Using Windows Live Movie Maker

Microsoft ကနေ တတိယလိှုင်း လွှင့်ထုတ်မှု အဖြစ်နဲ့ Windows Live Essentials Suite ကို January လက ထုတ်လွှတ်ပြီးခဲ့တဲ့ နောက်မှာ အရေးကြီးဆုံး ပြင်ဆင်ဖို့ လိုအပ်နေတဲ့ အရာတစ်ခု ကျန်ရစ်နေခဲ့ပါတယ်။ အဲတာကတော့ သိပ်ကောင်းလှတယ်လို့ မဆိုသာပေမယ့် အသုံးတည့်လှတဲ့ Windows Movie Maker ပါ။ Microsoft ကနေ အတည်ပြုပြီးသွားတဲ့ Windows Live Movie Maker 1.0 အတွက် နေ့ရက်တွေကတော့ ကျွန်တော်တို့ရဲ့ နောက်မှာ ကျန်ခဲ့ပါပြီ။ ဒါပေမယ့် ကျွန်တော်တို့တွေဟာ မှန်ကန်မြန်ဆန်တဲ့ တည်းဖြတ်မှုတွေနဲ့ အချိန်နဲ့ တပြေးညီ ဖြန့်ဝေမှု ( Sharing ) တွေကို လုပ်ဆောင်ချင်မယ် ၊ နောက်ပြီး Home movies တွေ - ကျွန်တော်တို့ စိတ်ကြိုက်ရွေးချယ်ထားတဲ့ ဓာတ်ပုံတွေအတွက် အရည်အသွေးပြည့်မှီပြီး ထိမိတိုတောင်းတဲ့ ဗွီဒီယိုဇာတ်လမ်း တစ်ခု စတာတွေကို အလွယ်ကူ အလျင်မြန်ဆုံး လုပ်ဆောင်ချင်မယ် ဆိုရင်တော့ အဝေးကြီးကို လိုက်ရှာမနေပါနဲ့။ သူကတော့ Windows Movie Maker ပါပဲ။

အသုံးပြုတဲ့ Users တွေ အနေနဲ့ ဘာတွေ လိုအပ်နေမလဲ ဆိုတာ အစဉ်သဖြင့် ဈေးကွက်ကိုလေ့လာနေတဲ့ Microsoft အတွက် Users အတော်များများ တောင့်တနေကြတဲ့ ကိုယ်ပိုင် Home videos တစ်ခုခု ကိုယ်ပိုင်ဖန်တီးတဲ့ လုပ်ငန်းစဉ်တွေ ဓာတ်ပုံတွေနဲ့ ပေါင်းစပ်ဖန်တီးထားတဲ့ အရည်အသွေးမြင့် ဗွီဒီယိုတွေကို နည်းပညာပိုင်း ဆိုင်ရာ ကျွမ်းကျင်သူတစ်ယောက်ကို အသေးစိတ် တိတိကျကျ သိနားလည်စရာမလိုပဲ အလွယ်တကူ ၂ မိနစ် ၃ မိနစ် အတွင်း သာမာန် အသုံးပြုသူ ကိုယ်တိုင် ဖန်တီးနိုင်အောင် နည်းပညာပိုင်းဆိုင်ရာ ပြုပြင်ပြောင်းလဲမှု ကိုရော တစ်ခြား ကဏ္ဍလိုက် ပြုပြင်ပြောင်းလဲမှုတွေကိုပါ Windows Movie Maker မှာ အသစ်ထပ်မံ ပြုလုပ်ခဲ့ပါတယ်။

