Wanna create ur own design ??

Designer ဖြစ်မှ Design ဆိုတာကို စိတ်ကူးယဉ်ပိုင်ခွင့်ရှိတာ မဟုတ်ပါဘူး - Designer မဟုတ်လည်း ကိုယ့်ရဲ့ စိတ်ကူးဉာဏ် ကွန့်မြူးရင် ကွန့်မြူးသလို သပ်ရပ်လှပတဲ့ ဒီဇိုင်းတွေ ဖော်ထုတ်နိုင်ပါတယ် - တကယ်လို့များ ကျွန်တော်တို့ဟာ ဒီဇိုင်းအသစ် ဖန်တီးမှုတွေ ၊ အခန်းအပြင်အဆင် ဖွဲ့စည်းမှုတွေ  အဲလိုမှမဟုတ်လည်း စိတ်ကူးထဲက အိမ်ခန်းဖွဲ့စည်းမှု ပုံစံလေးတွေကို 3D ပုံစံလေးနဲ့ အသက်သွင်းချင်မိမယ်ဆိုရင် Roomle ဆိုတာ အင်တာနက်ထဲမှာ မိမိစိတ်ကူးအိပ်မက်ထဲက 3D ဒီဇိုင်းတွေကို အလကား ဖန်တီးတည်ဆောက်ခွင့် ပေးထားတဲ့ web tool တစ်ခုပဲ ဖြစ်ပါတယ်။

Roomle ဆိုတာ 2D နဲ့ 3D views နှစ်မျိုးလုံးကို supports ပေးပြီး create လုပ်သမျှကိုလည်း လွယ်လင့်တကူ ပြင်ဆင်တည်းဖြတ် နိုင်ပါတယ်။ Roomle မှာ ရာနဲ့ချီတဲ့ doors တွေ, windows တွေ, chairs တွေအပြင် သေးသေးကွေးကွေး အပင်ပုစိလေးတွေ ကအစ ဒီဇိုင်းရေးဆွဲရာမှာ အသုံးချနိုင်အောင် ထည့်သွင်းပေးထားပါတယ်။

Roomle ဟာ ဒီဇိုင်းတစ်ခု Create လုပ်ဖို့ signup လုပ်ဖို့လည်း မလိုပါဘူး - ဒါပေမယ့် ကိုယ် create လုပ်ထားတာကို သိမ်းဆည်းထားနိုင်ဖို့ အတွက်ဆိုရင်တော့ account တစ်ခု လုပ်ဆောင်ဖို့ recommend ပေးထားတာ ရှိပါတယ်။ ကိုယ် create လုပ်ထားတဲ့ ဒီဇိုင်းပုံစံလေးတွေကို images တစ်ခုအနေနဲ့ export လုပ်ပြီး ကိုယ့်သူငယ်ချင်းတွေကိုလည်း share လုပ်နိုင်ပါတယ်။

Planning options နဲ့ ပတ်သတ်ရင် နောက်ထပ်လေ့လာ စမ်းသပ်လို့ ရတဲ့ တစ်နေရာ ရှိပါသေးတယ် - သူကတော့ PlanningWiz ပါ။

သူကလည်း decoration နဲ့ ပတ်သတ်ပြီး layout ချနိုင်တဲ့ online room mapping tool တစ်ခုပဲ ဖြစ်ပါတယ်။ သူ့ကို အသုံးချပြီး Design plan ချတဲ့ အခါ သူ့မှာ ဖန်တီးထားပြီးသား plans တွေကို အသင့်ယူသုံးနိုင်သလို အဲတာလေးတွေကို သုံးပြီး ကိုယ် ဖန်တီးချင်တဲ့ space နဲ့ကိုက်ညီအောင် ပြုပြင်ပြောင်းလဲပြီး own plan အနေနဲ့ ဖန်တီးလို့လဲ ရပါတယ်။ ဒါ့အပြင် ကိုယ်ဖန်တီးထားတဲ့ plan လေးတွေကို သိမ်းဆည်းထားလို့လည်း ရသလို - print ထုတ်ချင်ရင်ပဲ ဖြစ်ဖြစ် - Email ကနေ ဝေမျှချင်ရင်ပဲ ဖြစ်ဖြစ် ဝေမျှနိုင်ပါသေးတယ်။

PlanningWiz အပြင်  Design နဲ့ ပတ်သတ်ပြီး နောက်ထပ်ဖန်တီးလို့ ရတဲ့ Tools တွေရှိပါသေးတယ် - အဲတာတွေကတော့ Furnish  နဲ့ Google SketchUp ပါ။ မိသားစုအားလုံးပဲ ကိုယ်ပိုင် Design လေးတွေ ရေးဆွဲ ဖန်တီးပြီး ကိုယ့်ရဲ့ နေထိုင်ရာ အိပ်ခန်း - အိမ်ခန်းတိုင်းကို စိတ်ကြိုက်အလှဆင်နိုင်ကြပါစေ။

KznT.

Building Human Resources

ကျွန်တော်ဟာ ကွန်ပြူတာနဲ့ ပတ်သတ်ရင် သိတန်သလောက် သိပေမယ့် ကိုယ်သိသလောက် ပြောပြလို့ ဆိုရင် ကျွန်တော် အာစေးနေတတ်ပါတယ် - ကျွန်တော် အဲလို မပြောပြတတ်ပါဘူး - အဲ့ကြောင့် ကိုယ်သိသလောက် အကြောင်းအရာတွေကို မျှဝေချင်တဲ့ အခါ ဘာကို မျှဝေရမလဲ ဆိုတာ ခေါင်းစဉ်ရှာမရ အမြဲ ဖြစ်လေ့ ရှိပြီး ဘယ်သူ့ကိုမှလည်း မမျှဝေ ဖြစ်ခဲ့ပါဘူး - အဲလိုနဲ့ ကျွန်တော် မြန်မာမိသားစုထဲကို ရောက်လာတော့ Myanmarfamily ဆိုတဲ့ နာမည်ကြောင့်ပဲ ဖြစ်မလား မပြောတတ်ဘူး - တစ်ခုခုကို ပေးချင်စိတ် သည်းသည်းသန်သန် ဖြစ်မိပါတယ် - အဲလိုနဲ့ပဲ မျှဝေသူတစ်ယောက် ဖြစ်မှန်းမသိ ဖြစ်လာခဲ့ပါတယ် -

ခုနောက်ပိုင်း မြန်မာမိသားစုဝင်တွေထဲက Active ဖြစ်တဲ့ member တွေကိုလည်း ကျွန်တော်လိုက်ကြည့်မိတယ် - သူတို့တွေ မြန်မာမိသားစုကို သံယောဇဉ်တော်တော်ရှိတာ သတိထားမိသလို - တတ်နိုင်သလောက် မျှဝေပေးချင်ကြတာ ကိုလည်း သတိထားမိပါတယ် - ကိုရဲနောင် ပြောခဲ့တဲ့ မြန်မာမိသားစုဟာ နည်းပညာမျှဝေနိုင်ဖို့ ဦးတည်ချက်ထားပြီး တည်ထောင် ဖြစ်ခဲ့တယ် ဆိုတာ မြန်မာမိသားစု အားလုံးလည်း နားလည်ပြီးသား ဖြစ်ကြမှာပါ - ဒါပေမယ့်လည်း ကျွန်တော့် စိတ်ထဲ မြန်မာမိသားစုမှာ ခုနောက်ပိုင်း နည်းပညာရပ်ပိုင်းနဲ့ ပတ်သတ်တဲ့ အကြောင်းအရာတွေ ဆွေးနွေးတဲ့သူ အရမ်းနည်းသွား သလိုပဲလို့ ခံစားမိပါတယ် - တစ်နေ့တစ်နေ့ကို Active member အယောက် ၄၀ ပတ်ဝန်းကျင်ရှိတယ် - ဒါပေမယ့်လည်း တော်တော်များများက လိုအပ်တာ အကူအညီတောင်း နောက်စာဖတ်ပြီး ပြန်သွားကြတယ် - ဆွတ်ချူစားသုံးသူများပြီး သီးတဲ့ အပင်အရေအတွက် နည်းနေမယ်ဆိုရင်တော့ ဒါဟာ နည်းပညာ မျှဝေတဲ့ နေရာ လက်ဆင့်ကမ်းတဲ့နေရာ ဖြစ်လာမှာ မဟုတ်တော့ပါဘူး - ထိန်းသိမ်းမှု မရှိပဲ တစ်ချိန်လုံး ခုတ်လှဲနေမယ် ဆိုရင်တော့ ရခိုင်ရိုးမလည်း တစ်ချိန်မှာ တောင်ကတုံး ဖြစ်သွားမှာပါပဲ - ကျွန်တော်ဆိုလိုတာ မျှဝေသူတွေဆိုတာလည်း တစ်ချိန်လုံး တစ်သက်လုံး ဒီဖိုရမ်မှာ နေပြီး မျှဝေနိုင်သွားပါမယ်လို့ ဘယ်သူမှ အာမမခံနိုင်ဘူး - ဒီချိန်မှာ တတ်တတ်ကြြွကွနဲ့ ပါဝင်ဖြေရှင်း ပေးနေနိုင်ပေမယ်လို့ နောင်တစ်ချိန်မှာ ကိုယ့်ဘဝရဲ့ ဆိုင်ရာ လုပ်ငန်းတွေဆီ ပြန်ဝင်သွားကြရမှာပါ - အဲ့လိုအချိန်မှာ မျှဝေသူသာ မရှိတော့ရင် ဒီဖိုရမ်ကြီး ဘယ်လိုဆက်ပြီး ရပ်တည်မလဲ -

