Improve your Learning Skills with Youtube Captions

ဘာသာစကား တစ်ခု တတ်မြောက် ကျွမ်းကျင်နိုင်ဖို့ ဆိုရင် သင်ကြားပို့ချသူ တစ်ယောက်တည်းရဲ့ စွမ်းရည်နဲ့ အောင်မြင်မှု မရရှိနိုင်ပါဘူး - သင်ယူသူ ဘက်ကလည်း တတ်မြောက် ကျွမ်းကျင်လိုစိတ်နဲ့ အပတ်တကုတ် ကြိုးစားရယူလိုစိတ် ဆိုတာမျိုးတွေ ပြည့်စုံနေဖို့လိုပါသေးတယ်။ ဒီအချက် သုံးချက်နဲ့ ပြည့်စုံရင်ရော ကိုယ် တတ်မြောက် ကျွမ်းကျင်လိုတဲ့ ဘာသာစကားကို အမှန်တကယ် တတ်မြောက်ကျွမ်းကျင်နိုင်ပြီလား - ကျိန်းသေတပ်အပ် ပြောလို့ မရနိုင်သေးပါဘူး - သူတို့နဲ့ ဆက်စပ် ပတ်သတ်နေတဲ့ သင်ကြားမှု နည်းစနစ်တွေ - သင်ထောက်ကူ ပစ္စည်းတွေနဲ့ လေ့လာမှုလမ်းကြောင်းတွေ စသဖြင့် ကြားခံ လိုအပ်ချက်တွေ ပြည့်စုံဖို့ လိုအပ်ပါသေးတယ်။ ဒီနည်းလမ်းတွေ နည်းစနစ်တွေ မရှိပဲ ဘာသာစကား တစ်ခုဟာ လေ့လာလို့ မရနိုင်ဘူး ဆိုတာမျိုး မဟုတ်ပေမယ့့် ပြည့်ပြည့်စုံစုံ နည်းစနစ် တကျနဲ့ လေ့လာနိုင်ရင် - အချိန်တိုအတွင်း မိမိ တတ်မြောက် ကျွမ်းကျင်လိုတဲ့ ဘာသာစကားကို အခက်အခဲ အနည်းဆုံးနဲ့ တတ်မြောက် ကျွမ်းကျင်နိုင်ဖို့ ပိုသေချာပါတယ်။

ဆိုကြပါစို့ ကျွန်တော်တို့ မြန်မာနိုင်ငံမှာဆို မြန်မာစကားပြီးရင် အင်္ဂလိပ်စကားက မဖြစ်မနေ တတ်မြောက်ထားသင့်တဲ့ အရာတစ်ခု ဆိုတာ အားလုံးနားလည်ကြပါတယ်။ အင်္ဂလိပ်စကားဟာ ထင်သလောက် ခက်ခဲတာမျိုး မဟုတ်ပေမယ့် မိခင်ဘာသာစကားလောက်တော့ မလွယ်ကူပါဘူး - ကျွန်တော်တို့တွေ သူငယ်တန်းကနေ စလို့ ၁၀ တန်းထိ အင်္ဂလိပ်စာနဲ့ အဆက်ပြတ်သွားတယ် ဆိုတာမျိုး မရှိဘူး - နှစ်စဉ်နှစ်တိုင်း ပြဌာန်းချက် စာအုပ်ထဲမှာ အင်္ဂလိပ်လို လေ့လာရမယ့် ဘာသာရပ် တစ်ခု မဟုတ် တစ်ခုတော့ ပါနေမြဲပါပဲ - တက္ကသိုလ်ရောက်ခဲ့ပြန်တော့လည်း မလွတ်သွားခဲ့ပြန်ဘူး - အဲတော့ ကျွန်တော် ဆိုလိုချင်တာ ( ၁၀ ) စုနှစ် တစ်နှစ်ကျော် ကျွန်တော်တို့ ဒီ ဘာသာစကားကို သင်ခဲ့ရပေမယ့် ဘာကြောင့် မကျွမ်းကျင်ကြပါသလဲ အကြောင်းရင်းက -



- လေ့လာမှု အားနည်းလို့ ဖြစ်ပါတယ်။
- လိုချင်စိတ် ခေါင်းပါးလို့ ဖြစ်ပါတယ်။
- အလွယ်ကြိုက်လို့ ဖြစ်ပါတယ်။
- လတ်တလော မလိုအပ်ရင် ဘေးချိတ်ထားပြီး အရေးပေါ်လိုမှ ခေါ်ခေါ်သုံးခဲ့လို့ ဖြစ်ပါတယ်။

ကျွန်တော် အင်္ဂလိပ်စာ သင်တန်း ဖွင့်ချင်လို့ အစပျိုးနေတာ မဟုတ်ပါဘူး - ခု ကျွန်တော်တို့ အင်တာနက်ဆိုတာနဲ့ ထိတွေ့လာရပြီ - နည်းပညာဆိုတဲ့ ရပ်ဝန်းကို ခြေချမိကြပြီ - ကျွန်တော်တို့ သိထားရမှာ ကျွန်တော်တို့ ခု ဆွတ်ချူစားသုံးနေတဲ့ နည်းပညာ အသီးအပွင့်တွေဟာ ကျွန်တော်တို့ ကိုယ်တိုင် စိုက်ပျိုးထားတာ မဟုတ်ပါဘူး - တစ်ခြားသူ ပျိုးပြီး ကြီးထွားလာတဲ့ ပင်အို တစ်ခုက ကြွေကျလာတဲ့ အသီးအပွင့် တစ်ချို့ကို ဆွတ်ချူ စားသုံးနေတဲ့ အဆင့်ပဲ ရှိပါသေးတယ်။ ဒါကို ကျွန်တော်တို့က ဗိုက်ဝရင် ပြီးရော တင်းတိမ်နေရင် တစ်နေ့နေ့မှာ ဒုက္ခလှလှ တွေ့ပါလိမ့်မယ်။ တစ်နေ့နေ့မှာမှ မဟုတ်ပါဘူး - ခုလည်းတွေ့နေပါပြီ - ဥပမာ ဆိုကြပါစို့ ၁၉၈၂ ခုနှစ်မှာ သူတို့က AutoCAD ဆိုတဲ့ အပင်တစ်ပင် စိုက်လိုက်တယ် - အဲ့ကနေ AutoCAD Version 1.0 ဆိုပြီး အသီးတွေ သီးလာတယ် - အသီးမှန်း သိတော့ လူဆိုတာ မြည်းချင်စိတ် ပေါ်လာတယ် - အရသာရှိလား မရှိဘူးလား - အဆိပ်ပင်လား - အဆိပ်သီးလား - အရင်ဆုံး ခူးကြည့်တယ် - ဟိုစမ်းဒီစမ်း စမ်းသပ်ကြည့်တယ် - အဆိပ်မရှိလောက်ဘူး သိပြီ - ဒီတော့ စ, စားကြည့်တယ် - အရသာ ရှိမှန်း သိပြီ - ဒီတော့ ဆက်စားချင်လာတယ် - ထပ်ခူးတယ် ထပ်စားတယ် - စားလို့ဝပေမယ့် အရသာကို ကောင်းကောင်း မခွဲခြားတတ်သေးဘူး - ဒီအရသာကို ခွဲခြမ်း စိတ်ဖြာကြည့်မယ် ဒါကို ဥပမာ ယူပြီး နောက်သူ့ထက် သာတဲ့ အပင် စိုက်ဖို့စိတ်ကူးမယ်လည်း ကြံရော AutoCAD Version 1.0 တွေ သီးနေတဲ့ AutoCAD ပင်ကို သတ်ပစ်လိုက်တယ် - ပြီးတော့ သူတို့က နောက် AutoCAD တစ်ပင် ထပ်စိုက်တယ် - အဲကောင်က ကျတော့ AutoCAD Version 1.2 စသဖြင့် သီးတယ် - အဲလိုနဲ့ သီးလိုက် မြည်းလိုက် သတ်လိုက် နောက်တစ်ပင် ပြန်စိုက်လိုက်နဲ့ ပတ်ချာလည်နေလိုက်တာ ခု AutoCAD 2011 ဆိုတဲ့ သစ်ပင် စိုက်ထားပြီးပြီ - ကျွန်တော်တို့ ကတော့ ခုထက်ထိ အသီးခူးစားနေတုန်းပဲ - ဒီ အရသာကို သိပေမယ့် ဒီလို အရသာရှိအောင် ဘယ်လို ဖန်တီးထားလဲ ဆိုတာ မသိနိုင်သေးဘူး - ကိုယ်တိုင်လည်း မစိုက်ပျိုးနိုင်သေးဘူး -

ဒါဟာ မျက်မှောက်ခေတ် နည်းပညာပြိုင်ပွဲမှာ ဖွံ့ဖြိုးပြီး နိုင်ငံတွေကို ကျွန်တော်တို့လို ဖွံ့ဖြိုးဆဲ နိုင်ငံတွေက ခုချိန်ထိ မယှဉ်ပြိုင်နိုင်သေးတဲ့ အဓိက သော့ချက်ပါပဲ - သူတို့ ချပြထားတဲ့ နည်းပညာကို သုံးပြီး သူတို့ကို ကျော်ဖြတ်နိုင်ဖို့ ဆိုတာ တကယ်တော့ တော်တော် မလွယ်ကူတဲ့ စိန်ခေါ်ချက် တစ်ရပ်ပါ - လောလောဆယ် အခြေအနေမှာ ကျော်ဖြတ်ဖို့ ဆိုတာကို အသာထားလို့ ကျွန်တော်တို့ အမှီလိုက်နိုင်အောင်ပဲ အရင် ကြိုးစားကြည့်ပါဦးမယ် - ဒီလိုဆို ကျွန်တော်တို့အတွက် အဓိက မဖြစ်မနေ လိုအပ်မှာ ဘာသာစကားပါ -

Photo from englishclub.com

ဘာသာစကား တစ်ခုမှာ -

• Skill 1: Listening
• Skill 2: Speaking
• Skill 3: Reading
• Skill 4: Writing

ဆိုတဲ့ 4 Language Skills ရှိတယ် ဆိုတာ အားလုံးလည်း သိထားပြီးပါပြီ။ ဒီလို 4 Language Skills ကို လေ့လာတဲ့ နေရာမှာ နေရာတစ်ခုတည်းကနေ တော်တော်များများ အထောက်အကူ ပြုနေတာ ကျွန်တော်တို့နဲ့ အကျွမ်းတဝင် ဖြစ်နေတဲ့ youtube.com ပါ။ ကျွန်တော် ဖိုရမ်မှာ ဖော်ပြခဲ့ဖူးတဲ့ တစ်ချို့ အကြောင်းအရာတွေမှာ ဆိုရင်လည်း Youtube မှာ ရှိနေတဲ့ ကောင်းနိုးရာရာ ဆွေးနွေးချက်လေးတွေ ပူးတွဲ ဖော်ပြထားတာ ရှိဖူးပါတယ်။ ဥပမာ အနေနဲ့ ပြရရင် Google ၏ ပြောင်းလဲမှုများ အကြောင်း အဲ့ဒီ အကြောင်းအရာအောက်မှာ ဆိုရင် ကျွန်တော် အကြောင်းအရာ အသစ်တစ်ခု ဖော်ပြတိုင်း ဆက်စပ်ကြည့်ရှုထားသင့်တဲ့ ဗွီဒီယိုလေးတွေ ပူးတွဲ ဖော်ပြခဲ့ပါတယ်။

ဒီနေရာမှာ တစ်ချို့ မိသားစုဝင်တွေ အတွက် အခက်အခဲ ရှိနိုင်တာ 4 Language Skills ထဲက Listening Skill ပါ - ကျွမ်းဝင်တဲ့ ဘာသာစကား ဖြစ်တာမှန်ပေမယ့် နားထောင်နေကျ မဟုတ်ရင် သိထားပြီးသား စကားလုံး ပြောနေတာတောင် ဘာပြောနေမှန်းမသိ ဖြစ်ကောင်း ဖြစ်နိုင်ပါတယ်။ ဒီအခက်အခဲကို ပြေလည် စေဖို့အတွက် Google Instant ဆိုတဲ့ ခေါင်းစဉ်အောက်မှာ ကျွန်တော် ပူးတွဲ ဖော်ပြခဲ့တဲ့ အောက်ဖော်ပြပါ ဗွီဒီယိုကို ကြည့်ခဲ့တယ် ဆိုကြပါစို့ - စာတမ်းထိုးမပါဘူး - စကားလုံးတွေက ရိုးပေမယ့် နားထောင်နေကျ မဟုတ်တဲ့အခါ စစချင်း ဘာပြောမှန်းမသိ - စိတ်ထဲ သူပြောတာ နည်းနည်း မြန်နေသလို ထင်မိပြီး လည်တဲ့နေရာလည် - မလည်တဲ့ နေရာ မလည်နဲ့ - ဆိုလိုရင်းကို သဘောမပေါက်ပဲ ဖြစ်တတ်ပါတယ်။ ဒီလိုဆို ကျွန်တော်တို့ Listening Skill ကြောင့် နားမလည်နိုင် ဖြစ်နေတဲ့ အကြောင်းအရာကို Reading Skill အဖြစ် ပြောင်းယူလို့ ရပါတယ်။ ဆိုလိုချင်တာ အောက်ဖော်ပြပါ ဗွီဒီယိုထဲက Product Manager - Jonathan Effrat ပြောခဲ့တဲ့ အကြောင်းအရာတွေကို စာအဖြစ် ပြောင်းယူတဲ့ နည်းပါ။ ဒီလိုဆို သူပြောခဲ့တဲ့ အကြောင်းအရာတွေ Listening Skill အားနည်းမှုကြောင့် နားမလည်နိုင် ဖြစ်ခဲ့မယ် ဆိုရင်တောင် စကားပြောကို စာသားအဖြစ် ဖတ်ရှုရမှာ မို့ သူဘာပြောချင်တယ် ဆိုတာ စာဖတ်ရင်း သဘောပေါက် နားလည်သွားနိုင်ပါတယ်။

လုပ်ဆောင်နည်းကတော့ အောက်ဖော်ပြပါ URL ကို မှတ်သားထားပါ -

http://video.google.com/timedtext?lang=en&v=VIDEO_ID

အနီရောင်နဲ့ ဖော်ပြထားတဲ့ နေရာမှာ YouTube video မှာရှိတဲ့ ID နဲ့ အစားထိုး ဖြည့်သွင်းပေးရမှာ ဖြစ်ပါတယ်။ YouTube video မှာရှိတဲ့ ID ဆိုတာ ဘယ်လိုမျိုးလဲ ဆိုတာ ထပ်နားလည်အောင် ရှင်းရရင် - အထက်ဖော်ပြပါ Product Manager - Jonathan Effrat ရဲ့ ဗွီဒီယိုဟာ http://www.youtube.com/watch?v=ElubRNRIUg4 မှာ တည်ရှိပါတယ်။ အဲ့မှာမှ ကျွန်တော် အနီရောင်နဲ့ ဖော်ပြထားတဲ့ ElubRNRIUg4 ဆိုတာ အဲ့ဒီ့ YouTube video ရဲ့ ID ပါပဲ။

အဲ့ဒီ့ ဗွီဒီယိုရဲ့ အဓိက အကျဆုံး Captions file ကို လိုချင်တယ် ဆိုရင် အပေါ်မှာ ဖော်ပြခဲ့ပြီးတဲ့ http://video.google.com/timedtext?lang=en&v=VIDEO_ID က VIDEO_ID ဆိုတဲ့ နေရာမှာ ElubRNRIUg4 ကို အစားထိုး ဖြည့်သွင်းလိုက်ပါ။ ဒီလိုဆို အောက်ဖော်ပြပါအတိုင်း URL အသစ်တစ်ခု ဖြစ်သွားပါလိမ့်မယ်။

http://video.google.com/timedtext?lang=en&v=ElubRNRIUg4

အထက်ဖော်ပြပါ URL ဟာ Product Manager - Jonathan Effrat ရဲ့ Captions file တည်ရှိရာ URL ဖြစ်ပါတယ်။ ဒါပေမယ့် အဲတာဟာ XML file အဆင့်ပဲ ရှိပါသေးတယ်။ သူ့မှာ စကားပြော စာသားမဟုတ်တဲ့ တစ်ခြား tags တွေလည်း ပါဝင်နေပြီး ကြည့်ရတာ မျက်စိလည်း တော်တော်နောက်ပါတယ်။ ကျွန်တော်တို့က ရည်ရွယ်ချက် အနှစ်သာရ ပါဝင်တဲ့ စကားပြောကိုပဲ ရယူချင်တာ မို့လို့ ဒီ tags တွေကို ဖျောက်ပစ်ဖို့ လိုပါတယ်။ လုပ်ဆောင်နည်းကတော့ ဖော်ပြပါ Captions file ရဲ့စာမျက်နှာမှာ Right click ထောက်ပြီး " View Page Source " ကို သွားပါ။

အထက်ဖော်ပြပါ အတိုင်း text တွေပါတဲ့ box တစ်ခု တက်လာခဲ့ရင် စာသား အားလုံးကို Copy ကူးပြီး ဒီနေရာ ကိုသွားပါ။ မြင်နေရတဲ့ ကွက်လပ်ထဲမှာ Copy ကူးလာတဲ့ စာသားအားလုံးကို Paste လုပ်ပြီး Go ကို နှိပ်ပါ။

ဒါဆို ကျွန်တော်တို့ Listening Skill ကြောင့် နားမလည်နိုင် ဖြစ်နေခဲ့တဲ့ အကြောင်းတရားတွေကို တိုက်ရိုက်ဖတ်ရှု နားလည် နိုင်ပါပြီ။

This year, the planet's digital content will blast through the zettabyte barrier. That is approximately equal to 1 million times the information stored in all the libraries in the US, but finding the right information should feel easy. It should feel like magic, and we're getting closer to that. At Google we innovate to make search faster and more relevant everyday. The new experience transforms search, delivering results instantly, in a way that has never been done before. Now, results appear automatically as you type with no need to hit enter or click the search button. As soon as you see what you need predicted in grey text, you can stop typing and just look down to find your results waiting.

ဘာသာစကား တစ်ခု လေ့လာသင်ယူတယ် ဆိုတာ တကယ်တော့ အနုပညာတစ်ခု တတ်မြောက်ဖို့ ဆည်းပူးရသလို ပါပဲ - စိတ်ရှည်ရမယ် - သည်းခံရမယ် - လိုချင်စိတ်ရှိရမယ် - လွယ်ကူမယ့် နည်းလမ်းကို ရှာဖွေနိုင်ရမယ် - ဒါဟာ ဘာသာစကား တစ်ခု လွယ်ကူ လျင်မြန်စွာ သင်ယူတတ်မြောက်နိုင်မယ့် လမ်းစပါပဲ 

KznT.

What is the difference between ZIP and RAR ?

Originally Posted by ဟိန်းသက်အောင် 

zip နဲ့ rar ဖိုင်နဲ့ ဘယ်လိုကွာခြားမှုရှိသလဲလို့သိချင်လို့ပါ။ ဖြေပေးပါဦးအစ်ကိုတို့အစ်မတို့ရေ။ကျေးဇူးပါ။

Photo from instablogsimages.com

zip နဲ့ rar format တွေရဲ့ ကွာခြားချက် သဘောတရားကို အတိုရှင်းရရင် -



ZIP format က encryption algorithm ကို အသုံးပြုထားပါတယ်။ Encryption လုပ်တယ်ဆိုတာ အလွယ်ပြောရရင် တစ်ခြားသူ တစ်ယောက် မသိရှိနိုင်အောင် Cipher လို့ ခေါ်တဲ့ Algorithm ကို အသုံးပြုပြီး Information တွေကို လျှို့ဝှက် Code တွေအဖြစ် ပြောင်းလဲထားတာကို ခေါ်ပါတယ်။

RAR archives တွေမှာ အသုံးပြုတဲ့ encryption format AES-128 ( Advanced Encryption Standard ) ကတော့ ZIP မှာ အသုံးပြုတဲ့ encryption format ထက် ပိုပြီး လုံခြုံမှု ရှိပါတယ်။ အဲတာကြောင့်မို့ အရေးကြီးတဲ့ အတင်းအချက်အလက်တွေကို encryption လုပ်ဆောင်တော့မယ် ဆိုရင် RAR archive format ကို ပိုပြီး အသုံးပြုသင့်ပါတယ်။

zip, rar format တွေနဲ့ ပတ်သတ်ပြီး နောက်ထပ် သိထားသင့်တာက -

ZIP

Zip 2.0 encryption format က တော်တော်လေး လျော့တိလျော့ရဲ နိုင်ပါတယ်။ ကိုယ်ပေးထားတဲ့ Passwords ကို တစ်ယောက်ယောက်က Password recovery tools တစ်မျိုးပြီး တစ်မျိုး ပြောင်းသုံးပြီး ဖော်တဲ့ အချိန်မှာ ဒီ Zip 2.0 encryption format က ကိုယ့် Data တွေကို အပြည့်အဝ ကာကွယ်ပေးထားနိုင်ပါမယ်လို့ ယုံကြည်လို့ မရပါဘူး - တကယ်လို့ ကိုယ်က ကိုယ့် Data တွေနဲ့ ပတ်သတ်ပြီး လုံခြုံရေး ပိုတင်းကျပ်ချင်ပြီ ဆိုရင် ဒီ့ထက် ကောင်းတဲ့ တစ်ခြား Cryptography ( ဝှက်စာသွင်းတဲ့ နည်းလမ်း ) တစ်ခုကို ရှာဖွေရမှာ ဖြစ်ပါတယ်။

RAR

RAR archives တွေကို Passwords ပေးတဲ့ နေရာမှာ အမှန်တကယ် Security ကောင်းချင်တယ်ဆိုရင် အနည်းဆုံး characters ရှစ်လုံး အသုံးပြုရပါမယ်။ တစ်ခြား language တွေက စာလုံးတွေကို Passwords ပေးတဲ့နေရာမှာ အသုံးမပြုပါနဲ့ - အကောင်းဆုံးက ဂဏန်းတွေ စာလုံးတွေ ရောပြွန်းထားတဲ့ random passwords ပေးတာမျိုးက ပိုကောင်းပါတယ်။ နောက်တစ်ခု ကျွန်တော်တို့ သတိထားရမှာ ကျွန်တော်တို့ ပေးလိုက်တဲ့ passwords တွေက case sensitive ရှိပါတယ်။ case sensitive ရှိတယ် ဆိုတာ စာလုံးအသေးကြီး အမှားမခံပါဘူး - ဆိုလိုတာ စာလုံးချင်းတူပေမယ့် အကြီးနဲ့ ပေးထားတဲ့ passwords ကို စာလုံးအသေးနဲ့ ရိုက်ပြီး ပြန်ဖြည်လို့ မရပါဘူး - အဲလို လုပ်ရင် encrypted လုပ်ထားတဲ့ ဖိုင်တွေကို ပြန်ယူလို့ မရဖြစ်ပါလိမ့်မယ်။

အဆင်ပြေပါစေ -

KznT.