Windows Movie Maker မှာ ဘာတွေ စီစဉ်ထားရှိသလဲ ဆိုတာကို အတိုချုံး ပြောရရင် ကျွန်တော်တို့ရဲ့ ဓာတ်ပုံတွေ ၊ ဗွီဒီယိုတွေကို အတူတကွ ပေါင်းစည်းပြီး တစ်ခြားသူတွေဆီ အရည်အသွေးမြင့်မားတဲ့ ဗွီဒီယို ဖိုင် တစ်ခုအဖြစ် ဝေမျှနိုင်အောင် စွမ်းဆောင်နိုင်စေဖို့ ကူညီထားပါတယ်။ အရည်အသွေးမြင့်မားတယ်ဆိုပေမယ့် နည်းပညာပိုင်းဆိုင်ရာ အသုံးပြုရ ခက်ခဲမှု ဆိုတာတွေမျိုးတွေလည်း မရှိအောင် ၊ နည်းနိုင်သမျှ နည်းအောင် စီစဉ်ထားပါတယ်။ ဒီနေ့ ခေတ်မှာတော့ လူအတော်များများ မှာ သူတို့နိုင် အချိန်တိုင်းလိုလို မပြတ်တမ်းဆောင်ထားကြတဲ့ ကင်မရာ ဒါမှမဟုတ် Phone camera ဆိုတာရှိနေတတ်ကြပြီး သူတို့တွေ အလည်အပတ်ခရီး သွားကြလာကြတဲ့ အခါမှာလည်း သူတို့နဲ့ အတူ အဲ့ဒီ့ပစ္စည်းတွေက မပြတ်တမ်းမှတ်တမ်းတင်နိုင်ဖို့ ရှိနေကြပါပြီ။ ဒါပေမယ့် ဒီ အမှတ်တရ ခရီးစဉ်မှာ ပါဝင်လာတဲ့ ကိုယ့်ရဲ့ဗွီဒီယိုထဲက ရုပ်ပုံတွေကို ကျွန်တော်တို့တွေ ဆုပ်ကိုင်နိုင်ဖို့ လွယ်တယ်၊ ဒါပေမယ့် တည်းဖြတ်ဖို့တော့ ခက်နေပါတယ်။ နောက်ပြီး လူအတော်များများက Video Sharing Sites တွေနဲ့ ပတ်သတ်လာရင် အတော်များများ တော်တော်ကြည့်ရ အဆင်မပြေတဲ့ ဥပမာပြောရရင် Youtube လို sites မျိုးတွေနဲ့ အကျွမ်းတဝင် ဖြစ်နေခဲ့တာလည်း ကြာပါပြီ။ ဒီအခက်အခဲတွေ ပြေလည်စေဖို့ Windows Movie Maker နဲ့ ပြင်ဆင်ကြည့်ပါမယ်။

Windows Movie Maker အား အသုံးပြုခြင်း

ဒါဘယ်လိုမျိုးပါလိမ့်လို့ ကျွန်တော်တို့တွေ စဉ်းစားနေစရာ မလိုလောက်အောင်ကို Windows Movie Maker က အသုံးပြုရလွယ်ပါတယ်။ သူ့မှာပါဝင်လာတဲ့ UI က လုပ်ဆောင်ဖို့ ကိရိယာတန်ဆာပလာ စုံလင်တဲ့ Toolbar ( Windows 7 ရဲ့ Paint နဲ့ WordPad မှာ ပါတဲ့ Toolbar တွေနဲ့ အပြင်အဆင်ခြင်း တူညီသယောင်ရှိပေမယ့် Windows Movie Maker အတွက် ထည့်သွင်းထားတဲ့ Toolbar ကတော့ ပိုပြီး အံ့သြလောက်အောင် ပြည့်စုံပါတယ်။ ) ၊ Video Preview Pane နဲ့ Content Pane တို့ပဲ ဖြစ်ပါတယ်။