ကျွန်တော်တို့ ဖိုရမ်မှာ မျှဝေနိုင်သူတွေရော - နားလည်တတ်ကျွမ်းသူတွေရော မနည်းမနော ရှိပါတယ် - ဒါပေမယ့် ကျွန်တော်လိုချင်တာ မျှဝေနေကျသူတွေကချည်း အမြဲ မျှဝေချပြနေတာမျိုး ကျွန်တော်မဖြစ်စေချင်ပါဘူး - ကျွန်တော် မျှဝေသူ အသစ် အသစ်တွေကို လိုချင်ပါတယ် - ဘာကြောင့်လဲဆိုတော့ ရှင်းပါတယ် ကျွန်တော်တို့ ဖိုရမ် အဓွန့်ရှည်ရပ်တည်နိုင်ရေး အတွက်ပါ - လူဟောင်းတွေကချည်းရေး - လူသစ်တွေကဖတ် - နောက်နေ့လာလည်း လူဟောင်းတွေကချည်းရေး - လူသစ်တွေကဖတ် - နောက်တော့ ပြန်သွား - ဒီလိုဖြစ်ရပ်တွေက ဖိုရမ်တိုင်း ဖြစ်နေတာပါ - လတ်တလော အခြေအနေမှာတော့ လူဟောင်းတွေ ရှိနေတော့ ဖိုရမ်လေးက ဟုတ်သလိုလို ရှိနေတာပေါ့ - ဒါပေမယ့် ဒီလူဟောင်းတွေက တစ်ယောက်ယောက် များများ ထွက်သွားပြီ ဆိုရင် ကျွန်တော်တို့ သွေးပျက်ရပြီ - ဖိုရမ်က နည်းပညာ ဖိုရမ် မဟုတ်တော့ဘူး - အာလာပ သလာပ ဖိုရမ်ဖြစ်တော့မယ် - နည်းပညာနဲ့ မဆိုင်တဲ့ အကြောင်းအရာတွေ ပို့စ်အဖြစ်နဲ့ တက်နေတာကို ကျွန်တော် အပြစ်ပြောတာ မဟုတ်ရပါဘူး - ကျွန်တော်လည်း တစ်ချိန်လုံး နည်းပညာနဲ့ ဆိုင်တာတွေချည်း ဖတ်နေရေးနေနိုင်တဲ့ လူမျိုး မဟုတ်ပါဘူး - ဒါပေမယ့် ဖြစ်သင့်တာ တစ်နေ့ လူ ( ၃၀ ) ( ၄၀ ) ဝင်နေတဲ့ နည်းပညာဖိုရမ် တစ်ခုဟာ တစ်နေ့ကို နည်းပညာနဲ့ ပတ်သတ်တဲ့ ပို့စ် ( ၃ ) ( ၄ ) ခုလောက်တော့ မတက်သင့်ဘူးလား - ??

တစ်နေ့ကို နည်းပညာနဲ့ ပတ်သတ်တဲ့ ပို့စ် ( ၃ ) ( ၄ ) ခုတက်ဖို့နဲ့ တက်တဲ့ ပို့စ်တိုင်းက စာဖတ်သူအတွက် အကျိုးရှိတဲ့ ပို့စ်မျိုး ဖြစ်ဖို့ဆိုတာ ကြီးကြပ်သူ လူဟောင်းတွေ ၊ ကျွန်တော်တို့ အထူးအသင်းဝင်တွေ လုပ်ဆောင်နေယုံနဲ့ ဖြစ်နိုင်တဲ့ ကိစ္စမဟုတ်ပါဘူး - အဲ့တာကြောင့် လူသစ်တွေထဲကနေ မျှဝေချင်သူတွေ ၊ မျှဝေရဲသူတွေ ဖြစ်လာစေဖို့ ကျွန်တော်တို့ ဖြေးဖြေးချင်း တွဲခေါ်ကြည့် ချင်ပါတယ်။

မျှဝေသူတစ်ယောက် ဖြစ်လာဖို့ ဘာတွေ အရေးအကြီးဆုံးလဲ ??

စိတ်စေတနာနဲ့ မေတ္တာတရားပေါင်းစပ်ထားပြီးသား ဖြစ်တ့ဲ လေ့လာလိုမှု အဓိက လိုအပ်ပါတယ်။ စိတ်စေတနာနဲ့ မေတ္တာတရား ဆိုတာကတော့ မြန်မာလူမျိုး သနားအောင်ပြောရင် မရှိရှိတာတောင် ချွတ်ပေးချင်ကြတဲ့ လူမျိုးတွေချည်းပါ။ အဲတော့ စိတ်စေတနာနဲ့ မေတ္တာတရားကို ကျွန်တော်တို့ ပြည့်စုံပြီးသား ဖြစ်နေပြီလို့ပဲ ယူဆကြပါစို့- ဒါဆို ကျွန်တော်တို့ လိုနေတာ လေ့လာလိုမှုပါ။

လေ့လာလိုမှုဆိုတာ ဘာတွေလေ့လာရမလဲဆိုတဲ့ Source ကို တိတိကျကျသိလာရင်  လေ့လာလိုမှုက အလိုလို ပေါ်လာတတ်ပါတယ်။ လူတိုင်းလူတိုင်းမှာ သူတို့ ကျွမ်းကျင်ရာ ကျွမ်းကျင်ရာအလိုက် ၊ အားသာရာ အားသာရာအလိုက် ရှိတတ်ကြပါတယ်။ ကျွန်တော်တို့မှာ သိထားတာတွေ ရှိတယ် - ပြောပြချင်တာတွေတယ် - ဒါပေမယ့် ခေါင်းစဉ်တည်လို့ မရဖြစ်နေတယ် - ဒီလို အကြောင်းအရာတွေကို ခေါင်းစဉ်တည်လို့ ရသွားအောင် ဘယ်အကြောင်းအရာဆို ဘယ်ခေါင်းစဉ်အောက်မှာ ထားပြီး သိုက်သိုက်ဝန်းဝန်း ဖြစ်အောင် ဘယ်လို ရေးသားမျှဝေနိုင်မယ်ဆိုတာ သိရှိနိုင်ဖို့ ကျွန်တော်တို့ စာဖတ်ဖို့ လိုပါတယ်။ ဒါဆို ဘယ်လိုစာမျိုး ဖတ်သင့်တာလဲ - နည်းပညာအကြောင်းကို ကျကျနနသိချင်တယ်ဆိုရင်တော့ နည်းပညာ ရှိရာဆီ လိုက်ကြည့်ရမှာပါပဲ - ဟုတ်ပါတယ် ကျွန်တော်တို့ အင်္ဂလိပ် Blog တွေ - site တွေ ဖတ်ဖို့ လိုပါတယ်။ အင်္ဂလိပ် ဘလော့တင်မှ မဟုတ်ဘူး မြန်မာ ဘလော့တွေလည်း ဖတ်ရပါမယ်။ ဒါမှ အားသာချက် အားနည်းချက်တွေကို သိရှိနိုင်ပါမယ်။