Types of recordable DVD formats and DVD-ROM

အင်္ဂလိပ်စာ ကနေ ဘာသာပြန်တာ သိပ်မကျွမ်းကျင်တဲ့အတွက် အင်္ဂလိပ်လိုပဲ ပြန်ပြီး ဖော်ပြလိုက်ပါတယ်ခင်ဗျာ... ဖြစ်နိုင်ရင် အစ်ကိုအမ တို့ က ဘာသာပြန်ပေးစေချင်ပါတယ်.....

တောင်းဆိုချက် အရ ဘာသာပြန်ဖော်ပြပေးလိုက်ပါတယ်။ တစ်ချို့ အကြောင်းအရာတွေဟာ တိုက်ရိုက် ရေးရင် သဘောတရား မပေါ်လွင်နိုင်တာမို့ စာသားတစ်ချို့ ဖြည့်စွက် ရှင်းလင်းထားပါတယ်။

Photo From all4dvd.com

The difference between DVD-R, DVD+R, DVD+RW and DVD-RW explained
There's DVD+R, DVD+RW, DVD-R, DVD-RW, and even DVD-ROM! So what's the difference between all of these different names,

DVD-R, DVD+R, DVD+RW နဲ့DVD-RW ဆိုတာတွေ ကြားက ကွာခြားချက်ကို ရှင်းမယ် ဆိုရင် DVD+R, DVD+RW, DVD-R, DVD-RW, တွေကနေ စလို့ DVD-ROM ဆိုတာထိ ရှိပါတယ်။ အဲတော့ ဒီ မတူညီတဲ့ အမည်တွေ ကြားထဲက ကွာခြားချက်တွေက ဘာတွေများလဲ ??

aren't all DVDs the same? Well, it's not quite that simple. Let's first start with the most obvious difference:

အားလုံးက DVDs တွေချည်းပဲ တူတူပဲ မဟုတ်ဘူးလား ? မဟုတ်ပါဘူး အဲ့လောက်ထိ မလွယ်ကူပါဘူး - ပထမဆုံး မြင်လွယ် သိလွယ်မယ့် နေရာကနေ စကြည့်ပါမယ် -

some have R and some have RW. The "R" stands for readable, while the "W" stands for writeable.

DVD ထဲမှာမှ တစ်ချို့က R ပါတယ်။ တစ်ချို့ကျတော့ RW ပါတယ်။ "W" ဆိုတဲ့ စာလုံးက writeable လို့ ခေါ်တဲ့ DVD ပေါ်မှာ Data တွေ ရေးသား-ဖြည့်သွင်းနိုင်သည်လို့ သဘောဆောင်တဲ့ အချိန်မှာ "R" ဆိုတဲ့ ကောင်က readable လို့ ခေါ်တဲ့ DVD ပေါ်မှာ ပါတဲ့ Data တွေကိုပဲ ဖတ်ပဲဖတ်နိုင်ပါတယ် ဆိုတဲ့ သဘောတရားကို ဆောင်ကျဉ်းပါတယ်။

The main difference between DVD-R and DVD-RW, or DVD+R and DVD+RW is that the R disc formats can only be written to once, and then it is only readable and can’t be erased for the rest of its digital life.

DVD-R, DVD-RW, DVD+R နဲ့ DVD+RW ဆိုတာတွေရဲ့ အဓိက ကွာခြားချက်တွေကတော့ - R ဆိုတဲ့ disc formats တွေဟာ Disc ပေါ်မှာ Data တွေကို တစ်ကြိမ်သာရေးသားရိုက်သွင်းနိုင်ပြီး - အဲလို ရေးသားရိုက်သွားပြီးသွားတာနဲ့ Disc ပေါ်မှာ ရေးသားလိုက်တဲ့ အကြောင်းအရာကို readable ဆိုတဲ့ ဖတ်ယုံကလဲြွပီး - ဒီ Disc ပေါ်မှာ ပါတဲ့ အကြောင်းအရာကို ဖျက်ခြင်း - နောက်တစ်ဖန် အသစ်ပြန်ရိုက်ခြင်း - Data အသစ် ထပ်မံဖြည့်သွင်းခြင်း ဆိုတာမျိုးတွေကို သူ့တစ်သက်မှာ နောက်တစ်ကြိမ် ဘယ်တော့မှ ထပ်မံလုပ်ဆောင်လို့ မရတော့ပါဘူး။

While RW discs are can be written to and erased many times, they are both readable and writeable.

RW discs တွေကတော့ အကြိမ်ပေါင်းများစွာ ထပ်မံရိုက်သွင်းလို့လည်း ရသလို ရိုက်သွင်းပြီးသား အကြောင်းအရာတွေကိုလည်း ပြန်လည် ပယ်ဖျက်လို့ ရပါတယ်။ ဒါ့ကြောင့် RW discs တွေကို readable and writeable လို့ခေါ်တဲ့ ရေးလို့လည်း ရ ဖတ်လို့လည်းရ ဆိုတဲ့ ဂုဏ်ပုဒ်နဲ့ တင်စားထားတာပါ။

"R" discs are perfect if they are only needed to be written to once, such as giving some files to a friend or transferring them between PCs.

ဒါ့ကြောင့် "R" discs တွေဟာ PCs တစ်ခုနဲ့ တစ်ခုကြား files တွေ ရွှေ့ပြောင်း သယ်ယူရာမှာ ဖြစ်ဖြစ် - ကိုယ့် သူငယ်ချင်းတစ်ယောက်ကို ဖိုင်တစ်ချို့ ပေးချင်တဲ့ အခါမျိုးမှာ ဖြစ်ဖြစ် Data တွေကို တစ်ခါသုံး တစ်ခါရိုက် သဘောမျိုး အသုံးပြုတဲ့ နေရာမှာ သင့်တော်ပါတယ်။

"RW" discs have their strength in the ability to be used many times over, which is great for routine system backups, etc.

"RW" discs ဆိုတာတွေကတော့ ပိုပြီး ကြံ့ခိုင်မှုလည်း ရှိသလို အကြိမ်ပေါင်း များစွာ ဖျက်သွင်းရိုက်ထုတ် လုပ်နိုင်တာမျိုး မို့လို့ ပုံမှန်လုပ်ဆောင်နေရမယ့် system backups ဆိုတာမျိုး - စတာတွေမှာ အသုံးပြုဖို့ အကောင်းဆုံးပါပဲ။

And naturally, the RW discs are slightly more expensive than the R discs, but you'll have to decide if the trade offs are worth the money.

ပုံမှန်အားဖြင့်တော့ RW discs တွေဟာ R discs ထက် နဲနဲလေး ဈေးပိုကြီးတတ်ပါတယ်။ ဒါ့ကြောင့် ကျွန်တော်တို့ ဆုံးဖြတ်ရမှာ ကိုယ့်အတွက် တကယ် အသုံးလိုသလား - တကယ် ပေးဝယ်ဖို့ရော တန်ရဲ့လား ဆိုတာ မဝယ်ယူခင်မှာ စဉ်းစားသင့်ပါတယ်။

Now, onto the difference between DVD-R and DVD+R.

အခု ကျွန်တော်တို့ DVD-R နဲ့ DVD+R အကြောင်းလေး ဆက်လိုက်ကြရအောင် -

As I just described above, DVD-R & DVD-RW are sister discs, the difference being one is writeable once, while the other is writeable multiple times.

ကျွန်တော် အပေါ်မှာ ဖော်ပြခဲ့ပြီးတဲ့ တစ်ခုက Data တွေကို တစ်ကြိမ်ပဲ ရိုက်သွင်းနိုင်တဲ့ အချိန်မှာ နောက်တစ်ခုက Data တွေကို အကြိမ်ပေါင်း မနည်း ရိုက်သွင်းနိုင်တယ် ဆိုတဲ့ Discs ညီအစ်မ DVD-R နဲ့ DVD-RW လို သဘောပါပဲ -

The same thing is true for DVD+R & DVD+RW. So the question is, what's the difference between the plus and minus?

ဖော်ပြခဲ့ပြီးတဲ့ အဲ့ဒီ သဘောတရားက DVD+R နဲ့ DVD+RW မှာလည်း တူတူပါပဲ - အလွယ်ပြောရင် တစ်ခုက တစ်ကြိမ်ပဲ ရိုက်လို့ ရမယ် - နောက်တစ်ခုက ကြိမ်ဖန်များစွာ ရိုက်လို့ ရမယ်။ အဲ - ဒီလိုဆို အနှုတ်နဲ့ အပေါင်း Minus "-" နဲ့ Plus "+" ကျတော့ ဘာကွာ သွားတာတုန်း ?

In order to explain this we must take a trip back in time.

ဒါကို ရှင်းဖို့ အတွက် ဆိုရင်တော့ ကျွန်တော်တို့တွေ နောက်ကြောင်းပြန် ကြည့်ရပါလိမ့်မယ် -

When DVDs were first being developed, there was no industry standard.

DVDs ဆိုတာတွေ ပထမဆုံး စထုတ်ခဲ့စဉ်တုန်းက လုပ်ငန်းသုံးစံသတ်မှတ်ချက် ဆိုတာတွေ မရှိခဲ့သေးပါဘူး -

Multiple companies were competing to develop what they hoped would be the dominant form of the future.

ကုမ္ပဏီတွေ တစ်ခုနဲ့ တစ်ခုက ကိုယ်မျှော်လင့်ထားတဲ့ ပုံစံအတိုင်း အနာဂတ်မှာ လွှမ်းမိုးနိုင်ဖို့ကိုသာ ယှဉ်ပြိုင် ဖန်တီးနေခဲ့ကြတာ ဖြစ်ပါတယ်။

The DVD-R DVD+R difference can easily be summarized by the following:

DVD-R DVD+R ရဲ့ ကွာခြားချက်ကို အောက်ဖော်ပြပါအတိုင်း အလွယ်တကူ အနှစ်ချုပ်နိုင်ပါတယ် :

* The DVD-R/RW standard was developed by Pioneer, and is used primarily by Apple and Pioneer. These "minus" discs can only be written to in one layer on the discs surface. In addition, this format is supported by the DVD forum, but is in no way an industry standard. DVD-R/RW discs are cheaper than the "plus" format.

* DVD-R/RW standard ဆိုတာ Pioneer ကစတင် ဖော်ထုတ်ခဲ့တာ ဖြစ်ပြီး Apple နဲ့ Pioneer အဦးဆုံး အသုံးပြုခဲ့ကြပါတယ်။ ဒီ "minus" discs တွေဟာ Discs မျက်နှာပြင်ပေါ်က Layer တစ်ခုတည်းပေါ်မှာသာ ရေးသားနိုင်ပါတယ်။ နောက် ဒီ format ကို DVD forum က support ပေးထားတယ်ဆိုပေမယ့် industry standard လို့ ခေါ်တဲ့ လုပ်ငန်းသုံး စံသတ်မှတ်ချက်တော့ ပြည့်မှီ မလာနိုင်ပါဘူး - DVD-R/RW discs တွေဟာ "plus" format တွေထက် ဈေးသက်သာပါတယ်။

* The DVD+R/RW format is supported by Philips, Dell, Sony, HP, and Mcft. These discs can be written to in multiple layers, giving them slightly better and more disc storage than the "minus" format. Because of this additional capacity, they are slightly more expensive than "minus" discs.

* DVD+R/RW format ကတော့ Philips, Dell, Sony, HP, Mcft ကနေ support ပေးထားတာ ဖြစ်ပြီး အဲ့ဒီ့ Discs တွေက multiple layers လို့ ခေါ်တဲ့ Layers တစ်ခုထက်မက ရေးသားနိုင်သလို - "minus" format Discs တွေထက်လည်း နဲနဲပိုကောင်းပြီး disc storage လည်း နဲနဲ ပိုများပါတယ်။ အဲလို အားသာချက်တွေကြောင့် "plus" format discs တွေက "minus" discs တွေထက် ဈေးနဲနဲ ပိုကြီးတတ်ပါတယ်။

A couple final things to clear up is the difference between DVD-ROM and DVD+RW, or the other DVD formats I mentioned above. The DVD-ROM drive can only read DVDs, while the other DVD drives can read and write data to DVDs.

နောက်ဆုံးတစ်ခုအနေနဲ့ ကျွန်တော် အထက်မှာ ဖော်ပြခဲ့ပြီးတဲ့ DVD+RW နောက် တစ်ခြား DVD formats တွေနဲ့ DVD-ROM ရဲ့ ကြားက ကွာခြားချက်ကို ရှင်းလင်းသွားအောင် ထပ်ပြောရရင် တစ်ခြား DVD drives တွေက Data တွေကို DVDs ထဲ ရေးလိုက်ဖျက်လိုက် ပြန်ရိုက်လိုက် လုပ်ဆောင်နေနိုင်တဲ့ အချိန်မှာ DVD-ROM drive ဆိုတာတွေက DVDs တွေကို ဖတ်ယုံပဲ ဖတ်နိုင်ပါတယ်။

And naturally the DVD+RW CD+RW difference can be explained by the "DVD" or "CD" prefix. DVDs, on average, can store up to 4.7 GB of data, while a CD can only store about 700 MB of data, or about 15% of a DVD's capacity. While CDs are slightly cheaper, in my opinion, the benefits of DVDs are much greater.

သာမန်အားဖြင့်တော့ DVD+RW CD+RW ဆိုတာရဲ့ ကွာခြားချက်ကို "DVD" နဲ့ "CD" ဆိုတဲ့ စာလုံးတွဲ ကို ကြည့်ပြီး နားလည်ပြီး ဖြစ်လောက်ပါပြီ - CD တွေက ပျမ်းမျှ အနေနဲ့ Data ပမာဏ 700 MB ဝင်ဆံ့နေစဉ်မှာ - DVDs တွေကတော့ ပျမ်းမျှ အနေနဲ့ Data 4.7 GB ပမာဏ ဝင်ဆ့ံပါတယ်။ တစ်ခြားနည်းနဲ့ ပြောရရင် CD တွေရဲက Data ပမာဏ ဝင်ဆံ့နိုင်မှု နှုန်းဟာ DVDs တွေရဲ့ 15% ရောက်ပဲ ဝင်ဆံ့နိုင်တယ်လို့လည်း ပြောလို့ရပါတယ်။ ကျွန်တော့် အမြင်မှာ CDs တွေက အနည်းငယ် ဈေးပိုသက်သာတယ် ဆိုပေမယ့် DVDs ရဲ့ အသုံးဝင် ထူးခြားချက်တွေက ပိုပြီး သာလွန်ကောင်းမွန်တယ် လို့ ဆိုနိုင်ပါတယ်။

So now that you've learned about the difference between DVD-R, DVD+R, DVD-RW, DVD+RW, and even DVD-ROM, which one is right for you? The easiest way to determine which is more beneficial is to watch the industry trends. A few years ago all pre-built computers were shipping with DVD-ROM drives. Today, most PCs have a burnable DVD drive.

ခုဆိုရင် စာဖတ်သူတို့ DVD-R, DVD+R, DVD-RW, DVD+RW, ဆိုတာတွေ အပြင် DVD-ROM ဆိုတာတွေရဲ့ ကြားက ကွဲပြားခြားနားချက် ဆိုတာတွေကို လေ့လာခဲ့ပြီးပြီ - ဘယ်ဟာကများ ကိုယ့်အတွက် ပိုသင့်တော်ပါသလဲ ?? အလွယ်ကူဆုံး ဆုံးဖြတ်နိုင်မယ့် နည်းလမ်းကတော့ ဘယ်ကောင်က လုပ်ငန်းခွင်သုံးအနေနဲ့ ပို သင့်တော်သလဲ ဆိုတာကို ကြည့်ပြီး ရွေးချယ်တာပါ။ ဟိုးအရင် နှစ်တွေတုန်းကတော့ တပ်ဆင်ပြီးသား computers တွေမှာ DVD-ROM drives တွေ တစ်ခါတည်း ထည့်သွင်းပါဝင်လာခဲ့ တာမျိုး ရှိခဲ့ပါတယ်။ ခုခေတ်မှာတော့ PCs တော်တော်များများမှာ burnable DVD drive လို့ ခေါ်တဲ့ ဖတ်ယုံတင် မဟုတ်ပဲ ရိုက်ပါ ရိုက်နိုင်တဲ့ DVD drive မျိုးတွေ ရှိနေကြပါပြီ။

I feel that the benefits of having a burnable DVD drive far outweigh any additional costs. They store much more data, and they are ideal for storing your home movies to watch on your DVD player.

ကျွန်တော် ယုံကြည်မိတာတော့ burnable DVD drive တစ်ခု ရှိထားတာဟာ တစ်ခြား အပိုကုန်ကျ စရိတ်တွေထက် အများကြီး ပိုပြီးအကျိုးပြုပါတယ်။ သူရှိထားခြင်း အားဖြင့် Data တွေကို ကျွန်တော်တို့ ပိုသိမ်းထားလို့ ရသလို DVD player နဲ့ ကြည့်ရှုနိုင်ဖို့ movies တွေသိမ်းဆည်းတဲ့ နေရာမှာလည်း အရမ်း အသုံးဝင်ပါတယ်။

My advice is to look at DVD burners that support all of the major formats I've mentioned above, DVD-R, DVD+R, DVD-RW, and DVD+RW. While a DVD drive that supports all of these formats may be slightly more expensive, it will allow you to use any type of DVD disc to burn to, and you'll be protected from any industry shifts to one format or the other.

ကျွန်တော် အကြံပြုချင်တာကတော့ DVD burners တွေ ဝယ်ယူတဲ့ အခါမှာ ကျွန်တော် အထက်မှာ ဖော်ပြခဲ့ပြီးတဲ့ DVD-R, DVD+R, DVD-RW, နဲ့ DVD+RW ဆိုတဲ့ major formats တွေ အားလုံးကို support ပေးတဲ့ DVD burners မျိုးကို ရှာဖွေပါ။ အဲလို formats တွေအားလုံးကို supports ပေးတဲ့ DVD drive ဆိုတာ ဈေးပိုကြီးမှာ မှန်ပေမယ့် သူ့ကို သုံးခြင်းအားဖြင့် DVD disc မျိုးစုံကို ကျွန်တော်တို့ burn လို့ ရမယ် - နောက်ပြီး industry တွေကနေ ဖန်တီးထားတဲ့ ဒါသုံးရင် ဒါလုပ်လို့ မရဘူး ဆိုတဲ့ အခြေအနေမျိုးတွေကနေလည်း တားဆီးပြီးသား ဖြစ်သွားပါလိမ့်မယ်။

KznT.

Self-Learner and Self-Learning

လူတစ်ချို့ အထင်မှားနေကြပါတယ် - ကျွန်တော်ဟာ ကွန်ပြူတာ ပညာရှင်တစ်ယောက် မဟုတ်ပါဘူး - ကျွန်တော် ဘယ် ကွန်ပြူတာ တက္ကသိုလ်က ဘာဘွဲ့မှ မရခဲ့ဖူးသလို - ကွန်ပြူတာနဲ့ ပတ်သတ်ပြီး ဘာဒီပလိုမာမှလည်း မရဖူးပါဘူး - ကျွန်တော်ဟာ အင်ဂျင်နီယာ တစ်ယောက်သာ ဖြစ်ပါတယ်။ ကျွန်တော်ဟာ လုပ်ငန်းပိုင်းဆိုင်ရာ နဲ့ ပတ်သတ်တဲ့ အသုံးချ Software တွေ - တစ်ခြား ကျွန်တော့်အတွက် ကွန်ပြူတာနဲ့ ပတ်သတ်ပြီး သိထားဖို့ လိုအပ်မယ့် အကြောင်းအရာတွေကို လက်လှမ်းမှီသလောက် လေ့လာနေတဲ့ Self-Learner တစ်ယောက်သာ ဖြစ်ပြီး လေ့လာမိသမျှ ထဲက ကောင်းနိုးရာရာ အကြောင်းအရာတွေကို ကျွန်တော့်ရဲ့ အားလပ်ချိန်များထဲက တတ်နိုင်သမျှ ဖဲ့ထုတ်ဝေမျှနေသူ တစ်ယောက်သာ ဖြစ်ပါတယ်။ Self-Learner ဆိုတဲ့ ဂုဏ်ပုဒ်ဟာ အပေါ်ယံ ခပ်ပါးပါး ရှပ်ကြည့်ရင် တိမ်သယောင် ထင်ရပေမယ့် အတော်လေး ပြင်ဆင်ယူမှရတဲ့ လေ့လာမှု တစ်မျိုးပါ။

Self-Learner ဆိုတဲ့ စကားနဲ့ လျော်ညီစွာ အကြောင်းအရာ တစ်ခုကို စတင်လေ့လာစဉ်မှာ ကိုယ်လေ့လာမိတဲ့ အရာက ကိုယ်သိချင်တဲ့ အကြောင်းအရာတစ်ခု နဲ့ ကွက်တိတိုက်ဆိုင်တာမျိုးတွေလည်း ရှိတတ်သလို - အချိန်ပေးလေ့လာလိုက်ပေမယ့် ကိုယ်သိချင်တဲ့ အကြောင်းအရာနဲ့ လုံးဝ သွေဖယ်ကွဲထွက်သွားပြီး အယူအဆမှား/သုံးသပ်ချက်မှားတဲ့ အကြောင်းအရာ မျိုးတွေလည်း ကြုံတွေ့ရတတ်ပါတယ်။ Self-Learner တစ်ယောက် ဖြစ်လာဖို့ ဘယ်သူ့တိုက်တွန်းချက်နဲ့မှ ရပ်တည်ဖို့ မဖြစ်နိုင်သလို - တစ်ခြားသူတစ်ယောက်ရဲ့ တိုက်တွန်း အကြံပြုချက်နဲ့ Self-Learning လုပ်မယ် ဆိုရင်လည်း ကြာရှည်တည်မြဲ ဖို့ ခက်ခဲပါလိမ့်မယ်။ Self-Learner ဆိုတာဟာ မိမိကိုယ်ကိုယ်တွန်းအား ပေး ရပ်တည်ရတာ ဖြစ်ပါတယ်။

