7 Windows 7 Tweaks & Tips

ပြဿနာရပ်ပေါင်း မြောက်များစွာနဲ့ Windows Vista ထွက်ရှိခဲ့ပြီး Microsoft လည်း တော်တော် ဝေဖန်ထိုးနှက်မှု ခံလိုက်ရပါတယ်။ အဲ့ဒီ့ နောက်တော့ သူတို့ သေသေချာချာ အချိန်ယူ ပြင်ဆင်ခဲ့ပြီး လိုအပ်ချက် အတော်များများ ပြည့်စုံတဲ့ Windows 7 ကို ကျွန်တော်တို့ ဆီ အရောက်ပို့ခဲ့ပါတယ်။ Windows 7 က တော်တော် စွဲမက်လောက်စရာ စွမ်းဆောင်ရည်တွေနဲ့ ပြည့်စုံတဲ့ OS တစ်ခုလို့ ဆိုရမှာလည်း။ ခုနောက်ပိုင်းတော့ အတော်များများ လည်း Windows 7 သုံးနေကြလောက်ပါပြီ။ ကျွန်တော့် အသိတော်တော်များများလည်း အရင် XP သုံးနေရာကနေ အခု အကုန်လုံး နီးပါး 7 ကို ကူးလာကြပြီ။ တစ်ချို့လည်း Mac ပေါ့။

Windows 7 မှာ Features အသစ်တွေ အများအပြားပါဝင်တယ် နောက်ပြီး အသုံးပြုရလွယ်ကူအောင် ပြုလုပ်ပေးထားတဲ့ အဆင့်မြှင့်တင်မှု တွေ အများအပြားပါဝင်နေတယ် ဆိုပေမယ့် ဒီ့ထက်ဒီ့ထက် ထုတ်ဖော်သုံးစွဲလို့ ရတဲ့ Features တွေ ၊ စွမ်းဆောင်ရည်တွေ မြင့်သထက်မြင့်လာအောင် ဖန်တီးယူလို့ရတဲ့ ပြုပြင်မှုတွေကို Microsoft က Users အားလုံးကို ဖော်ထုတ်မပြသေးပဲ Windows ထဲမှာပဲ မသိမသာဝှက်ထားတာမျိုးတွေ အမြောက်အများ ကျန်ရှိနေပါသေးတယ်။ အခု သူတို့ ဖော်ထုတ်မပြပေမယ့် Features တစ်ချို့ကို ကျွန်တော်တို့ ဖော်ထုတ်ပါ့မယ်။ ဒါကို အလွယ်ကူဆုံးပြောရရင် Tweaks လုပ်တယ်ပေါ့။ Tweaks လုပ်တယ်ဆိုတာ တကယ်တော့ Windows အတွက် ဘာမှ အသစ်အဆန်း မဟုတ်ပါဘူး။ End Users ( Definitions -  End users ဆိုတာ ပရိုဂရမ် ဒါမှမဟုတ် ဝင်းဒိုး တစ်ခုခုကို ကိုယ့်အတွက်ကိုယ် အသင့်တော်ဆုံး ဖြစ်အောင် ကိုယ်လိုအပ်တာတွေချည်းပဲ ပြုပြင်သုံးစွဲနိုင်သူ သို့တည်းမဟုတ် ပြုပြင်သုံးစွဲသော အဖွဲ့အစည်း ) တွေ တော်တော်များများကတော့ ကိုယ်သုံးနေတဲ့ OS တစ်ခုကို ကိုယ်အသုံးပြုမယ့် လုပ်ငန်း လိုအပ်ချက်အပေါ် မူတည်ပြီး အစကတည်းက အသေးစိတ်ကအစ ပြင်ဆင်အသုံးပြုကြပါတယ်။ ဒါကြောင့် Tweak လုပ်မယ်ဆိုလို့ မကြောက်ကြပါနဲ့။ အခု Tweak လုပ်မယ် ဆိုတာ မရှိသေးတာ Tweak လုပ်မှာ မဟုတ်ပါဘူး။ Windows မှာ ပါရှိပြီးသား အရာတွေကို Tweak လုပ်ယူမှာပါ။

Tweak လုပ်ယူမယ့် အဆင့်တစ်ခုချင်းစီ အတွက် ကျွန်တော် Level သတ်မှတ်ထားပါတယ်။ Level 0 ဆိုတာကတော့ အလွယ်တကာ့ အလွယ်ကူဆုံး အဆင့်ပေါ့။ သူကနေစပြီး နဲနဲချင်း မြှင့်သွားပါမယ်။ ဒါပေမယ့် အားလုံး ခက်ခက်ခဲခဲ မရှိပါဘူး။ စလိုက်ရအောင်။ လူသိများတဲ့ အကြောင်းအရာကနေ စလိုက်ပါ့မယ်။

Classic Taskbar - ( Level - 0 )

Windows 7 မှာ စွမ်းဆောင်ရည် သိပ်ကောင်းတဲ့ Superbar ဆိုတာ ရှိပါတယ်။ သူက ပြောရရင်တော့ Tackbar ပါပဲ။ သူ့ဆီကို icons တွေ shortcuts တွေအဖြစ်နဲ့ တိုက်ရိုက် pin လို့ရတယ်။ နောက် Jumplists ကို သုံးပြီး ကိုယ်သွားနေကျ နေရာတစ်ခုကို လမ်းရိုးကြီးအတိုင်း မသွားပဲ ဟိုကျော်ဒီခွ ကြားဖြတ်လမ်းနဲ့ သွားလို့လည်း ရတယ်။ ဒါပေမယ့် တစ်ချို့သူတွေကတော့ ဒီ Superbar ပုံစံကြီးကို သဘောမကျကြပါဘူး။ အရင် Vista မှာ သုံးခဲ့ကြတဲ့ Taskbar လို ပုံစံမျိုးလေး ဆင်တူတဲ့ သေးသေးသွယ်သွယ် ပုံစံမျိုးနဲ့ Taskbar မျိုး ပြန်လိုချင်ကြတယ်။ အဲ့ဒီ့ Taskbar ကို Classic Taskbar လို့ ခေါ်ပါတယ်။ Microsoft ကလည်း  ဒီစိတ်ကို သိလို့ အရင် ဝင်းဒိုးမှာပါတဲ့ Functions တွေ ပြန်ထည့်ပေးထားပါတယ်။

Classic Taskbar ကို ပြန်လည်ရယူဖို့ အတွက်ဆို ဒီ အောက်က လုပ်ဆောင်ချက်တွေ လုပ်ဆောင်ရပါမယ်။

• Taskbar ပေါ်က လွတ်တဲ့ တစ်နေရာမှာ Right-click > Properties ကို ဝင်ပါ့မယ်။ အပေါ်မှာ မြင်ရတဲ့ Dialog box မြင်ရတဲ့ ထိ သွားရမှာပါ။
• Use small icons ရဲ့ ဘေးမှာ ရှိနေတဲ့ Check box မှာ အမှန်ခြစ် ပေးပေးပါ နောက်ပြီး Dropdown Menu ကနေ Combine when taskbar is full. ကိုပါ ရွေးချယ်ပေးပါ။
• ပြီးရင် Apply ကို နှိပ်ပါ။

ဒီအကြောင်းအရာက အတော်များများ သိပြီးသား အကြောင်းအရာ တစ်ခု ဖြစ်နိုင်ပါတယ်။

Explorer Checkboxes - ( Level - 0 )

ကျွန်တော်တို့ Vista သုံးခဲ့ကြစဉ်ကတည်းက Windows Explorer ထဲမှာ ရှိတဲ့ ဖိုင်လေးတွေဆီ ကျွန်တော်တို့ သုံးနေတဲ့ Mouse အဖျားလေး ပွတ်ထိသွားတဲ့ အချိန် ဘေးနားမှာ သေးသေးကွေးကွေး checkboxes လေးတွေ ပေါ်လာတာ မှတ်မိကြမယ် ထင်ပါတယ်။ သူတို့ရဲ့ ရည်ရွယ်ချက်ကတော့ ကျွန်တော်တို့ ဖိုင်တစ်ခုထက် ပိုပြီး ရွေးချယ်ချင်တဲ့ အခါ keyboard ကနေ Ctrl ဒါမှမဟုတ် Shift ကိုင်ပြီး ရွေးချယ်လို့ ရသလို တကယ်လို့ ကျွန်တော်တို့ keyboard ကို မထိပဲ ဖိုင်တစ်ခုထက် ပိုပြီး ရွေးချယ်ချင်တဲ့ အချိန်မှာ ဒီ checkboxes လေးတွေက သိပ် အသုံးဝင်ပါတယ်။

Explorer Checkboxes တွေကို Enable လုပ်ဖို့ အတွက်ဆိုရင် ..

• Start button ကိုနှိပ်ပြီး Search bar မှာ Folder Options လို့ ရိုက်ပြီး Enter ကို နှိပ်ပါ။
• View tab ကို နှိပ်ပြီး Advance Settings ဆိုတဲ့ Listbox ကို သွားပါ။
• Use check boxes to select items ဆိုတာရဲ့ ဘေးက checkbox မှာ ကလစ်ပေးပြီး Apply > Ok ကို နှိပ်ပါ။ 

ဒီလိုလုပ်ပြီးသွားတာနဲ့ ကိုယ်ပြင်ထားတဲ့ အတိုင်း Mouse ကို items တစ်ခုခုပေါ် ရွှေ့တိုင်းမှာ select လို့ရမယ့် checkboxes လေးတွေ အသီးသီး ပေါ်လာမှာ ဖြစ်ပါတယ်။

Web Search Connectors - ( Level - 1 )

Windows Explorer ထဲကနေပဲ Web စာမျက်နှာတွေ တိုက်ရိုက်ရှာဖွေလို့ ရတယ် ဆိုတာကို မိသားစုတွေ သိကြပါရဲ့လား ? ဟုတ်ပါတယ်။ အင်တာနက် စာမျက်နှာ ပေါ်က ကျွန်တော်တို့ အလိုရှိရာတွေကို ( ဥပမာ - Youtube က ဗွီဒီယိုတွေ ) Windows Explorer ထဲကနေပဲ တိုက်ရိုက် ရှာဖွေလို့ ရနေပါတယ်။ အခုကျွန်တော်တို့ အဲ့ဒီ့ အကြောင်း ဆက်လိုက်ရအောင်။

Windows 7 အတွက် Search Connectors တွေ ဖန်တီးဖို့ ဆိုရင် နည်းလမ်း ( ၂ ) ခုရှိပါတယ်။ သူတို့တွေကတော့ ..

• အသင့်သုံး Connectors များအား ရှာဖွေအသုံးပြုခြင်း နဲ့
  
• Connectors များအား မိမိကိုယ်တိုင် ဖန်တီးယူခြင်း ဆိုပြီး ဖြစ်ပါတယ်။

ကျွန်တော် အခု နည်းလမ်း ( ၂ ) မျိုးလုံး ပြောပြသွားပါ့မယ်။

( ၁ ) အသင့်သုံး Connectors များအား ရှာဖွေ အသုံးပြုခြင်း

ဒီ့အတွက်တော့ အပင်ပန်း ခံမနေပါနဲ့။ ကျွန်တော် အင်တာနက်ထဲကနေ ရှာပြီး စုထားတဲ့ Connectors တွေ ရှိပါတယ်။ အောက်ဆုံးမှာ download ချဖို့ Link တစ်ခုပေးထားပါတယ်။ အသုံးပြုပုံကတော့ ရတာတဲ့ ဖိုင်တွေထဲက နှစ်သက်ရာ မိမိအသုံးပြုချင်တဲ့ Connector တစ်ခုကို double-click ပေးလိုက်ယုံပါပဲ။ အဲလိုပေးလိုက်ရင် အောက်မှာပြထားတဲ့ Confirmation box တစ်ခုတက်လာပါလိမ့်မယ်။ Add ကို ပေးလိုက်ပါ။

ဒါကတော့ ကျွန်တော်စုထားတဲ့ Connectors 29 ခု ပုံပါ။ တော်တော်များများ အသုံးဝင်မယ် ထင်ပါတယ်။ လိုက်စုထားရင်းနဲ့ တင်ပေးလိုက်တော့ ၃၆ ခု ဖြစ်နေပါပြီ။

အားလုံးပြီးသွားပြီ ဆိုရင် Web ပေါ်မှာ ရှာဖို့ အသင့်ဖြစ်ပါပြီ။ Web pages တွေကို Explorer ထဲကနေ စတင်ရှာဖွေဖို့ အတွက် Start button ကိုနှိပ်ပြီး Search bar မှာ Searches လို့ ရိုက်ပြီး Enter ကို နှိပ်ပါ။ Box တစ်ခု တက်လာပြီး အဲ့ထဲမှာ ကိုယ် add ထားတဲ့ connector တွေတွေ့ပါလိမ့်မယ်။ ဥပမာ - Google ကို သုံးပြီး web pages ရှာချင်တာ ဆိုရင် Google Search ဆိုတာကို နှိပ်ပါ။ တကယ်လို့ Youtube မှာ သီချင်းတွေ ဘာတွေ ရှာချင်တာဆို Youtube ဆိုတဲ့ connector ကိုနှိပ်ပါ။ ပြီးရင် ညာဘက် အပေါ်ထောင့်နားက Search box မှာ ကိုယ်ရှာချင်တဲ့ အကြောင်းအရာကို Windows Explorer ထဲကနေ စတင်ရှာဖွေလို့ ရပါပြီ။ စသဖြင့် ကိုယ့် add ထားတဲ့ အပေါ်မူတည်ပြီး ကိုယ်ရှာချင်တာကို စတင်ရှာဖွေလို့ ရပါတယ်။ ဒီအောက်က ပုံက ကျွန်တော် Taylor Swift ရဲ့ You belong with me သီချင်းကို Youtube Connector သုံးပြီး ရှာပြထားတာပါ။ ရှာလို့ ရတာတွေကို ဖွင့်ဖို့ အတွက်ကတော့ Drag and Drop လုပ်ပြီး Shortcut တွေကို Desktop ပေါ်ကို ဆွဲထုတ်ပါ ပြီးရင် Double click ပေးပြီး ဖွင့်ပါ။ ဒါမှမဟုတ် Right click ထောက်ပြီး Create Shortcut ဆိုရင်လည်း Desktop ပေါ်မှာ အဲ့ဒီ့ URL တည်နေရာကို ဖွင့်ကြည့်ဖို့ Shortcut ရပါလိမ့်မယ်။

Search Connectors Download Here !!