အင်တာနက်ထဲမှာ အင်္ဂလိပ်လို ရေးထားတဲ့ နည်းပညာ Blog တွေ - Site တွေ မနည်းမနော ရှိပါတယ် - အဲ့ထဲကမှ how to သဘောမျိုးထက် အတွေးအခေါ်နဲ့ သုံးသပ်ချက်ပါပြီး - စာဖတ်သူအတွက် အကျိုးရှိမယ့် Blog လေးတွေ - Site လေးတွေ ကျွန်တော် စုဆောင်းထားတာ တော်တော်များများရှိပါတယ် - ကျွန်တော် တစ်နေ့နဲ့ တစ်နေ့ ဖတ်တဲ့ မြန်မာ နည်းပညာ ၊ သတင်း Sites တွေအပြင် အင်္ဂလိပ် Blog တစ်ရာကျော် ရှိပါတယ်။ ကျွန်တော် ရေးနေတဲ့ ပို့စ်တွေဆိုတာလည်း ဖော်ပြပါ ဘလော့တွေထဲကနေ ဖတ်မိတာတွေထဲက ကိုယ်သိနားလည်တဲ့ အကြောင်းအရာလေးတွေကို ထုတ်နှုတ်ပြီး ကိုယ်ပိုင်အတွေ့အကြုံနဲ့ ပေါင်းစပ် ရေးသားနေခြင်းပါ။  ကျွန်တော်တို့ ဖိုရမ်မှာရှိနေတဲ့ ကြီးကြပ်သူတွေ ၊ အထူးအသင်းဝင်တွေ ချည်းကပဲ နည်းပညာအကြောင်း သိနားလည်တဲ့ သူတွေ ၊ မျှဝေနိုင်သူ တွေ မဟုတ်ဘူး ဆိုတာ - ပြောရရင် ကျွန်တော်တို့တွေက မျှဝေမှုကို ကြီးကြပ်ရင်း ကျွန်တော်တို့ သိသလောက်ကို နည်းပညာ လက်ဆင့်ကမ်း နေတာသာ ဖြစ်တယ် ဆိုတာ - စာဖတ်သူတွေ ကိုယ်တိုင်ကလည်း ဒီလို မျှဝေသူတစ်ယောက် ဖြစ်လာဖို့ ကြိုးစားနိုင်တယ်ဆိုတာ ကျွန်တော် လူသစ်တွေကို ချပြချင်ပါတယ် - သူတို့ ဘယ်လို ဘလော့တွေ ဖတ်သင့်မယ်ဆိုတာရယ် - ကိုယ်ဖတ်မိတာတွေထဲက ကိုယ်သိထားတာတွေ ပြောပြချင်တာတွေနဲ့ ကိုက်ညီတဲ့ ခေါင်းစဉ်ကို  ဆက်စပ်မိမယ်ဆိုရင် ကိုယ့်အတွေးအခေါ်နဲ့ ပေါင်းစပ်ပြီး တစ်ဖက်တစ်လှမ်းကနေ မြန်မာမိသားစုမှာ မျှဝေရေးပေးကြဖို့ ကျွန်တော်ကမ်းလှမ်း ချင်ပါတယ်။

ဒါက ကျွန်တော် အကြမ်းမျဉ်း ပုံဖော်ထားတဲ့ နည်းပညာဘဏ်တိုက် တည်ဆောက်ခြင်း  ( ဝါ ) မျှဝေသူများ ပေါ်ထွန်းလာစေရေး Project ပါ - ကြီးကြပ်သူတွေနဲ့ ဖိုရမ်က တာဝန်ရှိသူတွေ အနေနဲ့လည်း လူသစ်များ လက်တွဲခေါ်ယူရေး ကိစ္စနဲ့ ပတ်သတ်ပြီး ဘယ်လို လုပ်ဆောင်သင့်မယ်ဆိုတာလေး တတ်နိုင်သလောက် အကြံပြုကြစေချင်ပါတယ်။ ပေါ်ပေါက်လာနိုင်တဲ့ ပြဿနာရပ်လေးတွေနဲ့ ပတ်သတ်ပြီးလည်း တွေးမိသလောက် ဝင်ရောက်ဆွေးနွေးပေးကြဖို့ အကြံဉာဏ်တောင်းခံ လိုပါတယ်။ တစ်ယောက်အားနဲ့ ယူသော်မရပေမယ့် အားလုံးဝိုင်းဝန်း အကြံပြုကြရင် နောက်ထပ်နောက်ထပ် သင့်တော်မယ့် အကြံကောင်းတွေလည်း ရရှိလာနိုင်လိမ့်ဦးမယ်လို့ မျှော်လင့်မိပါတယ်။

ကြီးကြပ်သူများရဲ့ အတည်ပြုချက် ရမယ်ဆိုရင်လည်း ဒီအကြောင်းအရာကို နောက်တစ်ကြိမ် တည်းဖြတ်ရေးသားပြီး မြန်မာမိသားစု စာဖတ်သူတွေဆီ ချပြဖို့ ကျွန်တော်စိတ်ကူးထားတာလေး ရှိပါတယ်။ ကျေးဇူးပြုပြီး အကြံပြုပေးကြပါ။

Mg Zin.

New Google Search Homepage

ဘယ်သူတွေ ဘယ်လို Home page ထားရတာ သဘောကျတယ် ဆိုတာတော့ ကျွန်တော်လည်း တိတိကျကျ မသိပါဘူး - Home page ထားတဲ့ ကိစ္စရပ်နဲ့ ပတ်သတ်ပြီး ကျွန်တော် ဒီနေရာမှာ တစ်ခါ ရေးခဲ့ဖူးပါတယ် - ကျွန်တော်ကတော့ Google နဲ့ အမြဲ လက်ပွန်းတတီး နေတာမို့လို့ Home page လို့ ဆိုလိုက်ရင် ဘာမှ ရှည်ရှည်ဝေးဝေး မစဉ်းစားပဲ Google ကိုပဲ အမြဲ ထားဖြစ်ခဲ့ပါတယ်။ ဒါပေမယ့် Microsoft ကထုတ်တဲ့ Bing Search Engine ပေါ်လာတော့ ကျွန်တော် Bing Home page ကို တော်တော်လေး သဘောကျမိလိုက်ပါသေးတယ် - သူ့ အပြင်အဆင်နဲ့ Home page မိတ်ဆက်ကလည်း တော်တော်လေးကို အသုံးဝင် ရိုးရှင်းလွန်းတယ်လို့ ကျွန်တော် သုံးသပ်မိပါတယ် -

ဒါပေမယ့်လည်း ကိုယ်သုံးနေတဲ့ Applications တွေနဲ့ Bing နဲ့က အလှမ်းဝေးနေတာ မို့လို့ Google ကိုပဲ ပြန်ပြောင်းခဲ့ရတာပါပဲ - အဲ့တုန်းက Bing ကနေ Google ကို ပြန်ပြောင်းခဲ့ရပေမယ့် စိတ်ထဲမှာတော့ Google လည်း ဖြစ်နိုင်ရင် Bing လိုပဲ Background image လေးများ ပြောင်းပေးရင် ဘယ်လောက်များ ကောင်းလိုက်မလဲလို့ စိတ်ထဲ ဖြစ်မိလိုက်ပါသေးတယ် - 

အခုတော့ Google ကနေပြီး သူ့ရဲ့ လိုအပ်ချက် တစ်ခုကို ဖြည့်ဆည်းလိုက်ပြန်ပါပြီ - Google ရဲ့ Background image ကို ကျွန်တော်တို့ Bing လိုပဲ လှလှပပ ပြောင်းလဲလို့ ရပါပြီ - ဖော်ပြပါ လုပ်ငန်းစဉ်ကို လုပ်ဆောင်ဖို့ အတွက် Google.com ဆီ ဦးတည်လိုက်ပါ - ကျွန်တော်တို့ ရဲ့ Mouse ကို screen ရဲ့ ဘယ်ဘက် အောက်ထောင့်ကို ရွေ့ပြီး background image ကို ပြောင်းလဲနိုင်ပါပြီ။

ဖော်ပြပါအတိုင်း ပြောင်းလဲတဲ့ နေရာမှာ ကိုယ့်ကွန်ပြူတာထဲမှာ ရှိနေတဲ့ ဓာတ်ပုံကို ဖြစ်စေ - ကိုယ့်ရဲ့ ကိုယ်ပိုင် Picasa Web Album မှာ ရှိနေတဲ့ ဓာတ်ပုံကို ဖြစ်စေ - Picasa မှာပဲ ရှိနေတဲ့ Public gallery ထဲက အလှဆုံး ဆိုတဲ့ ဓာတ်ပုံတွေကိုပဲဖြစ်စေ ဆွဲယူ ဖော်ပြနိုင်ပါသေးတယ်။ 

ကျွန်တော်ဖော်ပြထားတဲ့ Google ရဲ့ New feature ကို ခုသုံးလို့ မရခဲ့သေးဘူး ဆိုရင်လည်း စိတ်မပျက်သွားပါနဲ့ဦး - လတ်တလော အခြေမှာ U.S အတွင်းမှာ ရှိနေတဲ့ Google users တွေအတွက်ပဲ အသုံးပြုနိုင်အောင် အတည်ပြုရသေးလို့ပါ - ဒါပေမယ့် မကြာခင်ရက်အတွင်းမှာတင် တစ်ကမ္ဘာလုံး အသုံးပြုနိုင်အောင် Google က အတည်ပြုပေးသွားမှာ ဖြစ်ပါတယ်။ ဒီအကြောင်းအရာနဲ့ ပတ်သတ်ပြီး အသေးစိတ် သိချင်သေးမယ် ဆိုရင် ဒီနေရာကနေ သွားရောက် ဖတ်ရှုနိုင်ပါသေးတယ်။

မြန်မာမိသားစုများအားလုံး လှပတဲ့ Google Background image တိုင်းကို ပိုင်ဆိုင်နိုင်ကြပါစေ -

KznT.