ကျွန်တော်ဖိုရမ်မှာ နိုင်သလောက် အချိန်ပေးပြီး စာတော်တော်များများ ရေးခဲ့ဖူးပါပြီ - ကျွန်တော် ရေးခဲ့တဲ့ စာတွေဟာ ဘာဖြစ်ရင် ဘာလုပ် ဆိုတာမျိုးထက် ဘယ်ဟာကို ဘယ်လိုလေ့လာတယ် - ဘယ်အကြောင်းအရာက ဘာနဲ့ ဆက်စပ်နေတယ် - ဘာကို သိချင်ရင် ဘယ်ဟာပါ သိထားမှ ဖြစ်မယ် ဆိုတာမျိုး Links အမျိုးမျိုး ချိတ်ဆက်ပြီး လေ့လာနည်းကို အသားပေးဖော်ပြနိုင်အောင် ကြိုးစားခဲ့တာများပါတယ်။ ဘာလို့ ဒါကို အသားပေးရေးခဲ့သလဲ ဆိုရင် ဖိုရမ်မှာ ကျွန်တော် ရေးသားခဲ့တဲ့ အကြောင်းအရာ တစ်ချို့ကို ဖတ်ရှုပြီးတဲ့ နောက်မှာ မိသားစုဝင်တစ်ချို့က ကျွန်တော့်ကို အသေးအဖွဲကနေ စပြီး အကြီးအမား အကြောင်းအရာတွေထိ ယုံကြည်မှုနဲ့ မေးမြန်းလာခဲ့ ကြပါတယ်။ ကျွန်တော်ဟာ လေ့လာသူ တစ်ယောက်သာဖြစ်တဲ့ အတွက် မိသားစုဝင်များရဲ့ လိုလားချက်နဲ့ ကိုက်ညီတဲ့ တတ်သိ နားလည်ချင်သမျှ အကြောင်းအရာတိုင်းကို ဝေမျှရလောက်အောင် ကျွန်တော် မစွမ်းဆောင်နိုင်ပါဘူး - ဒါ့ကြောင့် မေးမြန်းလာခဲ့တဲ့ ပြဿနာတွေထဲက ဖြေရှင်းပေးဖို့ လွယ်ကူတဲ့ အကြောင်းအရာ တစ်ချို့ကို တတ်နိုင်သမျှ နားလည်ထားသလောက် ဖြေရှင်းပေးခဲ့ပြီး တစ်ချို့ ပမာဏများပြီး အရမ်းကျယ်ပြန့်တဲ့ အကြောင်းအရာမျိုး - ကျွန်တော့်အနေနဲ့ လက်လှမ်းမမှီနိုင်တဲ့ ( သို့တည်းမဟုတ် ) ပြည့်စုံအောင် ဖြေကြားပေးနိုင်ဖို့ လုံလောက်တဲ့ အချိန်အတိုင်းအတာ ပမာဏ မပေးနိုင်တဲ့  အကြောင်းအရာမျိုးတွေကိုတော့ ကိုယ်တိုင်ရှင်းပြနိုင်ဖို့ အချိန်မပေး နိုင်တော့ပဲ ကောင်းနိုးရာရာ လေ့လာသင့်တဲ့ နေရာလေးတွေ လမ်းညွှန်ပေးခဲ့ရပါတယ်။ ကိုယ့်အပေါ် ယုံကြည်လို့ မေးမြန်းလာတဲ့ မေးမြန်းချက်ကို ကိုယ်တိုင် မြင်သာအောင် တိတိကျကျ ရှင်းမပြနိုင်ပဲ တစ်ခြားလေ့လာနိုင်မယ့် နေရာတွေကို ဝိုးတဝါး ညွှန်ပြရတာ ကျွန်တော် စိတ်မကောင်းဆုံးပါပဲ - ဒါ့ကြောင့် ကိုယ်သိချင်တဲ့ အကြောင်းအရာတွေကို ကိုယ်ကိုယ်တိုင် ထိထိရောက်ရောက် လေ့လာနိုင်အောင် Self-Learner and Self-Learning ဆိုတဲ့ အကြောင်းအရာကို ရေးသားပြီး ကိုယ် တတ်သိနားလည်ချင်တဲ့ အကြောင်းအရာတွေကို ဘယ်လို လေ့လာသင့်မယ် ဆိုတာ အကြံပြုလိုက်ပါတယ်။

အောက်ဖော်ပြပါ အကြံပြုချက်တွေကို လေ့လာပြီး လိုအပ်ချက် မှန်သမျှကို ဖမ်းဆုပ်နိုင်မယ့် Self-Learner တစ်ယောက် အဖြစ် မိမိကိုယ်ကိုယ် တည်ဆောက် ကြည့်ကြပါ။

( ၁ ) စိတ်အဝင်စားဆုံး အကြောင်းအရာမှ စတင်ပါ

Photo from toysperiod.com

Self-Learner တစ်ယောက်ဟာ အကြောင်းအရာတစ်ခုကို စတင်လေ့လာတော့မယ် ဆိုရင် ကိုယ်လေ့လာမယ့် အကြောင်းအရာက ကိုယ်အမှန်တကယ် စိတ်ဝင်စားတဲ့ အကြောင်းအရာတစ်ခု ဖြစ်ဖို့ သိပ်အရေးကြီးပါတယ်။ ကျွန်တော်ငယ်ငယ်ကတည်းက စာဖတ်အရမ်း ဝါသနာပါခဲ့တယ်။ ဒါပေမယ့် ကျွန်တော် စာဖတ်ဝါသနာ ပါတယ်ဆိုတာ ကျွန်တော့်ကိုယ်ကိုယ် သတ်မှတ်တာ မဟုတ်ပါဘူး - ပတ်ဝန်းကျင်က ကျွန်တော့်ကို သတ်မှတ်တာ ဖြစ်ပါတယ်။ ဘာကြောင့်လည်းဆိုရင် တစ်နေ့နဲ့ တစ်နေ့ အိမ်က ရသမျှ မုန့်ဖိုးကို ကျွန်တော် မုန့်မစားပဲ စုတယ် - တစ်လတစ်ခါလောက် ပုံမှန် ပန်းဆိုးတန်းကို သွားပြီး စာအုပ်ဆိုင်တွေမှာ အဟောင်းဆိုင်တွေက စလို့ တစ်နေကုန် စာမြည်း စာဖတ်နဲ့ သဘောအကျဆုံး စာအုပ်တွေဝယ်စုတယ် - များသောအားဖြင့် ကျွန်တော် စုဖြစ်တာ နည်းပညာပိုင်း ဆိုင်ရာ စာအုပ်တွေ - Dictionary တွေပါ - တစ်နေ့နဲ့ တစ်နေ့ စာအုပ်တွေ အများကြီးနဲ့ တွေ့ရတတ်တဲ့ ကျွန်တော့်ကို ပတ်ဝန်းကျင်က စာဖတ်ဝါသနာပါသူ တစ်ယောက်အဖြစ် အလိုလျောက် မှတ်ယူသွားကြပါတယ်။ တကယ်တော့ ကျွန်တော် အဲ့အချိန်က စာဒီလောက် မဖတ်ခဲ့သေးသလို - Self-Learner တစ်ယောက်လည်း မဟုတ်ခဲ့သေးပါဘူး - ကျွန်တော်ဟာ စာအုပ်စုတာ ဝါသနာပါတဲ့ စာစုသူတစ်ယောက်အဆင့်ပဲ ရှိခဲ့ပါသေးတယ်။ အဲ့အချိန်က ကျွန်တော့်ဘေးမှာ စာအုပ်တွေ ရှိနေလျက်နဲ့ ဘာကြောင့် စာသေချာ မဖတ်ဖြစ်ခဲ့သလဲ ?? ခုချိန်မှာ ကျွန်တော် စဉ်းစားကြည့်မိတော့ - အဲ့အချိန်တုန်းက သဘောကျလို့ ဝယ်လာဖြစ်တဲ့ စာအုပ်တိုင်းကို အစကနေ အဆုံး တစ်ထိုင်တည်း ဖတ်ဖြစ်ဖို့ ကျွန်တော်ကြိုးစား ကြည့်ခဲ့ဖူးပါတယ်။

ကိုမျိုးသူရ - ဆရာဦးအောင်မြင့် - ဦးဇော်လင်း - ဦးအေးကိုကို - ကိုဖိုးနိုင်ဝင်း - စတဲ့ ကွန်ပြူတာနဲ့ ပတ်သတ်ပြီး ရေးသားကြတဲ့ ဆရာတော်တော်များများရဲ့ စာအုပ်တွေ ကျွန်တော့်မှာ ရှိပေမယ့် ကျွန်တော်ဘယ်စာအုပ်မှ ဆုံးအောင် မဖတ်ဖြစ်ခဲ့ပါဘူး - ကျွန်တော်မှ မဟုတ်ဘူး - ခင်မင်ရင်းနှီးတဲ့ မိတ်ဆွေသူငယ်ချင်းတွေ တွေ့လို့ ကျွန်တော့်မှာ ရှိနေတဲ့ သူတို့အတွက် လိုအပ်တဲ့ နည်းပညာပိုင်း ဆိုင်ရာစာအုပ်လေး ဘာလေး ပေးလိုက်ရင်လည်း ကျွန်တော့်ကို ကျေးဇူးတင်တယ် ဆိုတာသာ အထပ်ထပ်ပြောပြီး တကယ်တမ်း နောက်ကြုံလို့ မေးကြည့်ဖြစ်တော့ - ဖတ်ဖြစ်လားဆို မဖတ်ဖြစ်သေးဘူး လို့ ဝန်ခံကြတဲ့သူ တော်တော်များတာ တွေ့ရပါတယ်။ ဒါဟာ ဘာကြောင့်လဲ ဆိုရင် ကျွန်တော်တို့ရဲ့လက်ထဲကို နည်းပညာနဲ့ ဆိုင်တဲ့ စာအုပ်တစ်အုပ် ရောက်လာစဉ်မှာ ဒီစာအုပ်ဟာ ဝတ္ထုစာအုပ်/ကာတွန်း စာအုပ် တစ်အုပ်လို အစကနေ စဖတ်တိုင်း ဆုံးခန်းတိုင်တဲ့ထိ ဆွဲဆောင်မှုရှိလာမယ့် စာအုပ်တစ်အုပ် မဟုတ်ပါလား ဆိုတာ ကျွန်တော်တို့ဘယ်သူမှ မတွေးမိကြလို့ပါပဲ - အဲလို မတွေးမိကြတော့ ကျွန်တော်အပါအဝင် လူတိုင်းက ဒီပညာရပ်ဆိုင်ရာ စာအုပ်ကို ဝတ္ထုစာအုပ်/ကာတွန်း စာအုပ် ဖတ်သလိုမျိုး ထိပ်ဆုံးကနေ စလိုက်တယ်။ နိဒါန်း - တစ်မျက်နှာ - နှစ်မျက်နှာ ( ဟုတ်သလိုလို ရှိတယ် ) - လေးမျက်နှာ - ငါးမျက်နှာ - ( နဲနဲ အီသလိုလို ရှိလာပြီ - မျက်လုံးထဲလည်း သိပ်မမြင်တော့ဘူး - သူပြောတဲ့ နည်းပညာစာလုံးတွေ ) - ၁၀ မျက်နှာလောက် ရောက်တော့ ( ဘာမှကို မသည်းကွဲတော့ဘူး စွဲဆောင်မှု မရှိဘူး သိသွားပြီ - တော်တော်လည်း စိတ်ကုန်သွားပြီး - မျက်စိကိုက်သလို - ဇာတ်ကြောတက်သလိုလို - ခါးက နာလာသလိုလို ) စာအုပ်ကို ပစ်ချလိုက်တယ် - အဲ့တည်းက ပစ်ချလိုက်တာ နောက် ဘယ်တော့မှ ပြန်မကိုင်ဖြစ်တော့ဘူး - ဒါဟာ ကျွန်တော် အပါအဝင် Self-Learner အဖြစ် အစပျိုးတဲ့ သူတိုင်း မဖြစ်မနေ ကြုံတွေ့ဖူးကြတဲ့ အနေအထားပါ - ပညာရပ်ပိုင်းဆိုင်ရာ ရေးထားတဲ့ စာအုပ်တစ်အုပ်ဟာ ဝတ္ထုစာအုပ်/ကာတွန်း စာအုပ် တစ်အုပ်ဖတ်သလိုမျိုး ထိပ်ဆုံး စကားချီးကနေ စဖတ်ရင် လူတိုင်း ပျင်းသွားကြတာ များပါတယ်။ ဘယ်သူမှလည်း ဆုံးအောင် မဖတ်ဖြစ်ကြသလို - တစ်ခါ လက်ကနေ လွှတ်ချလိုက်တာနဲ့ နောက်လည်း ဘယ်တော့မှ ပြန်မကိုင်ဖြစ်ကြတာ များပါတယ်။ ဒါ့ကြောင့် ကျွန်တော် အကြံပြုချင်တာ အကြောင်းအရာ တစ်ရပ်ကို ကိုယ်ကိုယ်တိုင် လေ့လာတော့မယ် - ကိုယ့်မှာလည်း အဲ့ အကြောင်းအရာနဲ့ ပတ်သတ်တဲ့ စာအုပ်စာတန်းတွေ ရှိနေတယ် ဆိုတာ သေချာရင် အဲ့ဒီ့ အကြောင်းအရာကြီး တစ်ခုလုံးထဲက ကိုယ်စိတ်အဝင်စားဆုံး အပိုင်းကို စတင်လေ့လာပါ - ဆိုကြပါစို့ - ကျွန်တော် ကွန်ပြူတာ အကြောင်း သိချင်တယ် - ကွန်ပြူတာ အကြောင်း လေ့လာမယ် ဆိုပြီး မလုပ်ပါနဲ့ - ကွန်ပြူတာဆိုတာ ထဲကမှ ဘယ်အစိတ်အပိုင်းကို အသိချင်ဆုံးလဲ - ကိုယ့်ကိုယ်ကိုယ် ပြန်ဆန်းစစ်လိုက်ပါ - ကွန်ပြူတာ ထဲမှာဆို Hard Disk ရှိမယ် - RAM ရှိမယ် - Mother Board ရှိမယ် - CPU ရှိမယ် စသဖြင့် ကိုယ်က ဘယ်အစိတ်အပိုင်းကို တစ်ခြားဟာတွေထက် ပို စိတ်အဝင်စားဆုံးလဲ - ဆိုလိုတာ မသိတာတွေ များတာချင်း တူနေရင် ဘယ်ကောင့်အကြောင်း ကိုယ်ပိုသိချင်သလဲ ?? ဒါလေး ဆန်းစစ်ဖို့ လိုပါတယ်။ ဆန်းစစ်လိုက်လို့ သိပြီ ဆိုရင် အဲ့ အကြောင်းအရာ ရေးသားပါဝင်တဲ့ စာအုပ်ကို ယူလိုက်ပါ - ကိုယ်ယူလိုက်တဲ့ စာအုပ်မှာ ကိုယ်စိတ်ဝင်စားတဲ့ အကြောင်းအရာက စာအုပ်နောက်ဆုံးမှာ ရှိချင်လည်း ရှိမယ် - ရှေ့ဆုံးမှာ ပါချင်လည်း ပါမယ်။ စာအုပ်ထဲက တစ်ခြားအပိုင်းတွေ ကိုယ်နားလည်ချင်မှ နားလည်မယ် ဒါပေမယ့် အဲတာကို စိတ်ကူးထဲ မထည့်ပါနဲ့ - ကိုယ်စိတ်ဝင်စားတဲ့ အပိုင်းပါတဲ့ စာမျက်နှာကိုသာ စလှန်ပြီး ဖတ်လိုက်ပါ - အဲ့လိုဖတ်တဲ့ အချိန်မှာ မိမိရဲ့ နဂို မူရင်းစိတ်မှာ ဒီအကြောင်းအရာကို စိတ်ဝင်စားတဲ့ အခြေခံ စိတ်လေးရှိလို့ အသုံးအနှုန်း ခပ်ဆန်းဆန်းတွေ့ရင် ဘာလဲ သိချင်လာမယ် - ဒီစာလုံးကို ဘာလို့ ငါနားမလည်သလဲ ပြန်စဉ်းစားမယ် - ဟုတ်ပြီ ဒီအကြောင်းကို ငါမသိလို့ ဒါအပိုင်းကို ငါနားမလည်တာ - ဒါဆို စာအုပ်ရဲ့ ဘယ်အပိုင်းကို ငါ ဆက်ဖတ်ဖို့ လိုမယ် - စသဖြင့် ဦးနှောက်က ဝါသနာပေါ် အခြေခံပြီး လုပ်ဆောင်ရမယ့် လုပ်ငန်းစဉ်ကို အလိုလျောက် Links ချိတ်ဆက်ပေးသွားပါလိမ့်မယ်။

( ၂ ) အသေးကွေးဆုံး အရာမှ အစပြုပါ

Photo from studyhelper.eu

ဒီအကြောင်းအရာက အပေါ်မှာ ဖော်ပြခဲ့တဲ့ အကြောင်းအရာနဲ့ ဆက်စပ်နေပါတယ်။ အကြောင်းအရာ တစ်ခုကို စတင်လေ့လာ တော့မယ့် Self-Learner တစ်ယောက်ဟာ လောဘမကြီးဖို့ သိပ်အရေးကြီးပါတယ်။ ဆိုလိုချင်တာ ပညာရပ်ပိုင်း ဆိုင်ရာ အကြောင်းခြင်းရာ အသစ်တစ်ခုကို ကျွန်တော်တို့ စတင်ချဉ်းကပ်ချိန်မှာ အခြေခံကစဖို့ အဆင့်မြင့်ပိုင်းထိ အဆင့်လိုက် ပိုင်းခြားထားတဲ့ အကြောင်းအရာတွေဟာ တော်တော်များများ တည်ရှိပြီးသား ဖြစ်နေပြီး စတင်လေ့လာမယ့် သူတစ်ယောက် အတွက် ဘယ်အပိုင်းကို စတင်လေ့လာရမယ် - ဘယ်အကြောင်းအရာက အဓိက အကျဆုံးဆိုတာ ပညာရပ်နဲ့ စတင်ထိတွေ့ချိန်မှာ ဝေခွဲရ ခက်စေပါတယ်။ ပုံမှန်အားဖြင့် ပညာရပ်ပိုင်းဆိုင်ရာ အကြောင်းအရာတွေဟာ ဘယ်အပိုင်းက အဓိက အကျဆုံး ဆိုတာမျိုး ခွဲပြီး လေ့လာဖို့ ခက်ပါတယ်။ အကြောင်းအရာ အားလုံးဟာ တစ်ခုနဲ့ တစ်ခု ဆက်စပ်နေပြီး လေ့လာသူ တစ်ယောက် အနေနဲ့ ကိုင်တွယ်တတ်မှသာ ကိုယ်သိချင်တဲ့ အကြောင်းအရာကို ဂဃနဏ သိနိုင်တာမျိုးပါ - ဒါ့ကြောင့် ဘယ်အပိုင်းက အဓိက အကျဆုံးလဲ ဆိုတာကို မရှာဖွေပဲ အသေးအဖွဲပါကွာလို့ လူတိုင်းသဘောထားကြတဲ့ - ကိုယ်စိတ်အဝင်စားဆုံး အကြောင်းအရာကနေ စတင်လေ့လာပါ - ကိုယ်စတင်လေ့လာတဲ့ အကြောင်းအရာဟာ လူတိုင်း သိပြီးသား အသေးအဖွဲ အကြောင်းအရာ တစ်ခု ဖြစ်ကောင်း ဖြစ်နေမယ် ဆိုရင်တောင် ကိုယ်စိတ်ဝင်စားပြီး မသိရှိသေးတ့ဲ့ အကြောင်းအရာသစ် တစ်ခု ဖြစ်နေလို့ ကိုယ်စတင်လေ့လာချိန်မှာ လေ့လာမှတ်သားရ လွယ်ကူပြီး တစ်ခြားဆက်စပ်နေတဲ့ အကြောင်းအရာတွေကိုပါ နောက်ဆက်တွဲ လေ့လာဖြစ်ဖို့ အားဖြစ်စေပါလိမ့်မယ်။

( ၃ ) အင်တာနက် အား အကျိုးရှိစွာ အသုံးချပါ

Photo from mainstreetbizmarketing.com

ခုချိန်မှာ အင်တာနက်ဆိုတာ ဘာမှန်း လူငယ်တော်တော်များများ နားလည်နေကြပါပြီ - ဒါပေမယ့် အင်တာနက်ကို ဘယ်လို အကျိုးရှိအောင် အသုံးချနိုင်မယ် ဆိုတာတော့ လူငယ်တော်တော်များများ မသိရှိကြသေးပါဘူး - အင်တာနက် ရှိတယ် - Online ပေါ် ရောက်တယ် - စကားပြော - အခြွေကည့် - Chatting တက် - Game ဆော့ ဆိုတာ အင်တာနက်ကို အသုံးပြုတာ သာ ဖြစ်ပါတယ်။ အင်တာနက်ကို အကျိုးရှိရှိ အသုံးချတယ်လို့ မခေါ်ပါဘူး - Chatting တက် - Game ဆော့ ဆိုတာအတွက် ကျွန်တော် မတားမြစ်လိုပါဘူး - ဒါဟာ ဖျော်ဖြေရေး ကဏ္ဍတစ်ခု ဖြစ်နေလို့ အထိုက်လျောက် ကျွန်တော် အားပေးပါတယ်။ ဒါပေမယ့် လက်တကမ်းမှာ ရှိနေတဲ့ အင်တာနက်ကို အသုံးပြုရာမှာ ကိုယ့် အနာဂတ်အတွက် အထောက်အကူ ပြုနိုင်အောင် ဖျော်ဖြေရေးနဲ့ ဘဝရပ်တည်ရေးကို ယှဉ်တွဲ တည်ဆောက် စေလိုပါတယ်။ အဲ့အတွက် အင်တာနက်ထဲက ဖျော်ဖြေရေး မဟုတ်တဲ့ နည်းပညာပိုင်း ဆိုင်ရာ - ပညာရပ်ပိုင်း ဆိုင်ရာ - ဘဝရပ်တည်မှု ဆိုင်ရာ စာပေတွေကို နေ့စဉ်နေ့တိုင်း အချိန်အတိုင်းအတာ တစ်ခု ပေးပြီးဖတ်ပေးဖို့ လိုပါတယ်။ Self-Learner တစ်ယောက်ဟာ ပညာရပ်ပိုင်းဆိုင်ရာ အကြောင်းအရာ တစ်ခုကို လေ့လာတဲ့ နေရာမှာ စာအုပ်တစ်အုပ်စ နှစ်အုပ်စ ဖတ်ယုံနဲ့ မလုံလောက်နိုင်ပါဘူး - ပညာရပ်ပိုင်းဆိုင်ရာ အကြောင်းအရာ တွေဟာ နေ့စဉ်နဲ့ အမျှ ပြောင်းလဲ တိုးတက်နေတယ် - အဲလို ပြောင်းလဲ တိုးတက်နေတဲ့ နောက်ဆုံးပေါ် အကြောင်းအရာတွေဟာ ဘယ်တော့မှ စာအုပ်ထဲမှာ အချိန်နဲ့ တစ်ပြေးညီ ရှာမတွေ့နိုင်ပါဘူး - အဲ့အတွက် Self-Learner တစ်ယောက်ဟာ အင်တာနက်ကို အကျိုးရှိရှိ အသုံးချပြီး လေ့လာတတ်ဖို့ လိုပါတယ်။

