Extension ကို မသုံးတတ်ဘူးဖြစ်နေလို့.. ဘယ်လို အသုံးပြုရပြီး ဘယ်လိုမျိုး အသုံးဝင်တယ် ဆိုတာ ရှင်းပြပေးနိုင်ရင် ရှင်းပြပေးစေချင်ပါတယ်.. ကျေးဇူးအထူးတင်လျက်ပါ အကို..

ကျွန်တော် မိတ်ဆက်ပေးခဲ့သမျှထဲမှာ Proxy Switcher လို့ရယ်တော့ တစ်ခါမှ မမိတ်ဆက်ပေးခဲ့ဖူးသလိုပဲ - Proxy Switchy! ကို ပြောတာလား မသိဘူး။

Proxy Switchy! သုံးနည်း သိချင်တာဆိုရင်တော့ တော်တော်လေး ပြောရခက်မယ်။ ဘာလို့လည်း ဆိုတော့ သူ့ မူရင်းဝက်ဘ်ဆိုဒ် မှာကို FAQs ဆိုတာ မရှိဘူး - အဲ့လိုဖြစ်ရတာကလည်း သူ့တည်ဆောက်ပုံကိုက Google Chrome Browser ကနေ ယူသုံးထားတဲ့ ကွန်ပြူတာ ထဲမှာ ရှိနေပြီးသား System proxy settings ကို User တွေအတွက် ပိုသုံးရလွယ်အောင် Extension တစ်ခုအနေနဲ့ ထုတ်ထားတာမို့လို့။ အဲ့တာကြောင့် Proxy Switchy! သုံးဖို့ အတွက်ဆိုရင် အရင်ဆုံး ဒီအောက်မှာ ဖော်ပြထားတဲ့ မေးခွန်းသုံးခုကို နားလည်ထားဖို့ လိုပါတယ်။

( ၁ ) Proxy ဆိုတာဘာလဲ ??
( ၂ ) Proxy အသုံးပြုတဲ့ နည်းလမ်းဘယ်နခု ရှိသလဲ ??
( ၃ ) Proxies အသုံးပြုနည်း တွေက ဘယ်လိုတွေလဲ ??

ဒါမေးခွန်းတွေကို အခြေခံ သိထားဖို့ လိုပါတယ်။ လူတော်တော်များများ သိထားကြတာတော့ Proxy ဆို ပိတ်ထားတဲ့ ဆိုဒ်တစ်ခုခုကို ကျော်တဲ့ ဘန်းကျော်လို့ပဲ အလွယ်ပြောကြတယ်။ တကယ်တမ်းက Proxy သုံးနေတဲ့ သူတစ်ယောက်ဟာ အဲ့လောက် သိထားယုံနဲ့ မလုံလောက်ပါဘူး။ ကျွန်တော် ခု ဒီနေရာမှာ Proxy အသုံးပြုနည်းနဲ့ ပတ်သတ်ပြီး အထက်မှာ ပြောထားခဲ့တဲ့ မေးခွန်းသုံးခုကို အတိုချုံး ရှင်းပြသွားပါမယ်။ အတိုချုံးလို့ ပြောရတာကလည်း အကျယ်မရှင်းပြနိုင်လို့ပါ။ Proxy အကြောင်းက လေ့လာရင် လေ့လာသလောက် ကျယ်ပြန့်ပါတယ်။ ကျွန်တော်ကိုယ်တိုင်လည်း လေ့လာဆဲပါ။ အများကြီး မသိသေးပါဘူး။

( ၁ ) Proxy ဆိုတာဘာလဲ ??

Proxy ဆိုတာ Computer တစ်လုံး ဒါမှမဟုတ် Server တစ်ခုကနေပြီး ကိုယ်သွားချင်တဲ့ နေရာတစ်ခုကို ရောက်အောင် ကြားခံ Services တစ်ခုခု ယူပြီး လှည့်ထွက်တဲ့ နည်းကို ခေါ်ပါတယ်။ မြင်သာအောင် အောက်က ပုံကို ကြည့်ပါ။

အဲ့လို Proxy ခံပြီး လှည့်ထွက်ခြင်း အားဖြင့် ဘာတွေ အားသာချက် ရသလဲဆိုတော့ အသုံးပြုသူရဲ့ Privacy ပိုင်းဆိုင်ရာ လုံခြုံမှုတွေ ရလာတယ်။ ကိုယ်သွားချင်တဲ့ နေရာကို တံခါးမရှိ ဓါးမရှိ ဝင်နိုင်ထွက်နိုင်တယ်။ နောက်ကွယ်ကနေ IP address ကို ခြေရာခံပြီး တကောက်ကောက် လိုက်နေတာမျိုး မခံရတော့ဘူး - ဒီ့ထက် မြင်သာအောင် ဥပမာ ပေးရရင် ကိုယ်က Proxy သုံးထားတဲ့ အချိန်မှာ တစ်ယောက်ယောက်က ကိုယ့် IP address ကို ခြေရာခံ လိုက်ရင် ကိုယ်ရှိနေတဲ့ IP address အစစ်အမှန်ကို မရနိုင်ပဲ Server မှာ သုံးထားတဲ့ IP address ကိုပဲ သူရမှာမျိုးပါ။ စသဖြင့် အားသာချက်တွေ ရှိတာမို့လို့ ခုနောက်ပိုင်း Proxy က လူတိုင်း ပါးစပ်ဖျားမှာ ရေပန်းစားလာတယ်။

( ၂ ) Proxy အသုံးပြုတဲ့ နည်းလမ်းဘယ်နခု ရှိသလဲ ??

Proxy connections ကို အသုံးပြုဖို့ အခြေခံအားဖြင့် မှတ်ထားနိုင်တဲ့ နည်းလမ်း ( ၃ ) ခု ရှိပါတယ်။ အဲ့တာတွေက -

နည်းလမ်း ( ၁ ) >> Web စာမျက်နှာမှနေ၍ တဆင့်ခံ ကျော်ယူသောနည်း - ဒီနည်းက ကျွန်တော်တို့ မြန်မာမိသားစုဖိုရမ်မှာတင် ကျော်ခွမယ့်ဆိုက်များ ဆိုတဲ့ ခေါင်းစဉ်နဲ့ မိသားစုဝင် တော်တော်များများ အသုံးတည့်နေကြတဲ့ ကျော်ခွဆိုဒ်လေးတွေ ဝင်ရေးနေကြတာ ရှိတယ်။ အဲ့တာတွေကို ကျွန်တော်တို့က Web Proxy လို့လည်း ခေါ်တယ်။ Free web proxy တွေကို ဒီဖိုရမ်မှာ ဖော်ပြထားတာတင် မဟုတ်ပဲ ဒီ့ထက်များများ ပိုလိုချင်ရင် Google မှာ Free web proxy လို့ ရိုက်လိုက်ယုံနဲ့ အလွယ်တကူ ရှာဖွေနိုင်ပါတယ်။

နည်းလမ်း ( ၂ ) >> Browser ၏ Proxy settings မှနေ၍ ပြင်ဆင် ယူသောနည်း - အဲ့တာကတော့ Google Chrome မှာဆိုရင် Options > Under the Hood > Network > Change proxy settings မှာ ရှိတယ်။

အဲ့ဒီ ဖော်ပြထားတဲ့ နေရာတွေမှာ ထည့်ဖို့ Port တွေနဲ့ Address တွေကိုတော့ ကျော်ခွမယ့်ဆိုက်များ ဆိုတဲ့ ခေါင်းစဉ်အောက်က ဒီနေရာမှာ ဖော်ပြထားတာ ရှိသလို -ချိန်းချင်သလောက်ချိန်း proxy ဆိုပြီး ဖော်ပြထားတာလည်း ရှိပါတယ်။ ကိုယ့်ဘာသာ အင်တာနက်ထဲကနေ ရှာချင်တယ်ဆိုရင်လည်း Google Search ကနေပြီး Port Proxy လို့ ရိုက်ပြီး အလွယ်တကူ စိတ်ကြိုက် ရှာဖွေနိုင်ပါတယ်။ ဒီနည်းကိုတော့ Port Proxies သုံးတဲ့နည်းလို့ အလွယ်ခေါ်လို့ ရပါတယ်။ Port proxies တွေ သုံးမယ်ဆိုရင် အောက်ဖော်ပြပါ နေရာအသီးသီးမှာ ကိုယ်သုံးနေတဲ့ Browser အလိုက် IP နဲ့ Port တွေ ပြင်ထည့်ပေးဖို့လိုပါတယ်။ ကျွန်တော် Port Proxies သုံးမယ်ဆိုရင်တော့ များသောအားဖြင့် ဒီနေရာက Proxy တွေ ယူသုံးလေ့ ရှိပါတယ်။ အဲ့မှာ ဆိုရင် ကိုယ်သုံးချင်တဲ့ နိုင်ငံအလိုက် ရွေးလို့ ရတယ်။ Anonymity level ရွေးလို့ရတယ်။ Protocol type ရွေးလို့ရတယ်။ စသဖြင့် စိတ်ကြိုက် ရွေးယူလို့ ရပါတယ်။

Mozilla Firefox: Tools > Options > Advanced > Settings > Manual proxy configuration.
Google Chrome: Tools > Options > Under the bonnet > Network > Change proxy settings > LAN settings > Use a proxy server > Advanced > HTTP.
Internet Explorer: Tools > Internet options > Connections > LAN settings > Use a proxy server > Advanced > HTTP.
Opera: Tools > Preferences > Advanced > Network.