( ၂ ) Connectors များအား မိမိကိုယ်တိုင် ဖန်တီးယူခြင်း

ဒါကတော့ လက်တည့်စမ်းချင်သူတွေ အတွက်ပါ။ ပထမအဆင့် အနေနဲ့ Notepad တစ်ခုဖွင့်ပြီး အောက်မှာ ပေးထားတဲ့ Code ကို Copy > Paste လုပ်ပါ။

<?xml version="1.0" encoding="UTF-8"?> <OpenSearchDescription xmlns="http://a9.com/-/spec/opensearch/1.1/" xmlns:ms-ose="http://schemas.microsoft.com/opensearchext/2009/"> <ShortName>99sanay</ShortName> <Description>OpenSearch 99sanay via Live Search using Windows 7 Federated Search</Description> <Url type="application/rss+xml" template="http://api.bing.com/rss.aspx?source=web&amp;query={searchTerms} site:99sanay.com&amp;web.count=50"/> <Url type="text/html" template="http://www.bing.com/search?q={searchTerms}+site:99sanay.com"/> </OpenSearchDescription>

ဒုတိယအဆင့် အနေနဲ့ ခုနက Paste လုပ်ထားတဲ့ စာထဲမှာ ပါလာတဲ့ အနီရောင်နဲ့ ဖော်ပြထားတဲ့ နေရာတွေမှာ စာတြွေပင်ပေးရပါမယ်။ 99sanay နေရာမှာ ကိုယ်ရှာချင်တဲ့ ဆိုဒ်ရဲ့ name အတိုကောက် တစ်ခုခု .. OpenSearch 99sanay via Live Search using Windows 7 Federated Search နေရာမှာ အဲ့ဆိုဒ်အတွက် မိမိစိတ်ထဲရှိရာ ဖော်ပြချက် တစ်ခုခု .. 99sanay.com နေရာမှာ မိမိ Connect လုပ်ချင်တဲ့ ဆိုဒ်ရဲ့ URL စတာတွေကို ပြောင်းလဲ ဖြည့်သွင်းပေးရပါမယ်။ သိထားဖို့ တစ်ခုကနေ ဒီ လုပ်ငန်းစဉ်က ထွက်လာမယ့် Results တွေ အားလုံးဟာ Basic Search သီးသန့်အတွက်သာ အသုံးတည့်ပါလိမ့်မယ်။ မိမိလိုချင်တဲ့ အကြောင်းအရာကို ရှာဖွေတဲ့ နေရာမှာ ထင်သလောက်ကြီးတော့  Accuracy  ကောင်းမှာ မဟုတ်သလို Sites တိုင်းအတွက်လည်း Connectors အဖြစ် လုပ်ဆောင်လို့ ရမှာ မဟုတ်ပါဘူး။ အားလုံးပြီးသွားရင် ပြင်ဆင်ထားတဲ့ ဖိုင်ကို save ဖို့အတွက် File > Save as ကို နှိပ်ပြီး File name နေရာမှာ .osdx နဲ့ အဆုံးသတ်မယ့် File name တစ်ခု ပေးပါ။ Save as type နေရာမှာ All Files ကိုရွေးပေးပါ။ Encoding နေရာမှာ UTF-8 ကိုရွေးပေးပါ။ ဒီအောက်က ပုံလိုပေါ့။

အားလုံးပြီးသွားရင်တော့ ကိုယ်တိုင်ဖန်တီးထားတဲ့ Connector အသစ်တစ်ခုကို စမ်းသပ်ကြည့်လို့ ရပါပြီ။

Enable GodMode - ( Level - 1 )

Windows 7 မှာ GodMode ရှိနေတာ တော်တော်အ့ံသြဖို့ ကောင်းပါတယ်။ သူက တစ်ခြားတော့ မဟုတ်ပါဘူး။ Control Panel ထဲမှာ ရှိနေတဲ့ Options အားလုံး Page တစ်ခုတည်း အဖြစ်နဲ့ ဖော်ပြဖို့ ဖန်တီးတဲ့ ပြောင်းလဲမှု တစ်ခုပါ။ Screen တွေ တစ်ခုပြီး တစ်ခုပြောင်းပြီး Control Panel ထဲမှာ ကိုယ်လိုချင်တာ ချင်တာ ရှာတွေ့ဖို့ အဆင့်ဆင့် သွားနေရတဲ့ ဖြစ်ရပ်ကနေ တစ်နေရာတည်းကနေ အကုန်လုံး မိမိစိတ်ကြိုက် ပြင်ဆင်လို့ ရပါပြီ။

GodMode ဖန်တီးဖို့ ဘာမှ မခက်ခဲပါဘူး။ ကြိုက်တဲ့နေရာ တစ်ခုမှာ New Folder တစ်ခု ဖန်တီးပြီး Rename ကို ဒီ စာသားထည့်ပေးလိုက်မှာ။

GodMode.{ED7BA470-8E54-465E-825C-99712043E01C}

ဒါဆို နဂိုဖိုဒါပုံကနေ ခုလိုပုံပြောင်းသွားပါလိမ့်မယ်။ စမ်းသပ်ကြည့်ကြပါဦး။

Quick Launch Toolbar - ( Level - 2 )

Quick Launch Toolbar ဆိုတာ အားလုံးသိကြတဲ့ အတိုင်း Start ရဲ့ ညာဘက်ဘေးနားလေးမှာ ကိုယ်သုံးလေ့ရှိတဲ့ Programs တွေကို အလွယ်တကူ access လုပ်လို့ ရအောင် icons လေးတွေ ထည့်သွင်းထားနိုင်တဲ့ နေရာကို ဆိုတာပါ။ ဒါပေမယ့် Windows 7 မှာ Superbar လို့ ပြောကြတဲ့ စွမ်းဆောင်ရည်မြင့် Taskbar တစ်ခုကြောင့် Quick Launch Toolbar ရဲ့ ရှင်သန်မှု ကို ရပ်တန့်ပစ်ခဲ့ပါတယ်။ သူ ပါဝင်မလာတော့ပါဘူး။ အခုကျွန်တော်တို့ သုံးနေကြတဲ့ Superbar က Quick Launch Toolbar ထက် အဆတစ်ထောင်မက အသုံးဝင်တယ် ဆိုတာ သေချာပေမယ့် ဒီ Quick Launch Toolbar လေးကိုလည်း သာမန်အလှည့်အပြောင်း တစ်ခု ဖန်တီးပြီး အလွမ်းပြေ ပြန်သုံးကြည့်လို့ ရတယ်ဆိုတာ သိထားဖို့ သင့်တယ်မလား။

ကျွန်တော်တို့ Quick Launch Toolbar ကိုပြန် အသက်သွင်းဖို့ အောက်ဖော်ပြပါ နည်းတွေ အတိုင်း လုပ်ဆောင်ပါ့မယ်။

• Taskbar ပေါ်က လွတ်တဲ့နေရာ တစ်ခုမှာ Rightclick ထောက်ပြီး Toolbars > New Toolbar ကို သွားပါ့မယ်။ ( ဒီနေရာမှာ တစ်ခုရှိတာက ခုအဆင့်ကို မလုပ်ဆောင်ခင် Folder Options ကနေ ဝင်ပြီး Hide ထားတဲ့ Folder တွေကို အရင်ဖော်ထားဖို့ လိုပါတယ်။ ဒီဖော်တဲ့နည်းကတော့ အတော်များများ သိလို့ မပြောခဲ့တော့ပါဘူး။ )
  
• နောက် users > account name > AppData > Roaming > Microsoft > Internet Explorer > Quick Launch ကို သွားပြီး အဲ့ဖိုဒါကို Select လုပ်ပြီးရင် Select Folder ကိုနှိပ်လိုက်ပါ။
• ဒါဆို ကျွန်တော်တို့ရဲ့ ပျောက်နေတဲ့ Quick Launch Toolbar ပြန်ရပါပြီ။

Change Logon Background - ( Level - 3 )

• Registry Editor ကို ဖွင့်ပါ။ ( Start menu > run ကနေလည်း regedit လို့ ရိုက်လို့ ရပါတယ်။ ) 
• HKLM > Software > Microsoft > Windows > CurrentVersion > Authentication > LogonUI > Background ကို တစ်ဆင့်ချင်း သွားပါ။
• OEMBackground ကို Right-click ထောက်ပြီး Modify ကိုဆက်ဝင်ပါ။ Value Data ကို 0 ကနေ 1 ကို ပြောင်းပေးပါ။
• C:\Windows\System32\oobe\info\backgrounds ဒါမှမဟုတ် C:\Windows\System32\oobe ကို သွားပါ။ အဲဒီကိုရောက်ရင် background.bmp ဆိုတဲ့ image ကို တွေ့ပါလိမ့်မယ်။ သူ့နေရာမှာ ကိုယ်ထည့်ချင်တဲ့ တစ်ခြား background တစ်ခု ပြောင်းထည့်ပါ။
  
• Logon Screen ကို တစ်ခုတည်းမက ၂ ခု ၃ ၄ ၅ ခုပြောင်းလဲချင်သူတွေ အတွက်တော့ ဒီ့ထက်ပို အဆင်ပြေမယ့် နည်းရှိပါသေးတယ်။ အဲတာကတော့ အောက်က Windows 7 Logon Background Changer ကို ဒေါင်းလုပ်ချပြီး သုံးလိုက်ပါ။ အသုံးပြုပုံကတော့ LogonScreenRotator.exe ကို double-click ပေးပြီး Choose image တွေကနေ တစ်ဆင့် ကိုယ်ထည့်ချင်တဲ့ ပုံထည့်ပေးဖို့ပါပဲ။ တစ်ခုရှိတာက ကိုယ့် desktop resolution ပေါ်မူတည်ပြီး မကြီးလွန်း မသေးလွန်း အံကိုက် ဖြစ်လောက်မယ့် ပုံမျိုးကို ထည့်ပေးပါ။ မဟုတ်ရင် မတော်တရော်ဖြစ်နေပါလိမ့်မယ်။
  

Windows 7 Logon Screen Rotator Download Here !!

Windows 7 wallpapers Download Here !!

Ultimate Windows 7 Tweaker

နောက်ဆုံး မိတ်ဆက်ပေးချင်တာကတော့ Ultimate Windows 7 Tweaker ပါ။ သူကတော့ နာမည်နဲ့ လိုက်အောင် ကိုယ် install လုပ်ထားတဲ့ Windows 7 ကို အလွယ်ကူဆုံးနဲ့ အဆင်ပြေဆုံးဖြစ်အောင် ပြုပြင်ပြောင်းလဲမှုတွေ လုပ်ဆောင်ပေးနိုင်ပါတယ်။ တကယ်လို့ ကိုယ်သုံးနေတဲ့ ဝင်းဒိုးကို ကောင်းသထက်ကောင်းအောင် ပြင်ဆင်ရင်းနဲ့ အပြင်မတတ်လို့ စက်ပျက်တာမျိုး မဖြစ်စေချင်ဘူး ဆိုရင်တော့ ဒီကောင်လေးကို စမ်းကြည့်ကြဖို့ တိုက်တွန်းလိုက်ရင်း နိဂုံးချုပ်လိုက်ပါတယ်။

Ultimate Windows 7 Tweaker Download Here !!

KznT.

Creating The Own CustomToolbar

ကျွန်တော် မေးခွန်း ( ၂ ) ခုလောက်မေးကြည့်ချင်ပါတယ်။
မိသားစုဝင်တွေဆီမှာ Website ဒါမှမဟုတ် Blog တစ်ခုခုများ ကိုယ်စီရှိကြပါသလား ??
တကယ်လို့ ကိုယ်စီ ကိုယ်စီ Website ဒါမှမဟုတ် ကိုယ်ပိုင် Blog တစ်ခုစီ ရှိနေကြတယ် ဆိုရင် ကိုယ့်  Site ကို အမြဲလာရောက် အားပေးဖတ်ရှုနေတဲ့ စာဖတ်သူတွေနဲ့ စာရေးသူ ကျွန်တော်တို့တွေရဲ့ ကြားမှာ အမြဲနီးကပ်နွေးထွေးမှု ထာဝရရှိမနေစေချင်ဘူးလား ??



စာဖတ်သူနဲ့ စာရေးသူကြား အမြဲ ထာဝရ ထိတွေ့ဆက်စပ်နေစေဖို့ ကျွန်တော်တို့ ဆိုဒ်တွေကို သန်းပေါင်းများစွာသော ဆိုဒ်တွေရဲ့ ကြားထဲက အခြားဆိုဒ်တွေနဲက မတူပဲ အမြဲမှတ်မှတ်ရရ လာရောက် လည်ပတ်ထိတွေ့ နေစေဖို့ ကျွန်တော်တို့တွေ RSS feed တွေ ထားကြတယ်။ နောက်ပြီး Twitter လို Facebook လို နောက်ပြီး တစ်ခြားတစ်ခြား ဖန်တီးမှုတွေ အများကြီး လုပ်ပြီး ကျွန်တော်တို့ နဲ့ စာဖတ်သူရဲ့ ကြားမှာ ကွာဟသွားမှု မရှိအောင် နည်းအမျိုးမျိုးနဲ့ ကျွန်တော်တို့ ဖန်တီးနေကြတယ်။ အခု ဒါတွေ မလိုတော့ပါဘူး။ ကျွန်တော်တို့ ဆိုဒ်အတွက် အခုလို Toolbar တစ်ခု ရှိနေပြီဆိုရင် သူတို့ ကျွန်တော်တို့ကို အမြဲ အမှတ်တရ ရှိနေတော့မှာပေါ့။

သိပ်အံ့သြဖို့ ကောင်းတဲ့ ဖန်တီးမှုတွေနဲ့ အသုံးဝင်လွန်းလှတဲ့ မိမိစိတ်ကြိုက် Toolbar အသစ်တစ်ခု ဖန်တီးဖို့ Conduit ရှိနေပါပြီ။

Conduit

Conduit မှာ Registered လုပ်ပြီးပြီ ဆိုတာနဲ့ ကျွန်တော်တို့ ရဲ့ Website တွေ Blog တွေအတွက် ( တကယ်လို့ Website တွေ Blog တွေ မရှိရင်လည်း မိမိ သဘောကျတဲ့ Sites တွေဆီ အလွယ်တကူ လည်ပတ်သွားရောက်လို့ ရစေမယ့် ) Toolbar တစ်ခုကို စိတ်ကြိုက် စတင်ဖန်တီးနိုင်ပါပြီ။ ဒီ Toolbar နဲ့ တူတူ ကျွန်တော်တို့ ဆိုဒ်တွေ ဘလော့တွေ အတွက် RSS feed တွေ နောက်ပြီး Online Radio ၊ Search Box ၊ Email notifier ၊ အစရှိတဲ့ လိုအပ်ချက်အားလုံး အလွယ်တကူ ဖြည့်သွင်း ပုံဖောင်သွားနိုင်မှာ ဖြစ်ပါတယ်။ နောက်ထပ် နောက်ထပ် လိုအပ်လာနိုင်ဦးမယ့် တစ်ခြား Buttons တွေ ( ဥပမာ - Weather .. စသဖြင့် ) ကိုလည်း Toolbar မှာလိုအပ်သလို ထပ်မံ ဖြည့်သွင်းပြီး ကိုယ့်ရဲ့ စာဖတ်သူတွေကို သူတို့ရဲ့ Browser မှာ အမြဲ အမှတ်တရ ထည့်သွင်းသွားချင်အောင် ဆွဲဆောင်နိုင်ပါပြီ။

ဘာကြောင့် Conduit ကို ရွေးချယ်ရပါသလဲ ??