( ၄ ) Search Engine အား အသုံးပြုပါ

Photo from batch11a.blogspot.com

Search Engine လို့ ပြောလိုက်ရင် နည်းနည်းလေး နားရှုပ်သွားနိုင်ပါတယ်။ ဆိုလိုတာ Google ကို အသုံးပြုဖို့ပါ။ အင်တာနက်ထဲမှာ ဘယ်အကြောင်းအရာကိုပဲ လေ့လာ လေ့လာ နေ့စဉ်နဲ့အမျှ ပြောင်းလဲ တိုးတက်နေတဲ့ အကြောင်းအရာ တွေကို အချိန်နဲ့ တစ်ပြေးညီ ဖော်ပြနေတဲ့ Websites ပေါင်း မြောက်များစွာ ရှိသလို - ဖတ်လို့ မကုန်နိုင်တဲ့ Web pages ပေါင်း မြောက်များစွာလည်း အင်တာနက် ထဲမှာ လွှင့်တင်ထားပြီးသား ရှိပါတယ်။ Self-Learner အတွက် လိုအပ်တာ မိမိအားသန်ရာ သန်ရာ Search Engine တစ်ခုခုကို အသုံးပြုပြီး ကိုယ်လေ့လာချင်တဲ့ စိတ်ဝင်စားတဲ့ အကြောင်းအရာကို ရှာဖွေဖတ်ရှုတတ်ဖို့ပါ။ အဲလို ရှာဖွေတဲ့ နေရာမှာ Google Search Engine ဟာ Web pages ပေါင်း မြောက်များစွာရဲ့ ကြားထဲက တန်ဖိုးအရှိဆုံး လူကြည့်အများဆုံး အကြောင်းအရာတွေကို စီစစ်ဖော်ပြပေးနိုင်တဲ့ Search Engine တစ်ခု အဖြစ် ကျွန်တော် ယုံကြည်မိပါတယ်။

( ၅ ) English လိုလေ့လာပါ

Photo from researchers.in.th

ကျွန်တော်တို့ ပညာရပ်ပိုင်းဆိုင်ရာ အကြောင်းအရာ တစ်ခုကို ဂဃနဏ သိချင်တဲ့ အခါ အင်တာနက် ထဲမှာ မြန်မာလိုရှာတွေ့ဖို့ ကိုချည်း အဦးဆုံး မကြိုးစားပါနဲ့ - အင်တာနက်ထဲမှာ နည်းပညာနဲ့ ပတ်သတ်ပြီး မြန်မာလို ပြည့်ပြည့်စုံစုံ ဖော်ပြထားတဲ့ Web စာမျက်နှာတွေ ဆိုတာ တော်တော်ကြီးကို နည်းပါသေးတယ်။ ဒါကြောင့် ကိုယ်သိချင်တဲ့ အကြောင်းအရာကို ရှာဖွေတဲ့ အခါ မြန်မာလို ရေးသားထားတာ မတွေ့ခဲ့ရင်လည်း အင်္ဂလိပ်လိုရေးထားတာကို ဖတ်ဖြစ်အောင် ဖတ်ပါ။ အင်္ဂလိပ်လို ဖတ်ပါလို့ ပြောလိုက်ရင် လူတော်တော်များများက ကိုယ့်ကိုယ်ကိုယ် အင်္ဂလိပ်စာ အားနည်းတယ်လို့ ထင်တတ် ကြပါတယ်။ မထင်ပါနဲ့ - လူတိုင်းဟာ Level တူပါပဲ - ကျွန်တော်တို့ အားလုံးမှာ အဓိက ကွာခြားသွားတာ လုံ့လဝီရိယ နဲ့ လိုချင်စိတ်ပါ - လိုချင်စိတ် ပြင်းပြသူ တစ်ယောက်ဟာ ဘယ်ဘာသာရပ်နဲ့ တွေ့တွေ့ ကိုယ်လိုချင်တာကို ရအောင် ရှာဖွေရယူတတ်ပြီး - လိုချင်စိတ် နည်းပါးသူ တစ်ယောက်ကတော့ အင်္ဂလိပ်လို မဆိုထားနဲ့ မြန်မာလို ရေးထားတာ တွေ့ရင်တောင် ကျော်ဖတ်တတ်ကြပါတယ်။ ဒါ့ကြောင့် Self-Learner တစ်ယောက်ဟာ ကိုယ့်ရဲ့ လေ့လာမှုကို အတားဆီးနိုင်ဆုံး အင်္ဂလိပ်စာ ဘာသာရပ်ကို ကျော်ဖြတ်နိုင်ဖို့ လိုပါတယ်။ အားမငယ်ပါနဲ့ - အင်္ဂလိပ်လို ရေးထားလည်း ဖတ်ကြည့်ပါ။ မသိတဲ့ စာလုံးကို Dictionary မှာ ရှာပါ - ဆက်ဖတ်ပါ - စာမျက်နှာ တော်တော်များများ ဖတ်ဖြစ်ပြီးတဲ့ နောက်မှာ ကိုယ်ဟာ Dictionary ကိုင်စရာ မလိုပဲ စာကြောင်းတိုင်းကို အလွယ်တကူ နားလည်နိုင် လာတာ သတိထားမိလာပါလိမ့်မယ်။

( ၆ ) ပန်းတိုင်ထားရှိပါ

Photo from njtransit.njit.edu

အကြောင်းအရာကို ကျွန်တော်တို့ လေ့လာချိန်မှာ Self-Learner တစ်ယောက်အနေနဲ့ နောက်တစ်ခု သိထားသင့်တာ ကိုယ်လေ့လာမယ့် အကြောင်းအရာနဲ့ ပတ်သတ်ပြီး ပန်းတိုင်ထားရှိတတ်ဖို့ လိုပါတယ်။ ဆိုလိုချင်တာ ကျွန်တော်တို့ အကြောင်းအရာတစ်ခုကို လေ့လာတယ် - ကိုယ်လေ့လာမယ့် အကြောင်းအရာကို လိုက်ပြီး တစ်ခုလုံးအတွက် အချိန်ဘယ်လောက်ယူမလဲ - အပိုင်း တစ်ပိုင်းချင်းစီ အတွက် အချိန်ဘယ်လောက် ပေးမလဲ - ဘယ်အကြောင်းအရာကို အသေးစိတ်ပြီး - ဘယ်အကြောင်းအရာကို အပေါ်ယံရှပ်မလဲ ဒါတွေကို Self-Learner တစ်ယောက်အနေနဲ့ ကြိုတင်မှန်းဆ ပြင်ဆင်ထားတတ်ဖို့ လိုပါတယ်။အဲလို ကြိုတင်ပြင်ဆင်ထားတဲ့ ပန်းတိုင်ရှိမှသာ ကိုယ်လေ့လာမယ့် အကြောင်းအရာ အလိုက် မလိုအပ်တာတွေ ပိုဖတ်မိပြီး - လိုအပ်တာတွေကို ကျော်ဖတ်မိတယ် ဆိုတဲ့ အမှားအယွင်းမျိုး လျော့ပါးစေမှာ ဖြစ်ပါတယ်။

( ရ ) ပြန်လည် ဆန်းစစ်ပါ

Photo from ilovemiage.net

Self-Learner တစ်ယောက်ဟာ စာဖတ်နေယုံနဲ့ မလုံလောက်ပါဘူး - ဒါကို ကျွန်တော် ဘယ်အချိန်မှာ သတိထားမိခဲ့သလဲ ဆိုရင် ကျွန်တော် သိထားခဲ့ပြီးသား အကြောင်းအရာ တစ်ခုကို တစ်စုံတစ်ယောက်အတွက် အကူအညီပေးနိုင်ဖို့ ကြိုးစားခဲ့စဉ်တိုင်းမှာ သတိထားမိခဲ့ပါတယ်။ ကျွန်တော် သိနားလည်ပြီးသား အကြောင်းအရာ တစ်ခု ဖြစ်နေပေမယ့် အဲ့ဒီ အကြောင်းအရာ ကို ဖတ်ပြီးချိန်မှာ ကိုယ့်ကိုယ်ကိုယ် ဒီအကြောင်းအရာနဲ့ ပတ်သတ်ပြီး ဘယ်လောက်ထိ ပြည့်ပြည့်ဝဝ နားလည်ပြီလဲ ဆိုတာ ပြန်လည် ဆန်းစစ်မှု မရှိခဲ့လို့ လိုအပ်ချိန်မှာ ကျွန်တော် အလွယ်တကူ အမှတ်မရနိုင်ခဲ့တာ ဖြစ်ပါတယ်။ ဒါ့ကြောင့် Self-Learner တစ်ယောက် အနေနဲ့ လေ့လာမှု တစ်ခုတည်းတင် မဟုတ်ပဲ - အကြောင်းအရာတစ်ခုကို လေ့လာမှု ပြီးဆုံးတိုင်းမှာ မိမိရဲ့ နားလည်မှု စွမ်းရည်ကို ကိုယ်ကိုယ်တိုင် ပြန်လည် ဆန်းစစ်ကြည့်နေဖို့ လိုပါတယ်။

( ၈ ) တက်ကြွစွာ ပါဝင်၍ - လွတ်လပ်စွာ မျှဝေပါ

Photo from Myanmar-Family-Forum

အကြောင်းအရာ တစ်ခုကို တစ်ယောက်တည်းလေ့လာ တစ်ယောက်တည်း ဆန်းစစ်ပြီး ကိုယ့်ကိုယ်ကိုယ် ပြည့်ဝပြီ လို့ထင်ရင် မှားပါလိမ့်မယ်။ ပညာရပ်ပိုင်းဆိုင်ရာတွေဟာ အချိန်နဲ့ အမျှ အသစ်အသစ်တွေ ပေါ်ထွက်နေသလို - အကြောင်းအရာတွေဟာ လည်း နေ့ချင်းညချင်း ပြောင်းလဲနေကြပါတယ်။ ဒီနေ့ ဒီစာကို ဖတ်လိုက်လို့ အမှန်လို့ ထင်ရပေမယ့် ဒီအကြောင်းအရာဟာ နောက်တစ်နေ့မှာ ယူဆချက် အမှားတစ်ခုလည်း ဖြစ်ကောင်း ဖြစ်နေနိုင်ပါတယ်။ ဒါ့ကြောင့် Self-Learner တစ်ယောက်အနေနဲ့ တစ်ယောက်တည်းလေ့လာ တစ်ယောက်တည်း ဆန်းစစ်ပြီး ကိုယ့်ကိုယ်ကိုယ် အမှတ်ပေးနေရင် အလွဲကြီး လွဲတတ်ပါတယ်။ Self-Learner တစ်ယောက်ဟာ ပူးပေါင်းဆောင်ရွက်တတ်ဖို့ လိုပါတယ်။ ပူးပေါင်းဆောင်ရွက်ဖို့ အတွက် အကောင်းဆုံးနေရာ တစ်ခုက ဖိုရမ်တွေပါ - ကိုယ်တိုင်ရေးတ့ဲ ဘလော့တစ်ခုဆိုတာ လူသိဖို့ ခက်သလို - လူလက်ခံနိုင်အောင် ကြိုးစားဖို့လည်း ခက်ပါတယ်။ အားလုံးထဲမှာ အရံသင့်နဲ့ အသင့်စားသုံးနိုင်တာ - နယ်ပယ်အသီးသီးက လူပေါင်းစုံ - ပညာရပ်ပေါင်းစုံ - ရှု့ထောင့် ပေါင်းစုံနဲ့ ဝေဖန်ထိုးနှက်မှုကို အလွယ်ကူဆုံး ရရှိနိုင်တာ ဖိုရမ်ပါပဲ - ဝေဖန်ထိုးနှက်မှု ဆိုတာ ကြောက်ဖို့ မလိုပါဘူး - ပါဝင်ပါ - မျှဝေပါ - ဆွေးနွေးကြည့်ပါ - ကိုယ်မမြင်မိတဲ့ အမြင် - ကိုယ်မတွေးမိတဲ့ အတွေး - ကိုယ်မထင်ထားတဲ့ ရှု့ထောင့်ပေါင်းစုံက မေးခွန်းတွေကို ရင်ဆိုင်ရပါလိမ့်မယ်။ အဲလို ရင်ဆိုင်လာရတဲ့ အခါ - ငါ ဘာလိုအပ်သလဲ - ငါ ဘာကိုလေ့လာရမလဲ - သူတို့လိုချင်တာက ဘာလဲ - ငါသိထားတာက ဘာလဲ - ငါသိထားတာတွေက အသုံးဝင်သလား - အပေါ်ယံတွေလား - အပေါ်ယံတွေဆိုရင် အနှစ်သာရ ရှိလာအောင် ဘယ်လိုပြောင်းယူမလဲ ဆိုတဲ့ အတွေးတွေ တစ်ဆင့်ပြီး တစ်ဆင့် သုံးသပ်မိလာပြီး - မိမိရဲ့ လိုအပ်ချက်တွေကို ဖြည့်ဆည်းရင်းနဲ့ ကိုယ်ပိုင် အရည်အသွေး တဖြေးဖြေး မြင့်တက်လာပါလိမ့်မယ်။

Self-Learner တစ်ယောက် အဖြစ် ရပ်တည်မယ် ဆိုတာ တကယ်တော့ တော်တော်လေး စိတ်လှုပ်ရှားဖို့ ကောင်းတဲ့ မိမိကိုယ်ကိုယ် ပုံသွင်းခြိမ်းခြောက်မှု တစ်မျိုးပါပဲ - ဒီ ခြိမ်းခြောက်မှုကို ဇွတ်တိုးရဲတဲ့သူက Self-Learning ရဲ့ အားသာချက်/ အားနည်းချက်တွေကို ပိုင်ပိုင်နိုင်နိုင် ဆုပ်ကိုင်နိုင်ပြီး ဘဝအရည်အသွေး မြင့်မြင့်မားမားနဲ့ မိမိတစ်ယောက်တည်း အတွက်သာ မက တစ်ပါးသူ တစ်ဦးအတွက်ပါ ဖြည့်ဆည်းပေးဆပ်နိုင်တဲ့ ဘဝတန်ဖိုး တစ်ခုကို ရရှိပိုင်ဆိုင်နိုင်ပါမယ် ဆိုတာ အကြံပြု တိုက်တွန်းရင်း အဆုံးသတ်လိုက်ပါတယ်။

ရယူလိုသမျှ အရာအားလုံး လက်လွတ်ဆုံးရံှုး လိုက်ရသည် မရှိ - ဆုပ်ကိုင် သိမ်းပိုက်နိုင်ကြပါစေ

Mg Zin.

Trade Mark - Only love

You're telling me you're so confused
You can't make up your mind
Is this meant to be
You're asking me

But only love can say - try again or walk away
But I believe for you and me
The sun will shine one day
So I'll just play my part
And pray you'll have a change of heart
But I can't make you see it through
That's something only love can do

ဘယ်သူက မျှော်လင့်ချင်ပါ့မလဲ တစ်နေ့နေ့ပေါ့လို့ -
ဒါပေမယ့် -

KznT.

Best Annotation Tools on Web Pages

Photo from made-in-china.com

Highlighter တွေရဲ့ သဘောတရားကို ကျွန်တော်သိခဲ့တာ စက်မှုတက္ကသိုလ် တတိယနှစ်လောက်က ဖြစ်မယ်ထင်ပါတယ် - လေ့လာမှု အားနည်းတာရယ် - အရာရာတိုင်းကို မပြောင်းလဲပဲ တစ်သမတ်တည်း လည်ပတ်နေတဲ့ လူမှုပတ်ဝန်းကျင်မှာ အသားကျပြီး ရုန်းမထွက်ချင်တော့ပဲ ပျော်ဝင်နေမိတာကြောင့်လည်း ပါပါလိမ့်မယ် - ကျွန်တော်တို့ ငယ်ငယ် ကျောင်းသား ကျောင်းသူ ဘဝတည်းက စာတွေဖတ်ခဲ့ကြတယ်/ကျက်ခဲ့ကြတယ်။ ခုချိန်ထိလည်း ဖတ်သင့်တာဖတ်/ကျက်သင့်တာ ကျက်နေရဆဲပဲ - ခု ဒီအသက်ဒီအရွယ်ကြီး ရောက်တော့မှ ကိုယ်ဖတ်ခဲ့ဖူးတဲ့ စာတွေ ပြန်စဉ်းစားကြည့်မိတော့ အနှစ်သာရနည်းနည်းနဲ့ အပေါ်ယံ အကာတွေ လွှမ်းခြုံထားတဲ့ စာမျိုးတွေ ကိုယ်ဖတ်ခဲ့ဖူးတဲ့ စာတွေမှာ တော်တော်များများ ပါဝင်နေပါလားဆိုတာ ပြန်သတိထားမိတယ်။ အဲလို အရောရောအနှောနှော ကြားမှာ ကြီးပြင်းခဲ့တဲ့ ကျွန်တော့်အတွက် ငယ်ငယ်တည်းကနေ ခု ဒီအသက်ဒီအရွယ်ထိ ဖတ်ခဲ့ဖူးတဲ့စာတွေ မနည်းမနောရှိပေမယ့် ကိုယ်ဖတ်ခဲ့ဖူးတဲ့ စာတွေထဲက ဘယ်စာအုပ်ဟာ ဘာအကြောင်းအရာကို အဓိက ဖော်ပြချင်တာလဲ - ဘယ် ဆောင်းပါးဟာ ဘာရသကို ပေးစွမ်းချင်တာလဲ - ဘယ် နည်းပညာစာအုပ်က ဘယ်ပညာရပ်ကို လက်ဆင့်ကမ်း ချင်တာလဲ - ဘယ်စာပိုဒ်ထဲမှာ ဘယ်ဖော်ပြချက်တွေ ပါဝင်နေလဲ ဆိုတာမျိုး ကျွန်တော် ပြန်စဉ်းစား ကြည့်မိတော့ ကျွန်တော် ဘာတစ်ခုကိုမှ ရေရေရာရာ မမှတ်မိတော့ဘူး - မင်း ဒီစာအုပ်ကြားဖူးလား - ဟုတ်ကြားဖူးတယ် - မင်းဒီစာအုပ် ဖတ်ဖူးလား - ဟုတ်ကဲ့ ဖတ်ဖူးပါတယ် - ဒါဆို မင်းအဲ့စာအုပ်ထဲက စာအုပ်က ပေးတဲ့ ရသပိုင်းဆိုင်ရာ / ပညာရပ်ပိုင်းဆိုင်ရာ / အတွေးအခေါ်ပိုင်းဆိုင်ရာ အဓိကအကျဆုံး အကြောင်းအရာတွေကို မင်းမှတ်မိသလောက် ပြောပြစမ်းဆို ကျွန်တော် မပြောပြတတ်တော့ဘူး - ဟိုစာအုပ်က ဟိုအကြောင်းရေးသလိုလို - ဒီစာအုပ်က ဒီအကြောင်းပြောသလိုလို - ခေါင်းထဲမှာ အားလုံး ရောထွေးသွားတယ် - ဘာကြောင့်လဲ - ဘာလို့လဲ ဆိုတော့ ကျွန်တော်တို့တွေဟာ - စာအုပ်တစ်အုပ် / စာရေးသူ တစ်ယောက်က ပေးတဲ့ ပညာရပ်ဆိုင်ရာ / အတွေးအခေါ်ပိုင်းဆိုင်ရာ / ဖော်ပြချက် အနှစ်သာရတွေကို စာအုပ်ကနေ ဖော်ထုတ် မမှတ်ယူတတ်ခဲ့ လို့ပါပဲ - 

Photo from en.wikipedia.org

ဒါ ဘယ်လောက် အရေးကြီးလို့လဲ လို့မေးလာရင် ကျွန်တော်ဖြေမိမှာ - သိပ်ကို အရေးကြီးပါတယ် ဆိုတဲ့ စကားပါ။ စာအုပ်တစ်အုပ် / စာပိုဒ်တစ်ပိုဒ် / စာကြောင်းတစ်ကြောင်းက ပေးတဲ့ ရသကို ကျွန်တော်တို့ ဖော်ထုတ် မမှတ်သားတတ်ခဲ့လို့ မလိုအပ်တာတွေကို ဆုပ်ကိုင်မိပြီး လိုအပ်တာတွေ မေ့လျော့ပျောက်ရှကျန်ခဲ့ပါရောလား - ဆုံးရံှုးမှုပေါင်း မြောက်များစွာ တစ်ပွေ့တစ်ပိုက် ဆုပ်ကိုင် ထားမိချိန် နောက်ပိုင်းမှာ ကျွန်တော် ဒီ Highlighter ဆိုတာနဲ့ စပြီး ရင်းနှီးခဲ့တယ်။ အသုံးပြုလိုက်ရင် စာရွက်တစ်ရွက်ရဲ့ မျက်နှာပြင်တွေ စုတ်ပေ ညစ်ထေးသွားမှာပေါ့ ဆိုတဲ့ အတွေးနဲ့ မျက်ကွယ် ပြုမိခဲ့တဲ့ ကျွန်တော် - ကျွန်တော့်ဘဝ စာမျက်နှာ တော်တော်များများ စုတ်ပြေညစ်ထေးပြီးတော့မှ စာရွက်တစ်ရွက်ရဲ့ မျက်နှာပြင် စုတ်ပေညစ်ထေးမှုဆိုတာ ဘဝတစ်ခုရဲ့ စာမျက်နှာ စုတ်ပေညစ်ထေး သွားမှုထက် စာရင် အများကြီး ခံသာပါလား ဆိုတာ ကျွန်တော် သိခဲ့တော့တယ်။

ခုလက်ရှိချိန်မှာတော့ ကျွန်တော်ဟာ Highlighter pen ကို ကိုယ်နဲ့ မကွာ ဆောင်ထားတတ်ခဲ့ပြီ - အလုပ်စားပွဲပေါ် - စာကြည့်စားပွဲပေါ် - ကိုယ်နဲ့ မကွာ ပါသွားတတ်တဲ့ မှတ်စုစာအုပ်ရဲ့ အတွင်းဘက် အဖုံးကပ်ထူ တစ်ခုပေါ် - စသဖြင့် ကျွန်တော့် အနီးအနားမှာ ရှိနေတတ်ခဲ့ပြီ။ ဒါပေမယ့် ခု ကျွန်တော်တို့ ရင်ဆိုင်ဖြတ်သန်းနေရတဲ့ ၂၁ ရာစုဆိုတာ စာအုပ်ကို လက်ထဲကိုင်ပြီး Highlighter နဲ့ အရေးကြီးတာတွေ လိုက်တားနေယုံ တစ်ခုတည်းနဲ့ လုံလောက်တဲ့ ခေတ် မဟုတ်တော့ဘူး - စာအုပ်တွေ အစား - Ebooks ဆိုတာတွေ ပေါ်လာပြီ - ကမ္ဘာ့တစ်နှံ့တစ်လွှားက နည်းပညာ ပြောင်းလဲမှု ဆိုတာတွေကို အချိန်နဲ့ တစ်ပြေးညီ မှတ်တမ်းတင် ဖော်ပြပေးနေတဲ့ Webpage ဆိုတာတွေ ပေါ်လာပြီ - ခုလို ပြောင်းလဲလာတဲ့ နည်းပညာခေတ်မှာ Highlighter ကိုင်ပြီး စာကြောင်းတွေ လိုက်ရွေးထုတ်လို့ မရတော့ဘူး - စာအုပ်တစ်အုပ်ကိုင်ပြီး ဘောပင်နဲ့ Note လိုက်မှတ်ဖို့ ဘယ်လိုမှ မဖြစ်နိုင်တော့ဘူး - 

