တောင်အာဖရိကမှာ သိပ်မကြာခင် စတော့မယ့် ကမ္ဘာ့ဖလား ပွဲအတွက် ဆိုထားကြတဲ့ သီချင်းတွေထဲမှာ ကျွန်တော်ကတော့ Shakira ဆိုထားတဲ့ Waka Waka သီချင်းကို သဘောအကျဆုံးပါပဲ - အဲလိုနဲ့ ဒီနေ့ အဲ့သီချင်းကို ပုံစံမျိုးစံနဲ့ ဆိုထားတာ Youtube ထဲလိုက်ကြည့်ရင်း ဒီ Version လေးကို တော်တော်လေး သဘောကျတာနဲ့ နောက်လည်း ကြည့်လို့ ရအောင် သိမ်းထားဖြစ်လိုက်ပါတယ် - အခု မြန်မာမိသားစုထဲက မကြည့်ရသေးသူတွေလည်း ကြည့်စေချင်တာနဲ့ မျှဝေလိုက်တာပါ - Shakira အရင်တုန်းက အသားတော်တော်ညိုပါတယ် - ခု ဒီသီချင်းထဲမှာကျတော့ ဖြူဖွေးနေတာပဲ - သဘောကျလွန်းလို့ ဘယ်နခေါက်မှန်းတောင် မသိတော့ဘူး ကြည့်နေတာ
ဒီသီချင်းရဲ့ နောက်ထပ် version တစ်ခုမှာပဲ ထူးခြားတာလေး တစ်ခုက Shakira နဲ့ တူတူ မြန်မာမလေး တစ်ယောက် အဲ့ဒီ Waka Waka သီချင်း ထဲမှာ အတူတူ ဝင်ကနေတာ သူက မြန်မာဝတ်စုံလေးနဲ့ ထမီလေးဝတ်ပြီး ရိုးရိုးလေး -
ဒီသီတင်းကို အသိတစ်ယောက် ပြောပြတဲ့ ဆိုဒ်တစ်ခုကနေ သိခဲ့ရတာပါ - အဲ့ဆိုဒ်ကို သွားကြည့်ရင်း မြန်မာမလေး ပါတယ်လို့ ပြောထားလို့ Youtube ကိုလိုက်ကြည့်တော့ တကယ်ပဲ မြန်မာမလေး တစ်ယောက် သီချင်းဆုံးခါနီးမှာ " ကျွန်မတို့က အာဖရိက ပါ " ဆိုပြီး မြန်မာလိုပြောသွားတာ ပီပီသသကို ကြားလိုက်ရပါတယ် - ဒီအောက်က သီချင်းထဲမှာပါ - ကျော်မကြည့်ပါနဲ့ ဖြေးဖြေးချင်း သေသေချာချာ ကြည့်သွားပါ - နောက်ဆုံးနားလေးမှာ တစ်နိုင်ငံချင်း မိတ်ဆက်ပါလိမ့်မယ်။
ဘာပဲ ပြောပြော ကမ္ဘာကသိတဲ့ သီချင်းတစ်ပုဒ်ထဲမှာ မြန်မာမလေး တစ်ယောက်တွေ့လိုက်ရတာ ကိုတော့ တော်တော်လေး ကြည်နူးမိတယ်။ တို့မြန်မာများ ခြေဆန့်သဟ ဆိုပြီး 
ဝါသနာပါရင် Shakira ကသလို လိုက်ကနိုင်ဖို့ သူတို့က ဒီလိုလည်း အကသင်ပေးထားသေးတယ် -
ကျွန်တော်လည်း လိုက်ကရင် ကောင်းမလားလို့ - ကပြီးလို့ Upload တင်ပြီးရင် MF မန်ဘာတွေကို ပြမယ်နော် - အားပေးမယ် မလား
KznT.
0 comments:
Post a Comment
TechSectors Blog သည် Mynamar Unicode စနစ်အား အသုံးပြုထားပြီး မြန်မာဖောင့်မရှိသည့် ဖုန်းများ/ကွန်ပျူတာများတွင်ပါ မြန်မာလိုမြင်တွေ့နိုင်စေရန် ဖန်တီးပြင်ဆင်ထားသည့်အတွက် စာဖတ်သူအနေနှင့် မှတ်ချက်ရေးသားလိုပါက မြန်မာယူနီကုတ်စနစ်ဖြင့် အသုံးပြုရေးသားရန် အကြံပြုလိုပါသည်။ အကယ်၍ ဇော်ဂျီဖြင့်သာ ရေးသားလိုပါက http://www.rabbit-converter.org/Rabbit/ တွင် ZawGyi မှ Unocode သို့ ပြောင်းလဲ၍ ဤ ဘလော့တွင် ရေးသားမှတ်ချက်ပြုနိုင်ပါသည်။