ဒီမေးခွန်းက မေးသင့်ပါတယ်။ ပုံမှန်အားဖြင့်တော့ သိပ်ပြီး ကြီးကျယ် လူသိများတဲ့ ဆိုဒ်တွေလောက်ပဲ ( ဥပမာ - Google, Yahoo, .. စသဖြင့် ) သူတို့ရဲ့ ဆိုဒ်တွေအတွက် လူသိများ ထင်ရှားစေဖို့ ဆိုဒ်ကိုယ်စားပြု Toolbars တွေကို ဖန်တီးနိုင်ကြတာပါ။ သာမာန်သန်းပေါင်းမြောက်များစွာသော ဆိုဒ်တွေရဲ့ ကြားက လူသိနည်းသေးတဲ့ ဆိုဒ်တွေကတော့ နည်းပညာ အခက်အခဲ ၊ လျော့ပါးတဲ့ အတွေ့အကြုံတွေကြောင့် ကိုယ့် ကိုယ်ပိုင် ဆိုဒ် အတွက် Toolbar တစ်ခုကို တော်ယုံ မဖန်တီးနိုင်ခဲ့ကြပါဘူး။ Conduit က ခုလို ခက်ခဲနေသူ အားလုံးအတွက် ပြဿနာရပ်ကို ဖြေရှင်းပေးခဲ့ပါတယ်။ ကျွန်တော်တို့အတွက် ကိုယ်ပိုင် စိတ်ကြိုက် Toolbar တစ်ခု ဖန်တီးဖို့ ကျွန်တော်တို့မှာ နည်းပညာမလိုဘူး .. အတွေ့အကြုံမလိုဘူး .. ဘယ်အကြောင်းအရာကိုမှ ကြီးကြီးကျယ်ကျယ် တတ်ကျွမ်းနားလည် ထားစရာ မလိုဘူး .. Conduit ရဲ့ Tools တွေကို အသုံးပြုပြီး ကိုယ်ဖြည့်သွင်းချင်တဲ့ အရာတွေကို Drag and  Drop ၊ Copy ans Paste လုပ်ဆောင်သွားယုံပါပဲ။ Toolbar တစ်ခု ဖန်တီးဖို့ မိနစ်ပိုင်းပဲ ကြာမြင့်မှာပါ။ ကဲ မလွယ်ဘူးလားဗျာ။

ကျွန်တော်တို့ အတွက် လိုအပ်နေတဲ့ Toolbar ကို တစ်ကြိမ်ဖန်တီးလိုက်ပြီးတာနဲ့ Conduit Network အတွင်းမှာ ရှိနေတဲ့ User ၂ သိန်းကျော်လောက်ဆီလည်း ဖြန့်ဝေပြီးသား ဖြစ်သွားမှာ မို့လို့ ကိုယ့်ရဲ့ ဆိုဒ်ကို လာရောက်လည်ပတ်သူတွေ ဆိုတာလည်း မလွဲမသွေ တိုးပွားလာမှာ ဖြစ်ပါတယ်။

ပိုသာသော ပံ့ပိုးမှုများဖြင့် Conduit

• ဒီ Toolbar က ပုံသေကားချပ်ကြီး တစ်ခုလို မဟုတ်ပါဘူး .. မိမိစိတ်ကြိုက် ဖြည့်သွင်းချင်တဲ့ အရာတွေ ထပ်မံ ဖြည့်သွင်းလို့ ရပါသေးတယ်။ သောင်းနဲ့ ချီတဲ့ Gadgets တွေ ဒီ Toolbar နဲ့ တူတူ ထပ်မံ ဖြည့်သွင်းလို့ ရပါသေးတယ်။
• တကယ်လို့  ကိုယ်ဖန်တီးထားတဲ့ Toolbar ကို မိမိက တစ်ခုခု အချိန်းအပြောင်းလုပ်လိုက်မယ် ဆိုတာနဲ့ ကိုယ့် Toolbar ကို Install လုပ်ထားသူ တစ်ခြား User တွေမှာလည်း မိမိ ဖန်တီးထားချက် အတိုင်း Auto ပြောင်းလဲ ပြင်ဆင်မှု ပြုလုပ်ပေးသွားမှာ ဖြစ်ပါတယ်။
• OS အားလုံးနဲ့ Compatible ဖြစ်သလို နောက်ဆုံးထုတ် Browsers တော်တော်များများနဲ့လည်း Compatible ဖြစ်ပါတယ်။

ပြောမယ်ဆိုရင်တော့ ပြောကုန်မယ် မထင်ပါဘူး။ ကျွန်တော်တောင် MyanmarFamily အတွက် တစ်ခုလုပ်လာခဲ့ပါသေးတယ်။ အပေါ်မှာလည်း ပြထားပါတယ် ဒီအောက်က ပုံမှာ ထပ်ကြည့်ပေးပါ။

ကျွန်တော်ကတော့ ကျွန်တော် အမြဲ သုံးနေတဲ့ ဆိုဒ်လေးတြွေဖစ်တဲ့ Google, Facebook, Youtube, Twitter, Blogger, Yahoo, နဲ့ Facebook Games တွေကို ဖန်တီးနေတဲ့ Zynga Games တွေကို Toolbar မှာ ဖြည့်ထားလိုက်ပါတယ်။ ကျွန်တော် လုပ်ထားတဲ့ Toolbar လေးကို သဘောကျတယ်ဆိုရင်တော့ အောက်က Link ကနေ ဒေါင်းလုပ်ချ install  လုပ်လိုက်ပါ။ အင်စတော လုပ်တဲ့ အချိန်မှာ  Free Download ဆိုတာကို နှိပ်လိုက်ရင် Firefox ရဲ့ ညာဘက်အပေါ်ထောင်းနားလေးမှာ အခုလို ပေါ်လာပါလိမ့်မယ်။

မပျက်မကွက် Allow ကို နှိပ်ပေးပါ။ ဘောက်စ် တစ်ခု တက်လာပါလိမ့်မယ်။ Install ဆိုတာကို နှိပ်လိုက်ပါ။ သူ့ဘာသာ Install လုပ်သွားပြီး Firefox ကို Restart ပြန်ပေးလိုက်တာနဲ့ ကျွန်တော် ဟိုးအပေါ်ဆုံးမှာ ပြထားသလို စတင်မြင်တွေ့ရမှာ ဖြစ်ပါတယ်။ ဒါပေမယ့် ကျွန်တော် မူရင်းဖန်တီးထားတဲ့ Toolbar မှာ Zynga Games မပါပါဘူး။ သူ့ကို ထပ်ဖြည့်ချင်ရင် ညာဘက်ထောင့်နားလေးက + လေးကို နှိပ်လိုက်ပါ။ အဲတာဆို ဆိုဒ်တစ်ခု ဆီ ခေါ်သွားပါလိမ့်မယ်။ အဲ့ကနေ ဒီအောက်က ပုံနဲ့ တူတာလေးကို ရှာပြီး Add ကို နှိပ်လိုက်ပါ။

ဒါဆို Zynga Games ကို Toolbar မှာ ထည့်သွင်းပြီးသား ဖြစ်သွားပါပြီ။ တစ်ခြား ဖြည့်သွင်းချင်တာတွေကိုလည်း အဲ့ကနေ ဖြည့်သွင်းလို့ ရပါသေးတယ်။

ဆိုဒ်ရှိရာဆီသွားပြီး ဒေါင်းလုပ်ချချင်မယ် ဆိုရင်တော့ ဒီအောက်က Link ကနေ သွားပါ။

Download !!

စက်ထဲမှာ တစ်ခါတည်း သိမ်းထားပြီး နောင်အသုံးလိုတိုင်း သုံးချင်မယ် ဆိုရင်တော့ ဒီအောက်က Link ကနေ ဒေါင်းလုပ်ချပါ။

Download Here !!

မိမိကိုယ်ပိုင် Toolbar အသစ်တစ်ခု ဖန်တီးချင်မယ် ဆိုရင်တော့ ဒီအောက်က Link ကနေသွားပါ။

Register Here !!

အားလုံး ကိုယ်ပိုင် Toolbar တစ်ခုစီနဲ့ အဆင်ပြေပျော်ရွှင်ကြပါစေ။

KznT.

All about PDF

Adobe PDF ဆိုတာ အသုံးပြုရလွယ်ကူ ၊ သယ်ဆောင်ဝေဌရ လွယ်ကူတဲ့ အကောင်းဆုံး Format တစ်ခုလို့ ပြောလို့ ရပါတယ်။ ဘာလို့လည်းဆိုတော့ သူတို့တွေက ကျစ်လစ်သိပ်သည်းတယ် ၊ သူ့ရဲ့ Format က လုံခြုံတယ် နောက်ပြီး ကွန်ပြူတာ တော်တော်များများ ၊ Mdbile Devices တွေနဲ့ E-Books Reader တွေကတောင် အလွယ်တကူ ကိုင်တွယ် အသုံးပြုနိုင်တယ်။ ဒီစွမ်းဆောင်ရည်တွေ ကြောင့်ပါပဲ။

ကျွန်တော်ဒီနေရာကနေပြီး Adobe Acrobat ကို လက်ဝယ်မှာ မထားရှိပဲ တစ်နည်းအားဖြင့် ဆိုရရင် Adobe Acrobat ကို မသုံးပဲ PDF documents တွေနဲ့ ဘယ်လို အသုံးပြုလုပ်ဆောင်နိုင်သလဲ ဆိုတာ အမေးအဖြေ သဘောမျိုးနဲ့ ပြောပြသွားပါမယ်။ အခုဆိုရင် Adobe Acrobat ကျွန်တော်တို့မှာ မရှိပါဘူး ဒီလိုပဲ ယူဆကြရအောင် .. ဒါပေမယ့် ကျွန်တော်တို့ PDF files တွေကို ပြင်ဆင်နိုင်မယ်၊ ဖိုင် ( ၂ ) ခုကို တစ်ခုတည်းအဖြစ် ပေါင်းစည်းနိုင်မယ်၊ PDF စာမျက်နှာတွေမှာ ကျွန်တော်တို့ရဲ့ Signature images တွေထည့်နိုင်မယ်၊ နောက်ပြီး PDF forms တွေကို Online မှာ ဖြည့်နိုင်မယ်၊ PDF documents တွေထဲမှာ ကလစ်ပေးလို့ရတဲ့ hyperlinks တွေထည့်နိုင်မယ် နောက်ထပ်နောက်ထပ် အများကြီးတွေလည်း လုပ်ဆောင်နိုင်ဦးမယ်။

Adobe PDF လမ်းညွှန်နှင့် လုပ်ဆောင်ပုံများ

မေးခွန်း ( ၁ ) - ပထမဆုံး ကျွန်တော်မေးချင်တာကတော့ - ကျွန်တော်တို့ရဲ့ ကွန်ပြူတာမှာ Adobe acrobat မရှိပဲ PDF documents တွေ ဘယ်လို ဖန်တီးနိုင်မလဲ။

အဖြေ - ဟုတ်ကဲ့ - ဒါကလွယ်ပါတယ်။ DoPDF ကို ရယူပါ။ DoPDF က Acrobat လိုပဲ သင့်ရဲ့ ကွန်ပြူတာထဲကို Virtual Printer တစ်ခု install လုပ်ပေးပြီး အဲကနေမှ တစ်ဆင့် Windows Applications တွေမှာ ပါဝင်တဲ့ ဓာတ်ပုံတွေ၊ Documents တွေ၊ စာတွေ၊ Websites တွေကအစ အကုန် PDF files တွေအဖြစ် print ထုတ်ပေးပါလိမ့်မယ်။

မေးခွန်း ( ၂ ) - ကျွန်တော်တော့ Documents ကနေ PDF files လေးပြောင်းဖို့ အတွက်နဲ့ စက်မှာ အဲလို ရှုပ်တီးရှုပ်ရှက် ဆော့ဖ်ဝဲလ်တွေ မတင်ချင်ပါဘူး။ တစ်ခြား ခင်ဗျားသိမယ့် နည်းလေးများ မရှိတော့ဘူးလား။

အဖြေ - ဟုတ်ကဲ့ - ရှိပါတယ်။ PDF files အဖြစ်ပြောင်းလဲချင်တဲ့ သင့်ရဲ့ Documents တွေကို Google Docs ရှိရာဆီ Browser ကနေ တစ်ဆင့် Upload တင်လိုက်ပါ။ နောက်ပြီး အဲ့ကနေပဲ PDF files အဖြစ်ပြန်ပြီး export လုပ်လိုက်ပါ။ သိပ်လွယ်ပါတယ်။

မေးခွန်း ( ၃ ) - ဟိုတစ်လောက ကျွန်တော့်ဆီကို email ကနေပြီး Powerpoint presentation တစ်ခုရောက်လာတယ်။ ဒါပေမယ့် အဲ့အချိန်တုန်းက ကျွန်တော် ခရီးသွားနေတာဗျ။ Laptop ကလည်း ပါမသွားဘူး။ ကျွန်တော့်မှာရှိတဲ့ Mobile phone ကလည်း PPT files တွေကို ဖတ်လို့ မရဘူး။ အဲတာကျတော့ ဘယ်လိုလုပ်မလဲ။

အဖြေ - ဟုတ်ကဲ့ - ဒါလည်း မခက်ပါဘူး။ သင့်ဆီကို ရောက်လာတဲ့ PPT ဖိုင်တွဲထားပြီးသား email message ကို pdf@koolwire.com ဆီ forward လုပ်လိုက်ပါ။ သူတို့တွေကနေ သင်ပို့လိုက်တဲ့ presentation ကို PDF files အဖြစ် ပြောင်းလဲပေးပြီး သင့်ဆီကို Email ချက်ချင်း ပြန်ပို့ပေးပါလိမ့်မယ်။ Smartphones တော်တော်များများနဲ့ Web သုံးလို့ရတဲ့ mobiles phones တော်တော်များများ ကတော့ PDF files တွေကို ဖတ်နိုင်ကြပါတယ်။

မေးခွန်း ( ၄ ) - ကျွန်တော်သိမ်းထားချင်တဲ့ Web page တစ်ခုကို HTML files တစ်ခုအနေနဲ့ အရင် မသိမ်းပဲနဲ့ တိုက်ရိုက် web page ကနေ PDF files အဖြစ် ပြောင်းပြီး သိမ်းပေးနိုင်တဲ့ software မျိုးများ မရှိဘူးလား။

အဖြေ - ဟုတ်ကဲ့ - ဒါလည်းရပါတယ်။ PrimoPDF ကို သွားကြည့်ပါ။ အဲ့ကို သွားရင် ကိုယ် PDF ပြောင်းချင်တဲ့ web page ရဲ့ စာမျက်နှာကို မှတ်သွားပြီး URL နေရာမှာ ရိုက်ထည့်ပေးလိုက်ပါ။ နောက်ပြီး ကိုယ့် email ကို ပေးခဲ့ပါ။ သူက ကိုယ့်ဆီ PDF ပြောင်းပြီးသား ကိုယ်လိုချင်တဲ့ web page ကို ပြန်ပို့ပေးပါလိမ့်မယ်။

မေးခွန်း ( ၅ ) - ကျွန်တော်က ကျွန်တော့်မှာ ရှိနေတဲ့ PDF files တွေကို တစ်ခြား word documents လိုမျိုး ၊ Images လိုမျိုး ၊ HTML web page လိုမျိုး ပြောင်းလို့ ရချင်သေးတာဗျ။

ဖြေ - ဟုတ်ကဲ့ - ဒါလည်း ဖြစ်နိုင်ပါတယ်။ သင့်မှာ ရှိနေတဲ့ PDF documents တွေကို Zamzarဆီ Upload တင်ပြီး သင်ကြိုက်နှစ်သက်ရာ ( doc, html, png, txt ဒါမှမဟုတ် rtf ( rich text format )) တစ်ခုဆီ ပြောင်းလဲနိုင်ပါတယ်။ သူ့လိုမျိုးပဲ Gmailကို သုံးပြီး PDF ကနေ HTML ကိုလည်း ပြောင်းလဲလို့ ရပါသေးတယ်။

မေးခွန်း ( ၆ ) - နောက်ထပ်သိချင်သေးတာက ကျွန်တော့်မှာ ရှိနေတဲ့ Formats အမျိုးမျိုးနဲ့ ဖိုင်တွေကို PDF package တစ်ခုတည်း အဖြစ်နဲ့ ဘယ်လိုပေါင်းစည်းလို့ ရမလဲ ဆိုတာ။

အဖြေ - ဟုတ်ကဲ့ - နည်းလမ်းရှိပါတယ်။ Loop PDF ကို စမ်းသပ်ကြည့်ပါ။ သူက Free service ပါ။ Free ဆိုလို့ အထင်မသေးပါနဲ့။ သူ့ကိုသုံးပြီး multiple documents တွေ၊ ဓာတ်ပုံတွေ၊ နောက်ပြီး web pages တွေကိုတောင်မှ PDF file တစ်ခုတည်းအဖြစ် ပေါင်းစည်းနိုင်ပါလိမ့်မယ်။

မေးခွန်း ( ရ ) - ကျွန်တော့်မှာ ရှိနေတဲ့ တစ်ခုတည်း မကဖြစ်နေတဲ့ PDF files တွေကိုရော ဖိုင်တစ်ခုတည်း အဖြစ်ပြန်ပေါင်းလို့ ရနိုင်မလားဗျာ။ နောက်ပြီး အဲလိုပေါင်းလို့ ရပြီပဲ ထားဦး Page no တွေက အစဉ်လိုက်ဖြစ်မှာ မဟုတ်တော့ဘူးလေ။ အဲ့တော့ ကျွန်တော်က စာမျက်နှာနံပါတ် တွေကိုလည်း တစ်ခါတည်း အစဉ်လိုက် ပြန်စဉ်ချင်တယ်ဗျ။ အဲတာ ဖြစ်နိုင်မလား။

အဖြေ - ဟုတ်ကဲ့ - အဆင်ပြေအောင် ဆောင်ရွက်ပေးပါ့မယ်။ PDF Fill ကိုသွားလိုက်ပါ။ သူက စွမ်းဆောင်ရည် အမျိုးမျိုးပါတဲ့ PDF editing tool တစ်ခုပါ။ သူ့ကိုသုံးပြီး သင့်ကွန်ပြူတာမှာ ရှိနေတဲ့ PDF ဖိုင်တွေကို ပေါင်းစည်းလို့ရမယ် နောက်ပြီး ကမောက်ကမ ဖြစ်နေတဲ့ စာမျက်နှာတွေကိုလည်း ပြန်စီနိုင်မယ်ဗျာ။ မအိုကေဘူးလား။

