ဝီကီပိဒိယ အကြောင်းကို အစပျိုးလောက် စရေးဖြစ်ပြီး နောက်ပိုင်း သိပ်လှည့်မရေးဖြစ်ဘူး ဖြစ်သွားတယ် - ဝီကီအကြောင်းက ပြောမယ်ဆို ပြောစရာ စကားအများကြီး ရှိပေမယ့် ဖိုရမ်နဲ့ ဝီကီနဲ့ကို သိပ်ပြီး မရောစေချင်တော့ဘူး - စစချင်း ဒီ Thread ကို စဖွင့်တုန်းကတော့ ရည်ရွယ်ချက်က ဝီကီမှာ ရေးသားမျှဝေနည်း အကြောင်းတွေ အသေးစိတ်လေး ရေးမယ်ဆိုပြီး ဖွင့်ခဲ့တာ - ဒါပေမယ့် နောက်တော့ ပြန်စဉ်းစားကြည့်တယ် - ဝီကီမှာ အသုံးပြုရမယ့် ရေးသားမျှဝေနည်းဆိုတာ ဖိုရမ်မှာ ရေးတာထက် ဝီကီမှာ ရေးတာပဲ ပိုကောင်းမယ်လို့ စဉ်းစားမိတော့ အဲ့လို ရေးဖို့ စိတ်ကူးကို စွန့်လိုက်တယ် - ခုနောက်ပိုင်း ရေးဖို့ စိတ်ကူးထားတာကတော့ ဝီကီ ရေးသားမျှဝေနည်း ဆိုတာထက် ဝီကီ အသုံးပြုနည်းလေးတွေ အသားပေး ရေးမယ်ဆိုပြီး စဉ်းစားထားမိပါတယ် -
ရည်ရွယ်ချက်ဖိုရမ် Admin ပိုင်းကိစ္စတွေရယ် - တစ်ခြားအခက်အခဲလေးတွေ ရှင်းပေးတာရယ်နဲ့ တစ်နေ့တစ်နေ့ အချိန်ကလည်း အများကြီး မရတော့ ခုလို အကြောင်းအရာသီးသန့် ရေးဖြစ်ဖို့ စိတ်ကူးပဲ ရှိတယ် - လူက မကူးနိုင်ဘူး - ဒီနေ့တော့ ဖြစ်အောင်ရေးမယ် ဆိုပြီး Wikipedia မှာ ကိုယ်ကြိုက်တဲ့ စာမျက်နှာလေးတွေကို ချည်းပဲ စုစည်းပြီး စာအုပ်ဘယ်လိုလုပ်လဲ ဆိုတဲ့ အကြောင်းလေး ရေးဖြစ်လိုက်ပါတယ် - Wikipedia ဆို ကျွန်တော်လည်း အရင်တုန်းက သိချင်တာလေး ရှိရင်သာ သွားသွားရှာတာ - ဘာ functions တွေရှိတယ် / ဘယ်လို လေ့လာရတယ် ဆိုတာကို ကောင်းကောင်း သတိထား မကြည့်မိဘူး - နောက်ပိုင်း သူ့ဆီ ရောက်တာ များလာတော့မှ သူ့ကိုသုံးပြီး ဘာတွေ လုပ်လို့ရမလဲ ဆိုတာ သတိထားပြီး လေ့လာဖြစ်တယ် - Wikipedia ဘာလဲဆိုတာတော့ ပြန်ပြောဖို့ လိုမယ် မထင်တော့ဘူး - အပေါ်မှာလည်း ရှင်းခဲ့ပြီးသား ဆိုတော့ - ဒါပေမယ့် ခုပြောချင်တဲ့ Wikipedia Book Creator ဆိုတာ မြန်မာဝီကီမှာ မရှိသေးပါဘူး - ခု အသုံးချနည်းကို
http://en.wikipedia.org/ လေ့လာ သူများ အသုံးချနိုင်အောင် အဓိက ရည်ရွယ်ပြီး ဖော်ပြပေးတာပါ။ အကြောင်းက တစ်နေ့နဲ့ တစ်နေ့ စာဖတ်ဖြစ်တဲ့ အချိန်တွေမှာ သိပ်ပြီး ရှင်းရှင်းလင်းလင်း နားမလည်တဲ့ အကြောင်းအရာမျိုး / အသုံးအနှုန်းမျိုး ခဏခဏ ကျွန်တော်တွေ့ရတယ် - တတ်နိုင်သလောက်တော့ ဖတ်တာပဲဗျာ - ဒါပေမယ့် သိတဲ့အတိုင်း Technical terms ဆိုတာကလည်း နေ့စဉ်သုံး အင်္ဂလိပ်စကားပြောနဲ့ ဘာမှတူတာမှ မဟုတ်တာ - သူတို့ဘာသာ Create