ကျွန်တော်တို့ ထည့်သွင်းချင်တဲ့ ဓာတ်ပုံတွေ ဗွီဒီယိုတွေ စတာတွေကို Drag ဆွဲပြီး Application ထဲထည့်လိုက်တဲ့ အခါ သူတို့တွေ အားလုံး Content Pane ထဲမှာ အစီအစဉ်တကျ နေရာချ တင်ပြထားတဲ့ ပုံစံမျိုးနဲ့ စတင်မြင်တွေ့ရမှာ ဖြစ်ပါတယ်။ ဒီနေရာမှာပဲ ကိုယ်သဘောမကျတဲ့ စီစဉ်မှုတွေရှိနေရင် အပေါ်ကနေ အောက်ကို ၊ ဘယ်ကနေ ညာကို စသဖြင့် မိမိအလိုရှိသလို Drag ဆွဲ ရွှေ့ပြောင်းပြီး အစီအစဉ်ချလို့ ရပါတယ်။ ဒါတင်မက ကျွန်တော်တို့ရဲ့ ဗွီဒီယိုတွေကို ဓာတ်ပုံတွေနဲ့ အတူတကွ ရောစပ်တွဲဖက်လို့ ရပါသေးတယ်။ ဒီနေရာကနေပြီး တစ်ခြားအသုံးဝင်လှတဲ့ လုပ်ဆောင်နည်းတွေနဲ့ အသုံးချနည်းတွေကို ကိုယ်တိုင်ရှာဖွေဖန်တီးလို့ ရပါသေးတယ်။ သူတို့တွေကို ဘယ်လို အသုံးပြုသွားမယ်ဆိုတာ အောက်မှာ ဆက်လက် ဖော်ပြသွားပါမယ်။

Auto Movie

Auto Movie ဆိုတာကတော့ ကျွန်တော်တို့ရဲ့ ဓာတ်ပုံတွေကို Movies အဖြစ် ပြောင်းလဲတဲ့ နေရာမှာ ကျွန်တော်တို့ပြုလုပ်လိုက်တဲ့ Movies ကို ပညာရှင်တစ်ယောက် လုပ်ဆောင်ချက်နဲ့ မခြား အများသူဌာ ထင်ယောင်မှားစေလောက်အောင် ကွန်ပြူတာ ကနေ လုပ်ဆောင်ပေးမယ့် Features တစ်ခုပဲ ဖြစ်ပါတယ်။ ကျွန်တော်တို့ရဲ့ ဓာတ်ပုံတွေကို Movies အဖြစ် ပြောင်းလဲပြီး နောက်ခံ မိမိနှစ်သက်ရာ သီချင်း တစ်ပုဒ်ကို ထည့်သွင်းဖန်တီး အသက်သွင်းနိုင်ဖို့ လွယ်ကူလွန်းလှတဲ့ အောက်ပါလုပ်ဆောင်ချက်တွေအတိုင်း ဖန်တီးကြည့်ပါ။