တစ်ဟုန်ထိုး ပြောင်းလဲနေတဲ့ နည်းပညာရေစီးကြောင်းမှာ ရှေ့ဆုံးကနေ ထိုးဖောက်မသွားနိုင်ရင်တောင် ကျွန်တော်တို့ အလိုက်သင့် မျောပါသွားနိုင်ဖို့အတွက် ဟိုးငယ်စဉ်တုန်းက Highlighter တစ်ချောင်း ကိုင်ပြီး Note ထုတ် ဖတ်မှတ်ခဲ့စဉ် တုန်းကလို Web စာမျက်နှာတွေပေါ်မှာ ကျွန်တော်တို့ နေ့စဉ် ဖတ်မှတ်လေ့လာခဲ့တဲ့ အကြောင်းအရာတွေထဲက အရေးအပါဆုံး အချက်အလက်တွေကို မျဉ်းတား မှတ်သားတတ်ဖို့ လိုလာပါပြီ။ 

အရင်ကတော့ ကျွန်တော်တို့အတွက် အဓိက လိုအပ်တဲ့ အကြောင်းအရာတွေကို လိုင်းတား မှတ်သားခဲ့တာ စာရွက်ပေါ်မှာပါ - ဒါပေမယ့် ခု လိုင်းတားရမှာ Digital စာလုံးတွေ အနေနဲ့ Web စာမျက်နှာတွေပေါ်မှာ စာစီထားတဲ့ စာကြောင်းတွေကို Highlight လုပ်ရမှာဖြစ်ပါတယ်။ ဒါတင်မက ကိုယ် အဓိက အချက်တွေ အနေနဲ့ မှတ်သားထားတာလေးတွေကို သူငယ်ချင်း အသိမိတ်ဆွေ တွေကိုလည်း Share လုပ်ပြီး သိလိုက်စေချင်သေးတယ်။ ဒီလိုဆို ကိုယ်ဖတ်မိတဲ့ အကြောင်းအရာထဲက အဓိက အချက်လေးတွေ ဆွဲထုတ်ပြီး သိမ်းထားနိုင်ဖို့နဲ့ Share လုပ်ဆောင်နိုင်ဖို့ Options နှစ်မျိုးလုံးကို ဝန်ဆောင်မှု ပေးတဲ့ နေရာ တစ်ခုခုကို သိဖို့ လိုလာပါပြီ -  ဒါတင်မက Web ပေါ်မှာ တည်ရှိနေတဲ့ စာတွေကို Highlight လုပ်ပေးနိုင်မယ့် Highlighter pen တစ်ချောင်းလည်း ရှိနေဖို့ လိုအပ်လာပါပြီ။ ဒီအခက်အခဲတွေကို ကိုယ့် ကွန်ပြူတာထဲမှာ ဘာ Software မှ အပိုဆောင်းတင်စရာ မလိုပဲ ပြေလည်စေမယ့် နေရာကတော့ Awesome Highlighter ပဲ ဖြစ်ပါတယ်။

Awesome Highlighter ကို သွားပြီး Webpage တစ်ခုကို ဖွင့်လိုက်တာနဲ့ ကျွန်တော်တို့ရဲ့ mouse cursor လေးဟာ အလိုလို နေရင်း အပေါ်မှာ မြင်တွေ့နေရတဲ့ အတိုင်း Highlighter pen တစ်ချောင်းအဖြစ် ပြောင်းလဲသွားမှာ ဖြစ်ပါတယ်။ ကျွန်တော်တို့ လုပ်ဆောင်ရမှာဆိုလို့ ကိုယ် အဓိက လိုချင်တဲ့ စာကြောင်းလေးတွေကို ပုံမှန် လုပ်ဆောင်နေကျ အတိုင်း Select လုပ်ယုံပါ - အဲလို လုပ်ဆောင်လိုက်ရင် ကိုယ် ရွေးချယ်လိုက်တဲ့ စာကြောင်းတွေဟာ အလိုလို Highlight လုပ်ဆောင်ပြီးသား ဖြစ်သွားပါလိမ့် မယ်။ တကယ်လို့ အရောက်မကြိုက်ရင်လည်း တစ်ခြား အရောင်ပြောင်းရွေးလို့ ရပါတယ်။ ဒါတင်မက ကိုယ် Highlight လုပ်ထားတဲ့ စာမျက်နှာမှာ မိမိစိတ်ကြိုက် ထည့်သွင်းချင်တဲ့ Notes စာသားတွေကိုလည်း အထက်ဖော်ပြပါ အတိုင်း ထည့်သွင်း နိုင်ပါသေးတယ်။ ဥပမာကြည့်ရန်

နောက်တစ်ခု မိတ်ဆက်ပေးချင်တာကတော့ BounceApp ပါ – သူကတော့ Web page တစ်ခုလုံးကို screenshots လုပ်ပြီး အဲ့ဒီ့ screenshots ကိုမှ built-in tools တွေနဲ့ ကိုယ့်ရဲ့ မှတ်ချက်တွေ ထည့်သွင်းပေးနိုင်တဲ့ လုပ်ငန်းစဉ်ကို လုပ်ဆောင်ပါတယ်။ အောက်ဖော်ပြပါအတိုင်း ဖြစ်ပါတယ်။

ကျွန်တော်တို့လုပ်ဆောင်ရမှာ ကိုယ် ဝန်းဝိုက်ဖော်ပြချင်တဲ့ စာကြောင်းတွေကို အနားသတ်မျဉ်း ဆွဲပေးပြီး ကိုယ့် မှတ်ချက် ထည့်သွင်းပေး ယုံပါပဲ။ ဒီလိုလုပ်ဆောင်ထားခြင်း အားဖြင့် Web page ရဲ့ ဘယ်နေရာမှာ ဘာအကြောင်းအရာ ရှိတယ် ဆိုတာ ကျွန်တော်တို့ အလွယ်တကူ ပြန်လည် ရှာဖွေရရှိနိုင်ပါတယ်။ ဥပမာကြည့်ရန် BounceApps ရဲ့ မကောင်းတဲ့ အချက်တွေက မြန်မာလို ရေးသားထားတဲ့ စာမျက်နှာတွေနဲ့ အဆင်မပြေတာ - Image format ဖြစ်လို့ ကိုယ် Shared လုပ်ထားတဲ့ စာမျက်နှာကို တစ်ခြားသူ တစ်ယောက် ဝင်ရောက် ဖြည့်စွက် ပြင်ဆင်ပိုင်ခွင့် မရှိတာ ဆိုတာမျိုးတွေ ရှိလာပါတယ်။

နောက်ဆုံး တစ်ခု အနေနဲ့ စမ်းသပ်ကြည့်သင့်တာကတော့ WebKlipper ပါ။ အပေါ်မှာ ဖော်ပြခဲ့ပြီးတဲ့ Awesome Highlighter တို့ WebKlipper တို့လိုပဲ သူလည်း ကိုယ်ရွေးထုတ်ချင်တဲ့ စာကြောင်းတွေကို Highlights လုပ်နိုင်သလို ကြိုက်ရာ Web စာမျက်နှာတွေပေါ်မှာ Notes တွေလည်း ရေးသားနိုင်ပါတယ်။ တစ်ခု ထူးခြားသွားတာလေး တစ်ချက်က WebKlipper မှာ ဒီလုပ်ငန်းစဉ်တွေကို  keyboard shortcuts အကူအညီနဲ့ လုပ်ဆောင်နိုင်တာပါ။ ဒါ့ကြောင့်  keyboard shortcuts အသုံးပြုလိုသူများ အတွက် ပိုပြီး အဆင်ပြေစေလိမ့်မယ်လို့ ယူဆမိပါတယ်။

WebKlipper ရဲ့ ထူးခြားချက် နောက်တစ်ခုက ကိုယ် Highlights ပေးပြီး မှတ်သားထားတဲ့ အကြောင်းအရာကို အခြားလူ တစ်ယောက်ဆီ ဝေမျှတဲ့ အခါ တစ်ခြားသူကလည်း သူကြိုက်နှစ်သက်ရာ အကြောင်းအရာကို ထပ်မံပေါင်းစပ်ပြီး Highlights မှတ်သားနိုင်တာပါ - ဒါဟာ ကောင်းတဲ့ အမြင်နဲ့ ကြည့်ရင် ကောင်းတယ်ဆိုပေမယ့် တစ်ချို့ကလည်း မကောင်းဘူးလို့တော့ ထင်ကြပါတယ်။ တစ်ယောက်နဲ့ တစ်ယောက် အကြိုက်ချင်း မတူညီကြတာမို့ ဘာက အမှန်ဆိုတာကိုတော့ ကျွန်တော်လည်း မပြောပြတတ်ပါဘူး -

Web Pages တွေပေါ်မှာ Highlights မှတ်သားတာနဲ့ ပတ်သတ်ပြီး ကျွန်တော် ဖော်ပြချင်တာကတော့ ဒီလောက်ပါပဲ -

မိသားစု အားလုံး ကိုယ့်ဘဝအတွက် အမှန်တကယ် လိုအပ်သည်များကိုသာ ရွေးချယ် ထုတ်နှုတ် ရယူနိုင်ပါစေ -

KznT.

Letters To My Daughter ( 3 )

အင်တာနက်ထဲ လည်ပြီ ပတ်ပြီ စာတွေဖတ်ပြီ - ဒီလိုဆို သမီးမှာ သူငယ်ချင်းတွေ ရလာတော့မယ်။ သူငယ်ချင်းတွေဆို အနွံတာ ခံပြီး အမြဲ ကူညီပေးချင်တတ်တဲ့ ဖေ့သမီးလေးက အွန်လိုင်းပေါ်က သူငယ်ချင်းတွေ တစ်ခုခုလိုအပ်လို့ ( စာအုပ်တွေ ဖြစ်စေ - Software တြွေဖစ်စေ - သီချင်းတွေ ၊ ဗွီဒီယိုတွေ ဖြစ်စေ ) ဝေမျှဖို့ တောင်းခံလာရင် သမီးမဖြစ်မနေ သိထားဖို့ နောက်တစ်ခု လိုအပ်လာပြီ - အဲတာကတော့ လက်ခံသူနဲ့ ဝေမျှသူကြားမှာ ပေါင်းကူးတံတား အဖြစ် ဆောင်ရွက်ပေးနေတဲ့ Uploading Sites တွေပဲ သမီး - ကပ်စေးနဲပြီး အသုံးနဲ့ အဖြုန်းကို ခွဲခြား သိတတ်တဲ့ သမီးက တော်ရုံနဲ့တော့ Uploading Sites တွေက Premium account ကို ဝယ်မှာ မဟုတ်ဘူး ဆိုတာလည်း ဖေဖေသိတယ်။ ဒီလိုဆို သမီးနဲ့ သမီးရဲ့ သူငယ်ချင်းတွေ ကြားမှာ တစ်ယောက်နဲ့ တစ်ယောက် လိုအပ်နေတဲ့ ဖိုင်တွေ လေလိှုင်းပေါ်ကနေ တစ်ဆင့် ဝေမျှနိုင်ဖို့ ဖေဖေရေးထားဖူးတဲ့ Multiple File-Hosting Sites များအကြောင်း ဆိုတာကို သမီး ဖတ်ထားရတော့မယ်။

ဒီတစ်ခုတည်းတင် ဘယ်ဟုတ်ပါ့မလဲ - File Sharing နဲ့ ပတ်သတ်ရင် နောက်ထပ် သမီး မဖြစ်မနေ ဖတ်ရဦးမယ့် တစ်ခြား အကြောင်းတွေ ဖေဖေ ရေးထားတာ ရှိသေးတယ်။ အဲတာတွေကတော့ လျင်မြန်လွယ်ကူသော Sharing နည်းစနစ် ၊ အင်တာနက်အား အကျိုးရှိစွာ အသုံးချခြင်း ၊ အလွယ်ကူဆုံး File Sharing နည်းပညာအား အသုံးချခြင်း ဆိုတာတွေလည်း သမီး ဖတ်ထားသင့်သေးတယ်။

တစ်ခါတစ်လေမှာ သမီးရဲ့ သူငယ်ချင်းက သမီးဆီကို Documents တွေ - Images တွေ ဒါမှမဟုတ် Video clips တွေ ပို့ပေးလာကြပြီး သမီးစက်ထဲ ရောက်တော့ သူတို့ ပေးတဲ့ဖိုင်တွေက ဖွင့်လို့ မရဖြစ်နေတာမျိုး သမီး ကြုံရလိမ့်ဦးမယ်။ အဲလို ဖြစ်ရင် သမီး စိတ်မပူနဲ့ - ဒါက သူတို့ မှားတာလည်း မဟုတ်ဘူး - သမီးမှားတာလည်း မဟုတ်ဘူး - ခုလို ဖြစ်နေတာ သမီးစက်ထဲမှာ သက်ဆိုင်ရာ ဖိုင်အမျိုးအစားတွေကို မှန်မှန်ကန်ကန် ဖွင့်ပေးနိုင်တ့ဲ Software တစ်ခု မရှိလို့ပဲ - အဲလို ဖြစ်နေရင် အလွယ်ကူဆုံး ပြင်ဆင်နိုင်တာ online-convert.com ပဲ သမီး -

နောက် သူ့လိုပဲ စွမ်းဆောင်ရည်နဲ့ လုပ်ဆောင်ပုံချင်းတူတဲ့ zamzar.com - convertfiles.com နဲ့ တစ်ခြား ဆိုဒ်တွေလည်း အများကြီးကို ရှိသေးတယ် သမီးရေ - ဒီ Free online file converter တွေရဲ့ လုပ်ဆောင်ချက်က ဖိုင်တစ်ခုခု သမီးထည့်လိုက်ရင် Audio ဆို Audio အလျှောက် - Image ဆို Image အလျှောက် - Document ဆို Document အလျှောက် သမီးလိုချင်တဲ့ တစ်ခြား သမီးစက်ထဲမှာ ရှိတဲ့ Software ရဲ့ Format ကို ထုတ်ယူလို့ ရတာပဲ -

သြော် အဲတာနဲ့ စကားစပ်မိတုန်း သမီးကို တစ်ခါတည်း မေးကြည့်ရဦးမယ် - တစ်ခါတစ်လေလေများ Applications တွေ စက်ထဲ Install လုပ် သုံးနေရတာ စိတ်မပျက်မိဘူးလား ?? အဲလိုများ စိတ်ထဲ ဖြစ်လာရင် သမီး သဘောကျတဲ့ Software လေးတွေကို Install လုပ်စရာ မလိုပဲ Portable သုံးလို့ ရသေးတယ် သမီးရဲ့ - အဲ့အတွက်တော့ Portable Software တွေကို တစ်ခုချင်း လိုက်ရှာနေစရာ မလိုပဲ လူကြိုက်များ လူသုံးများတဲ့ Applications တွေအားလုံးကို Portable အဖြစ် စုစည်းပေးထားတဲ့ အသင့်သုံး Portable Apps Suites များ ဆိုတာ ရှိသေးတယ် သမီးရေ - သေချာတာပေါ့ သမီးဖတ်ကို ဖတ်ရလိမ့်ဦးမယ်။ ဖေဖေက တစ်ချိန်လုံး စာဖတ်ခိုင်းနေတာပဲလို့ သမီးကတော့ ပြောတော့မယ်။ ဒါပေါ့ - သမီးက အများကြီး သိချင်တာကိုး - အများကြီး သိချင်တဲ့ သူဆိုတာ ဘယ်တော့မှ သူများကို အမြဲတမ်း အားကိုးလို့ မရဘူး သမီး - ကိုယ်ကိုယ်တိုင်က စာများများဖတ်မှ ကိုယ်သိချင်သလောက်ကို ပြည့်ပြည့်ဝဝ သိနိုင်လိမ့်မယ် - သိချင်စိတ်တော့ ရှိပါရဲ့ ဒါပေမယ့် ကိုယ့်ကိုယ်ကိုယ် အားမကိုးပဲ သူများကိုပဲ သမီး အားကိုးနေမယ် ဆိုရင် သူများပေးသလောက်ပဲ ငါ့သမီးလေး ရနေမှာပေါ့ - ဒါ့ကြောင့် ဖေဖေကတော့ သမီးတစ်ခုခု မေးလာရင် စာတွေပဲ ဖတ်ခိုင်းနေရဦးမှာပဲ -

ချစ်သမီးသို့ ပေးစာများ အမှတ် ( ၄ ) ဆက်ရန် -

KznT.

DVD-R, DVD-RW, DVD+R, DVD+RW

Originally Posted by tainlwar  မိသားစုများ ခင်ဗျာ....Burn ပီးသား DVD အခွေကို ပြန်ဖျက်လို့ရမလား မသိဘူး...ကျွန်တော်က ကွန်ပျုတာ ဗဟုသုတ တွေကိုလေ့လာနေဆဲ မို့ မသိလို့ ကူညီပေးကြပါဦး...ရမယ်ဆိုရင်လဲလုပ်နည်း လေးကိုအသေးစိတ်ရှင်းပြပေးပါလား ခင်ဗျာ....

Originally Posted by ငြိမ်းချမ်း  မရလောက်ဘူးလို့ထင်တယ်ဗျ... burnပီးသားခွေကိုသာ ထပ်ပြီးburn လို့ရတာ... ကျွန်တော်လည်းအဲဒါကို ရရင် သိချင်နေပါတယ်.. သိတဲ့သူတွရှိရင်တော ့ဝင်ဖြေကြပါလိမ့်မယ်..

ဖော်ပြထားတဲ့ အကြောင်းအရာနဲ့ ပတ်သတ်ပြီး မဖြစ်မနေ သိထားသင့်တဲ့ အကြောင်းအရာ တစ်ချို့ ရှိပါတယ်။ Burn ပီးသား DVD အခွေကို ပြန်ဖျက်လို့ ရသလား ဆိုတဲ့ မေးခွန်းက တကယ်တော့ မပြည့်စုံသေးပါဘူး - ဘာကြောင့်လည်းဆို ကျွန်တော်တို့ DVD လို့ ပြောလိုက်တာနဲ့ အရင်ဆုံး Format နှစ်မျိုးရှိတာ သိထားရပါလိမ့်မယ်။ အ့ဲဒီ Format နှစ်မျိုးက "Minus" ("-") Formats လို့ ခေါ်တဲ့ ( DVD-R, DVD-RW ) ဆိုတာရယ် "Plus" ("+") Formats လို့ ခေါ်တဲ့ ( DVD+R, DVD+RW ) ဆိုတဲ့ နှစ်မျိုးဖြစ်ပါတယ်။ ဒီ +R တို့ -R တို့ +RW တို့ -RW တို့ဆိုတာ Data တွေကို ဘယ်လိုခန့်ခွဲနိုင်မယ် ဆိုတာကို အဓိက ရည်ရွယ်တာ ဖြစ်ပါတယ်။

Photo from online.tenadigitalmarket.com

နားလည်လွယ်အောင် ပြောရရင် "Minus" ("-") Formats ဆိုကြပါစို့ - သူ့မှာ DVD-R နဲ့ DVD-RW ရှိတယ်။ အဲမှာ DVD-R ဆိုတာ write-once format ကို ဆိုလိုပါတယ်။ ပြောချင်တာက အဲ့အခွေက Data တွေ တစ်ကြိမ်တစ်ခါ ရိုက်တာကိုပဲ ခွင့်ပြုတယ် - တစ်ခါရိုက်လိုက်ပြီးတာနဲ့ အဲ့ဒီ့ DVD မှာ နောက်ဘယ်တော့မှ Data ထပ် Burn လို့ မရတော့ဘူး - ရိုက်ထားတဲ့ အတိုင်းပဲ တစ်သက်လုံး သိမ်းသွားပေတော့ ဆိုတဲ့ သဘောဖြစ်ပါတယ်။ သူနဲ့ ကွာခြားသွားတဲ့ DVD-RW ဆိုတာကကျတော့ Data တွေကို တစ်ကြိမ်ထက်မက ရိုက်နိုင်တယ် အကြိမ်ပေါင်းမြောက်များစွာ ရိုက်နိုင်တယ် - ရိုက်ပြီးသားလည်း ပြန်ဖျက် ပြန်ရိုက်လို့ ရတယ် - ဒါကို ဆိုလိုတာ ဖြစ်ပါတယ်။ ခဏခဏ ပြန်ရိုက်လို့ ရတယ် ဆိုပေမယ့်လည်း တန်ဆေးလွန်ဘေး ဆိုသလိုမျိုး ခဏခဏ ရိုက်လိုက် ဖျက်လိုက် လုပ်လို့တော့ မကောင်းပါဘူး - သူလည်း ပစ္စည်းပဲမို့ ပျက်တာကတော့ ပျက်နိုင်တာပါပဲ -

Photo from memorex.com

နောက်တစ်ခုက "Plus" ("+") Formats လို့ ခေါ်တဲ့ ( DVD+R, DVD+RW ) အကြောင်း - သူ့အကြောင်းကို ပြောမယ်ဆို နည်းနည်းတော့ လက်ပေါက်ကပ်ပါတယ်။ DVD+R ဆိုတာ DVD-R လိုမျိုးပဲ ( 4.7GB ) data storage capacity ရှိပြီး write-once format ပဲ လုပ်နိုင်တဲ့ DVD ဖြစ်တာချင်း တူပေမယ့် သူ့မှာ DVD players တော်တော်များများနဲ့ တွဲဖက် အသုံးပြုနိုင်စေဖို့ ပြင်ဆင်ထား ပါတယ်။ နောက် DVD+RW မှာကတော့ DVD-RW နဲ့ မတူတော့ပဲ စွမ်းဆောင်ရည်လေးတွေ ဒီ့ထက် နည်းနည်းပိုလာပါတယ်။ ဆိုလိုတာ DVD+RW ခွေနဲ့ ရိုက်ရင် Data တွေကို ပိုမြန်မြန် ရိုက်လို့ ရမယ်။ နောက် Disk ထဲမှာ ထည့်မယ့် Data တွေကို အလွယ်တကူ ပြင်ဆင်နိုင်ဖို့ Desktop ပေါ်ကနေ ဖိုင်တွေ drag-and-drop လုပ်လို့ ရမယ် - internal linking ကောင်းမယ် ( internal linking ဆိုတာ Technical အရ ပြောတာပါ - အရေးသိပ်မကြီးပါဘူး ) - အဲလို ကျွန်တော် ဖော်ပြပြီးခဲ့တဲ့ အားသာချက် အားနည်းချက်တွေကြောင့် ( DVD-R, DVD-RW ) တွေက ( DVD+R, DVD+RW ) ထက်စာရင် ဈေးကွက်မှာ ဈေးပိုသက်သာတာ တွေ့ရပါလိမ့်မယ်။ ( DVD+R, DVD+RW ) တွေကတော့ ဈေးနည်းနည်းပိုကြီးတတ်ပါတယ်။

ကျွန်တော် ခုဖော်ပြခဲ့သလောက်ဆို ဘယ် DVD က ခဏခဏ ဖျက်လို့ ရတယ် - ဘယ်ဟာကတော့ ဖျက်လို့ မရဘူး - DVD ချင်းတူပေမယ့် ဘာတွေက ဘယ်လိုကွာခြားတယ် ဆိုတာ နားလည်နိုင်လိမ့်မယ် ထင်ပါတယ်။

KznT.