မေးခွန်း ( ၈ ) - အားတော့နာပါရဲ့ နောက်မေးချင်တာ ရှိသေးတယ်ဗျ။ ကျွန်တော့်မှာရှိတဲ့ PDF ဖိုင်ခဲက စာသားတစ်ချို့ကိုပဲ ကျွန်တော်က ဆွဲထုတ်ပြီး ကျွန်တော့် word documents မှာ သုံးချင်တာဗျာ။ ဘယ်လိုလုပ်ရင် ကောင်းမလဲ။

အဖြေ - ဟုတ်ကဲ့ - အဖြေကတော့ အဆင်သင့်ရှိပါတယ်။ PDFTextOnlineကိုသွားပြီး သင့်ရဲ့ PDF ကို Upload တင်ပေးလိုက်ပါ။ သူက သင့် PDF document ထဲမှာပါတဲ့ ပထမဆုံး စာမျက်နှာ ၁၀ ခုက text တွေကို စတင်အသုံးပြုဖို့ ဖြည်ထုတ်ချပြပေးပြီး သူတတ်နိုင်မယ်ဆိုရင် PDF bookmarks တွေ၊ document properties တွေ၊ နောက်ပြီး တစ်ခြား ဒေတာတွေကို ထုတ်ပေးပါလိမ့်မယ်။

မေးခွန်း ( ၉ ) - ကျွန်တော့်မှာ ရှိတာက PDF files ကိုမှ Scanned ဖတ်ထားတာကြီးဗျ။ ခင်ဗျား အပေါ်မှာ ပြောတဲ့နည်းနဲ့က အဆင်မပြေဘူး။

အဖြေ - ဟုတ်ကဲ့ - ဒီလိုဆိုရင်တော့ Scanned ဖတ်ထားတဲ့ PDF files ထဲက စာကို ထုတ်ဖို့ကတော့ OCR software တွေကို သုံးဖို့ အကြံပေးချင်ပါတယ်။ ABBYY FineReaderSimpleOCRScribd ipaperEvernote အစရှိတဲ့ OCR software တွေက စွမ်းဆောင်ပေးနိုင်ပါလိမ့်မယ်။ ဒီအကြောင်းအရာက ချက်ချင်း အဆင်ပြေစေမယ့် နည်းလမ်းတော့ မဟုတ်ပါဘူး။ ကျွန်တော် ဒီအကြောင်းအရာကို နောက် အချိန်ရရင် အကျယ်ပြောပြပေးပါဦးမယ်။

မေးခွန်း ( ၁၀ ) - ကျွန်တော့်မှာဗျာ - အကုန်လုံး ဟိုဟာလုပ်မရ ဒီဟာလုပ်မရ ၊ ဟိုပိတ်ဒီပိတ် လိုက်ပိတ်ထားတဲ့ တော်တော်စိတ်ပျက်ဖို့ ကောင်းတဲ့ PDF documents တွေ ကွန်ပြူတာထဲမှာ ရှိတယ်ဗျ။ အဲကောင်တွေက ကျွန်တော့်ကို Print လည်းထုတ်ခွင့်မပေးဘူး၊ ယုတ်စွအဆုံး အထဲက စာလေးတောင် ကူးခွင့်မပေးဘူးဗျာ။ အဲတာ ဘယ်လိုလုပ်ရမလဲ။

အဖြေ - ဟုတ်ကဲ့ - သိပ်စိတ်မညစ်ပါနဲ့ဗျာ။ PDF Unlockerဆိုတာ ရှိပါတယ်။ သူက Free Windows Utility ပါ။ သူ့ကိုသုံးပြီး PDF files တွေထဲက ဘာမလုပ်ရ ညာမလုပ်ရနဲ့ ပိတ်ထားသမျှ တားမြစ်ချက်တွေကို ဖျက်ထုတ်ပစ်နိုင်တယ်။ နောက်ပြီး passwords တွေကိုလည်း ဖယ်ထုတ်ပစ်နိုင်တယ်။ နောက်တစ်ခု သူ့လိုမျိုးပဲ စွမ်းဆောင်ရည်ရှိတဲ့ ensode.net ဆိုတဲ့ Online service ကနေလည်း ခုနက ပြောတဲ့ Copy မကူးရ၊ Paste မလုပ်ရ ဆိုပြီး ကန့်သတ်ထားတဲ့ PDF files တွေကို ပြင်ဆင်ပစ်လို့ ရပါသေးတယ်။

မေးခွန်းနံပါတ် ( ၁၁ ) - ကျွန်တော်က ကျွန်တော့် Site မှာရှိတဲ့ ကျွန်တော်ရေးထားတဲ့ အကြောင်းအရာတွေကို ကျွန်တော့် စာဖတ်သူတွေအတွက် အလွယ်တကူ သိမ်းဆည်းဝေမျှလို့ ရအောင် PDF files ပြောင်းပေးနိုင်တဲ့ Services မျိုးရှိနိုင်မလား ဆိုတာ သိချင်သေးတယ်ဗျ။

အဖြေ - ဟုတ်ကဲ့ - ဒါလည်း ဖြစ်နိုင်ပါတယ်။ သင့်ရဲ့ Website က သင်ကြိုက်နှစ်သက်တဲ့ နေရာမှာ Web2PDF ကို ထည့်သွင်းလိုက်ပါ။ သူကနေမှ တစ်ဆင့် သင့် Website မှာ ရှိနေတဲ့ Web စာမျက်နှာ အားလုံးကို သင်လိုချင်တဲ့ အတိုင်း PDF files အဖြစ် ပြောင်းလဲ ပေးသွားပါလိမ့်မယ်။ နောက်ပြီး သင့် site နဲ့ ပတ်သတ်ပြီး PDF ပြောင်းလဲမှုနဲ့ ပတ်သတ်တဲ့ လုပ်ဆောင်ချက် အားလုံးကိုလည်း သူက မှတ်သားပေးထားပါလိမ့်မယ်။

မေးခွန်းနံပါတ် ( ၁၂ ) - ကျွန်တော့်ကို သူငယ်ချင်းတစ်ယောက်က တရုတ်လိုတွေ ရေးထားတဲ့ ဖိုင်တစ်ခု ပို့လိုက်တယ်ဗျ .. ခက်တာက ကျွန်တော်ကလည်း အင်္ဂလိပ်လိုက လွဲပြီး မဖတ်တတ်ဘူးရယ် .. အဲတာ ဘယ်လို စီစဉ်ရမလဲ။

အဖြေ - ဟုတ်ကဲ့ - ကျွန်တော်တို့ PDF files တွေကို Translate လုပ်ဖို့ အတွက် ဆိုရင်တော့ တော်တော်များများ သိကြ တဲ့ Google Translate နဲ့ Zoho Viewer ကို သုံးပါ့မယ်။ ဒါပေမယ့် အဆင့်လိုက် လုပ်ဆောင်ပုံနဲ့ ပြောပြရင် ပိုနားလွယ်မယ် ထင်တယ်ဗျ။

ပထမအဆင့် အနေနဲ့ Zoho Viewerရှိရာဆီ သွားပြီး ကျွန်တော်တို့ ဘာသာပြန်ချင်တဲ့ files ကို Upload  တင်လိုက်ပါမယ်။ ဒီတစ်ဆင့်က ဘာသာပြန်တဲ့ အဆင့် မဟုတ်သေးပါဘူး။ ကိုယ်ဖတ်ချင်တဲ့ pdf files ကို Web pages ပုံစံနဲ့ ဖတ်လို့ ရအောင် လုပ်တဲ့ အဆင့်ပဲ ရှိပါသေးတယ်။

နောက် ဒုတိယအဆင့် အနေနဲ့ကတော့ အဲလို တင်ပြီးသွားတာနဲ့ Zoho Viewer ကနေပြီး ကျွန်တော်တို့ တင်လိုက်တဲ့ pdf files အတွက် သီးသန့် URL တစ်ခုကို ထုတ်ပေးပါလိမ့်မယ်။ ကျွန်တော်တို့က အဲဒီ့ URL ကို မှတ်လာပြီး Google Translate ကို သွားပါမယ်။ အဲကိုရောက်တော့ ရင် ကိုယ်မှတ်လာတဲ့ Web address ကို Paste လုပ်လိုက်ပြီး ကိုယ်ဘာသာပြန်ချင်တဲ့ Languages ကို ရွေးချယ်ပေး နောက် Translte button ကို နှိပ်လိုက်ယုံပါပဲ။ ဒါဆို ကိုယ့်စက်မှာ ရှိနေတဲ့ ကိုယ်နားမလည်တဲ့ ဘာသာစကားနဲ့ ရေးထားတဲ့ pdf files ကို pdf ကနေ တစ်ခါတည်း ဘာသာပြန်ပြီး ဖတ်လို့ ရပါပြီ။ Zoho Viewer က PDF အပြင် တခြား doc နောက်ပြီး xls နောက် ppt ဖိုင်တွေကိုလည်း Upload တင်ပြီး ကြည့်လို့ ရပါတယ်။ ဒီနေရာမှာ တစ်ချက်သိထားသင့် တာက တကယ်လို့ ကျွန်တော်တို့ ဘာသာပြန်ချင်တဲ့ pdf မှာ ဘာသာစကားက တစ်မျိုးထက်ပိုပြီး ပါဝင်နေမယ် ( ဆိုလိုတာ - တရုတ်လိုရော .. ဂျပန်လိုရော ပေါင်းစပ်ပါဝင်နေမယ် ) ဆိုရင် Zoho Viewer မှာ Upload တင်တာထက် Slideshare မှာ Upload တင်ပြီး ကြည့်တာ ပိုကောင်းပါလိမ့်မယ်။ ဘာလို့လည်း ဆိုတော့ Slideshare က နိုင်ငံရပ်ခြား ဘာသာစကားနဲ့ ပတ်သတ်ပြီး ကိုင်တွယ်တဲ့ နေရာမှာ Zoho Viewer ထက်ပိုပြီး သေသပ်တိကျလို့ပါပဲ။ ဒီ links နှစ်ခုကနေ Zoho Viewerနဲ့ Slideshareဘယ်လိုကွာခြားတယ် ဆိုတာ ဥပမာ အနေနဲ့ ကြည့်ကြည့်လို့ ရပါတယ်။ Slideshare ဆိုတာလည်း Zoho နဲ့ လုပ်ဆောင်ပုံချင်း ဆင်တဲ့ Site တစ်ခုပါပဲ။ နောက်တစ်ခု သိထားသင့်သေးတာက PDF documents ထဲမှာ ရှိနေတဲ့ စာတွေကို Adobe Reader ကိုသုံးပြီး ထုတ်ယူလို့ ရသေးတယ်ဆိုတာပါ။ ဒါပေမယ့် Adobe acrobat က ဘာသာစကားတိုင်းအတွက်တော့ PDF ထဲက Text တွေကို ထုတ်ယူဖို့ မဖြစ်နိုင်သေးပါဘူး။

မေးခွန်းနံပါတ် ( ၁၃ ) - ကျွန်တော့်ဆီမှာ ရှိနေတဲ့ PDF documents တွေထဲမှာ ကျွန်တော့်ဘာသာ ကျွန်တော်ရေးထားတဲ့ စာလေးတွေ မှတ်စုလေးတွေ အဲလိုမျိုးလေး ထပ်ထည့်ချင်တယ်ဗျာ .. အဲတာကရော။

အဖြေ - ဟုတ်ကဲ့ - PDF-X Viewer ဆိုတာရှိပါတယ်။ သူက Adobe Reader လိုမျိုးပါပဲ။ ဒါပေမယ့် စွမ်းဆောင်ချက်လေး တွေတော့ နဲနဲ ပိုများများပါပါတယ်။ သူ့ကိုသုံးပြီး ကျွန်တော်တို့ PDF documents တွေထဲမှာ ဓာတ်ပုံလေးတွေ ထည့်နိုင်မယ်။ ထင်မြင်ချက်လေးတွေ ဖြည့်နိုင်မယ် ရေးချင်ရာ စာလေးတွေ ရေးနိုင်မယ်။ PDF Escapeဆိုတာလည်း ရှိပါသေးတယ် သူ့ကတော့ ကိုယ့် PDF ကို Online မှာ ပြင်ဖို့အတွက် သုံးလို့ ရပါတယ်။

မေးခွန်းနံပါတ် ( ၁၄ ) – Software မသုံးပဲ ကျွန်တော့်ဆီမှာ ရှိနေတဲ့ PDF တွေကိုရော Online မှာ ဘယ်လိုဖတ်လို့ ရနိုင်မလဲ။

အဖြေ - ဟုတ်ကဲ့ - ကျွန်တော်တို့ ကွန်ပြူတာထဲက ဘာဆော့ဖ်ဝဲလ်မှ မတင်ပဲ PDF ကို ကြည့်ဖို့ အတွက်ဆိုရင်တော့ PDFMeNot ကိုသုံးပြီး Browser ကနေ တစ်ဆင့် ကြည့်လို့ ရပါတယ်။ ဒီ တစ်ခုတည်း မဟုတ်ပါဘူး။ နောက်ထပ် ကျန်ပါသေးတယ်။ ကျွန်တော် တစ်ခုချင်း ပြောပြသွားပါတယ်။

ပထမနည်း - အနေနဲ့ Gmailကို သုံးပါ။ ကိုယ်ကြည့်ချင်တဲ့ PDF ကို Email မှာ Attachment တစ်ခု အနေနဲ့ တွဲလိုက်ပါ။ ပြီးတာနဲ့ ကိုယ့် Email ကို ကိုယ်ပြန်ဖွင့်ပြီး Attachment တွဲထားတဲ့ ဘေးမှာပါတဲ့ View as HTML အဖြစ်နဲ့ ကိုယ်ကြည့်ချင်တဲ့ PDF ကို Browser ထဲမှာ ကြည့်လို့ ရပါပြီ။

ဒုတိယနည်း - အနေနဲ့ အပေါ်မှာ မိတ်ဆက်ခဲ့ပြီးသား PDF escape ကို သုံးပြီးလည်း ကြည့်လို့ရပါတယ်။ သူကတော့ PDF ကို Online ကနေပြောင်းကြည့်ယုံ တစ်ခုတည်း မဟုတ်ဘူးပေါ့ .. ဟိုဖြည့်ဒီဖြည့်ပါ ဖြည့်လို့ ရတာပေါ့။

တတိယနည်း - အနေနဲ့ အပေါ်မှာမိတ်ဆက်ခဲ့ပြီးသား SlideShareရှိရာဆီကို ကိုယ့် PDF files တွေ Upload တင်ပြီးတော့ပဲ ဖြစ်ဖြစ် ၊ ဒါမှ မဟုတ် upload@upload.slideshare.netဆီကို ကိုယ့် PDF files ကို email attachment တစ်ခု အနေနဲ့ ဖြစ်ဖြစ် ပို့ပြီးတော့ပဲ ဖြစ်ဖြစ် ကိုယ်ကြည့်ချင်တဲ့ PDF files တွေကို ကြည့်လို့ ရပါတယ်။

စတုတ္ထနည်း - အနေနဲ့ကတော့ အပေါ်မှာ ပြောခဲ့ပြီးတဲ့ Zoho Viewer ကိုသုံးပြီး ကြည့်လို့ ရပါတယ်။

ပဥ္စမနည်း - အနေနဲ့ကတော့ Samuradata ဆီမှာ Upload တင်ပြီး ကိုယ့် PDF files ကိုကြည့်လို့ ရပါတယ်။ တကယ်လို့ ကိုယ်ကြည့်ချင်တဲ့ PDF က ကိုယ့်စက်ထဲမှာ မဟုတ်ပဲ တစ်ခြားဆိုဒ် တစ်ခုမှ ရှိနေတာ ဆိုရင်လည်း သူ့တည်ရှိရာ URL ကို တိတိကျကျ ယူလာပြီး Samurajdata မှာ ထည့်သွင်းပေးရင် သူကနေတစ်ဆင့် ကိုယ့် Web browser မှာ ကိုယ်ဖတ်ချင်တဲ့ PDF ကိုပြန်ပြီး ဖော်ပြပေးပါတယ်။