• မိမိနှစ်သက်ရာ Folder တစ်ခုထဲကနေပြီး စိတ်ကူးတည့်ရာ ဓာတ်ပုံတိုင်းကို ညာဘက်က Content Pane ထဲ ထည့်သွင်းပြီးတဲ့ နောက်မှာ နောက်ခံ တေးသီချင်း တစ်ပုဒ် ထည့်သွင်းနိုင်ဖို့ ကျွန်တော် အနီရောင်နဲ့ ဝိုင်းပြထားတဲ့ နေရာကနေ တစ်ဆင့် ကလစ်ပေးပြီး ကြိုက်နှစ်သက်ရာ တစ်ပုဒ်ကို ထည့်သွင်းလိုက်ပါ။
• ကျွန်တော်တို့ ထည့်သွင်းလိုက်တဲ့ သီချင်းဟာ ထည့်သွင်းပြီးပြီးချင်းမှာ သီချင်းရဲ့ ကြာမြင့်ချိန်နဲ့ ဓာတ်ပုံအရေအတွက်နဲ့ အံဝင်ဂွင်ကျ မဖြစ်ပဲ ရှိနေတတ်ပါတယ်။ ဒါကိုချိန်ညိှနိုင်ဖို့ ကျွန်တော် အညိုရောင်နဲ့ ဝိုင်းပြထားတဲ့ နေရာကို ကလစ်ပေးပြီး ချိန်ညိှခိုင်းလိုက်ယုံပါပဲ။
• တတိယအဆင့် အနေနဲ့ ဓာတ်ပုံတစ်ခုနဲ့ တစ်ခု အကူးအပြောင်းမှာ Effect လေးတွေကို ကိုယ်တိုင် တစ်ခုချင်း လိုက်ဖန်တီးနေစရာ မလိုပဲ အလိုလို သင့်တော်ရာကို အကောင်းဆုံး ရွေးချယ် ဖန်တီးနိုင်ဖို့အတွက် ကျွန်တော် အပြာရောင်နဲ့ ဝိုင်းပြထားတဲ့ AutoMovie ကို ကလစ်ထပ်ပေးလိုက်ပါမယ်။ ဒီအချိန်မှာ Box တစ်ခု တက်လာပြီး သင့်ရဲ့ Movie ကို အလျင်မြန်ဆုံး ဖန်တီးနိုင်ဖို့ AutoMovie ကို သုံးချင်တာလား ဆိုတဲ့ Conformation တောင်းပါလိမ့်မယ်။ OK ပေးလိုက်ရင် နောက် Box တစ်ခု ထပ်တက်လာပြီး AutoMovie is Done. ဆိုပြီး ပြောပါလိမ့်မယ်။
  

ဒါဆို ကျွန်တော်တို့ ဖန်တီးချင်တဲ့ နောက်ခံ တေးသီချင်း ပါဝင်ပြီးသား Quality မြင့်မားတဲ့ ကိုယ်တိုင်ဖန်တီးမှု Movie တစ်ခု အကြမ်းထည်ရရှိပြီ ဖြစ်ပါတယ်။

AutoMovie process နဲ့ လုပ်ဆောင်လိုက်တဲ့ ကျွန်တော်တို့ရဲ့ အကြမ်းထည် Movie ပြီးဆုံးပြီးသွားတဲ့ နောက်မှာ သူ့ကို အချောသတ်နိုင်ဖို့ အတွက် ပြုပြင်မွမ်းမံလို့ ရတဲ့ တစ်ခြားကဏ္ဍတွေ များစွာ ကျန်နေပါသေးတယ်။ ဓာတ်ပုံ အသီးသီးမှာ ကျွန်တော်တို့ ထည့်သွင်းချင်တဲ့ စာသားတွေ အရောင်တွေ အဲ့ဒီ့စာသား အဝင်အထွက် ပြုပြင်မှုတွေ နောက်ပြီး အချိန်အတိုးအလျော့ ခေါင်းစဉ် အချိန်းအပြောင်း စတာတွေကိုလည်း Windows Movie Maker မှာပါဝင်တဲ့ Toolbar ကနေမှ တဆင့် တစ်ဆင့်ချင်းပြောင်းလဲ လုပ်ဆောင်သွားလို့ ရပါတယ်။ ဘာ အတွေ့အကြုံ ဘာ Experience မှာ မလိုအပ်ပါဘူး တစ်ကြိမ်လောက် စမ်းဘူးသွားတာနဲ့ နောက်အကြိမ်တွေမှာ ( ၂ ) ခါထပ်တွေးစရာ မလိုအောင် သုံးရလွယ်ကူပါတယ်။