Using Bing Maps

Online mapping applications တော်တော်များများမှာ နိုင်ငံ တစ်နိုင်ငံ နဲ့ တစ်နိုင်ငံခြားက မြို့တော်တွေ ဒါမှမဟုတ် နိုင်ငံ တစ်ခုတည်း အတွင်းက မြို့တွေရဲ့ အကွာအဝေးကို တိုင်းတာတွက်ချက်ပေးနိုင်တဲ့ Distance calculator ဆိုတာ built-in အနေနဲ့ တည်ဆောက်ပါဝင်ပြီးသား ဖြစ်ပါတယ် - Google maps မှာလည်း ထိုနည်းလည်းကောင်း အသုံးပြုနိုင်တဲ့ Distance measurement tool ဆိုတာပါ,ပါတယ် - လတ်တလော ဖော်ပြမယ့် အကြောင်းအရာနဲ့ ဆက်စပ်နေတာ မဟုတ်တဲ့ အတွက် နောက် အားလပ်တဲ့ အချိန်မှာမှ Google maps ရဲ့ Distance measurement tool အကြောင်း ကျွန်တော် ထပ်မံ ဖော်ပြပေးပါမယ် - အခုဖော်ပြမယ့် အကြောင်းအရာကတော့ အပေါ်မှာ ကျွန်တော် ဖော်ပြပြီးခဲ့တဲ့ အတိုင်း မြို့ တစ်မြို့နဲ့ တစ်မြို့ကြားက အကွာအဝေးကို Bing maps သုံးပြီး ဘယ်လို တိုင်းတာ သွားမယ်ဆိုတာ အပျော်သဘောလေး ဖော်ပြသွားပါမယ် - 

Bing maps ဖြင့် အကွာအဝေးတိုင်းတာခြင်း

Bing maps မှာ အရင်က ဒီ tool မရှိပါဘူး - ခုနောက်ပိုင်း ပါလာတဲ့ ဒီ Distance calculator အသစ်ဟာ Google maps မှာ ပါတဲ့ Distance measurement tool နဲ့ နဲနဲ ကွဲပြားသလို နဲနဲလေးလည်း ပိုပြီး အသုံးပြုရလွယ်ကူတယ်လို့ သုံးသပ်မိပါတယ်။ Bing maps မှာပါဝင်တဲ့ Distance calculator ကို အသုံးပြုပြီး မြို့ တစ်မြို့နဲ့ တစ်မြို့ကြားက အကွာအဝေးကို တိုင်းတာ နိုင်ဖို့ အတွက် အရင်ဆုံး ဖော်ပြပါနေရာကနေ သွားရောက်လိုက်ပါ - Bing maps ပြီးသွားရင် ကိုယ်စပြီး တိုင်းတာချင်တဲ့ မြို့ရှိရာကို သွားလိုက်ပါ - ကျွန်တော်ကတော့ ရန်ကုန်ကို Search box ကနေ သွားပါတယ်။ ပြီးတဲ့နောက်မှာ MAP APPS ကနေ တဆင့် “Distance Calculator” ကို ရွေးရပါမယ်။

အဲနောက်မှာ ဘယ်ဘက်ခြမ်း Side bar မှာ မြင်နေရတဲ့ flag ကို drag ဆွဲပြီး ကိုယ်စတင်တိုင်းတာချင်တဲ့ မြို့ပေါ် ချလိုက်ပါတယ်။ ( ရန်ကုန် ) အဲနောက်မှာတော့ ရန်ကုန်ကနေ နောက်ထပ် ဘယ်လောက်ကွာဝေးသလဲ သိချင်တဲ့ မြို့ ( ကျွန်တော်ကတော့ မန္တလေးကို ဥပမာပေး ရွေးလိုက်ပါတယ် ) ကို ရွေးရပါမယ်။ Search box ကနေ Mandalay ဆိုပြီး ရိုက်သွားလိုက်ပါတယ်။ ပြီးနောက်မှာ MAP APPS ကနေ တဆင့် “Distance Calculator” ကို  နောက်တစ်ကြိမ်ထပ်ရွေးပြီး flag ကို မန္တလေးတည်ရာဆီ ချလိုက်ပါတယ် - အဲနောက်မှာတော့ Bing ကနေပြီး ချက်ချင်းဆိုသလို point နှစ်ခုရဲ့ road distance နဲ့ flight distance ကိုတွက်ချက် ပေးပါလိမ့်မယ်။

Airplane icon က လေကြောင်းနဲ့ သွားတဲ့ အချိန်မှာ အတိုဆုံး ပျံသန်းနိုင်မယ့် အကွာအဝေး ဖြစ်ပါတယ်။ Bus နဲ့ car icon ကတော့ Road distance နဲ့ပတ်သတ်ပြီး သင့်တော်မယ့် လမ်းကြောင်းကို ထည့်သွင်းဖော်ပြထားတာ ဖြစ်ပါတယ်။ 

အသေးစိတ် ပုံနဲ့ တကွ ဖော်ပြချင်ပေမယ့် ဒီအကြောင်းအရာက ပုံတွေနဲ့ တင်ပြဖို့ မသင့်တော်လို့ ကျွန်တော် screencast လုပ်ပြီး ဖော်ပြလိုက်ပါတယ်။ ဒီအောက်ကနေကြည့်ရှုနိုင်သလို Youtube မှာလည်း သွားရောက်ကြည့်ရှုနိုင်ပါတယ်။ တကယ်လို့ မှုန်ဝါးဝါး ဖြစ်နေတယ်ဆိုရင် Youtube ကို သွားပြီး အောက်ဖော်ပြပါအတိုင်း 720p ကို ပြောင်းလဲ ကြည့်ရှုပါ။

အားလုံးပဲ ပျော်ရွှင်စွာ တိုင်းတာနိုင်ကြပါစေ :D
KznT.

Transforms Ubuntu to Windows 7

Windows users တော်တော်များများဟာ Windows ကနေ Linux ( Ubuntu ) ကိုပြောင်းလဲ အသုံးပြုဖို့ဆိုရင် တော်တော်လေး စဉ်းစားကြတာ တွေ့ရပါတယ်။ အခြေခံအားဖြင့် စဉ်းစားကြတာတွေထဲမှာမှ အထူးသဖြင့် စိုးရိမ်ကြတာ Windows နဲ့ မတူတော့ပဲ ပြောင်းလဲသွားမယ့် Linux ( Ubuntu ) ရဲ့ အပြင်အဆင်ကိုပါ။ Windows XP ကနေ Windows 7 ပြောင်းသုံးရင်တောင် ဘယ်နေရာမှာ ဘယ်တွေရှိလဲ - ဘာ Functions တွေ ထူးပြီး တိုးလာလဲ ဆိုတာ ပုံမှန်အားဖြင့် ကြိုတင်မလေ့လာထားခဲ့ရင် ချက်ချင်း မသိနိုင်ပါဘူး။ ဒီလို ပြဿနာမျိုးကို Windows ကနေ Linux ပြောင်းလဲ အသုံးပြုချင်သူ ၊ စမ်းသပ်သုံးစွဲချင်သူ Users တော်တော်များများလည်း စိုးရိမ်ကြတာ တွေ့ရပါတယ်။ တကယ်တော့ ဒါဟာ စိုးရိမ်စရာ မဟုတ်ပါဘူး။ Windows ရဲ့ အပြင်အဆင်ကို ရင်းနှီးနေပြီး တစ်ခြား OS တစ်ခုနဲ့ မရင်းနှီးသူတွေအတွက် ကိုယ်သုံးနေကြ Windows ပုံစံအတိုင်း အတော်များများ ဆင်တူအောင် ပြောင်းလဲ ပေးနိုင်တဲ့ Pack တစ်ခု Linux ( Ubuntu ) မှာ ရှိနေပါတယ်။ သူ့အမည်ကတော့ Win2-7 Pack ပါ။