နည်းလမ်း ( ၃ ) >> သီးသန့်ပြင်ဆင်ထားသော Software များအား အသုံးပြု၍ ကျော်ယူသောနည်း - ဒီအကြောင်းကိုတော့ Online လုံခြုံရေး နှင့် VPN Services များအကြောင်း ဆိုပြီး ကျွန်တော်ရေးထားပေးတာ ရှိပါတယ်။ ဒီနည်းဟာ တကယ်တော့ Privacy နဲ့ ပတ်သတ်ပြီး အထူးအရေးကြီးတဲ့ Advanced users တွေ အတွက်ပါ။ Advanced users တွေအတွက်လို့ ဆိုထားတ့ဲ အတိုင်း ဒီနည်းကို သုံးမယ်ဆိုရင် ပိုက်ဆံအကုန်အကျ မခံနိုင်ပဲ သုံးဖို့ အဆင်မပြေနိုင်ဘူး။ Free ပေးထားတာတွေ ရှိပေမယ့် ဒီနည်းက အရမ်းကန့်သတ်ချက်များတယ်။ အသေးစိတ်ကိုတော့ ဖော်ပြထားတဲ့ နေရာမှာ ဆက်ဖတ်ပေးပါ။

ဒီဖော်ပြခဲ့တဲ့ နည်းလမ်း ( ၃ ) ခုမှာ တော်တော်များများကတော့ ပထမနဲ့ တတိယနည်းလမ်းကို သုံးကြတယ်။ Free သုံးချင်တဲ့ သူတွေအတွက်တော့ ပထမ နည်းလမ်းက သုံးဖို့ အသင့်တော်ဆုံးပါပဲ။ ဒုတိယနည်းလမ်းက Free ရပေမယ့် လုပ်ရကိုင်ရ လက်ပေါက်ကပ်ပါတယ်။ တတိယနည်းကတော့ ပိုက်ဆံပေးမသုံးနိုင်ရင် သုံးဖို့ သိပ်အဆင်မပြေလှပါဘူး။

( ၃ ) Proxies အသုံးပြုနည်း တွေက ဘယ်လိုတွေလဲ ?? 

ဒီအကြောင်းကိုတော့ အပေါ်မှာ ဖော်ပြခဲ့ပြီးတဲ့ အကြောင်းအရာတွေမှာရော အောက်မှာ ချိတ်ဆက်ထားတဲ့ အကြောင်းအရာတွေမှာပါ ပါဝင်ပြီးသားမို့လို့ သီးသန့်ထပ်ပြီး မဖော်ပြတော့ပါဘူး။ လေ့လာကြည့်ကြပါ။ Proxy နဲ့ ပတ်သတ်ပြီး ဒီ့ထက်ပို နားလည်ချင်ရင် အောက်ဖော်ပြပါ နေရာတွေကို ကိုလည်း သီးသန့် အချိန်ပေးပြီး ဖတ်ရှုထားဖို့ တိုက်တွန်းချင်ပါတယ်။

About Proxy Server 
Network Address Translation နှင့် Proxy Server တို့ကို နှိုင်းယှဉ်လေ့လာခြင်း
မြန်မာပြည်က ပရုပ်ဆီ ပရုပ်ဆီ အော်နေသူများအတွက်
Proxy အသုံးပြုနည်းများ
ByPass Proxy အကြောင်း
အင်တာနက် စီစစ်ခြင်းအား ကျော်လွှားခြင်း
ပိတ်ခံထားရတာလား စီစစ်ခံထားရတာလား?
ထောက်လှမ်းခြင်းနှင့် သိုဝှက်ခြင်း
အင်တာနက်အလုပ်လုပ်ပုံ
အင်တာနက်ကို ဘယ်သူထိန်းချုပ်ထားလဲ
စီစစ်ခြင်းနည်းပညာ
ရိုးစင်းသော လှည့်ကွက်များ
Web Proxy ဆိုသည်မှာ
Psiphon ကိုအသုံးပြုခြင်း
Psiphon2 ကိုအသုံးပြုခြင်း
Web Proxy ၏ ဆိုးကျိုးများ
အဆင့်မြင့်နည်းလမ်းများ
HTTP Proxy ဆိုသည်မှာအဘယ်နည်း
Switch Proxy တစ်ခုထောင်ခြင်း
Switch Proxy အားအသုံးပြုခြင်း
(Tor-the onion router)
Tor Browser Bundle အားအသုံးပြုခြင်း
Tor IM Browser Bundle ကို အသုံးပြုခြင်း
Tor ကို Bridges များဖြင့်အသုံးပြုခြင်း
JonDo အကြောင်း
VPN နှင့် Tunneling အကြောင်း
OpenVPN ကိုအသုံးပြုခြင်း
SSH Tunneling
Socks Proxies ကို အသုံးပြုခြင်း
WEB PROXIES ထောင်ခြင်း
PHProxy ထည့်သွင်းခြင်း 
Psiphon အား Install ပြုလုပ်ခြင်း 
Tor Bridge တစ်ခုတည်ဆောက်ခြင်း
Proxy တစ်ခုတည်ဆောက်ခြင်း၏ အန္တရာယ်များ

ကျွန်တော် ခု ဖော်ပြခဲ့သလောက် အပြည့်အစုံကြီး မဟုတ်ပေမယ့် Proxy နဲ့ ပတ်သတ်ပြီး အသုံးပြုပုံတွေ လုပ်ထုံးလုပ်နည်းတွေနဲ့ ဆောင်ရန်ရှောင်ရန်တွေကို မိသားစုဝင်များ နားလည်နိုင်ကြလိမ့်မယ်လို့ မျှော်လင့်မိပါတယ်။

KznT.

Windows Experience Index: An In-Depth Look

Windows Experience Index အကြောင်းက တစ်ခါတုန်းကလည်း 2010 2011 Ultimate Software Guide for Windows Users အောက်မှာ ရေးပေးခဲ့ဖူးပါတယ် - တစ်ချို့ ဖတ်ဖြစ်တဲ့လူလည်း ရှိတယ် - တစ်ချို့ကလည်း စာဖတ်ဖို့ထက် Software လိုချင်စိတ်ပဲ များနေတာမို့ ကျော်ချသွားတဲ့လူတွေလည်း ရှိကောင်း ရှိလိမ့်မယ် - အဲ့တာကြောင့် ဒီအကြောင်းကိုပဲ နောက်ထပ်တစ်ခေါက် ထပ်ရေးဖြစ်လိုက်ပါတယ်။ ခုရေးမယ့် အကြောင်းအရာမှာတော့ နဲနဲ အသေးစိတ်ထားတယ် - Windows Experience Index အကြောင်း တစ်ခုတည်းတင် မဟုတ်ပဲ - သူ့ရဲ့ အားသာချက် အားနည်းချက်တွေ - လှည့်ကွင်း လှည့်ကွက်တွေနဲ့ သတိပြုသင့်တဲ့ အချက်တွေအကြောင်းပါ ထည့်သွင်းဆွေးနွေးသွားပါမယ်။

Windows Experience Index ဆိုသည်မှာ

Windows Experience Index ဆိုတာ Windows Vista နဲ့ 7 သုံးသူတွေ အတွက် Windows တင်အပြီးမှာ ကိုယ့်စက်ရဲ့ Performance ဘယ်လောက် ရှိနိုင်သလဲ ဆိုတာ စစ်ဆေးတဲ့ နေရာပါ - အလွယ်ပြောရရင် သူ့ကို Run လို့ ရလာတဲ့ Result ကို ကြည့်ပြီး - Performance အတွက် ဘာတွေ တိုးရမယ် - ဘာတွေချွေသုံးရမယ် - ဒီ Windows ကို ဆက်ပြီး သုံးသင့်သလား - မသုံးသင့်ဘူးလား - ဆိုတာမျိုးတွေထိ ခန့်မှန်းဆုံးဖြတ်နိုင်ပါတယ်။ Windows Vista နဲ့ Windows 7 Users တွေအတွက် Windows Experience Index ကို စစ်ဆေးရမယ့် နေရာက Control Panel \ Performance Information and Tools အောက်က Windows Experience Index Base Score နေရာမှာပါ။

Windows Experience Index အကြောင်းကို အသေးထပ်စိတ်ပြီး ရှင်းရရင် သူက ကိုယ့်ကွန်ပြူတာထဲမှာ ရှိနေတဲ့ Hardware နဲ့ Software တွေရဲ့ လက်ရှိ စွမ်းဆောင်နိုင်ရည်တွေကို တိုင်းတာ စစ်ဆေးပေးတဲ့ ညွှန်းကိန်းဖြစ်ပြီး Component ( ၅ ) မျိုးကို တိုင်းတာစစ်ဆေးပါတယ်။ အဲဒီ့ Component ( ၅ ) မျိုးကတော့ Processor - Memory ( RAM ) - Graphics - Gaming graphics - Primary hard disk တို့ ဖြစ်ပြီး တစ်ခုချင်းစီကနေ သူ စစ်ဆေးလို့ ရလာတဲ့ အထက်ဖော်ပြပါ ကိန်းဂဏန်းတွေထဲက အငယ်ဆုံး ကိန်းဂဏန်းကို ယူပြီး Windows Experience Index Base Score ( ကွန်ပြူတာ၏ စွမ်းဆောင်ရည်ပြ အခြေခံညွှန်းကိန်း ) ကို ဖော်ပြပါတယ်။ ဒီဂဏန်းတွေ ဘာကို ရည်ညွှန်းသလဲ ဆိုရင် Subscore နိမ့်တာနဲ့ အမျှ ကိုယ့်ကွန်ပြူတာရဲ့ စွမ်းဆောင်နိုင်ရည်ဟာ သိသိသာသာ နှေးကွေးလေးလံမယ် ဆိုတာ ရည်ရွယ်တာဖြစ်ပြီး Subscore မြင့်တာ နဲ့ အမျှ ကွန်ပြူတာရဲ့ စွမ်းဆောင်ရည် မြန်ဆန်မြင့်မားမယ် ဆိုတာကို ဖော်ကျူးတာ ဖြစ်ပါတယ်။ မိမိစက်မှာ ရှိတဲ့ Windows Experience Index Base Score ကို စစ်ဆေးဖို့ အတွက် ဖော်ပြပါ Update my score ကို click ပေးရပါမယ်။