Letters To My Daughter ( 2 )

တစ်နေ့နဲ့ တစ်နေ့ အင်တာနက်ထဲမှာ Websites တွေ လည်တာ ပတ်တာလည်း များပြီ - ဟိုနေရာမှာလည်း Account လုပ်လာ - ဒီနေရာမှာ Account လုပ်လာ - ဒီလိုဆို မကြာခင်မှာ သမီး Passwords တွေကို မှတ်မိဖို့ အခက်အခဲ ရှိလာလိမ့်မယ်။ အဲ့အတွက်တော့ Site တစ်ခုမှာ တစ်မျိုးစီပြောင်းပြီး ပေးလာခဲ့တဲ့ သမီးရဲ့ passwords တွေကို KeePass ကနေ တာဝန်ကျေကျေနဲ့ မှတ်သားပေးပါလိမ့်မယ်။ KeePass လို့ ပြောလိုက်လို့ Password တွေ မှတ်ထားဖို့ရာ ဒီတစ်ခုတည်းလား ဆိုပြီး သမီးမေးလိမ့်ဦးမယ်။ သူနဲ့ သဘောတရားတူပြီး လုပ်ဆောင်ချက်လေးတွေ မဆိုစလောက်ပဲ လွဲတဲ့ တစ်ခြား Software တွေလည်း ရှိသေးတယ် သမီး - အဲတာကိုတော့ ဖေဖေရေးခဲ့တဲ့ Passwords များ လုံခြုံရေး သတိပြုနိုင်ကြစေရန် ဆိုတဲ့ စာထဲမှာ ဖော်ပြခဲ့ဖူးတယ်။ နောက်ပြီး Password နဲ့ ပတ်သတ်လာရင် မှတ်ရခက်တဲ့ ခက်ခက်ခဲခဲ Password ပေးဖို့ အမြဲ အပျင်းကြီးတတ်တဲ့ သမီးလေးက Account လုပ်တိုင်း လွယ်လွယ်ကူကူ Password တွေ ပေးတတ်တာ ဖေဖေ သတိထားမိတယ်။ ဘာမှ မဖြစ်သေးခင်မှာ ဘာမှ မဖြစ်ပေမယ့် တစ်ခါတစ်လေမှာ ကိုယ့်ရဲ့ ပေါ့ဆမှုကြောင့် ခန့်မှန်းရ အင်မတန်လွယ်တဲ့ သမီးရဲ့ Passwords တွေကို သူများတွေ အလွယ်တကူ သိသွားပြီး သမီး တန်ဖိုးထားတဲ့ အရာတွေ ဆုံးရံှုးရလိမ့်မယ်။ အဲလို မဖြစ်အောင် Password တွေကို ဘယ်လို ပေးမလဲ - ကိုယ်ပေးတဲ့ Password တွေ ကြံ့ခိုင်မှု ရှိအောင် ဘယ်လို စစ်ဆေးမလဲ ဆိုတာ သင့် Password မည်မျှ ကြံ့ခိုင်ပါသနည်း ?? ဆိုပြီး သမီးအတွက် ဖေဖေရေးထားပေးတယ်။


အင်တာနက်ထဲ ရောက်ပြီဆိုရင် သမီး ဟို ဆိုဒ်ဝင် ဒီ ဆိုဒ်ထွက်နဲ့ စာတွေဖတ်ရင်း - သိချင်တာလေးတွေ လေ့လာရင်း Blog ဆိုတဲ့ ကိုယ်တိုင်ရေး Personal Web စာမျက်နှာတွေအကြောင်းကိုလည်း သတိထားမိ လာလိမ့်ဦးမယ်။ အဲလို သတိထားမိလာတဲ့ တစ်နေ့မှာ Blog တစ်ခု ဘယ်လို တည်ဆောက်ရတယ် ဆိုတာ သမီး သိချင်လာလိမ့်မယ်။ Personal Blog တစ်ခုကို Limit ကန့်သတ်ချက် မရှိ Free ဝန်ဆောင်မှု ပေးတဲ့ Blog Services တွေ တော်တော်များများရှိပြီး - သူတို့တွေ တစ်ခုနဲ့ တစ်ခု ဘယ်လို အားသာချက် အားနည်းချက်တွေ ရှိတယ် ဆိုတာ ဒီနေရာမှာ သမီး ဖတ်ကြည့်နိုင်ပါတယ်။ သူတို့တွေ အားလုံးထဲမှာ ဖေဖေ Blog ရေးခဲ့တဲ့ ကာလတစ်လျှောက် စိတ်ချမ်းသာဖို့ အကောင်းဆုံးနဲ့ အဆင်အပြေဆုံး Free ဝန်ဆောင်မှုပေးခဲ့တာ Blogger ပဲ ဆိုတာတော့ သမီးသိအောင် ညွှန်းလိုက်ချင်ပါသေးတယ်။ Blog တစ်ခု ဘယ်လို တည်ဆောက်ရတယ် ဆိုတာ ( MM versions ) Computer ebooks collection ထဲမှာ အသေးစိတ် ဖော်ပြထားတဲ့ စာအုပ်တွေ ဖေဖေထည့်ထားပေးတယ်။ ခုဒီနေရာမှာတော့ Blog တစ်ခုကို ဘယ်လိုတည်ဆောက်တယ် ဆိုတာထက် Blog Post တစ်ခုကို ဖန်တီးတဲ့ နေရာမှာ ဘယ်နေရာမှာ Blog Post တစ်ခုကို အရင်ဆုံး ပုံစံချပြီး သိမ်းထားသင့်မယ် ဆိုတာ ပြောပြချင်တယ်။ Blog Post တစ်ခုကို အကြမ်းထည် ဖန်တီးတဲ့ နေရာမှာ ဖေဖေတို့ လုပ်ဆောင်နေကျ စက်ထဲမှာ ရှိနေတဲ့ Microsoft Office မှာ အကြမ်းရေးပြီးမှ Blog Post ထဲကို Paste လုပ်ပြီး Publish ပေးလို့ ရသလို - Blogger ထဲမှာပဲ တစ်ခါတည်း တန်းရေးပြီး Publish ပေးလို့လည်းရတယ်။ ဒါပေမယ့် အဲတာတွေ အားလုံးထက် ကောင်းတဲ့ နောက်နည်းလမ်း တစ်ခုက Google Docs ကို သုံးပြီး Blogger ကို တိုက်ရိုက် Post တင်တဲ့ နည်းပဲ။ Google Docs ရဲ့ အသုံးဝင်ပုံ အကြောင်းကို အသုံးဝင် Google Docs Features များအကြောင်း ဆိုပြီး ရေးထားခဲ့ဖူးတယ်။ သမီး Blog ရေးဖို့ စိတ်ဝင်စားတဲ့ တစ်နေ့ ဖတ်ကြည့်စေချင်တယ်။

အင်တာနက်ထဲမှာ လှည့်ပတ်လေ့လာပြီ ဆိုရင် မဖြစ်မနေ သတိထားရမယ့် အချက်တစ်ချက်လည်း ရှိသေးတယ် သမီး - အဲတာကတော့ သမီးလည်း ကြားဖူးနားဝ ရှိနေတဲ့ viruses, spyware, scareware, trojans, နဲ့ worms တွေ ရဲ့ အန္တရာယ်ပဲ။ Virus တွေရဲ့ အန္တရာယ် နဲ့ Antivirus တွေရဲ့ တိုက်ဖျက်နိုင်စွမ်းကို ဖေဖေ အကြမ်းဖျဉ်းသုံးသပ်နိုင်အောင် ရေးထားတဲ့ Virus အမျိုးအစားများနှင့် Virus ကာကွယ်နည်းများ ဆိုတဲ့ အကြောင်းကိုတော့ သမီးလေး ဖတ်ထားမှ ဖြစ်လိမ့်မယ်။ ဒါမှ ဘာတွေက ဘယ်လို အန္တရာယ်ရှိပြီး သူတို့ကို ဘယ်လို ကာကွယ်ရမယ် ဆိုတာ အကြမ်းဖျဉ်း သမီး သိထားနိုင်လိမ့်မယ်။ အဆော့အရမ်း သန်တဲ့ ဖေဖေ့သမီးလေးက အင်တာနက်ထဲရောက်ရင်လည်း ဂိမ်းတွေ ဆော့ဦးမှာ သေချာတယ် - ဒီလိုဆိုရင်တော့ ငွေကုန် ကြေးကျနည်းပြီး မိန်းကလေးတွေ တော်တော်များများ နှစ်သက်ကြတဲ့ Facebook က ဂိမ်းလေးတွေ အကြောင်း သမီးသိထားမှ ဖြစ်ဦးမယ်။

အဲ့အတွက် Top 20 Facebook Games ဆိုတာကို သမီး ဖတ်ကြည့်သင့်တယ်။ ဒါမှ ဘယ်ဂိမ်းလေးတွေ သမီးဆော့ဖို့ ပိုအဆင်ပြေမယ် ဆိုတာ အကြမ်းဖျဉ်း သိပြီးသား ဖြစ်သွားလိမ့်မယ်။ ဂိမ်းဆော့တာတော့ ဟုတ်ပြီ - ဒါပေမယ့် ဂိမ်းလေးလည်း ဆော့ရင်း ကုသိုလ်လည်းရ ပညာလည်းကျန်မယ့် တစ်ခြား ဂိမ်းတစ်ခုလည်း ဖေဖေက ညွှန်လိုက်ချင်သေးတယ်။ ဘယ်ဂိမ်းလေးလဲ ဆိုတာတော့ သမီး Donation + Game = FreeRice ကို ဖတ်ရလိမ့်မယ်။ တစ်ခြား အာလာဒင် တို့ Mario တို့ သမီးဆော့ချင်သေးတယ် ဆိုရင် ဂိမ်းသေးသေးတွေ သမီးဆော့နိုင်ဖို့ ဂိမ်း ဆော့ရအောင် ဆိုပြီး ဖေဖေရေးထားတာ ရှိသေးတယ်။ သီချင်းဆိုရင် ငယ်ငယ် မွေးကင်းစလေးတည်းက ဝူးဝူးဝါးဝါးနဲ့ လိုက်ဆိုတတ်တဲ့ သမီးက ခုလည်း သီချင်းတွေ နားထောင်ဖို့ အင်တာနက်ထဲမှာ လိုက်ရှာဖြစ်မှာ မလွဲဘူး - ဒါဆို အဆင်ပြေပြေနဲ့ သမီးလိုချင်တ့ဲ သီချင်းတွေ ရှာတွေ့နိုင်ဖို့ အင်တာနက်အတွင်း သီချင်း ရှာဖြွေခင်း ဆိုတာကိုလည်း သမီး ဖတ်ရလိမ့်ဦးမယ်။ ကြုံလို့ တစ်လက်စတည်း ပြောရရင် အင်တာနက် ထဲမှာ သီချင်းပဲ ရှာရှာ - Applications တွေပဲ ရှာရှာ အလွယ်တကူနဲ့ လိုချင်တာကို အမြန်ဆုံးရှာလို့ တွေ့နိုင်တာ Torrent Sites တွေမှာပဲ ဆိုတာ သမီးကို သိစေချင်သေးတယ်။ ဒါ့ကြောင့် Torrent တွေရဲ့ အလုပ်လုပ်ပုံနဲ့ သူရဲ့ သဘောတရား တစ်ချို့ သမီး သိနားလည်ထားဖို့ လိုသေးတယ်။ အဲတာကိုနားလည်ဖို့တော့ Torrent ဘာလဲ Torrent ဘယ်လဲ ?? ဆိုတာ သမီး ဖတ်ထားဖို့လိုလိမ့်မယ်။ ဆက်စပ်ပြီး သတိပေးလိုက်ချင်တာ Torrent Sites တွေမှာ တစ်ချို့ Sites တွေက Applications တွေ Download ချလိုက်ရင် ဖေဖေ အပေါ်မှာ ပြောထားခဲ့ပြီးတဲ့ viruses, spyware, scareware, trojans ဆိုတာတွေ မနည်းမနော ပါလာတတ်သေးတယ်။ ဒါကြောင့် အလကားရတာပဲ ဆိုပြီး Torrent Sites တွေက ပေးထားသမျှကို ယုံမှတ်မှားပြီး သမီးရဲ့ စက်မှာ Install မလုပ်စေချင်ဘူး - ကိုယ် ဒေါင်းလုပ်ချလိုက်တဲ့ Applications တွေ မှာ Virus ပါလာမလာ ဆိုတာ သမီးစက်ထဲမှာ Install လုပ်ထားတဲ့ Antivirus နဲ့ Scan ဖတ်ပြီး စစ်ဆေးလို့ ရသလို Jotti's malware scan နောက် Virustotal စတဲ့ Online Antivirus Scanner တွေနဲ့လည်း သမီး စစ်ကြည့်လို့ ရသေးတယ်။

တစ်ခါတစ်လေ အင်တာနက်ထဲမှာ ဟိုဒီလျှောက်သွားပြီး မှတ်ထားချင်တာလေးတွေ Note ထုတ်ထားချင်စိတ် ပေါ်တဲ့ အခါ တွေ့ကရာ နေရာမှာ ဟိုတစ်စ ဒီတစ်စ မှတ်တာထက် One Note ကိုသုံးပြီး ဖေဖေက မှတ်စေချင်တယ်။ ဒီအကြောင်းကိုတော့ ဖေဖေ အများကြီး ရှင်းပြဖို့ မလိုဘူး - OneNote သုံးပြီး မှတ်စု ရေးကြရအောင် ဆိုတဲ့ အကြောင်းကို သမီး ဖတ်ပြီးတဲ့ အခါ လုပ်ဆောင်ရမယ့် လုပ်ငန်းစဉ်တွေကို သမီး နားလည်သွားပါလိမ့်မယ်။ Online တက်ပြီ ဆိုမှတော့ ငါ့သမီးလေး Chat တက်ဦးမှာပေါ့ - ဒီလိုဆိုရင် သမီး အမြဲသုံးနေကျ Gtalk အတွက် သိထားသင့်တာလေးတွေလည်း Useful Tips for Gtalk Users ဆိုပြီး ဖေဖေရေးထားပေးတာ ရှိသေးတယ်။

ချစ်သမီးသို့ ပေးစာ အမှတ် ( ၃ ) ဆက်ရန် -

KznT.

Letters To My Daughter ( 1 )

ကျွန်တော် ဖိုရမ်မှာ စာတွေ တော်တော်များများ ရေးခဲ့ဖူးပါပြီ။ ရေးခဲ့သမျှတွေထဲမှာ တစ်ချို့ အားလုံး ဖတ်ဖြစ်ကြတာတွေလည်း ရှိမယ် - အားလုံး မဖတ်ဖြစ်ကြပဲ အမှုမဲ့ အမှတ်မဲ့ ကျော်သွားခဲ့ကြတာတွေ လည်း ရှိမယ်။ ဒါတွေ အားလုံးကို ခြုံငုံပြီး ကျွန်တော် ရေးခဲ့သမျှ ထဲက အားလုံးအတွက် အကျိုးရှိ လောက်မယ်လို့ ယူဆမိတဲ့ ဆွေးနွေးချက် တစ်ချို့နဲ့ ကျွန်တော် သိရှိခဲ့သမျှ အင်တာနက်ထဲက သိရှိမှတ်သား ထားသင့်တဲ့ ကောင်းနိုးရာရာ အချက်အလက်အသစ် တစ်ချို့ကို ဝေမျှနိုင်ဖို့ ချစ်သမီးသို့ ပေးစာများ ဆိုတဲ့ ခေါင်းစဉ်နဲ့ လေ့လာ မှတ်သားထားချက် တစ်ချို့ကို သမီးတစ်ယောက်ဆီ ရေးသားထားတဲ့ ပေးစာတစ်စောင်လိုမျိုး ရေးသားဝေမျှ ဖြစ်လိုက်ပါတယ်။ လေ့လာမှတ်သားရင်း ဗဟုသုတများ ဆထက်တစ်ပိုး တိုးပွားနိုင်ကြပါစေ။

ချစ်သမီးသို့ ပေးစာ အမှတ် ( ၁ )

ဖေဖေ ချစ်ရတဲ့ သမီးငယ်ရေ -

Photo from www.nateloucks.com

ဖေဖေ ဝယ်ပေးလိုက်တဲ့ Notebook ကို သမီးလေး သဘောကျလိမ့်မယ် ထင်ပါတယ်။ သမီးက ကွန်ပြူတာနဲ့ ပတ်သတ်ပြီး သိပ်မစိမ်းပေမယ့် အင်တာနက်ပိုင်း ဆိုင်ရာ နဲ့ Apps ရွေးချယ်မှု ပိုင်းဆိုင်ရာမှာ အတွေ့အကြုံ နည်းနေသေးလို့ ဖေဖေ့အနေနဲ့ ဖေဖေ သိထားခဲ့တာတွေထဲက အနှစ်ချုပ်ပြီး သမီး နားလည်လွယ်အောင် ပြောပြလိုက်ချင်တယ်။ ဖေ့သမီးလေးက သမီးမေမေလို တတ်သိနားလည်လွယ်တာ မို့လို့ ခု ဖေဖေ ဖော်ပြတဲ့ အကြောင်းအရာ တစ်ချို့ကို ဖတ်ခဲ့ပြီးရင် အင်တာနက်နဲ့ ပတ်သတ်ပြီး သိထားသင့်တဲ့ အခြေခံ အကြောင်းအရာ တစ်ချို့ကို တီးမိခေါက်မိ ဖြစ်သွားလိမ့်မယ်လို့ ဖေဖေ မျှော်လင့်မိပါတယ်။

အရင်ဆုံး သမီးလက်ထဲကို Notebook ရောက်ပြီ ဆိုရင် အရင်ဆုံး PC Decrapifier ကို စက်ထဲမှာ သွင်းစေချင်တယ်။ ဘာလို့လဲ ဆိုတော့ စက်တစ်လုံးကို ဝယ်လိုက်ပြီ ဆိုရင် အဲ့ဒီ့စက်ထဲမှာ များသောအားဖြင့် မလိုလားအပ်တဲ့ trial programs တွေ ပါလာလေ့ ရှိတတ်တယ် - အခု ဖေဖေ ညွှန်လိုက်တဲ့ PC Decrapifier ဆိုတာ အဲ့ဒီ့ ကွန်ပြူတာ တစ်လုံးကို စဝယ်လိုက်ကတည်းက စက်ထဲမှာ ထည့်သွင်းပါဝင်လာတတ်တဲ့ trial programs တွေကို စစ်ဆေးပြီး Remove လုပ်ပေးပါလိမ့်မယ်။ မလိုအပ်တဲ့ Software တွေကို Uninstall လုပ်ပြီးတဲ့ နောက်မှာ ဘယ် Applications တွေကို အဓိက install လုပ်ဆောင်ဖို့ လိုမယ် ဆိုတာလည်း သမီးလေး သိထားဖို့ လိုသေးတယ်။ အဲ့အတွက် သမီး 2010 2011 Ultimate Software Guide for Windows Users ဆိုတာကို ဖတ်ပြီး လိုအပ်မယ့် Applications တွေကို စက်နဲ့ မကွာ ဆောင်ထားဖို့ မှာချင်တယ်။ သမီးက Notebook လေးရရင် အင်တာနက် ကလည်း သုံးဦးမှာ ဆိုတော့ Browser ရှိဖို့လည်း လိုသေးတယ်။ ပုံမှန်အနေနဲ့ ကတော့ Windows တစ်ခု တင်လိုက်ရင် Internet Explorer ဆိုတဲ့ Browser က စက်ထဲမှာ နဂိုတည်းက ပါလာပြီးသားပါ - ဒါပေမယ့် သူက Websites တွေကို Browse လုပ်တဲ့နေရာမှာ တစ်ခြား Browser တွေနဲ့ ယှဉ်လိုက်ရင် မသိမသာလေး နှေးနေတတ်တယ်။ ဒါတင်မကဘူး တစ်ခြား Browser တွေမှာ Browser တွေနဲ့ အတူ ယှဉ်တွဲပြီး အသုံးချလို့ ရတဲ့ Add-ons ဆိုတာ မနည်းမနော ရှိပြီး IE မှာတော့ တော်တော်လေး နည်းနေသေးတယ် - လိုရင်းကို အတိုချုံးရရင် အဲတာတွေကြောင့်မို့ အင်တာနက် ထဲမှာ လှည့်ပတ်လေ့လာ ကြည့်ရှုနိုင်ဖို့ဆို သမီးစက်ထဲမှာ Mozilla Firefox သွင်းထားစေချင်တယ် – တစ်ခြား Browsers တွေ အင်တာနက်ထဲမှာ အများအပြား ရှိသေးပေမယ့် လတ်တလော အခြေအနေမှာ Firefox က မြန်မာ Font နဲ့ ပတ်သတ်ပြီးလည်း လျောလျောလျူလျူ အဆင်ပြေနေလို့ ဖေဖေက အဲတာကို ရွေးဖို့ပဲ အကြံပေးလိုက်တာပါ။ နောက်တစ်ချက်က Browser တစ်ခု သုံးပြီ ဆိုရင် Browser မှာပါတဲ့ Browser bookmarks ဆိုတာကို သုံးတာထက် ဖြစ်နိုင်မယ် ဆိုရင် Google bookmarks တို့ Delicious add-on တို့ကို သုံးပြီး ကိုယ်နှစ်သက်တဲ့ websites တွေရဲ့ addresses တွေကို သိမ်းစေချင်တယ်။ ဒီအကြောင်းနဲ့ ပတ်သတ်ပြီး ဖေဖေ အကောင်းဆုံး Bookmark Management Tools များ ဆိုပြီး သပ်သပ်ရေးထားဖူးတယ်။ သမီး အားတဲ့ တစ်နေ့ ဖတ်ကြည့်ပေါ့။ နောက်ပြီး Browser တစ်ခု ကို သုံးတော့မယ်ဆို Browser ရဲ့ Start page တွေက အရေးကြီးတယ်။ အဲ့အတွက်တော့ သမီး Browsers များနှင့် Start pages ဆိုတာကို ဖတ်ထားသင့်တယ်။ နောက်ပြီး Mozilla Firefox ကို သုံးတဲ့ သမီးရဲ့ Notebook မှာ Browsing area ကို ကျယ်ကျယ်လွင့်လွင့် မြင်နိုင်အောင် ဘယ်လိုဖန်တီးယူနိုင်မယ် ဆိုတာ Firefox 3^ + Stylish ဆိုပြီး ဖေဖေ ရေးထားပေးသေးတယ်။ သမီး Notebook သေးသေးလေးမှာ စာဖတ်ရတာ ကျဉ်းကျပ်သလို စိတ်ထဲ ခံစားလာရရင် သမီး ဒီအကြောင်းအရာကို ဖတ်ကြည့်ဖို့တော့ လိုလိမ့်မယ်။