Win 2-7 Pack ဟာ Ubuntu Desktop ကနေ Windows 7 နဲ့ အနီးစပ်ဆုံး ဆင်တူအောင် ပြောင်းလဲ ပေးနိုင်တဲ့ Pack တွေထဲမှာတော့ အကောင်းဆုံး Transformation pack တစ်ခုပဲ ဖြစ်ပါတယ်။ Windows ရဲ့ အပြင်အဆင်ကို ရင်းနှီးနေပြီး Ubuntu Desktop ကိုများ အသုံးမပြုချင်ဘူးလား - ဒါဆိုရင်တော့ တစ်ခြားကို မရွေးပါနဲ့ ဒီ Win2-7 Pack ကိုပဲရွေးပြီး Ubuntu Desktop ကနေ Windows 7 ကို ပြောင်းလဲပစ်လိုက်ပါ။ နောက်ပြီး ဒီအောက်က Comment လေးကို တစ်ချက် ဖတ်ကြည့် ပေးပါဦး။

Win 2-7 Pack က ဘယ်လောက်ထိတောင် အသုံးဝင်လဲ ဆိုရင် သူ့ရဲ့ ငါးနှစ်သမီးလေးတောင် Windows 7 ရော Ubuntu Desktop ကိုပါ Win 2-7 Pack ရဲ့ အကူအညီနဲ့ interface problem လုံးဝမရှိပဲ အသုံးပြုနိုင်နေပြီ ဆိုပဲ။ ဒီလိုဆို ငါးနှစ်မကတဲ့ ကျွန်တော်တို့တွေ Linux ကို ကောင်းကောင်း သုံးလို့ ရပြီပေါ့ - :D

ပုံမှန်အားဖြင့်တော့ မူရင်း OS တစ်ခုရဲ့  Skin ကို ပြောင်းလဲပစ်တယ်ဆိုတာ သိပ်ကောင်းတဲ့ လက္ခဏာရပ်တစ်ခု မဟုတ်သလို လူတိုင်းလည်း သဘောမတွေ့ကြပါဘူး။ ဖြစ်နိုင်ရင်တော့ မူရင်း OS ရဲ့ skin ကိုပဲ အသုံးပြုပြီး သူ့ OS ရဲ့ အားသာချက် အားနည်းချက်တွေကို ရင်းနှီးနိုင်အောင် ကြိုးစားနိုင်တာ အကောင်းဆုံးပါပဲ။ ခု ကျွန်တော်ဖော်ပြတဲ့ ဖော်ပြချက်ဟာ OS တစ်ခုရဲ့ အပြင်အဆင်ကို အစွဲကြီးသူများ - နယ်ပယ်တစ်ခုတည်း ပေါ်မှာ ပုံသေသွားချင်သူများ - နည်းပညာနဲ့ အကျွမ်းတဝင် မရှိသေးတဲ့ မိမိရဲ့ ကလေးငယ်များ အတွက် Computer ကို အသုံးပြုရာမှာ အဆင်ပြေလွယ်ကူစေဖို့ ရည်ရွယ်ရင်းပဲ ဖြစ်ပါတယ်။

Gnome-look မှာ ရှိနေတဲ့ OS skinning တွေဟာ Ubuntu desktop ကို Windows 7 ပြောင်းလဲလို့ ရယုံ တစ်ခုတည်းတင် မဟုတ်ပါဘူး။ Ubuntu desktop ကနေ တစ်ခြား OS တစ်ခုကိုလည်း ပုံစံတူ ပြောင်းလဲ အသုံးပြုနိုင်အောင် စီစဉ်ပေးထား ပါသေးတယ်။ ( ဥပမာ - Ubuntu desktop to Mac OS X ) - Ubuntu desktop ကနေ တစ်ခြား OS ပုံစံ - ဘယ်ပုံစံတွေကို ပြောင်းလဲလို့ ရမလဲ - ဘယ် transformation packs တွေရှိသလဲ ၊ တစ်ခုချင်းစီက ဘယ်လောက်ထိ လူကြိုက်များလဲ ဆိုတာ ဒီနေရာကနေ သွားရောက်ကြည့်ရှု့ လေ့လာနိုင်ပါတယ်။

Win 2-7 Pack ကို အသုံးပြုခြင်း အားဖြင့် ကျွန်တော်တို့ ဘာတွေများ ထူးခြားသွားနိုင်ပါသလဲ -

Win2-7 pack ရဲ့ Size က နဲနဲတော့ ကြီးပါတယ်။ 43.39 MB ပါ။ ဘာကြောင့် အဲလောက်တောင် Size က ကြီးနေရတာလဲ။  ဘာကြောင့်လဲဆိုရင် သူ့မှာ Themes တွေရော Extra applications တွေရော များစွာ ပါဝင်နေလို့ပဲ ဖြစ်ပါတယ်။

Pack ထဲမှာ ပါဝင်နေတဲ့ အဓိက အရာတွေကတော့ : -

• Windows 7 style icon themes
• Windows 7 style GTK, Metacity & Emerald themes
• Windows 7 sound theme
• Wallpapers

ဒါ့အပြင် ဒီအောက်က ဟာတွေပါ ပေါင်းထည့်ထားပါတယ် : -

• Emesene theme
• Terminal theme
• GNOMenu themes
• Pidgin tweaks
• OpenOffice splash screen
• Fonts
• Emoticons
• DockBar theme

Download

Download ရယူချင်မယ် ဆိုရင်တော့ ဖော်ပြပါ နေရာကနေ တဆင့် သွားရောက်ရယူနိုင်ပါတယ်။ >> Gnome-look.org

Installation

Installation လုပ်ဆောင်ဖို့ အတွက်ကတော့ ခက်ခက်ခဲခဲ မရှိပါဘူး Download လုပ်လို့ ရလာတဲ့ archive ကို extract လုပ်ပြီး "install.sh" ဆိုတဲ့ file ကို Double-click ပေးပြီး run ယုံပါပဲ။

အခက်အခဲ အားလုံး ကင်းရှင်းနိုင်ကြပါစေ။

KznT.

Split Big Files using WINRAR

WinRAR နှင့် အပိုင်းများ စိတ်ပိုင်းခြင်း

ဖိုရမ်မှာ HJ split နဲ့ ဖိုင် ဘယ်လိုခွဲတယ်ဆိုတာ တင်ထားတာတွေ့မိပေမယ့် Winrar နဲ့ ဖိုင်ဘယ်လိုခွဲသလို Password ဘယ်လိုခံမလဲ ဆိုတာ မတွေ့မိတာရယ် - နောက်ဒီနေ့ ဖိုရမ်ထဲဝင်ဖြစ်တော့ ကို minwai က စကားဝိုင်းထဲမှာ မေးထားတာလည်း တွေ့မိလို့ ဒီအကြောင်းကို ရေးဖြစ်လိုက်ပါတယ်။


ပထမဆုံး အနေနဲ့ ကိုယ် အပိုင်းလိုက် ခွဲပစ်ချင်တဲ့ ဖိုဒါရှိတဲ့နေရာကို သွားပါ။ အောက်မှာ ဥပမာ အနေနဲ့ ကျွန်တော် ဖိုဒါတစ်ခုကို အပိုင်း ပိုင်းပြပါမယ်။ ကျွန်တော့်မှာ KznT's songs selection ( 2 ) ဖိုဒါတစ်ခု ရှိပြီး အဲ့ဖိုဒါဟာ မြင်ရတဲ့ အတိုင်း 66.9 ~ 70 MB ရှိပါတယ်။