မေးခွန်းနံပါတ် ( ၁၅ ) - ကျွန်တော့်စက်မှာ Acrobat Reader မရှိပဲနဲ့ PDF forms တွေကိုရော ကျွန်တော်ဖြည့်ဖို့ ဖြစ်နိုင်ပါ့မလား။

အဖြေ - ဟုတ်ကဲ့ - ဖြစ်နိုင်ပါတယ်။ PDF Filler

မေးခွန်းနံပါတ် ( ၁၆ ) - ကျွန်တော် တစ်ခါတစ်လေ PDF ထဲမှာ သူများလုပ်သလိုမျိုး ကိုယ်ပိုင်အမှတ်တံဆိပ်လေးတွေ ၊ ကျွန်တော့် လက်မှတ် အမှတ်အသားလေးတွေ ထည့်ချင်တယ်ဗျာ။
အဖြေ - ဟုတ်ကဲ့ - အဲလိုလုပ်ဆောင်ချင်တယ်ဆိုရင်တော့ အရင်ဆုံး Paint ဒါမှမဟုတ် တစ်ခြား Photo Editing Tools တစ်ခုခု သုံးပြီး ကိုယ်ထည့်သွင်းချင်တဲ့ လက်မှတ် ၊ အမှတ်တံဆိပ် ၊ အမှတ်အသားတစ်ခုကို ဖန်တီးပြီး Image အနေနဲ့ Save ထားရပါမယ်။ လက်မှတ်ဆိုရင်လည်း လက်မှတ်အသားတံဆိပ် တစ်ခုပဲပါအောင် လက်မှတ်ဘေးက ပိုနေမယ့် မလိုအပ်တဲ့ ဘေးသားတွေကို ကြိုတင် ဖြတ်ထုတ်ပြင်ဆင်ထားပြီး ဖြစ်ရပါမယ်။ အဲဒါ ပြီးသွားရင်တော့ PDF-X Viewerကိုသုံးပြီး ကိုယ့်လက်မှတ် ထည့်သွင်းချင်တဲ့ PDF document ကို ဖွင့်လိုက်ပါ။ ပြီးရင်တော့ ကိုထည့်သွင်းချင်တဲ့ အမှတ်အသား ၊ တံဆိပ် ၊ လက်မှတ် စတာတွေကို Copy , Paste လုပ်လိုက်ယုံပါပဲ။ လွယ်ကူပါတယ်။

မေးခွန်းနံပါတ် ( ၁ရ ) - ကျွန်တော့်မှာ စာမျက်နှာ ၂၀၀ လောက်ရှိတဲ့ PDF စာအုပ်တစ်အုပ် ရှိတယ်ဗျ။ ဒါပေမယ့် ကျွန်တော့် အတွက်က အဲ့ဒီစာမျက်နှာ အားလုံးကလည်း လိုတာ မဟုတ်ဘူး။ အဲ့ထဲကမှ ကျွန်တော်လိုချင်တဲ့ အပိုင်းလေးကိုပဲ ဆွဲထုတ်ပြီး နောက်ထပ် PDF တစ်အုပ်အနေနဲ့ ဖန်တီးလို့ ရနိုင်မလား။
အဖြေ - ဟုတ်ကဲ့ - PDF document ကနေ ကိုယ်လိုချင်တဲ့ စာမျက်နှာတွေကိုချည်း ဆွဲထုတ်ပြီး တစ်ခြား စာအုပ်တစ်ခု အဖြစ်ဖန်တီးဖို့ PDF Merge ဒါမှမဟုတ် PDF SAM ဆိုတာ ရှိပါတယ်။ သုံးစွဲကြည့်ပါ။

မေးခွန်းနံပါတ် ( ၁၈ ) - ကျွန်တော်ဖန်တီးထားတဲ့ PDF documents ကိုရော လုံခြုံရေးအတွက် Password တစ်ခုခုများ ပေးထားလို့ ရမလား။

အဖြေ - ဟုတ်ကဲ့ - PDF Hammer ဆီကို Upload တင်ပြီး ကိုယ့် PDF files များရဲ့ လုံခြုံရေးအတွက် Passwords ပေးနိုင်ပါတယ်။ ပြီးသွားရင် PDF documents အနေနဲ့ Export လုပ်လိုက်ယုံပါပဲ။ မခက်ခဲပါဘူး။

မေးခွန်းနံပါတ် ( ၁၉ ) - ကျွန်တော့် PDF documents ထဲမှာ Links တွေ မနဲမနောပါတယ်ဗျာ .. ဒါပေမယ့် အဲ့ Links တွေကို Click လိုက်ရင် ရိုးရိုး ဗြောင်စာရွက်ပေါ် တင်ရေးထားတဲ့ စာကြောင်းကို Click ပေးနေရသလိုပဲ .. ဘာမှလည်း ဖြစ်မလာဘူး။ အဲ့ပြဿနာကိုရော ဖြေရှင်းပေးလို့ ရမလား။

အဖြေ - ဟုတ်ကဲ့ - PDF Escape ရှိနေပါတယ်။ သူ့ဆီမှာ Upload တင်လိုက်ပြီး PDF စာမျက်နှာပေါ်မှာရှိနေတဲ့ ကြိုက်တဲ့နေရာ ဘယ်နေရာမှာ မဆို Hyperlinks ဖန်တီးနိုင်ပါပြီ။

မေးခွန်းနံပါတ် ( ၂၀ ) - Web ပေါ်မှာ ရှိနေတဲ့ ဘယ် Online Services ဆီ ကျွန်တော့် PDF files တွေ Upload တင်ဖို့ ခင်ဗျား အကြံပေးနိုင်မလဲ။

အဖြေ - ကျွန်တော် သဘောကျတာတော့ Issuu ဗျ။ သူ့မှာ Built-in ဖန်တီးပြီးသား သိပ်လှတဲ့ အပြင်အဆင်နဲ့  PDF viewer ပါတယ်။ ကျွန်တော် အဲ့ဆိုဒ်မှာ တင်ထားတဲ့ Myanmar Family မဂ္ဂဇင်းလေး ဒီနေရာကနေ ခဏလောက် သွားကြည့်ကြည့်ပါလား။  Issuu မှာ တင်ပြီးရင် သူ့ဆီကနေ Embed ပြန်လုပ်ပြီး ကိုယ့် ကိုယ်ပိုင်ဆိုဒ်မှာလည်း တိုက်ရိုက်ဖတ် စာအုပ်ပုံစံနဲ့ တင်ထားလို့ ရသေးသဗျ။ ဒါကိုမှ သဘောမကျဘူးဆိုရင်လည်း နောက်ထပ်ရည်ညွှန်းချင် တာတော့ Scribd ပေါ့။ သူကတော့ PDF documents နဲ့ ပတ်သတ်ရင် လူတော်တော်များများ မျက်စိကျနေကြတဲ့ နေရာတစ်ခုပေါ့။

ပြီးပါပြီ။ အားလုံး အဆင်ပြေ ဗဟုသုတ တိုးပွားကြပါစေ။

KznT.

Impressive Features in Microsoft Office 2010

Office 2010 Beta စထွက်တော့ အစမ်းသဘော ကျွန်တော် စသုံးကြည့်မိတယ် .. 2007 နဲ့ အပြင်အဆင်ကတော့ သိပ်အများကြီး မကွာသလိုပါပဲ .. အဲလိုနဲ့ သုံးလာခဲ့တာ ဟိုတစ်လောက Microsoft Office Professional Plus 2010 Beta ထပ်ထွက်လာတော့ ထပ်ပြောင်းကြည့်မိတယ်။ လောလောဆယ်တော့ Office 2010 က October 2010 ထိ ဒီ Beta version တွေကို Free ပေးထားမှာ မို့လို့ စမ်းသုံးကြည့်မယ်ဆို သုံးပျော်ပါတယ်။ အစမ်းသုံးသုံးကြည့်ကြတဲ့ အချိန်မှာ Office 2010 မှာ ပါလာတဲ့ သူ့ရဲ့ဆန်းသစ်မှု တစ်ချို့ကို စမ်းသပ်ကြည့်ဖြစ်အောင် ဒီအကြောင်းအရာကို ဝေမျှလိုက်ပါတယ်။

ဆန်းသစ်မှု များနှင့် Microsoft Office 2010

ကျွန်တော် ဒီနေရာကနေပြီး Microsoft Office 2010 မှာပါဝင်လာတဲ့ Features အသစ်လေးတွေကို မိတ်ဆက်ပေးသွားပါမယ်။

( ၁ ) Office documents များအား Online တွင် တိုက်ရိုက်သိမ်းဆည်း သုံးစွဲနိုင်ခြင်း

Microsoft Office 2010 မှာ ကိုယ့်မှာ ရှိနေတဲ့ Documents တွေကို မိမိမှာသာ SkyDrive Account ရှိမယ်ဆိုရင် Online မှာ တိုက်ရိုက် သိမ်းဆည်းထားနိုင်ပြီး  အခြားနေရာတစ်ခုမှာ ရှိနေတဲ့ ကွန်ပြူတာကနေလည်း ရယူသုံးစွဲနိုင်မှာ ဖြစ်ပါတယ်။

SkyDrive က 25GB ထိ Free Online Storage ပေးထားပြီး သူ့ရဲ့ ဝန်ဆောင်မှုက Office Web Apps နဲ့လည်း ချိတ်ဆက်ထားတာမို့လို့ ကိုယ့်ကွန်ပြူတာမှာ Microsoft Office ရှိမနေခဲ့ဘူး ဆိုရင်တောင် Web browser ကနေပြီး အဲ့ဒီ့ Documents တွေကို ကြည့်ရှု ပြင်ဆင် တည်းဖြတ်လို့ ရမှာ ဖြစ်ပါတယ်။ Office Web Apps ဆိုတာ သိပ်မကြာခင်မှာ Google Docs ကို အလဲထိုး အောင်ပွဲ ခံတော့မယ့် Online Microsoft Office Live Workspace လို့ ပြောလို့ ရပါတယ်။ ခုဆိုရင် Microsoft Office Live Workspace ကိုသုံးပြီး Online မှာ ကျွန်တော်တို့ရဲ့ Documents တွေ PDF တွေ နောက်ပြီး Spreadsheet နဲ့ Presentations တွေ အကုန်လုံးကို တစ်နေရာတည်းမှာ ပြင်ဆင်တည်းဖြတ် ရေးသွင်းနိုင်ပါပြီ။ ကျွန်တော်တို့ရဲ့ Documents တွေကို သိမ်းဆည်းဖို့ အတွက်ကတော့ Microsoft Office 2010 ကို ဖွင့်ပြီး File > Share > Save to SkyDrive ကနေ သွားပါ။

( ၂ ) Presntations များအတွင်း ကြိုက်နှစ်သက်ရာ Web Videos များ Embed ပြုလုပ်နိုင်ခြင်း

Microsoft Office 2010 နဲ့အင်တာနက်မှာ ရှိနေတဲ့ ကျွန်တော်တို့ နှစ်ခြိုက်တဲ့ သီချင်း ဗီွဒီယို စတာတွေကို အလွယ်တကူ Embed ပြုလုပ်နိုင်မှာ ဖြစ်ပါတယ်။ ပြုလုပ်နည်းကတော့ သက်ဆိုင်ရာ web pages တွေကနေ ( ဥပမာ - youtube သို့မဟုတ် အခြားသော Video Sharing Site များမှ ) သက်ဆိုင်ရာ ဗွီဒီယိုတွေရဲ့ Embed Code တွေကို ကူးယူလာပြီး Slide ထဲက နှစ်သက်ရာ နေရာမှာ ထည့်သွင်းလိုက်ယုံပဲ ဖြစ်ပါတယ်။

ဒါကတော့ Slide ထဲမှာ ကျွန်တော် Lady GaGa ရဲ့ Poker Face သီချင်း အစမ်းထည့်ပြထားတာပါ။

( ၃ ) လွယ်ကူလျင်မြန်သော စွမ်းဆောင်ချက်များဖြင့် OutLook

ကျွန်တော်တို့ Gmail မှာ သိပ်အသုံးဝင်တဲ့ Feature တစ်ခုရှိပြီး သူ့ကို Send and Archive လို့ လူသိများပါတယ်။ သူ့ရဲ့ လုပ်ဆောင်ချက်ကတော့ တစ်ချက်ခုတ် ( ၂ ) ချက်ပြတ်လို့ ဆိုရမှာပါ။ ကျွန်တော်တို့က Send and Archive ဆိုတဲ့ ခလုတ်ကို တစ်ချက်နှိပ်လိုက်ယုံနဲ့ ကျွန်တော်တို့ရဲ့ ပြန်ကြားမှုကိုလည်း ပေးပို့မယ်။ နောက်ပြီး ပို့ပြီးသွားတဲ့ စာကိုလည်း တစ်ခါတည်း Archives လုပ်ပစ်လိုက်ပါလိမ့်မယ်။

ဒီသဘောပါပဲ။ OutLook မှာပါတဲ့ Quick Steps feature ကလည်း ကျွန်တော်တို့ကို တစ်ချက်ခုတ် ( ၂ ) ချက်ပြတ်တွေ လုပ်ဆောင်လို့ ရအောင် ဖန်တီးပေးနိုင်ပါတယ်။ ဥပမာ တစ်ခုပြောရရင် Reply and Delete ပါ။ သူ့ရဲ့ လုပ်ဆောင်ချက်ကတော့ ကျွန်တော်တို့ Emails တွေကို ပြန်လည်ဖြေကြားပြီးတာနဲ့ တစ်ခါတည်း Inbox ထဲကနေ ဖျက်ပစ်မယ်လို့ စေခိုင်းတာပါ။

( ၄ ) PDF writer ထည့်သွင်းထားရှိခြင်း

Microsoft Office 2010 programs တွေအားလုံးမှာ Built-in PDF writer ပါဝင်ပါတယ်။ သူရှိနေခြင်းအားဖြင့် Documents တွေကို PDF files အဖြစ်သိမ်းဖို့ တစ်ခုတည်း အတွက်နဲ့ တစ်ခြား Software တွေ ( ဥပမာ - DoPDF, Primo PDF စသဖြင့် ) Install လုပ်ဖို့ မလိုတော့ပဲ Microsoft Office 2010 ထဲကနေပဲ တိုက်ရိုက် PDF အဖြစ် ပြောင်းလဲလို့ ရနေပါပြီ။ အရင်တစ်ချိန်ကတော့ ဒီ feature ကို Add-on တစ်ခု Install လုပ်ပြီးမှ ရတာပါ။ ခုတော့ Microsoft Office 2010 မှာ အရံသင့် ပါဝင်နေပါပြီ။

( ၅ ) သေသပ် တိကျသော Printer Settings

Microsoft Office 2010 မှာ အရင် Versions တွေနဲ့ မတူပဲ လုံးလုံးလျားလျား ပြောင်းလဲသွားတာ Print Dialog ပါ။ ဒီပြုပြင် ပြောင်းလဲမှုကတော့ တော်တော်လေး ချီးကျူးစရာ ကောင်းပါတယ်။ ခုဆိုရင် ကျွန်တော်တို့ Printer Settings အချိန်းအပြောင်းတွေကို Side-by-Side ကြည့်မြင်ချိန်ဆပြီး လုပ်ဆောင်နိုင်ပါပြီ။

( ၆ ) Presentations များအား မိမိ၏ ပရိတ်သတ်များအတွက် တိုက်ရိုက် ထုတ်လွှင့်တင်ဆက်နိုင်မှု