လုပ်ပြီး သူတို့ ဘာသာ ပေးချင်တဲ့ နာမည်ပေးထားကြတာ - နောက်ဆုံး ဘယ်လိုမှ နားမလည်တော့ Wiki ကို ပြေးရတာပဲ - အဲ့လို တစ်ခုမသိလိုက် ပြေးဖတ်လိုက်နဲ့ နောက်ပိုင်း ကျွန်တော် ဘာသွားတွေးမိလဲ ဆိုတော့ Wiki က ကိုယ်ဖတ်ချင်တဲ့ စာမျက်နှာတွေကို pdf လုပ်ထားလို့ ရရင် ကောင်းမယ်ဆိုပြီး စိတ်ကူး မိလာတယ် - အရင်ကတော့ လူပြိန်းနည်းပေါ့ လိုချင်တဲ့ စာမျက်နှာကို ဖွင့်တယ် Copy ကူးတယ် နောက်ပြီး Word ထဲ ပြန် Save တယ် - အဲ့ကနေ pdf လုပ်တယ် - နောက်ပြီး ကွန်ပြူတာ ဘေးနားမှာ မရှိတဲ့ အားတဲ့ကြားချိန်လေးတွေ / အလုပ်မရှိတဲ့ အချိန်တွေ အဲ့ဒီ့ pdf ကို ထုတ်ဖတ်တယ် - ဒါပေမယ့် နောက်ပိုင်းကျတော့ အဲ့နည်းက အဆင်မပြေတော့ဘူးဗျ - လုပ်ရကိုင်ရတာ လက်ပေါက်ကပ်တယ် - အဲ့တာနဲ့ တစ်ခြားနည်းလမ်းကို လိုက်ရှာတော့ အောက်မှာ ဖော်ပြထားတဲ့ Wiki စာမျက်နှာတွေကို PDF ဖြစ်အောင် Create လုပ်နိုင်မယ့် နည်းကို ကျွန်တော် နားလည်ခဲ့တယ် -
Wikipedia Articles များအား PDF အဖြစ် ပြောင်းလဲခြင်းStep 1 > Wikipedia Articles တွေကို pdf ဖြစ်အောင် ပြောင်းချင်ရင် အရင်ဆုံး ကိုယ် pdf လုပ်ချင်တဲ့
Wikipedia က စာမျက်နှာ တစ်ခုကို သွားလိုက်ပါ - ( ကျွန်တော်ကတော့
Engineering ဆိုတဲ့ စာမျက်နှာကို သွားလိုက်တယ် ) ကိုယ်လိုချင်တဲ့ စာမျက်နှာကို ရောက်ပြီ ဆိုရင် အောက်မှာ ဖော်ပြထားတဲ့ အတိုင်း ဘယ်ဘက်ခြမ်း Side bar က Print/export ဆိုတဲ့ ခေါင်းစဉ်အောက်မှာ ရှိတဲ့ Create a book ဆိုတဲ့ နေရာကို ဆက်ဝင်လိုက် - ကျွန်တော်အောက်မှာ ဖော်ပြထားတဲ့ အတိုင်းပေါ့ -
Step 2 > အဲ့လိုဆို နောက်တစ်မျက်နှာမှာ Book creator ဆိုတဲ့ ခေါင်းစဉ်တဲ့ Start book creator ဆိုတဲ့ button အစိမ်းရောင်ကို တွေ့ရလိမ့်မယ် - သူ့ကို click တစ်ချက်ပေးလိုက် -
Step 3 > အဲ့လို လုပ်လိုက်တာနဲ့ ပထမဆုံး ကိုယ်စဝင်ခဲ့တဲ့ စာမျက်နှာကို အောက်ဖော်ပြပါ ပုံစံမျိုးနဲ့ ပြန်ရောက်သွားပြီး စာအုပ်လုပ်ဖို့ စာမျက်နှာတွေ စပြီး စုလို့ ရပြီ - ဆိုကြပါစို့ ကျွန်တော်က ခု ဖွင့်ထားတဲ့ Engineering ဆိုတဲ့ စာမျက်နှာကို ကိုယ့် pdf ထဲ ပါစေချင်တယ် ဆိုရင် ခေါင်းစီးမှာ မြင်နေရတဲ့ Add this page to your book ကို click ပေးလိုက် - ဒါဆို ကိုယ့် pdf စာအုပ်အတွက် တစ်မျက်နှာစုပြီးသွားပြီ -
 | This image has been resized. Click this bar to view the full image. The original image is sized 609x294. |