ကျွန်တော့် အနေနဲ့ ဒီဖိုဒါကို အညီအမျှ အပိုင်းသုံးပိုင်း ပိုင်းချင်တယ် ဆိုပါစို့။ ဒါဆိုရင် အရင်ဆုံး ကျွန်တော်တို့ လုပ်ဆောင်ရမှာ လတ်တလော မြင်နေရတဲ့ 66.9 ~ 70 MB ဆိုတဲ့ပမာဏကို အညီအမျှ ( ၃ ) ပိုင်း အရင်ပိုင်းရမှာပါ။ 66.9 ~ 70 MB ဆိုတာကို ဖြန့်ချလိုက်ရင် အနီးစပ်ဆုံး 70000000B ဖြစ်ပါတယ်။ ( 70MB= 70*10^6 ) ပါ။ အလွယ်မှတ်ချင်ရင် နဂိုမူရင်း 70 ကို ဒီအတိုင်းထားပြီး နောက်က သုည ( ၆ ) လုံးကပ်လိုက်တာပါပဲ။ ဒီလိုမျိုးပေါ့ ( 70 + 000000 )။ ဒီပမာဏ ကို ကျွန်တော်တို့တွေက သုံးပိုင်း အညီအမျှ ပိုင်းချင်တာ မို့လို့ တစ်ပိုင်းချင်းစီဆိုရင် 24MB နီးပါးဆီ ထားရမှာ ဖြစ်ပါတယ်။ ဆိုလိုတာ မူရင်းက 66.9 ~ 70 MB ဆိုတဲ့ပမာဏကို ( ၃ ) ပိုင်း အညီအမျှ ပိုင်းချင်မယ် ဆိုရင် တစ်ပိုင်းချင်းစီမှာ 24MB = 24000000B ပတ်ဝန်းကျင်ရှိရမှာ ဖြစ်ပါတယ်။ တကယ်လို့ ကိုယ်က ( ၃ ) ပိုင်း မပိုင်းချင်တော့ဘူး ( ၂ ) ပိုင်းပဲ ပိုင်းတော့မယ်လို့ စိတ်ကူးပြောင်းသွားရင်လည်း ရပါတယ်။ 70 MB ကို ( 2 ) ပိုင်း ပိုင်းရင် 35MB ဖြစ်တာမို့လို့ တစ်ပိုင်းချင်းစီကို 35000000B ထားရင် ရပါပြီ။ ဒါပေမယ့် တစ်ခု သိထားရမှာ တစ်ချက်က RAR ဆိုတဲ့ သဘောတရားက ချုံ့တာ ဖြစ်တဲ့ အတွက်ကြောင့်မို့လို့ တစ်ပိုင်းချင်းစီကို ကိုယ်က 35MB ဆိုပြီး ချုံ့ခိုင်းလိုက်ပေမယ့် တကယ်တမ်း ချုံ့လို့ရလာတဲ့ ပမာဏကို ကြည့်လိုက်ရင် ကိုယ်ချုံ့ခိုင်းလိုက်တဲ့ ပမာဏရဲ့ 2MB ပတ်ဝန်းကျင်လောက်လျော့နေတာကို တွေ့ရပါလိမ့်မယ်။ ဒီအောက်က ပုံက  ကျွန်တော် 35MB နဲ့ ( ၂ ) ပိုင်း ပိုင်းပြီးတဲ့နောက်မှာ လျော့ကျသွားတဲ့ ပမာဏကို ပြချင်လို့ ဖော်ပြထားတာပါ။

တစ်ခါတစ်ရံမှာ 70 MB အပြည့်ရှိတဲ့ ဖိုဒါတစ်ခုကို 35 MB ဆိုပြီး ၂ ပိုင်းတည်း ပိုင်းချလိုက်တဲ့ အခါ ( ၂ ) ပိုင်း မထွက်ပဲ ကပ်သီးကပ်သပ် 2MB စာလောက်ပိုထွက်ပြီး နောက်တစ်ပိုင်း ပါလာတတ်ပါတယ်။ စုစုပိုင်း ( ၃ ) ပိုင်း ဖြစ်သွားတတ်တာမျိုးပေါ့။ ဒီလိုပြဿနာမျိုးကို ရှောင်ကျဉ်ဖို့အတွက်ကတော့ ပမာဏ အပြည့်ရှိတဲ့ ဖိုဒါတစ်ခု ( ဥပမာ - 70MB ) ကို ( ၂ ) ပိုင်း သို့မဟုတ် သူ့ထက်ပိုပိုင်းချင်တဲ့ အခါ သူ့ကို ခွဲချင်တဲ့ ပမာဏနဲ့ စားလို့ ရလာတဲ့ Result ကို 2MB ထပ်တိုးပြီး ခွဲပါ။ ( ဥပမာ - 70MB / 2 = 35 MB , 35MB+2MB= 37MB ) ဒါကြောင့် ပိုင်းရမယ့် ပမာဏက နောက်ဆုံး ရလာမယ့် Result က 70MB ရှိတဲ့ ဖိုဒါတစ်ခုကို အညီအမျှ ( ၂ ) ပိုင်း ပိုင်းချင်တဲ့ အခါ တစ်ပိုင်းချင်းစီမှာ 37MB စီရှိရမှာ ဖြစ်ပါတယ်။

ခုကျွန်တော်တို့ အရင်ဦးတည်ထားတဲ့ ( ၃ ) ပိုင်းပိုင်းတဲ့ အစီအစဉ်ကိုပဲ ပြန်သွားကြရအောင်ပါ။ 66.9 ~ 70 MB ပမာဏ ရှိတဲ့ KznT's songs selection ( 2 ) ဖိုဒါကို အညီအမျှသုံးပိုင်း ပိုင်းနိုင်ဖို့ တစ်ပိုင်းချင်းစီမှာ 24MB = 24000000B ပမာဏစီ ထားရမယ်ဆိုတာကို သဘောပေါက်ပါပြီ။ နောက်ဘာဆက်လုပ်ရမယ်ဆိုတာ ဆက်ကြည့်ရအောင်ပါ။

နောက်တစ်ဆင့် အနေနဲ့ ကိုယ်ပိုင်းချင်တဲ့ ဖိုဒါပေါ်မှာ Right-click ထောက်ပြီး ပုံမှာ ပြထားတဲ့အတိုင်း Add to archive ... ကို သွားပါ။

နောက်တစ်ဆင့် အနေနဲ့ အောက်ကပုံကို မြင်ရပြီ ဆိုရင် Split to volumes, bytes နေရာမှာ ကျွန်တော်တို့ ခုနက တွက်ချက်ထားတဲ့ အတိုင်း 24000000 = 24 + 000000 ကို ရိုက်ထည့်ပေးလိုက်ပါ။ အဲတာ ပြီးလို့ OK ကို ပေးလိုက်ရင် ကိုယ်လိုချင်တဲ့ ပမာဏကို စိတ်ပိုင်းပေးထားတ့ဲ WinRAR part1, part2 ... ဆိုတာတွေရပါပြီ။

OK ပေးပြီးတဲ့ အချိန်မှာ WinRAR ကနေ ကျွန်တော်တို့ စေခိုင်းထားတဲ့ အတိုင်း မူရင်းဖိုဒါကို အညီအမျှ စိတ်ပိုင်းသွားမှာ ဖြစ်ပြီး နောက်ဆုံး ရလာမယ့် Result ကတော့ အောက်ဖော်ပြပါအတိုင်းပဲ ဖြစ်ပါတယ်။ ကျွန်တော်အပေါ်မှာ ဖော်ပြခဲ့တဲ့အတိုင်း မြင်ရတဲ့ ပုံမှာ ဆိုရင် ကျွန်တော်တို့ ပိုင်းခိုင်းလိုက်ချိန်က 24MB ဖြစ်ပေမယ့် ပိုင်းပြီးသွားချိန်မှာ 22.8MB ဖြစ်နေတာကို တွေ့ရပါလိမ့်မယ်။

ဒါကတော့ ရိုးရိုးသာမာန် RAR နဲ့ Split လုပ်နည်းပဲ ဖြစ်ပါတယ်။ နောက်တစ်ပိုင်းမှာ RAR သုံးပြီး Split လည်းလုပ်ရင်း Password လည်း ခံရင်း ဖြစ်အောင် ဘယ်လို လုပ်ဆောင်ရမယ်ဆိုတာ ဖော်ပြသွားပါ့မယ်။

WinRAR နှင့် password ခံခြင်း

တကယ်လို့ ကိုယ် အပိုင်းလိုက်ခွဲပြီး ချုံ့ထားတဲ့ ဖိုဒါကို ပြန်ဖြည်တဲ့ အခါ Password တောင်းတာမျိုး ပြုလုပ်ချင်မယ်ဆိုရင် အောက်ဖော်ပြပါ နည်းအတိုင်း လုပ်ဆောင်နိုင်ပါတယ်။

အောက်ဖော်ပြပါအဆင့်မှာ Split to volumes, bytes ရဲ့ ညာဘက် ဘေးနားမှာ ရှိနေတဲ့ Lock archive ကို အမှန်ခြစ်ပေးပါ။

ပြီးရင် Advanced tab ကို သွားပြီး အောက်မှာ ဖော်ပြထားတဲ့အတိုင်း Set password ကို click ပေးပါ။