ဖော်ပြပါ Hardware component တစ်ခုချင်းစီမှာ သီးခြား Subscore တစ်ခုစီရှိပြီး ကျွန်တော်တို့ ကွန်ပြူတာ ကွန်ပြူတာရဲ့ Windows Experience Index Base Score ဆိုတာ အဲ့ဒီ့ Hardware component တစ်ခုချင်းစီက ရလာတဲ့ Subscore အားလုံးထဲက အနိမ့်ဆုံး Subscore ကို ရွေးယူဖော်ပြတာဖြစ်ပါတယ်။ အထက်ဖော်ပြပါပုံမှာ ဆိုရင် ကျွန်တော့်ကွန်ပြူတာရဲ့ Subscore အနိမ့်ဆုံးဟာ 4.7 ဖြစ်တဲ့ အတွက်ကြောင့် ကျန်တဲ့ Components တွေ အားလုံးဟာ 5 ကျော် 6 ရပေမယ့် ကွန်ပြူတာရဲ့ Windows Experience Index Base Score မှာတော့ 4.7 ပဲ ဖြစ်သွားပါတယ်။ ( Base score ဟာ Components တွေ အားလုံးက ရလာတဲ့ subscore တွေအားလုံးကို ပေါင်းပြီး Average ရှာထားတာ မဟုတ်ပါဘူး။ ) ဒါကြောင့် ဆိုလိုတာ ကိုယ့်ကွန်ပြူတာမှာ Processor ဘယ်လောက်ကောင်းကောင်း RAM မကောင်းရင် - Hard disk မကောင်းရင် သို့တည်းမဟုတ် Graphics မကောင်းရင် Windows Experience Index က ကျနေမှာပဲ ဖြစ်ပါတယ်။ ဒါကြောင့် Windows Experience Index ကို ကြည့်ပြီး ကွန်ပြူတာတစ်လုံးရဲ့ စွမ်းဆောင်ရည် ဘယ်လောက်ထိ မြင့်မားတယ်ဆိုတာ အလွယ်နည်းနဲ့ စစ်ဆေးနိုင်ပါတယ်။ ထိုနည်း လည်းကောင်း ကိုယ့်ကွန်ပြူတာရဲ့ စွမ်းဆောင်ရည်ကို လက်ရှိအခြေအနေထက် မြှင့်ချင်ပြီဆိုရင်လည်း ဖော်ပြပါ Windows Experience Index မှာ ဖော်ပြထားတဲ့ Components တစ်ခုချင်းစီရဲ့ Subscore ကိုကြည့်ပြီး ဘယ် Components တွေကို မြှင့်ဖို့လိုမယ် ဆိုတာ အလွယ်တကူ ဆုံးဖြတ်နိုင်ပါတယ်။

အကြမ်းဖျဉ်းအားဖြင့် သုံးသပ်မယ် ဆိုရင် Windows Vista နဲ့ Windows 7 သုံးထားတဲ့ ကွန်ပြူတာတိုင်းဟာ အနိမ့်ဆုံး Windows Experience Index Base Score 3 နဲ့ 3 အထက် ( 4, 5 .... ) စသဖြင့် ရထားဖို့ လိုပြီး - 3 ထက် နိမ့်နေမယ် ဆိုရင်တော့ နိမ့်နေတဲ့ Hardware Components ကို အတတ်နိုင်ဆုံး မြှင့်တင်ဖို့လိုပါတယ်။ ဘာကြောင့်လည်း ဆိုရင် base score အနည်းဆုံး 3 ရထားတဲ့ ကွန်ပြူတာသာ Windows Vista - 7 မှာပါတဲ့ Windows Aero နဲ့ new features တွေကို Run နိုင်ဖို့ အခြေခံအား ဖြင့် ပြည့်စုံတယ်လို့ ဆိုနိုင်ပြီး base score 4 ဒါမှမဟုတ် 5 နဲ့ အထက် ရထားမှ new features အားလုံးကို စွမ်းအားပြည့် Run နိုင်မယ်လို့ အကြမ်းဖျဉ်းအားဖြင့် သုံးသပ်လို့ ရပါတယ်။ Windows Experience Index base score 3 အောက်ကို ရောက်နေမယ် ဆိုရင်တော့ Hardware Components ကို မြှင့်နိုင်ရင် မြှင့် မမြှင့်နိုင်ရင် Windows ပြောင်းသုံးဖို့ စဉ်းစားရပါ လိမ့်မယ်။ ပြောင်းသုံးဖို့ မစဉ်းစားပဲ ပေကပ်ပြီး သုံးမယ်ဆိုရင်တော့ မိမိအသုံးပြုတာ ကြမ်းရင် ကြမ်းသလို စက်မှာ ပြဿနာ တစ်ခုမဟုတ် ဖြစ်လာပါလိမ့်မယ်။

Windows Experience Index နှင့် မသမာမှုများအကြောင်း

အဲ့တော့ Windows Experience Index ရဲ့ သဘောကို အကြမ်းဖျဉ်းအားဖြင့် သိပြီ - သူ့ကို သိထားယုံနဲ့ ဘာတွေ ခန့်မှန်းနိုင်မယ် - ဘာတွေဆုံးဖြတ်နိုင်မယ် ဆိုတာ လူတော်တော်များများ သတိထားမိ လာကြတော့ နောက်ပိုင်းမှာ စက်တစ်ခုရဲ့ စွမ်းဆောင်ရည်ကို တစ်ယောက်နဲ့ တစ်ယောက် မေးကြရင် RAM ဘယ်လောက်လဲ - Processor ဘာလဲ - Graphic ဘယ်လိုလဲ ဆိုတာမျိုး တော်ယုံ ဘယ်သူမှ မမေးကြတော့ဘူး - ခင်ဗျားကွန်ပြူတာ Base score ဘယ်လောက်ရလဲ ဆိုတာမျိုးပဲ တိုက်ရိုက်ဦးတည် မေးကြတော့တယ် - ဒီတော့ Windows Experience Index ဆိုတာ ကွန်ပြူတာတစ်လုံးလုံးရဲ့ အသက်တစ်ခုလို တိုက်ရိုက် ပတ်သတ်လာတော့တာပေါ့ - ဒီအားသာချက်ကို သိလာတဲ့ လူတစ်ချို့က Windows Experience Index နဲ့ ပတ်သတ်ပြီး လှည့်ကွက်တစ်ချို့ လုပ်လာကြတယ် - ဆိုလိုတာ စက်တစ်လုံးရဲ့ Performance က တကယ်ဒီလောက် ကောင်းတာ မဟုတ်ပဲနဲ့ Subscore ကို မြင့်အောင် လုပ်လာကြတာမျိုးပေါ့ - တစ်ချို့ကတော့ ဒီလှည့်ကွက်ကို တစ်ယောက်နဲ့ တစ်ယောက် စနောက်ဖို့ အပျော်သဘောနဲ့ လုပ်ကြတယ် - တစ်ချို့ကတော့ မသိနားမလည်သူတွေကို ခုတုံးလုပ်ပြီး စီးပွားရေး အမြတ်ထုတ်ဖို့အတွက် လုပ်ဆောင်ကြတယ်။ ဒါ့ကြောင့် မိသားစုဝင်တွေအနေနဲ့ ကွန်ပြူတာတစ်လုံးကို ဝယ်ယူတော့မယ် ဆိုရင် အသစ်တစ်လုံး ဝယ်ယူရာမှာ ဖြစ်ဖြစ် - တစ်ခြား စက်အဟောင်းတစ်လုံးကို ဝယ်ယူရာမှာ ဖြစ်ဖြစ် စက်တစ်လုံးကို စစ်ဆေးတဲ့ နေရာမှာ Base score ကို စစ်ဆေးကြဖို့ - ရောင်းချသူရဲ့ ပါးစပ်က ထွက်တဲ့ Base score ကို မယုံကြဖို့ နဲ့ မျက်မြင်တွေ့ရယုံတင် မဟုတ်ပဲ ကိုယ်တိုင်ပါ စစ်ဆေးကြည့်ပြီးမှ ထွက်လာတဲ့ Base score ကို ယုံကြည်ကြဖို့ မှာချင်ပါတယ်။

Base score လှည့်ကွက်များအကြောင်း

ရောင်းချသူ / အသုံးပြုနေသူရဲ့ ကွန်ပြူတာဟာ Windows Vista / 7 တစ်ခုသုံးထားတယ်ဆိုရင် Performance ဘယ်လောက်ပဲ ရှိရှိ - အမြင့်ဆုံး Windows Experience Index 7.9 အထိ မြှင့်ယူလို့ ရပါတယ်။ အောက်ဖော်ပြပါ ပုံများကို ကြည့်ပါ - ခု အောက်မှာ မြင်ရတဲ့ပုံမှာ ကျွန်တော့်စက်မှာ ရှိနေတဲ့ Windows 7 Ultimate ရဲ့ Base score ဖြစ်ပါတယ်။ 4.7 ပါ။ ဒါဟာ Windows Experience Index ကို ဘာမှ ပြင်မယူရသေးခင် အဖြေအနေ ဖြစ်ပါတယ်။

ဒါကို တစ်ခြားသူတစ်ယောက်ကို ပြတဲ့နေရာမှာ မျက်နှာပန်းလှအောင် ကျွန်တော်ပြင်ယူလိုက်ပြီ - ခု အောက်မှာ ဖော်ပြထားတဲ့ ပုံကိုကြည့်ပါ။ အမြင့်ဆုံး Windows Experience Index 7.9 ကို ကျွန်တော့်စက်ရသွားပါပြီ။

အဲ့တော့ ပုံနှစ်ပုံရဲ့ ချက်ခြင်းဆိုသလို ကွာခြားသွားတဲ့ ပြောင်းလဲမှုကိုကြည့်ပြီး Windows Experience Index ရဲ့ Base Score ကို မြင်ယုံနဲ့ စက်တစ်လုံးရဲ့ Performance ကို ဆုံးဖြတ်ဖို့ စောလွန်းသွားပြီ ဆိုတာ သတိထားမိပါလိမ့်မယ်။ ဒီတော့ ကျွန်တော်တို့ ဘာလုပ်ကြမလဲ ??

Base score မြှင့်တင်မှု လမ်းကြောင်းများ

Performance မကောင်းလည်းပဲ Base score မြှင့်လို့ရတယ်ဆိုတာ ကျွန်တော်တို့ အပေါ်မှာ သိခဲ့ပြီ - အဲ့တော့ Subscore မြင့်လာအောင် ကျွန်တော်တို့ ဘယ်လို လုပ်ဆောင်လို့ ရမလဲ - Base score မြင့်လာအောင် လုပ်ဆောင်ရတဲ့ လမ်းကြောင်းက ခက်ခက်ခဲခဲ ရှုပ်ရှုပ်ရှက်ရှက် သိပ်မရှိပါဘူး - အောက်မှာ ဖော်ပြထားတဲ့ လမ်းကြောင်းအတိုင်း သွားပါ -

Quote:

C:\Windows\Performance\WinSAT\DataStore

DataStore ဆိုတဲ့ Folder အောက်ကို ရောက်ရင် အောက်ဖော်ပြပါအတိုင်း (date) Formal.Assessment (Initial).WinSAT.xml ဆိုတဲ့ တည်ဆောက်ပုံနဲ့ .xml ဖိုင်တစ်ခုတွေ့ပါလိမ့်မယ်။ အဲ့ဖိုင်ဟာ Windows Experience Index စာမျက်နှာမှာ ဖော်ပြနေတဲ့ Base score နဲ့ Subscore တွေ အားလုံးကို ချုပ်ထိန်းထားတဲ့ နေရာပါပဲ။