Manual Editing

တကယ်လို့ ကျွန်တော်တို့ဟာ ဒီ့ထက်ပိုပြီး Professional ကျကျ ပြင်ဆင်တည်းဖြတ်မှုတွေ လုပ်ဆောင်ချင်သေးတယ် ဆိုရင်လည်း Windows Live Movie Maker ထဲမှာ နောက်ထပ် အသုံးချလို့ ရတဲ့ Function ပေါင်း မြောက်များစွာ ကျန်ရှိနေပါသေးတယ်။ ဥပမာပြောရရင် မိမိကြိုက်နှစ်သက်ရာ စာသားခေါင်းစဉ်တွေ ထည့်သွင်းချင်တယ် ဆိုရင်လည်း ပုံတစ်ခုချင်းစီ ဒါမှမဟုတ် movie clip တစ်ခုချင်းစီရဲ့ တည်နေရာတွေ ဒါမှမဟုတ် သူတို့နဲ့ ပတ်သတ်ပြီး ကျွန်တော်တို့ရဲ့ ခံစားချက်တွေကို အလွယ်တကူ ဖြည့်သွင်းနိုင်ပါတယ်။ ကျွန်တော်တို့ ထည့်သွင်းလိုက်တဲ့ စာတွေဆိုတာလည်း ဘယ်တော့မှ အသေဖြစ်မသွားပါဘူး သူ့ကို မိမိကြိုက်နှစ်သက်ရာ နေရာဆီ အလွယ်တကူ ရွေ့ပြောင်းလို့ ရပါတယ်။ ဒါတင်မက တစ်ခြား နှစ်သက်ရာ fonts ရွေးချယ်နိုင်မှုတွေ၊ transparency ပြောင်းလဲ နိုင်မှုတွေ၊ အဝင်အထွက် အချိန်အကူးအပြောင်း ချိန်ညှိနိုင်မှုတွေဆိုတာလည်း များစွာ ပါဝင်ပါသေးတယ်။

Video transitions နဲ့ ပတ်သတ်လို့ ကတော့ သူက Photo clips တွေလည်း ကောင်းကောင်းတွဲဖက် အသုံးချနိုင်ပါတယ်။ video transitions အမျိုးအစားပေါင်း ခြောက်ဆယ်ကျော်ထဲကနေ ပြီး မိမိနှစ်သက်ရာကို သက်ဆိုင်ရာ Movies တွေ ပြင်ဆင်တဲ့ အချိန်မှာ နှစ်သက်သလို အသုံးချနိုင်ပါတယ်။ တကယ်လို့ ဓာတ်ပုံတစ်ပုံကို ဖန်တီးနေတာ ဆိုရင်လည်း Screen မှာ ဖော်ပြတဲ့ အခါ သူ့ကို ဘယ်လို စိတ်ကူးပုံဖော်မှုမျိုးနဲ့ တင်ပြမလဲ ဘယ်အချိန်မှာ ဘယ်လို zooms လုပ်မလဲ ဆိုတာကအစ အသေးစိတ်ပြင်ဆင်နိုင်ပါတယ်။

Windows Live Movie Maker မှာ brightness control ကိုထိန်းချုပ်ဖို့ အတွက်ကလည်း လွယ်ကူပါတယ်။ Windows Live Movie Maker ထဲမှာ visual effects ပေါင်း ၂၀ ကျော် ပါဝင်ပြီးတော့ ကျွန်တော်တို့သာ အသုံးချချင်မယ် ဆိုရင် Clip တစ်ခုတည်းမှာပဲ visual effects တွေကို ၂ မျိုးမကတွဲပြီး အသုံးပြုနိုင်ပါသေးတယ်။