အောက်ဖော်ပြပါအတိုင်း Box တစ်ခု တက်လာတဲ့ အချိန်မှာ သူဖော်ပြထားတဲ့ နေရာ ( ၂ ) ခုမှာ ကိုယ်ပေးချင်တဲ့ password ကို ပေးနိုင်ပါပြီ။

ကိုယ်ပေးတဲ့ password စာလုံးပေါင်း မှန်မမှန် - error ပါမပါ ပြန်စစ်ဆေးဖို့အတွက် ဆိုရင်တော့ Show password မှာ click ပေးပြီး ပြန်ကြည့်နိုင်ပါတယ်။ အားလုံး ပြီးဆုံးရင် OK ကို ပေးပါ။ OK ပေးပြီးတဲ့ အချိန်မှာ WinRAR ကနေ ကျွန်တော်တို့ စေခိုင်းထားတဲ့ အတိုင်း မူရင်းဖိုဒါကို အညီအမျှ စိတ်ပိုင်းသွားမှာ ဖြစ်တဲ့ အပြင် ကျွန်တော်တို့ ထည့်ချင်တဲ့ Password ကိုပါ တစ်ပါတည်း ထည့်သွင်းသွားမှာ ဖြစ်ပါတယ်။ နောက်ဆုံး ရလာမယ့် Result ကတော့ အောက်ဖော်ပြပါအတိုင်းပါ။

ရတာတော့ ရပါပြီ။ ဒါပေမယ့် Password တကယ်ပါလာမလာ ပြန်စစ်ဆေးကြည့်ပါဦးမယ်။ Right click ထောက်ပြီး Extract Here ပေးလိုက်ပါတယ်။

ပုံမှာ ဖော်ပြထားတဲ့အတိုင်း Password တောင်းတာကို တွေ့ရပါလိမ့်မယ်။ WinRAR ကို အသုံးပြုပြီး အစိတ်အပိုင်းတွေ ဘယ်လိုပိုင်းမလဲ - Password ဘယ်လိုထည့်မလဲ ဆိုတာနဲ့ ပတ်သတ်ပြီးတော့ ဒီလောက်ပါပဲ။

အားလုံးပဲ အဆင်ပြေကြပါစေ။

KznT.

Paragon Partition Manager 8.0 Boot CD User's Guide

window တင်ထားသည့် hard disk ဖြစ်စေ၊ window မတင်ထားသည့် hard disk ဖြစ်စေ၊ window XP ဖြစ်စေ၊ Vista ဖြစ်စေ partition ပိုင်းဖို့၊ ခုတ်ဖို့၊ ထစ်ဖို့ အဆင်အပြေဆုံးကတော့ Paragon Partition Manager ပါဘဲ။

ကျွန်တော် အခု Paragon Partition Manager 8.0 ကို သုံးထားပါတယ်။ လက်တွေ့ လုပ်ပြဖို့ အသုံးပြုထားတဲ့ စက်၏ hard disk သည် 233GB ရှိပါတယ်။ အဆိုပါ စက်သည် laptop ဖြစ်သည့်အတွက်် recovery partition တစ်ခု ပါပါတယ်။ recovery partition ကို window ပေါ်တွင် မြင်ရမည် မဟုတ်ဘဲ ထိုpartition သည် 13 GB ရှိပါတယ်။ ထိုကြောင့် С: တွင် 215 GB နဲ့ recovery partition တွင် 13 GB ရှိသည်။

အဆိုပါ hard disk တွင် C: ကို 100 GB ထားပါမယ်။ နောက်ထပ် logical partition တစ်ပိုင်း ထပ်ပိုင်းပါမယ်။ ၎င်း partition size ကို 115 GB ထားပါမယ်။ နဂို recovery partition ကို မူလအတိုင်း ထားပါမယ်။ ထိုကြောင့် မူလက partition ၂ ပိုင်းသာ ရှိသော hard disk တွင် partition ၃ ပိုင်း ရှိလာမည်။

အဆင့်(၁) <Hard disk manager ထဲသို့ ၀င်ရောက်ခြင်း>

CD-ROM ထဲကို Paragon Partition Manager 9.0 Professional ခွေကို ထည့်ပြီး အဆိုပါ CD မှ boot တတ်ပါမယ်။ ပုံ (၁) တွင် ပြထားသည့် အတိုင်း မြင်ရပါက normal mode ကို select လုပ်ပြီး enter နိှပ်ပါ။ ယခု အခြေအနေတွင် mouse ကို အသုံးပြုလို့ ရမည် မဟုတ်ပါ။

ပုံ(၁)


ပုံ(၂)

ပုံ (၂) တွင် ပြထားသည့် အဆင့်ရောက်ရင်တော့ mouse ကို အသုံးပြုလို့ ရပါပြီ။ Paragon Hard disk Manager ကို double-click လုပ်ပါ။

အဆင့်(၂) <C: အား resize လုပ်ခြင်း>

နောက်ထပ် partition ပိုင်းဖို့ ဆိုသည်မှာ ရှေးဦးစွာ အဆိုပါ partition အတွက် လိုအပ်သော နေရာကို ပေးဖို့ နေရာ အလွတ်ရှိရပါမယ်။ အခု နေရာ အလွတ်မရှိပါ။ နေရာလွတ်ရရန် C: ကို resize လုပ်ပါမယ်။

ပုံ(၃)

ပုံ(၃) တွင် ပြထာသည့်အတိုင်း C: partition ကို right-click လုပ်ပြီး Resize/Move ကို select လုပ်ပါ။

ပုံ(၄)

C:ကို 100GB ပေးပါမယ်။ ထိုကြောင့် ပုံ(၄)တွင် 2 ပြထားသော (New size ဆိုတဲ့)နေရာတွင် 100 000 ဟု ဖြည့်ပါ။ (ကျွန်တော် အခု ရိုက်ပြထားသလို 100 နဲ့ နောက်က သုညတွေကို ခွဲမရိုက်ပါနဲ့။ တဆက်တည်း ရိုက်ပါ။) အခု ကျွန်တော်တို့ ဖြည့်ခဲ့သော နေရာ၏ နောက်တွင် Mb ဟု ရိုက်ထားသည်ကို သတိပြုပါ။ ကျွန်တော်တို့ ခွဲချင်သော partition ၏ size မှာ GB ဖြစ်သည်။ ထိုကြောင့် MB နဲ့ GB ၏ ဆက်သွယ်ချက်မှာ 1 000MB = 1GB ဖြစ်သည်။ (အခု ပြောသည့် ဆက်သွယ်ချက်သည် အတိအကျ မဟုတ်ပါ။ ) နောက်က 000 သည် Megabytes ကို ကိုယ်စားပြုသည်။ ရှေ့က 100 သည် Gigabytes ကို ကိုယ်စားပြုသည်။

100000 ဟု ရိုက်ပြီးပါက keyboard မှ tab key ကို နိှပ်ပါ။

free space before ဆိုသည့်နေရာတွင် 0 ဟု ဖြည့်ပါ။ ဘာလို့လဲဆိုတော့ ယခု အသစ်ရလာမည့် partition အပိုင်းကို C:ဆိုသည့် partition နောက်တွင် ပေါ်စေချင်သောကြောင့်ဖြစ်သည်။ တကယ်လို့ free space before အောက်က slide bar ကို အဆုံးထိ ဆွဲပေးပါက အသစ်ရလာမည့် partition အပိုင်းသည် C:ဆိုသည့် partition ရှေ့တွင် ပေါ်မယ်။ slide bar ကို အလယ်တွင် ထားပါက partition ၂ ပိုင်းပေါ်လာမည်။ C: ၏ ရှေ့တွင် ၁ ပိုင်း၊ နောက်တွင် ၁ ပိုင်းဖြစ်သည်။

ပုံ(၅)

ပုံ(၅) တွင် ပြထားသည်အတိုင်း apply button ကို click လုပ်ပါ။

ပုံ(၆)

ထိုအခါ ပုံ(၆) မှာ ပြထားသည့် applying changes ဆိုသည့် dialog box ကျလာမည်။ ထိုအခါ yes button ကို click လုပ်ပါ။