သူ့ကို ပြင်ဖို့အတွက် Right click ထောက်ပြီး WordPad နဲ့ ဖွင့်ပါ။ ပြီးရင် 4.7 ဆိုတဲ့ Code မျိုးနဲ့ ဆင်တူတဲ့ စာကြောင်းကို ရှာပါ။

ဒီနေရာမှာ 4.7 ဆိုတာ ကျွန်တော့်စက်ရဲ့ Base score ဖြစ်ပါတယ်။ ဒါကို ကိုယ့်စက်က Base score နဲ့ အစားသွင်းပြီး အောက်မှာ ဖော်ပြထားတဲ့ အတိုင်း Ctrl+F ကနေတစ်ဆင့် 4.9 ဆိုတဲ့ ပုံစံနဲ့လည်း ရှာနိုင်ပါတယ်။

ရှာလို့တွေ့ရင် လတ်တလော တွေ့နေရတဲ့ Current Rating ကို 7.9 ကို ပြောင်းပါ ( ဒါက ကျွန်တော် အကြမ်းဖျဉ်း ပြထားတာပါ - တကယ်တမ်း ယုတ္တိရှိဖို့ ဆိုရင် Base score ဟာ Subscore အနိမ့်ဆုံးနဲ့ ညီရမှာမို့လို့ လိုချင်တဲ့ Base score နဲ့ Subscore ကို ညှိထားတတ်ဖို့ လိုပါတယ်။ ) တကယ်လို့ Base Score တစ်ခုတည်းကို မဟုတ်ပဲ - ကျွန်တော် ပြောင်းပြထားသလို Subscore တွေအားလုံးကိုပါ ပြောင်းချင်သေးတယ် ဆိုရင် တစ်ခြား သက်ဆိုင်ရာ Components အားလုံးရဲ့ Subscore တွေကိုပါ လိုက်ရှာပြီး ပြောင်းပေးဖို့ လိုပါတယ်။ အားလုံးပြောင်းပြီးရင် Save လုပ်ပြီး Control panel အောက်က Windows Experience Index ကို သွားကြည့်ကြည့်ပါ - ကိုယ်ပြောင်းထားတဲ့ အတိုင်း ဖြစ်နေတာ တွေ့ရပါလိမ့်မယ်။

အဲ့တော့ ကျွန်တော်တို့တွေ Windows Experience Index ကို Fake Score ရအောင် ဘယ်လို လုပ်ရလဲ ဆိုတာ သိပြီ - သူများကိုယ့်ကို လှိမ့်လာရင် မခံရအောင်ရော ဘယ်လိုပြန်လုပ်ရမလဲ - အဲ့တာက လွယ်ပါတယ်။ အောက်ဖော်ပြပါ နေရာကနေ Windows Experience Index ကိုနောက်တစ်ကြိမ် ပြန် Run လိုက်ပါ - ရလဒ် အစစ်ပြန်ထွက်လာပါလိမ့်မယ်။

မှတ်ချက် - (date) Formal.Assessment (Initial).WinSAT.xml ဆိုတဲ့ ဖိုင်ကို Edit လုပ်တဲ့ နေရာမှာ အဲ့ဖိုင်ဟာ Windows file အမျိုးအစားထဲမှာ ပါတာမို့လို့ Edit လုပ်ပြီး Save လုပ်တဲ့ အချိန်မှာ Save လို့ မရတာမျိုး ဖြစ်တတ်ပါတယ်။ အဲ့လို အခြေအနေမှာ Ownership ယူဖို့ လိုပါတယ်။ အောက်မှာ ဖော်ပြထားတဲ့ ဖိုင်ကို Download ယူပါ - ရလာတဲ့အခါ အောက်ဖော်ပြပါ ဖိုင်ကို Run ပြီး Take Ownership Option ကို Right Click Menu မှာခေါ်ယူ သုံးစွဲနိုင်ပါတယ်။

Quote:

Add Take Ownership Option http://www.mediafire.com/?6xysdx3nuzlv1fm

ခုဖော်ပြခဲ့သလောက်ဆို Windows Experience Index အကြောင်း အားသာချက် အားနည်းချက်တွေ - လှည့်ကွင်း လှည့်ကွက်တွေနဲ့ သတိပြုသင့်တဲ့ အချက်တွေအကြောင်း နားလည်နိုင်ကြလိမ့်မယ် ထင်ပါတယ်။ ခုဖော်ပြခဲ့တဲ့ ဖော်ပြချက်ဟာ တစ်ခြားသူတစ်ယောက်ရဲ့ မသိနားမလည်မှုကို အမြတ်ထုတ်ပြီး ကိုယ်ကျိုးရှာဖို့ ဖော်ပြထားတာ မဟုတ်ပါဘူး - မိသားစုဝင်များ ဗဟုသုတ ရှိစေဖို့နဲ့ ဖြစ်ပေါ်လာနိုင်တဲ့ အန္တရာယ်ကို ခန့်မှန်းနိုင်စေဖို့ပါ - အခြားလူတစ်ယောက် အခက်အခဲရှိနေရင်လည်း ကူညီပါ - မသိနားမလည်သူကို ဘာမှမခက်ခဲတဲ့ ပညာရပ်တစ်ခုနဲ့ ဆရာလုပ်ပြီး ပညာပြတဲ့သူဟာ တစ်သက်လုံး ဘာမှအဖြစ်မရှိတဲ့ ပညာရပ်နဲ့ပဲ အသက်မွေးရတတ်ပါတယ်။

KznT.

New Channels for Firefox

လတ်တလော ကျွန်တော်မကြာမကြာ ရေးဖြစ်နေတဲ့ ခေါင်းစဉ်လေးတွေ သုံးလေးမျိုး ရှိတယ် - အဲ့တာတွေက Google ၏ ပြောင်းလဲမှုများ အကြောင်း- Chrome အကြောင်း သိကောင်းစရာ နဲ့ Windows 8 အကြောင်း တစ်စေ့တစ်စောင်း - နောက်ပြီး တစ်ခြား ရေးလက်စတွေလည်း တော်တော်များများ ရှိသေးတယ် - ဒီလိုပဲ ကျွန်တော်တော့ စိတ်ကူးတည့်ရာ လှည့်လှည့်ရေးတယ် - ရည်ရွယ်ချက်ကတော့ ဟင်းတစ်မျိုးတည်း စားနေရရင် လျှာရင်းမမြတ်မှာ စိုးလို့ ကျွန်တော် ဟင်းပြောင်းပြောင်း ချက်ကျွေးနေတာပါ

အဲ့လိုနဲ့ ဒီနေ့ Firefox ရဲ့ ပြောင်းလဲမှု တစ်ခုအကြောင်း ရေးချင်လို့ ဘယ်ခေါင်းစဉ်အောက် ရေးရမလဲ ဆိုပြီး ခေါင်းစဉ်ဟောင်း လိုက်ရှာတော့ ဒီ Firefox Tips & Tricks ဆိုတဲ့ ခေါင်းစဉ်ဟောင်းကို တွေ့တယ် - ရေးချင်တာက Firefox Tips & Tricks တော့ မဟုတ်ဘူး - သတင်းနဲနဲ ပိုဆန်နေတယ် - Firefox ၏ ပြောင်းလဲမှုများ အကြောင်းလို့ ပြောရမလား - ကျွန်တော်လည်း မသိတော့ဘူး -

ခုနောက်ပိုင်း Google Chrome ရယ် - Internet Explorer ရယ် Firefox ရယ် Browser သုံးမျိုး အကြီးအကျယ် အားပြိုင်လာတာ တွေ့ရတယ် - Internet Explorer ဆိုရင်လည်း IE9 ထွက်တာမှ ဘယ်လောက်မှ မကြာသေးဘူး အခု Internet Explorer 10 Platform Preview ဆိုပြီး ထွက်လာပြီ - Google Chrome ဆိုရင်လည်း Canary build > Dev channel > Beta channel > Stable channel ဆိုပြီး Channel လေးခုနဲ့ တစ်ဟုန်ထိုးကို သွားနေတယ် - သူတို့တွေရဲ့ အားပြိုင်မှု ကြားထဲမှာ Firefox လည်း ပြတ်ကျန်ခဲ့လို့ မဖြစ်တော့ အခု Google Chrome ထုတ်နေတဲ့ ပုံစံအတိုင်း Channel လေးခုနဲ့ အဆင့်လိုက်သွားတဲ့ ပုံစံပြောင်းပြီး ဝင်ရောက်လာပြီ - အဲ့ Channel လေးခုက -

• Nightly - ဒီ Channel အောက်မှာ ရှိတဲ့ Firefox အနွယ်ဝင် Browser တွေက တစ်နေ့ကို တစ်ခါ Update ပြောင်းတယ်။ တန်းမဝင်သေးတဲ့ အကြမ်းထည်ထုတ်ကုန် သဘောပေါ့။
• Aurora - သူက ဘာနဲ့တူလဲဆို Google Chrome က Dev Channel နဲ့တူတယ် - အစမ်းသပ်ခံ ထုတ်ကုန်တစ်ခုပေါ့ - ဒါပေမယ့် အချောထည် မဟုတ်သေးဘူး - Bugs တွေ ရှိမယ် - Feedback လုပ်ရမယ် - သူတို့ ထပ်ပြင်မယ်။ ဒီလို သဘော။
• Beta - အတည်ပြုဖို့ ရည်ရွယ်ထားပြီ - ဘာတွေ အားနည်းချက်ရှိလဲ စမ်းသုံးခိုင်းထားတယ် - ပြဿနာ အနည်းအကျဉ်း ရှိနိုင်သေးတယ် - Feedback လုပ်နိုင်တယ်။ သူတို့ ထပ်ပေါင်းဖြည့်ပေးမယ်။ ဒီအဆင့်ကို ရောက်လာတဲ့ Firefox တွေက ကုန်ချောဖြစ်ဖို့ တော်တော်နီးစပ်သွားတဲ့ အဆင့်။
• Release - ဒါကတော့ ကုန်ချောအဆင့် - လူအများ သုံးနိုင်ပြီ - Stable ဖြစ်တယ် - ပြည့်စုံတယ် - အာမခံချက်ရှိတယ်။

အခု Firefox က အရင် Channel သုံးဆင့်ပဲ ရှိတဲ့ process ကနေ Aurora Channel ကို ထပ်တိုးပြီး လေးဆင့် ဖြစ်သွားပြီ - သူတို့သွားနေတဲ့ လမ်းကြောင်းကို ဒီအောက်မှာ အသေးစိတ်ကြည့်နိုင်ပါတယ်။

ဒါက ကျွန်တော့်စက်မှာ စမ်းသုံးထားတဲ့ Aurora ပါ။

စက်ထဲမှာလည်း Browsers တွေ တော်တော်များနေပြီ - တစ်ခုခုတော့ ပြန်ဖြုတ်ရဦးမယ် 

မူလရင်းမြစ်များ

http://blog.mozilla.com/blog/2011/04...apid-releases/
http://download.cnet.com/8301-2007_4-20054123-12.html
https://developer.mozilla.org/devnew...apid-releases/
http://www.chromium.org/getting-involved/dev-channel
http://downloadsquad.switched.com/20...-how-to-enabl/
http://www.ghacks.net/2011/04/15/the...-need-to-know/

KznT.