ဝေမျြှခင်း

လူအတော်များများ ကိုယ်ကိုယ်တိုင်ဖန်တီးထားတဲ့ လုပ်ဆောင်ချက်တွေကို အများသူငါ ခံစားကြည့်ရှုနိုင်ဖို့ ဝေဌရတာ စိတ်ကြည်နူးစရာ ဖြစ်ရပ်တစ်ခု အနေနဲ့ မှတ်ယူကြပါတယ်။ ဒီလိုအပ်ချက်ကို ဖြည့်ဆည်းနိုင်ဖို့ Windows Live Movie Maker မှာ Features တစ်ချို့ပါရှိပါတယ်။ ကျွန်တော်တို့ ဖန်တီးထားတဲ့ လက်ရာကို တစ်ကမ္ဘာလုံးက ခံစားကြည့်ရှုနိုင်အောင် ဝေမျှပေးနိုင်တဲ့ Youtube မှာ High-definition ( 1080p ) နဲ့ ဖော်ပြနိုင်မှာ ဖြစ်သလို ၊ မိမိစက်ထဲမှာ သိမ်းထားချင်တာ မျိုးပဲ ဖြစ်ဖြစ် ၊ DVD အဖြစ် ဖန်တီးပြီး အခြားသူ တစ်ဦးတစ်ယောက်ဆီ ဝေမျှ ချင်တာပဲ ဖြစ်ဖြစ် တစ်နေရာတည်းကနေ လုပ်ဆောင်လို့ ရနေပါပြီ။

Youtube

Microsoft ကထုတ်တဲ့ Windows Live Movie Maker မှာ သူတို့ရဲ့ own video sharing site ဖြစ်တဲ့ MSN Soapbox ကို မသုံးပဲ Youtube ကို ထည့်သွင်းထားတာတော့ အနည်းငယ် အံ့အားသင့်စရာ ကောင်းနေပါတယ်။ ဒါပေမယ့်လည်း MSN Soapbox ဆိုတာ လူသိနည်းပြီး စိတ်မဝင်စားကြတဲ့ နေရာဖြစ်နေလို့ သူတို့ Youtube ကို နေရာပေးလာရတာ သိပ်တော့ မဆန်းလှပါဘူး။ သူက အအောင်မြင်ဆုံး video sharing site တစ်ခုပဲ မလား။

ကျွန်တော်တို့ ဖန်တီးထားတဲ့ Movie တစ်ခုကို YouTube မှာ သိမ်းပြီး ဝေမျှရတယ်ဆိုတာ အပျင်းပြေ ပဲကြီးလှော် ဝါးရသလောက်တောင် မခက်ပါဘူး။ ညာဘက် အပေါ်ထိပ်နားလေးမှာ ရှိတဲ့ YouTube button ကို နှိပ်လိုက်ရင်ပဲ အောက်မှာ ဖော်ပြထားတဲ့ အတိုင်း Box တစ်ခု တက်လာပြီး YouTube Account ကို ဝင်ခိုင်းပါလိမ့်မယ်။ မရှိလည်း စိတ်ညစ်စရာ မရှိပါဘူး။ Account အသစ် ထပ်လုပ်ဖို့ မလိုပါဘူး။ ကျွန်တော်တို့မှာ Google Account ရှိတယ်မလား။ ပုံမှာပြထားသလို ကိုယ့် Google account နဲ့ ကိုယ့်ဘာသာ ဝင်လိုက်လို့ ရပါတယ်။ ပြီးသွားရင် Publish ကိုပေးလိုက်တာနဲ့ Windows Live Movie Maker ကနေ ပထမဆုံးစတင်ပြီး ကျွန်တော်တို့ ဖန်တီးထားတဲ့ Movie ကို Create လုပ်ပါလိမ့်မယ်။ နောက်မှာတော့ သူဖန်တီးထားတဲ့ Movie ကို အလိုလျောက်မှာ YouTube မှာရှိတဲ့ မိမိ Account ဆီကို Upload တင်ပေးပါလိမ့်မယ်။ ကိုယ်ဖန်တီးထားတဲ့ Movie ရဲ့ Length ပေါ်မူတည်ပြီး အချိန်အနည်းငယ်တော့ ကြာမြင့်နိုင်ပါတယ်။

ဒါကတော့ ကျွန်တော် ဖန်တီးပြီး YouTube မှာ တင်ထားတဲ့ Lotus Foundation ရဲ့ စွမ်းဆောင်ချက် တစ်ရပ်ပါ။ ဒီနေရာကနေ ကြည့်ရှုလို့လည်း ရပါတယ်။

KznT.