ဒီကောင်လေးကတော့ ထူးခြားပါတယ်။ ခုဆိုရင် ကျွန်တော်တို့ Microsoft Office Powerpoint 2010 ထဲကနေပြီး အင်တာနက်ပေါ်ကနေတစ်ဆင့် မိမိပရိတ်သတ်တွေဆီ ကိုယ်ဖန်တီးပြုလုပ်ထားတဲ့ Presentations တွေ တိုက်ရိုက် တင်ဆက်နိုင်ပါပြီ။ လုပ်ဆောင်ပုံကလည်း မခက်ပါဘူး။ Broadcast လုပ်ငန်းစင် စတင်ဖို့ အတွက် File > Share > Broadcast Slide Show ကနေ သွားလို့ ရသလို မိမိရဲ့ Slide ကိုဖွင့်ထားပြီး SlideShow tab ကနေတစ်ဆင့် Broadcast Slide Show  ကိုဝင်ရောက်လည်း ရပါတယ်။ အဲကနေမှ တစ်ဆင့် မိမိရဲ့ Windows Live ID နဲ့ ( Windows Live ID မရှိရင် ပေးထားတဲ့ Link ကနေ အသစ်တစ်ခု ဖန်တီးလိုက်ပါ ) ဝင်ရောက်လိုက်ပါ။ အဲလိုဆိုရင် ကိုယ့် Slide ကို Web ပေါ်ကနေ တင်ဆက်ဖို့ သူက Link တစ်ခုပေးပါလိမ့်မယ်။

အဲ့ Link ကို ကော်ပီ ကူးပြီး မိမိတင်ဆက်ချင်တဲ့ သူတွေဆီကို Mail ကနေ တစ်ဆင့် ဒါမှမဟုတ် အဆင်ပြေမယ့် တစ်နည်းနဲ့ ပို့လိုက်ပါ။ ကိုယ် တင်ဆက်မယ့် သူတွေနဲ့ အဆက်အသွယ်ရပြီ ဆိုတာနဲ့ ကိုယ့်ရဲ့ Local Computer ကို Full Screen Mode ကိုပြောင်းပြီး Presentation ကို စတင်နိုင်ပါပြီ။ ကိုယ့် Local Computer မှာ Slide Change ရင် Change သလို တစ်ဖက်က ကြည့်ရှုနေသူတွေကလည်း ကိုယ်တင်ပြတဲ့ အတိုင်းတွေ့မြင်သွားရပါလိမ့်မယ်။ တစ်ခုရှိတာက Browser တိုင်းတော့ မရပါဘူး။ Internet Explorer ဒါမှမဟုတ် Firefox နဲ့ Mac Book တွေ အတွက်ဆို Safari ဖြစ်ဖို့ လိုပါတယ်။

( ရ ) Powerpoint အတွင်း Videos များ တည်းဖြတ်ပြင်ဆင်နိုင်ခြင်း

ကျွန်တော်တို့ရဲ့ Presentation မှာ အသုံးပြုမယ့် Video Clip တွေကို အသုံးမပြုခင် ပြင်ဆင်တည်းဖြတ်မှုတွေ ပြုလုပ်ချင်ပါသလား။ ဒါမှမဟုတ် 3D Rotation လိုမျိုး Professional Styles တွေ ကိုယ့် Video မှာ ထည့်သွင်းပြီး ကိုယ့်ပရိတ်သတ်ကို ရင်သတ်ရှုမော ဆွဲဆောင်ချင်ပါသလား .. ဒါလည်း ဖြစ်နိုင်ပါတယ်။ ဘာလို့လည်း ဆိုတော့ Powerpoint 2010 မှာ Powerful Video Editing Features ပါဝင်နေလို့ ပါပဲ။

( ၈ ) မိမိ၏ Slides များအား Video အဖြစ် ပြောင်းလဲနိုင်ခြင်း

Microsoft Office Powerpoint 2010 မှာ ကျွန်တော်တို့ရဲ့ Presentation ကို Video file အဖြစ် ပြောင်းလဲပေးနိုင်တဲ့ Feature လည်းပါဝင်ပါတယ်။ သူ့ကို သုံးပြီး ကိုယ်ဖန်တီးထားတဲ့ Slide တွေကို Youtube မှာ Upload တင်ပြီး ဖြန့်ဝေလို့ ရသလို ipod လို တစ်ခြား media player တွေနဲ့လည်း အသုံးပြုနိုင်မှာ ဖြစ်ပါတယ်။ ဒီ ဗီွဒီယို ပြောင်းလဲမှု လုပ်ငန်းစဉ်က ကျွန်တော်တို့ ဖန်တီးနေတဲ့ Presentation ရဲ့ နောက်ကွယ်မှာ လုပ်ဆောင်နေမှာ ဖြစ်လို့ လက်ရှိလုပ်ဆောင်နေတဲ့ Presentation လုပ်ငန်းစဉ်တွေကိုလည်း အခြေအနေမပျက် ဆက်လက်လုပ်ကိုင်နိုင်စေမှာ ဖြစ်ပါတယ်။

( ၉ ) Screen Capture ဖြည့်သွင်းပါဝင်မှု

အခုဆိုရင် Microsoft Office 2010 programs အားလုံးမှာ Screen clipping utility ထည့်သွင်းထားပါပြီ။ သူ့ကို အသုံးပြုပြီး Desktop Screen ပေါ်က ကျွန်တော်တို့ နှစ်သက်ရာနေရာကို အလွယ်ကူ အလျင်မြန်ဆုံး Capture ဖမ်းနိုင်မှာ ဖြစ်ပါတယ်။ သူ့ကို သုံးပြီး Desktop ပေါ်မှာ ရှိနေတဲ့ ဖွင့်ထားသမျှ Applications အားလုံးကို Screenshots လုပ်လို့ရသလို ကိုယ်ရွေးချယ်ရာ နေရာ သီးသန့်ကိုလည်း Screenshots နိုင်မှာ ဖြစ်ပါတယ်။

( ၁၀ ) လိုတရ Outlook

Outlook သုံးတဲ့သူ တစ်ယောက်အတွက် Outlook 2010 ထဲက Email message ကို ဖွင့်လိုက်တာနဲ့ Email ထဲမှာ ပါလာတဲ့ Attachments တွေ ၊ ဓာတ်ပုံတွေ ၊ အလုပ်နဲ့ ပတ်သတ်တဲ့ Meeting requests တွေ အပြင် ... ဟိုးအရင် တစ်ချိန်တည်းကနေပြီး ခုချိန်ထိ အဲ့ဒီ့ပုဂ္ဂိုလ်နဲ့ ဆပ်စပ်ပတ်သတ်လာခဲ့တဲ့ Email Message အချိန်းအချက်တွေ အားလုံးကို ဖော်ပြပေးသွားမှာ ဖြစ်ပါတယ်။

Office 2010 အား Installation မလုပ်ဆောင်မီ သိရှိထားရန် အချက်များ

( ၁ ) တကယ်လို့ Office 2010 ကို ပထမဆုံးအကြိမ် မိမိကွန်ပြူတာမှာ Install လုပ်ဆောင်မယ် ဆိုတဲ့အခါ တကယ်လို့ မိမိစက်ထဲမှာ Installed လုပ်ထားပြီးသား တစ်ခြား Microsoft Office အဟောင်း တစ်ခုရှိနေခဲ့ရင် Default Settings အနေနဲ့ Office 2010 က သူ့ကိုထပ်ပြီး Upgrade လုပ်ဆောင်သွားမှာ ဖြစ်ပါတယ်။ တကယ်လို့ ဒါကို မကြိုက်ဘူး ဆိုရင်လည်း ဒီ Settings ကို စိတ်ကြိုက်ပြောင်းလဲပြီး အဟောင်းရော အသစ်ရော ၂ ခုယှဉ် သုံးစွဲလို့ ရပါတယ်။

( ၂ ) တကယ်လို့ Office 2010 တင်ရတာ အခက်အခဲ အမျိုးမျိုး ရှိနေမယ် ဆိုရင်တော့ Cleanup Utility ကို သုံးပြီး စက်ထဲမှာ ရှိနေပြီးသား Office အဟောင်းကို အရင်ဆုံးရှင်းသွားအောင် Uninstall လုပ်ဆောင်ပါ။ ပြီးတော့မှာ Office 2010 ကို Clean installation လုပ်ဆောင်ပေးပါ။

Microsoft Office Professional Plus 2010 Beta ကို ဒီနေရာကနေ ဒေါင်းလုပ်ရယူနိုင်ပါတယ်။ ဒါပေမယ့် သူ့ကို ဒေါင်းလုပ်ရယူဖို့ ဆိုရင် ကိုယ့်မှာ အရင်ဆုံး Windows Live ID ရှိဖို့ လိုပါတယ်။ မရှိသေးရင် ဒီနေရာကနေ အကောင့်အသစ် တစ်ခုလုပ်ပါ။ ဒေါင်းလုပ်လုပ်ဖို့ အတွက် ညာဘက်အပေါ်ထောင့်နားမှာ ရှိနေတဲ့ Get it now. ကို နှိပ်ပါ။

ကိုယ့်ရဲ့ Windows Live ID ကို တောင်းပါလိမ့်မယ်။ ဖြည့်ပြီး ဝင်လိုက်တာနဲ့ Office 2010 install လုပ်မယ့် အချိန်မှာ ဖြည့်သွင်းရမယ့် ကီးကို အလကားပေးပါလိမ့်မယ်။ အဲတာကို မှတ်ထားပြီး အောက်နားမှာ ပါလာတဲ့ Download ဆိုတာကို နှိပ်ပါ။ ဒီအောက်က ဟာကြီးကို မနှိပ်ရဘူးနော် အဲတာပုံကြီး ..

ဒါဆို အဆင်ပြေပါပြီ။

Controlling Google Docs from Microsoft Office

Oudi Antebi ဆိုတာ မိုက်ကခရိုဆော့ဖ်က သာမန် အရောင်းမြှင့်တင်ရေး မန်နေဂျာ တစ်ယောက်ပါ။ ဒါပေမယ့် သူက သိပ်တန်ဖိုးရှိတဲ့ ဖန်တီးမှု တစ်ရပ်ကို ပြုလုပ်ခဲ့ပါတယ်။ သူပြုလုပ်ခဲ့တာ Plug-in တစ်ခုဖြစ်ပြီး နာမည်ကိုတော့ OffiSync လို့ ခေါ်ပါတယ်။ သူ Plug-in က ဘယ်နေရာမှာ အသုံးဝင်သလဲ ဆိုရင် ကျွန်တော်တို့ စက်ထဲမှာ ရှိနေတဲ့ Office Documents တွေကို Online ပေါ်မှာ ရှိနေတဲ့ Google Docs ထဲကနေ ပြင်ဆင်လို့ ရသလို Online မှာ ရှိနေတဲ့ ကျွန်တော်တို့ ဖန်တီးထားတဲ့ Google Docs တွေကိုလည်း ကျွန်တော်တို့ စက်ထဲမှာ ရှိနေတဲ့ Microsoft Office Programs ကနေ ဖတ်ခြင်း ၊ ရေးသားခြင်း ၊ ပြင်ဆင်ခြင်း ဆိုတာတွေ ဖန်တီးလို့ ရနိုင်အောင် စီစဉ်ပေးနိုင်ပါတယ်။ ဒီ Plug-in ကို နောက်တစ်မျိုး နာမည်ပေးနိုင်တာကတော့ Offline Google Docs Editor ပေါ့။ ကျွန်တော် ပြောပြမယ့် အကြောင်းအရာက Google Docs နဲ့ စိမ်းနေသူတွေ အတွက် သိပ်တော့ စိတ်ဝင်စားဖို့ ကောင်းမယ် မထင်ပါဘူး ..

Google Docs ဆိုတာ စိမ်းနေသေးသူတွေ အတွက် စာလုံး အနည်းငယ်နဲ့ အတိုချုံး မိတ်ဆက်ပေးရမယ် ဆိုရင် Google Docs ဆိုတာ ကိုယ့်စက်ထဲမှာ Microsoft Office တင်စရာမလိုပဲ Online ပေါ်မှာတင် Documents တွေနဲ့ မိမိရေးသားချင်ရာကို ရေးသားဖန်တီးနိုင်ဖို့ ၊ Presentation တွေ ဖန်တီးနိုင်ဖို့ ၊ နောက်ပြီး Spread Sheet တွေ ၊ နောက် Form တွေကို အလကားဖန်တီး ခွင့်၊ သိမ်းထားခွင့် ပြုထားတဲ့နေရာကို ဆိုလိုတာပါ။ အင်တာနက်နဲ့ ဆက်စပ်ပြီး လုပ်လို့ ရတဲ့ အကြောင်းအရာကို ပြောမှာဖြစ်လို့ အင်တာနက်နဲ့ ချိတ်ဆက်မထားဘူး ဆိုရင်တော့ ဒီ Plug-in အသုံးဝင်မှာတော့ မဟုတ်ပါဘူး။ ဒါပေမယ့်လည်း ဗဟုသုတပေါ့ သိထားသင့်ပါတယ်။ ဆက်ဖတ်ကြည့်ပါ။

ကျွန်တော် ဒီနေရာကနေပြီး ဒီ Plug-in ကို ရယူပုံနဲ့ သူ့ရဲ့ လုပ်ဆောင်ပုံ အကြောင်း အဆင့်လိုက် နဲနဲပြောပြသွားပါမယ်။

ပထမအဆင့် .. ကျွန်တော်တို့ ပထမအဆင့်အနေနဲ့ လုပ်ဆောင်သင့်တာ ကျွန်တော်တို့ စက်ထဲမှာ ရှိနေတဲ့ Microsoft Office Suite 2003 , 2007 ကနေ စပြီး 2010 (  သူ့ ဆိုဒ်မှာတော့ 2003 , 2007 ထိလို့ပဲ ပြပါတယ်။ ဒါပေမယ့် ကျွန်တော့်စက်မှာ Office 2010 တင်ထားတော့ ရမရ မသေချာပေမယ့် စမ်းတင်ကြည့်လိုက်တာ ရနေပါတယ် ဒါကြောင့် 2010 ထိ ရတယ်လို့ ပြောတာပါ။ ) ထိ Office Applications ရှိရာဆီ New Toolbar တစ်ခု လာထည့်ပေးဖို့ပါ။ အဲ့ဒီ့ Tool Bar ကနေမှ တစ်ဆင့် ကျွန်တော်တို့ Google Docs ဒါမှမဟုတ် Google Applications Account ရှိရာဆီ ဝင်ပါ့မယ်။

ပုံကို ကြည့်ကြည့်ပါ။

ဒုတိယအဆင့် .. တစ်ကြိမ် Logged-in ဝင်လိုက်တာနဲ့ Google Docs ထဲမှာ ရှိနေတဲ့ ကျွန်တော်တို့ရဲ့ Documents တွေကို ကိုယ့်စက်ထဲမှာ သိမ်းထားတဲ့ ဖိုင်တွေ ကိုယ်ဖွင့်ကြည့်ရသလိုမျိုး Microsoft Office ထဲမှာ ခေါ်ကြည့်လို့ ရပါပြီ။ ကြည့်ဖို့ အတွက်ကတော့ ဘယ်ဘက် အပေါ်ဆုံးထောင့်နားလေးမှာ ရှိနေတဲ့ Open ဆိုတာကို နှိပ်လိုက်ရင် Box တစ်ခု တက်လာပါလိမ့်မယ်။ အဲ့ကနေမှ တစ်ဆင့်ပြီး တစ်ဆင့် Root ရဲ့ အောက်ကို သွားပြီး ကိုယ်ဖွင့်ကြည့်တဲ့ ဖိုင်ကို ဖွင့်ရမှာ ဖြစ်ပါတယ်။ ဒီလိုပုံမျိုးပါ။

ဒီနေရာမှာ တစ်ခု သိထားဖို့ လိုတာက ကျွန်တော်တို့ ဖွင့်ချင်တဲ့ ဖိုင်ဟာ Word ဖိုင် ဖြစ်နေမယ် ဆိုရင် Microsoft Office Word ထဲကနေ ပဲ ခေါ်ဖွင့်လို့ ရမှာ ဖြစ်ပြီး ၊ ကိုယ်ဖွင့်ချင်တဲ့ ဖိုင်က Excel ဖိုင် ဖြစ်နေတယ် ဆိုရင်တော့ Microsoft Office Excel ထဲကို ဝင်ပြီးမှ ခေါ်ဖွင့်လို့ ရပါမယ်။ Powerpoint လည်း ဒီသဘောပါပဲ။ တကယ်လို့ Google Docs ထဲမှာ ရှိနေတဲ့ Root Folder ရဲ့ အောက်မှာ ကျွန်တော်တို့ သိမ်းထားတဲ့ Documents တွေ အရမ်းများနေမယ် ဆိုရင်တော့ Built-in ပါလာတဲ့ Search Function ကနေ ကိုယ်လိုချင်တဲ့ Document ကို အမြန်ဆုံးရှာတွေ့အောင် ခိုင်းစေနိုင်ပါတယ်။ အောက်ပုံကို ကြည့်ပါ။