How To Convert Webpages To Clean PDF

လွန်ခဲ့တဲ့ နှစ်ပတ်လောက်က ကိုပုထုဇဉ် ကျွန်တော့်ဆီ စာချွန်လွှာပို့ပြီး မေးထားတာ တစ်ခု ရှိတယ် - ကျွန်တော်လည်း ဖိုရမ်ဘယ်လိုမှ မဝင်နိုင်လိုက်တဲ့ အပတ်နဲ့ တိုက်သွားတော့ ပြန်မဖြေဖြစ်လိုက်ဘူး - လူက နည်းနည်းပျင်းနေတာလည်း ပါတယ်။

မေးမြန်းချက်

သူမေးထားတာက -

Web စာမျက်နှာကို PDF ပြောင်းယူတဲ့ အချိန်မှာ မလိုတဲ့ အပိုင်းတွေ မပါပဲ - အဓိက ကျတဲ့ အကြောင်းအရာကိုပဲ ၀က်ဆိုဒ် အသွင်အပြင်နဲ့ ထွက်လာတာမျိုး မဟုတ်ပဲ PDF သန့်သန့်လေး ထွက်လာအောင် ဘယ်လို ပြောင်းယူလို့ ရမလဲ ဆိုတဲ့ မေးခွန်း

အရင်ကတော့ ဒီလိုမေးခွန်းမျိုး မိသားစုဝင်တွေ မေးခဲ့ဖူးကြတယ် - အဲ့တုန်းကတော့ အလွယ်ပဲ ဖြေဖြစ်လိုက်တယ် - Web စာမျက်နှာကို PDF ပြောင်းချင်တယ်ဆိုရင် PDF creator တစ်ခု ( ဥပမာ - PrimoPDF ( ဒါမှမဟုတ် ) doPDF ) တင်ပြီး ကို PDF ထုတ်ချင်တဲ့ Web စာမျက်နှာကိုဖွင့် - နောက်ပြီး Ctrl+P ကနေ တစ်ဆင့်သွားပြီး ထုတ်ဆိုတဲ့ အကြံပြုချက်နဲ့ အလွယ်ပြောခဲ့ဖူးတယ် -

တကယ်တော့ အဲ့နည်းက Web စာမျက်နှာကို PDF ပုံစံမျိုး ပြောင်းပေးသွားတာမှန်ပေမယ့် ကိုပုထုဇဉ်ပြောထားသလိုမျိုး PDF သန့်သန့်လေး မရဘူး - သူ့ ၀က်ဘ်စာမျက်နှာပေါ်က ဘောင်ချထားပြီးသား အသွင်အပြင်နဲ့ ထွက်လာတတ်တာမျိုး - အဲ့လို မဖြစ်ရအောင်လုပ်ဖို့က နည်းလမ်းတွေ တော်တော်များများ ရှိပါတယ်။ ဥပမာ - ကျွန်တော်တို့ သမားရိုးကျနည်းနဲ့ သွားမယ်ဆိုရင် Microsoft Word ကိုဖွင့်ပြီး ကိုယ်လိုချင်တဲ့ Web စာမျက်နှာပေါ်က ပို့စ်ကို တစ်ခုချင်းစီ Copy ကူးပြီး Save တာ - နောက်တော့မှ အဲ့တာကို PDF ပြန်လုပ်ပေါ့ - အဲ့နည်းကတော့ အခြေခံနည်းပဲ - လူတိုင်းနီးပါး ဒီနည်းကို သိတယ် - တစ်ခုရှိတာက အဲ့လို Web စာမျက်နှာပေါ်က ပို့စ်တွေကို Copy ကူးပြီး Word ထဲထည့်တဲ့ အခါမှာ ဝက်ဘ်စာမျက်နှာပေါ်က ဘောင်ချထားပြီးသား အသွင်အပြင်နဲ့ ဝင်သွားတတ်တယ် - အဲ့လို မဖြစ်အောင်ဆိုရင် ဝက်ဘ်စာမျက်နှာပေါ်က စာသားတွေကို Copy ကူးပြီး Word ထဲကို Paste လုပ်ပြီးတာနဲ့ Word 2010 မှာ ဆိုရင် အောက်မှာ ဖော်ပြထားတဲ့ အတိုင်း Home > Paste > Keep Text Only ကို ရွေးပေးလိုက်ပါ။

ဒါဆို ဝက်ဘ်စာမျက်နှာပေါ်က ဘောင်ချထားပြီးသား အသွင်အပြင်နဲ့ မဟုတ်တော့ပဲ ပုံမှန်အတိုင်းလေး ရလာပါလိမ့်မယ်။ ဒါက တစ်နည်းပါ။ နောက်ထပ်တစ်နည်းရှိသေးတာက အရင်တစ်ခါတုန်းက အင်တာနက်နှင့် ကျန်းမာရေး ဆိုပြီး ကျွန်တော် တစ်ခါရေးခဲ့ဖူးတယ် - တစ်ချို့လည်း ဖတ်ဖြစ်ကြတဲ့သူ ရှိသလို တစ်ချို့လည်း မဖတ်ဖြစ်လိုက်ကြဘူး - အဲ့ဒီ့မှာ ရေးခဲ့တဲ့ အကြောင်းအရာဟာ အခုရေးမယ့် အကြောင်းအရာနဲ့ ဆက်စပ်နေပါတယ်။ ဘာကြောင့်လည်း ဆိုတော့ ဒီ Thread မှာ ရေးပေးမယ့် Web စာမျက်နှာတွေကို PDF အဖြစ်အလွယ်တကူ ဖန်တီးနိုင်အောင် အဲ့မှာ ဖော်ပြခဲ့တဲ့ Browser Extension တွေ - Bookmarklet တွေကိုပဲ သုံးသွားမှာ မို့လို့ပါ။

နည်းလမ်း ( ၁ ) - Bookmarklet ဖြင့် စာမျက်နှာအား Format ချ၍ PDF ပြုလုပ်ခြင်း

Bookmarklet ဆိုတာ bookmark သဘောပါပဲ - Bookmark ဆိုတာရဲ့ သဘောက သူ့ကို Click ပေးလိုက်တဲ့ အချိန်မှာ ကိုယ် မှတ်ထားတဲ့ Website ကို Loading လုပ်ပြီး ခေါ်ပေးတယ် - Bookmarklet ဆိုတာကတော့ Website ကို Loading လုပ်တာမျိုး မဟုတ်ပဲ Javascript တစ်ချို့ကို runs ပေးတာပါ။ Bookmarklet အမျိုးမျိုး ရှိပြီး အဲဒီ့ အမျိုးမျိုးထဲမှာမှ Services တစ်ချို့က ပေးတဲ့ Bookmarklet တွေဟာ ကိုယ်ဖတ်မယ့် Web စာမျက်နှာတစ်ခုကို ဖတ်ရှုဖို့ သင့်တော်မယ့် အနေအထား ရောက်အောင် သူ့ကို နှိပ်လိုက်တာနဲ့ အလိုလျောက် reformat လုပ်ပေးပါတယ်။ သုံးစွဲနည်းကလည်း မခက်ပါဘူး - အဲလို စွမ်းဆောင်ရည် ရှိတဲ့ Bookmarklet တစ်ခုကို ကိုယ့် Bookmarks bar မှာ ဆွဲတင်ထားပြီး ကိုယ် Reformat လုပ်ချင်တဲ့ စာမျက်နှာကို ရောက်ရင် သူ့ကို Click ပေးလိုက်တာနဲ့ Web စာမျက်နှာပေါ်က မလိုအပ်တဲ့ Ads တွေ မလိုလားအပ်တဲ့ စာသားတွေကို အလိုလျောက် ရှင်းထုတ်ပြီး အဓိကကျတဲ့ စာသားက အောက်ဖော်ပြပါအတိုင်း ကြွတက်လာမှာမျိုးပါ။ နားထဲ သိပ်မရှင်းမရှင်းဖြစ်နေရင် စိတ်မညစ်ပါနဲ့ - အောက်မှာ တစ်ဆင့်ချင်း ထပ်ဖော်ပြပေးပါဦးမယ်။

အရင်ဆုံး Bookmarklet နဲ့ ဝက်ဘ်စာမျက်နှာတွေကို Format ချပြီး PDF လုပ်ဆောင်ဖို့ အရင်ဆုံး ဒီနေရာကို သွားလိုက်ပါ။ အဲ့ဒီ့ Application ကို ကျွန်တော်တို့ Readable လို့ ခေါ်တယ်။ အဲ့စာမျက်နှာကို ရောက်ရင် ညာဘက်အောက်ထောင့်က Show Setup ကို နှိပ်ပါ။ နောက်စာမျက်နှာ ပေါ်လာလိမ့်မယ် - အဲ့မှာ Choose Style ကနေ တစ်ဆင့် ကိုယ်နှစ်သက်တဲ့ ပုံစံ ရွေးလို့ ရတယ်။ ကျွန်တော်စံထားတဲ့ ပုံစံကတော့ အောက်မှာ ဖော်ပြထားတဲ့ အတိုင်းပါ။

Choose Style မှာ တစ်ခုခု အပြောင်းအလဲ လုပ်တိုင်း Preview မှာပါ လိုက်ပြောင်းတာ တွေ့ရပါလိမ့်မယ်။ ကိုယ့်စိတ်ကြိုက် အနေအထားကို ကိုယ့်ဘာသာ ချိန်ညှိပါ -

ဒါကို ဘာလို့ လုပ်နေရလဲ ဆိုတော့ ကျွန်တော်တို့ ဝက်ဘ်စာမျက်နှာကို Bookmarklet သုံးပြီး Format ချတဲ့ နေရာမှာ ကိုယ့်စိတ်ကြိုက် ပုံစံ ပေါ်စေချင်လို့ပါ - ဒါမှလည်း PDF လုပ်တဲ့အချိန်မှာ ကိုယ့်စိတ်ကြိုက် Format ချထားတဲ့ ပုံအတိုင်း ထွက်မှာပေါ့။ စိတ်ကြိုက် အနေအထားရရင် Bookmarklet ကို အောက်ဖော်ပြပါအတိုင်း Bookmarks bar ပေါ် Drag ဆွဲတင်ပါ။

