ကျွန်တော် အသိနောက်ကျနေတာလည်း ဖြစ်ကောင်းဖြစ်မယ်။ Facebook က သိပ်မဝင်ဖြစ်တော့ ဘာတွေ ပြောင်းလို့ ဘာတွေကောင်းမှန်းတောင် သိပ်မသိတော့ဘူး။ ဟိုတစ်နေ့ကမှ Facebook ထဲ ခဏဝင်ပြီး လယ်သွားကြည့်တော့ အပင်တွေလည်းသေ - မြေတွေလည်း ခြောက်နဲ့ စိတ်တောင်မကောင်းဘူး :( ပြန်တော့ မစိုက်ဖြစ်တော့ပါဘူး။ အဲ့လိုနဲ့ ဟိုဒီကြည့်ရင်း တစ်ခြား ဘာတွေများ ထူးခြားတာရှိမလဲ လိုက်ကြည့်တာ အကောင့်ထဲ စာတွေတော်တော်များများ ဝင်နေတာတွေ့လို့ ဖွင့်ကြည့်မိတယ်။ အဲ့မှာ Facebook မှာ Email စသုံးလို့ ရနေတာ သိခဲ့ရတယ်။ အဲ့တာနဲ့ ပတ်သတ်ပြီး 12-02-2011, 09:02 AM တုန်းကတော့ Facebook ကအသစ်ပေးတဲ ့ Emailစနစ်ယူမယ် ဆိုပြီး ကိုပေါ်ဦး ရေးပေးခဲ့ဖူးတယ်။ အဲ့တုန်းကတော့ Request an Invitation အဆင့်ပဲ - တကယ်စသုံးလို့ မရသေးဘူး။
ခုတော့ ရနေပြီ။ ဘယ်တုန်းတည်းက စရနေတယ်တော့ ကျွန်တော်လည်း မပြောတတ်ဘူး။ လုပ်နည်းကတော့ မခက်ဘူး။ Facebook ထဲကို ဝင်လိုက်ရင် Home ကိုသွားပြီး Messages ထဲကို ဝင်လိုက်။
သူက ခုလို စကြိုလိမ့်မယ်။
Next ဆက်သွားလိုက်ရင် ကိုယ့် Facebook name ကို အခြေပြုပြီး ကောင်းနိုးရာရာ နာမည်တွေ ပြလိမ့်မယ်။ တစ်ခုမှမကြိုက်ရင် အောက်ဆုံး box မှာ ကိုယ်ကြိုက်တဲ့ နာမည် ဖြည့်လို့ ရတယ်။
တကယ်လို့ ကိုယ်ရိုက်တဲ့ နာမည်က တစ်ယောက်ယောက် ယူထားပြီးသား / သုံးလို့ မရရင် Unavailable လို့ ပြလိမ့်မယ်။ သုံးလို့ ရရင်တော့ Available ပေါ့။ ကျွန်တော် myanmarfamily လို့ ရိုက်ကြည့်တာတော့ ရသေးတာ တွေ့တယ်။ သဘောကျရင် Activate Email ကို ဆက်သွားလိုက်။ ဒါဆို ကိုယ့်နာမည်နဲ့ facebook email တစ်ခုရပြီ။
အဲ့လိုနဲ့ အကောင့်တစ်ခုရတော့ Gmail ထဲဝင် -compose mail တစ်ခုလုပ်ပြီး -@facebook.com ကို ပို့ကြည့်လိုက်တယ်။
ဝင်ပါတယ်။ အောက်မှာ မြင်ရတဲ့ အတိုင်းပါ။
Facebook မှာ တစ်နေကုန် နေလေ့ရှိသူတွေအတွက်တော့ Gmail ကိုတောင် ဖွင့်ဖို့လိုမယ် မထင်တော့ဘူး။ 
KznT.
0 comments:
Post a Comment
TechSectors Blog သည် Mynamar Unicode စနစ်အား အသုံးပြုထားပြီး မြန်မာဖောင့်မရှိသည့် ဖုန်းများ/ကွန်ပျူတာများတွင်ပါ မြန်မာလိုမြင်တွေ့နိုင်စေရန် ဖန်တီးပြင်ဆင်ထားသည့်အတွက် စာဖတ်သူအနေနှင့် မှတ်ချက်ရေးသားလိုပါက မြန်မာယူနီကုတ်စနစ်ဖြင့် အသုံးပြုရေးသားရန် အကြံပြုလိုပါသည်။ အကယ်၍ ဇော်ဂျီဖြင့်သာ ရေးသားလိုပါက http://www.rabbit-converter.org/Rabbit/ တွင် ZawGyi မှ Unocode သို့ ပြောင်းလဲ၍ ဤ ဘလော့တွင် ရေးသားမှတ်ချက်ပြုနိုင်ပါသည်။