တတိယအဆင့် .. ကိုယ်လိုချင်တဲ့ဖိုင်ကို ရှာလို့ တွေ့ပြီ ဆိုတာနဲ့ ကိုယ်ဖွင့်ချင်တဲ့ Documents အမျိုးအစားပေါ် မူတည်ပြီး Microsoft Office Applications ထဲကနေ ဖွင့်ကြည့်လို့ ရပါပြီ။

စတုတ္ထအဆင့် .. Google Docs ထဲမှာ ရှိနေတဲ့ Documents တစ်ခုခုကို Office ထဲခေါ်ပြီး ပြင်တာပဲ ဖြစ်ဖြစ် ၊ ဒါမှမဟုတ် ကိုယ့်စက်ထဲမှာ ရှိနေတဲ့ Documents တစ်ခုခုကို Google Docs Account ဆီ တင်တာပဲ ဖြစ်ဖြစ် နောက်ဆုံး အဆင့် အနေနဲ့ လုပ်ရမှာ အပေါ်ဘယ်ဘက်ဒေါင့် Open ရဲ့ ဘေးမှာ ရှိနေတဲ့ Save ကို နှိပ်လိုက်ယုံပဲ ဖြစ်ပါတယ်။ ဒီလိုနှိပ်လိုက်တာနဲ့ ကျွန်တော်တို့ ပြင်ဆင်ရေးသားထားပြီးသား Documents တွေဟာလည်း Online မှာ ရှိနေတဲ့ Google Docs Account ထဲမှာ သိမ်းဆည်းပြီးသား ဖြစ်သွားမှာ ဖြစ်ပါတယ်။

နောက်ထပ်ထူးခြားချက်တွေ ကျန်နေပါသေးတယ်။ အဲတာကတော့ ကိုယ်ရေးသားဖန်တီးထားတဲ့ အကြောင်းအရာ တစ်ခုခု အတွက် တစ်စုံတစ်ယောက်ကို ဝေမျှ နိုင်တယ်ဆိုတာပါ။ ဒီလုပ်ငန်းစဉ်ကို လုပ်ဆောင်ဖို့ Collaborate ကို နှိပ်ပါ။ Box တစ်ခု ကျလာပါလိမ့်မယ်။ အဲ့ကနေမှ တစ်ဆင့် ကိုယ်ဝေမျှချင်တဲ့ သူရဲ့ Emails ကိုရိုက်ထည့်ပြီး ဝေမျှနိုင်သလို Select Users ကနေမှ တစ်ဆင့် မိမိ Email ထဲမှာ ရှိနေတဲ့ Contacts တွေကို ဝင်ကြည့်ပြီး ဝေမျှချင်သူကို ရွေးချယ်ပေးလို့ ရပါတယ်။ ရွေးချယ်ပြီးတဲ့သူကို အခုကို ( read-only or read-write ) ခွင့်ပြုချက်ပေးနိုင်ပါတယ်။

သူ့ မူရင်းဆိုဒ်ကို မသွားပဲ ဒေါင်းလုပ်ချချင်ရင်တော့ ဒီအောက်က လင့်ကို နှိပ်လိုက်ပါ။

Download Here !!

အသုံးပြုပုံ အသေးစိတ်ကို သိချင်မယ် ဆိုရင်တော့ ဒီနေရာကနေသွားကြည့်ပါ။

ဒီနေရာမှာ ဖတ်လို့ အဆင်မပြေရင်တော့ ကျွန်တော်ရေးထားတဲ့ Google Docs ဆီ ဒီနေရာကနေ သွားကြည့်နိုင်ပါတယ်။

ဒီ့ထက်လွယ်ကူတာတော့ မရှိတော့ပါဘူး။ အားလုံး အဆင်ပြေနိုင်ကြပါစေ။

KznT.

Total Commander for me

Total Commander ဆိုတာ ဘာလဲ .. ဆော့ဖ်ဝဲလ် တစ်ခုကို သုံးတော့မယ် ဆိုတဲ့ အချိန်မှာ အရင်ဆုံးသိထားသင့်တာက သူ့ရဲ့ လုပ်ဆောင်ချက် နဲ့ စွမ်းဆောင်ရည်ပါ။ Total Commander ဆိုတာဘာလဲ သူက ဘာလုပ်တာလဲ ..

Total Commander ဆိုတာ Windows အတွက် သီးသန့် ထုတ်ထားတဲ့  File Manager တစ်ခုပါပဲ .. တစ်နည်းအားဖြင့် ပြောရရင်တော့ Windows Explorer ပေါ့ .. Windows Explorer လို့ ပြောလိုက်ရင် နားမရှင်းမှာ စိုးလို့ သူ့ကို နောက်တစ်မျိုး ပြောရရင် My Computer လို့အလွယ်ပြောလည်း ရပါတယ်။ Windows Explorer ( or ) My Computer ဆိုတာ ကိုယ့် HD ထဲမှာ ရှိနေတဲ့ ဖိုင်တွေကို ကြည့်ဖို့ ၊ Copy ဆိုတဲ့ တစ်နေရာကနေ တစ်နေရာကို ရွှေ့ဖို့ ၊ မလိုအပ်တော့တဲ့ ဖိုင်တွေကို ဖျက်ထုတ်ဖို့ စသဖြင့် အသုံးပြုတဲ့ Windows မှာ ပါလာပြီးသား Applications တစ်ခုပါ။ ဒါပေမယ့် Windows Explorer  မှာ အားနည်းချက်တွေ မနည်းမနော ရှိနေပါတယ်။ ဥပမာ အနေနဲ့ ပြောရရင် Windows Explorer မှာ Pack and unpack ဆိုတဲ့ ဖိုင်ကို ထုပ်တာ ဖြည်တာ လုပ်တဲ့ Function မပါဘူး ၊ နောက်ပြီး Windows Explorer ထဲကနေ FTP Servers တွေဆီကို Access လှမ်းလုပ်လို့ မရဘူး ၊ Partition တစ်ခုထဲမှာ ရှိနေတဲ့ ဖိုင် တစ်ခုကို နောက် Partition တစ်ခုထဲ ပြောင်းချင် ရွှေ့ချင်တယ် ဆိုရင် နေရာမှာ Cut လုပ် ၊ နောက်ပြီး နောက် Partition တစ်ခု ရှိရာဆီကိုသွားပြီး ရွှေ့ချင်တဲ့နေရာထိ ရောက်အောင်ဝင် ပြီးမှ Paste လုပ် ( ဒီလိုမှ မဟုတ်ရင် လည်း Windows Explorer ကို ၂ ခုခေါ်ထား ) .. စသဖြင့် အလုပ်တစ်ခု လုပ်ဆောင်ဖို့ အလုပ်ပိုတွေကိုပါ မဖြစ်မနေ လိုက်ပြီး လုပ်ဆောင်နေရပါတယ်။ FTP လုပ်ဖို့ Windows Explorer မှာ Function မှာ မပါတော့ တစ်ခြား Cute FTP တို့ File zilla တို့ကို အပိုခေါ်တင်ပြီး သုံးရပြီ။ Pack နဲ့ Unpack လေးလုပ်ဖို့ အရေး WinRAR တို့ Winzip လို့ လိုလာပြီ .. စသဖြင့် လိုအပ်ချက်တွေ မနည်းမနော ရှိနေပါတယ်။ ဒီလို User တွေ အတွက် လိုအပ်ချက်ကို ဖြေရှင်းပေးမယ့် Software တစ်ခုကတော့ Total Commander ပါ။ အမည်နဲ့ လိုက်အောင် တစ်နေရာတည်းကနေ အားလုံးကို ထိန်းချုပ်စေခိုင်းလို့ ရပါတယ်။ Unicode ကိုလည်း Support လုပ်တာမို့လို့ မြန်မာဖောင့် မမြင်ရမှာလည်း မပူရပါဘူး .. ဒီပုံကို ကြည့်ကြည့်ပါ။

ဒီပုံက ကျွန်တော့်စက်ထဲက ဝင်းဒိုး partition မှာ ရှိနေတဲ့ ဖိုင်တွေနဲ့ Partition D မှာ ရှိနေတဲ့ ဖိုင်တွေကို Explorer တစ်ခုတည်းမှာ ၂ ပိုင်းခွဲပြီး မြင်နေရတဲ့ ပုံပါ။ တကယ်လို့ ကျွန်တော်က ပုံထဲမှာ မြင်နေရတဲ့ ( မြန်မာစာ မြန်မာစကား ) ဆိုတဲ့ ဖိုင်ကို Partition  C အောက်ကို ရွှေ့ချင်တယ် ဆိုပါစို့ .. အဲ့ဖိုင်ကို Select ပေးပြီး F5 ကို နှိပ်လိုက်ယုံပါပဲ။ ဒီ Shortcut ကီးက အလွတ်ကျက်ထားတာ မဟုတ်ပါဘူး .. Total Commander Windows ရဲ့ အောက်ဆုံးမှာ သူ အလွယ်တကူ မြင်သာအောင် ဖော်ပြပြီးသားပါ .. တကယ်လို့ ဒီနေရာမှာပဲ ( မြန်မာစာ မြန်မာစကား ) ဆိုတဲ့ ဖိုင်ကို ချုံ့ချင်တယ် ဆိုပါစို့ Winrar တွေဘာတွေ ဘာမှ တင်စရာမလိုပါဘူး .. Winrar နဲ့ ချုံ့ချင်လား KGB နဲ့လား ဘာနဲ့ချုံ့ချင်သလဲ ချုံ့ချင်တာနဲ့ ချုံ့ အဲ့ ဆော့ဖ်ဝဲလ် အားလုံးရဲ့ Functions တွေအားလုံး သူ့မှာပါပါတယ်။ နောက်တစ်မျိုးအနေနဲ့ FTP လုပ်ချင်သလား .. Cute FTP တွေ Filezilla တွေ ဘာမှ မလိုပါဘူး။ သူကနေပဲ လုပ်လို့ ရပါတယ်။ အောက်ကပုံကို ဆက်ကြည့်ပေးပါ။

ကျွန်တော် အများကြီး ပြောနေရင် ပျင်းစရာကောင်းနေပါဦးမယ် .. နောက်ထပ်လုပ်လို့ ရတာတွေ အတိုချုံးပြီးပဲ ပြောပြလိုက်ပါတော့မယ်။

* Windows Explorer 2 ခုအား Explorer တစ်ခုတည်းအနေဖြင့် ဖွင့်၍ရ
* Multiple Language နဲ့ Unicode ကိုပါ Support လုပ်
* ဖိုင်များအား Compare လုပ်၍ရ ပြင်ဆင်၍ရ / Directories များအား Synchronize  လုပ်၍ရ
* ZIP, ARJ, LZH, RAR, UC2, TAR, GZ, CAB, ACE ကြိုက်ရာသုံး၍ ဖိုင်များအား ချုံနိုင် ဖြန့်နိုင်
* Built-in FTP client ပါဝင်ပြီး and HTTP proxy ကိုပါ Support လုပ်
* Parallel port link နှင့် multi-rename tool ပါ
* Thumbnails view, custom columns, နှင့် enhanced search ကြိုက်သလို ပြောင်းလဲ၍ရ
* Network သို့ တိုက်ရိုက် access လုပ်၍ရ
* Windows Explorer နှင့် Desktop ပေါ်သို့ တိုက်ရိုက် Drag and Drop လုပ်၍ရ
* Programs များအား Command Line မှ ခေါ်၍ သုံးစွဲနိုင်
* Bottom Bar , Start Menu , အစဉ်သဖြင့် အသုံးပြုလေ့ရှိသော DOS , Windows Programs အားလုံးအား Drop Down Menu ထဲစိတ်ကြိုက်ထည့်သုံး၍ရ

အများကြီး ကျန်သေးတယ် .. အကုန်လိုက်မရေးတော့ပဲ အခြေခံအသုံးလိုတာလေးတွေပဲ ကျွန်တော် ဖော်ပြလိုက်ပါတယ်။ သြော် နောက်တစ်ခု ပြောရဦးမယ်  Install လုပ်ဖို့လည်း မလိုဘူးဗျ။ ကျွန်တော့်မှာ ရှိတဲ့ Portable ပေးလိုက်မယ်။

အသေးစိတ်သိကြည့်ချင်ရင် ဒီနေရာကနေ သွားကြည့်ပါ။
အသုံးပြုပုံတွေ အကျယ်သိချင်ရင် ဒီနေရာကနေ သွားကြည့်ပါ။
ဖိုင် size ကတော့ 4.404 MB ပါ။

Download Here !!

မပြီးသေးပါဘူး .. နောက် သတင်း တစ်ခု ပြောရပါဦးမယ်။ အခု  Windows 7 မှာပါတဲ့ Windows Explorer အတွက်လည်း Explorer တစ်ခုတည်းကနေ Windows Explorer ၂ ခု ဒါမှမဟုတ် နောက်ထပ်ပိုပြီး ကြည့်လို့ ရနေပြီတဲ့။ အောက်ကပုံကိုကြည့်ကြည့်။ ကြိုပြီးတော့တော့ သတင်းပေးချင်ပါတယ်။ Total Commander လောက်တော့ မကောင်းဘူးဗျ။ သူက လောလောဆယ် Beta အဆင့်ပဲ ရှိပါသေးတယ်။ စမ်းချင်သူတွေ အတွက်ပေါ့ဗျာ။ ဝမ်းနည်းစရာကောင်းတာက Windows 7 အတွက်ပဲ သီးသန့်ပါတဲ့ :(

သူ့အကြောင်းလေ့လာချင်သူတွေ အတွက် ကျေးဇူးပြုပြီး ဒီနေရာကနေ သွားကြည့်ပါ။ သူ့ကို Download ချချင်ရင် ဒီနေရာကနေ ချပါ။

ဒီလို Double Explorer ဆော့ဖ်ဝဲလ်တွေက ဒါလေးပဲ ရှိတာလားလို့ မေးလာစရာ ရှိပါသေးတယ်။ နောက်ထပ် သူနဲ့ အမျိုးတူ နာမည်ကွဲ လုပ်ဆောင်ချက်ချင်း ဆင်တဲ့ ဆော့ဖ်ဝဲလ်တွေ များကြီး ကျန်ပါသေးတယ်။ ဒီ List ကို သွားကြည့်ပါ။

Step by Step Windows 7 Backup

မှန်ရာကို ပြောရရင် ရေးချင်နေတာကတော့ တစ်ခြား အကြောင်း ၊ ဒါပေမယ့် အရင် ရေးထားခဲ့တဲ့ အကြောင်းအရာနဲ့က လတ်တလော ဆက်စပ်နေလို့ ဒီ အကြောင်းအရာကိုပဲ ဆက်ရေးဖြစ်လိုက်ပါတယ်။ ကိုယ်ကိုယ်တိုင်လည်း တစ်ချိန်က စိတ်မဝင်စားခဲ့တဲ့ ခေါင်းစဉ် တစ်ခုမို့ လတ်တလောမှာလည်း ဘယ်သူမှ စိတ်မဝင်စားကြတာ ဆန်းတော့ မဆန်းပါဘူး .. နောက်ပြီး ဒီလို စာမျိုးတွေရေးရတာ တကယ်တော့လည်း သိပ်တော့ ခံတွင်းမတွေ့လှဘူး .. ဟိုစပ်စပ် ဒီစပ်စပ် ကလိတတ်ပြီး အင်္ဂလိပ်စာကို သာမန်လောက် ဖတ်ရှုနားလည် နိုင်တဲ့ အရည်အချင်းလောက်ရှိရင် ဒီ အကြောင်းအရာတွေက အင်တာနက်မှာ တောင်လိုပုံအောင် ရှာဖတ်နိုင်တဲ့ အကြောင်းအရာမျိုးတွေပါ .. လူတိုင်းလည်း ရေးနိုင်ကြတယ် .. ဒါပေမယ့် ကိုယ်တွေက မြန်မာလူမျိုးမလား .. အင်္ဂလိပ်ရေးထားတာကို ဘာသာပြန်နားလည်ရတာ ထက် မြန်မာလိုလေးရေးထားတာကို ဖတ်ရတာ ဟုတ်သော်ရှိ မဟုတ်သော်ရှိ စိတ်အစာပြေပြီး တကယ် တတ်သွားသလို ခံစားရတယ်မလား .. ဒါကြောင့်မို့ပဲ တတ်သိနားလည်သူတစ်ယောက်လို မခံယူပဲ မျှဝေချင်တဲ့ စိတ်သက်သက်နဲ့ သိထားတာလေးတွေ ပြန်ပြီး ဝေဌပါတယ်။ စကြရအောင် ..