ဒီနေရာမှာ ခေါင်းစီးမှာ မြင်နေရတဲ့ တစ်ခြား Options လေးတွေ အကြောင်းလည်း ရှင်းပြချင်တယ် -
| This image has been resized. Click this bar to view the full image. The original image is sized 610x70. |
Add this page to your book ရဲ့ ညာဘက်မှာ ရှိနေတဲ့ Show book ( _ pages) ဆိုတာ ကိုယ့် pdf ထဲမှာ စာမျက်နှာ ဘယ်နမျက်နှာစုပြီးပြီလဲ ဆိုတာ ပြတာ - ( _ ) ထဲမှာ ပြတဲ့ pages အရေအတွက်က Add this page to your book ဆိုတာကို click တစ်ချက်ပေးတိုင်း ပြောင်းလဲ သွားတာ နောက်ပိုင်း သတိထားမိပါလိမ့်မယ်။ Suggest pages ဆိုတာကတော့ ကိုယ်က ဒီ စာမျက်နှာကို pdf ထဲ ထည့်တယ် ဆိုရင် ဒီ စာမျက်နှာလိုပဲ အကြောင်းအရာချင်း ဆင်တူတဲ့ တစ်ခြား လေ့လာသင့်တဲ့ စာမျက်နှာတွေကို Wikipedia က ထည့်ချင်လားဆိုပြီး Suggestion ပေးတာ - အဲ့ဒီ့ link ကို ဆက်လိုက်ရင် ကိုယ့် pdf မှာ ထည့်သင့်တဲ့ တစ်ခြား Suggested pages တွေ တွေ့ရလိမ့်မယ်။
Step 4 > လတ်တလောမှာ ကျွန်တော်တို့ စာမျက်နှာ တစ်ခု စုထားပြီးပြီ ဆိုပါတော့ - pdf လုပ်မှာဆိုတော့ စာမျက်နှာ များများရအောင်လည်း စုဖို့ လိုသေးတယ် - အ့ဲအတွက် လုပ်ရိုးလုပ်စဉ်နည်းအတိုင်း သွားမယ် ဆိုရင်တော့ pdf ထဲထည့်ချင်တဲ့ တစ်ခြားစာမျက်နှာတွေကို tab အသစ်တွေနဲ့ ထပ်ထပ်ဖွင့်ပြီး Add this page to your book ကနေ ပေါင်းလို့ ရတယ် - ဒါပေမယ့် အဲ့နည်းကလည်း ထည့်ချင်တဲ့ စာမျက်နှာများလာရင် အဆင်မပြေပြန်ဘူး - အဲ့လို မဖြစ်ရအောင် Wikipedia ရဲ့ Individual pages တွေကို pdf အဖြစ် စုဆောင်းတဲ့ နေရာမှာ အဆင်ပြေအောင် နောက်ထပ်ဖန်တီးပေးထားတဲ့ နည်းတစ်ခု ရှိသေးတယ် - လုပ်ဆောင်နည်းက ကိုယ်လက်ရှိဖွင့်ထားတဲ့ စာမျက်နှာပေါ်က တစ်ခြား Articles တွေ ရှိရာဆီ links ချိတ်ထားတဲ့ စာသားတွေပေါ်မှာ Mouse ကို ပွတ်ရွှေ့လိုက်တာနဲ့ အောက်မှာ ဖော်ပြထားသလိုမျိုး
လင့်ချိတ်ထားသော ဝီကီ စာမျက်နှာအား သင့်စာအုပ်ထဲသို့ ပေါင်းထည့်ပါ ဆိုတဲ့ pop-up message တစ်ခု တက်လာလိမ့်မယ် - အဲ့ကနေပြီး တစ်ခြား စာမျက်နှာကို ကူးသွားစရာ မလိုပဲ ကိုယ်လိုချင်တဲ့ စာမျက်နှာ အားလုံးကို ကျွန်တော်တို့လုပ်နေတဲ့ pdf ထဲ ပေါင်းထည့်ထားလိုက်လို့ ရတယ်။ ပိုမြန်သွားတာပေါ့။