ဒီနေရာမှာ တစ်ခု ရှိတာက ဘယ်သူတွေ ဘယ် Browser သုံးကြတယ် ကျွန်တော်လည်း မသိဘူး - ကျွန်တော်ကတော့ Google Chrome သုံးတယ် - ဘယ်ဟာပဲ သုံးသုံး Browser တော်တော်များများမှာ Bookmarks bar ဆိုတာ ပါတတ်ပါတယ်။ Google Chrome မှာဆို Ctrl+Shift+B နှိပ်ရင် Bookmarks bar ပေါ်လာမယ်။ Firefox မှာ ဆိုရင် အောက်မှာ ပြထားတဲ့ အတိုင်း Right Click ထောက်ပြီး ခေါ်လို့ ရတယ်။

Internet Explorer 9 သုံးတဲ့သူဆိုရင် အောက်ဖော်ပြပါအတိုင်း Favourite bar ဆိုတာ ရှိတယ် - သူလည်း Right click ထောက်ပြီး ခေါ်လို့ရတယ်။ အားလုံးက သဘောတရားချင်း တူတူပါပဲ - Bookmarklet ကို Drag ဆွဲတင်လို့ ရပါတယ်။

ပြီးရင် ကိုယ် Print ထုတ်ချင်တဲ့ စာမျက်နှာကို သွားပါ။ ဥပမာ - အင်တာနက်နှင့် ကျန်းမာရေး ဆိုတဲ့ စာမျက်နှာကို PDF လုပ်ထားချင်တယ် ဆိုကြပါစို့ - ဒီလိုဆို အဲ့စာမျက်နှာကို သွားပြီး ရောက်ရင် ခုနက Bookmarks bar ပေါ်ဆွဲတင်ထားတဲ့ Bookmarklet ကို Click ပေးပါ။ အဲ့လို Bookmarklet ကို Click ပေးလိုက်တာနဲ့ အရင်တွေ့နေရတဲ့ ဒီဇိုင်းတွေ အားလုံး ပျောက်ပြီး ကိုယ်အဓိက လိုချင်တဲ့ စာသားတွေချည်းပဲ ကြွတက်လာပါလိမ့်မယ်။ တကယ်လို့ စာလုံးတွေ ဘာတြွေကီးနေတယ် ထင်ရင် အပေါ်မှာ ဖော်ပြခဲ့တဲ့ အဆင့်တွေအတိုင်း ပြန်သွား ပြန်ပြင် Bookmarklet ကို ပြန်ဆွဲတင်ပြီး နောက်တစ်ကြိမ် ပြန်ကျော့လို့ ရပါတယ်။

ဟုတ်ပြီ - ဒီအနေအထားကို ကြိုက်ပြီ ဆိုရင် Bookmarklet နဲ့ Format ချထားတဲ့ အသွင်အပြင်အတိုင်း မြင်နေရတဲ့ Web စာမျက်နှာရဲ့ အောက်ဆုံးနားကို သွားပါ - အောက်မှာ ဖော်ပြထားတဲ့ အတိုင်း Print ဆိုတာကို မြင်ရလိမ့်မယ်။

အဲ့နေရာကို ခဏမှတ်ထားပြီး doPDF ကို တင်ပါ။ တင်ပြီးသွားရင် အဲ့ဒီ့ Print ဆိုတာကို နှိပ်လိုက်ပါ။ ခုလိုမျိုး Box တစ်ခု တက်လာပါလိမ့်မယ်။ ဖော်ပြထားတဲ့ အတိုင်း Printer ကို doPDF ရွေးပါ - Print ကိုနှိပ်ပါ -

နောက် box တစ်ခု တက်လာပါလိမ့်မယ်။ အဲ့မှာ ပြထားတဲ့ အတိုင်း - ကိုယ့် PDF ဖိုင်ကို Save ချင်တဲ့ နေရာရွေး High quality images ကို Select လုပ်ပြီး OK ပေးလိုက်ပါ -

ဒါဆို ကိုယ် PDF အဖြစ်သိမ်းထားချင်တဲ့ စာမျက်နှာကို တစ်ခြား မလိုအပ်တဲ့ ရှုပ်ရှုပ်ရှက်ရှက် အပြင်အဆင်တွေ မပါလာပဲ စာသားနဲ့ သက်ဆိုင်ရာ ရုပ်ပုံ သီးသန့် သိမ်းဆည်းပြီးသား ဖြစ်ပါပြီ။

ခုဖော်ပြတာ နည်းလမ်း ( ၁ ) ပါ - နောက်ထပ်နည်းလမ်းတွေ ဆက်ပြီး ဖော်ပြပေးပါဦးမယ်။

နည်းလမ်း ( ၂ ) - Browser Extensions ဖြင့် စာမျက်နှာအား Format ချ၍ PDF ပြုလုပ်ခြင်း

ပြောရရင် ဒီနည်းက အပေါ်မှာ ပြောခဲ့ပြီးတဲ့ Bookmarklet နဲ့ Format ချပြီး သုံးရတာထက် ပိုပြီးလွယ်သလို အဆင့်တွေလည်း သိပ်မရှုပ်ဘူး - ဘာကြောင့် ဒါကိုသုံးတယ် - ဘာလို့ ဒါတွေ လုပ်နေတယ်ဆိုတာတော့ ထပ်မရှင်းတော့ဘူး - ကျွန်တော် အပေါ်မှာလည်း ပြောခဲ့ပြီးပြီ - ဝက်ဘ်စာမျက်နှာပေါ်က အကြောင်းအရာ တွေကို PDF လုပ်ဖို့အတွက် အလွယ်ကူဆုံး ဖြစ်မယ့် နည်းလမ်းကို ကျွန်တော်တို့ ချဉ်းကပ်နေကြတာ - ဒီနည်းမှာ ကျွန်တော်တို့တွေ Browser Extensions သုံးမှာ ဖြစ်တဲ့ အတွက် ကိုယ်သုံးတဲ့ Browser ကိုလိုက်ပြီး Browser Extensions တစ်ခုခု အရင်ဆုံး တင်ထားဖို့ လိုပါတယ်။ doPDF လည်း တင်ပြီးသား ဖြစ်ရပါမယ်။ ဝက်ဘ်စာမျက်နှာတွေကို Format ချလို့ရတဲ့ Browser Extensions အမျိုးအစား အမျိုးမျိုး ရှိပါတယ်။ အားလုံးထဲမှာ ကျွန်တော် သဘောအကျဆုံးကတော့ iReader ပါ - Firefox အတွက် extension ကို ဒီနေရာကနေ ယူနိုင်ပြီး Chrome အတွက် extension ကိုတော့ ဒီနေရာကနေ ယူနိုင်ပါတယ်။ အဲ့ဒီ ဖော်ပြပါ နေရာအသီးသီးက သက်ဆိုင်ရာ Browser extension ကို Install လုပ်ပါ။ iReader ကို installs လုပ်ဆောင် ပြီးသွားတာနဲ့ button လေးတစ်ခုက browser ရဲ့ address bar မှာ ပေါ်လာပြီး ကိုယ် ကြည့်တဲ့ Website ရဲ့ စာမျက်နှာပေါ်က အကြောင်းအရာအလိုက် ပြုပြင်ပြောင်းလဲလို့ ရတယ်ဆိုရင် အောက်ဖော်ပြပါ အတိုင်း Active ဖြစ်လာပါ လိမ့်မယ်။ ဥပမာ - Internet Explorer 10 နှင့် သူ၏ အနာဂတ် ဆိုတဲ့ Thread ကို PDF လုပ်ချင်တယ်ပဲ ဆိုကြပါစို့ - ဒီလိုဆို အဲ့စာမျက်နှာဆီ သွားပြီး အောက်ဖော်ပြပါအတိုင်း Install လုပ်ပြီးသွားတဲ့ iReader button ကို Click ပေးပါ။

အဲ့လို Click ပေးလိုက်တာနဲ့ အရင်မြင်နေရတဲ့ ဝက်ဘ်စာမျက်နှာပေါ်က ဒီဇိုင်းတွေ အားလုံးပျောက်ပြီး iReader က Format ချလိုက်တဲ့ ပုံစံအတိုင်း ဖြစ်သွားပါလိမ့်မယ်။ အောက်မှာ ဖော်ပြထားသလိုမျိုးပေါ့ -

မြင်နေရတဲ့ မျက်နှာစာရဲ့ အောက်ဆုံးကိုသွားရင် အောက်ဖော်ပြပါအတိုင်း Auto hide ပုံစံနဲ့ စစကွယ်နေတဲ့ Printer ပုံလေး ပေါ်လာလိမ့်မယ်။

အဲ့တာလေးကို Click ပေးလိုက်ရင် အပေါ်က နည်းလမ်း ( ၁ ) မှာလိုမျိုးပဲ Print ထုတ်ဖို့ အတွက် Box တစ်ခု တက်လာမယ်။ နည်းလမ်း ( ၁ ) မှာ လုပ်ခဲ့တဲ့ လုပ်ထုံး လုပ်နည်းအတိုင်းပဲ doPDF ကို ရွေးပြီး Print ထုတ်သွားယုံပါပဲ။

ဒီနေရာမှာ တစ်ခု ရှိတာက Print ထုတ်ပြီး ရလာတဲ့ PDF ရဲ့ ပုံစံအခင်းအကျင်းကို သဘောမကျတာမျိုး ဖြစ်ကောင်း ဖြစ်နေတတ်ပါတယ်။ ဆိုလိုတာ Background ပုံစံကို မကြိုက်တာ - Article Width က အရမ်းကျဉ်းနေလို့ သဘောမကျတာ စသဖြင့် စိတ်တိုင်းမကျ ဖြစ်နေရင် အောက်ဖော်ပြပါ iReader Options ကနေပြီး တဆင့် Click ပေးပြီး နောက်တစ်မျက်နှာမှာ ပြင်ယူနိုင်ပါတယ်။ အောက်ဖော်ပြပါ ပုံစံကတော့ ကျွန်တော် ထားထားတဲ့ စံပုံစံပါ။

ဒါဆို ဝက်ဘ်စာမျက်နှာကနေ PDF ပြောင်းဖို့အတွက် နည်းလမ်းနှစ်ခု ကျွန်တော်တို့ သိထားပြီးပြီလို့ ဆိုနိုင်ပါတယ်။ တစ်ခြားနည်းလမ်းတွေ ရှိပါသေးတယ် - ဒါပေမယ့် ဒီနည်း နှစ်ခုနဲ့တင် တော်တော်လေး အဆင်ပြေလောက်ပါပြီ - လိုအပ်တာလေးတွေ ရှိသေးရင် ပြောပါ - ကျွန်တော် နားလည်ထားသလောက် ကူညီပေးပါ့မယ်။

KznT.