နောက် တစ်ခုက Email accounts လုပ်တဲ့ အချိန်မှာ ဘယ်တော့မှ တစ်ခုတည်း မလုပ်စေချင်ဘူး - ကိုယ်ရေးကိုယ်တာ သုံးတဲ့ Email account နဲ့ သူငယ်ချင်း အပေါင်းအသင်း - Websites တွေမှာ သုံးဖို့ အတွက် ဆိုပြီး အနည်းဆုံး Emails နှစ်ခုတော့ Gmail.com မှာ လုပ်ထားစေချင်တယ်။ အရမ်းရင်းနှီးတဲ့ သူငယ်ချင်း - ကိုယ့်မိသားစု - ချစ်သူ အဲလို လူမျိုးတွေကို Primary Email Address မှာ Add ထားပေါ့ - Online က ရင်းနှီးတဲ့သူ နောက် မိတ်ဆွေ အပေါင်းအသင်း သိပ်မရင်းနှီးတဲ့ သူတွေကိုတော့ Secondary Email Address မှာ Add ထားပေါ့ - Mail ဆိုတာမျိုးက Gmail တစ်ခုတည်း Account လုပ်လို့ ရတာတော့ မဟုတ်ဘူးပေါ့လေ - တစ်ခြား Yahoo တို့ Hotmail တို့ AOL တို့ အများကြီး ရှိသေးတာပေါ့ - ဒါပေမယ့် Gmail ကတော့ ဖေဖေ သုံးဖူးသမျှထဲမှာ လတ်တလော အဆင်အပြေဆုံးလို့ ထင်မိတယ်။ လူတစ်ကိုယ် အကြိုက်တစ်မျိုးစီမို့လို့ - ဘယ်ဟာက အကောင်းဆုံးပါလို့တော့ မဆိုလိုချင်ပါဘူး - Google ကို ညွှန်းပြီ ဆိုမှတော့ ဖေဖေရေးထားတဲ့ Google ၏ ပြောင်းလဲမှုများ အကြောင်း ကိုလည်း သမီးသိထားသင့်သေးတယ်။ ဒါကို ဖတ်ထားမှ Google က အရင်တုန်းကနဲ့ ခုနဲ့ ဘာတွေ ကွာလာသလဲ - ဘာတွေ ပြောင်းလဲ ထူးခြားကောင်းမွန်လာသလဲ ဆိုတာ သမီးသိနိုင်လိမ့်မယ်။ နောက်တစ်ခုက တကယ်လို့ Websites တွေ အင်တာနက်ထဲမှာ လျှောက်ကြည့်ရင်း နဲ့ Site တစ်ခုခုကို သဘောကျသွားတဲ့ အခါ အဲ့ ဆိုဒ်မှာ ဖော်ပြထားတဲ့ စာအုပ် ဒါမှမဟုတ် Software - သီချင်း ဆိုတာမျိုးတွေ Download ချနိုင်ဖို့ သူတို့က သူတို့ Site မှာ Member ဖြစ်မှ Download ချခွင့်ပေးမယ် ဆိုတာမျိုးတွေလည်း သမီးလေး ကြုံလာရလိမ့်မယ်။ အဲလို အခြေအနေမှာ မဖြစ်မနေ သူ့ Site မှာ Account လုပ်ဖို့ လိုလာပါလေရော - အဲလို ကျဉ်းထဲ ကျပ်ထဲ ရောက်လာရင် တော်ယုံ Site ဆို ဘယ်တော့မှ ကိုယ် သုံးနေကျ ကိုယ့်အတွက် အရေးပါတဲ့ Primary Email Address ကို ပေးပြီး Account မလုပ်ပါနဲ့ - Secondary Email Address ကို ပေးချင်ပေး - အဲလိုမှ မဟုတ်ရင် အကောင်းဆုံး နည်းတစ်ခု အနေနဲ့ ၁၀ မိနစ်ခံ Mail တစ်ခုကို 10MinuteMail.com မှာ အလကား ယူပြီး ပေးလို့ ရပါတယ်။ တကယ်လို့ အဲ့ဆိုဒ်ကနေ Registration Confirmation ပို့လာရင်တောင် အဲလို မေးမျိုးက ၁၀ မိနစ်အတွင်း ကိုယ့် 10MinuteMail.com က Inbox ထဲကို ဝင်လာတတ်တာမို့လို့ အဲဒီ ၁၀ မိနစ်ခံ Mail ရဲ့ Inbox ထဲကနေ Confirm လုပ်လို့ ရပါတယ်။ ၁၀ မိနစ်ခံ Mail ဆိုတာ သမီး နားလည်လွယ်အောင် ပြောရရင် အဲလိုကပ်တီးကပ်ဖဲ့ နိုင်တဲ့ Sites တွေ - Email Account တစ်ခုပေးလိုက်ရင် Spam အများအပြား ပို့တတ်တဲ့ ဆိုဒ်တွေ - ကိုယ့် Email Account ကို ရောင်းစားတတ်တဲ့ ဆိုဒ်တွေရဲ့ ရန်က ကာကွယ်ပေးဖို့ ၁၀ မိနစ်ပဲ ခံတဲ့ Temporary Email Accounts တွေ ထုတ်ပေးတဲ့ နေရာပေါ့ - ၁၀ မိနစ်ပြည့်ပြီးတာနဲ့ အဲ့ဒီ့ Temporary Email Accounts တွေကလည်း အလိုလို ပျက်သွားတာမျိုးကို ခေါ်တယ် - သူ့ကို သုံးခြင်း အားဖြင့် ကိုယ့်ရဲ့ Primary Email Address ရော - Secondary Email Address ရော သူများလက်ထဲ မရောက်တဲ့ အပြင် ကိုယ့် Mail လိပ်စာကို ကာကွယ်ပြီးသားလည်း ဖြစ်သွားလိမ့်မယ် သမီး -

ချစ်သမီးသို့ ပေးစာ အမှတ် ( ၂ ) ဆက်ရန် -

KznT.

Google Translate's Conversation Mode

Google Translate အကြောင်းကိုတော့ အကျယ်ချဲ့ပြီး မိတ်ဆက်ပေးဖို့ လိုမယ် မထင်ပါဘူး - Google နဲ့ ရင်းနှီးသူတိုင်း အင်္ဂလိပ်စာ ဘာသာရပ်တစ်ခုတည်းသာမက တစ်ခြား နိုင်ငံခြား ဘာသာရပ် တစ်ခုနဲ့ ဆက်စပ်ပတ်သတ်ပြီး လုပ်ကိုင်လှုပ်ရှား နေရသူတိုင်း/သင်ကြားလေ့လာ နေရသူတိုင်း လူတိုင်းနီးပါး မဖြစ်မနေ အားကိုးကြရတာ ဒီ Google Translate ပါပဲ။ Google Translate ရဲ့ စွမ်းဆောင်ရည်ဟာ အပြည့်စုံကြီး ကောင်းမွန်လှပါတယ်လို့ မဆိုသာပေမယ့် သူ့ရဲ့ စွမ်းဆောင်ရည်ကိုတော့ ကျွန်တော်တို့ အသိမှတ်ပြုရပါလိမ့်မယ်။ ဆိုကြပါစို့ ကျွန်တော်တို့ အင်္ဂလိပ်ဘာသာနဲ့ မဟုတ်ပဲ တစ်ခြား ဘာသာရပ် တစ်မျိုးနဲ့ ရေးသားထားတဲ့ Webpages တွေကို ကိုယ်ကျွမ်းကျင်တဲ့ အင်္ဂလိပ်ဘာသာစကားနဲ့ လေ့လာလိုတဲ့ အခါမှာ ( ကိုယ်ကျွမ်းကျင်တဲ့ အင်္ဂလိပ်ဘာသာစကား လို့ ဘာကြောင့်သုံးရသလဲဆို Google Translate က မြန်မာလို မရလို့ပါ ) စာကြောင်းတစ်ကြောင်းချင်း - ဒါမှမဟုတ် - စာပိုဒ်တစ်ပိုဒ်ချင်းကို ဘာသာပြန်လို့ ရသလို - Webpages တစ်ခုလုံးကိုလည်း URL ရိုက်ထည့်ပြီး မြန်မာစာ ပြီးတဲ့နောက်မှာ ကျွန်တော်တို့ အကျွမ်းကျင်ဆုံး ဘာသာစကားဖြစ်တဲ့ အင်္ဂလိပ်ဘာသာစကားဆီ ပြောင်းလဲယူလို့ ရပါတယ်။ ကျွန်တော်ခုပြောချင်တာ Google Translate ရဲ့ ကောင်းကွက်တွေကို အမွှန်းတင်ချင်တာ မဟုတ်ပါဘူး - Google Translate ရဲ့ ပြောင်းလဲမှု တစ်ချို့ကို မိတ်ဆက်ပေးချင်လို့ Google Translate ကို ကနဦး မိတ်ဆက်ပေးနေရခြင်း ဖြစ်ပါတယ်။

Google Translate ဟာ အပေါ်မှာ ဖော်ပြထားခဲ့ပြီးသလို စာကြောင်းတစ်ကြောင်းချင်း - စာပိုဒ်တစ်ပိုဒ်ချင်းကစလို့ - Webpages တစ်ခုလုံးကိုလည်း URL ရိုက်ထည့်ပြီး ဘာသာပြန်လို့ ရတယ် ဆိုတာတွေကြောင့် အရမ်း အသုံးတည့်ပါတယ်လို့ ဘယ်လောက် ပဲဆိုဆို တကယ်တမ်း လူတစ်ယောက်နဲ့ တစ်ယောက်ကြား Conversation လုပ်ပြီ ဆိုရင်တော့ ဘယ်လိုမှ အဆင်မပြေ နိုင်တော့ပါဘူး - ဆိုလိုတာ ဘာသာစကား တစ်မျိုးစီပြောကြတဲ့ လူနှစ်ယောက် တွေ့ကြတယ်။ တစ်ယောက်က အင်္ဂလိပ်လို မေးတယ် - တစ်ယောက်က ဂျာမန်လို ပြောတယ်။ ဂျာမန်လူက အင်္ဂလိပ်လို မတတ်ဘူး - အင်္ဂလိပ်လူက ဂျာမန်လို နားမလည်ဘူး - ဒီလိုဆို ဘယ့်နှယ် လုပ်ကြမလဲ - Google Translate ကလည်း ဒီနေရာမှာ ဝင်ပြီး ကြားခံ ဘာသာပြန်တစ်ယောက် အနေနဲ့ စကားပြော မပေးနိုင်ဘူး - စတဲ့ နိုင်ငံတကာ ဆက်ဆံရေး နယ်ပယ်မှာ ကျွန်တော်တို့ ကြုံတွေ့နေရတဲ့ အခက်အခဲ ကို ပြေလည်စေဖို့ Google Translate က ခုကြိုးစားနေပါပြီ။ အရင်က သူ မဖန်တီးပေးနိုင်ခဲ့တဲ့ ဘာသာစကား မတူညီသူ နှစ်ဦး ကြားက စကားပြန်တာဝန်ကို မကြာမှီမှာ သူ ယူပါတော့မယ်။ ဆိုလိုတာ သူ စကားပြန် လုပ်ပေးပါတော့မယ်။ သူ့ရဲ့ လုပ်ငန်းတာဝန်က တစ်ဖက်ကလူက ဘာသာစကား တစ်မျိုးနဲ့ ပြောလိုက်တာကို တစ်ခြားတစ်ဖက်က နားထောင်သူဆီ ကြားနာသူ နားလည်စေမယ့် ဘာသာစကားကို ပြန်ပြောင်း ပြောဆိုပေးတဲ့ လုပ်ငန်းတာဝန်ကို ထမ်းဆောင်တာပါ။ ဒါကို သူတို့က Google Translate ရဲ့ Conversation Mode လို့ ခေါ်ကြပါတယ်။

Google Translate Application ရဲ့ စွမ်းဆောင်ချက်ဟာ ဘာသာစကားတစ်မျိုးကို စာရိုက်ပြီးပဲ ဖြစ်ဖြစ် - ပါးစပ်ကနေ ပြောပြီး ဖြစ်ဖြစ် - ဘာသာစကားတစ်မျိုးတည်းကနေ အခြားဘာသာ စကား အမျိုးပေါင်း ၅၀ ထဲက ကြိုက်ရာတစ်မျိုးဆီ ပြောင်းလဲ ပြန်ဆိုလို့ ရပါသတဲ့ - မယုံနိုင်စရာပါပဲ - ဒါပေမယ့် ဒါကိုပဲ Google Translate က လက်တွေ့ သက်သေ ပြခဲ့ပါတယ်။ လက်တွေ့ သက်သေပြ တင်ဆက်ခဲ့သူ နှစ်ယောက်ကတော့ Google ရဲ့ Product Management Director - Hugo Barra နဲ့ - Kyle ပါ။ အဲ့ထဲမှာ Hugo Barra က Berlin မြို့ကို ရောက်လာတဲ့ Tourist တစ်ယောက်အဖြစ် သရုပ်ဆောင်ထားပြီး Kyle ကတော့ Berlin မြို့မှာ ရှိနေတဲ့ ဖိနပ်ရောင်းဆိုင် တစ်ဆိုင်က အရောင်းတာဝန်ခံ တစ်ယောက် အဖြစ် သရုပ်ဆောင်ထားပါတယ်။ သူတို့ နှစ်ယောက်မှာ Hugo Barra က အင်္ဂလိပ်လို ပြောတတ်တယ် - ဂျာမန်လို မသိဘူး - Kyle က ဂျာမန်လိုပဲသိတယ် - အင်္ဂလိပ်စကား နားမလည်ဘူး - ဒီလူနှစ်ယောက်ကို Google Translate ရဲ့ Conversation Mode ကနေ ဘယ်လို အကူအညီပေးခဲ့သလဲ - ဒါလေးကို အောက်ဖော်ပြပါ ဗွီဒီယိုထဲမှာ ကြည့်ရှု ခံစားကြရမှာ ဖြစ်ပါတယ်။  ဒီ Video လေးဟာ Google Translate ရဲ့ ပြောင်းလဲမှုအကြောင်း တစ်ခုတည်းကို အဓိကထား တင်ဆက်သွားကြတာ မဟုတ်ပါဘူး - သူ့လိုမျိုးပဲ နောက်ထပ် နောက်ထပ် စိတ်ဝင်စားဖို့ ကောင်းတဲ့ Cloud Computing Innovation - နောက် Product Marketing Manager - Brittany Bohnet ရဲ့ TV မှာမှ Internet Browser ပါဝင်လာပြီး သာမန် ကျွန်တော်တို့ ကြည့်နေကျ TV တွေထက် ပိုမိုအသုံးဝင် ထူးခြားလာတဲ့ Google TV အကြောင်း ဆိုတာတွေပါ တစ်ဆက်တစ်စပ်တည်း လေ့လာကြရမှာ ဖြစ်ပါတယ်။

Google Translate ရဲ့ Conversation Mode ဟာ မကြာခင်လပိုင်း အတွင်းမှာ အတည်ပြု ထွက်ရှိလာတော့မှာ ဖြစ်ပြီး တစ်ခြား Languages တွေကိုလည်း အနှေးနဲ့ အမြန် Support လုပ်ပေးနိုင်ဖို့ ကြိုးစားသွားမယ်လို့ တင်ပြသွားပါတယ်။ လွန်ခဲ့တဲ့ နှစ်ပေါင်း များစွာတည်းက ကျွန်တော်တို့ မျှော်လင့်ခဲ့ကြတဲ့ ဒီလို Conversation နည်းပညာဟာ ခုချိန်မှာ တကယ်ကို ကျွန်တော်တို့ ရှေ့မှောက်ဆီ ရောက်ရှိလို့လာခဲ့ပါပြီ။ အစပျိုး ကနဦးကာလမှာ ချွင်းချက် - အားနည်းချက်တွေ ရှိနေနိုင်မှာ သေချာပေမယ့် ကနဦး ခြေလှမ်းအစပျိုးမှုကနေ နောင်တစ်ချိန်မှာ ဒီ့ထက်ပိုမိုတိုးတက် မြင့်မားတဲ့နည်းပညာလမ်းကြောင်းဆီ ချဉ်းကပ်သွားနိုင်လိမ့် မယ် ဆိုတာလည်း မြေကြီးလက်ခပ်မလွဲပါဘူး -

ဟုတ်ပါပြီ - Google Translate ရဲ့ Conversation Mode ဒီ့ထက်ဒီ့ထက် အဆင့်မြှင့်တင် ကောင်းမွန်လာနိုင်မယ့် တစ်နေ့ ကျွန်တော်တို့ မိသားစုတွေ Android phone တစ်လုံးကိုင်လို့ ကမ္ဘာအနှံ့ ခရီးတစ်ပတ်လောက် တူတူ ခရီးတူတူ ထွက်လိုက်ကြပါစို့ - :)

KznT.

How to Maintain Your Hard Disk Drive

ကွန်ပြူတာ တစ်လုံးမှာ ကျွန်တော် စိတ်အဝင်စားမိဆုံး အစိတ်အပိုင်း တစ်ခုကို ပြပါဆိုရင် Hard Disk လို့ ခေါ်တဲ့ နေ့စဉ် သုံးစွဲနေကျ ကျွန်တော်တို့ရဲ့ Data တွေ သိမ်းဆည်းပေးထားတဲ့ နေရာတစ်ခုကို ညွှန်ပြချင်ပါတယ်။ ကွန်ပြူတာကို စသုံးခဲ့စဉ် တည်းက ဒီ Hard Disk အကြောင်းကို လက်လှမ်းမှီသမျှ ဖတ်ခဲ့လေ့လာခဲ့တာ ခုထိလည်း လေ့လာလို့ မကုန်နိုင်သေးဘူး - ဖတ်လို့လည်း မဆုံးနိုင်သေးဘူး - Hard Disk အကြောင်းလို့ ဆိုလိုက်တော့ ခေါင်းစဉ်က အရမ်းကို ကျယ်ပြန့်သွားပါတယ် - တကယ်တော့ ကျွန်တော် အဲလောက်ကြီးထိလည်း ကျယ်ကျယ်ပြန့်ပြန့် မလေ့လာနိုင်ပါဘူး - Hard Disk အကြောင်းဆိုတဲ့ ခေါင်းစဉ်အောက်ကမှ ကျွန်တော် စိတ်ဝင်စားတာ Hard Disk Failure လို့ ခေါ်တဲ့ Hard Disk တစ်ခု ပျက်စီးရခြင်း Data ဆုံးရံှုးရခြင်းရဲ့ အဓိက ဇစ်မြစ် အခြေခံ အကြောင်းတရား တွေကိုပါ။

ဘာကြောင့် ဒီအကြောင်းတရားကို ပိုစိတ်ဝင်စားပြီး လေ့လာဖြစ်ခဲ့သလဲဆိုရင် ကျွန်တော် ကွန်ပြူတာနဲ့ အတူ နှစ်အတော် များများ ဖြတ်သန်း ခဲ့ပြီးတဲ့ နောက်မှာ ကျွန်တော် အပါအဝင် ကျွန်တော့် အသိမိတ်ဆွေ - အပေါင်းအသင်း သူငယ်ချင်း - မိသားစု စသဖြင့် ကွန်ပြူတာနဲ့ လည်ပတ်လှုပ်ရှားနေကြတဲ့ သူတိုင်းနီးပါး အမြဲလိုလို ရင်ဆိုင်ကြရတာ Hard Disk Failure လို့ ခေါ်တဲ့ Hard Disk တစ်ခု ပျက်စီးရခြင်း Data ဆုံးရံှုးရခြင်း ဆိုတဲ့ အကြောင်းတရားကြောင့်ပါပဲ။ အဲလို Hard Disk Failure ဆိုတာ ဖြစ်ရင် ကျွန်တော်တို့အားလုံး စိတ်ဆင်းရဲ ကိုယ်ဆင်းရဲ ဖြစ်ကြရတယ်။ တစ်ချို့က Hard Disk ထဲမှာ စီးပွားရေးလုပ်ငန်း ဆိုင်ရာ ပျောက်ဆုံးပျက်စီးလို့ မရတဲ့ Data တွေ သိမ်းဆည်းကြတယ် - တစ်ချို့ကျတော့ လူအများနဲ့ တွဲဖက် လုပ်ကိုင်နေရတဲ့ သတင်းအချက်အလက် မှတ်တမ်းတွေ - နောက်ဆုံး ကွန်ပြူတာကို ဖျော်ဖြေရေးလောက် သုံးတဲ့ သူဆိုရင်တောင် အထဲမှာ စိတ်ကြိုက် ရွေးချယ် စုဆောင်းထားတဲ့ သီချင်းလေးတွေ - VCD လေးတွေ ဆိုတာ ရှိကြမှာပဲ - ဘယ်လိုရည်ရွယ်ချက်နဲ့ပဲ ကွန်ပြူတာ သုံးသုံး Hard Disk Failure ဖြစ်ပြီ ဆိုရင် အားလုံး ဆုံးရံှုးကြရတာပါပဲ - Hard Disk Failure ဖြစ်ရင် Recovery ပြန်လုပ်လို့ ရတယ် - ပြန်လုပ်ပေးတဲ့ Services တွေ ရှိတယ် ဆိုပေမယ့် ကိုယ်လိုချင်တဲ့ Data တွေ အားလုံး ပြန်ရနိုင်မယ် မရနိုင်ဘူးဆိုတာကတော့ ကိုယ့် Hard Disk က ဘယ်လောက်ကြီးထိ ထိခိုက်ပျက်စီး သွားလဲ ဆိုတာပေါ် မူတည်ပြီး မသေချာနိုင်ပါဘူး - ဒါ့ကြောင့် ကာကွယ်ခြင်းက ကုသခြင်းထက် ပိုပြီး ထိရောက်တယ် ဆိုတဲ့ စကားအတိုင်း - Hard Disk ပျက်ရင် ဘာလုပ်မလဲ ဆိုတာထက် Hard Disk မပျက်ခင် ကတည်းက ကိုယ့် Data တွေ မဆုံးရံှုးရအောင် ဘယ်လို ကာကွယ်မှု လုပ်မလဲ - ဘယ်လို ပြင်ဆင်မှုတွေ ထားမလဲ ဒါကို ကျွန်တော် သိသလောက်လေး နည်းနည်း လက်ဆင့်ကမ်းချင်မိပါတယ်။

မိမိ Hard Drive ရှိ ပြဿနာများအား ခန့်မှန်းစစ်ဆေးခြင်း

ကာကွယ်ရေးနဲ့ ကုသရေး မလုပ်ဆောင်ခင်မှာ ကျွန်တော်တို့ လက်ရှိသုံးနေတဲ့ Hard Drive က လက်တလော အခြေအနေမှာ ဘယ်လို အနေအထားမျိုး ရှိနေသလဲ - ဆိုလိုတာ Normal ပဲလား - ထူးထူးခြားခြား လက္ခဏာ ရပ်တွေ ပြနေလား - ဒါတွေကို ကျွန်တော်တို့ အရင်ဆုံး လေ့လာထားဖို့ ပိုအရေးကြီးပါတယ်။ ဒီလို သိထားမှ အခြေအနေ တော်တော်ဆိုးနေပြီလား - ပြင်ဆင်လို့ ရနိုင်သေးလား - အစားထိုးသင့်ပြီလားဆိုတာ ကို ကျွန်တော်တို့ ဆုံးဖြတ်နိုင်ဖို့ အထောက်အကူ ရမှာပါ။