တကယ်လို့ ကိုယ်က စာတစ်မျက်နှာချင်းစီ လိုက်ထည့်ရတာမျိုး မလုပ်ချင်ပဲ ဥပမာ - Engineering နဲ့ ပတ်သတ်တဲ့ Category တစ်ခုလုံးကို စာအုပ်ထဲ ထည့်ပစ်လိုက်ချင်တယ် ဆိုရင်လည်း ဖြစ်တယ် - ကိုယ်ဖွင့်ထားတဲ့ စာမျက်နှာရဲ့ အောက်ဆုံးမှာ ဒီစာမျက်နှာဟာ ဘယ် Categories တွေထဲမှာ ပါလဲ ဆိုတာ ဖော်ပြပေးထားရှိတယ် - အောက်မှာ ပြထားသလိုမျိုးပေါ့ -
| This image has been resized. Click this bar to view the full image. The original image is sized 536x240. |
အဲ့ကနေ နှစ်သက်ရာ Category အောက်ကို ဆက်ဝင်သွားပြီး Add this category to your book ကနေ တစ်ဆင့် Category တစ်ခုလုံးကို ကိုယ်ဖန်တီးမယ့် pdf ထဲ တစ်ခါတည်း တန်းထည့်လိုက်လို့ ရတယ် -
Step 5 > စာအုပ်တစ်အုပ် ဖန်တီးဖို့အတွက် လုံလောက်တဲ့ စာမျက်နှာ ပမာဏ ရပြီ ဆိုရင်တော့ Show book ကနေတစ်ဆင့် ကိုယ့်စာအုပ်ထဲမှာ ပါမယ့် စာမျက်နှာတွေကို တစ်ချက်ပြန်ကြည့်ပါ -
| This image has been resized. Click this bar to view the full image. The original image is sized 663x194. |
Show book ဆိုတဲ့ စာမျက်နှာကို ရောက်ရင် ကိုယ်ဖန်တီးထားတဲ့ pdf ကို အောက်မှာ ပြထားတဲ့ အတိုင်း မြင်ရပါလိမ့်မယ် - ရပြီ သဘောကျတယ် ဆိုရင် Title လေးဘာလေးပေး - နဲနဲပါးပါး ပြင်ချင်သေးတယ် ဆိုရင် Create chapter / Sort alphabetically တို့ကနေ ပြင်တာပြုတာ - အထက်အောက် ပြန်စဉ်တာ လုပ်လို့ ရပါတယ် - Clear book ဆိုတာကတော့ လုပ်ထားတဲ့ စာအုပ်ကို သဘောမကျရင် ဖျက်ဖို့နေရာပေါ့ -
Step 6 > အားလုံး ပြင်ဆင်ပြီးပြီ - သဘောလည်း ကျပြီ ဆိုရင် သူ့ရဲ့ ညာဘက်ခြမ်းမှာ PDF format နဲ့ Download ချနိုင်ဖို့ ခုအောက်မှာ ဖော်ပြထားသလို တွေ့ရလိမ့်မယ်။
အဲ့ကနေ ဆက်သွားရင် ကိုယ်လုပ်ထားတဲ့ စာမျက်နှာတွေကို Wiki ကနေ သူ့ဘာသာ စုပြီး Download ချဖို့ လင့်ထုတ်ပေးလိမ့်မယ် - အ့ဲအချိန်ကတော့ ခဏလောက်စောင့်ရပါတယ် -
Step 7 > Rendering finished ဖြစ်သွားရင် အောက်မှာ ဖော်ပြထားတဲ့ အတိုင်း Download the file ဆိုတဲ့ Download ချဖို့ link ကိုတွေ့ရပါလိမ့်မယ် - အဲ့ကနေ ကိုယ်လုပ်ထားတဲ့ pdf ကို သိမ်းယူယုံပါပဲ -
| This image has been resized. Click this bar to view the full image. The original image is sized 549x224. |