အဆိုပါ ပုံ(၆)တွင် 8 pending operations လို့ ရေးထားပါတယ်။ ကျွန်တော်တို့ C:ကို move လုပ်တဲ့ operation တစ်ခုဘဲ လုပ်ထားပါတယ်။ ဘာလို့ 8 pending operations လို့ ပေါ်နေရတာလဲ ဆိုတော့ ကျွန်တော် အခုပြထားသည့် ပုံသည် ကျွန်တော် C: ကို resize လုပ်ခြင်း၊ partition အသစ် ဖန်တီးခြင်း၊ format ချခြင်း စသည် လုပ်ငန်းစဉ်တွေ အားလုံးပြီးတော့မှ apply button ကို နိှပ်ထားသောကြောင့် ပေါ်လာသော ပုံ ဖြစ်သည်။ ထို့သို့ operation များကို စုပြုံလုပ်ခြင်းသည် data ပျက်စီးမှုနဲ့ လုပ်ငန်းအားလုံးပြီးပြည့်စုံမှု မရှိခြင်းကို ဖြစ်စေသည်။ ကျွန်တော် အခု လုပ်ပြခြင်းသည် သရုပ်ပြခြင်းသည် ဖြစ်ပါတယ်။ hard disk ကို တကယ် partition ခွဲခြင်း မဟုတ်ပါ။

ကျွန်တော်ကတော့ operation တစ်ခု (အဆင့် တစ်ခု)ပြီးတိုင်း apply button ကို နိှုပ်ဖို့ တိုက်တွန်းပါတယ်။

ပုံ(၇)

ပုံ(၇) ကိုကြည့်ပါ။ ရလာသော partition C: သည် 100 GB မဟုတ်ဘဲ 97.7 GB ဟုပြထားသည်။ အဘယ်ကြောင့်ဆိုသော် MB နဲ့ GB ၏ အတိအကျ ဆက်သွယ်ချက်မှာ 1 024 MB = 1GB ဖြစ်သည်။ ကျွန်တော်တို့သည် C: ကို 100 GB အတိအကျ ရချင်ပါက ပုံ(၄)တွင် 2 ပြထားသော (New size ဆိုတဲ့)နေရာတွင် 100 000 ဟု ရိုက်ရမည့် အစား 102 400MB ဟု ဖြည့်ရမည်။

ပုံ(၅) တွင် ပြထားသည်အတိုင်း apply button ကို click လုပ်ပါ။ ထိုအခါ ပုံ(၆) မှာ ပြထားသည့် applying changes ဆိုသည့် dialog box ကျလာမည်။ ထိုအခါ yes button ကို click လုပ်ပါ။

အဆင့်(၃) <extended partition အသစ် ဖန်တီးခြင်း>

အထက်က အဆင့်တွေမှာ ကျွန်တော် မြင်သာအောင်လို့ C:ကို resize လုပ်ပြီးသောအခါ partition အသစ်ရလာသည် ဟု ရေးထားပါတယ်။ သို့သော် C: ကို resize လုပ်ပြီးသောအခါ partition အသစ်ကြီး ချက်ချင်းရလာတာ မဟုတ်ပါဘူး။ format မချမချင်း Hard disk က အဆိုပါ partition ကို မသိပါ။ ယခု အဆင့်ကို ဆက်မလုပ်ဘဲ Hard disk manager ထဲက ထွက်ပြီး window ပေါ်မှ အဆိုပါ hard disk ကို ကြည့်ပါက 120 GB လောက် ပျောက်နေပါလိမ့်မယ်။ အကြောင်းကတော့ C: ကို resize လုပ်ပြီး ရလာသော partition ကို format မချခဲ့သောကြောင့်ဖြစ်သည်။

ကဲ… ကျွန်တော်တို့ရဲ့ အဆင့် (၃)ကို ဆက်ရအောင်။ free ဟု ပြနေသော hard disk ၏ partition အပိုင်းပေါ်တွင် right click လုပ်ပြီး create ကို select လုပ်ပါ။ (ပုံ ၈ ကိုကြည့်ပါ)

ပုံ(၈)

နောက်ထပ် အသစ်တိုးသည့် partition ကို logical partition အဖြစ်ထားချင်ပါတယ်။


logical ဘာလို့ ထားချင်ပါသလဲ?

hard disk တစ်လုံးတွင် primary ၄ ခုသာ ထားလို့ ရပါတယ်။ OS ကို primary ပေါ်တွင်သာ တင်လို့ ရပါသည်။ အဆိုပါ အချက်သည် primary ၏ အားသားချက်ဖြစ်သည်။

logical partition ပေါ်တွင် OS တင်လို့ မရပါ။ သို့သော် hard disk တစ်လုံးပေါ်တွင် logical partition များကို (၄ ခုမက) C: to Z: ခွဲလို့ ရပါတယ်။ အဆိုပါ အချက်သည် logical partition ၏ အားသားချက်ဖြစ်သည်။ (C: to Z: ဟု ပြောရခြင်းမှာ A: နဲ့ B: drive letter များကို floppy drive အတွက် ပေးထားရသောကြောင့်ဖြစ်သည်)

logical partition အားလုံးကို extended partition ပေါ်တွင် ထားရပါတယ်။ အဆိုပါ extended partition သည် primary partition ထဲတွင် အကျုံးဝင်သည်။ extended partition မရှိဘဲ logical partition ကို ခွဲလို့ မရပါ။

ပုံ(၉)

logical partition ခွဲရန် ရှေးဦးစွာ extended partition ခွဲပါမယ်။ ပုံ ၉ မှာ ပြထားသလို create partition as ဆိုသည့်နေရာတွင် extended လို့ ရွေးပါ။ New size ဆိုသည့် အောက်တွင် ရှိသော slide bar ကို အဆုံးထိဆွဲပါ။ Ok button ကို နိှပ်ပါ။

ပုံ(၅) တွင် ပြထားသည်အတိုင်း apply button ကို click လုပ်ပါ။ ထိုအခါ ပုံ(၆) မှာ ပြထားသည့် applying changes ဆိုသည့် dialog box ကျလာမည်။ ထိုအခါ yes button ကို click လုပ်ပါ။

အဆင့်(၄) <logical partition အား format ချခြင်း>

ပုံ(၁၀)

extended partition လို့ သတ်မှတ်လိုက်သောအခါ ပုံ ၁၀ မှာ ပြထားသလို logical partition တစ်ခု အလိုလို ရလာပါပြီ။ အထက်မှာ ပြောခဲ့အလို အဆိုပါ logical partition ကို format ချဖို့ လိုအပ်ပါတယ်။

ထိုမှသာ window က အဆိုပါ logical partition ကို သိမှာ ဖြစ်ပါတယ်။ logical partition အပေါ်တွင် right-click နှိပ်ပြီး format partition ကို select လုပ်ပါ။

ပုံ(၅) တွင် ပြထားသည်အတိုင်း apply button ကို click လုပ်ပါ။ ထိုအခါ ပုံ(၆) မှာ ပြထားသည့် applying changes ဆိုသည့် dialog box ကျလာမည်။ ထိုအခါ yes button ကို click လုပ်ပါ။

ပုံ(၁၁)

ပုံ(၁၁)မှာ ပြထားသလို NTFS ကို ရွေးပြီး OK button ကို click လုပ်ပါ။


အဆင့်(၅) <Hard disk manager မှ ထွက်ခွာခြင်း>

ပုံ(၁၂)

လုပ်ငန်းစဉ် အားလုံးပြီးဆုံးပါ၍ Hard disk manager မှ ထွက်ခွာရန် ပုံ(၁၂) တွင် ပြထားသည့်အတိုင်း General menu ကို click လုပ်ပြီး exit ဆိုသည့် sub-menu ကို click လုပ်ပါ။

နောက်ထပ်ကျလာသော menu တွင် shut down ကို ရွေးချယ်ပါ။

*** အဆင့်တစ်ဆင့် ပြီးဆုံးတိုင်း မိမိ လုပ်နေသော operation ပြီးဆုံးပြီ (All operations have done) ဆိုသည့် စာတမ်း မမြင်မချင်း Esc နိှပ်ခြင်း၊ enter နှိပ်ခြင်းများကို ရှောင်ကြဉ်ပါ။ တစ်ချို့ operation များသည် hard disk size နဲ့ data ရှိမှု အနည်းအများပေါ်မူတည်ပြီး အချိန်ကြာမြင့်ပါသည်။ ၁ နာရီ / ၂ နာရီ ကျော်အထိ ကြာတတ်ပါသည်။ မိမိ၏ စိတ်မရှည်မှုအတွက် မိမိ၏ data များ ပေးဆပ်တတ်ရသည်။

ကျွန်တော် ထပ်သတိပေးပါမယ်။ data များရှိနေသော hard disk ကို partition ပိုင်းမည်ဆိုပါက data များကို တခြားနေရာတွင် ရွေ့ပြီးမှသာ partition ပိုင်းသည့် အလုပ်ကို လုပ်ဆောင်သင့်ပါသည်။

Credit >> ကိုဖြိုးမြင့်သိန်း ( Myanmarfamily )