အဆင့် ( ၁ ) - Hard Disk Errors များအား စစ်ဆေးခြင်း

အခုနောက်ပိုင်း လူတော်တော်များများလည်း အတည်ပြု အသုံးပြုနေကြပြီ ဖြစ်တဲ့ Windows တော်တော်များများမှာ Chkdsk.exe လို့ခေါ်တဲ့ Utility တစ်ခု ပါဝင်ပါတယ်။ သူက ဘာကောင်းလဲ ဆိုရင် ကိုယ့် Hard Disk ပေါ်မှာ ရှိနေတဲ့ Bad Sectors တွေကို စစ်ဆေးပေးတာပါ။ Bad Sectors လို့ ကျွန်တော်သုံးလိုက်တော့ စပြီးလေ့လာသူ တစ်ယောက်အတွက် နားလည်ရ နဲနဲ ခက်ခဲသွားနိုင်ပါတယ်။ Bad Sectors အကြောင်းရေးချင်တာ မဟုတ်လို့ ဒီနေရာမှာ အကုန်လုံး အသေးစိတ် မဖော်ပြနိုင်ပေမယ့် နားလည်လွယ်အောင် ပြောရရင် Bad Sectors ဆိုတာ Hard Disk မျက်နှာပြင်ပေါ်က OS ကနေပြီး Access လုပ်လို့ မရတော့တဲ့ Sector ( အစိတ်အပိုင်း ဧရိယာ ) တွေကို ဆိုလိုပါတယ်။ 

Hard Drive ပေါ်မှာ Bad Sectors တွေတည်ရှိလာရင် ဖြစ်ပေါ်လာတတ်တဲ့ လက္ခဏာရပ်တွေကတော့ - ကိုယ့် Hard Disk က အလုပ်လုပ်တာ နှေးလာမယ် - ဆိုလိုတာ Windows အတက်မှာ ဖြစ်ဖြစ် - Applications တစ်ခုခု ခေါ်သုံးရာမှာ ဖြစ်ဖြစ် စက်မှာ ဆင်ထားတဲ့ Hardware Performance နဲ့ မညီလောက်အောင်ကို နှေးကွေး လေးလံလာမယ် - အဲတာကို ကိုယ်က မသိပဲ ပေသုံးရင် နောက်ဆို Shortcut တစ်ခုခု ခေါ်သုံးလိုက်တာနဲ့ စက်ကြီးက Hang သွားပြီး Restart တွေ ဘာတွေ ကျသွားမယ် - Restart ကျပြီး ပြန်တက်ချိန်မှာ စက်က တော်ယုံနဲ့ Windows တက်မလာတော့ဘူး - Boot Screen မှာပဲ ကလည်ကလည်နဲ့ လည်လိုက် Restart ပြန်ကျလိုက် - ဒါမှမဟုတ် Boot Screen မှာပဲ လည်ပြီး အထဲကို မဝင်တော့ဘူး - ကံကောင်းပြီး အထဲ ရောက်သွားပြန်ရင်လည်း စက်က Hang နေပြီး ဘာမှချက်ချင်း အလုပ်မလုပ်နိုင်ပဲ တော်တော်ကြာကြာ စောင့်နေရတာမျိုးတွေ ဖြစ်လာမယ်။ ဒါမှမဟုတ် အဲ့ထက် ဆိုးသွားရင် Hard Disk ကိုလုံးဝ Detect မလုပ်တော့တာမျိုးတွေ ဖြစ်လာမယ်။ Boot ထဲကို ဝင်ကြည့်ရင် ကိုယ့် HD ကိုလည်း မတွေ့ရတော့ဘူး - ဒါတွေက Bad Sectors တွေ ကိုယ့် Hard Drive ပေါ်မှာ တည်ရှိတာ များလာရင် ဖြစ်ပေါ်လေ့ ရှိတဲ့ ပြဿနာ ရပ်တွေပါ - ဒီလိုဖြစ်ရင် HD မကောင်းတာပါလို့ ကျိန်းသေပေါက်ပြောလို့ ရတာမျိုး မဟုတ်ပေမယ့် ခု ဖော်ပြခဲ့တာတွေက Bad Sectors တွေတည်ရှိလာရင် ဖြစ်ပေါ်လာတတ်တဲ့ လက္ခဏာရပ်တွေထဲက တစ်ချို့ တစ်ဝက်ပါပဲ။

အခု ကိုယ့်ကွန်ပြူတာ အခြေအနေကို ကိုယ်ပြန်သုံးသပ်ကြည့်ပါ - ကျွန်တော် ဖော်ပြခဲ့တဲ့ အခြေအနေတွေထဲက တစ်ခုမဟုတ် တစ်ခုနဲ့ ညိှကောင်းလည်း ညိှနေနိုင်မယ် - မညှိသေးတဲ့ သူတွေလည်း ရှိကောင်းရှိမယ် - ဒါပေမယ့် ညှိသည်ဖြစ်စေ  - မညှိသည် ဖြစ်စေ ကာကွယ်ခြင်းက ကုသခြင်းထက် ပိုပြီး ထိရောက် တာမို့လို့ Chkdsk ကို လုပ်ဆောင်ထားသင့်ပါပြီ။  Chkdsk  ကို Command Line ကနေ ဘယ်လို လုပ်ဆောင်နိုင်မယ်ဆိုတာ ဒီနေရာမှာ အသေးစိတ် လေ့လာကြည့်နိုင်ပြီး အဲ့ထက် လွယ်ကူရိုးရှင်းတဲ့ နည်းလမ်းတစ်ခုကတော့ Windows Explorer ကိုဖွင့် Windows Partitions အပါအဝင် ကိုယ်အများဆုံး Data အထုတ်အသွင်း လုပ်လေ့ရှိတဲ့ Hard Disk Partition တစ်ခုခုကို Right click ထောက် - အဲနောက်မှာမှ Properties ကိုသွား -  အောက်ဖော်ပြပါအတိုင်း ပေါ်လာရင် Tools tab ကိုဝင် Error checking အောက်က “Check Now” button ကိုနှိပ် -

ဒီလိုဆို အောက်ဖော်ပြပါအတိုင်း နောက် Box တစ်ခု ပေါ်လာပါလိမ့်မယ်။ အဲ့မှာ “Scan for and attempt recovery of bad sectors” ကို ရွေးပေးပြီး Start ကို နှိပ်လိုက်ပါ။ ဒီလိုဆို ကျွန်တော်တို့ Check Disk လုပ်ငန်းစဉ်ကို လုပ်ဆောင်သွားပါလိမ့်မယ်။

တစ်ခု သိထားရမှာက Windows Partitions ကို Check Disk လုပ်ဆောင်တဲ့ အချိန်မှာ Windows ထဲမှာ လုပ်ဆောင်လို့ ရမှာ မဟုတ်ပဲ နောက်တစ်ကြိမ် ကိုယ့်စက်ကို Restart ပေးတဲ့ အချိန်ကျမှ Check Disk လုပ်ငန်းစဉ်ကို Windows ကနေ လုပ်ဆောင်သွား မှာ ဖြစ်ပါတယ်။ အဲ့လို လုပ်ဆောင်သွားမယ် ဆိုတာကို သူက အောက်ဖော်ပြပါအတိုင်း အသိပေးပါလိမ့်မယ်။

အဆင့် ( ၂ ) - မိမိ Hard Disk ၏ သံစဉ်များအား လေ့လာခြင်း

ဒီအကြောင်းအရာနဲ့ ပတ်သတ်ပြီး ကျွန်တော် ဖိုရမ်မှာ ကို LaMike အကူအညီတောင်းခဲ့ဖူးလို့ ဒီနေရာမှာ တစ်ခါဝင်ရောက် အကြံပြုခဲ့ဖူးပါတယ်။ ခု ဒီနေရာမှာလည်း အဲ့မှာ ဖော်ပြခဲ့ဖူးတဲ့ အကြောင်းအရာ တစ်ချို့ကို  ပြန်လည်ပေါင်းစည်း တင်ပြသွားမှာ ဖြစ်ပါတယ်။ ဒီပြဿနာက ဘယ်လိုမျိုးလဲ ဆိုရင် တစ်ခါတစ်လေမှာ ကွန်ပြူတာ သုံးနေရင်းနဲ့ CPU ပုံးထဲကနေ ထူးထူးဆန်းဆန်း အသံတွေ ကြားခဲ့ရဖူးပါလား - ဘယ်လိုထူးဆန်းတဲ့ အသံတွေလဲ ဆိုတာ ဒီနေရာကနေ download ချပြီး နားထောင်ကြည့် နိုင်ပါတယ်။ တကယ်လို့ Download ချပြီး နားမထောင်ချင်ဘူး ဆိုရင်လည်း ဒီနေရာမှာ Hard Drive ကနေ ထွက်လာတတ်တဲ့ အသံပုံစံတူတွေကို နားထောင်နိုင်ပြီး အဲ့ထဲက ဘယ်အသံက ဘာဖြစ်နေတယ်ဆိုတာ ယေဘုယျ အားဖြင့် သုံးသပ်ပေးတဲ့ Site တစ်ခု ရှိပါသေးတယ်။ လုပ်ဆောင်နည်းကတော့ သူပြထားတဲ့ Buttons လေးတွေကို Mouse နဲ့ အောက်ဖော်ပြပါအတိုင်း ပွတ်ရွှေ့လိုက်ယုံပါပဲ -

အဲလို လုပ်လိုက်ရင် buttons တစ်ခုချင်းဆီရဲ့ သက်ဆိုင်ရာ အသံတွေကို သူထုတ်ပြပြီး ဘာ့ကြောင့် ဖြစ်နိုင်ချေရှိတယ်ဆိုတာကိုပါ သူက ဖော်ပြပါလိမ့်မယ်။ နောက်ထပ် Hard Drive က ထူးထူးဆန်းဆန်း အသံတွေနဲ့ ပြစ်ချက်တွေကို လေ့လာဖို့ ကောင်းတဲ့ နေရာတစ်ခုက Data Cent ပါ။ အဲ့ဒီမှာ Hard Drive Manufactures အသီးသီးက ( Western Digital - Seagate - Maxtor - Samsung - Hitachi/IBM - Toshiba - Fujitsu - Quantum ) ထုတ်လုပ်လိုက်တဲ့ Hard Drive အမျိုးမျိုးမှာ ဖြစ်ပေါ်လေ့ရှိတဲ့ ဆူညံသံတွေနဲ့ ပတ်သတ်ပြီး Data Recovery လုပ်နိုင်ဖို့ ဘာသံက ဘာဖြစ်တယ်ဆိုတာ ပြည့်ပြည့်စုံစုံ ဖော်ပြပေးထားတဲ့ အချက်အလက်တွေ ရှိပါတယ်။ ခုလိုမျိုး Hard Drive က ထူးထူးဆန်းဆန်း အသံတွေ ကြားနေရပြီ ဆိုရင် ဒါဟာ ကောင်းမွန်တဲ့ လက္ခဏာရပ်တော့ မဟုတ်ပါဘူး - ဖြစ်နိုင်ချေ ရှိတာ အနှေးနဲ့ အမြန် Hard Drive Fail ဖြစ်တော့မယ်ဆိုတာ ကျွန်တော်တို့ကို တစ်ဖက်လှည့်နဲ့ အသိပေးနေတာ ဖြစ်ပါတယ်။ ဒါပေမယ့် ဒါဟာ ကံသေကံမ ဖြစ်ကို ဖြစ်လိမ့်မယ်လို့ ဆိုလိုတာ မဟုတ်ပါဘူး - ကျွန်တော်ကြုံခဲ့ဖူးသလောက် အဲလို အသံ ကြားနေရပေမယ့် လနဲ့ ချီပြီး အသုံးခံနေသေးတဲ့ Hard Drive တွေလည်း တွေ့ခဲ့ဖူးပါတယ်။ ဒါပေမယ့် ဘယ်နေ့ ဘယ်အချိန် ဘာဖြစ်မယ်ဆိုတာ ကျိန်းသေ တွက်ချက်ထားနိုင်တာမျိုး မဟုတ်လို့ ကျွန်တော့် အနေနဲ့ အကောင်းဆုံး အကြံပေးချင်တာက Data Backup လုပ်ထားဖို့ပါ။ Backup လုပ်ငန်းစဉ်နဲ့သိပ် မရင်းနှီးဘူး ဆိုရင် External Hard Drive တစ်ခုခုကို ဝယ်ယူ/ဌားပြီး ကိုယ့်အတွက် မဖြစ်မနေ အရေးကြီးတဲ့ Data တွေကို ပြောင်းပြီး သိမ်းထားလိုက်ပါ။ အကောင်းဆုံးကတော့ Hard Drive အသစ်တစ်ခု လဲလှယ် အသုံးပြုနိုင်ရင် အကောင်းဆုံးပါပဲ။ အရေးကြီးတဲ့ Data တွေကို Backup လုပ်ဖို့ နဲ့ ပတ်သတ်ပြီး သူများဆီက Hard Drive ဌားမှပဲ အဆင်ပြေတော့မှာလားလို့ မေးစရာ ရှိပါတယ်။ အဲလိုလည်း မဟုတ်ပါဘူး - အရေးကြီးတဲ့ Data တွေကို ကြိုတင် Backup လုပ်ဆောင်ထားနိုင်ဖို့ လုပ်ဆောင်နိုင်တဲ့ နည်းလမ်းတွေ အမြောက်အများရှိပါတယ်။ ကျွန်တော် ဖော်ပြခဲ့ပြီးတဲ့ အင်တာနက်အား အကျိုးရှိစွာ အသုံးချခြင်း ဆိုတဲ့ ခေါင်းစဉ် - လွယ်ကူလေ့လာ Backup နည်းပညာ နဲ့ Windows 7 တွင် Step by Step Backup ပြုလုပ်ခြင်း ဆိုတဲ့ ခေါင်းစဉ်လေးတွေကို လေ့လာကြည့်ရင် ကွဲပြားသွားတဲ့ Backup လုပ်ငန်းစဉ်တွေ အကြောင်းနဲ့ ဘယ်လို Backup Plan ထားရမလဲဆိုတာ ဆုံးဖြတ်နိုင်ဖို့ အကူအညီပေးနိုင်ပါလိမ့်မယ်။

အဆင့် ( ၃ ) - ထိန်းသိမ်းမှု မလွန်ကဲပါစေနှင့်

Hard Disk ကို ဂရုစိုက်ရမယ် ဆိုတာ သိပြီ - အခု ဒီစာကို မဖတ်ဖူးခင်တည်းကလည်း Hard Disk ဆိုတာ ဂရုတစိုက် အသုံးပြုရမှန်းကောင်းမှန်း တော်တော်များများ သိနားလည်ကြပါတယ်။ ဒါပေမယ့် တစ်ချို့တစ်ချို့ သူတွေက  လိုအပ်တာထက် ပိုလွန်တဲ့ ဂရုစိုက်မှုမျိုးကို ပြုမူတတ်ကြပါတယ်။ ဒါကလည်း မကောင်းပါဘူး - တန်ဆေး လွန်ဘေး ဆိုသလို Hard Disk တစ်ခုမှာ ဖြစ်ပေါ်လေ့ ရှိတဲ့ Errors တွေနဲ့ ပတ်သတ်ပြီး သိနားလည်ထားပြီးလို့/တစ်ချို့လည်း အတွေ့အကြုံရှိလို့ စိုးရိမ်စိတ်နဲ့ ဂရုစိုက်ကြတဲ့ နေရာမှာ လိုအပ်တာထပ် ပိုမိုတဲ့ ဂရုစိုက်မှုမျိုးက Hard Disk တစ်ခုကို ဂရုတစိုက် အသုံးပြုပါတယ်လို့ သတ်မှတ်လို့ မရသလို နောက်ဆက်တွဲဆိုးကျိုး အနေနဲ့ Hard Drive တစ်ခုရဲ့ Performance ကိုပါ ကျဆင်းစေပါတယ်။ ဆိုလိုချင်တာ Hard Drive တစ်ခုကို ဂရုတစိုက် အသုံးပြုတယ် အမည်ခံပြီး Utility ပေါင်း မြောက်များစွာနဲ့ ခဏခဏ တစ်မျိုးပြီး တစ်မျိုးပြောင်းပြီး သန့်ရှင်းရေး လုပ်တာမျိုး မလုပ်ပါနဲ့ - လူကြိုက်များ/ဈေးကြီး ပေးရတိုင်း ကိုယ့်စက်နဲ့ သင့်တော်တဲ့ Software ကောင်း မဟုတ်ဘူး ဆိုတာကိုလည်း စိတ်ထဲမှာ စွဲစွဲမြဲမြဲ မှတ်ထားဖို့ လိုပါတယ်။ ပုံမှန် အသုံးပြုသင့်တာ Free လည်းရပြီး စွမ်းဆောင်ရည်လည်း ပြည့်ဝတဲ့ CCleaner တို့ Defraggler တို့ ဆိုတာလည်း ရှိပါတယ်။ သူတို့တွေက ပေါ့လည်း ပေါ့ပါးသလို အမှန်တကယ်လည်း လုံလောက်တဲ့ စွမ်းဆောင်ရည်ရှိပါတယ်။ နောက်တစ်ခုက Free Hard Disk Monitoring Utility တစ်ခုဖြစ်တဲ့  Disk Checkup ပါ။ သူကလည်း Hard Disk မှာ ဖြစ်ပေါ်နေတဲ့ ပြဿနာရပ်တွေကို ဖော်ပြနိုင်ပါတယ်။ သူက ဘာတွေကို စစ်ဆေးပေးလဲ ဆိုရင် ကိုယ့် Hard Disk ရဲ့ Temperature - နောက် read နဲ့ write error rate စတာတွေကို စစ်ဆေးပေးပါတယ်။ အဲ့လို စစ်ဆေးပြီးတဲ့နောက်မှာ သူစံသတ်မှတ် တိုင်းတာထားတဲ့ တန်ဖိုးတွေက အန္တရာယ်ရှိတဲ့ အနေအထား/ အခြေအနေ တစ်ခုကို ပြောင်းလဲလာပြီ ဆိုတာနဲ့ ကျွန်တော်တို့ကို သတိပေးပါလိမ့်မယ်။ အဲလို အသိပေးခြင်း အားဖြင့် ဖြစ်လာနိုင်တဲ့/ကျရောက်လာနိုင်တဲ့ Hisk Failure ဆိုတဲ့ အန္တရာယ်ကို ကျွန်တော်တို့ အထိုက်လျောက် ထိန်းသိမ်းနိုင်ပါလိမ့်မယ်။ Disk Checkup ဟာ Personal Use အတွက် Free ပေးထားပြီး Company license ကတော့ US$15.00 per license ဖြစ်ပါတယ်။

အဆင့် ( ၄ ) - မှတ်သားထားသင့်သော အကြောင်းအရာများ

Hard Drive ကာကွယ်ရေးနဲ့ ပတ်သတ်ပြီး ဒီလောက်နဲ့ ပြည့်စုံပြီလား ဆိုရင်တော့ ဒီလောက်လေးနဲ့ ဘယ်လိုမှ မပြည့်စုံသေးတာ သေချာပါတယ်။ ဖြစ်နိုင်ရင်တော့ ကျမ်းတစ်စောင်လိုကို ရေးချင်ပါသေးတယ် - ဒါပေမယ့် အဲ့လောက်ကြီးထိလည်း ကျွန်တော် မစွမ်းနိုင်သေးပါဘူး - ဒါကြောင့် မှတ်သားထားသင့်သော အကြောင်းအရာများကို ထပ်ဖြည့်ပြီး ဒီအကြောင်းအရာကို အဆုံးသတ်ဖို့ ဆုံးဖြတ်လိုက်ပါတယ်။ အဲ့ အကြောင်းကတော့ SeaTools ဆိုတဲ့  Hard Drive စစ်ဆေးရေး Free diagnostic tool တစ်ခု နဲ့ တစ်ခြား အကြောင်းအရာ တစ်ချို့ပါ။ ဒီ Tool လေးတွေဟာ Seagate ကနေ ထုတ်ထားတာ ဖြစ်ပြီး Seagate မဟုတ်တဲ့ တစ်ခြား Disk Drives တွေအတွက်လည်း အသုံးပြုလို့ ရပါတယ်။ အသုံးပြုဖို့ အတွက်ကတော့ ကျွန်တော် ဖော်ပြပေးထားတဲ့ Link ကနေ သွားရောက်ပြီး Bootable CD ပြုလုပ်နိုင်ဖို့ SeaTools for DOS ကနေ ISO image ကို ရယူရပါမယ်။ အဲ့နောက်မှာ ISO image ကို အခွေရိုက်ပြီး Drive ကနေ Boot တက်လိုက်ပါ။ အဲ့နောက်မှာ License agreement တွေကို Accept ပေးပြီး Full scan လုပ်ပါ။ တကယ်လို့ ကိုယ့် Hard Drive မှာ ပြဿနာ တစ်စုံတစ်ရာ ရှိနေတာ တွေ့ပြီ ဆိုရင် Operation အဆုံးမှာ ဖြစ်စေ - Disk Scan ကို ရပ်လိုက်တဲ့ အချိန်မှာ ဖြစ်စေ ဖော်ပြပေးပါလိမ့်မယ်။

သူ့လိုပဲ တစ်ခြား Computer vendors တွေ / Hard Disk manufactures ( Samsung, Hitachi, Toshiba (Fujitsu), Western Digital, Lenovo, Dell, စသဖြင့် ) တွေကလည်း သူ့ Hard Drives Brand တွေ အတွက် Diagnostic tools တွေ ထုတ်ပေးပါ သေးတယ်။ တကယ်လို့များ ကိုယ့်ကွန်ပြူတာမှာ မကြာခဏ ဆိုသလို System Hangs တာမျိုး - Boot တက်ဖို့ ခက်နေတာမျိုး တွေ ဖြစ်လာရင် ဒီ ဖော်ပြပါ Tools တွေကို သုံးပြီး ခုဖြစ်နေတဲ့ ပြဿနာဟာ Hard Drive နဲ့ ပတ်သတ် ဆက်စပ်နေလား ဆိုတာ စစ်ဆေးနိုင်ပါတယ်။ တစ်ခု သတိပြုရမှာက ကျွန်တော် ခုဖော်ပြခဲ့တဲ့ ဖော်ပြချက်တွေဟာ စစ်ဆေးရေး သက်သက်သာ ဖြစ်ပါတယ်။ ကိုယ့် Hard Drive ထဲက Data တွေ လုံခြုံဖို့ ဆိုတာ အကောင်းဆုံးကတော့ Regular Backups လုပ်ဆောင်ထားတဲ့ နည်းထက် ပိုပြီး ကောင်းတာ မရှိနိုင်ပါဘူး။ 

Data ပျက်စီး ဆုံးရံှုးမှု ကင်းစွာနဲ့ အေးချမ်းသာယာသော အနာဂတ်များ ပိုင်ဆိုင်နိုင်ကြပါစေ -

KznT.