> ခုဆို ကျွန်တော် ပြောရင်းဆိုရင်း Wiki ကနေ စာအုပ်တစ်အုပ်ရခဲ့ပါပြီ - အင်တာနက်ရှိမှ Wiki ဖတ်လို့ ရတာ မဟုတ်ပါဘူး - အင်တာနက် မရှိလည်း ဝီကီ ဖတ်ဖို့ အဆင်ပြေအောင် လုပ်လို့ ရတယ် ဆိုတာ နားလည်သွားပါပြီ - ဒီအောက်က ကျွန်တော် ဖန်တီးထားတဲ့ pdf ပုံစံလေးပါ -
| This image has been resized. Click this bar to view the full image. The original image is sized 697x480. |
တကယ်လို့ pdf အနေနဲ့ မဟုတ်ပဲ စာအုပ်အနေနဲ့ Order မှာချင်တယ် ဆိုရင်လည်း ဖြစ်ပါတယ် - Step 6 မှာ Download အဖြစ်ရွေးခဲ့တာရဲ့ အပေါ်မှာ Order as a printed book ဆိုတာ ရှိပါတယ် -
အဲ့ဒီမှာ ပြထားတဲ့ Preview with PediaPress ကနေ ဆက်သွားရင် အောက်မှာ ဖော်ပြထားတဲ့အတိုင်း အွန်လိုင်းကနေ ပိုက်ဆံနဲ့ ပေးပြီး စာအုပ်အဖြစ် ဖန်တီးခိုင်းလို့ ရမယ့်နေရာကို ရောက်ပါလိမ့်မယ်။ စိတ်ကြိုက် အဖုံးပုံစံလေးတွေ - အရောင်တွေ ပြင်လို့ ရပါတယ် -
အာလုံးပြင်ပြီးရင် Preview တစ်ချက်ကြည့်ပါ -
ခုဆို ကျွန်တော် Wiki ကနေ ကိုယ်ကြိုက်တဲ့ စာမျက်နှာလေးတွေ စုပြီး စာအုပ်တောင် မှာလို့ ရသွားပြီ - ကျွန်တော့်ဆီ ရောက်လာရင် ဖတ်ရမယ့် စာအုပ်ပုံစံလေးက ခုလိုလေး ဖြစ်နေမှာပါ -
| This image has been resized. Click this bar to view the full image. The original image is sized 792x569. |
ခုဖော်ပြခဲ့သလောက်ဆို Wiki ကနေပြီး ကိုယ်ကြိုက်တဲ့ Articles လေးတွေ ဘယ်လို စုဆောင်းရတယ် - pdf စာအုပ်ဘယ်လို လုပ်ဆောင်ရတယ် - စာအုပ်ဘယ်လို မှာယူရတယ် ဆိုတာ မိသားစုဝင်များ နားလည်နိုင်ကြလိမ့်မယ်လို့ မျှော်လင့်မိပါတယ် - ဒီအကြောင်းအရာကို ဗွီဒီယို အဖြစ်နဲ့ ကြည့်ချင်မယ်ဆိုရင်
ဒီနေရာကနေ Download ယူပါ - ( Download ရလာတဲ့ ဖိုင်ကို ကြည့်ဖို့ကတော့ Browser ထဲကို Drag & Drop ဆွဲသွင်းပြီး ကြည့်လို့ ရပါတယ် ) ခုဖော်ပြခဲ့တဲ့ အကြောင်းအရာနဲ့ ပတ်သတ်ပြီး သီးခြား ထပ်မံလေ့လာသင့်တဲ့ နေရာတွေကတော့ အောက်ဖော်ပြပါအတိုင်းပါ -
မူလရင်းမြစ်များhttp://en.wikipedia.org/wiki/Help:Bookshttp://www.nannu.info/forum/showthre...t=15787&page=1http://en.wikipedia.org/wiki/Help:Bo...sked_Questionshttp://en.wikipedia.org/wiki/Help:Books/Printed_bookshttp://www.makeuseof.com/dir/wikipedia-book-creator/ဒီနေ့ ကေဇက်တို့ profile ပုံ ချိန်းပါတယ် - Avatar ပြောင်းပါတယ် - Enrique Iglesias ပါ - သူလည်း နှုတ်ခမ်းမွှေးပါတယ် - အရင်ပုံနဲ့ သဘောတရား တူမယ်ထင်တာပဲ