Windows တွေအတွက် Backup လုပ်ဖို့ ဆိုပြီး ထွက်လာတဲ့ Software တွေဆိုတာ အင်တာနက်မှာ တောင်လိုပုံနေအောင် များပါတယ်။ ( နဲနဲ အတိဿရ လိုက်တာပါ .. အဲလောက်တော့လည်း မများဘူးပေါ့ ) :D ဟိုအရင် ရှေ့မှာရေးခဲ့ပြီးသလို Backup ဆိုတာကို Windows မှာပါတဲ့ Functions ကနေ လုပ်လို့ ရသလို Freeware တစ်ခုခု သို့မဟုတ် Paid Product  သုံးပြီးလည်း လုပ်ပြီးလည်း လုပ်လို့ရပါတယ် .. အားသန်ရာ သန်ရာပေါ့ .. အရင် စာမှာ Windows XP Backup အကြောင်း သိပ်အပြည့်အစုံကြီး မဟုတ်ပေမယ့် အခြေခံအဆင့်လောက် ပြောထားခဲ့ပြီးပြီ မို့လို့ ခု ဆက်ပြီး Windows 7 Backup အကြောင်းလေး ဆက်ချင်ပါတယ်။

Windows 7 Backup ကို ဘယ်လို စတင်ကြမလဲ ??

ဟိုး အစကနေ စပြောရရင်တော့ Windows 7 Backup လုပ်ငန်းစဉ် စတင်ဖို့ အတွက် Start ကို စနှိပ်ပြီး Search programs and files ဆိုတဲ့ နေရာမှာ " backup " ဆိုတဲ့ စကားလုံးကို ရိုက်လိုက်ပါ။ အဲလို ရိုက်လိုက်တာနဲ့ Backup and Restore ဆိုတဲ့ Shortcut ပေါ်လာပြီး အဲတာကို ကလစ်လိုက်တာနဲ့ Backup and Restore tool ဆိုတာကိုပါတွေ့ရမှာ ဖြစ်ပါတယ်။ တစ်ချို့လူတွေက Search Options ကို ပိတ်ထားတတ်ကြလို့ Backup လို့ရိုက်တဲ့ အချိန် ဘာမှ မပေါ်တာမျိုးလည်း ဖြစ်တတ်ပါတယ်။ ဒါကိုဖြေရှင်းဖို့ကတော့ Task bar မှာ Right click ထောက်ပြီး Properties ကိုဝင် Start Menu > Customize ကို သွားပြီး အောက်မှာရှိတာတွေထဲက Search Programs and Control Panel ဆိုတာကိုရှာပါ ပြီးရင် အဲ့ဘေးက Check box ကို ကလစ်ပေါးလိုက်ပါ ပြီးရင်တော့ Ok > Apply > Ok ပေါ့။ ဒါဆိုရပါပြီ။ ဒါကတစ်နည်းပါ။

နောက်တစ်နည်းကတော့ Desktop ညာဘက် အောက်ထောင့်နားက System Tray Icons မှာရှိနေတဲ့ အလံပုံလေးနဲ့ Action Center ကို တွေ့ရင် အဲကောင်ကို ကလစ်ပေးပြီး Open Action Center ကနေ Action Center ကို ဝင်ပါ။ အဲမှာ Maintenance ရဲ့ အောက်မှာ Setup Backup ကိုတွေ့ပါလိမ့်မယ်။ တကယ်လို့ မတွေ့သေးရင်လည်း တစ်ယောက်ယောက်က  Hide ခိုင်းထားလို့ပါ။ Maintenance ဘေးက Down arrow ကို နှိပ်ပြီး Turn on messages about Windows Backup ဆိုတာကို နှိပ်လိုက်ရင် ရပါတယ်။ ဒါဆို ဒီလိုပုံပေါ်လာပါပြီ။

နောက်ထပ် နည်းတွေလည်း ကျန်ပါသေးတယ် ထားပါတော့ အဲတာတွေလိုက်ပြောနေရင် လိုရင်း မရောက်ပဲ နေပါဦးမယ်။ အဲလိုနဲ့ ကျွန်တော်တို့ ပေါ်လာတဲ့ Set up backup ဆိုတာကို နှိပ်လျှင်နှိပ်ချင်း Progress Bar တစ်ခု ပေါ်လာပြီး များမကြာခင်မှာပဲ Set up Backup Windows လည်းပေါ်လာပါလိမ့်မယ်။

နောက် ကိုယ့် Backup Files တွေ သိမ်းဆည်းထားချင်တဲ့ Destination ကိုရွေးချယ်ပေးပါ။ ဒီနေရာမှာ ဘယ်လိုနေရာမျိုးကို ရွေးချယ်သင့်တယ် ဆိုတဲ့ အကြောင်းကို Google Docs မှာ ကျွန်တော် ရေးထားတာလေး ရှိပါတယ် .. အချိန်လုံလောက်မယ်ဆိုရင်တော့ သွားကြည့်ကြည့်ပါ။ ဒီနေရာကနေ သွားကြည့်ကြည့်ပါ။ ကျွန်တော် ပေးတဲ့ Link ကို သွားကြည့်ခဲ့ပြီးပြီ ဆိုရင်တော့ Backup Destination အဖြစ်ဘယ်နေရာကို ရွေးချယ်သင့်မယ်ဆိုတာ စဉ်းစားချင့်ချိန်နိုင်လောက်ပါပြီ။ DVD, USB Flash Drive, USB External Drive, ဒါမှမဟုတ် Network Location နှစ်သက်ရာ နေရာ တစ်ခုခုမှာ Backup လုပ်နိုင်တယ် ဆိုပေမယ့် ကျွန်တော်ကတော့ USB External Drive ကိုပဲ ရွေးချယ်ပါ့မယ်။ တစ်ခု မှတ်ထားဖို့က အဲ့ အဆင့်ရောက်မှ Backup လုပ်ဖို့ USB Device တစ်ခုခုကို ကွန်ပြူတာမှာ လာတပ်မယ် ဆိုရင် ဘယ်ဘက်အောက်နားလေးက Refresh ကို နှိပ်ဖို့ပါ။ ဒါမှလည်း Backup လုပ်လို့ ရနိုင်သမျှ Destination အားလုံးကို တိတိကျကျ မြင်နိုင်မှာ ဖြစ်ပါတယ်။

Backup လုပ်ငန်းစဉ် စတင်ခြင်း

Destination တစ်ခုခု စိတ်ကြိုက်ရွေးချယ်ပြီးလို့ Next ကို နှိပ်လိုက်တဲ့ အခါ တွေ့မြင်ရမယ့် အရာက Options ( ၂ ) ခုပါတဲ့ ဆုံးဖြတ်ချက် တောင်းခံမှုပါ။ What do you want to backup ? ရဲ့ အောက်မှာ ဒီ Options ၂ ခုကို မြင်ရပါလိမ့်မယ်။

( ၁ ) Let Windows Choose ( recommended ) နဲ့

( ၂ ) Let me choose

Let Windows Choose ( recommended ) ကိုရွေးချယ်မယ် ဆိုရင် Libraries ရဲ့ အောက်မှာ ရှိနေတဲ့ data files တွေ ၊ Desktop ပေါ်မှာ ရှိနေသမျှ အရာတွေ နောက်ပြီး Default Windows Folder တွေ အားလုံးကို Backup လုပ်သွားမှာ ဖြစ်ပါတယ်။ တကယ်လို့ Scheduled ဆွဲပြီး Backup ပေးထားမယ် ဆိုရင်လည်း Backup လုပ်ငန်း လုပ်ဆောင်ချိန်တိုင်းမှာ ခု ပြောထားခဲ့သမျှ နေရာက ဖိုင်တွေ အားလုံး Backup လုပ်ငန်းစဉ်ထဲမှာ အမြဲ ပါဝင်သွားမှာ ဖြစ်ပါတယ်။ ဒီနေရာမှာ တစ်ခု မေးစရာ ရှိလာတာက Libraries ဆိုတာပါ။ Libraries ဆိုတာဘာလဲ ? Libraries ဆိုတာ Windows 7 ကျမှ အသစ်ပြောင်းထားတဲ့ အခေါ်အဝေါ် တစ်ခုပါ။ ပြောရရင် ဘာနဲ့ အနီးစပ်ဆုံးတူညီ မလဲဆို Windows XP မှာပါတဲ့ Windows Partition အောက်က Documents and Settings နဲ့ သဘောတရားချင်း ဆင်ဆင်တူသလို နဲ့ Vista မှာပါတဲ့ Windows Partition အောက်က Users  နဲ့ လည်း သဘောတရားချင်း ဆင်ဆင်တူပါတယ်။ ဆင်ဆင်တူပါတယ်ပဲ ပြောတာပါ အကုန်တော့ မတူပါဘူး။ ဘာလို့လည်း ဆိုတော့ Windows 7 မှာပါတဲ့ Libraries ဆိုတာက Windows XP နဲ့ Vista မှာပါတဲ့ အရာထက် ပိုပြီး ကိုင်တွယ်ရ လွယ်ကူအောင် စီစဉ်ပေးထားလို့ပါ။ Libraries အကြောင်းကို ဒီလောက်နဲ့ ပဲ ရပ်ထားလိုက်ဦးမယ်။ ပြောမှာက Backup အကြောင်း။ :D 

အဲဒီတော့ Let Windows Choose ( recommended ) ဆိုတာကို ရွေးချယ်လိုက်ရင် ကွန်ပြူတာက စက်တစ်လုံးကို Program ရေးပြီး ခိုင်းလိုက်သလိုမျိုး ဒါတွေဒါတွေလုပ် ဒါတွေဒါတွေ မလုပ်နဲ့ ဆိုတဲ့ ပုံစံကြီးနဲ့ပဲ သွားမှာပါ။ ဆိုတော့ ကျွန်တော်တို့ လိုအပ်တဲ့ ဖိုဒါတွေ ဖိုင်တွေ တစ်ခြားတစ်နေရာမှာ သိမ်းထားမိပြီး အဲ့ဖိုင်တွေက Libraries အောက်မှာ ရှိမနေခဲ့ဘူးဆိုရင် Backup လုပ်ငန်းစဉ်ထဲ ပါမသွားပဲ နေပါလိမ့်မယ်။ ဒီလို မဖြစ်ရအောင် Let Windows Choose ( recommended ) ကို မရွေးချယ်ပဲ ကျွန်တော်တို့ Let me choose ကို ရွေးချယ်သင့်မယ်လို့ ကျွန်တော် အကြံပေးချင်ပါတယ်။ Let me choose ကို ရွေးချယ်ခြင်းအားဖြင့် Let Windows Choose ( recommended ) မှာ default အဖြစ် Backup လုပ်ဖို့ သတ်မှတ်ထားတဲ့ ဖိုင်တွေကို ရွေးချယ်လို့ ရသလို ၊ ကိုယ်ထပ်ပေါင်းထည့်ပြီး backup လုပ်ချင်တဲ့ တစ်ခြား ဖိုဒါတွေကိုလည်း ဒီနေရာမှာ ထပ်ဖြည့်လို့ ရပါသေးတယ်။ ပုံကို ကြည့်ကြည့်ပါ။

ကိုယ် Backup လုပ်ချင်တဲ့ ဖိုဒါတွေ ဖိုင်တွေကို ရွေးချယ်ပြီးပြီ ဆိုရင်တော့ နောက်အဆင့်ကိုသွားဖို့ Next ကို နှိပ်လိုက်ပါမယ်။ နောက်တစ်ဆင့်မှာ မြင်ရမယ့် အနေအထားက အောက်က ပုံပါ။

အောက်နားက Save settings and run backup ဆိုတာကို မနှိပ်ခင် သူ့ အပေါ်နားက Change Schedule ကို နှိပ်ပြီး ဒီ Backup လုပ်ငန်းစဉ်ကို တစ်ပတ်မှာ ဘယ်နကြိမ် လုပ်ဆောင်မယ် ဆိုတာ တစ်ခါတည်း သတ်မှတ်ပေးလိုက်လို့လည်း ရပါတယ်။ ဒီအောက်က ပုံကိုကြည့်ကြည့်ပါ။

ကျွန်တော်ကတော့ အပတ်စဉ် တနင်္ဂနွေတိုင်း ည ရ နာရီ ကိုပေးထားပါတယ်။ ဒါကတော့ စိတ်ကြိုက်ပါ။ ရွေးချယ်ပြီးရင် Ok ကို နှိပ်ပြီး Save settings and run backup ကို နှိပ်ပေးလိုက်ပါ။ Backup စတင်လုပ်ဆောင်ပါပြီ။ ဒါဆို Windows 7 မှာ Backup လုပ်ဆောင်မှု ပြီးပါပြီ။

အခြားနည်းလမ်း တစ်ခုဖြင့် Windows 7 တွင် Backup လုပ်ဆောင်ခြင်း

အပေါ်မှာ ပြောခဲ့ပြီးတဲ့ နည်းအပြင် တစ်ခြား တစ်နေရာကနေလည်း Backup လုပ်ဆောင်လို့ ရပါသေးတယ်။ Start > Control Panel > System and Security > Backup and Restore ကိုသွားပါ နောက်ပြီး ဘယ်ဘက်ခြမ်း အပေါ်ဘက်နားမှာ ရှိနေတဲ့ Create a system image ကို click ပါ။ Where do you want to save the backup ? ဆိုတဲ့ ခေါင်းစဉ်နဲ့ ရွေးချယ်ဖို့ ( ၂ ) ခုပေးပါလိမ့်မယ်။ အဆင်ပြေရာ တစ်ခုကို ရွေးပါ။ တစ်ခုရှိတာပါ Same HD မှာ Backup လုပ်ရင် အဲ့ HD ကြွတာနဲ့ Backup files တွေလည်း ကြွသွားပါလိမ့်မယ်။ သတိတော့ထားပါ။ Same HD မဟုတ်တာ ပိုကောင်းပါတယ်။

System Repair Disc ကိုလည်း လုပ်ထားဖို့ မမေ့ပါနဲ့ .. သူကတော့ ခုနက နှိပ်ခဲ့တဲ့ Create a system image အောက်မှာ ရှိတဲ့ Create a system repair disc ကို နှိပ်ပြီး လုပ်ရမှာပါ။ သူ့ကို လုပ်ထားခြင်း အားဖြင့် ဘာတွေ လုပ်ဆောင်လို့ ရမလဲ ဆိုရင် တကယ်လို့ အခြေအနေတစ်ခုကြောင့် ကွန်ပြူတာ Error တက်ပြီး ချွတ်ယွင်းချက်ရှိလာတဲ့ အခါ အဲ့ဒီ Repair Disc ကို သုံးပြီး အရေးပေါ် Restore ပြန်လုပ်လို့ ရပါမယ်။ ဒီလောက်ပါပဲ။

ကျွန်တော်ကတော့ ကွန်ပြူတာမှာ ရှိနေတဲ့ ကိုယ့်အတွက် အရေးကြီးဒေတာ အားလုံးကို Backup မဖြစ်မနေ လုပ်ထားကြဖို့ နက်နက်နဲနဲ အကြံပြုလိုပါတယ်။ ကျွန်တော်တို့ ကွန်ပြူတာ ဘယ်အချိန်မှာ ဘာဖြစ်မယ် ဆိုတာ မသိနိုင်ဘူး မလား ??

KznT.