Gmail with custom background image themes

Gmail ထဲမှာ ပါတဲ့ Themes တွေ ဟိုပြောင်း ဒီပြောင်း ပြောင်းတာကိုတော့ မိသားစုဝင်အားလုံး သိထားပြီး ဖြစ်ကြလောက်မယ် ထင်ပါတယ် - တကယ်လို့ မရင်းနှီးသေးရင် ကျွန်တော် ဒီနေရာမှာ ရေးထားတဲ့ အကြောင်းအရာလေးကို တစ်ချက်လောက် ပြန်ဖတ်ကြည့်လိုက်ပါ။ Gmail ထဲမှာ အဲ့လိုပဲ Default Themes ကို ပုံစံမျိုးစုံ ပြောင်းနိုင်ဖို့ ဆိုပြီး အရံသင့်ထည့်ထားပေးတဲ့ Themes တော်တော်များများ ရှိတယ် - ဘယ်သူတွေ ဘယ် Theme ကို သဘောကျကြတယ် မသိပေမယ့် ကျွန်တော်က Android theme ကို ချစ်တယ်။ ဒါပေမယ့် လူ့စိတ်ဆိုတာက သိတဲ့ အတိုင်း သူများပေးထားတာကို အသင့်သုံးရတာ ကြာလာတော့ ရိုးသလိုလို အီသလိုလို - ကိုယ့်လက် ကိုယ့်ခြေမလုပ်ရ မကိုင်ရတော့ နောက်ကွယ်ကနေပဲ တစ်ယောက်ယောက်က ကိုယ့်ကိုယ် တစ်ခုခုနဲ့ ချည်ထား တုပ်ထားသလိုလို ခံစားလာရတတ်တယ်။ အဲ့လို မဖြစ်ရအောင် ဒီနေ့ Thursday, April 14, 2011 ကနေ စပြီး Gmail Inbox ရဲ့ Background Image ကို စိတ်ကြိုက် ပြောင်းခွင့် ပြင်ခွင့် အရောင်ခြယ်ခွင့် တန်ဆာဆင်ခွင့်ပြုလိုက်ပါပြီ။ အရင်တုန်းက အရောင်ခြယ်ခွင့်ပဲ ပေးထားရာကနေ ခုမှ စိတ်ကြိုက် ဖန်တီးခွင့်ပြုလိုက်တာပါ။

Gmail အသုံးပြုသူ မိသားစုဝင်တွေအနေနဲ့ ပြင်ဆင်ချင်တယ်ဆိုရင် Setting အောက်မှာရှိတဲ့ Themes tab ကိုသွားပါ - Themes တွေကို တွေ့ရင် အောက်ဖော်ပြပါအတိုင်း “Create your own theme.” ကို ရွေးချယ်ပါ။

ပြီးရင် နောက်တစ်ဆင့် အနေနဲ့ အောက်မှာ ဖော်ပြထားတဲ့ အတိုင်း Main area နဲ့ Footer အတွက် background images တွေ ရွေး - Links တွေ Text တွေကို အရောင်ပြောင်းပြီး စိတ်ကြိုက် ချိန်ညှိပါ - အားလုံး သဘောကျပြီဆိုရင် Save လိုက်ပါ။ ဒါဆို ကိုယ်ကိုယ်တိုင် ဖန်တီးထားတဲ့ Custom background image နဲ့ Theme တစ်ခု ဖြစ်သွားပါပြီ။

ဒါက ကျွန်တော့် Inbox ကို ကျွန်တော့်ဘာသာ ဟိုဟိုဒီဒီ ပြင်ထားတာ - Theme က သိပ်အလြှကီးတော့ မဟုတ်ဘူးပေါ့ဗျာ - ဒါပေမယ့် ကျွန်တော့်အတွက်တော့ 

မူလရင်းမြစ်များ

http://gmailblog.blogspot.com/2011/0...ge-themes.html
http://gmailblog.blogspot.com/2009/0...me-colors.html

KznT.

First Platform Preview of Internet Explorer 10

Internet Explorer 9 နှင့် သူ၏ အနာဂတ် ဆိုတာကိုတော့ ရေးခဲ့ဖူးပြီ - ပြောခဲ့ဖူးသလိုပဲ နည်းပညာလိှုင်းက ကြောက်ဖို့ ကောင်းလောက်အောင်ကို တိုးတက်မှု မြန်တယ် - မနေ့ကမှန်တဲ့ အကြောင်းအရာတွေ ဒီနေ့ မှန်ချင်မှ မှန်မယ် - မနေ့ကအသစ်ဆိုတဲ့ Apps တွေ မနက်ဖြန်သစ်ချင်မှ သစ်တော့မယ် - ဒီလောက်လျင်မြန်တဲ့ အရှိန်ဟုန်တြွေကားမှာ ခုချိန်ထိ ကိုယ်တွေ ဖန်တီးသူ မဖြစ်နိုင်သေးပဲ စားသုံးသူ ဖြစ်နေတာရတာ စိတ်ထဲ မကောင်းဘူး - ရတယ် ဒါပေမယ့် စိတ်ဓာတ်မကျပါဘူး - တစ်နေ့ပေါ့ -

ဟိုတစ်လောလေးကတင် Internet Explorer 9 ထွက်တယ် - အတိအကျ ပြောရရင် March 14, 2011 21:00 PDT က - သူ့ကို Windows 7, Windows Server 2008 R2, Windows Vista Service Pack 2 ဒါမှမဟုတ် Windows Server 2008 SP2 တွေမှာ သုံးလို့ရတယ်။ ဒါပေမယ့် Windows XP မှာ သုံးလို့ မရဘူး - ဒါကို အားလုံးလည်း သိပြီးဖြစ်လောက်ပြီ - အရင်လကမှ Internet Explorer 9 ထွက်လို့ အသစ်လေး သုံးရပြီ ဆိုပြီး ပျော်မယ် မကြံနဲ့ - ဒီနေ့ April 12 2011 မှာ Internet Explorer 10 Platform Preview 1 ထွက်လာပြီ - ဟုတ်တယ် အဲ့လောက်ကို မြန်တယ် - မနေ့ တစ်နေ့ကမှ ထွက်တဲ့ Internet Explorer 9 ဆိုတာ Already out of date ဖြစ်သွားပြီ - သူ့ကို Download လိုချင်ရင် Microsoft's Test Drive စာမျက်နှာမှာ ယူလို့ ရတယ်။ ဘာတွေ Support ပေးလာသလဲဆိုရင် Additional web standards တြွေဖစ်တဲ့ CSS Gradients တို့ CSS3 Flexible Box Layout ဆိုတာတွေကို Support ပေးလာတယ် - တစ်ခြား Browsers တွေနဲ့ ယှဉ်လိုက်ရင် ဘယ်တွေ အားသာချက် ရှိလာတယ် ဆိုတာတော့ အောက်မှာ ဖော်ပြထားတဲ့ ဗွီဒီယိုကို ကြည့်လိုက်ရင် ပိုပြီး မြင်သာပါတယ်။

အသုံးပြုနည်း အကြမ်းဖျဉ်း

အသွင်အပြင်ကတော့ လတ်တလော အခြေအနေမှာ Platform Preview အဆင့်မို့လို့ ဘာမှ ထူးထူးခြားခြား မရှိသေးဘူး - အားလုံး အကြမ်းထည်ပဲ - 

Url ရိုက်ချင်ရင် Ctrl+O ဖြစ်ဖြစ် - Page > Open ကနေ ဖြစ်ဖြစ် ခေါ်ပြီး ရိုက်လို့ ရတယ်။ 

Home page ကို ပြောင်းချင်ရင် Desktop ပေါ်က Internet Explorer Platform Preview Icon ကို Right click ပေးပြီး Properties ကနေတစ်ဆင့် Targat မှာ ခုလို ပြောင်းပေးရတယ်။ 

"C:\Program Files\Internet Explorer Platform Preview\iepreview.exe" http://www.bing.com

Bold နဲ့ ပြထားတဲ့ နေရာမှာ ကိုယ်ထားချင်တဲ့ Website လိပ်စာပေါ့ -

Common Keyboard Shortcuts 

သိထားသင့်တဲ့ Keyboard Shortcuts တွေကတော့ -

• Ctrl + O: Open a webpage
• F5: Refresh
• F10: Home
• F12: Developer Toolbar
• Alt + 5: Force IE5 rendering mode
• Alt + 7: Force IE7 rendering mode
• Alt + 8: Force IE8 rendering mode
• Alt + 9: Force IE9 rendering mode
• Alt + 0: Force IE10 rendering mode
• Ctrl + Alt + 0: Reset Document Mode to the page default
• Ctrl +/-: zoom in and out
• Alt + ?: Help
• Ctrl + S: Save Webpage As…
• Alt + /: About

တစ်ခြား ထူးခြားချက်တွေ ပြောင်းလဲမှုတွေ ရှိလာရင် ကျွန်တော် ထပ်ပြီး ပြောပြပေးဦးမယ်။ Internet Explorer 10 Platform Preview 1 ကို စမ်းကြည့်ချင်ရင် ဒီနေရာမှာ Download ယူပါ။

KznT.

Best “Microsoft Fix it” Troubleshooters

Windows မှာ ပြဿနာ တစ်ခုခု တက်ရင် ဘာမှမလုပ်တတ်တဲ့ အခါ ဖိုရမ်ကိုပဲ ကျွန်တော်တို့ ပြေးကြရတယ် - ဒါပေမယ့် တစ်ချို့ပြဿနာတွေက ဖိုရမ်မှာ မေးမယ်ဆိုရင် ကိုယ်က အလျင်လိုနေပေမယ့် ချက်ချင်း အဖြေပြန်မရတတ်တာမျိုးတွေ ရှိတာမို့လို့ တတ်နိုင်မယ်ဆိုရင် ကျွန်တော့် အနေအနေနဲ့တော့ မမေးခင်မှာ ကိုယ်လိုချင်မယ့် အဖြေကို အင်တာနက်ထဲမှာ ရှိမရှိ အရင်ရှာကြစေချင်တယ် - ဒါမှလည်း နောက်ပိုင်း ပြဿနာတစ်ခုခု ဖြစ်တဲ့ အခါ ကိုယ်ကိုယ်တိုင် ဘာဖြစ်မယ် ဆိုတာ ခန့်မှန်းနိုင်ပြီး အင်တာနက်ထဲမှာလည်း ရှာဖွေတတ်လာမှာ - လောလောဆယ် ဒီ Thread ကို ရေးဖြစ်ရခြင်းရဲ့ အကြောင်းက Windows မှာ ဖြစ်တတ်တဲ့ ပြဿနာတွေ ( ဥပမာ - Windows Aero Glass visual effects အလုပ်မလုပ်တာ - Windows File and Folder တွေမှာ ပြဿနာ တက်နေတာကို ပြင်ချင်တာ - CD or DVD Drive တွေက ကောင်းပါရက်နဲ့ မရိုက်နိုင် မဖတ်နိုင် ဖြစ်နေတာ စသဖြင့် ပြဿနာ တက်နေတဲ့ အခါ ဖိုရမ်မှာ မေးစရာမလိုပဲ အတတ်နိုင်ဆုံး ပြေလည်နိုင်စေမယ့် နည်းလမ်းတစ်ခု ရှိနေတာကို မိသားစုဝင်များ သတိထားမိနိုင်အောင် ရေးသားလိုက်ခြင်း ဖြစ်ပါတယ်။ 

သူ့ရဲ့နာမည်ကတော့ Microsoft Fix it troubleshooters ပါ - တော်တော်များများလည်း သိပြီး ဖြစ်ပါလိမ့်မယ် - ဒါပေမယ့် တော်တော်များများ မသုံးဖြစ်ကြသေးဘူး - သူ့ရဲ့ စွမ်းဆောင်ရည်က ကိုယ့်စက်မှာ ဖြစ်နေတဲ့ ပြဿနာကို သူ့ဘာသာ အဖြေရှာပြီး သူ့အလိုလျောက်ပြင်ဆင်ပေးနိုင်တာ - ဒီနည်းကို ဘာကြောင့် သုံးစေချင်သလဲ ဆိုရင် Windows မှာ ပြဿနာ တစ်ခုခု ဖြစ်တဲ့ အခါ များသော အားဖြင့် ကျွန်တော်တို့ Windows Registryထဲထိ ဝင်ပြင်ကြရတယ် - Windows Registry ကို ဝင်ရောက် ပြင်ဆင်တာဟာ ပြင်ဆင်နေကျ လူတစ်ယောက်အတွက် Step by Step ဘယ်လို သွားရမယ် ဘာတွေ Backup လုပ်ရမယ်ဆိုတာ နားလည်ပေမယ့် လူသစ်တစ်ယောက်အတွက် သူများရေးတဲ့ စာကို ဖတ်ပြီး Windows Registry ကို ဝင်ပြင်တာဟာ အလွန်ကို အန္တရာယ်များပါတယ် - အဲ့တာကြောင့် ဖြစ်နိုင်မယ်ဆိုရင် Windows ပိုင်း ဆိုင်ရာမှာ ပြဿနာ တစ်ခုခု တက်တဲ့အခါ လူတော်တော်များများ လမ်းညွှန်လေ့ရှိတဲ့ Windows Registry ထဲကို ဝင်ပြင်တဲ့နည်းထက် Microsoft Fix it troubleshooters ကို အသုံးပြုစေချင်ပါတယ် - တကယ်လို့ Fix it troubleshooters သုံးလိုက်လို့မှ ဖြစ်တဲ့ ပြဿနာကို ဖြေရှင်းမပေးနိုင်ဘူး ဆိုရင်လည်း သူကနေ ဘာဆက်လုပ်ရမယ် ဆိုတာ ညွှန်ကြားပေးတတ်ပါတယ်။

လုပ်ဆောင်နည်းကတော့ အောက်မှာ ဖော်ပြပေးထားတဲ့ Mats_run.exe file တွေထဲက ကိုယ့်ပြဿနာနဲ့ အနီးစပ်ဆုံး ဆင်တူပြီး ဖြစ်နိုင်ချေရှိတဲ့ အမည်ကို ရွေးပြီး Download ချပါ - ပြီးရင် Run ပါ - အဲ့လို Run တဲ့ အချိန်မှာ အသုံးပြုနေတဲ့ ကွန်ပြူတာဟာ အင်တာနက်နဲ့ ချိတ်ဆက်ထားဖို့ လိုပါတယ် - ဒါမှ troubleshooter ဟာ ဖြစ်နေတဲ့ ပြဿနာကို ပြုပြင်ဖို့ အတွက် လိုအပ်တဲ့ Components တွေကို Download လုပ်ပြီး သုံးနိုင်မှာပါ - လိုအပ်တဲ့ အစိတ်အပိုင်းတွေကို Download လုပ်ပြီး သွားတာနဲ့ troubleshooter ကနေ ကိုယ့်စက်မှာ ဘာပြဿနာ ဖြစ်နေလဲဆိုတာ သူ့ဘာသာ စစ်ပြီး အလိုလျောက်ပြင်သွားပါလိမ့်မယ်။ တကယ်လို့ သူ မပြင်ပေးနိုင်ခဲ့ဘူး ဆိုရင်တောင် ဘယ်ကိုသွားပါ - ဘာကိုလုပ်ပါ ဆိုတာမျိုး ပြင်ဆင်ရေးအတွက် နေရာကောင်းတွေရှိမယ့် နေရာကို လမ်းညွှန်ပေးပါလိမ့်မယ်။

• Download Aero Troubleshooter
• Download Audio Playback Troubleshooter
• Download Audio Recording Troubleshooter
• Download Codec Troubleshooter
• Download Devices Troubleshooter
• Download DVD Troubleshooter
• Download Home Group Troubleshooter
• Download IE Add On Troubleshooter
• Download IE Performance Troubleshooter
• Download Maintenance Troubleshooter
• Download MSN Client Troubleshooter
• Download Performance Troubleshooter
• Download Pictures Troubleshooter
• Download Power Troubleshooter
• Download Printing Troubleshooter
• Download Search Troubleshooter
• Download Set Up TV Tuner Troubleshooter
• Download Time Zones Troubleshooter
• Download Windows Firewall Troubleshooter
• Download Windows Update Troubleshooter
• Download Win File Folder Troubleshooter
• Download Win Security Troubleshooter

တကယ်လို့ ဒီနည်းကို မသုံးချင်ရင် နောက်ထပ်တစ်နည်း ရှိပါသေးတယ် - အဲ့တာကတော့ Fix it Solution Center ရဲ့ အကူအညီနဲ့ ဖြေရှင်းတဲ့ နည်းလမ်းပါ - Fix it Solution Center ရဲ့ အကူအညီကို ရယူနိုင်ဖို့ ဒီနေရာကနေ သွားပါ - ရောက်တဲ့ အချိန်မှာ အောက်ဖော်ပြပါအတိုင်း Options လေးတွေတွေ့ရပါလိမ့်မယ် - 

ကိုယ်ဖြစ်နေတဲ့ ပြဿနာရပ်ပေါ် မူတည်ပြီး Windows မှာဖြစ်တဲ့ ပြဿနာလား - Internet Explorer နဲ့ ပတ်သတ်ပြီး ဖြစ်တာလား - Windows Media Player နဲ့ ပတ်သတ်ပြီး ဖြစ်တာလား - စသဖြင့် ဆုံးဖြတ်ပြီး သက်ဆိုင်ရာ ခေါင်းစဉ် တစ်ခုခု အောက်ကို ဝင်ပါ - တကယ်လို့ ဘာနဲ့ ပတ်သတ်ပြီး ပြဿနာ ဖြစ်နေမှန်း ကိုယ်ကိုယ်တိုင် ဂဃနဏ မခွဲခြား တတ်ရင် များသောအားဖြင့် လူဖြစ်များတဲ့ ပြဿနာ ရပ်တွေဟာ Top Solutions အောက်မှာ ရှိနေတတ်ပါတယ်။ တကယ်တော့ ဒီအဆင့်က ကိုယ့် ဖြစ်နေတဲ့ ပြဿနာကို သူပေးထားတဲ့ Solutions တွေ အများကြီး ထဲက အနီးစပ်ဆုံး ရှာတွေ့နိုင်အောင် ဘောင်ချုံ့လိုက်တာ ဖြစ်ပါတယ် - နောက်တစ်ဆင့်မှာ ကိုယ်ဖြစ်တဲ့ ပြဿနာရဲ့ အနီးစပ်ဆုံး ဆင်တူတဲ့ ခေါင်းစဉ်ကို Select a problem area ကနေ ရွေးချယ်ပါ - 

အဲ့လို ရွေးချယ်လိုက်တာနဲ့ ပြဿနာ ဖြေရှင်းနိုင်မယ့် Solutions တွေကို အောက်မှာ Run Now နဲ့ ဖော်ပြသွားပါလိမ့်မယ် - အဲ့ထဲက အနီးစပ်ဆုံး အဖြေကို ထပ်ရှာပြီး Run Now နဲ့ ဖြေရှင်းလိုက်ယုံပါပဲ - 

တကယ်လို့ စိတ်ထဲမှာ ဒိွဟ ဖြစ်နေသေးရင် Run Now မနှိပ်ခင်မှာ Learn More ကို Click ပေးပြီး ကိုယ် Run Now လုပ်မယ့် ကောင်က ဘယ် ပြဿနာတွေကို ဖြေရှင်းပေးနိုင်မှာလဲ ဆိုတာ နောက်တစ်မျက်နှာမှာ အသေးစိတ်ဖတ်နိုင်ပါသေးတယ်။ အောက်မှာ ပုံစံတူ ဥပမာပြထားပါတယ်။

စမ်းသပ်ကြည့်ပါ - အဆင်ပြေခဲ့မယ် ဆိုရင် တစ်ခြားလူတစ်ယောက် ဖြေပေးတာ စောင့်ဖို့မလိုပဲ ကိုယ့်ပြဿနာ အမြန်ဆုံး ပြေလည်နိုင်တာပေါ့ 

ကိုးကားရင်းမြစ်များ

http://www.microsoft.com/downloads/e...1-5295789ec8fe
http://www.askvg.com/list-of-best-mi...r-pc-problems/
http://support.microsoft.com/fixit/
http://fixitcenter.support.microsoft.com/Portal

KznT.